|
في آنتظآر البــآرت اللي بعده ., لآتطولين علينــآ حبوبه ,. عسب تعرفين آنآ آمنو آنآ >> آمونه ههه .. |
مشكووره ياحبوبه على القصه الرووعه .. ونتريا التكمله .. |
وين البااااااااااااااااااااااااااااااارت حبوبه ؟؟؟؟؟؟؟؟؟؟؟؟؟؟؟؟؟؟ |
.. سارة: ها بشر؟ شو قالك؟ سهيل: لا الحمدالله.. ما عليه شر.. بس شوية ارهاق وإن شاء الله شوية راحة وبرجع مثل قبل وأحسن سارة: الحمد الله.. سمعتي خالوه؟ ظبية: الحمد الله.. انزين يما أبي اشوفه.. سهيل: ما عليه سألت الدكتور وقالي ترومون تشوفونه بس لا نطول عسب يرتاح.. .. في غرفة حارب... حارب كان في عالم ثاني ... عالم مظلم ما يقدر يشوف منه شي ... يحس بالالم في راسه وكل جسمه المتخدر.. يحاول يفتح عيونه بس ما يقدر.. يحرك صبعه بس الشي كان اقوى منه ... لذا استرخى واهو يسمع الصوت ..صوت ناعم.. مخلمي.. سمعه من قبل ... بس وين.. عرف انها سارة ... سارة اللي وياه.. هالمرة بيفتح عيونه عشان لا يظن انه حلم ... يوم فتح عينه .. لقى سارة عيونها ممتزرات دموع وقاعدة تهدي خالته.. معقولة؟!!!!!! معقولة كل هالدموع عشاني يا سارة؟ آاااااااااه يا سارة ما تدرين انج أنتي دواي وعلتي.. وجيت أمسح من أيامي جروح العاصفة والنار وجيت أكتب على سطح الجليد أجمل عباراتي وجيت أجفف الدمعه وأواسي حرفي المنهار واقول: اصمد .. ترى وحي القصيده حي ما ماتِ وجيت الملم الماضي بقلبي .. واحمله تذكار وأنادي ع الزمان انظر أنا هذي معاناتي ظبية أول ما انتبهت لحارب ربعت صوبه وقعدت تبوسه وعيونها ممتزرات دموع ظبية: ألف الحمد الله على سلامتك يا ولدي.. ما تشوف شر حارب وبصوت واطي لا يخلو من التعب والارهاق: الله يسلمج.. سهيل: ها حارب.. بشو تحس؟ شي يعورك؟ حارب: لا.. الحمد الله أحسني أحسن الحينة ظبية: الدكتور يقول أن عندك شويه ارهاق.. فلازم ترتاح شوية سهيل: شوف حارب خذ لك أسبوعين إجازة والشغل لاحق عليه إن شاء الله حارب: يصير خير سهيل: انزين يا جماعة استاذن منكم الحينة... عندي شوية شغل ظبية: مشكور يما.. ما قصرت سهيل: لا أفا عليج خالوه.. وبعدين هذا واجبنا ظبية: الله يخليك يما سهيل: يلا عيل.. ما تشوف شر يا حارب.. أمركم بعدين مع السلامة.. الكل: مع السلامة وعقب ما ظهر سهيل.. حارب صد صوب سارة اللي طول الوقت وهو واقف يسمع منها أي كلمة.... سارة: سلامتك حارب حارب وهو يبتسم: الله يسلمج ظبية: فديتها سارة.. يتني ركيض وهي زايغة عليك حارب وعيونه على سارة اللي قفطت من رمسة ظبية.. حارب: صج سارة؟ سارة: هـــا.. لا بس زيغتنا.. حارب:هالكثر تخافون عليه؟ ظبية: شو هالرمسة يما؟ إذا ما نخاف عليك على منو نخاف؟ أنت ضناي وكل شي في حياتي حارب: الله يخليج لنا ولا يحرمنا منج سارة: آمين وعدى هاليوم على خير.. وعلى الساعة 10 فليل رجعوا ظبية وسارة الفيلا.. على أساس يزورونه في اليوم الثاني.. و بعد ما درى الكل بوجود حارب في المستشفى الكل يا وزاره.. في يوم ظبية ما رامت تسير المستشفى عسب جذه دقت سارة حق أحمد عسب يوديها المستشفى عسب تاخذ لحارب شوية أغراض موصي عليها.. بعد ما مر أحمد على سارة وكانت حصة ياية ومعاها زايد .. في السيارة.. سارة: حصوه.. حرام عليج ليش يايبه زايد المستشفى .. هناك كله مرضى وأدوية أخاف يتأذى أحمد: خبرتها أنا هالرمسة بس ما سمعتني حصة: شفيها يعني؟ أحس عادي سارة: تعرفين بعد زايد توه ياهل حصة: ساروه لا تزيغيني.. سارة وهي تبتسم: عطيني عطيني زايد حبيبي وقعدوا يسولفون وبعد ما وصلوا المستشفى حصة: أحمد.. خلنا ندش هالمحل شويه عسب نشتري باقة ورد سارة: خلاص عيل أنتوا سيروا وأنا وزايد بنطلع فوق أحمد: خلاص عيل.. وافترقوا.. أحمد وحصة ساروا صوب محل الورد.. أما سارة وزايد صعدوا فوق دخلت سارة الغرفة.. بس ما لقت حارب.. شكله في الحمام " تكرمون".. المهم رقدت زايد ع الشبرية وقعدت ترتب الأغراض.. وبين ما كانت مشغولة في الترتيب فجأة سمعت صوت حارب.. حارب اللي كان واقف يلاعب زايد بس ما انتبه لسارة.. حارب وهو يرمس زايد: شحالك حبيبي؟ امواااااح فديت خشمك الصغير والله سارة وقفت تطالعهم من بعيد وشلون حارب يلاعب زايد.. على طول خطر على بالها ذياب.. ذياب اللي يحلم فيه حارب.... معقولة يكون صج ويكون عندها ولد ومن حارب؟؟؟ والله كل شي جايز وتوه ينتبه حارب لسارة.. (قلبي أصيل وماضي الحب ماأنساه...والصاحب الغالي تشيله عيوني <اشتاق له> وأشفق لصوته وطرياه وأقول هو: دنياي وشموع كوني (رفيق الدرب) ماتناسيت ذكراه لو العرب في رفقته يعذلوني.....) حارب وهو يبتسم: كنت اتحرى زايد ياي لحاله.. تصدقين؟ سارة: لا والله.. يعني في ذمتك ياهل وبيي لحاله؟ حارب: هههههههههه أتخيل سارة: شحالك الحينة؟ حارب رد عليها من غير نفس وهو يطالع زايد: والله الحمد الله للحين عايش سارة حست بجفاء في طريقة رده بس ما حبت تتناقش وياه وقدرت الحالة اللي مر فيها... شوي ويدخل أحمد ومعاه حصة أحمد: السلام عليكم.. حارب: عليكم السلام .. هلا أحمد أحمد: الحمد الله على السلامة.. شحالك؟ ويجرب منه عسب يخاشمه ويتحمد له بالسلامة حارب: بخير يعلك الخير حصة: شحالك حارب؟ سلامــــــــــات.. ما تشوف شر حارب وهو يبتسم: الله يسلمج يا أم زايد.. الشر ما اييج أحمد: شحالك الحينة ؟ إن شاء الله أحسن؟ حارب: الحمد الله.. الدكتور يقول أنه احتمال باجر يرخصوني أحمد: زين زين الله يشافيك يا رب وبين ما كانوا يسولفون دخلوا عليهم أم سهيل وأم ثاني.. أم سهيل + أم ثاني: السلام عليكم.. الكل: عليكم السلام أم سهيل: شحالك يما حارب؟ الحمد الله على سلامتك حارب: الله يسلمج عموه.. أم ثاني: ما تشوف شر يا ولدي حارب: الشر ما اييج خالوه أم سهيل: والله هالأيام الأمراض منتشرة عوذ بالله.. ما تسمعين بفلان ألا مرقد في المستشفى أحمد: لا حارب ما فيه ألا كل خير.. شوية إرهاق بس أم سهيل: يا ولدي لا تتعب نفسك وايد في الشغل هب زين لصحتك.. حارب: إن شاء الله عموه.. بس هالأيام الأخيرة كانت عندنا شوية مشاريع عسب جذه كنت مضغوط أم ثاني: انزين الحينة خلوكم من هالسالفة واسمعوا هالخبر الحلو.. الكل صخ عسب يعرف أم ثاني وهي تبتسم: ثاني جريب يعرس سارة: صــــــــــــــــــج؟ ألف ألف مبروك يا خالوه.. حصة: بس غريبة على أساس ميسون هب ناوية تعرس قبل ما تخلص الجامعة؟ أم ثاني: لا الحمد الله .. الله هداها واتفاهموا على أنها تكمل دراستها وهي متزوجة.. أم سهيل: الله يوفقهم عن شاء الله الكل: آمين أم سهيل وهي ترمس سارة: يما سارة.. عيل وينها خالتج ما اشوفها؟ سارة: خالوه ظبية ما رامت تيي اليوم.. يمكن تيي المسا أم سهيل: على خير إن شاء الله وقعدوا يسولفون ويضحكون وقدروا أنهم ينسون حارب همومه وبعد يوم ظهر حارب من المستشفى ومثل ما قال سهيل خذ له إجازة أسبوعين وقعد في البيت عسب يرتاح ............................................. بعد فترة.. جرب عرس ثاني وميسون والكل انشغل البنات وميسون من سوق لسوق عسب يجهزن.. ياحليلهن كلهن ما قصروا وأخيرا تحقق حلم ثاني وأخيرا بتزوج باللي قلبه اختارها .. قبل العرس بأسبوع.. سارة قاعدة ترمس حصة في التليفون حصة: ساروه.. العرس عقب أسبوع ونحن للحينة ما قررنا شو بنلبس؟ سارة: والله ما أعرف شو أقولج؟؟ ما خلينا مصمم ما سرنا له.. كل فساتينهم قحط حصة: والحل؟ سارة: شرايج نسير دبي؟ حصة: دبي؟ والله أنا ما عندي مانع.. بس تعرفين أحمد مناوب هالأسبوع سارة: لا تقولين.. حصة: هي والله.. بس .. سارة: بس شو؟ حصة: احم احم.. يعني صح أحمد بكون مناوب بس النسيب موجود سارة: لا يكون تقصدين... حصة: هي فديتج.. حارب سارة: سيري لاه.. ما لقيتي غيره حصة: يا ربي يا ساروه.. أنتي للحينة سارة: للحينة وبظلني جذه.. حصة: يعني إذا حارب ما تبغينه يودينا منو بودينا؟ سارة: ما يخصني المهم ويا حارب ماني سايرة حصة: أففففففف سارة: حصـــــوه.. زعلتي؟ حصة: وايد يهمج يعني؟ سارة: حصة فديتج.. يلا عاد حصة:................ سارة: وغلاة زايد عندج حصة: بالأول وافقي أن حارب يودينا دبي سارة:................ حصة: ها شو قلتي؟ سارة: بعد شو اقول.. حصة: فديــــــــــــــــــــت سارة والله سارة: بس انتي خبريه حصة: شو؟ لا فشيلة.. سارة: أنا هذا شرطي إذا تبينه يودينا حصة: يا ربي منج.. بس ماعلي.. شو نسوي الحاية بنت حرام..وينه هو؟ سارة: قاعد تحت..شوفي أنا بنزل الصالة تحت وانتي دقي عقب شوي حصة: أوكي خلاص وسكرت عنها ونزلت سارة تحت مثل ما قالت حق حصة عسب ينفذون اللي اتفقوا عليه .. تحت في الصالة.. حارب منسدح عالقنفة قاعد يطالع المباراة (مباراة العين والوصل) نزلت سارة الصالة وقعدت مجابلة حارب اللي ما انتبه لها من زود ما كان مندمج ويا المباراة شوي ويرن التليفون وقامت سارة عسب ترد عليه سارة: ألو... حصة: هلا سارة.. سارة: لحظة شوي..وصدت صوب حارب سارة: حارب.. حارب وعينه ع التلفزيون: هلأ.. سارة وهي تأشر ع التليفون: يبونك حارب وهو عاقد حياته: منو؟ هزت سارة راسها على أنها ما تعرف منو نش حارب وخذ السماعة من عند سارة حارب وللحينه عيونه ع المباراة: ألـــــو... حصة: هلا حارب .. شحالك؟ حارب بعد ما عرف أنها حصة ابتسم وهو يطالع سارة: هـــــــــلا والله بأم زايد.. شحالج؟ حصة: بخير دامك بخير..أنت شحالك؟ حارب: بخير وسهالة حصة: دوم يا ربي حارب: خير حصة عسى ما شر؟ حصة: أ..أ... حارب وهو يبتسم: شفيج؟ حصة: إذا كنت فاضي باجر ممكن تودينا دبي. مثل ما تعرف يعني مو باجي حق عرس ثاني غير أسبوع ونحن للحينة ما شرينا فساتين حارب ما فهم شي لأنه طول الوقت وعيونه ع المباراة حصة: حارب؟ حارب وتوه ينتبه: هلأ.. حصة: سمعت شو قلت لك؟ حارب: اسمحيلي حصة.. خير شو كنت تقولين؟ ياحليلها حصة عادت الرمسة اللي قالتها من شوي حصة: ها شو قلت الحينة؟ حارب: والله أنا ما عندي مانع.. بس عندي شرط.. حصة وهي عاقدة حياتها: وشو هو الشرط؟ حارب وبخبث: والله مثل ما تسمعين انا الحينة قاعد أطالع المباراة.. انزين.. وإذا فازوا العين بوديكن.. وإذا فازوا الوصل اسمحيلي حصة: يا سلام.. حارب والله حرام عليك حارب: والله أنا هذي شرطي حصة: خلاص.. لو أني ما أتابع المباراة بس أتمنى هالمرة الفوز للعين حارب: حبيبتي الزعيم دومه زعيم حصة: إن شاء الله وعقب ما اتفقوا سكر عنها.. ورجع عسب يكمل المباراة أما سارة فقعدت تطالع المباراة ويا حارب مع أنها ما لها بارض وعقب نص ساعة خلصت المباراة وفعلا فاز العين 2/1 حارب وهو يوقف على حيله: فديتك يالزعيم وصد يطالع سارة اللي كانت تصفح مجلة.. حارب: وين بتسيرن باجر؟ سارة: ما قالت لك حصة؟ حارب: بس أنا الحينة أسألج انتي.. جاوبيني.. سارة: يعني تعرف وين بنسير ليش أعيد الرمسة دام حصة توها مخبرتنك حارب: جيه؟ منو حرمتيه؟ أنتي والاحصة؟ سارة رفعت راسها بعد ما سمعت نبرة حارب الحادة اللي زيغتها سارة وهي محرجة: نبيك تودينا المول عسب نشتري فساتين.. ارتحت الحينة؟ حارب طالعها بنظرة عقبها ظهر من الصالة وشكله مفول عقبها بشوي دقت حصة سارة وهي ترد: هلا حصوه حصة وهي متشققة من الوناسة: ساروه العين فازوا.. يعني بنسير باجر حارب بودينا سارة ولا هامنها الموضوع: امممممممم حصة: ساروه شفيج؟ سارة: لا ما فيني شي حصة: حارب وينه؟ سارة: ظهر يصلي العشا حصة: خلاص عيل.. ,انا بدق حق أحمد عسب أخبره عن باجر .................................................. ............ في اليوم الثاني.. الساعة 30’2، بعد ما مر حارب الشركة وخلص شغله ظهروا عسب يمرون حق حصة وعقبها يسيرون دبي طول الطريج وسارة ساكتة طبعا هب أول مرة وهذا شي طبيعي شوي ودقت حصة عسب تخبرهم أنها في بيت أبوها وبعد ما وصلوا البيت.. ظهرت حصة ومعاها شهد حصة وهي تركب السيارة: السلام عليكم.. حارب+ سارة: عليكم السلام.. حارب: هـــــــــــــــــلاااااااااا شهودة شحالج؟ شهد وأونها مستحية: زينه حارب وهو يبتسم ويقلد صوتها: زينه ضحكت شمة.. حصة: يبت شهودة عسب شمة مريضة وأم ثاني بتوديها المستشفى عسب جذه يبتها معاي سارة: وزايد وينه؟ حصة: خليته عند أمايا سارة: جان يبتيه حصة: كنت بييبه بس قلت بلعوزنا حارب: يلا ما عليه. شهودة بتونسنا ...وتحركوا صوب دبي... طول الطريج وحارب يلعوز شمة وهي مستانسة وسارة ولا في الدنيا شوي ووقف حارب عند الشيشة حارب وهو يطالع سارة: شو تبون؟ سارة ما تبا ترد عليه بس دام أنه يطالعها فما تقدر تطنشه وخاصة أن حصة وياهم سارة: أنا ما بي شي.. حصوه شو تبين؟ حصة: أي شي.. شموه شو تبين؟ حارب: لأ.. شهوده ما بييب لها شي شهد: ليس؟ (ليش؟) حارب وهو يبتسم: لأنج بتنزلين ويايه وبتختارين اللي تبينه بنفسج تشققت شهد من الوناسة... ونزلت من السيارة.. بعد ما مسكها حارب من ايدها ودخلوا سوا .. في السيارة.. حصة: ساروه.. سارة: هلأ حصة: بلاج؟ سارة: ولا شي حصة: عيل ليش ما ترمسين؟ سارة: ارمس شو اقول؟ حصة: ما ادري أي شي.. أنتي ما ترمسين حارب شو؟ سارة: حارب.... خليها على الله بس حصة: يعني متزاعلين سارة: مب شي يديد حصة: والسبب؟ سارة: بدون سبب.. بس جذه... حصة: الله يهديكم بس شوي ويفتح حارب باب السيارة حق شهد عسب تركب.. وما شاء الله عليها ما خلت حلاوة ما شرتها حارب بعد ما ركب السيارة .. مد ايده حق سارة عسب يعطيها الكيس مدت سارة ايدها عسب تاخذه وبدون ما تطالعه.. أو تحاول أنها تتجنب نظراته وعلى طول عطت الكيس حق حصة حصة: شهد.. شو ها؟ من الله أسنانج مسوسة.. شو كل هالحلويات؟ شهد: آدي (عادي) حصة وهي تناول سارة الكيس: اندوكم سارة خذت الكيس عسب تعطي حارب حارب: أنا مابي سارة: جيه.. السيجارة تشبع وأنا ما اردي حارب نقع من الضحك.. وفي نفس الوقت حس بشعور غريب.. هو صح دخن... بس في مكان بعيد.. يعني سارة كانت تراقبه حارب:هههههههههه منو قال إني دخنت؟ سارة وهي صادة عنه الصوب الثاني... ما عرفت ليش قالت له جذه؟ سارة: والله ريحة السجاير وصلتنا قبلك حصة: أنا ما أعرف شو اللي ملاقينه في هالسم؟ حارب: لو سمحتي حصة... عن الغلط.. ترى ما أرضى حصة: بــــــــــعــــــــــــــــد.. زين زين والله.. الله يهنيكم فيه حارب: لا إن شاء الله أنا نويت أوقف تدخين حصة: زين تسوي والله.. أنا هذا أحمد باط جبدي.. يدخن واشوف السجاير بالسيارة بعيني بعد ويقولي ما أدخن والسجاير اللي أشوفها مال ربيعه أونه حارب:هههههههههههههه لا أحمدوه جذاب.. أصلا هو اللي اييب لنا السجاير .. أونه يعرف نوعية ممتازة سارة: وأنت يهال عسب ما تفرقون بين الصح والخطأ؟ حارب ابتسم وصد عسب يطالع سارة اللي استحت من نظراته ونزلت راسها مستحية حارب وفي خاطره... (تكلم لا تناظرني تكلم .. كلام العين ما يطفي لهيبي .. انا اتحراك طول الوقت و احلم .. وش أحلا من صدى كلمة... حبـــــــــــــــــــــــــــيــبي) سارة خلاص ماتت من نظرات حارب.. وحارب هذا لـــــــــــــــــــــوح ما يحس.. يا ربي شسوي؟؟ أما حارب فكان يحس أن سارة مستحية ومن زود ما كانت مرتبكة حركات ايدها وأخيرا رحمها وصد يطالع جدامه.. وهي ميت عليها وعلى مستحاها.. ................................................. شو تتوقعون يصير وياهم في المــوول..؟؟ و عرس ميسون و ثاني بيمر على خير ولا في مشاكل..؟؟ وشو رايــكم في البارت..؟؟ |
شو تتوقعون يصير وياهم في المــوول..؟؟ أعتقد بتعدل أسلوبها معاها شوي هب وايد ..خخخ و عرس ميسون و ثاني بيمر على خير ولا في مشاكل..؟؟ أعتقد بيمر على خير .. خخخخ وشو رايــكم في البارت..؟؟ رووووووووووعه .. ومشكووره ياحبوبه على البارت الرووعه .. ونتريا التكمله .. |
| الساعة الآن 03:27 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir