منتدى استراحات زايد - قآﻟۆ : ﻣﺳگين ن مَـآ عِندگ ْشخص "يحبگ ۆتحبہ.. ړديٺْ بِڳلْ بَــړۆد: ۆشَو يعني! يگفيـﮯ عَنْدِيـّے أصحاب يبيعۆن آﻟدنّيـآ عشآني

البارت الرآبع عشر

.
.
.

ظبية سارت داخل ودقت على حنون
طوووط طوووط طوووط
.. : ألوو
ظبية : ألوو .. السلام عليكم
.. مستغرب من الصوت : وعليكم السلام
ظبية : حنان موجوده !؟
.. : هيه .. لحظة (وسار زقرها)
حنان : ألوو ؟!
ظبية بكل لهفة وحنيه : هلااا والله
حنان : أهلييين
ظبية : يايه ؟
حنان أستغربت ‪)‬وعاقدة حوايبها‪(‬ : شووه ؟؟
ظبية : يايه وياهم ؟؟
حنان : ويا منو ؟؟
ظبية : لا تجذبين ! يايه ويا قوم لطوف ؟؟
حنون بصددمه : كيييييييف ؟؟
ظبية : بلااج ؟؟ ماييتي وياهم ؟؟ لاتقولين !!
حنون : منو ياي ؟؟!! لطوف ياييه عندج ؟؟
ظبية : وشموه وميثوة ..
حنون فوولت : نعععممممم ؟؟
ظبية : أوووف .. يعني يايين بدونج ؟؟
حنون فيها صيحه ومقهوره : هييييه .. أفف يقهروووون .. و (كانت تبا تقول شي وسكتت) أووف ياربييه أبا أيي
. . .
صوب الشباب محتشرين مب طايعين ينشون يتريون البنات يبون يترزقون ههه .. والعيايز محتشرين عليهم
أم منصور : نشوووا يلااا
أم سعيد قامت : أنا بسير أخلي البشاجير يسون دلة قهوة مره ثانيه
وقامت وياها أم حمدان : حمدان أمييه سير ييب أختك عليا قوووم ..
حمدان : أنزييين
أم حمدان تهازب حمدان لأنه بعده يالس و لا تحرك : قوووم بسك من هالتلفووون قووووم نشش
يدته ظبية : فززززززز أنت وياه (ونقز حمدان .. لأنه كان قاعد عدالها)
حمدان وهو يعابل الفون : هدي العيوز !!
يدت ظبية : عييز حيلك
وطلعت ظبية من الحجره
أم حمدان ردت تنازع حمدان : يالله بالستر .. (وتصارخ) حمدااان
حمدان : هااه هااه .. بقوم أنزيين (وقام) نشو أنتو يلااا (لا حياة لمن تنادي سعييد يعابل فونه وهو واقف ومن الصبح يترياهم وخلفان يتريا البنات) ي الهوووووووووش يلااا
خلفان قام : يلا ي الصخله
هدى أخت خلفان : ما شاء الله ..
عواش : حدييقة حيوانات كامله
عزوووه تكمل : متكامله
حمده وظبية وهدى وعواش : هههاااااااي
عواش : مصخرناهم لااه !
حمدان يطالعهم بنص عيين : ههه المشكله نحن مانرد على اليهاال .. (ويطالع يدت ظبية) صح عيوزنا ؟!
يدت ظبية ماسمعته
خلفان : المطلوب نضحك يعني ؟؟
سعيد : دخييلك حمدان ييب شيول وقرقطني بس عشان مستقبلهم مايضيع حراام
حمدان وسعيد وخلفان قطعووهم ههه ليين ين العيايز من المطبخ وهزبوهم وظهروا و دق تلفون ظبية
ظبية : ألوو
لطوف : هلااا
حمده شلت عنها التلفون : هاتيي .. ألوو
لطوف : من أي باب ندخل عشان نييكم ؟؟
حمده : الدوار خذييه يسار قسم الفي أي بي
ودلتها المكان ووصلوا .. وأم حمدان تستقبلهم وأم منصور وأم سعيد ين يسلمن عليهم .. لطووف اول ماشافت ظبية .. حظنتها ودمعت عيون ظبية وحمررت .. وضربت شموه لطوف ودزتها عن ظبيوه وحظنتها اقوى شئ .. عقب دور ميثووه
ميثوه : حيااااتي انتي .. (وحظنتها)
وعقب سوالف طويلة وحش عند البنات .. والعيايز يتقهوين (وفجاة اندق الباب .. وسمعوا حد يهود .. ودخلت عليا وولدها .. وقامت لطوف مع حمدوه المطبخ " المطبخ مجابل الباب")
ولطوف وهيه رايحة سلمت على عليا : مرحبااااااا
عليا ابتسمت وسلمت عليها : اهليييييييييين (وولدها ماسك عباتها مب راضي يفج .. ولطوف تطفره شوي تقرقطه وشوي تمطه)
لطووف : تعااال (راشد منخش ورا امه .. عقب عليا راحت داخل تسلم على الحريم .. ومرة ثآنية تبطل الباب)
لطوووف (كانت عاطية ظهرها للباب ولفت على طووول ويوم شافت ريال لفت بسررعه تعدل شيلتها) : أووبس
حمدة (اتطالعت حمدان بعصبية) : اييييييييه
حمدان (بهت شوي وهوه يطالع لطوووف قبل لاتعدل شيلتها وقفط ونزل راسه) : السموحة
حمدة : شو تبااا !!؟؟
حمدان : زقري امايه بسسسرعة
حمدة (سارت تزقر ام حمدان وخلت لطووف اروحها .. ولطووف شرده على المطبخ .. وحمدان قافط وفي نفس الوقت فيه ضحكة .. وظهر يتريا أمه برا)
صارت الساعة 8 وشوي ويايين بيروحون قوم لطوف
أم حمدان : يلسوا ما تقهويتن ؟
لطوف تصاصر حمدة : جاان من الصبح ونحن نزط وماكلنا شي !!
حمده ضحكت بصوت شوي مسموع ولفن عليها عواش وعزووه وهدى >> الرززه
عواش وعزووه وهدى ين صوبهم : شوو شوو ضحكونا ؟!
حمده بغيااض : حصررري .. لطوف ما تقول حق حد (وترقص حوايبها)
لطوف : منو قال ؟؟ (ولفت صوب عزووه وعواش وهدى) تبوني أقولكم ؟؟
عواش وعزوه وهدى : ههييه ههييي
حمده ضربت لطوف ع جتفها : ي الحماااره صدق ماتستحين ‪!!‬
يت ظبية صوبهم هيه وميثوة وشموه
شموه : في حد نااقص صح ؟؟
هدى : يبب
حمده : هييه .. خلوود
عواش : تصدقون عبالي موجوده !!
لطوف : مسكووووا السقف دخيلكم
البنات : هههههههههه
عزوه : عااد أنا أمرره ماحسييت أنها مب موجوده
هدى : أمبوونه وجودها والعدم وااحد
ميثوة : حرراام عليكم .. هههه
عزوووه : ويييييه بعدج ماعرفتي خلوود زين
والعيايز سوالفهم ماتخلص من الصوب الثاني . .
يدت ظيبة : والله أنه من شهرين رادين من تايلاند
حصة : ولا فااد .. بعده ركبها وظهرها يعورنها
أم حمدان : نفاااد يالله .. بنوديج ألمانيا
أم سعيد : لا يالله والخيبتيين بعد
أم خليفة : لا هذا ولا هذا .. خليي هاي وحده أسمها شمسه مسااحها زين .. هنييه ساكنه في المرخانية ..
وتمن يسولفن وهن واقفات
أم فارس : يلا نترخص نحن
أم حمدان : خالفتكم العافيه
أم سعيد : فداعة الرحمن
هآاع توديعات العياايز ماتخلص والبنات ليين الباب وهن يسولفن
لطوف : خخخخ عاد اللي يسمعج رابع يخطبني .. سكتي لا أمايه تسمعج ههه
شموه : لا تنكسل ويزتج وتسفرج بلادج ههآآع
ميثوة : تحطيييم والله لو يستوي عدنا عرس .. ههههه عاد من زمان ما أستوى عدنا عرس نحن
ركبن السياره ووصلوا بيت قوم شموه ونزلوا أمها وشموه .. وساروا بيت قوم ميثوة
ميثوة : خالوه خليه يوقف برا والله أخاف أبوويه يشوفني !!
أم خليفه : ي الله بالستر تراني أنا وياكم ؟!
ميثوة : خالوه تعرفين أبوي كيف .. دخييلج خالووه خليه يوفق هنييه هنييه هااه
أم خليفه : ماعليه أنا بنزل وياج ..
لطوف : بترياج في السياره
أم خليفة : نعم ؟؟ وجيه ما بتنزلين !!
لطوف جنها منسدحه ع السيت وترمس جنها سكرانه : خخخخ تووحفااا أووميي (تحفه أمي) بس جييه ما بنزل
أم خليفه : لالا لا بتنزلين هب ع كيفج .. والله .. أونه شو مابنزل بترياكم في السياره .. قصوورج بعد
لطوف : أوكيه هههآآآآْْععع .. أماه ؟!
أم خليفه : هاااه
لطوف : ماشي أجرب أزقرج بتردين علي ولا لاء وااككك
ميثوة متوتره : سخيييييفه عـ فكره
لطوف نقزت : محد كلمج أنتي
قربوا من البوابه وميثوة قلبها طخ طااخ طااااخ .. دشوا الحووش وعلى طوول لفت صوب الباركنات اللي في الحوش وشافت سياره أبوها موجوده .. فززززززز قلبببببببهههههااااا من مكاانه
ميثوة بششهققه خلت الدريول يسوي برييك قويي
ميثوة بخوووف : وييييييه أبووي هنييييييه .. آللهه يسسستر
أم خليفة تهديها : ماعليه ماعليه بنزل ويااج .. نحن وياج يالله بالستر !!
أم خليفة نزلت ونزلت ميثوة وراها ولطوف آخر وحده نزلت .. ميثوة ماسكه لطوف بالقو من إيدها وخيفانه وأم خليفة مجدمتنهم .. يوم دخلوا البيت صصخه .. دخلت ميثوة لفت صوب الصالة لقت أبوها وأمها قاعدين شكلهم قاعدين يتريون حد وأبوها كان يهز ريوله بشكل يرووع ويتحرقص وماسك في إيده عصاا محنايه وعيونه يطلع منهن شرار أحمر .. ميثوة زايغه من قلب وشوي تبا تصيح يوم شافت العصا قالت ف خاطرها : " ويييييييييييهه .. ياويلي رحت فيها .. والله أني قلت والله "
أم خليفة لفت عليهم : السلام عليكم ..
بو ميثة بحزم : شرررررفففففففففتتتت سسستتتت اللللححححسسسسن ؟؟
أم ميثة بصوت واطي : وعليكم السلام
ميثوة نقزت من نبره صوته وبعدها ماسكه في لطووف
أم خليفة عرفت شو بيستوي لفت على بو ميثة : هدو هدو كل شي يستوي بالتفاهم على شو الصريخ والزعيج
أم ميثة : يا بوميثة البنت قايلتلي أنها
وقاطعها بو ميثة : سكتييييييييي أأنننتتتتيييي
لطوف : عمي ممكن تسمعني !
أم خليفة لفت على لطوف وطالعتها بنظره أنه "سكتي"
بو ميثة قاام صوب لطوف وميثة بس وقفه صوت أم خليفة : خممييييييسس .. البنت كاااانت ويااااااااي .. ومرمسين أمها قبل لا نظهر ورخصتها .. مايحتاي تحرج البنت جدامنا .. أنا خبرتك أنه عاطين أمها خبر قبل لانظهر .. وما أظن فيها شي يوم البنت ظهرت بدون شورك ظهرت بشور أمها .. وتعرف هيه وين سايره وواثقه من تربية بنتها وعلى أساس أنه أنا بسير وياهم رخصتها
خميس لف على ميثة وبحزم أشد : ذذللفففييي غغررففتتجج
ميثة سارت فوق ويايه لطوف بتلحقها
أم خليفة : وين سايرة أنتي تعالي يلا بنسير
لطوف كانت حاطة ريلها على أول دريه وردت وظهروا ركبوا السيارة وروحوا البيت .. بو ميثة بس ترياهم ليين طلعوا من حوش البيت ورببعع فووق حجرة ميثة ويدق دق الباب لأنها قافلتنه بكل بقوو وشراسه
بو ميثة : بطللللللييييييييي

‪.‬
‪.‬
.‬

توقعاتگم . .
شو بيصير مع ميثة ؟؟
شو بيسوي أبوها ؟؟
شو بيستوي في الأسبوع الياي ؟؟‪

البآرت الرآبع عشر

‪.‬
.
.

ورببعع فووق صوب حجرة ميثة ويدق الباب لأنها قافلتنه ويدق بقوه و بشراسه
بو ميثة : بطللللللييييييييي
أم ميثة خايفه لا يجتلها هالمره : خمييس حراام عليك البنت قبل لا تظهر مخبرتني
بو ميثة بعصبية لف على أم ميثة : جاااااااااااااب .. (ورد يدق) بطللي الباااااااااااب
مييثة مييييييتتتتة خوووف و مب طايعه تبطل الباب وترررتجف ولاصقه عدال الشبريه ومجسفه عمرها وضامه ركبها وقاعدة تصيح بكل صمت
بعد دقايق ..
بو ميثة : وااااللله يا ميثة لو مابطلتي الباب لا أكككككككككسسسسسسسسرررررررررررره ع راااااااسج والللللللله
ميثة بسرعه رفعت راسها وقامت شوي شوي وأستسلمت وبطلت الباب .. وأول ما بطلت الباب على طوول أنهد عليها ضررب أبوها بالعصا وأم ميثة لو تقربت بتييها كلمه تخليها تندم على الساعة اللي تقربت منه وخوزته عن ميثة .. بس واقفه صوب الباب وتصيح بححرقه على بنتها اللي قاعدة تتألم بككل ضربه تنضربها تحسها طعنه .. عقب ما فج حررته وخلص
فج شعرها وففررها ع الشبريه بقووو .. بو ميثة وهو يلقط أنفاسه : الله يغربل هالبنات
(وظهر عنها .. وعلى طوول أم ميثة يت وشلتها وحضنتها بس ميثة مب قادره تقاوم مب قادره تشل عمرها حتى .. ريولها وإيديها وظهرها واايد يعورنها مب قادرة تحركهن تحسهن ثجااال .. عقب ما هدت شوي وأستعادت قوتها شوي .. قامت من حضن أمها وسارت الحمام بقلب مكسور وشوي شوي تمشي مب رايمه تتوازن وماسكه في اليدار وتمشي يوم وصلت صوب الحمام
طااحت على السيراميك ع راسها .. عورها وااايد بس تمت ساكته وتتألم وتمت تصييح بحرقة .. يوم سمعت أمها ضربه راس على السيراميك وشافت ريولها مبينة ممدوده .. قامت على طووووووول صوبها ..)
أم ميثة بخوف شافتها ماتتحرك : يا ويلي .. ميثة .. مييثة (ومسكتها ولفتها .. وصرخت) .. مييييييييثثثثثثثثثثثثثة (ومسكت ويها وتضربها بخفيف عليه) مييثة !؟ (مارامت تزقر أبوها لا يسويلهم سالفه بعد .. فرفعتها وسحبتها صوب الشبريه ومارامت تسير تييب شي .. سلطان دخل عليهم وهو ياي يربع يوم سمع صراخ أمه)
سلطان : شو مستوي !!
أم ميثة بسرعة لفت : سلطان دخيلك سير ييب ثلج اللي فوق في الثلاجة في المطبخ الصغيير .. بسرررعععه ..
سلطان عمره 11 .. على طوووول ربع وسار ياب شنطة الإسعافات الأولية وياب الثلج .. وطلعت أم ميثة شاش عشان تلفه ع الثلج عشان ماتحس فيه ميثة أنه باارد وايد وتعقه عقب .. وهيه ياية بتحط الثلج شوي شوي قامت ميثة وتتويع وحطت إيدها ع راسها وعلى طوول خوزت أمها إيدها وحطت الثلج وضغطت عليه وتشله شوي وترجع تحط الثلج بعد شوي شافته صار أزرق وأحمر ومنتفخ .. وسلطان مستغرب تبطلت إيد العباة وإيد ميثووة فيها علامات حمرااااا وإيد القميص كان كم بس متبطل وقام وشلح عن إيدها العبااة وشااف كدمااات زرقا وبتفسجية وحمرا وفي منها سوداااا على إيدها البيضا ..
سلطان : أمايه شو هذا ؟؟
أم ميثة لفت صوبه وردت تعابل راس ميثة وماردت عليه وسكرت الشنطه وشلتها وخلت سلطاان بحييره .. وميثة لفت الصوب الثاني بشوي شوي وشكلها رقدت .. سلطان حط إيده ع راسها ولحفها وسكر الليت وطلع ..
.
.
.
هالويكند كان صععب وطوييل بالنسبه لبطلاتنا
بالبااجر الصبح .. بطلااتنا شو قاعدين يسوون ؟!
.
.
.
عند حنون .. يتها أختها عواش وصفعتها ع ويهها ويت الضربه على أذنها
حنون فزت : آآآآآآآيي
عواش : قووومي تقولج أمي
حنون ردت ترقد .. ويت عواش وصفعتها
مره ثانيه
وثالثه
ورابعه ..
حنون تمسك عواش من كشتها وتمت عواش تصييح وعقب شردت .. حنون قامت وغسلت وييها وظهرت تتريق لقت مايد راقد على الكرسي اللي في الصالة وأبوها يتريق وعداله عواش منخشه
حنون معقده حوايبها وتأشر على عواش : مرره ثانية محد يطرش هاي توعيني
مايد لف وبصوت رقااد : بسمم الله
حنون زاغت من شكله : أآإإإهه .. هههههه زيغتني بسم الله (وقاعدة تتريق .. ونقز صوبها ماايد) حنون :ماعندي خررده سووري (ويايه بتشرب الشاي حليب بس مسكه مايد)
مايد : شحال الغراشيب ؟؟
حنون : جاااااب
مايد : لاتخليني أجب الجاي في ويهج وأحرقج !! شحالها !!
حنون ماعرفت عن منو يرمس وطفربها ما خلاها تتريق ‪:‬ منووو هيييييييييه ؟!
بو مايد : بلاااك على أختك من الصبح خلها تتريق
حنون لفت على أبوها : والله (ولفت على مايد) أجلب ويهك .. ماكلمت حد اليوم
مايد بهمس : شموووه .. صدقني يعني مارمستيها أمس !!
حنون : أففف أمس كانوا سايرين عند وحده من ربيعاتنا يسلمون عليها في المستشفى (و خلصت ريوق .. و قامت تسبحت وخلصت وقعدت تتريا الباص)
. . .
عند أميرة قايمه من دون ماحد يوعيها وخلصت كشخه ونزلت تحت تتريا أبوها عشان تسلم عليه قبل لاتظهر .. وسارت تتريق وقعدت على طاولة محد كان قايم بعدها الساعة كانت 7 ألا ثلث .. بس بو أميره تأخر وسارت قالت حق الدريول يوصلها قبل لاتظهر نجود وتقعد تتضارب وياها
. . .
عند لطوووف مرتبشة أمها تهزبها
أم خليفة : من الصبح أقولج خلصي خلصي خلصي .. وأنتي يالستلي تتميلغين
لطوف تسحي شعرها بسرعه وتتعطر وتسير تلبس عباتها وتذكرت شي : أماااااااااااه
أم خليفة لفت سرعه : بلاج ؟!
لطوف : نظاارتي محد يابها !! (مفصله نظارة من أسبوع تقريباً)
أم خليفة : أنزين أقولج قولي حق حد من أخوانج أييبها
لطوف : لا والله !! عيالج فششل قلت حق أحمد قالي عندي فرش متااع أونه .. ويوم قلت حق عبود قالي مب فاضي عندي تدريب وقتلج سيري أنتي ييبيها .. (مسكت شيلتها وتحجبت وشلت شنطتها وظهروا) خلااص مابا حد أييبلي شي بسيير أروحي أييب أغراضي .. (وهرن الدريول ) يلااااااا مريوووووووووووووووووووووووووووووم (وسارت زقرت عيال خليفه) يلا يلا (وعبدالله يالس يلعب كوره وحمد شوي شوي يمشي) يلااااااااا تعالوااااا (وركبوا كلهم وقعدت أتضارب مريووم و عبدالله)
. . .
عند ميثوة .. صاحت ساعتها اللي عدالها على الكومندينه وبطلت عيونها أستغربت أنها مارامت تنش قاومت ويايه بتنش بكككل ألم قامت وشافت عمرها بالعباة ولبس أمس قعدت تتذكر شوي شوي شو صار أمس .. ونزلت دموعها لا إرادي بححرررقه على خدودها .. وقامت راحت الحمام وفصخت عباتها وجسمها كللللله يعورها يوم فصخت القميص شافت كدمااااات على كل جسمها
ميثة بصصصصصصصصددددددددددممممممه : وييييييييييييييييه !! (وصاحت على طووول) أففف (وسارت دخلت الحمام وشافت راسها ملفوف فجت اللفة وعورتها وردت لفتها واتسبحت وظهرت لبست شافت الساعة بعدها 7 ألا ربع .. ونزلت تحت وتريقت وروحت السكول مع الدريول
. . .
عند ظبية يايه بتنش بس مارامت حست راسها وايد ثجييل بس قاومت .. وقامت تسبحت وظهرت لبست مخوره لأنه أكيييد عمتها بتيي تنازعها .. لقت حد راقد في الصالة وملحف سارت صوبه وبطلت اللحاف شوي شوي .. أنصصددددمت " هذااا شو يسووي هنيه ؟؟!! "
ظبية توعيه : منصووور منصووور .. منصووووووووور قوووووووم
منصور لاحياة لمن تنادي راقد في ساابع نومه ويشاخر ويصفر بعد
ظبية سارت صوب جتفه وتهزه : منصوووور منصووووووووووور
منصور لف شوي شوي وعيونه منتفخه مب قادر يبطلهن من الرقاد وما بدل كندورته .. ظبية يوم لف ماقدرت تقول شي تمت أطالعه
ظبية فطست : هههههههه .. قوم قووم
منصور لف ورد على وضعيته القبلية : الساعة كم ؟!
ظبية وهيه سايره صوب التلفزيون وتشل الرموت : الساعة ألحييييين 8
منصور مسسطل : أنزيين
ظبية سارت المطبخ وشربت دواها وردت الصالة لقت منصور يتجلب : بسسك رقااااد نشش ماوراك دوااام ؟؟
منصور تم مبهت لثواني و لف بسسرررررررررررعه وهو منصدم : اليوووووووووم الأحد؟؟
ظبية تبا تضحك على شكله : هييه !!
منصور أرتبش : شييييييييت (ويضرب راسه بإيده) أففففف (وتم يدور فونه) وين فوني فرييته !!
وشافته ظبية ع الطاولة اللي عدالها وشلته وعطته أياه .. ويوم يايه بتعطي أياه سوى فيها حركة منصور خلاه يطيح
ظبية : أوبسسس
منصور على طول قبل لايطيح مسكه : هههااااي (وشله ودق على واحد من ربعه)
.. : الله يلعنك وينك ؟!
منصور يحك عينه : والله راحت علي نومه يا ريال
.. : والله لا يدبلوونك .. تعال هنييه شوف المدرب عمر شو سوى فينا بسبتك يا ****
منصو ر: ههههههههههه .. لاتقول عشاني !!
.. : عيل عشان منو ؟؟ القرود أهلك اللي في الغابة ؟؟
منصور : جااااااب جاااب .. أنزين أقولك منو مداوم ؟؟
.. : يا حبيبي ليش أتداوم ؟؟ كمل رقاادك أحسن !!
منصور : والله شكلي جيه بسوي
وبعد كمن سالفة سكر منصور ونش وسار الحمام .. ودشت النيرس على ظبية وفي إيدها أوراق
النيرس : هذااا فحوصات مال أنتي .. سوي قبل (هاي فحوصاتج اللي مسويينها قبل)
ظبية مستغربه متى سوت فحوصات : شوو هذا ؟؟ مال شوو ؟؟
النيرس : فحوصات !!
ظبية : فحوصات مال شو ؟؟ متى أنا يسوي ؟
النيرس : أمم يمكن يوم الجمعه
وخبرتها النيرس أنه هيه ليش طوولت في قعدتها في المستشفى لأنه أبوها كان قايل لهم يبا يسوي لها فحوصات شامله فـ عشان جيه تأخرت في قعدتها في المستشفى وقالتلها عادي تقدر تطلع .. وطلع منصور من الحمام ..
منصور : هااه ؟؟
النيرس تعابل إيد ظبية وعطتها أبره ماتدري حق شوه
منصور يعابل معاقم كندورته : شوو هاااه ؟؟ شو تعطيج ؟؟!!
ظبية تتألم ومنصور لا إرادي سار و مسك إيدها الثانية

.
.
.

توقعآتگم ..
شو ممكن يستوي بين ظبية ومنصور ؟؟
شو ممكن يسوون حق منصور ؟؟
شو بيستوي مع ميثوة في السكول ؟؟