بتندمين يا بنت والسبب نظرتج هذي
******
البارت الـ ( 13 ) ..
******
.
,
اول ما نايف ترك روضه وعق عليها هاك الرمسه..
روضه ماقدرت تتحمل الصدمه وانه كل هالقسى يظهر من نايف..
كانت متوقعه الكل جيه يقسى عليها ..الا حياتها ودنيتها خالها وابوها
.
بعــد هالصدمه .. ماقدرت تتحمل وتمسك عمرها...
يتتها نوبه ضيق التنفس وطاحت من طولها للارض..!
تحول ويها من الابيض الى الازرق الغامـــــــــــج..!
روضه وتحاول تتنفس وهي مرميه فالارض:نـــــ..ـا..يـ .. اااه( تسحب هواء)
فـــــــــــــــــجأه .. توقف التنفس عن روضه كامل ..
وفقـــــــــــدت الوعــــــــــــــــــــي
.
.
ييي نايف يربع عسب يلحق ع روضه
لانه كان متأكد انه عقب ماعق عليها هاك الرمسه وهــي مظلومه راح تييها النوبـــــه...!
وبــتفقد الوعـــي...
نايف ويربع:كل منيه انا .....وربي مابسامح عمريه...
اول ماوصل ..طالع روضه مرميه ع الارض وفاقده الوعي..
ماقدر يتحمل وطاح ع ركبه فـ الارض..
ييت يزوي من وراء وحاولت تسنده وتمد لـه القوه لانه شكله متحطم خلاص..وروضه بتموت اذا محد ساعدها..!
نايف بـ ألم :المره الاولى جتلتها وشردت وهالمره جتلتها ومره شردت مابسامح عمريه طوول ما انا عايش,,,
.
يزوي بخوف:ناايف بسرعه شلها بـ نوديها المستشفى..
نايف بـ رعب:هاه..شقايل..
يزوي:نايف..بلاك جيه..بسرعه لايستوبيها شي وعقب .....(وسكتت)
نايف ماقدر يتحمل رمسه يزووي وبسرعه بسرعه يحمل رواضي بين ايدينه وطيران ع سيارته...!
.
يزوي تبا تركب...بس نايف وقفها:ع ويــن..؟!
يزوي:بسير وياكم...!
نايف:لاااا ..مايستوي انتي حاولي تغطي ع غياب روضه..!
يزوي بأعتراض :بس روضه بتَــحتـــايني..!
نايف بثقه:من انا اكون موجود وياها ماراح تحتاي لـ أي شخص بـ العالم..
(وركـب السياره وبسرعه انطلق للـمستشفى..)
يزوي من الرعب اللي شافته بعيون نـايف ... و ويوم قال جملته
.
" من انا اكون موجود وياها ماراح تحتاي لـ أي شخص بـ العالم "
ماقدرت تتحمل ونزلت دمعه من عينها..
الحب الي بينهم شئ خيالي ..
يندرى انه مب من يوم ولايومين..
.
حدرت يزوي الصالـه وحاولت تغير ملامحها..
حدرت والكل كان مشغول ولا حد سألها ..هالشئ وايد ريحها انه ماراح تضطر تجذب..!
صوت الـ tv كان مغطي ع الي استوى برع بـ الكــامل..!
.
\
/
\
/
فالسيــــــــــــــاره..!
نايف كل شوي يرد يطالع ع وراء عسب يتأكد انه روضه بخيـر ولا لا..!
.
نايف:دخيلـج ياروضه لاتسيرين ..يكفيني حرمان اربع سنين..دخيلج..اصبري شوي ..بس شوي...!
.
وصـل نايف المستشفى وبسرعه يحمل رواضي بين ايدينه وجربها من حضنه عسب يحسسها بـ وجوده و انها لحد احين وياها..
.نايف ويرمس واحد من الدكاتره:بســرعه البنت ماتروم تتنفس سوى اي شي..
.
الدكتور:اوك ..أخويه اتبعني بسرعه..!
سار نايف وحده من حجر العلاج .. وحط روضه ع واحد من الاسره البيضه..!
.
الدكتور :تقدر تتفضل برع..
نايف بخــوف غير طبيعي:لا مســــتــــــــــــــــــــــحيل.....!
الدكتور استغرب من هالريال ..حشى مب طبيعي هالخووووف
.
بدى الدكتور بالعلاج..وحطوا لـروضه قنينه الاكسجين ..عسب يحاولون يردون لدمها توازن الاكسجين الطبيعي الي راح منها..!
.
\
/
\
/
\
بيــــت بو سالــــم
.
يزوي تقريبا يلست احين لمده النص ساعه ولا اي شخص عارها اهتمام..وكانت من داخل بتموت من الخوف...!
.
حمدوه لفت نظرها وطالعت بـ عيون يزوي نطره مب طبيعيه..!
حمدوه وتجرب من يزوي:يزوي بلاج..!
يزوي بـ خاطرها: اخيرا حد حس فيه
وكملت بهمس:وايد خيفانه..!
حمدوه ميته رعب خلااااص:شو مستوي..!
يزوي:اتبعيني لقسم المطبخ وبقولج كل شي..!
.
حمدوه :يلا سيري انتي قبل .. عسب محد يحس فينا..!
.
سارت يزوي وعقب ثواني ييت حمدووه..!
حمدوه:يزوي شو مستوي طاح قلبيـه فـ الارض..!
قالت يزوي لـ حمدوه كل السالفه من اول الاتصال لحد ما نقل نايف روضه لـلمستشفى..
حمدوه منصدمه:يا حياتي يا روضه..ياربيه ليش كل ها يستوي فيها.
.
يزوي بضيجه :وربي لوطالعتي حالها ..بتصيحين..!
.
\
/
\
/
عقـــب نص ســــاعه تقريبا..!
روضه كانت مرميه بـواحد من الاسره البيضه..
.
نايف كان محطي راسه بحافه السرير ووحده من ايدينه ماسك بها ايد رواضي والايد الثانيه تحت رأسه..!
تحركت روضه شوي بتعب..
(من عقب ما حطولها الاكسجين .. تحسن حالها شوي)..!
واول ماتحركت فز نايف ..
ورفع عيونه وركزها ع عيون رواضي وقال بهمسه المعتاد وصوته كل حب وحنان :الحمدالله ع السلامه قلبي ..!
روضه ماصدقت عيونـها وردت تـغمض عيونها..!
نايف من حركاتها حس بـ نفورها منه..وانها خلاص ما طيجه..
ردت فعل روضه صدمت نايف..ورد ع وراء وودر ايدها..!
بس الي صج صدمه انه روضه مدت ايدها وسحبت ايد نايف وحطتها حذال خدها وغمضت عيونها..!
.
نايف ما صدق ع الله .. يعني رضت عليه..وبسرعه جرب من روضه وهمس فأذونها:اشتقتلج مووووووووووووووت
رواضي وفجت عيونها وطالعت بـ عيونه..هو الوحيد الي تقدر تطالع ع عيونه بحريه وطلاقه ..هو الوحيد بــــــــــــــــس..ولو هو اللي ربـاها كيف احين ييو الناس ويقولوا حبهم مبـالغ فيه ..كيف لو جربو احساس انك تكون ويا شخص اربع وعشرين ساعه ماتفارقه ..كيف لو جربت احساس انك اول مانولدت وانت بين حضن اللي احين تطالع بـعيونه ..هذا كان شعور روضـه ...
!
.
رواضي وصوتها المبحوح المتعب :وانا اشتقتلك موت..اربع سنوات يا ابويه اربع سنوات..!
.
نايف:اوعدج ما ارح اودرج ولا لحظه ..ورب الكعبه مابودرج ..صدقيني غصب عليه سويت جيه..!
..
روضه تنهدت بقـــــــو مما زاد من خوف نايف عليها..
نايف بخوف الدنيا كله:بلاج روضه ..قلبي بلاج..!
روضه: نايف مب مصدقه انه انت حذالي..!
نايف:فديت روحج والله مستحيل اودرج خلاص..!
.
نايف استانس من الخاطر انه روضه سامحته ومع انها ماتعرف الحقيقه
يعني تخلت عن كل شي عسب بس تكون وياه..مع انها لحد احين ماتدري عن اي شي من الحقيقه.. اللي لو درت فيها بتنصدم....!.
\
/
\
\
/
وصـلوا نايف وروضه الفـله " المزرعه "..
نايف ووقف حذال الباب العود اللي كان ع طريج المزارع يعني بـــرع..:روضه قلبي أوصلج ..
روضه استغربت ليش نايف وقف هني بس احترمت رغبته وقالت بتعب:لا عادي ..اروم بروحي ..
نايف:حبيبتي وربي غصب عليه مااقدر احدر فلتكم ..وبتعرفين عقب ليش مااروم احدر..!
روضه ابتسمت بحب:مايهمني من الدنيا اي شي ..سوى رضاك عليه ووجودك حذالي
.
نايف ماقدر يتحمل وسحبها وحضنها بحب ابوي واخووي صادق وهمس:الله يخليج ليه يارب..!
.
روضه تحاول تغير الجو وبدلع رباني.. وصوتها المبحوح:نوافي بليز لاتهمس ( ورفعت ايدها بـ تهديد ) ترا وربي اذوب..
نايف:هههههههههههههه فديت هالصوت وربي
روضه:لا خلاص ..نايف وضحك شو ابا بعد.. وربي احين بطيح مغمي من هالصوت ..!
نايف:اقول يا اللوتيه انزلي انزلي..!
(روضه ما كانت تجامله صج كان صوت نايف يذبح..لانه يوم يرمس يهمس )
رواضي وتنزل من السياره ومشت شوي بس ماقدرت تتحمل و التفت بسرعه وطرشت بوســــه لـ نايف..!
ونايف ردها لهــا ..!
.
مشت روضه لحد ماوصلت الباب الخلفي وحدرت منه..!
ويوم تحدرون من الباب الخلفي لازم تمرون من قسم المطبخ..ومرت ع المطبخ ..وطالعت بنتين يالسات يسولفن
.
اول ماحدرت ماتسمع غير البنات يصرخن..!
.
يزووي + حمدوه:روووووووووووووواضي
رواضي بتعب:عنونها..
حمدوه وتحضن رواضي:فديت عنونج العسليه الحلوه
رواضي:جان زين لو كل يوم امرض عسب اسمع هالرمسه الغاويه
يزوي وتسحب حمدوه عسب تحضن رواضي:بسم الله عليج يالطمطمه لاتقولي هالرمسه
وبدن يزوي وحمدوه يصيحن ولو اللي مرت فيه توأم روحهن مب شووي ..
رواضي :احين ليش تصيحن الحمدالله انا بـخير ..(وترفع ايدينها ع فوق ) طالعن طالعن ..قود قود (وتحرك رأسها شرات الهنود )
.
وحضنت يزوي رواضي وعقب وخرتها شوي ع وراء وطالعت عليها بنظرات تفحص:لا الويه يبشر بالخيـــر..! (ومسحت دموعها )
رواضي:ووووووه فددددددددديت ابوويه وخاليه والله..!
.
\
/
\
/
\
حمدان عقب الموقف الي طالعه ماقدر يتماسك وبسرعه رد البيت ويلس بـ واحد من الكراسي..!
حمدان بقـهر:كنت اتوقع انها صايعه ..بس ماتوصل انها تركب ويا واحد غريب ..وتحضنه..ولو ولد خالتها بـ نمشيها لو انها ماتمشي .. لكن واحد غريب ..هاي ماتحدر الرأس..!
.
وكـمل بقهر:وانا الي افكر فيها وفـ المصبيه الي هي فـيها..تستاهل كل الشر هـ الصايعه ..ام الشباب....>>ياؤؤؤؤلله شقايل مقهور
.
\
/
\
/
بيت بو سالم..
وصـلوا قوم بـوهزاع المرزعه..
واول ماعرف بو سالم انهم وصـلوا..!
جبر الكل انهم يظهرون يستقبلوهم..!
.
نزل بو هزاع من السياره..
واول مانزل حضنه بو سالم بـ قو..!
بو هزاع:اشتقنالك يالغالي..!
.
رواضي بـ تعب وعياره:ما نروم حتى انا ابا حضـن خخ
حمدوه:انتي ماتشبـعي..!
يين البنات وسلمن ع الشله الفاسده
"الشله الفاسده =يزوي +حمدوه رواضي +عواش "
.
البنات "بنات بو هزاع" وايد استانسن ع الشله الفاسده خخ
.
واخر واحد نزل هو هزاع الي كارهه عمره ..!
رواضي مستعيله تبا تطالع ها مسود الويه الي يقولوا شبيـه حبيب قلبها
" مـــــــراد علـــــم داار "
رواضي بهمس وتهمس فأذون يزوي:عنلاته ها وينه بموت احين
.
البنات كانً شايفاتنه من قبل بس روضه عمرها ما شافته..!
.
عواش:احين بينزل الغرشووب
رواضي التفت عليها ..وتطالعت عليها بنظرات..خخخخ
.
واول مانزل هـزاع روضه انصـــــــــــــــــــــــــــــــــــــدمت
عكس الرمسه الي قالولها تمــــــــــــــــــــــــــــــاماً
.
جرب هزاع من بو سالم وباسه ع رأسه ..وعقب سلم ع اعمامه ..وفالاخير سلم ع البنات .. بس لما وصل ويـا اخر بنت انصدم منو هاي الي ظهرت فالساحه>>حلوه هاي ظهرت فالساحه خخخخخخخخخخخ
.
مد ايده وكانً عيونه تتفحص روضه..الي ماعطته سالفه ونزلت رأسها..
.
روضه بخاطرها:عنلااااااااااات هالشكل صدق من سماه غرشوووب ..
وووه ووه محلااااااااااااااته...!
.
هزاع بجرأته المعتاده وبهمس محد يسمعه:منو الاخت فرد يديد فالعيله.......!
رواضي طالعت عليه بنظرات اشمئزاز ومشت بـ خطواتها الواثقه الي كانت تصرخ من الشموخ والقوه..!
وسارت حذال عمها بو هزاع وباسته ع رأسه .. وقالت بأدب:تو مانورت المزرعه والله.!
بو هزاع عرفها انها هاي روضه محبوبه ابوها :حي الله هالزين كله ..اكيد انتي روضه..!
روضه وطالعت ع هزاع بنظرات تحدي وقوه مما صدمت هزاع الي محد يي حذال قوته وغروره بس شكلها هاي تحدته اول مره بحياته يطالع بنت جيه ..
وردت نظرها وقالت لـ عمها بثقه قوويه:هيه نعم روضه بنت احمد (وردت تحبه راسه) بنتك الثانيه .. ورهينت ايديك..!
بو هزاع انصدم من هالبنت اللللللله واكــــــــــــــبر ..حشى هاي مب بنت ..!
اما هزاع منصدم ومنقهر منها ومن غرورها الي فاقه بـ حدود وحدود ونظراتها ومشيتها الواثقه جدا جدا جدا..!
اما ويا بو سالم فـ هو رافع راسه فوووق فوووق بهالبنت الي ترفع الرأس..!
سحبها بو سالم وطوقها بايدنه وحطها داخل حضنه يعني ويها مجابل بو هزاع ..!
بو سالم:هاي الغاليه روضه ..!
بو هزاع:ونعم التربيه والله.. ونعم والله..!
.
حمد مايروم يسكت وقال بلقافه:هيه حتى انا حمد
هني الكل انفجر من الضحك ع حمد اللـي الظاهر غيران..!
.
حدروا الكل الفلـه..!
.
والبنات تمن يسولفن ويعرفن علوم بعض..!
.
نعرفكم ع عايله بو هزاع شووي..!
بو هزاع:هو من توابع اكبر الشركات الي انكتبت ع اسم ابوهم العود ..واللي نصفها ماسكها بو سالم لانه الاكبر بينهم والي توزعت بين الشيوبه الثلاثه واحين الي ظهر يديد هو بو هزاع رابعهم..طبعا كان بينهم خلاف ..ولكن الحمدالله انحل قبل اربع سنوات..!
ام هزاع:مره طيبه ع نياتها ..تحب الخير للكل..تقريبا من سن ام سالم..!
مي:هي أكبر عيال بو هزاع..وماشاء الله عليها ..اخلاق لا يعلى عليها ..
وربي كرمها بالجمال العادي..وعمرها : 25 سنه
هزاع:هزاع تقريبا هو اجمل واحد من ااخوته ..عليه سمار ذبوحي وشعره المتدرج ع رقبته الي زاده جمال فوق جماله..وطول عنقه الي ميزه وعطاه طابع استثنائي..وطوله الفارع ..الي يصل الى 183 ..وجسمه الرياضي المتوسط الي كان خبال..وعيونه الوساع السود الي ميزاتنه ورموشه الطوال..
وعمره21 سنه... وكان ايــــــــــــه فالجمال...!
شوق:الاخت المتوسطه عمرها 19 ..كانت شوي اسمرانيه وسمارها وايد حلوو وعيونها الوساع ..الي كانت شوي مأخذه من اخوها هزاع..وكان شكلها العام بالمختصر حلـو ..
امل:امل اصغر من شوق بـ 10 دقايق بس يعني شوق و امل تؤام ..
كانت فـ كل شي تشبه اختها..بس عيون امل شوي مايله الى الاسود الفاتح ..مب غامــج وايد..وطولها المتوسط ..الي شرات طول اختها..
.
.
دآخـل ويـآ آلبنـــــات ..!
.
مي: اخيييرا شفناج روضه ..!
يزوي:ليش يعني روضه بالذات خخ ..؟!
رواضي :لاحووول ياشغل الغيره
مي:هههههههه مب قصد بس يعني من رمستكن عنها فالسنه الفايته كان خاطريه اشوفها ..
رواضي بعيـاره : ووووه وجان استحـــي
حمدوه:لاحوول صدقت عمرها ..
امل:هههههه بأمانه (وتطالع ع روضه) عكس الرمسه الي سمعتها عنج ؟!
( مي يالسه تخز اختها بنظرات عسب تسكت .).!
رواضي بشك:لـيش شو سمعتي ..؟!
امل ما اهتمت بنظرات اختها وكملت >>بايعتها:يعني اونه انتي وحده بـ..(قطعت عليها شوق)..
شوق:الا وين الشباب ما اطالعهم هنـي ..!؟
(امل انقهرت من شوق الي ماخلتها تكمل رمستها ..وسكتتها ..!)
حمدوه :يمكن فالميلس ..!
شوق :اها ..!
رواضي:وانتي مالقيتي الا هالطاري تسألين عنه (وغمزتلها)منو مشتاقه هااااااه ..اعترفي يلااا ..!

شووق ذابت من الحيا هاي روضه ماترحم حد خخ ..
عواش :حـو رويض ودريها فـ حالها ..!
رواضي تطالع ع عواش بنظرات احتقار :منو روويـــــض هاه ..!
عواش تطالع ع وراء ....,عقب قالت:محد غيرج فالصـاله يعني اكيد انتي ..!
.
تنش روضه واول ما شافتها عواش ناشه تنش هي الثانيه وتسير تربع صوب قسم المطبخ ..!>>>تنعرف انها رواضي ناويه ع نيه شينه خخخخخ
.
رواضي وتمشي بــــــــــكل برود الدنيا لانها متأكده انها راح تجك عواش وبتضربها ..!
.
تمشي وتحرك ايدينها ع وراء ومره جدام ...جنها عسكري والتفتت ع وراء وقالت بنظره للبنات ماتخلو من الخبال اللي من طابعها :طالعن شو رايكن فـ مشيتي شرات مراد علم دار صح ..!
البنــات انفجرن من الضحك ع هالخبلــه ..!
. رواضي وهي تمشي فالممر تقول بصـوت عالي شوي عسب تسمع عواش الي منخشه داخل المـطبخ ..:يـــــــــتج ويــاج الموت >>الله واكبر
.
حدرت المطبخ وقالت بصوت عالي شوي:عووووويش يالسلندر اظهري ..!
يالي طولج طول الشبر اظهري ..عيل تتخققين عليه انا شيختج رواضي ..معليه يامسوده الويه انا براويج ..!
وتطالع ع البشكارت الي متصففات بطابور واحد جنهن طرارات..:انتن وين هذا نفرات قصير دبه ..!
البشكاير انفجرن من الضحك وطالعن ع نهايه المطبخ ..!
.
رواضي بأستعباط:بلااكن ..؟!
وسارت حذال القسم الثاني للمطبخ ودخلت رأسها وجسمها برع بطريقه تجتل من الضحك ...واول ما طالعت الي جدامها قالت بخووف
: بســـــــــــم الله الرحمن الرحيم..اللهم سكنهم فـي مساكنهم ..
ههههههههههههههههه
محمد كارهنها:مالت بس,.مطالعه جدامج يني ..
رواضي كارهتنه هي الثانيه:اييه انت احترم عمتك الشيخه ..وبعدين ليش جيه ترمسني مب انا اكبر منك ..لاحول فـ هالزمن محد يحترم الثاني ..
محمد :هيه صح ظاهر منو هو الي اكبر..لو ما انا اللي اكبر ولا انخلف الزمن الصغير استوى كبير ..والكبير استوى صغير ..
رواضي :اقول انا مابا ارمسك ..واحسن لك لاتتضارب ويايه يا بسير وبقول
لـ ابويه هالمره بدال العقرب .. حيــــــــه (وتحرك حيآنها بحركه تجتل من الضحك)..!
محمد:الـــــــــلله واكبر..
رواضي تكمل:على من تعداء وكـفر ..(وتأشر عليه)..
محمد خلاص وصل حده:اقووووووووووول خوزي من جبالت ويهيه..
رواضي تسويله خمسه (مالت بأيدها):ووووووع مالت بس ..
وتكمل:اقوول وين هاي السلندر الصغيرون ..؟!
محمد بأستغراب:منو هاي بعد ..؟!
رواضي :اووف السلندر الصغيرون هاي عواش ..غربلاتها ..عيل انا الشيخه رواضي سموي تقولي رويـض ..!؟
محمد بفـرحه:ونـــــــــــــعم والله ..هيييييييه هاي حرمه انا بضمها فـ شلتنا ..!
رواضي تكمل وبنفس طريقه رمسته:هيه وبترقد ويـاكم ..انا ما ادخل جناحيه الخونه ,.....(تحرك رأسها بأيجاب) ,هيه بعد اخاف من الغزو ..!
محمد :ملات عليج وع غزوج ..(ويصرخ )اقول يالي فـ بالي لاتظهر انزين ..تم مكأنك ..!
رواضي صرخت:يعنــي انت الي خاشها ..يالحيــــــوان ..!
محمد:اييييييييه عيب شو هاي بعد حيوان ..
رواضي بأدب :انزين خلاص مابقول حيوان بس انمل ...ههههههههه
سمعت رواضي ضحكه يايه من داخل القسم الثاني الي هي يالسه تطل منه يعني وراء محمد ....
.
روضه ودخلت رأسها زياده لحد ما كانت بطيح وهي ماسكه بايديها فاليدار وعقبها حركت ريولها تبا تثبت عمرها لانها كانت بتطيح ..:منــو ها الصخل الي وياك ..لاتقولي( وترفع ايدها بـ تهديد ) سيــــــــف بذبحه وربي..!
بس انفجعت انه الي يالس فالكرسي وجدامه الطاوله ويشرب ماي مب سيف....!
\
/
\
/
\
/
\
بيـت بـو حمدآن ..!
.حمدان يالس فـ جناحه ويـفكر بـعمق ..:افتحـه ولا لا ...لا لا حرام هاي مب من طبآيعيه,,,بس ليــــــش ..بس شوي ..وعقب برده ....لا ياحمدان حرام ...!
اوووووووووووووووه بفتحه والي فيها فـيها ..!
فتح حمدان فون رواضي وبدا يتعبث بالفولدرات لحد ماوصل لفـولدر الصور ..الي رواضي تخزن فيه صورها ..!
.
بدا يطالع من صوره لـ صوره ومن صوره لـ صوره ..وكل صوره ينبهر منها اكثر وبـ خاطره :عنبووج يالوسخه محلاتج .....
لحد ما وصل لـ صوره رواضي متعلقه فـ عنق واحد .. بدا يركز ويزكز ..وقال:انا اعرفهم حمد ومحمد وطالعتهم فـ الـعزيمه منو ها ياربيـه ..!
اخوها سالم ..لا لا مستحيل اخوها سالم كل يوم اطالعه فـ شركه ابوه ..!
.
منـو هآ ياربيـه ..!
منـو هــآ ..!
سـار ع التاريخ وطالع الصوره ملتقطه تقريبا من 17/5/2007 م
حمدان بفهم : يعني من اربع سنوات تقريبآ ..والرمسـه الي اليوم قالها لـي هاك الريال الي فهمته منه انه متضارب ويا روضه من قبل اربع سنوات ..!
معـقول يكون هو نفـسه الي دآق اليــوم ..!
طالع ع عنــوآن الصـوره " آلـخآين آللي بآعج 1 "
سار ع الصوره الثانيه وبعد متصوره وياه بس هالمره حذاله وجريب من حضنه ..
وشراتها بعد يعني عنوآنها " آلـخآين آلي بآعج 2 "
بدل الصوره وكان يتحرك من صوره لـ صوره وتقريبا نص الصور لـ روضه و ويـآها هـآ الريال..
.
وكل صوره يكـون عنوآنهآ " آلـخآين آللي بآعج (مع رقم الصوره) "
حمـدان ابتسم ويحس نفسه مقهور من الداخل:اكيد ها اللي
انا رمسته اليوم .. شكلـها تمووت عليـه ..!
وابتسـم بـخبث ..بس عقب استبعد الـفكره الي ييت فـ خاطره ..لا لا مستحيل ..مستعد انتقم فـ كل شي الا ها يا حمدان مستحيـــل ..!
.
\
/
\
/
\
/
ويــــآ روآضـــــــــي فـ المطبــخ ..!
روضه ودخلت رأسها زياده لحد ما كانت بطيح وهي ماسكه بايديها فاليدار وعقبها حركت ريولها تبا تثبت عمرها لانها كانت بتطيح ..:منــو ها الصخل الي وياك ..لاتقولي سيــــــــف بذبحه وربي..!
بس انفجعت انه الي يالس فالكرسي وجدامه الطاوله ويشرب ماي مب سيف....!
رواضي بأستنكار وبصوت خافت محد يسمعه:وووع
(ولفت نظرها ع محمد ومشت وعقب التفت مره ثانيه ع جهته واخذت صبوعها السبابه والوسطى وجربتهن من عيونها (في ما معناه انا اراقبك )
وقالت : براقبك عن بــعد ..ما بودرك ..
.
وكملت طريجها ومرت ع البشاكير بس عقب عطت بريـــــك قوي والبشاكير استغربن بلاها وقفت ..!
طالعت عليهن وعقب كملت بسخريه : اقول تريني شوي بس (تحرك ايدينها ع جدام )..بسير اييب فكه وبوزعها عليكن ..خخخخ جنه عيد يعني ..يعني عيديه ..(وتحرك ايدينها )خاطريه اسويها من زمان ..شرات الشيوبه اونهم كريمين ..يا اقولكن يعني جنيه امير ويوزع ع الفقراء اللللللله.(وحضنت ويها بـ أيدينها ).!
البشاكير مافاهمات شو تقصد بس انصدمت من واحد انفجر من الضحك والصوت ياي من وراء الطابور..
روضه بأستحقار :عنلات هالاشكال وخرن بسسسسرعه
(خازتهن وفتحت الكبت الصغير الي فالارض واول مافتحته شافت سلندر متقرفص داخل الكبت وقال وهي تحرك ايدها ع فوق :اول مره بحياتي اطالع سلندر يتقرفص ها اكيد نوعيه يديه من المطاط ..!
وتسحبها من ايدها وتظهرها من الكبت :تعالي يا مسوده الويه محد قالج تـسبي يوم تخافي من الناس الشريرين>>>لا اموت ع الشريرين ..
رواضي وتزقر يزوي:يزززوي حبيبتي تعاااااالي .....يا اقولج تعالي انتي ويا حمدوه ويـيـبن وياكن مضارب بيسبول ..>لا بالله راحت فيها
عواش بخوف:لا الرحمه الرحمه ... وابووويه ..!
ظهرتها من الكبت وهي تزخها من اذونها وتسحبها :جم مره قلتلج لاتقوليلي رويض ماتفهمي يالسلندر يالتيس..؟!
عواش :اييييييه اذووونيه ,..
رواضي: جب انتي .....0(وتزقر يزوي):وين هالمضرب تأخر بسرعه بنسوي هريسه شوي هني ..
ييها محمد من وراء :رواضي ودري البنت ..!
رواضي :مابا ماشي ..
محمد:رواضي بتصيح ودريها ..
رواضي وتطالع بـ عيون عواش وتسحب اذونها :اونه صج بتصيحين ..
هزاع يتمصـخر : تسألها بعد
عواش تحرك رأسها بأيجاب :هيييييييه بصيح
رواضي:انزين بفجج بس قولي هاي اخر مره توبه ..!
عواش ذلوها :مااابا
محمد:عائشه قولي توبه عسب تفجج ..مانروم نجرب صوبها بتربع لـ ابوويه
رواضي تضحك ضحكه خبث:هاهاهاهاااااااا>>دخيلج
وتكمل بسرعه :يلااااااااا قولي
عواش:توووبه خلاص
رواضي:سمو الاميره الشيخه
محمد :بسج عااااااااااد
رواضي :هاه انزين خلاص ..(وفجتها )
وكملــ بلغه عربيه فصحى:انطلقي ايتها الشاه الصغيرونه ..!
ماتسمع غير محمد و هزاع متفققين من الضحك ....
رواضي فـ خاطرها :شــــــــت شقايل نسيت انه ها فـ المطبخ ..اوف لازم اول شي نراويهم الناس اليديدين فـ العايله الاتكيت والبرستيج مالنا ....خخخخ عيبتني هاي اليديدين فـ العايله خخخخ..مب جنيه شوي خبله خخخ >>بعدها تسأل
.
مشت رواضي وراء عواش وما تطالعت ع وراء بس رفعت ايدها وسوت مالت وقالت بصوت خافت ..: هاااااااه مالت عليكم ...
محمد:وعلـــــــــــــــــيج ..
رواضي فخاطرها :يا اؤلللللللله سمعوني..لا بالله يا رواضي خرب البرستيج..
.
عواش ما تتفلت غير ويا البنات وتقول بصوت عالي :صـفعووووووني
..
البنات انفجرن من الضحك : هههههههههههههههههههههههههه
يزوي:محد قالج والله ..
عواش:والله العظيم مب جنيه اكبر عنها ..!
امل بعدم تصديق:انتي اكبر عـنها ..؟
ييت روضه من وراء عوواش :هاا الي قاصر بعد .. اليهال اكبر عنـيه انا
.
البنات انفجرت من الضحك اما عن عواش فـ عصبت ...
.
نشت عواش وسارت بـرع وظهرت من الباب الخلـفي للفله ..
رواضي حولت نظرها تطالع ع عواش الي توها ظهرت وعرفت انها زعلانه ..
.
عقب ثواني نشت رووضه وتبـعت عوواش بـرع ..
(ماروم تـطالع ع اي شــخص زعلان ماتسير له سبحان الله يمكن طبيعه فيها )
عواش كانت يالسه بواحد من الكراسي الجانبيه الي بـ الحديقه ..
وصلت رواضي لحد عواش وقالت بمـرح : افااا الــحلو زعلان ..؟
.
عواش صدت صوب الشير اونها ماتبا تطالع ع رواضي ..
رواضي :لاااااا .. الظاهر صـج زعلانه ..
عواش :.......... " لاتعليـق "
روواضي ييت بـ بالها فكرت .. تعودت دايم تسويها ..لانها بـمجرد ما تبدي تسووي هـ الخطه غصب عنه الي زعلان بيرضـى ..
.
بدت تغـني بصوتها العذب الدافـئ :
زعلان يا زعلان خليت قـلبي حيران
ماقلتلك ياحبيبي بطل ( وتحرك رأسها ع فوق ) دلع من زمان
.
عوواش :..............."لاتعليق"
رواضي بخاطرها:لاحوووول مصختها هااي ..احم ووويت
.
وبدت تغني مره ثانيه وبصوت مايخلو من نبره الخبال: هلا يارمانه والحلوه زعلانه
.
اول ماغنت هالاغنيه ماتسمع غير عواش تنـفجر من الضحك ..
روواضي:هييييييييييه ضحـكت ... طاح الحطب
عـواش مبـووزه: لا ما طـاح
حاولت رواضي تزرع بصوتها نوع من العصبيه عسب تخوف عواش وبسرعه ترمس :ايـيـيه انتـــــــي ..لاتصدقي عمرج انتي اللي فـ البدايه غلطي عليه وقلتي لـي رويـض
ولانسيتي ..هيه ترا المضروب ينـسـى بس الضـارب ماينسـى
عواش انفجرت من الضحك :ههههههههههههه روضه ..
روضه:ليش تضحكين هاه ماقلت شي يضحـك
عواش :لا سلامتج بس اونه ناس بيطورون وبيقولون امثال وقالوا المثل بالعكس .. ههههههههههههههه
رواضي تقلد عواش وتخرب فـ الرمسه شووي :ثـو بالعكث ...(شو بالعكس)>>قاصده تتمصخر فـ عواش خخخخخ
عواش:هههههههههه روضه حبيبتي يقولوا الضارب ينسى بس المضروب ماينسى
رواضي بـفشله :هاه ..اصلا انا قلت صح ..مالت عليج وع تعديلج
(ونـشت تبا تحـدر داخل بس وقفتها ايد عواش الي حوطت ع ايدهـا )
.
رواضي وهي معطيه عواش ظهرها : ايييييه حتى انتي علموج تسوين
هـ الحركات >> تقـصد شرات حركات حمدان ..
عواش :هههههههههه هيه علمووني بعض الناس ..
رواضي:مالت عليج وع الناس الحراميه الي تقصدينهم ..
زين جيه>> حراميه تقصد حمدان لانه سارق فـونها ..خخخ هالبنت متحمقه بصدق
.
عواش وطولها :مقـبولـــــــــــــــــــه منج مقبووله ..
(وبـ عياره ) .. بـس طلبتج يالغاليه ..طلبــتج ..
.
فزت روواضي وبـنخووه : افا واللللله .. عطيــــتج ..
ابتسمت عوواش بـخبث لانها تدري محد يقول هـ الكلمه لـ رواضي ما تقوله عطيتك لانها اذا ردت فـ كلمتها اونها بتـخرب النخووه خخخخخ
.
عوواش : غنـــي لي
روواضي بصـدمه :شـــو تحلمين انتي ... ماشي ماشي
عوواش: افا والله ..توج تقولين عطيتج ..
رواضي طالعت عليها بـ قهر وقالت : بس لانج قلتي طلبتج بغني لج واذا تجرءاتي وقلتي مره ثانيه " طلبتج " بقص لج رقبتج فاهمه ...
.
عوواش: هيه هيه فــاهمه بس غني لي ..
.
يلست رواضي فـ الكرسي حذال عواش وطالعت عليها وقالت : شو تبيني اغــني
عواش:كل شي من بؤج حــــلو
رواضي بنص عين : يالله يـالعـــياره ..خلصيني شو تبيني اغنـي
عواش تفـكر:مممممم مممم يـآما شكـيت الهم من هم
روضه طالعت عليها بـــصدمه وعقب قالت : مـــابا زين جيه .. بـغني لج ع كيفيه ..(وتنهدت وقالت فـ خاطرها ) : روضه انتي قلتي مستحيل تغنين عقب هاك الـسالفه بس احين غنيتي مرتين حق منصور وحق عواش اوووف معليــه بغني ولو هي قالت طلبتج ..اووف رواضي ليش تضغطين ع نفسج في سبيل مرضاتهم..اوووووووووه
.
عوواش :رواضي يلااااا تأخرتي ..

رواضي:اوك انا ماحافظه وايد بس حافظه اغنية ماخفيته بقلبك ظهرا عن قلب .. بغنيها اوكيك ..
( ع فكره ويـا روضه هوايه حفظ الاغاني يعني اي اغنيه تحدر مزاجها اكيد راح تحفظها ..)
عواش : بعد بستوي طرار ويتشرط اذا قلت لا .. انتي من المستحيلات تغنيـن ... وعاده يوم بتغني بقولج لا .. يلا غنــي تراج ذليتيني ..
رواضــي وتهيئ نفسها :اممممممم .. ( وبدت تغنــي ) ..
ما خفيته بقلبك ينقرا في عيونك
لا تحاول تخبي لوعتك فيسلامك

انت منتى و طبعك مات بالورد لونك
تبتسملي وحزنك ينعرف منكلامك
)وتذكرت الموقف ورفعت رأسها للسـماء ..جنها تبا تمحي هالذكرى)

كل شي فيك ينطق حتى ثورة شجونك
زادها الشوق غيره وانكشف ليغرامك

وين شوق التلاقي وين لحظه جنونك
وين ورد تفتح من رياضابتسامك

وين قلبك وفكرك وين سارح بكونك
كل شي فيك يدعو للتعجبعلامك

ليت يا نور عيني ما تصدق ظنونك
في عشير تهمه راحتكوانسجامك

في عشير شؤونه يا حياتي شؤونك
عاش منك ولجلك وافيبالتزامك

كيف أنساك واقدر يا حياتي اخونك
وانت بالقلب واحد ماني كنيغرامك

تعتقد لو جفيتك أقدر أعيش دونك
وانت نبضي وحسي خاطري مستهامبك
(غمــضت عيونها بــألم ..وتذكرت لما كانت تأشر ع عهود ع انه "انا اقصدج بـ هالمـقطع " )


اطلب الله ربي يحفظك لي ويصونك
واعرف انك في قلبي ما لغيركمقامك
وعقــبها سكتت ونزلت رأسهـا للارض لانها هـ الاغنية بـالذات غنتها لـعهود لما التقن اول مره بـ فرنـسا ..
بس فـجأه سمعت تصفيق حــار وتصفير وانواع الــمدح ..استغربت منو ها الي جيه يصفق الي ادريبه انه عواش هني بس .. شقايل استوت كل هـالحشره ..
رفعت رأسها وتفــأجت انه كل البنات موجودات ...
رواضي بصدمــه :شو تسون هــني ..
امل:من اول مانتي ظهرتي وتأخرتي قلنا اكيد الوحش عواش صفعتج وقلنا بنظهر نسـاعدج ... بس اللي صعقــنا انج تغنــين ..
يزوي بعـصبيه:رواضي يوم انا اقولج غني ماترضين تغنين احين شقايل غنيتي حق هااي ..؟
عواش: اييييييييه شو هااي احترمي نفـسج ..
حمدوه :صح ليش غنيتيلها ..
رواضي سكتت ..لأانها ماكانت موول ويــاهن ..تفكر بـ اول مره التقن فيها هي وعهود ...) ..
.
يزووي : روواضي انا ارمســج ..
رواضي توها تحس بالدنيـا :هاه ..هيه ..
حمدوه:شو هيه ..قلنالج غني لنا يــلا ..
رواضي بــأعتراض:بــــ......(قطعن عليها البنات)
امل بتمثيل : روضه حرام عليج نهون عليج نحن اول مره نسمع فيها صوتج يلا غني يلا غني يلا غني ..
وبدن البنات وياها يصرخن :يلا غني يلا غني ..
ضحكت روضه ع هبـالهن ..وقالت :من عنوووني والله ..
.
وبـــتسأول :شو تبني اغــني ...؟
شووق: ع ذوووقــج
رواضي:لا مي هي اكبر وحده ..مي شوو خاطرج اغني ..؟
مـي بهدووء: ع راحتج روواضي ..
رووضه تفكر :مممم اوك
..
..
و بنفس المــكان لكن ويـا اشخاص ثانين ...
ميرره ترمـسه :ززين لحـــقت ...
حمدان:اوووف شو ويــاج داقه عليه وتصرخين والحق بيفوتك نص عمرك ..
مــيره تسكت اخوها عسب يسمع لانه روضه بدت تغــني :اسمع اسمع وعقب بقولك ع كل الســالفه ..
.
.
ويــــا روضه اللي بدت تغــني بـبحه وصوتها المخنوق ..
واللي حتـى مايعرفونها راح يقولون هاي اكيد انها كل ألام الدنيـا فيها لو مابيستوي صوتها جيه ....
.
يازمن غلطان اني فيك امنت ورضيت

غلطتي اني بظني اكثرامنتك وجيت

خنتني ورديت عني يوم انا بجمرك وطيت

هبتنيي ونهبت منيكل مافيني ومشيت

صدق والله ضعت لاني من تصاريفك رجيت

ياحسافه منككني ضعت وفي همي بكيت


صرت بالحيره اغني وانتخي كل مابكيت

لابعدمع هالتجني يازمن فيني قسيت

يازمن خذني بتئــني مت انا بكوحييت

لاتحملني بمثقلي همي من ثقله انحنيت


روف بي لاتمتحني منسبايبك ابتليت

وانت حاناتك بلني لاخذيت ولا عطيت




عقــبها نزلت رأسها .. والكل ترجمها ع انها مسـحيه .. بس نظرات حمدان واندهاشه من صوتها العذب ..اللي مزروع فيه كل الالم الدنيا مااخــفى عليه .. انتبه له عكس ما الكل كان همهم يستمتعون بالاغنية .. بس حمدان كان مركزز بكل جوارحه ..
.
ميره بهمس :وااااااااااااي صووتها يخبل يننن وووربي
حمدان : صح وايد حلووو .. ..وبخاطره :الا ياميره ينن وربي انه يذبح عنبوها من صوووت قسم بالله افتر عقليه من هـ الصوت ..لكن ليش كل هالحزن بـصوتها ووهي تغــني ..؟!
.
ويــا البنات ..
مي :يعلــــــني ماخلى من هـالصوت الذبووحي
شووق:ووربي صووتج يخبل ماشاء الله ..
ابتسمت روضه رداً للمجاملاتهن ..
يززووي : احم ما لازم اقول او امدح ..بس صووتج خاايس يلوووع
حمدووه تســايرها :هيه يلووع حشى شو هالصووت وع بس
رووضه ابتسمت لانها تدري انهن يسولفن ويــاها ..
.
امل: يلا نحدر ..الجوووو واايد بــارد .. احين بتجمد ..
كل البنات ماعدا روضه :هيه والله ..
حدرن البنات بس فــجأه توقفن حمدوه ويزوي والتفتن ع وراء وطالعن رواضي يالسه ع الكرسي بعدها .. وجنها مول مب فـ الدنيا شاارده ..
كانت حمدوه تبا تسير ويــاها بس وقفتها يد يزوي وهي تقول: محتايه تكون بروحها ..
حمدوه وخيفانه عليها : بس اخاف عليها يزوي ..
يزوي: وانا شراتج بموت من الخوف عليها ..بس هي محتايه تراجع نفسها ..
.
حدرن البــنات داخل وكانت روضه بعدها برع ..
ويــا حمدان وميره ..
.
ميره بالاصــل كانت يالسه تتمشى بالمزرعه بس وفجــأه وقفها صوت انثوي يالس يغني ..تقربت من الصووت والصوت كل ماله ويــعلى ..وهالصوت كان ياي من المزرعه اللي حذالهم ..اول ماتقربت و جربت رأسها من الفــتحه اللي كانت باليــدار ..حولت نظرها ع بنتين يالسات بالكرسي ..وحده تغني والثانيه تستمع لها .. فجت عيونها مب مصدقه ..لانها تعرفها هالبنت اللي تغني هاي محد غير رووضه ... بس البنت اللي حذالها ماعرفتها ...
.
بحركه سريعه منها ابتعدت عن اليــدار .. ودقت ع رقم اخووها ..
ميره : فصوول الحق بســــــــــــرعه ...طيران تعال الصوب الثاني من مزرعتنا ...واذا ماييت صدقني بيفووتك نص عمرك ..
عقبها يي حمدان ولحق ع الاغــنيه الثــانيه ..
.
بــالوواقع ..:
.
ميره بعياره : ممم انا خلاص وجودي مااظن له داعي ..باباي ..
.
وسارت عن اخوهــا ...
.
يلس حمدان يطالع ع رووضه جنها بــصدمه موول ماتتحرك ..بس تـــفأجى من حركه سوتها رووضه .. فج عيوونه للاخر ... معقووووووله رووضه معقووله ...
.
رفعت رأسها وطالعت انه كــل البنات حدرن داخل .. وحولت نظرها تتفحص المــكان ..
( المكان كان عباره عن غــابه مليئه بالاشــجار وكان وسطها كرســي .. يعني اي شخص يي من داخل تمنــعه هالاشــجار من الرؤيــه ..لانها كانت مغطيه المكان كامل ..)
.
بعد ما تأكدت انه مستحيل احد يطالع ع حركاتها ..رفت ريولها لـفوق الكرسي ومدت ايدينها وحضنت ريولها بــايدينها ..
.
كانت هالحركه بمــثابه صدمه لــــ حمدان ...
هـ الحركه محد يسويها غير اللي صج صج كارهه عيشته .. ومهموم صج ..
انثبت له اللي كان قبل شوي يفكر فيه .. صوت روضه اللي كان مب طبيعي مووول وهـالحركه بالذات اكدت له شكوكه ..
.
لازالت رووضه ع يلستها .. بس فــجاه وخرت يـدينها من ع ريولها اللي كانت حاظنتنهن..ورفعت ايدينها ع رأسها ومسكته بــالقو .. وبدت تضغط عليه جنها تبا تمسح ذكــرى أليمه مرت بـــداخلها ..
.
حمدان بــداخله : بلاها هاي .. معقوله اللي جدامي رووضه .. لا لا مستحيل تكون هــي ..!
رد حمدان ع وراء يبــا يشرد ..مايبا ينصدم بحركه يديده من روضه .. بس عرقل سيـِره جذع مرمي ع الارض ..وبذاته اصدر صوت انكســار الجذع ..
.
رفعت روضه رأسها لانها سمعت صووت .. وانصدمت وهي تطـالع انه الجـو بدى يتغير .. وجنه الشمس بدت تنزل ودرجه الحراره عاودت اكثر بالانـخفاض ..
.
روضه بداخلها :منو هني انا سمعت صووت ..لا اكيد صوت الريـاح ..
.
نزلت ريولها وهي تطالع ع الاشجار اللي كانت تتمايل يمين وشمال من قوه الريـاح وصوت الاشـجار وهي تحتضن الريـاح كانت بذاتها تصدر صووت عالـي ..
.
نشت من يلستها وتوجهت للفــله لانها بدت تحس بالبروده تجسر لها اعظامها ..
.
تنفس حمدان الصعداء وهو يطالع روضه تحدر الفــله ..
عقبها توجه لفلتهم وهو ينفض رأسه من المنظر اللي توه طـالعه .. ويحاول يذكر نفسه بـأنه يحاول ينتقم من روضه بـأي طريقه ..
مع بعض الاضطرابات اللي توقفه وتقوله انه روضه ماسوت له شي عسب ينتقم منها ..
بس كان دافع قووي بداخله هو اللي يجبره ينتــقم من روضه ..
.
حدرت الفلـه وهي متوجهه لـ صـاله المفتوحه ..
جربت من الصاله وطالعت كل هلها متيمعين فيها ..
والمدخنه اللي كانت ع الجنب والضو بـداخلها ..عسب تنشر الدفئ بـ ارجى الصاله ..
ييت ويلست بهدوءها المعتاد فـ جنب وحده من الغنفات ..
وحطت ايدها اليسار ع خدها .. ويلست تتطالعهم وتسمع النقاش الي وكل ماله ينحد اكثر ..
ام سالم وهي ترمس بوسالم :بس يا أحمد (بو سالم) مايستوي ..انت بس توك قلتلنا ..
بو سالم ويطالع ع بوهزاع وبـ ابتسامه: وانا كنت اتريا اخويه يي عسب اقولكم .. وع فكره مابا اي شخص يتأخر ..فاهمين ..
روضه ألف علامات الاستفهام فـوق رأسها وطالعت ع البنات اللي موجهات نظرهن وبـ اهتمام يستمعن لرمسه عمهن ..
.
حولت نظرها لشباب وانصقعت وهي تطالع هزاع يطالع عليها بـنظرات مافهمتهن ..
بس ماسرع مانتبه انه روضه انتبهت له وحول نظره لـ محمد ...
.
نفضت الافـكار اللي بدت تنولد بـ رأسها وقالت بصوت هامس لـ حمدوه وايدها ع خدها : حمدوه شو مستوي ..مافهمت شي ..
حمدوه بهمس :بعدين بعدين ( وهي مركزه عيونها ع عمها ) ..
.
روضه فـ خاطرها : حشى شو مستوي ...؟
.
روضه ماقدرت تصبر .. ورفعت ايدها وضربت بـ الخفيف ع جتف حمدوه :قلتلج شو مستووي ..<<الفضول ومايفعل خخ
حمدوه بـ نفاذ صبر : معزومين معزومين .. زين جيه فهمتي
روضه وطالعت ع فوق ..ولوت بوزها :اونه معزومين ..انزين وين ..؟
وردت ترمس حمدوه : انززين وين ..؟
حمدوه بـ عصبيه :رووضه فكيني من شرج .. قلتلج معزومين ..
روضه والفضول يلعب بداخلها : انزين فهمت قالولج خبله .. منو عازمنا ..؟
الفتت يزوي بـحذر وقالت : بو حمدان عازمنـا الليله ..
.
،
.
آنتهـى آلـبآرت الـ ( 13 ) ..
مع تمنــيآتي لكم بـ قرآءه ممتعـه ..وأيضاً تفاعل اكثر
.

روعة طر اتريا التكملة و ربي اتخبل الرواية اتريا البارت الياي عن قريب :)

الرواية وايد طرررررررر بس للأسف الكاتبة ما كملتها

الروايه خطيييره والبااارت اخطر
احين صج ماشي تكمله للرواية؟