البآآرت { 63}



يآصآحبي مآعآد لي شيء أدآريه .. *
بيني وبينك مآبقت كلمة عتآآب .. *
و من لا يدآري خآطري ليه أحآتيه .؟!
مآهوب يستىهل شقآ وحرقة أعصآآب .. *
لو كل شيء بخآآطري رحت أسويه .. *
وش عآد بـ أسوي إذآ خآطري طآآب .. ؟!



/\
\/
/\
\/
/\
\/




شمآ : مآعلييه ورآك عرسيين بعدك .. حمدآن ونوـ...( سكتت )
محمد أبتسم : الله يوفقهم أن شاء الله
شمآ مسكت الخاشوق تلعبهآآ
محمد : شمآ لاتحطين فبآآلج أني لين ألحين أحب نورة .. خلاص هيه يآآهآ نصيبهآ وربي يوفقهآآآ .. و أناا مآبطعن أعز رفآجتيه فظهرهم عشآن خآطر قلبي > يقصد عزوز
شمآ تسآندت ع الكرسي وفخآطرهآ ( أنتي مثلي يآمحمد .. ماقدرت أطعن شيخه فظهرهآ عشآن خآطر قلبي )
محمد : و أنتي ؟؟
شمآ أنقبض قلبهآآ .. لفت صوبه : أناا ؟
محمد : هييه أنتي ..
شمآ أبتسمت : ههه شوفيني ؟
محمد : حمدآآآن ؟؟
شمآ تحس محمد يعرف كل شيء .. بس حآولت تتصنع عدم الأهتمام : شفيه حمدآن ؟
محمد : سمعته فالطيآآرة يوم قآآل أنه يحبج
شمآ تبآ تتجآهل هالموضوع .. وتلف بعيونهآ ع المطعم كآمل لانها متأكده لو طآلعت فعيون محمد بيكشف كلامهآآ : حمداان مثل أحمد
محمد أبتسم : ماتبييين تطآلعيني و انتي تقوولين أنه غلاته مثل أحمد ؟؟ خآيفة أكشف كلااامج .. و أنتي لو نيبلج مليون شخص يوقف جدآآمج مآآبيعرف ألي فقلبج .. بس أناا يآ شمآآ حآلي من حآآآلج .. و أعرف أكشف القلووب ألي عانت مثل قلبي
شمآ بشجآعه طآلعت فعينه و بأبتسآمه مصطنعه : ما أدري أنته شفييك تخرف اليوم
محمد : هههههههههههههههههه .. يمكن لأني حآآس من زمآن مآرمسنآ ربآعه
شمآ :خلصت أكل سيد محمد ؟
محمد تسآند ع الكرسي : الحمدلله
شمآ : يلا عيل خلناا نسيير
/
ظهروو من الفندق وسآر صوب الأرض ..
محمد بدآ يخطط فييهآآ وبدوو العمآل يشتغلون ع الأرض ..
محمد : شمآآ تبيين التصمييم سمبل ؟؟
شمآ : أممم سو ألي تبآآه ع كييفك
محمد : انزيين تبيني أضييفلة تصميآمآآت أوربية ع بريطآنيية ولا تبينه عآدي ؟
شمآ : لا أحسن ضيفلة شيء أوربي .. بس مب كله ..
محمد أبتسم : اوووكي فآآهم علييج
/\
\/
/\
\/
السآع‘ـــ‘ه 7 ألا ربع .
الأمااراات
بيت بو حصة ..
نورة من الصبح وهيه عند حصة ..
حصة : أفف أترووووع ما أباا أعرس خلاااص
نورة : عن اليوور أنتي بعد
حصة : نوييير والله يرووع الشعوور
نورة : ههههههههه عآآد للأسف تيربت فييج قبل
حصة : مآآعليه بآآقي شهر وبتنحطيين فنفس موقفيه
نورة طلعت لسآنهآ : أنننننننننننننن أنتي قبل
حصة : ههههههه بتسوون ملجة ولا سيده عرس
نورة : شوو سيده عرس .. خذوه فغلووه ثرهآآ
حصة : هههههههههههههههههههه
نورة : لا بيسوون أونه عقب أسبوعيين
حصة : يعني قبل العرس بأسبوعيين ؟
نورة : يييييب
حصة : اوونج عآد وبتشوفينه ( غمزتلهآ )
نورة : جب جب .. عرسي انتي قبل وفكينآ من صدعتج
حصة : والله مب يآلسه فوق رآسج
نورة : قصورج بع‘ـــد
حصة تنهدت
نورة : يلااا قووومي بدلي ( مسكتهآ من إيدهآ وسآعدتهآ تبدل . .)
/
نورة متلبسه فستآن تركوآآزي و يآ كرستالاات ذهبية .. كآن الميك أب بشكل عآم خفيف .. رآسمه عيونهآ وتحديد بالآيلاينر الذهبي .. ويآ آيشدو تركوآزي فآآتح لونه مآيل للفيروزني ... رآفعه شعرهآآ كآمل ومنزله خصل من قصتهآ ع الأطرآآف ومتلبسه طوق ذهبي ..
*
كآن العرس بسييط وآآيد .. مآعآزميين ألا من أهل حصة و عبود ..
وعآزمين أم عزووز بع‘ـــد ..
/
الساعه 9
أم عزوز كآنت يآلسه فالبوفيه ويآآ أم حمد وخطفت من عدآلهن نورة وهيه مآسكه إيد شوآقي
أم عزوز : نوووورة ؟
نورة لفت صوبهآآ وسآرت توآيهآ
أم عزوز : عنبوه مآتين تسلمين ؟
نورة : السمووحة خآآلوووه بس ما أدري أنهم عآزمينج
أم عزوز تمسح ع ظهرهآ : مسمووحه فدييتج ( لفت لأم حمد ) سلاامة
أم حمد لفت صوبهن
أم عزوز : هذي هيه نوورة خطيبة عزووز
أم حمد تشوفهآ من فوق لين تحت : أخت شمآآ ؟؟
أم عزوز سكتت حست أنه السآلفة بتكبر
نورة عصبت ليش تشوفهآ بالنظرة هذي : هييه أخت شمآ .. شوفيهآ يعني ؟
أم حمد : ههه والله نآسبتي عيل يآ عفرآ يوم ألا هذيلا ( أشرت ع نورة من فوق لين تحت )
شوآقي ترمس نورة : ثووفييهآآ هذي ويآ وييهآ الخاايث
نورة : سكتي حبيبتي ( لفت لأم حمد ) ع ما أعتقد أنه نحن ماغصبنآآ حد أيي يطلب من صوبنآآ .. ولو سمحتي لا أتمين تشوفيني بالنظرة هذي .. أناا لو بحشم .. بحشم عشآن خآآطر أهليه ومابضيع تربيتهم فالمنآقر ويآآج .. ومحشمه عشآن خآلوه عفرآآ ..
أم حمد ترمس ام عزوز : هذآ نسبج يآ عفرآآ ؟
نورة : يسد أنه محترميين عمآرنآ ونثمن الرمسه قبل مانعقهآآ ..
أم حمد : والله قآآلوللي أنه شمآآ مآمربآيه صحح .. مآتنلاااام يوم أنهآ متربية وسطكم ( لفت لأم عزوز ) والله لو أنا منج مآ أتشرف فحد من طرف شمآآ ..
نورة : شمآآ تشرفج وتششرف ألي أعلى عنج .. تدنين من قيمة النآآس وتدوسين ع كرآمتهم عشآآن الفلوووس و الملااايين
أم عزوز تشوف نورة وهيه مبتسمه .. ولفت لأم حمد : سلااااامة .. مآله دآعي هالكلاام .. أناا وولديه مآنشوف النآس من فلوووسهم .. يسد أنهآ لين ألحين محشمة مني ولا قآلتلج كلمة تهيينج
أم حمد نشت : وفووووق كل ألي قآآلته وبعدهآآ مآقآلت شيء يهييييني .. ( روحت عنهن )
أم عزوز : مآعليج منهآ يآ نووورة ..
نورة أبتسمت : لا عآدي خآلوووه مآتضرني كلمة الحآقد ..
/\
\/
/\
\/
ع السآع‘ــــ‘ه 11 دخلو عبود ع حصة ..
وشوآقي متخبله وتنعش
عبود مسكهآ : شو أسمج ؟
شوآقي : انآآ ثوآقي
عبود وآيههآ وبآسهآ ع خدهآ وهوه يرمس حصة : منهو هذي ؟
حصة : بنت خآآلي
شوآقي : أناا العلوووووثة
عبود : ههههههههه .. حصوووه قوووومي هيه العرووووس
حصة : .......................................
شوآقي : عآآدي مب لااااذم تدولهآآ. . حدني أناا عدآلهآ وخللاااث .. أنته خذ 2 علوثتيين
عبود : والله فكرررررة
حصة : و أنته امره تصدقك كلام هاليآهل ؟
عبود : ههه توج مستحيه ومآترمسيين .. يآآخي حبيتهآ هالبنت .. هييه نصيير الريآآييل .. عآدي عندهآ لو ثنى ولا خذ 3 ولا 4 .. مب مشكله
شوآقي : أناا كنت أباا غووول .. بث خلااث يوم أنته تبآآني أناا بخذك عثان ماتثيح
حصة : أوووووووونه ألي يقول ميت عليييج
عبود : ههههههههههههههههههههههههه فدييييييت القنوووعين بس
/
أم سيف ترمس نورة : نوييير سيري هاتي شوآقي فضحتنآآ .. متفيزرة عندهم من أول مادخل المعرس
نورة : لا والله شقآيل أسيير و أسحبهآآ من بين إيديييينه
أم سيف : نويييير فضحتنآ لحقي يآلسه عدآل حصة
نورة : هههه لا أستحي .. بعدين بيخبروون ريلي علييه .. نسيتي أنه حمآتي هنيه ( تأشر ع أم عزوز )
أم سيف : ههههههههههههههههههههههههههههههه
/\
\/
/\
\/
اليوم ألي بعد‘ه ..
السآع‘ـــ‘ه 10 الضحى ..
توقيت لندن ..
شمآ مآدآومت اليووم لأنهآ كآنت تشوف تخطيطآآت الأرض ويآ محمد ..
هآيدي كآنت تتلبس بتسيير المحل ..
شمآ : مب جنج سآيرة متأخرة اليوووم ؟
هآيدي : إييه لك ما اناا تعودت عليكي أنتي تفيأيني بكيير لحتى روح للمحل
شمآ : عآدي حبيبتي أنتي المدييرة مآبيضرج شيء
هآيدي : يلا بدك شيء أبل ما روووح ؟؟
شمآ : سلااامتج
هآيدي وهيه تتأكد من فونهآ دآخل الشنطة فجت البآب بتظهر من الجنآح تلاقت ويآ نآدر : صبآح الخيير
نآدر : صبآآح النووور .. هآآ متأخرة ؟
هآيدي : شو بنآ نآعمل بنتكل ع شمآآ وهيآ لآحالى مافأأت بكيير ( تشوف الصندوق ألي بين إيدييين نآدر ) شو هيدآآ ؟؟
نآدر : عن اللقآفة .. سيييري أنتي لا تتأخرين .. عن تصرطج جولييت
هآيدي : هه مآفشرت عييينآ لحتى تبلعني .. إييه لك هيآ مآبتنبلع .. من وين لوين لحتى تبلع خلق الله
نآدر : ههههههههههههههههههههههههههههه
هآيدي سآرت عنه .. ونآدر دق البآآب ..
شمآ عرفت أنه نآدر سآرت تتلبس شيلتهآ وفجت البآآب
نآدر : صبآآح الخييييير
شمآ : صبآآح النوور
نآدر : لج هديه
شمآ عينهآ ع الصندوق : من منهو ؟
نآدر : ما أدري .. دقولي ع المطآآر وكآنو كآتبين عليه أسمج
شمآ كآنت بتآخذه : هآته عنك
نآدر : لا أناا بهبطه لج .. أخااف فييه شيء
هبطه نآآدر وحطه فالصآآلة
شمآ قربت منه : عليه الاماان ؟
نآدر : شمآ خليني أناا ألي أفتحه عننج .. يوم بتأكد أنه مآبيضرج بخليج تشوفينه
شمآ هزت رآسهآ بـ لا : لا رووحي بفجة ( قربت إيدهآآ منه وهيه ترتجف .. تحس أنه شيء بيصيير .. وفخآطرهآ : من منهو هالصندوق ؟؟ وليش أصلاً يآيبنه ) تشجعت وفجته وهيه مغمضه عيينهآآ .. فتحت عيونهآ وهيه تشووف ألي فالصندوق وفجأة لفت رآسهآآ الصوب الثآني وهيه تزآوع
نآدر تروووع وقرب من الصندوووق و ع طوول سكرة
شمآآ بأشمئزآز : من منهوو هالصندووق ؟
نآدر : والله يآ شماا ما أدريييييبه .. لو أدري بألي مطرشنه جآن مصعت رقبته
شمآ ردت تفتح الصندوق مره ثآنيه من بعد ماكان مسكرنه نآدر
( الصندوق كآن فيه قطووة سوودآ وعيونهآآ حمر .. مييته .. والدم من حوآلييهآآ و محطوط ورقة ع ثمهآآ )
شمآ وهيه تتنفس بقوو ولايعه جبدهآآ .. قربت إييدهآآ بتآخذ الورقة
نآدر صرخ عليهآ : لاااااااا
شمآ فزت ولفت صووووبه
نآدر قرب إيده وخذ الورقة وعطآهآ شمآآ
شمآ وهيه مسكرة خشمهآ : شلللللهآآ وفررررررهآآ منيييه
نآدر : ااوووووكي ( ظهر نآدر وهوه شآل الصندوق .. )
/
شمآ تسآندت ع الكرسي وهيه تقرأ المكتوب
( هههههه حلوووه الهديه صحححح ؟؟ فـ البدآآيه قلتلج لا تدخلين السوق وعاندتي ودخلتي .. قلتلج لا تشآركيين فصفقآآت وشآركتي .. قلتلج سحبي أسمج من السوق و رفضتي .. تحملي ألي بييج مني .. و هذي هديييه بسيييطة عشان ترضين عناادج .. و إذآآ مآسويتي ألي أبااه أبشري بهدية كل يووم لج مثلهآ و أقوى بع‘ــــد .. عشآآن ماتطآولييين عليييه .. بو حمد ( رآشد حمدآن الــ.... ) – عدآله بصمته بالدم )
شمآآ وهيه مركز عيونهآ ع الورقة .. شلللتهآآ وودتهآآ للمطبخ وحطتهآ فوعآء وشغلت الولااعة حرقتهآآ وفرتهآ دآآخل
/
نآدر دخل عليهآ :شوفيهآ الورقة ؟
شمآ : ..........................
نآدر : شوووفيها ؟
شمآ قآلتله
نآدر ترووع ع شمآ : خآيفة من تهديده صحح ؟ مآتنلاميين .. الحركة هذي مب شويه
شمآ يلست ع الكرسي الدآيري ألي فبدآية المطبخ : لأ ..
نآدر لف صوبهآآ
شمآ : مب خآيفة من تهديييييده .. بس كيييييف قلبه يطآآوعه يجتل هالبهييمه عشآن يوصل كلاامه لي ؟؟ لا والقهررر غرس صبوووع إيييده فدمهآآ .. بصصصم ع التهديييد بدمهآآ
نآدر : أمثآآل بو حمد مآلهم لاذمه ولا ضمييييير .. مآيرحموون النآآس .. تبينه يرحم بهييمة
شمآ نشت : كااان يقدر يوصل تهديييده ليي ويه بويه ..
نآدر : سوآ جذيه عشآن يرووووعج
شمآ دخلت حجرتهآ وقفلت البآآآب .. ليين ألحين لايعه جبدهآ من شكل القطوة .. خص عيووون القطوة كآآنن مركزآت ع شمآ اول مآفتحت الصندووق .. بو حمد كآن حآسب حسآآبه .. عشآن جذيييه خلى عيوووون القطوووة فمكآآن رئيسي يخلي شمآآ أول ماتفتح الصندوق تلتقي عيينهآآ بـ عييين القطووة ..
شمآ يلست ع الشبرية : ليييش بالذآآت قطوة سوووودآآ .. وليش عيووونهآآ حمر وسآيح دمهآآ ؟؟ ليييش بصم بدمهآآ ؟؟ ( قربت من التوآلييت وهيه عآقده حوآيبهآ ) أنته ألي بديييييت المشاااكل يا عمي .. و أنته ألي تحمل ألي بييك مني .. والله ( وبتهديييد ) والله بندمممك يآآعمي ع السآعه ألي فكرت فيهآ أنك تحط رآسك برآسي
/\
\/
/\
\/
صوب محمد كآآن يجهز أغرآضـ‘ه بيرد الأمآآرآآت ..
دخل عليه نآدر
نآدر : هآ بو جسيم بتخلينآآ ؟
محمد : بعد شو أسوي أماايه و أخوآني هنآآك
نآدر : يآعيني ع المحبووب
محمد : هههههه .. حليله أحمد من متى غآثنه مخلنه أييلس عندهم
نآدر : لا مآعليك أحمد مآشيء شرآته مآآبيقول شيء ..
محمد : عيييل وين شمآ ؟
نآدر : أممممممم ( نزل رآسـ‘ه )
محمد : شفييك نآدر ؟
نآدر لف عنه : ماشيء ماشيء
محمد مسكه ولفه صوبه : شفييك ؟ شمآآ فيهآ شيء ؟؟
نآدر : اليوم أتصلولي المطآر وقآلولي ...... ( خبره بالسآلفـ‘ه )
محمد عض ع شفآيفه : هذآآ كيف يسوي جذيه ؟
نآدر تنهد : والله خآآيف ع شمآآ
محمد وطى شنطته ع الدعنه وظهر .. سآر جدآم جنآآح شمآ وهوه يدق علييهآ
/
فنفس الوقت شمآآ كآنت سآيرة المطبخ .. سمعت دق ع البااب .. عدلت شيلتهآ وفجته .. شآفت محمد وآقف جدآمهآآ
محمد : بغييتج فسآلفة ؟
شمآ خوزت عن البآب : حيآآك
محمد دخل وشمآ ورآه
شمآ : شفيك ؟
محمد لف صوبهآ : قوومي زهبي أغرآضج
شمآ تشوفه وهيه عآقده حآيبهآ : أغرآض شوو ؟
محمد : بترديين ويآيه الأماارااات
شمآ : هه ليييش أرد ويآآك ؟
محمد : شمآ أناا خآيف علييج من عمج .. و أنتي بنت روووحج هنيه مآلج ظهر فالغربه هذي
شمآ : عمي مآبيروم يسوي شيء .. لو يبآآ يضرني جآآن ضرني من زمآآن .. بس هووه يحآآول يخوفني ويستميلني بأني أرضيييه و أسلمه نفسي
محمد قرب صووبهآ : طززز فالفلوووس جآن بتعيشج هالعييشه .. خلااص خلي هالشركة و ردي الامااراات أشتغلي هنااك .. و أناا مستعد اأسسلج شركة من يد ويديد و سوي فيهآ ألي تبيينه ..
شمآ : إذآ ع الشركة فالأاأماارات أقدر أفتحهآ روحي يآ محمد .. بس أناا ما أبا أخون ثقة أبوية فيني .. هووه موصي ع أني أرد الشركة .. و أفتحهآآآ و أشتغل فيهاا .. ليش تحسسوني أني مسويه غلط (( يلست ع الكرسي )
محمد يلس مجآبلنهآآ ع الطآآولة جدآم الكرسي ألي يآلسه فيه شمآ : أنتي مب مسويه شيء غلط .. بس شمآ والله خآآآآيف عليييج ..
شمآ : ما أباا أخسر التحدي ألي بيني وبين حمد ..
محمد : بتأسسين شركة ثآنية فالأاماراات وتحديه عليهآآ وسوي ألي يرضيج
شمآ وقفت : لاـآآ. . أنا تحديته فالغربة .. تحديته ع أني أقدر أأسس و أنجح روحي بدون محد يسآعدني .. لو ردييت الامااراات بيحط فبآله أني خسرت نص التحدي .. ومآرمت أكمل شغل الشركة روووحي ..
محمد رد رآسه لورى : شمآآ فهمييييينيي ..
شمآ : فآهمة كل شيء .. أناا أبا أتم هنيييه ..
محمد عصب عليهآ ووقف وصرخ فوييها : مااا أبااااج تكووووونيين بعييده عني .. فهمي خلااااص .. لو تمييتي رووحج هنييه بيضرج .. والله بيستقوى علييييج
شمآ أبتسمت : مآبيقدر يسوي شيء ..
محمد : ولو مره تنآزلي عن غرووورج .. عشآن مصلحتج
شمآ هزت جتفهآ : ما أقدر
محمد تنهد : خلااص اناا مسآفر الأمااراات عيل .. بس دخييييلج شمآ طمنيني عليج .. ولو سوى أي حرركة خبريني .. أنآآ ألي بوقفة عند حدة
شمآ هزت رآسهآ بإيجآب : اوووكي ..
محمد : شيء فخآطرج قبل ما أروح ؟؟
شمآ : سلاـآمتك .. سلّم عليهم ..
محمد أبتسم : يبلغ أن شاء الله .. فدآعة الله ( ظهر عنهآ وفخآطره .. أنا كيف قلتلهآ هالكلاام ؟! ( ابتسم ) بتميين شمآ العنيييد‘ه ><" .. )
/\
\/
/\
\/
بيت بو عزوز ..
السآع‘ـــ‘ه 8 الصبح ..
الأمااراات ..
بيت بو عزووز ..
( الصآلة ع طآولة الاكل .. عزوز .. بو عزوز .. أم عزوز )
بو عزوز : شو العرس يآ عفرآ ؟!
أم عزوز : زيين .. ( تشوف عزوز ) عقبآآلك
عزوز أبتسم : كح كح آآميين
بو عزوز : ههههههههههههههههههههههههه
أم عزوز : والله يآ زآآيد لو تشووووف نوورة أمس .. كبرت فـ عيني
عزوز يلس عدآل أمهآ : حي الله عفآآري .. شو أستوى ؟!
أم عزوز : سلامة حرمة رآشد كآنت تنقد فـ نوورة و شمآآ .. وتقولي مآعرفتي تنآسبين .. وقفتلهآآ نووورة وردت عليهآ هذآك الرد ..
بو عزوز : وآآبووووي .. ترد ع وحده أكبر عنهآ ؟ ><"
أم عزوز : لا عااد .. الظلييمة شينة يآ زآآيد .. البنت أمره مآعقت كلمة تهين سلامة .. ولا قآآلتلهآآ ألا ألي كآن لازم تسمعه .. سلامة روووحها قآمت تعق فالبنت و أخلاقهآ وتربيتهآآ
عزوز : انزين أماايه و شو سوت كملي ؟
أم عزوز : قآلت ....... ( لقطت كم كلمة قآلتهن نورة مع زيآدة شويه بهآرآت حريم تدرون عآد هههه )
عزوز طآح فحضن أمه : وآآآفوووووديييييت حرمتيه بس
بو عزوز : والله يا انهآ بنت ينشد فيهآ الظهر .. و أم حمد مب زيين عليهآ جذآ ترمس البنت .. منهو ألي منآسبنهآآ نحن ولا هييه
عزوز : والله صدق .. قآبضه رآسهآ بلا وييع
أم عزوز : ترآهآآ تبآآ عزووز يآخذ بنتهآ حمده
عزوز فج حلجه : ياا سلااااام الكل يبآآآآني .. أشوف قآم تمصيع عليييه
بو عزوز + أم عزوز : هههههههههههههههههههههههههههههههههههههههه
بو عزوز : ترآآه يقووولوون آخر الزمن بيصيير مخآبط ع الريآآييل .. كل ريآآل بيتضآربن عليه 40 حرمة
عزوز أنسدح ع ريول أمه : لاااا أناا أباا نوآآآآآآآآري وبس
بو عزوز بمغآيض : عفرآآ مآفينآ ع الملجة .. بنسويهآآ ربآآعه ويآ العرس ( غمزلهآ )
أم عزوز : هييييه صدقك .. خلها مره وحده
عزوز نش : لاااااا والله جآني من متى أعد ع صبووع ريولي و إيدييه و أنتوو تبون تخلون الملجة ويآ العرس
بو عزوز : مآآفيني ع العبآآله .. كلهن مره وحده
عزوز : ترآه لو مآملجت بخطفهآآ .. و أنتو عآآد رقعوو السآلفة جدآمهم
أم عزوز : هههههههههههههههههههههههه لا يا أبووك عن الفضآآيح .. بتملج هههه
بو عزوز : ههههههههههههههههههههههههههههه
/\
\/
/\
\/
بيت بو حمد ..
الساعه 10 الضحى ..
الصآلـ‘ه ( يزووي .. أم حمد )
أم حمد : أمج بتي العزيمة ولا ؟
يزوي : ما أدريبهآ عمووه
نزلت حمدووه من فوق وهيه متلبسه عبآتهآآ
أم حمد : ع وييييين ؟
حمدوه وعينهآ ع يزوي : بسيير الجامعه .. تتحسبووني عطاليه بطآليه شرآت هذي ( أشرت ع يزووي )
يزوي : عدآآآل عآد ألي يقول تسيرين تدرسين .. مآجنج .. ولا أقول خليني ساكته
حمدوه : ليييش حبيبتي تسكتيين .. لا كملي
يزوي وقفت : حمدووووه لاتتنرقشين فييني .. نفسي وآصلة لين خشمي هب نآقصتنج
حمدوه دزتهآ من جتفهآ : وشوو ألي منطرنهآ لـ خشمج ؟ جآن مب عآيبنج ( وقفت عدآل البآب ) البآآب بيفوت جمل يا أختي
أم حمد : حمدووووووووه وقص يقص هاللسآآن .. مآتعرفين تحطينه فلهآتج وتنطمين
حمدوه : ولييش أنطم ؟ يعني هيه أتهيني و انا أسكت عنهآآ .. ولا عاد خلاص حرمة حمد ولحد ينآغييهآآ
أم حمد : حمدووه يا تنجلعييين جآمعتج ولا تنزربين فحجرتج
حمدوه وعينهآ ع يزوي : ولييش أنزرب فحجرتيه .. البيييت بيت أبوويه وكيفي أيلس وين أبااا .. أونه يرووغووني عشآن الست هآنم تتمردغ فالمكآن ألي تبآآه .. يآعمي انجلعي بيتكم مآآنبآآآج
أم حمد قربت صوبهآ وصفعتهآ طرآق : جب ولا كلمة زيآآآده
حمدوه بعدت عنهآ : أناا تصفعيييني عشآن هآآآآي ألي عااقه عمرهآ ع حمد
يزوي وبأبتسآمة خبث : أناا ما جبرت أخووج يآخذني
حمدوه فرت شطنتهآآ : أناا بعللللمج .. منهو حمده بنت رآآشد ألي تنصفع عشآن خآطر وحده ( ركزت عيونها ع عيون يزوي ) شرآآآآتج
يزوي أدقدق ع جتفهآ : بنشوووووف بنشووووف ( وسآآرت فوووق وهيه أدق لـ حمد )
/
أم حمد : سمعي حمدووه أن شفتج حآطة دوبج من دوب بنت خآلج ترآه والله مآتلومين ألا نفسج ..
حمدوه وهيه تشوف أمهآآ وسآرت فووق
/
السآع‘ـــ‘ه 12 ..
بيت غآآنم ..
حجرة شوييخ ( شويخ .. غآيوه .. نورة )
نورة : ألحيين دآقتلي و مروعتني بس لأنج مآحصلتي صآآلووون للحنآ و الشعر و المكيآآج ؟
شويخ : أفففففف وهااي تتحسبينهآآ سهله .. شووفي مابآآقي ألا كم يوم و انا حضرتيه مب عااارفة شو أسوي
غآيوه وآقفة ع الكرسي ومآسكة فون شوييخ وهيه تعلق : طبعاً طبعاً و الأآنسة شويخ تدمع .. ايوووووواا عاااش لاااا يااااشويخ لا تسقط أمسكي بهآآآآ ولكن أخخخخخ لقد سقطت الدمعة .. والآآن تأخذ بهآ عوير إلى أحضآنهآآ وتهدأ من رووعهاا .. أيوااا يا نوييير أكملي .. أكملي تهدئة .. ووجدنآآآآآآ الحلل ( صرخت ( وجدته عوير )
نورة ترمس غآيوه : جب انتي ( ترمس شويخ ) وبس مآيبآله كل هالعبآلة .. بنتصل ع أي صآلون للعرآيس وخلصت السآلفة .. أنتي روحج مسويه من الحبة قبه
شويخ : مآبيطيعوووون ألحييين .. أقولج ماباقي ألا كم يووم شفيج ماتفهميين ><"
نورة : انزين وشو يعني بآقي كم يوووم ؟؟ ترآج ألا بتعرسيين حبيبتي أطمني
غآيوه تكمل تعليق : نعم يا شويييييخ ستنقلعييين من هذآ المنزل و ستعرسين بالأهبل حمدااااان
نورة : غآآآيوه أنطبي يآآآخي صدعتي رآآآسي
غآيوه خذت مخده من على الكرسي وفرتهآ ع نووورة : أنتي يآآ شمطآآء أستقبلكي في بيتي و تنآزعينني
نورة : والله لو يدريبج سيبآويية و أنتي مخرفة باللغة جآن زنطج
غآيوه : وما شأنه هذآ الخسف ليشتط
نورة : لا حوووووول
شويخ : طببج منهآآ . هذي لا بتفيد ولا بتضر
غآيوه : يآآبقرررره أصمتي
شويخ عصب : غآآآآآآآآآآآآآآآيوووووووه مب نآآآآقصتنج قوولي رمسة زينة ولا انجلعي
غآيوه : سأنقلع .. قلعك أبليس من جهنم
شويخ : وعققققج فيها قولي آآآميين
غآيوه سآرت صوبهآ وفرتلهآ فونهآ : جآآني ادعآآلج و انتي تدعين علييه .. مآلت عليج .. صدق أنه الله يعيييينه حمدآن يوم بيآخذ وحده شرآتج .. بقره .. هبله .. خسفة
شويخ صرخت : غآآآآآآآآآآآآآآآآآآآآآآيووووووووووووووووه
/\
\/
/\
\/
بيت بو حمد
السآع‘ـــ‘ه 4 العصر
كآن حمد توه رآد من الشركة ..
سآر صوب قسمه وحصل يزوي يآلسه ع الشبرية و تهز بريلهآ من الضيييجة
حمد دخل : هلااا حبيبي فيج شيء ؟
يزوي وقفت وبضيجة : لوووو ماااااييييت بعدك
حمد يعق سفرته ويفج عقم كندورته : لا حوووووول ولاقوة ألا بالله .. شفيج يزوي دومج ألا زعلانه وفآتنه
يزوي : ما أبااا أعيش فالبيت هذآ
حمد طآلعهآ وهوه عآقد حوآيبه : وليش ؟ مب عايبتنج اليلسه فـ بيت أبويه ؟
يزوي : و أختك تخلي الوآآآآآحد يتهنى فيلسسته .. وبعدين أنته قلتهآ بلسآنك هذآ بيت أبوك .. يعني مب بيييتك .. أنا مب متحملة كل يوم والثآآني نغزآت من حمدوه وتقولي والله بيت أبويه و أسوي فيه ألي أبااااه
حمد : شووو سوت ؟
يزوي قآلتله السآلفة
حمد : سكتي عنهآ .. هذي مآبنروم أنآغيهآ ألا بتسير تتشكى لأبويه
يزوي قربت منه وهيه تبطل عقم كندورته : انزين ترآني أقوولك خلنآ نظهر من البيت ونعيش مرتآحيين أنا ويآآك وبس
حمد : ما أقدر أخلي أبوويه رووووحه
يزوي عصبت : أوووووهووو مره تقووولي أبويه .. ومره تقووول الشغل .. و أنا مب عارفة من وين ألقآهآآ من أختتتك ولا من بنت عمممك
حمد لف صوبهآ : ردييييينآآ ( وهوه مركز عيونه ع يزوي ) رديينآآ ع بنت عمي ..
يزوي : أفففففففففففففففف
حمد مسكهآ من إيدهآ ويلسهآ ع الشبرية : يعني أنتي متضآيقة من حمدوه .. ألحين شمآ شو يخصهآآآ .. فهميييني
يزوي : ماااا أدري ما أدري .. حموود أنا ما أباا شيء يفرقنآآ . نبآ نتم ربآآعه
حمد : انزين ترآنآ ربااعه
يزوي : بس أناا مب متحلمة أيلس فـ بيت تيني النغزآت منه فكل صووووب
حمد : سوي طآآآآف وصدقيني حمدوووه بتمل روحهآ وبتسكت عنج .. أنتي مآتدريبهآ هيه أدآني حد يرآدهآ عشآن تزييييد المشكلة .. خلج هآدية ويآهآآ وقهريهآ بسكوتج ولا ترمسينهآآ
يزوي : ما أقدر أسكت عن حقي
حمد تنهد : تعببببت والله تعبببت أسآآآآيس .. أنتي من صوووب .. و حمدوه من صوب .. حبيبي يزووووي خلج أعقل عنهاا ولا تتنرقشيبهآآ
يزوي نزلت راسها : اوكي
حمد أبتسم : هييه هذي يزوي ألي أعرفهآآ
/\
\/
/\
\/
بع‘ــد 3 أيآآم ..
( اليوم عرس حمدآآن .. )

بيت بو أحمد ..
حجرة نورة ( نورة .. أحمد )
أحمد : و انتي ليش مآتتحنيين ؟؟
نورة : عن العبط .. هذآ سؤآل ألحين
أحمد : شوو ؟ صدق ليش مب متحنيه ؟
نورة : لو تحنييت ألحين .. بيستوي لونه بآهت يوم الملجة .. ويوم العرس بتكون فيه صبغة من الحنآآ
أحمد : انزين تحني للعرس من ألحيين .. يمكن تلقين الحنآ رخييييييص
نورة : شو قآآآلولك زوووولة تتحنى فالأسبوع عشر مرآت
أحمد بمكر : عن اليور الأسبوع فيه 7 أيآم بس
نورة : عآآد أنته لازم أدقق .. بالله عليييك تعرف شو جذر الـ 49 عشآن تعرف كم فالأسبوع وحنآ الزولات ههههههههههه
أحمد : هيييييه أعرف .. جذر الـ 49 هن أيآم الأسبوووووع
نورة : يا شااطر
أحمد : أح‘ـــــم .. وحيآتج تعليم أستآذ حمدي
نورة + احمد : هههههههههههههههههههههههههههههههههههه
/\
\/
/\
\/
صوب شمآ ..
كآنت وآصلة الأمااراات الصبحح ..
بس ع طول سآرت الفندق تريح ومحد درآبهآآ يوم وصلت ..
السآع‘ــــ‘ه 2 ونص الظهر نشت وهيه كل الكسل و التعب فيهآآ ..
سآرت تبدل و دقت لـ نورة
/
نورة : هلااااا والله .. بألي نووور دآر بو سلطآن
شمآ : هههههه اليوم مآغآفلتج شفتي الرقم شكلج ههه
نورة : هيه حبيبتي كل يوم تبيني أطيح فـ مصيدتج .. ههههههههههه
شمآ : انزين نويير انا مستعيلة .. طرشيلي رقم أي كوآآفييرة
نورة : اووووكي أنا ألحين فالصآلون بس يشوف كم وحده جآن بين عندج
شمآ : اوووكي
نورة : وتبين مكيآآج ولا بس شعر
شمآ : هييه أكييد أبااا شو هالعبط
نورة : هههههههههههه اووكي بشوفلج ألحين
شمآ : يلا بآآي .. عطيهآ رقميه يوم بتوصل الفندق خليهآ أدقليه
نورة : اووكي بآآي > سكرت ..
/\
\/
/\
\/
نص سآعـــ‘ـــه ألا طرشتهن نورة لـ شمآآ ويلست تتعدل ع السآع‘ـــ‘ه 7
/
أمون كآنو يستشوروون قصتهآآ : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآي
الكوآفيرة : شوبيكي يا ماما ؟؟
نورة : يعللج النطع يالخآآيسه .. شعندج ؟ يلا أخرتيينآآ اونه نحن خوآت المعرس ومب وآصليين الصآلة لين ألحين ..
أمون وهيه منكسه رآسهآ : ماا أبا أستشوآآآر أففففف قطعت شعريه يعلج السم خوزي عني ويا أستشوآآرج هذآ بلغبه هالمتن .. من أصبح وهوه ينآفخ عليييه
نورة : خليهآآ تعدل قصتج بس وفكينآآ
أمون : حششششى .. قطعت شعرييييه من متى وهيه تيرفه أفففففف
الكوآفيرة : يآعمي بس دقآيق وبدنآ نخلص .. أرفعي رآسك لشووووف
أمون : أففففففففففففففففففففففففف ( رفعت رآسهآ ) فكينآ يالله .. غلطآن ألي يسلمكن نفسه ..
الكوآفيرة حآست بوزهآ : هيدي أختك ( أتأشر ع نورة ) مآعلمت زييييك
أمون : يا أبووويه هآي تدرب .. ورآهآ يرآف للملجة و العرس بعدهآآ بييهآ أشد
الكوآفيرة : إييه لك ماشاء الله .. الأمووووورة رح تصيير عرووس ؟
أمون : والله تذكريني بـ هآآيدي .. كل مانقول كلمة قآلت إييييه لك .. و إيييه لك
الكوآفيرة خلصت : يلا يآ حبيبتي خلصنآآ
أمون نشت : مآآورى علييج إيييه لك
الكوآفيرة : هههههههه
ظهرن أمون و نوورة من الصآآلون وسآرن صوب الصآلة ..
/
أم حمدآن تلقتلهن : مآآآآآورى علييكن الشيخآت من متى و انتن فالصآآآآلون
نورة : والله هآي سموون أخرتنآ بكشتهآآآآ
أم حمدآن : يلا هبطن
نورة و أمون سآرن يعقن عبيهن
..
أمون كآنت لابسه فستآآن فوووشي ويآ فضي .. الإيديين شيفون لين الكوع .. وفيه جسفآت من صوب الصدر ويآ ربطة فيونكة بالكرستآآل الفضي ع الخصر ..
نورة .. لابسة فستآن فستقي ويآ كرستالات ذهبية ع أصفر بآهت .. كآن فرآشه وسيع من صوب الإيديين بس من صوب الخصر ضآغط بالكرستآل الذهبي
شمآ .. لابسه فستان أسود و فيه وردة حمرآء من صوب جتفهآ اليميين .. كآن اليدين شيفوون و صوب الصدر مثلث و يآ حبآت لؤلؤ ..
غآيوه متلبسه فستآن بييج فيه ذيل .. ويآ عينآآوي من صوب الخصر لين الصدر
شوآقي متلبسه فستان أحمر ( من عند شمييم من لندن ) ويآ لؤلؤ أبيض .. وويآآه طوووق أحمر عريض شوي و ع ينب وردة كبير بيضآء من لؤلؤ ..
/
شمآ كآنت توهآ دآخله الصآآلـ‘ة تلاقت ويآ أم حمدآن وسلمت علييهآآ وشآفت أم محمد و أم سيف وسآرت صوبهن
شمآ وهيه يآيه من ورآهن : منهوووو أناا ؟
شوآقي نشت : ثمووووووووووووووتي حتاااااتي
شمآ : وآآآفوووودييتج أنتي بس .. ( وآيهت أم محمد و أم سيف ) شحآلج عمووه ؟
أم محمد : بخييير وسهآآله .. أنتي شحآلج ؟
شمآ: الحمدلله .. شحآلج لطووووف ؟
أم سيف : يعني أم محمد تسمينهآ عموووه .. و أناا لطوووف .. طآيحة من عينج ويآ وردتج هذي
شمآ : ههههههههههه مب لايق علييج عمووووه .. خلج ع لطووف أبرك
أم محمد تشوف شمآ : والله وكبرتي يآآ شمآآ
شمآ اكتفت بأبتسآآمة : اناا بسيير أسلم ع نويير و البناات وبردلكم
شوق مسكتهآ من إيدهآ : تعاالي برآآوييج العرووووثة وآيد كبير فثتانهاا .. انذين بثألج
شمآ : ثأليني ؟
شوق : منهو العرووث ؟
شمآ : المعرس أسمه مب العروس
شوق : انذين من ؟
شمآ عضت ع شفآيفهآ : حمدآن
شوق : هئئئئئئئئئئئ هذآك ألي كآن كله يلحث ثبوووووعي
شمآ : ههههه هييه هوووووه
شوق : ماعليه إذآآ ماخيثت حرمته عثان يتأدب مره ثانيه
شمآ : لا دخيلج عن الفضآآيح
/
دخلت على البناات فحجرة شوييخ وسلمت عليييهن
غآيوه : شمآآ ممكن سؤآآل ؟
أمون : ليييش متلبسه فستان أسوود .. نحن فعزآ ؟
غآيوه بنقمة : لا إله ألا الله .. جنهآ هآبطة قلبي وتقرآ أفكآري
نورة : ههههههههههههههههه ترآه الريل وآآحد حبيبآآآتي
غآيوه : هئئئئئئئئئئئئئئئئئئئئ .. أناا أتشآرك ويآآ هذي ؟؟ أهبي والله
أمون : هييه والله تهبيين
شمآ : ها ها عآد بيبدن المنآقر .. كل وحده تصك دعنتهآ وتفكنآ من صدعتهآآ
غآيوه و أمون يطآلعن بعض بأجرآم
نورة : ههههههههههههههههههههههههههههههههه لازم أصووركن لأحمد .. وربي أنكن فنتتتتتتتتك و أنتن تتضآربن علييه
شمآ قربت من شويخ : شوييخ شفييج ؟؟
شويخ ترتجف : ما أباا أعرس خلاص ودووني البيييت
أمون : ألحيين مآآتبييين . عقب ما أبتلشنآآبج
نورة + شمآ: ههههههههههههههههههههههههههههههههههههههههههههه
شمآ : وآآآآآي بطني .. ههههههههههههههههه والله يوم أكون فـ لندن ما أضحك جذيه هههههههههههههههههه
غآيوه : والله حبيبتي ما أضن أنتي ألي بتآخذينهآ .. أخوج ألي يبآهآآآآ
نورة : أيييييييهااااا .. بس أنتي ويآآآهآآ .. مآيخلصنآ هالأحمد تتصآفعن ع سبته .. ترآه والله أخلييه يتنيذل فييكن ومآيآخذ ولا وحده منكن
أمون مسكت إيد شمآ : شميييم تعالي أبااج فسآلفة
شمآ ظهرت ويآ أمون فالصآلـ‘ه
/
أمون : شميييييم ..
شمآ : هلاا
أمون : أمممم حمدآآن
شمآ: ...........................
أمون : ..........................
شمآ : شيآج سكتي ؟
أمون : يعني أممممممم ما اعرف شو أقولج
شمآ لفت صوبهآ : نطقي شفيج ؟
أمون : بالمختصر .. سؤآلي هوه .. لين ألحين تحبين حمدآآن ؟
شمآ فخآطرهآ ( بسسسسكم والله تعبببت من هالسآآلفـ‘ه .. ) : لاا أنا ماحبيته من الأسآآس
أمون مسكتهآ : بلييز شميييم لا تكآآآبريين فقلبج عشآن خآآطر أي شخص .. ترآج فعمرج فحيآتج مآبتلقين حد يقسى ع قلبه عشآن خآطرج
شمآ : ولييش أقسى ع قلبي ؟ حمدآآن قرر وخطب ألي يبآهآآ و الله يوفقة .. شو تشوفيني مقطعة ملابسيه من كثر الحزن عشآن تين توآسيني
أمون تشوف شمآ : وهالأسوود شو تسمينه ؟؟
شمآ : ملللك الألوآآآن
أمون بمكر : ولا تكبر و قسآوة قلللب
شمآ : كل حد بيوصفني بألي يبآآآه .. بس بتم شمآآ ألي لين ألحين محد فهمهآ
أمون : أنتي ألي مب فآهمتني .. أقول عن هالصدعة نسيير هذيج الحجرة خلينآ بنسولف
شمآ : اووووووووكي
أمون : اناا بسيير عند شويخ شوي وبييج اوووكي
شمآ : اوكي أتريآج هب تبطين عليه
/
شمآ دخلت الحجرة ألي بيصوروون فيهآ حمدآن و شوييخ وهيه تتريآآ أمون ..
سآرت صوب شنطتهآآ وفتحتهآ وخذت دوآهآآ وهيه توهآ حآطة الحبة وبتشرب مآي
....... : هلا شمآآ
شمآ من سمعت الصوت تيبست مكآنهآآ بعدت غرشة المآي ولفت صوبه وفجأة : كحححححححححححح كححححححح .. ( لين أستوى وييهآ أحمر حتى الحبة طآحت من ثمهآ )
قررب صوبهآآ : صحة
شمآ بعدت عنه : حمدآآن ؟
حمدآن : شمآ ما أبااج تتكلميين .. ولا تقووولين أي كلمة .. بس سمعي ألي عندي وقرري
شمآ بعدت عنه وقربت من الحبة ألي طآحت ودآست عليهآ بريلهآ عسب مآيلاحظ : مبروووك حمدآآآن .. منك المآل ومنهآ العيآآآل
حمدآن : شمـ..آآآآآ
شمآ يت بتروووح بس حمدآن مسكهآآ
شمآ : حمدآآآن لو سمحت بلا هالحركآآآآت ( وهيه توهآ تحس ع عمرهآ بالفستآن بدون عبآه ولا شيلة )
حمدآن : شمااا مانسيييييتج .. والله حآآآآولت أنسااج بس مااقدرت ..
شمآ : و شويييخ ؟؟ تبآ تعذبهآآ ؟
حمدآن أبتسم : أخيراً حسيتي فيني ؟
شمآ : ههه شو أحس فييك ؟؟ يوم أنته قلبك مب فآآضي .. لييش تربط نفسك بوحده مآلهآآ ذنب .. وتعذبهآ فحيآتهآ ويآآآآآآك
حمدآن حس انه تحطم قلبه للمره المليووووون
/
شمآ طلعت عنه وتلاقت ويآآ أموووون : برآآفووو يا أموون .. هآآي آآخر الثقة ألي عطيتج أياااااها
أمون : والله شمييييم هووه ألي قآآلي أنه يبآآ يررمسج
شمآ : تصدقين أنه بتخطيطآتج الفآآآشله أنتي ( أشرت ع أمون بعصبية ) و أخوج بدمرووون البنت .. يوم أخوج مآيبآهآآ لييش من الأسآس سرتووووووو وخطبتوها ؟؟
أمون : هوه يحبببج .. و أنتي بعد لا تنكرييين بأنج مآتحبينه .. هيييه ألي دشت غلط فحيآتكم .. الغلط منهاااا
شمآ : هههههههه مشكلة يوم الظآآلم يظلم .. ويعق اللوم ع المظلووم .. أمون عمريه ماتوقعتج جذيه .. حمدآن خلاص خذ شويخ و هذآ الوآقع مآنروم نغييره .. ليش بعدكم تردون وتزيدون فالسآلفـ‘ه
أمون : لا بنقدر نغيير لو أنتي حسيتي فحب حمدآن لج
شمآ : ما اباا أصير تجربة لخططج أنتي وحمدآآن .. ونهآآيتهآآ معرووف من البدآآيه ( رصت ع الكلمة ) فآآآآآآششله ( سآرت عنهآآ )
/
حمدآن طلع من الحجرة وهوه منكس رآسه
محمد : هآآ المعرررس ؟ شو المعنويآآت ؟؟
حمدآن رفع رآسه لـ محمد : ششــشفتهآآ ؟؟
محمد : هههههههه شيء طبيعي بتشوفهآ شو هالغبآآء ؟؟
حمدآن : متغييره وآآيد
محمد غمزله : عشآن خآآطر عيووونك هههههههههههههه
حمدآن أبتسم بتعب : شفت شمآآ يآ محمد
محمد تقول يآيتنه صآآعقة وهزته
حمدآن : ولييين ألحيييين مآحست فييه .. تخيييل مرخص بعمريه ويآآي لين عندهآآ و انا ملك غييرهآآ و أقوولهآآ أحبج ومآنسيتج .. ههه ترد عليه بـ مبرووووووك
محمد ضرب بإيده ع الكرسي بقووو : شوووو تبآآهآآ تقووولك عيييل ؟؟ شو ألي يرضيييييك أنته ؟
حمدآن : أبااهاا تبآدلني الأحسآآآآس
محمد : هههههههههههههههه لو كآنت تحبك .. مآبتنلام فألي تسويه فيك
حمدآن لف صوبه
محمد : ضربتين فالرآس توووويع يأ حمداان .. قبل نووورة .. وخلاف شييخة .. وفوق هذآ تبآهآ تقولك أحبك .. مثل ما أنته تحس وتتعذب ترآهآ هيه تتعذب بعد .. ولو أنته تعبت مره هيه تعبت ألف مره .. ولو انته حبيييتهاا مره .. هيييه كرهتك بأفعآلك ألف مره .. نسيت يوم تقولي أنك ترمس نوورة بس علشآن تكسر عنآد شمآآ .. بس علشآن تحسس شمآ بأنك مب مهتم فييهآآ .. بس علشآآن تقهر شمآآآ
حمدآن نزل رآآآآآسه : ندماااااااااااان والله ندمااااان .. أدري أني غلطت فحق شمآ
محمد : غلطت فحق نفسك قبل لا تغلط فحقهآآ ..
حمدآن : دخييييلك محمد بس .. لا تلومبي زوووود
محمد : عيل لا تلومهآ إذآ مآحست فييك ( سآر صوبه ) حمدآن هد يآ أخوي .. انته معرس اليوووم وجآآلب موودك هالزفت .. ويييين حمدآن ألي نعرفه
حمدآن تنهد
محمد : والله مب لااايق عليييك أنك معررس .. ألي يدلل هوه العقآل وريحة الدهن عود تشوتخ
حمدآن أبتسم
عزوز يآآآآهم : يآآآآآآ المعرررس
حمدآن لف صوبه
عزوز : يا أبوووك تعاااال أحتشروو الشوآآب هنآآآك عليه .. و أونه المعآزيم يبآركولي أناا ..
محمد : روووووح بووو زآآآآآيد دووومك معرس أنته وكآآشخ .. ماردت ع هاليوووم
عزوز : أفاا علييك أعيبك ( يرمس حمدآن ) سر يلا لا أيوزووني حرمتك ألحيين
محمد : عن اليووور عآد هآي مآستوت
عزوز : هههههه
/\
\/
/\
\/
قآلو أنه عقب 10 دقاايق بيدخلون شيخه ..
نورة و شمآ كآنن وآقفآت ربآع‘ـــ‘ه
يت عدآلهن وحده أسمهآ منيرة ويآ أمهآ ( أم علي )
منيرة : السلام عليكم
نورة : وعليكم السلام
منيرة ترمس أمهآ : أماايه هن هذيلا ألي رمستج عنهن



كآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآت .. *


/\
\/
/\
\/
/\
\/

* شرآيكم فـ هدية بو حمد لـ بنت أخو‘ه ؟! وطريقة تهديدة لـ شمآ .؟!
* حمدآآن .. شو ألي يبآ يوصلة لـ شمآ من هالحركآآت ؟!
* أول يوم لـ شويخ .. حمدآآن .. كيف بيكوون ؟! وكيف بتستمر حيآتهم .؟!
* منيرة و امهآآ. . منهو الي يبون يخطبونهآ .؟ شمآ ولا نورة ؟!
* توقعآتكم للبآرتآآت اليآآيـ‘ه ؟!!