|
اقتباس:
وكنت مشغوله عسب جي ما نزلت ما اتريا حد يخبرني ومشكوره ^^ |
البـارت 35 .. ~~ غرفه البنات ~~ مها : هو دوم جي .. صدقيني بيرجع و براضيجَ .. غلا [ معصبه ] : ما ابغيه يراضييني ، يلتعن خليه يروح وين ما يبا ... و يرمس منو ما يباَ .. ما يهمني، مها : هدي حالج غلايهَ .. منال [ دخلت ] : غلاَ .. غلا [ صاحت و ضمت منال ] : شفتيه ؟ و تقولين لي صبري عليهَ ، منال [ يودت ويه غلا ] : من اليوم .. ما ترمسينه .. ولا تبينين له شي .. و أبيج صدق ترفعين خشمج عليه ، و لا تهتمين لوجودهَ .. غلا : صح ڪلامجَ .. أنا غبيه رفضتِ ولد خالي .. ڪان ما منه اثنينَ ، مها [ تضايجت ] : حرام عليج غلايه ، غلا : حرام ع أخوج الي عمره ما حسسني إني شي .. مها : بس هو جي طبعهَ .. منال : و حميد ڪان جي طبعهَ .. و عذبته ... و خليته يرڪض وراي .. إلين ما صار شرات الي أنا أباَ ، غلا : لو صار شرات الي ابا أنا ماباهَ .. عفته خلاص .. مليت منهِ ، أرخصت من نفسي ، رڪضت وراهِ .. منال : يولي فديتج .. أنتي أحلانا .. مليون من يباجَ ، غلا [ ابتسمت و مسحت دموعها ] : صح ڪلامج . .أنا أحلاڪمِ .. مها و منال ضحڪوا ، محمد [ يدق الباب بقوة ] : غلا ، غلللا .. غلا : لحظهِ [ مسحت دموعها و عدلت جحلها و فتحت الباب ] آمر ؟ محمد [ صفعها طراق ع ويهها ] : عسب تتعلمين ڪيف تحترمين الريايييلَ .. غلا [ يودت خدها و صاحت ] : شو سويت ؟ محمد : جب ولا ڪلمةِ. .لج عين بعد تسألين ، رافعه صوتج ع عمور .. و بعد تقولين شو سويتَ .. مها [ تجربت منها ] : هو بدا .. محمد : اسڪتي انتي ، مها [ عصبت ] : ما بسڪتِ .. عمر هو الي تحرش فيها .. مب عسب هو رفيجڪ و ولد عمتڪ يعني هو الصادق .. صح إنه أخوي .. لڪنه نذذذلِ و توني دريت بهالشي ، محمد : مها .. لو سمحتي .. ألزمي حدودجِ .. غلا [ ابتسمت ] : مها لا تنسين أنه نفسه .. نفس الطبعِ .. عسب جي ما يرضا عليه ! محمد يا بيصفع غلا و مها وقفت بينهمِ و بويه مها الطراق ، محمد [ نزل راسه ] : أنا .. مها [ نزلت دمعتها ] : أنته حيوانَ .. و هو حيوان بعدَ ، أطلع برررعَ .. منال : أطلع برعَ ، و طلع محمدِ .. تمت منال تهدي فيهمَ .. و بسرعه نزلت وراِ محمدَ ، منال : محمد .. محمد : آمري بنت عمي .؟ منال : الحين تخلي واحد نفس عمر يوزڪ ع أختڪ .. محمد ساڪت طبعاً ، منال : نسيت من غلا ؟ غلا مستحيل ترفع صوتها ع حد .. و خاصة لو واحد أڪبر عنها و أنته أڪثر واحد تعرف شقايل اختڪ متربيهَ .. و ياي الحين .. تضربها عسب خاطر .. عمرِ ؟ الي من شوي يالسِ يحرج عليها ، و يقول غيرها مليون .. أنا بقولڪ شي .. من اليوم أنسى إنها لعمر ، غلا موب لحد .. و لا مها لڪ ، ما أتوقع إنهمِ يبغونڪم خلاص .. محمد : ما يخصج باللي تباه اختي ، منال [ ابتسمت ] : يخصني .. و أبوڪ مستحيل يغصبها ع شي .. محمد [ لف ويهه ] : أقولج هب يعني لأنج مريضه ما بقدر أزعلج هاه .. أنا مب حميد ، منال [ ضحڪت ] : أدري .. تهبا تڪون شراتهِ ، و لعلمڪ ؟ محمد [ متغصص ] : نعم خلصينا ؟ منال : مها ياينها خطيب .. و أتوقع إنها بتوافق ، نفخ محمد بويه منال و نزلِ .. منال : مالت عليڪم من عيال عمِ ، ~ تحت ~ محمد [ يضارب عمر ] : تقولي هي تزاعج عليڪ و ظهرت أنته الي مزاعج عليها ؟ عمر : تصدقها و تجذبني ؟ محمد : هي أختي .. و انت ولد عمتي .. عمر : أختڪ يا محترمِ ، خقاقهِ .. مدري ع شو ؟ محمد : أنا بقولڪ ع شو ؟ جمال .. أدب .. و أخلاق ، و إنه مليون واحد يتمناها ، الحين بس عرفت معدنڪ .. و الحين بسير ادق لولد خالي و بحدد خطبتها .. هو يستاهلها أڪثر عنڪ .. عمر : دربڪ خخخضرُ .. محمد نفخ و طلعِ من الصاله ، حمدان : يا جماعه هدوا ما يصير جي .. عمر :شو عبالها هي البنت الوحيده بالڪونِ .. عبادي : أي هاي اختي الي ترمس عنها ، عمر [ بضيج نفخ و قام ] : مدري منو أختڪ .. و طلعِ بعد هوِ ، مايد [ ضحڪ بقوة ] : والله يهال ، عبادي : انته موب صاحي شو .. ضرابه قويه و انته تضحڪ قوم عقلهم يالڪبير .. مايد : نسيتِ يعني شو ڪان يصير هني ڪل سنهِ ؟ حمدان : نفس الحاله ، بس ڪل ها ما يسآوي ضرابه حور و جاسم اخوي .. مايد : هيه واللهَ ، اللـه يرحمـهُ ! ~~ برع ~~ عمر : حمود .. حمودي . .اصبر شوي انزين ، محمد : نعم ؟ عمر : انا اسف .. حقڪ علي .. محمد : هالڪلام ما تقوله لي .. تقوله لغلاَ ، عمر [ تنهد ] : مستحيل تسامحني .. محمد : قلبها يوسعڪ و يوسعِ العالم ڪلهَ ، عمر : طلبتڪ .. محمد : ما بقولڪ آمر .. عمر : لا تتصل بهذا ولد خالڪمَ .. خلنا نتفاهم بالأول .. و إذا ما تصلحت الأمور .. [ سڪت شوي ] دق له ، محمد [ ابتسم ] : اوڪي .. عمر [ ضمه ] : يالدب ، محمد : تحسسني أنڪ الضعيفَ ... عمر : و الاتفاق يتمِ ؟ محمد : أختڪ لي وأختي لڪ ، ~~ فوق ~~ ماريا : طاعوا تراضوا .. هالميانين ، مها : يولونِ .. هم الاثنينِ يولوووون ، غلا : هيه .. حور [ ضحڪت ] : ڪل صيف ينعاد الڪلام نفسهَ ، غلا [ ابتسمت ] : جب لاهَ .. شوق : اووف .. منال احسبي اتعايز أنا ، منال [ تناظر الساعه ] : اوڪي .. بعد خمس دقايق بالضبط بيندق الباب .. بعد خمس دقايق .. منال : غريبهَ ، شوق : شڪلهم هالمره مسوين شي غير .. خليها ربع ساعهَ ، منال : اوڪي .. بعد ربع ساعهَ ، نق نق أندق الباب .. أنفجروا البنات ضحڪ خاصة ديما .. حور : منو ؟ عمر : المهرج روري ، محمد : و مساعدهِ حموديَ .. حور : مغلطين اخواني هذي غرفة البنات هب السيرڪ .. الڪل يضحڪ ، عمر : يالله عاد بنت خالي فتحي دخيلجَ .. حور [ ضحڪت ]: شو لي ؟ عمر : امممم ، أخليج تاخذين البانشي مالي اليوم ! حور [ سيده فتحت الباب ] : احلف ؟ عمر : هههههههه واللهِ ، منال : يالله بنات إخلاء .. البنات ضحڪوا و طلعوا ڪلهم عدا غلا و مها ، محمد : أنا اسفَ .. عمر : اييي هاي أختڪ تعال هالصوب .. مها ضحڪتِ ، محمد : هيه غلايه .. اسف [ مد عليها ورده ] حقج علي .. غلا [ ابتسمت ] : مسموح اخوي .. انته الي حقڪ علي [ باسته ع راسه ] قلت ڪلام ما ڪان له لزوم أقولهَ ، عمر : أدري .. مها : و مرات تصير أهبل و غبي .. عمر : ادري ، مها : حقڪ علي يالدوب ، عمر [ ضحڪ ] : انتي الي حقج علي [ طلع ورده ] أحلى ورده لأحلى وردهَ ، مها [ تخزه ] : والله ؟ عمر [ همس بأذنها ] : بعدين تبادلوا الڪروتِ.. مها [ ضحڪت ] : اوڪي .. غلا : يالله برع ، محمد : خيبه اوڪي .. عمر : الحين عاد لازم نتحمل مذلتهنِ .. غلا : غصبن عنڪ .. عمر :تامررين تامرين .. غلا ضحڪت و طلعوا الشباب ، غلا : هذا لج.. مها : و هذا لجَ . . غلا [ تقرا الڪارت ] : انا اسفه غلايه ، تعديت حدودي .. بس تدرين فيني خبل شوي موب صاحي ، و لا شقايل واحد صاحي يزعل [ ضحڪت ] قمر شراتجِ .. المهمِ ، أنا و مها [ تڪمل قرايه ڪرتها ] : عمر اليوم بنخطبڪمِ .. إذا ڪنتوا موافقاتِ .. طرشوا لنا مسج ، و إذا تبون تفڪرونِ .. بعد بنخطبڪمِ .. غلا : أما إذا ڪنتوا هب موافقاتِ .. الله لا قال [ البنات ضحڪوا ] عقوا الورود بويهنا .. مها : ولد خالج محمد ، غلا : ولد عمتج عمر ، غلا و مها نقعوا ضحڪ .. محمد [ برع يتسمعون طبعاً ] : يضحڪن .. عمر : دام ييضحڪن يعني خير ؟ مها : انتي شرايج ؟ غلا : مدري ، مها : لا تستهبلين .. طول عمرنا نفڪر بهاليومِ .. الي ننخطب فيه مع بعضَ .. و نعرس فيه مع بعضَ .. غلا [ ضحڪت ] : و تاخذين حمود و أنا آخذ عموري ، مها : هههه .. و نسمي بناتنا ، غلا : الريم .. مها : و الديمَ، عمر [ من برع ] : شڪلهم موافقات يالله تعال عن حد يشوفنا .. غلا : الحين شو نطرش مسسج ولا ؟ مها : اوڪي .. ~~ تحت ~~ رن موبايل محمد مع موبايل عمر .. مسج مسسسجَ ، عمر [ نقز ] : حممممود .. محمد [ ياي رڪض من المطبخ ] : مي تو مي تو [ يبوسه ] مبرررروڪ ، عمر : و الدراسهَ .. ؟ محمد : تووولي ، نخطب الحين .. و نڪمل مع بعضَ .. و نعرس مع بعض شرات ما يحلمن الي فوق ، عمر : هههههههههههههه اوڪي .. ام مايد : غداااااااااااااااااااا ، عبادي : يا ناس يالله .. و نزلوا البنات ، غلا و مها .. و قعدوا و محمد و عمر بويههم ڪالعادهَ .. هم الأربعه مستحيين ع غير عاده ههه ، و عاد تخيلو ويه عموري و هو مستحي .. موووول ما يرڪب عليه هالأهبلَ ، المهم بعدهم يلسوا حور و منال وديما .. و شوق و ماريا . و شوي ڪملوا الشبابَ ، ڪانت الساعهِ 1 تقريباً .. أم مايد : شوي شوي .. عند تغصون .. المول هب طاير ؟ الڪل يضحڪ ، عبادي : خبرت نور الدين ؟ مايد : هيييييه .. حشرتنا يا أخي .. عبادي : هع ، اوڪي .. منال : شوفوا أنتوا بتسيرون مع سعيد و حمدان ، ما تتشيطون هناڪ ؟ نايف : حاضر .. خالد : انساللهَ ، منال : هيه شطار .. فصلوا ڪنادير .. و بعدين تعالو عندي و باخذ لڪم نعولَ ، خالد : اوووڪي .. مها : و شماني بتي وياي .. باخذ لها فستان حلوووو .. شمة : أبا وردي ، محمد : هههههههههههه .. باربي شو ؟ شمه : [ زعلت ] مها شوفي دودي .. مها [ ضحڪت ] : اسمه محمد .. شمه : لا اسمه دوووودي .. محمد : ههههه حلوه منجِ .. شمه : باخذ واحد وردي صح ماما ؟ أم عمر : صح حبيبتي ، عمر : بتظهرين أحلى وحدهِ .. شمه [ تتدلع ] : ادري .. الڪل ضحڪ ، منال : أنا أقول دام العرس بعد الملجة بشهر ، يعني ما يحتاي قاعه و جي .. أم مايد : لا فديتج لازم تفرحين بعرسجَ .. منال : ادري عموه ، بس لشو العفسه . .أنا جي ولا جي فرحانهَ ، [ الڪل ضحڪ منال استحت ] المهمِ ، يعني خلونا نسوي حفله صغيره بالبيتَ .. حميد : لا لا .. منال : ماله داعي الخساير .. بالعرس سوه بأڪبر قاعـه بالشارجهِ .. حمدان : صح ڪلامها ، الحريم بحوش البيتَ ، و الرياييل نسوي لهم خيمه برع البيتَ ، منال : لو يڪون فبيتنا أحسنَ ، حميد : بيت أبوي ؟ منال : لا .. بيت .. أهلي .. بو مايد : هذا الي تبينهَ ؟ منال : هيه عميه .. بو مايد : صار ، منال ابتسمت و ڪملت غداهاَ .. شوي و قاموا البنات ، حميد : ڪلي دواااجَ .. منال [ ترڪض فوق ] : انشااللهَ ، حميد : يا بنت الناس لا ترڪضيين .. منال [ ضحڪت ] : تامر ، و دخلت غرفة البناتَ ، تموا البنات طبعاً يتجهزن و يلبسنِ .. و الشباب نفس الشي ، غرفة الشباب .. عمر : إنشاء الله بي ويانا بعدَ ؟ مايد : مدري عنهِ ، محمد : محد منڪم يخبره و خلاص َ، الشباب : اوڪي .. غرفة البناتَ .. خالد : اووه مابي هذي ، منال : عيل شو تباَ ؟ خالد : نفس نايف .. منال : ديما نحن خذينا لخالد شرات مال نايفَ ، ديما : هيه .. تلاقينهاِ عند نايفَ ، منال : ناااااااااااااااايف .. نايف : نعم خيتيَ ؟ منال [ ضحڪت ع لهجته ] : الله ينعم عليڪ فديتڪ ، وين بدلتِ خالد الي شرات مالتڪ ؟ نايف : هناڪ .. عند سعيدَ ، تعال خالدَ .. خالد : خلاص بقول لسعيد يلبسني اوڪي ؟ منال : اوڪي .. خالد : يالله حطي جحل و روج و بعد مسخره مالتجَ .. منال [ تضحڪ و ترڪض وراه ] : يالدب ، خالد [ يرڪض و يضحڪ ] : ما ترومين تزخييني .. أنا سوبرمآنَ ! منال [ ترڪض وراه بالممر ] : والله بتشوفَ ، حميد : هوب هوب .. منال [ وقفت ] : هو يغصص فيني ، يوده يودهِ .. حميد [ زخ خالد و رفعه ] : زخيييييييتڪ .. تغصص فيها لاهَ ، عندج ياهِ .. منال طبعاً أنهدت علي تقريص و تغديغَ ..و نايف و خالد ناقعين ضحڪ ،المهم آخر شي عفت عنه رڪض عند سعيدَ .. حميد : مره ثانيه لا ترڪضين .. منال : انشاءاللهَ ، و دخلت الغرفهَ .. ديما : جي اوڪي خلاصَ ؟ طبعاً لانه ديما ما تلبس عبايه البنات ما يخلونها بحالها ڪل وحده تقولها لبسي هذ و لبسي هذاڪ ، مسڪييينهَ ! غلا : هيه اوڪي .. ها الصندلِ الأبيضَ .. ؟ ديما [ ابتسمت ] : اڪيدَ ، و طلعتِ .. ڪانتِ لابسهِ بديِ أبيضَ قطن ممسوڪ تحتِ بشريط عريضَ احمر ڪتِ ، و تحت جنز .. و تحت البدي الأبيض لبست هاينڪ أحمر إيده طويله طبعاً ، و اڪسسوريز بالأبيض و الأحمر .. و شيلة ملونهِ احمر بورود بيضهِ .. و صندل أبيضَ ، سيف : ع وينَ ؟ ديما [ خافت ] : السوقَ.. سيف : ويا منوهِ ؟ ديما [ تحاول أنها تمشي يعني ما توقف ] : الڪلَ ، سيف : لمن أرمسج توقفين .. ديما [ وقفت بخوف ] : اسفهَ ، سيف : لشو بتروحون أمس طالعينَ ؟ ديما : بنجهزِ ل .. سيف : لشو ؟ ديما : ل .. حميد : ديما سيري تحتِ ، ديما و بخاطرها تحضن حميد من الفرحه ههه رڪضت تحتِ بسرعهِ ، سيف : لا تعزمون و لا شي .. حميد : والله وجودڪ يضايجنا ڪلنا .. فقررنا نتخطاڪ و نمسحڪ من لستة الأهلَ ! سيف [ يضحڪ ] : ضحڪتني ، لشو تجهزون هاهَ ؟ حميد [ ابتسم ] : ما خبروڪ ؟ بملج ع منال بعد أسبوعِ .. سيف سڪت طبعاً ، حميد : الله يبارڪ فيڪ .. و نزل تحتِ .. سيف طبعاً شوي و بينفجر ، دخل غرفته و قفل الباب ع روحهِ .. ديما : والله خفت خفتَ ، حميد : ههههههههه .. شو هديتي ؟ ديما : أي شي بخاطرڪ .. صدق انقذتني .. حميد : هههه ما تقصرينِ ، خالد : فوم فوم فوووووووووووومِ ، حميد : هههه يا عيني مطقمينَ ؟ نايف : حلو مو ؟ حميد : هيه حلوينَ ، يا عيني أنا .. أم مايد : خالد ، نايف .. نايف : نعم عموهَ ؟ أم مايد : الله ينعم عليڪ .. مب يوعانينَ ؟ خالد : لاِ .. نايف : و لا أنا ، أم مايد : تعالوا انزين .. و ساروا صوب مرت عمهمِ ، أم مايد : هذي شنطتڪ خالد .. خالد : شو فيها ؟ أم مايد : جبس و عصير و بسڪوتِ و ماي و حلاوَ .. خالد :شوڪرنَ ، أم مايد : و هذي شنطة نايفَ .. فيها نفس الشيَ .. نايف [ باس خد مرت عمه ] : شوڪرنِ عموهَ ، و رڪضوآ .. أم مايد [ ضحڪت ] : الله يحفظڪمِ ، يا شمممممممممماني .. شمه [ نازله جنها أميرة من فوق مشاء الله عليها ] : انا مني ، أم مايد : ويه ويه فديت هالويه انا .. قمر ربي يحفظجِ .. تعالي عموهَ ، شمه طبعاً رڪضت لمرت خالها ، أم مايد : ماماتج نامتِ شوي .. شمه : هيه هي دوم تنام الظهر ، أم مايد :هيه حبيبتي .. وصتني أعطيج هالشنطهِ ، شمه : شطنتي .. شو حطت فيها .. ؟ أم مايد : موبايلج الحلوَ .. و محفظتجَ .. و حلاو و جبس و ڪل شي تحبينهَ ، شمه : شوڪرن عموه [ باستها ] تبين اييب لج شي ؟ أم مايد [ ضحڪت ]: أبا سلامتجَ .. شمه : من أي محل ؟ أم مايد [ نقعت ضحڪ ] : هههههههه ، خلاص أبي دوناتس اوڪي ؟ شمه : اوڪي .. نزلوا البناتَ ، أم مايد [ تعبت من ڪثر ما تزقر ] : يا بنااات ، البنات : هلا عموهِ ؟ أم مايد : تعالو .. |
البـارت 36 .. و ساروا البنات ڪلهم لأم مايد .. أم مايد الوحيده الي ما تقييل الظهر .. فالحريم مسلمينها الخيط و المخيط هاليوم هعَ ، أم مايد : شوقِ جاسمِ سلطان ؟ شوق [ ضحڪت ] : نعمِ .. أم مايد [ مدت عليهاِ بيزات ] : هايَ 6 لجَ و لغلاَيهَ ، شوق : اوڪي .. أم مايد : مها علي ثآنيُ ؟ مها : موجودهِ ، أم مايد [ ضحڪت ] : هاي 4 لجَ .. مها : و شمهَ ؟ أم مايد : حطت لها فطيم بشنطتهاَ ، شمه : هيه فمحفظتيَ ، مها [ ضحڪت ] : اوڪي يالڪبيييرهِ .. شمه : هعَ ، أم مايد : باجي [ تشوف اللسته ] ديم محمد سلطانَ ؟ منال [ استغربت ] : لشو . .لا عموه عندنا ، أم مايد : هاي من عمجِ .. و أصر علي أنها تاخذها ، منال : بس هو من جم يوم عطانا مصروفَ .. أم مايد : يقول عسب مصاريف الملجه و جيَ ، منال : يا عموه والله وايد .. أم مايد : يا ربيي . . لا تعورين راسي ، ديما تعالي بسرعه .. ديما [ خافت ] : نعم عموهِ ؟ أم مايد [ يودت شنطة ديما و حطت ال 4 الآلآف فيها ] : هاي لج .. المهم وصلت الأمانهِ .. ديما [ تناظر منال ] : بس .. أم مايد : والله بيزعل عليڪن عمڪنِ .. ديما :لا خلاص خلاص ڪلش ولاِ زعل عمي ، أم مايد : هههه .. يالله روحنَ ، ماريا [ حطت إيدها ع خصرها ] : و أنا ؟ حور : و أنا ؟ أم مايد [ نقعت ضحڪ ] : عطيت بنات الأوادم و نسيت بناتي ، البنات نقعوا ضحڪ .. أم مايد : هاي لج حور ، و هاي لجِ مارياَ ..، ماريا : شوڪرررنَ .. و باسوا البنات أمهم ! أم مايد : ماريا ماما تعاليُ ، ماريا : نعم ماماُ ؟ أم مايد [ عددلت جحلها ] : ربي يحفظج حبيبتيُ . . ماريا [ باست راس أمها ] : و يحفظج لي يا رب ، و روحوا صوب أخوانهمِ ، مايد : ڪلن خذا نصيبهَ ؟ الشباب : هيييهَ .. مها : بعد انتوا توزوعونِ ؟ الخير وايد اليومَ .. غلا : الله يزيدَ .. الڪل ضحڪ ، عمر : جم عطوجِ مها ؟ مها : 4 ، عمر : خييييييييييييييبه لييش ؟ أنا ليش عيل الفين بس ها ؟ البنات ضحڪوا .. مها : أنا وراي فستانِ و اڪسسوريزِ و نعالِ و صالون و حناَ ، غلا : و انتوا شو وراڪم غير الڪندورة و النعال ؟ هاه ؟ محمد : والله الي وراي طوفة .. ولا شرايڪم شبابَ ؟ الڪل نقع ضحڪ .. مايد : بتمون تتسخفون ولا نطلعَ ؟ حميد :يالله نطلعَ ، و طلعوا ڪلهم برع العزبهَ .. حمدان : وين وينَ ؟ منال : وياڪ .. حمدان : روحي عند ريلج ابوي تبينه ياڪلني ، منال : لا شو . .حمدان ارحمني استحي ، سعيد [ دزها ] : ما عندنا مڪان لج ياللهَ ، منال ضحڪت و راحت بشويش مستحيه صوب سيارة حميد .. حميد : جان ما ييتي ؟ منال : حميد عادَ ، حميد : يالله رڪبي .. منال : محد بي ويانا شو ؟ حميد : طبعاً لا .. منال : تدري لحظهِ ، نايييف شمه خالد تعالو .. حميد [ ضرب راسه بالسياره ] : لاااا .. منال نقعت ضحڪ و رڪضوا اليهال صوبهم و رڪبوا سيارة حميدَ ، مها :شوفيها زينَ .. منال : من عيوني ، مها : شماني شوفي فونج يمڪن ادق لجَ .. اوڪي ؟ شمه : اوڪيَ .. و حرڪ حميدَ ، حميد : بعد عندج موبايلَ .. شمه [ تضحڪ ] : هييهَ ، منال : تدري روضتها خاصه .. و دريول يردها يعني تحتاي .. حميد : هههه يهال آخر زمنِ ، منال : اسڪت عن يطلعن بناتڪ شراتها ، حميد [ يناظر شمه ] : يا ليتِ .. منال [ ضحڪت ] : عييييييارَ ، حميد : تدرين شموه لمن بتڪبر بتصير احلى بنات العايلهَ .. منال : لا والللهَ ؟ حميد : ههه من بعدج طبعاً .. منال : تصدق ما خبرت أهل امايه عن ملجتي .. حميد [ ابتسم ] : دقي لهم الحين .. بعد هم لازم يتجهزونِ ، بيزعلون عليجَ .. منال [ تطلع موبايلها من الشنطه ] : هيه واللهِ ، بدق لثريا و من بعدها يدوهِ .. الو هلا ثرياَ .. بخير ربي يسسرجَ .. بغيت أخبرج عن شي .. ما تعصبين .. هههه ، ملجتي بعد اسبوع ، ههههههههه [ نقعت ضحڪ ] والله سوري .. اليوم حددتها .. [ ناظرت حميد ] حميد ولد عمي حمدَ ، الله يبارڪ فيج فديتجِ عقبالجِ .. ههه ، خبري خالوهِ .. و خليها تخبر خالوهِ عذاري بعدَ ، اوڪي فديتج .. الحين مروحه ادور .. هيه ، يوصلِ .. الله يحفظجِ [ سڪرت ] حشا ڪلتني .. حميد : ههههه ، وراج يدتج بعدَ .. منال : الله يعين .. الوهِ .. هلا يدوهِ ، شحالج ؟ دوم يا رب .. بخير دامج بخير ، يدوه أنا بملج . هههههه ، بعد اسبوعِ .. هيه منهِ .. يدووه عادَ .. الله يبارڪ فيجِ .. يوصلِ ، خبري خالي بو نورة و خالي مروانَ ، هيييه .. وينه ؟ امم [ ناظرت حميد و زخت إيده طبعاً حميد استغرب من الحرڪه ] هلا هزاعَ [ حميد تضايج شوي ] اهلين فيڪ .. الله يبارڪ فيڪ .. الحمدللهِ ، هيه مثل ما قلت .. لا توصي .. تسسلمِ .. سلم ع أمڪ ، يوصل انشاءاللهِ ، فمان الڪريم .. حميد [ سحب إيده ] : ما ڪان له داعي .. منال : والله يدوه حرجتني وياهَ ، حميد سڪتِ .. منال : والله استحيت اقولها لا .. و بعدين أنا رمسته يدامڪ ، حميد : اوڪي انسي الموضوعِ ، منال : مب زعلان ؟ حميد : لا .. منال : أحلف .. حميد [ ابتسم ] : والللهَ .. منال [ لفت ورا تشوف اليهال ] : طاع ڪلهم رقودَ ، حميد : أحسسنِ .. منال [ ضحڪت ] : عيييار .. رن فون شمهِ .. وعت شمهِ ، شمه : الوهِ .. هلا ماما [ حميد ضحڪ ] بخييير .. هيه ، انزين .. مع منال و حميد .. هيـهُ خالد و نايف بعد وياي .. انزين .. الحينَ ؟ اوڪي .. أنا بعد أحبج .. باي ، منال : فديت روحجِ .. شمه : انزين منال [ فتحت شنطتها ] ماما قالت عطيني هالدوا .. و هذا بعدِ ،، حميد : خيبه لشوو ؟ شمه : اممم . .هذا مال حساسيهَ .. و هذاِ بابا يقول عسب اصير قويه ، منال [ ضحڪت ] : اشوف .. هيه شڪلها عندها نقص حديدَ .. يالله هاجَ . شمه : مااااي .. حميد : لا ما يشربون ماي .. شمه [ بتصيح ] : مب حلو مر .. منال ابي ماي ، منال [ عطول طبعاً رضخت لها ] : هاجَ .. شوي بس ، حميد ضحڪ .. منال : هذا بعدِ ، شمه شربت الدوا الثاني .. منال : و بسس .. شمه : شوڪرنَ ، بتصل لمها .. الوه .. ها ؟ ههههه ، هيه خذتهِ .. منال عطتني .. هيه قلت شوڪرنِ صح منال ؟ منال : صح فديتجَ .. شمه : هيـهُ.. اصلا هو ڪله يضحڪ علي .. [ حميد ضحڪ ] سمعتي ؟ انزين .. باي ، مها تقولڪ صير عاقل .. حميد : ههههههههههههههههههههه ، اوڪي .. بس عطيني خمس دقايق .. منال :ههههههه ، سخيف يا ربي .. حميد : عليييجَ .. شمه : منال منال ؟ منال : هلاَ حبيبتي ؟ شمه : لو يبتي بنت حلووه نفسج شو بتسمينها ؟ منال [ ضحڪت ] : إنشاءالله مهاري .. شمه : نفس اسم عموه الله يرحمها صحَ ؟ منال : هيهَ .. شمه : حلو مهاري .. بعدين أنا ڪله بلعبها ، حميد : راحت فيها .. منال : حررام .. هههه ، شمه : انزين و إذا يبتي ولد سخيف نفس حميدوه شو بتسمينهَ ؟ حميد ناقع ضحڪ طبعاً ، منال : مدريَ .. ع حسب حميد شو يبا يسميهَ .. سألييهَ ، شمه : يالله قووول .. حميد : اممم / ما يباله ڪلامِ .. جاسمَ .. منال ابتسمتَ ، منال : صدقَ ؟ حميد : واللهَ ، من اليوم زقروني بو جسومَ .. شمه : بو جسسومَ .. خالد [ فز ] : بابا هني ؟ منال [ ابتسمت ] : لا حبيبي .. هذا حميد يقول بسمي ولدناِ جاسمَ ، خالد [ ضحڪ ] : بعدين بلعب وياه ڪورة .. أنا و نايفَ ، حميد : راحوا فيها عيالناَ عيل َ .. منال [ قرصته ع جتفه ] : اسڪتِ لا يصفعونڪ الحينَ ، حميد : اخ . .. اوڪي توبه .. خالد : ههههههههههه ضربوهِ ، حميد : عبيييييطِ .. منال : شوفه زين بيتم عندڪمِ .. خالد لا تروح مني مناڪ خلڪ مع أخوانڪ و حميد اوڪ ؟ خالد : اوڪ .. نايف : أنا بشوفهَ ، حميد: يا عيني .. منال : شاطر حبيبي .. حميد : عاد نايف يباله نقل أوراقه تبع المدرسه و جي .. منال : هيه خبرني سعيدَ ، هو عنده الأوراق و يتريا الفرصه عسب يسير يسجلهَ .. حميد : هيه زينَ ، ڪلما استعيلتوا يڪون أحسنِ .. و بعد نص ساعهِ وصلوا صحارى مولِ ، مايد : ماريو ما تروحين الألعاب ولا بڪسر راسجَ ؟ ماريا : إذا خلصت بسرعه يصير اروحِ .. مايد : روحج لاهَ .. أنا يايب مرافق واحدِ .. وين بيودي بروحه مسڪينَ .. ماريا : اووف خلاص .. تنازلتِ .. مايد [ ابتسم ] : زين ، نور الدين شوفهن زينِ .. إذا حد تحرش فيهم ڪسر راسه اوڪي ؟ نور الدين [ ضحڪ ] : اوڪي سيديَ .. و روحوا الشبابَ ، رن سيده فون منال .. شوق [ ضحڪت ] : ما مداهَ .. منال : لا هذي خالوه .. هلا خالوه ، بخير ربي يسرج من صوبج ؟ دوم يا رب . تسلمين ، والله أعذروني ڪل شي صار بسرعه .. اليوم حددنا الموعد واللهِ .. هيه ، لا هب جابريني واللهِ ، هيه هيه .. تمام .. بالمول .. هيه ادور فستانَ .. ههه ، اوڪ .. فمان الڪريم .. حور : شتقول ؟ منال : تقول دامج خليتي هزاع الحين دوري له عروسَ .. البنات ضحڪوا .. منال [ خزت ديما ] : عاد ديما موجوده .. ما يحتاي ادور .. ديما [ أحمرت ] : من بيڪون هزاع هاِ ؟ اسموه بيضحڪ .. منال : هههه ، هذا ولد خالوهِ .. واحد جي هانسم و متحضرِ .. و يدرس بأمريڪا .. ديما :خلاص موافقه ، البنات ضحڪوا .. نور الدين : يالله امشو .. منال : اوب اوب نسيناڪ .. نور الدين [ ضحڪ ] : أنا في ريال مالڪم الحين يالللهَ ، شوق [ تضحڪ ] : اوڪي اوڪي .. و مشوا البناتِ .. صعدوا فوقِ و دخلوا محل الفساتين الي متعودينِ ياخذون منهِ ، غلا : هذي لي .. بعييد ڪلڪن .. مها : غلو غلوُ. . انتي أي شي يظهر عليج حلو . .خليه لي ، غلا : نو وييييي .. البنات يضحڪونِ ، العامله : بالعافيه عليڪيَ .. بيلبق لوشڪ .. ديما : و أنا شو بيلبألي ؟ العامله : امممم ، انتي مواطنه .. ديما [ ضحڪت ] : هيه ، بس امي سوريهِ .. العامله : ايييوا .. ڪلڪن خوات مشاء اللهَ ، حور : تبيني انتحر شو .. البنات ضحڪوا ، شوق : انا و هالحلوه الي ميته ع هالفستان خواتِ ، مها : و أنا و هيدي الأميره الصغيره خوات ، حور : و أنا و هالي ما يعيبها شي خواتِ ، منال : و أنا و أم الْعيون خضر خواتِ ، شوق : عيال عم .. العامله : مشاء الله تبارڪ الرحمنِ .. ڪلڪم ماخذين من بعض بالملامحِ .. أنا اسميِ روعة ، ديما : و أنا ديما .. صرت بالإمارات ديمِ .. روعة [ ضحڪت ] : مرحبا ديمَ ، شوق : شوق .. الغلا ، المها ، المنال ، الحور ، ماريا .. و أخيراً .. شمةِ .. روعة [ تناظر شمه ] : أنا عندي شي .. ڪأنوِ مخيط لها .. لحظه ، و دخلت الستور مال المحل و ظهرت .. و بيدها فستان وردي .. ڪييييييوتِ ، مع الجوتي و ربطة الشعر .. صدق صدق رووعهِ .. مها : الصراحه روووعهِ ، شمه : مها اباهِ .. مها : اوڪي .. ديما : منال هذا مو حلوَ ؟ منال : حلو .. بيظهر عليج روووعهِ ، شوفي قصته رووعه .. عاد انتي عليج جسم ينفع لجَ ، ديما [ضحڪت ] : يعني دبه ؟ شوق : لا يعني جسمج حلوَ .. ديما : هيييهَ ، حسبالي بعدَ .. أنا أبا هذاِ .. روعة : حلو اختيارڪ .. هاد بدڪ تحطي عليهِ ميڪ آب خفيف سماوي .. و عليه شوي ذهبي ، ديما : و شعري ارفعو ؟ روعة : اڪيد بدڪ ترفعي .. ما تشوفي الظهر ڪيف مڪشوف يعني لازم ترفعَيه عسب تبين الفتحهِ ، البنات ضحڪوا ! روعة : و تسوي فير بأطرافه ، و خدي اڪسسوريز لشعرڪ لتحطيهِ ع بدايهِ التسريحهِ ، لو تڪون ذهبيه بتڪون حلوهَ ، ديما : اوڪي .. منال خلصتَ ، روعة : تعالو في منڪن عروس انتو ؟ البنات ضحڪوا .. ديما : بتڪون منال أختي ، روعة : مشاء الله عليڪي .. لساتڪ صغيرهَ .. ڪم عمرڪ ؟ منال : 20 سنهَ ، روعة : العمر ڪلهِ .. ربي يحفظڪي من العينَ ، أمورةِ .. منال ابتسمتِ .. روعة : بدي وفر عليڪي .، نحن ما بنجييب فستاني لعرسَ .. للأسفَ ، منال : ولا لملجهِ ؟ روعة : والله إذا عجبڪ واحد من هذولا منيحِ .. لڪن أنتي بدڪ شي أحلى .. مها : صح أنولهِ .. بنسير محل ثاني . خذي أربش عنا شوي ما يصير شراتنا ، منال : اوڪي .. حور : انا اخترت هذاِ .. ماريا : حلو الأحمر ، يا عيني .. حور : و أنتي ما لقيتي شي ؟ ماريا : ما لقيتَ ، مها : مي توِ .. ><" منال : خلاص بنسير مڪان ثاني . . شوق : يالله خلنا نحاسب .. و قفوا البنات يحاسبون .. فستان غلاِ بألفين و ثلاثميهَ ، و تبعِ حور بألف و ثمانميهَ و مال ديما بألفين و ميتينَ ، و تبعِ شمه ب 650 درهمِ ، و دخلوا جربوهن بعدينَ عدلوا القياسات و خلصن و طلعوا .. غلا : جم بقت لي ؟ شوق : سبعميهَ ، غلا : بتڪفي صحَ ؟ شوق : هيه بتيزيجَ للجوتي و و الاڪسسوراتِ ، أما الحنا و الصالونِ يبالج شوي زياده من ابويه ، البنات ضحڪوا . . مها : انتي امايه جم حاطه لج اصلا اشوف .. باجي لجَ الف و خمسميهَ ، شمه : وايد صحَ ؟ مها : ههه هيه وايد خلصتي انتي اصلاً .. ضميهم للحنا و الصالونِ ، و دخلوا البنات محل ثاني ، مبين لفساتين العرايسَ .. شوق : منال هذا طرررر . . حور : والله إنه غاويَ ، منال [ شوي و بتصيح ] : اييي .. ما بي اعرس .. البنات ضحڪوا.. منال : يعني جي بلبس يدامهَ ؟ حور [ ناقعه ضحڪ ] : يب يب ، منال : يا رب استحيِ .. انزين ، ماشي لهِ شيفونات شي .. شوق : طاع طاع بتخربين الفستان .. خليه جي .. حلووو ، العامل : بشو ممڪن أخدمڪمِ ..؟ شوق [ اشرت لنور الدين و يا وقف عندهم لمن اڪتشوا انه ريال هع ] : والله ياييين ناخذ فستان لملجهَ ، منال : هب عرسَ .. العامل : هاللي بتشوفوه حلوِ .. بس لأني وحده فيڪنِ ؟ منال : انا .. العامل : يخزي العين ، اممم .. في أحلى . .تعالي .. و راحت منال شوي وراهَ ، و طلع لها فستانِ زهري معِ ذهبي و بنفسج خفيف ، ڪان روعهِ .. الظهر مفتوحِ بالحيلَ ، و صوب الصدر قصة قلب .. هم ممسوڪ بأي شي .. ههه ، يعني بدون جتفَ .. منفوش تحتِ طبعاً و ذيله طويل شوي ، منال : روعهِ .. شوق شرايجَ ؟ حور ؟ شوق : خطيير .. حور : بيتخبل و قسسسمَ ، منال :بس وايد عاري .. شوق [ دزتها ] : سڪتي لاهَ ، جم تعطيني ياهَ ؟ العامل : والله هو ب 5 و ثمانميه بس لعيون هالعروس الصغيره بعطيها ياهِ 5 و ميتينَ ، حور : وايد نقصتَ .. شوق [ ابتسمت ] : و آخر ؟ العامل : اوڪي اوڪي .. 5 الآف و هدا آخر حڪي .. منال : اوڪي ، مها و غلا ضحڪوا .. العامل : يالله فوتي جربي و أنا بروح بنده لڪ العامله عسب تقيس لڪ ، منال : اوڪي .. حور .. حور : بي بي .. البنات ضحڪوا .. و دخلوا حور و منال غرفة القياسَ ، لبست منال الفستانِ .. حور اصطمتِ ، منال : شرايج ؟ مب حلو ؟ حور [ بتصيح ] : ملاڪ .. [ حضنتها ] والله مستانسه لجَ يالدووبهَ ، منال : هههه لا تصيحين الحينَ .. حور [ مسحت دموعها ] : صحِ .. بالبيت مب هني ، العامله [ دخلت ] : مشاء اللهِ ، ربي يحفظڪ .. ما بدوا شي هالفستان ، ڪنو مفصل لڪ وحدڪ .. منال [ ضحڪت ] : بس شوي واسع هني .. حور [ تضحڪ ] : انتي عاد مول ما فيييجِ لا من يدام ولا من وراِ .. منال [ دزتها ] : جب جب راضيه انا بنصيبي .. العامله : بالعڪس جسمها مرتب ، خلڪ هيييڪ ما عليڪ منها بعدين بتصيري فيله زيها ، حور : انا فيييله ؟ العامله : هههههههههههههههههههه بتمصخر ما تزعلي .. منال : لا ما عليجَ ، انزينِ .. ضيجي من هني شوي .. حور : اهم شي تحطون سفنجَ .. منال [ ضربتها ] :جب لاهَ ، خسي .. شوفي ما تحطين هني ما أحبَ .. العامله [ ميته ضحڪ ع الهبلتين ] : اوڪي .. بس احلفي انڪ بتصيري عروس ؟ منال [ ضحڪت ] : والله .. سڪتي عني روحي هب مصدقه ، العامله : الله يوفقڪ .. يالله خلصنا ، مبروڪ .. و طلعتِ العامله و لبست منال ملابسها و طلعوا .. حور : تخبلل تخبببل .. ديما : ما شفتڪ ما بصير ><" منال : ما تشوفيني إلا ليلة الملجهَ ، ديما : اووووف .. نور الدين [ يڪلم مايد ] : الوِ .. نعم سيديَ ؟ [ البنات ضحڪوا ] هيه غلا و حور و شمه و منال خلاصَ .. هيهَ ، اوڪي .. باي .. يقول هم الحين بيجيَ ، شوق : وابوڪ .. خلصن بسسرعه .. الحقوا .. البنات نقعوا ضحڪ .. و دخلو محل ثاني ، مها : هذا هذا لي . حب من أول نظره ، اباهَ .. غلا [ ناقعه ضحڪ ] : غاوي واللهِ .. مها : جم بتعطينيَ ؟ العامله : الف و سبعميهَ ، مها : اوڪي .. باخذهِ .. شوق : هههُ مب جي .. شوفي بناخذ اڪثر من واحد .. سوي لنا خصصمَ .. العامله : اوڪي .. يالله تفضلي عسب اقايسه لجَ ، و دخلت مها .. و أختارتِ ماريا و أخيراً فستان لها ، و من بعدهاِ اختارت شوقَ .. و دخلوا قايسوا و طلعوا ، و دفعوا و خلصوا خلاصَ ، |
البـارت 37 .. مايد : مبروڪ عليڪمَ .. البنات : الله يبارڪ فيڪ ، منال: أنا أقول بدال عبالة إنه اني باجر ناخذ مره وحده النعول و الاڪسسوريز ، مايد : جي رايڪم يعني ؟ البنات : هيه ، مايد : اوڪي . . و مشوا ڪلهمِ ، عمر : شلونهِ ؟ مها : بنفسجي .. عمر : و هي ؟ مها [ ضحڪت ] : اصفر .. طر طر يا عموري ، عمر : يا ربي َ .. مها : هههه اهبل واحدَ ، خذتو نعول ؟ عمر : يبَ .. رڪن ثاني ! حميد : شو لونهِ ؟ منال :لا لا ما يصير أقول .. بتشوفه بعدينَ ، حميد : اوف انزين لونه بس .. منال :نوووووب ، حميد : اخ منجَ / نور الدين : انا يعرف .. حميد : احلف .. بعطيڪ معاشڪ مال 5 شهور اليوم بس قول ؟ نور الدين [ ضحڪ ] : ما في زينَ ، لازم انته شوف بعدينَ ، منال [ ضحڪت ] :حط علييييڪ .. 1 – 0 .. حميد : بردها فيڪ ما عليييهَ ، و دخلوا البناتِ الدو .. و من بعدهِ ديو يدورون نعولَ ، حصلوا الحمدللهِ .. بعدين لفوا اڪسسوريز و ڪليرزَ ، و جمن محل يبيع اڪسسورات للأعراسَ .. و خلصوووا . . مايد : الحمدلله افتڪينا ، شمه : تعبتَ ، عمر [ شلها ] : افا عليجَ ، شمه [ باسته ]: شوڪرنَ ، مها : هاتي شنطتجِ [ خذتها ] تبين تاڪلين شي ؟ شمه : لا .. عمر : لازم تاڪلين ، بعدين بتستوين مريضهِ .. شمه : اوووف . .انزينَ ، بعدين باخذ لعموهِ مرايمِ دونات هي قالت تبي ، مها : اوڪي .. حميد : انتي بعد ڪلي لج شي عسب تاخذين الدوا .. منال : انشاءاللهَ ، مايد : يالله عيلِ خلونا نتعشاَ .. محمد [ ناظر ساعته ] : الحين عشاِ .. ؟ مايد : عاديِ .. الساعهِ 8 هب 4 العصرَ ، ماريا [ اونه تتمصلح ] : أنا أقول لو نروح الألعاب شوي .. و بعدين اني نتعشا احسن .. خالد : هيييه هيييهَ ، مايد : عيار اخ منجَ .. يالله مشينا ، و سارو صوب الألعاب ,, ڪلهم لعبوا عدا مايد و حميدَ .. مسڪين حميد ههه ، المهمِ لعبوا المسطرة و بعدين الوردهِ ، و أخيراً القطار و رڪب وياهم حميدَ .. و يلس يم منال بعدَ هههِ ، و خلصوا ع الساعهِ 9 و شوي و طلعوا تعشوا و رجعوا البارڪناتِ ، و ڪلن رڪب سيارتهَ .. منال : ريولي مب رايمه خلاصَ ، حميد : هههه و اعليهَ ، شمه تثاوبت و سندت ع جتفَ خالد و خالد ساند ع جتف نايف ڪيوت ڪان شڪلهمَ ، حميد : حليلهمَ ، منال [ طلعت فونها ] : بصورهمِ [ صورتهم ] الله يحفظهمِ ، حميد : ربي يرزقنا دبلهم .. منال : وااايد . .حدي واحد بس .. حميد : هههاي ضحڪتيني ، تحت ال 5 ما برضاِ .. منال : يصير خيرَ .. ~~ سيارة عمر ~~ مها : انزينِ شقايل فصلتها ؟ عمر : قطريةَ .. أنا و حمود .. غلا : حلوَ .. عمر : أنا .. ؟ أدري شوڪرنَ ، غلا [ ضحڪت ] : سخيفَ ، محمد : احمِ .. بنات .. مها [ استحت ] : نعمِ ؟ محمد : الله ينعم عليج .. ما نسيتوا الموضوع هاهَ ؟ غلا [ تقرص محمدُ ] : اسڪت لاه ، عمر : نحن نذڪرڪن بس عسب نفاتح الأهل ، مها [ تهمس لعمرُ ] : انزين خلاص بسڪم احراجِ ، الشباب ضحڪوا و ڪمل عمر سواقة .. ~~ العزبه ~~ أم عمر : مدري أڪلوها ولا لأ ><" أم مايد : أڪيد أڪلوها ، تحصلينهم تعشوا بعدِ .. أم عمر : انشاءاللهِ ، و لا شمه الحين طايحه عليهمَ .. أم محمد : ما قالو لجِ متى بتتعافى يعني ؟ أم عمر : قالوا خلصي هالدواِ و بعدين نراجعهم مره ثانيهَ ، [ يودت راسها ] اوف مَدري شفيني اليومَ ، أم محمد : خير ؟ أم عمر : حاسه بدوخهِ .. و جبدي لايعه [ سڪتت شوي ] مستحيييلِ . .لا لا ، أم مايد [ ضحڪت ] : سيري شوفي انزين ، أم محمد : والله لا يفرحون لج العيال ، أم عمر : بعدها شموه صغيره حرامَ ><" أم محمد [ ڪفختها ] : قومي سوي الفحص لا أقوم عليج بو عمر الحين قووومي ، ضحڪت أم عمر و سارت تسوي فحص الحمل ، و صلواِ الجماعهِ .. أم مايد : ها خذتوا فساتين ؟ حور : خذنا ڪل شي .. تصدقين ؟ أم مايد : الحمدللللهَ ، البنات ضحڪوا .. شمه : وين مامااااا ؟ أم محمد : تعالي تعالي .. شمه : وين ماما عموه ؟ أم محمد : بتي الحينَ .. قولي لي شخذتي ؟ شمه [ تتدلع ] : خذت فستان وردي .. حلللللللو .. الحرمه قالت هو مفصل لي ، الڪل ضحڪ .. أم محمد : وينه اشوفَ .. مها : شوي بضبطون القياسَ .. شوي واسعِ ، أم محمد : مره ثانيه ڪلي وايد عسب لا يصير واسع اوڪي ؟ شمه : اوووڪي .. أم عمر [ يايه و الإبتسامه من السبت للجمعه ع شفاتها ههه أحلى تعليق ] : ييتوا ؟ مها [ ابتسمت ] : هيهَ ، خلصنا الحمدللهِ .. أم عمر : الحمدللهِ .. أم مايد [ متحرقصه ] : بشريَ ؟ أم محمد : هي شو ؟ مها : شصاير ؟ أم عمر [ ضحڪت ] : حامل ، مها [ طارت لأمها ] : حلفي قولي والله ، والله مقلب صحَ ؟ أم عمر : واللهِ [ و تضضضحڪ ] عمر : و مبارڪين عاشوا .. أمي حامل .. عاشوا .. بسير اخبر ابوي عسب أحصل الحلاو .. [ و رڪڪڪض لأبوه ]، تموا البنات يبارڪون لعمتهمِ ، و الشباب يعلقون ڪالعادهِ .. شمه : يعني بيي بيبي يديدَ ؟ أم عمر : إنشاءاللهَ ، مها : إنشاءالله بنتِ .. أم محمد : حرام عليج . .خليها اتييب ولد لعمور واحليلهَ ، أم عمر : خاطري بولدَ .. مها : المهم ياهل ، يا قلبي . .شوفي ما تتحرڪينَ و مدري شو . .و تراڪضين ورا شموهِ ، أنا بسوي ڪل شي أنتي طلبي بسَ .. الحريم يضحڪونِ .. ماريا : أمي حملي انتي بعدَ .. أم مايد : ويه ويه ما أرومِ .. ماريا : توه عمرج 45 عادي ، أم مايد : لا والله تراج هب انتي الي بتحملين و بتتعبينَ و بتربين لاه ؟ ماريا : وعد بربيها أحلى تربيةِ .. حميد : سيري سيري قالت بربيها ، فديتج لو حملت امايه بتييب لنا ولد حليوه نفسي جيَ .. الڪل ضحڪ .. أم مايد : لا ولد و لا بنتِ ، بسني اڪتفيتَ ، غلا [ تتدلع ] : أمايه .. أم محمد [ ضحڪت ] : و طلعت لنا سوالف من ورآجُ يا أم عمرَ .. أم عمر ضحڪتِ ، أم محمد : أمري غلايهَ ؟ غلا : بعد لو اتييبين بيبي حلو جي .. يڪسر خشم عبادي يڪون زينَ ، عبادي : لا واللله ، ؟ أم محمد : تعال فديتڪ .. رڪض لأمه طبعاً .. أم محمد : ما بييب عليه ، خليه آخر عنقودي وشحليلهَ ، حميد [ يعلق عليه ] : هيه واحليله دلوعه ماماتهِ .. أم محمد : انطم بس انطمِ .. ڪلهم ضحڪوا ، رد عموري و هو يضحڪ .. أم عمر : ها ؟ عمر : الف .. هع ، أم عمر [ تضحڪ ] : زين زينِ ، نايف : بروح انامِ ، خالد : بيي وياڪ .. و صعدوا اليهالَ ، أم مايد : خبرتي هل أمج فديتجَ ؟ منال : هيه اليوم دقيت لهمِ ، ڪلوني شوي و بعدين بارڪوا لي .. أم مايد : هههه زين زين ، اڪيد البنات ڪلوجِ .. نفس الحلوات هذيلاً .. منال : هههه هييهَ ، أم محمد : متى بتخلص فساتينڪم ؟ منال : ورا باجر / أم محمد :يعني الثلاثاء .. ناخذهم و نرجع بيوتناَ ، أم عمر : صح عسب نرتب و جي ، عمر [ يغمز لمحمد ] : يالله ، و قاموا اثنيناتهم و روحوا ميلس الريايييلِ .. بو محمد : خير ؟ محمد : الخير بويهڪ يا ابوي ، أنا باغي أخطب .. بو محمد : الساعه المبارڪهِ .. اختار و انا بخطبها لڪ ، محمد [ همس له ] : بنتِ عمتيَ فطيم . .مها .. بو محمد [ ابتسم ] : زين زين البناتَ ، بو عمر : فڪرت زين ؟ عمر : هيه ابويه ، خطبه لين نڪمل دراستنا و بعدين نملجَ .. تدري خطباها ڪثروا و أخاف تروح من يدينيَ ، بو عمر + بو محمد : يا أخوي ؛ الشباب ضحڪوا .. بو عمر : جي السالفهَ يعني ؟ بو محمد : شفت المقلب الي سووه بنا ؟ بو عمر : عليڪم سوالف .. بو محمد : الحين نقول مبروڪ ؟ بو عمر : و البنات ؟ محمد : موافقاتِ .. أقصد يعني غلا موافقه ، عمر : و مها موافقهَ ، بو محمد : ع برڪه اللهَ ، بعدِ ملجة حميد نلبسڪم الدبلَ .. عمر باس راس ابوه و خالهِ و محمد باس راس ابوه و ريل عمتهَ ، و ردوا الصالهَ . . عمر : امي خطبتِ غلا و هي موافقه و خالي بعد وافق ، أم عمر : و الف صلي و سلم عليڪ يا حبيب الله محممممد .. الحريڪ إيببونَ ، محمد : و أنا يا أمايه خطبت مها و وافقت هي و عميهَ ، أم محمد [ ضحڪت ] : و الف صلي و سلم عليڪ يا حبيب الله محمدَ ، الحريم يببوا و هم يضحڪونِ ، أم محمد : بعد عرسڪم مع بعضَ .. ما ڪفايه دومڪم ملازمين بعضَ ؟ أم عمر : خليهمَ .. نفرح فيهمِ ، ، فديتهمِ .. خبرتوا البنات ؟ شمه [ فزت ] : أنا بخبرهمِ ، و طارت فوق .. أم عمر : لا تراڪضين .. شمه [ فتحت باب غرفة البنات ] : شو لي ؟ مها : ڪل الڪاڪاو لي عندي .. ؟ غلا : قولي الي عندجِ ؟ شمه : اممم ، خطبوڪمِ .. البنات تمو يضحڪونِ .. شوق : شو السالفهَ ؟ شمه : محمد خطب مها و عمر خطبِ غلاَ ، شوق : يا سلامممَ ، الڪل ضحڪ.. مها : اخوج يتصل .. ارد ولا ؟ شوق :ردي يالعبيطهَ .. البنات ضحڪوا ردت مها ، مها : هلاِ .. محمد : خبرتجَ ؟ مها [ ابتسمت ] : هيه .. محمد : موافقه و لا غيرتي رايجَ ؟ مها [ ضحڪت ] : امممم خلني افڪر .. البنات ضحڪوا .. مها : لا خلاص غيرت راي .. محمد [ ضحڪ ]: زينِ ، مها : عموري وينِ ؟ محمد : عدي للثلاث ، مها [ ضحڪت ] : 1/2/3 .. رن فون غلاَ ، البنات نقعوا ضحڪ .. غلا : الوه ؟ عمر : يا دافي الحس .. غلا [ نقعت ضحڪ ] : ما يلييقَ ، عمر : دوم جي تحبطيني .. غلا [ ابتسمت ] : قول شعندڪ ؟ عمر : جي يعاملون خطيبهمِ .. زعلتِ ، غلا [ استحت من البنات الي يترقبون الڪلمه منها ] : بعدين .. عمر [ ضحڪ ] : ادري واقفين ع راسج .. اوڪي .. لمن يرقدنِ ، و سڪرت غلا و من بعدها سڪرتِ مهاَ .. و غيروا البنات ملابسهن و لبسوا بيجايم النوم و و نامو .. |
البـرات 38 .. مها [ تهمس من تحت الفراش ] : هيه ، محمد : انزين .. غلا وين ؟ مها : راقدهِ ، محمد : ما أصدقِ .. مها [ ضحڪت ع خفيف ] : و لا أنا ، ~ صوب غلا نفس الحاله ~ غلا : احلف بس ؟ عمر : والله ههههههههه ، غلا : حمود وين ؟ عمر : راقد .. غلا : أشڪ فيه ، عمر : انا مب شاڪ أنا ع يقين إنه عيار .. غلا [ ضحڪت ] : الله يهديڪ بس ، عمر : غلايه ؟ غلا : هلا ؟ عمر : أحبج .. غلا اصطمتِ ، أول مره طبعاً تسمع هالڪلمة منهِ .. عمر : شفيج ؟ غلا [ مستحيييه ] : ها لا و لا شي .. عمر : تحبيني ؟ غلا : ما يخصڪ .. عمر : هههه يخص منوه عيلِ ؟ غلا : يخصني ، عمر : دبه .. غلا : فيلَ ، و تموا يسولفون إلين الساعه 2 تقريباً و رقدوا ڪلهمِ ، اليوم الي بعده العصرِ .. ديما [ تصعد فوق ] : بييبه و بي ، منال : اوڪي . . و دخلت الغرفهَ اتييبِ فون منال ، يت بتطلعِ .. سيف : هلا ، ديما [ خافت ] : اهلين ، سيف : شو تسوين روحج ؟ ديما : و لا شي .. منال تبا فونها ، سيف : اها ، [ قفل الباب ] قعدي برمسج شوي ، ديما [ خافت ] : شو تبا خلني اظهر ، سيف : و صرتي تعرفين ترمسين بعدَ ؟ ديما [ عصبت ] : هيه .. ظهرني ، سيف : قعدي لا تصيرين ياهل .. ديما [ قعدت ] : نعمِ ؟ سيف : شفتي أختج شو سوت فيني ؟ ديما : ما سوت بڪ شي .. انته موهم روحڪ .. سيف : هي الي اوهمتني .. بعزا عمي و حرمته و جاسم ، الله يرحمهمِ .. حسستني إني ملڪت قلبها و محد سوايهَ ، ما ڪانت تطيج حميد و لا تحبه ، هي لعبت عليه ، ديما : ما لعبت عليڪ ولا شي .. ڪلهم يعرفون إنه حميد و منال من زمان مڪتوبين لبعضَ .. سيف : بس هي قالت ماباهَ ، ديما [ تحيرت ] : عادي .. نحن البنات وايد نغير راينا ، سيف : عحسابنا ؟ ديما [ وقفت ] : المهم خلني أظهر الحين ، سيف : يعني توقعتج بتسمعيني .. بس شڪلهم .. ترسوا راسج بأفڪار مب صدق عني ، ديما [ متحيره ] : محد ترس راسي بشي ، عندي عقل .. سيف : عيل سمعيني ، والله بموت من الضيج .. محد طايع يرمسني .. محد يبا يشوفني لا أبوي لا أمي ، ولا حتى أخواني .. حتى خالد الي هو خالد هب طايجنيَ ، ديما [ تنهدت و قعدت ] : انته تسببت ع روحڪ .. سيف [ تجرب منها ] : منال خبلت بي ، منال دقت الباب .. منال : وينج ؟ ديما [ خافت ] : بغير ملابسي و بنزل توصخنِ ، منال : اوڪي .. طلعي فوني و خذي راحتج .. ديما فتحت الباب بشويشِ و عطتها فونها و ردت قفلتهِ ، ديما : اوووف ، سيف خلاص اظهر ، اخاف حد اييَ .. سيف : انزين ... يعني .. ديما [ ابتسمت ] : خلاص .. متى ما تبا تفتح قلبڪ أنا موجودهِ ، سيف [ ابتسم ] : مشڪوره بنت عمي .. انزين .. عطيني رقمج .. ديما : امممم ، بس .. يعني تعرف سعيد و حمدان و .. سيف [ اونه تضايج ]: خلاص خلاصص .. انتي ماشيه ع شورهم انا نسيتَ ، ديما : أنا ما امشي ع شور حد .. هذا رقمي ، 050/89***** .. سيف : مشڪورهَ ، ديما : العفو .. و طلع سيف ، ديما قفلت الباب و غيرت ملابسها يعني في حال منال سألتِ ، ديما [ تفڪر ] : هو طيب ، ليش هيڪ بيعاملوه ، بس هو ضربهم لأخواتي .. أڪيد حب منال عماه َ ،، الله ڪريمِ .. و مر هاليوم بالروتين العادي ، اليوم الي بعده ڪان يوم الثلاثاء .. يوم استلام الفساتينَ ، طرشوا نور الدين عسب ياخذهم من المول ، و ڪلهم ملتمين بالإسطبل بالعصرَ ، ماريا [ ع خيلها مايڪل ] : أسرعَ ، حمدان : هـآ ماريا بصورجُ . . ماريا [ وقفت ] : شتبيَ ؟ حمدانَ [ صورهـآ ] : هعَ ، http://im23.gulfup.com/2012-04-19/133486843131.png ماريا : يعني بس تصورني عسب راڪبـه خيلڪ صحُ ؟ حمدان [ ضحڪ ] : تقريباً ! ماريا [ ضحڪت ] : سير سير ترا مايڪل يتريـآڪ ! و رڪض حمدان صوب الإسطبلَ ، منال [ ترمس خيلها توماس ] : انا بعد اشتقت لڪ ، عيار انته عندڪ حوري .. حميد : هههه ، هيه والله عيارِ .. منال : برڪب .. حميد : يالله ها .. و ساعدها و رڪبتِ ، و ظهرت .. مايد : لا لا وعدتج لمن نڪون بروحنا ، شوق : انزين ، بنسير وراِ .. بو مايد : ودها شوي ورا هناڪ ماشي حدِ .. شوق : هيه هيه مايد ياالللهِ ، أڪيدِ غيث اشتاق لي .. مايد : ههههه ، حصان بعد شو يشتاق و مدري شو ؟ شوق : مايد عاااد ، مايد : اوڪي اوڪ أم غاية يالله مشينا ، و روحوا شوق و مايد ، حور : وين الي قال بانشيي لجَ ومدري شو .. عمر: ههههههههه ، اوف منجِ .. شوفي ما تخربينها ، حور : اوڪي .. عمر : ههه اخاف تطيحين و يحطون عليه ، حور : لا والله اعرف اسوقَ .. و طلع عمر البانشي لحور ، حور [ رڪبت و شغلتها ] : يا سلام ، بو مايد : لا تسيرين بعيد .. خليج يدام نظرنا ، حور : إنشاء الله ابويهَ ، داخل الڪراجَ .. حمدان : جي تشغلها .. و تدوس هني ؟ سعيد : اها ، يديده شڪلها .. حمدان : توه ما ڪلمتِ شهر ، سعيد : اوڪي . .[ رڪب ] الله يسستر ، حمدان : يالله 1 / 2 / 3 جوووو .. و روح سعيدَ ، عمر : عيل يبالڪم ريس .. حور : لا لا ، سعيد : اوڪي .. حور ابتسمت / سعيد : لا تخافين ما أعرف اسوق .. حور [ ضحڪت ] : أول مره اشوف ولد يعترف إنه ما يعرف يسوي شي ، سعيد [ ابتسم ] : ليش اخق و بالأخير أتطيح فوق راسي ، عمر : يالله .. 1 / 2 / 3 جووو .. مها : روحي حووووووووووووور ، حمدان : يالله سعيييييييييييييييييييدِ .. و طبعاِ نايف و خالد يلعبون بسيارتهم اليديدهِ ، حميد : من يراهن ع حور ؟ بو عمر : أنا.. حطِ لها ميتين ، بو مايد [ بخقه جي ] : احط لها خمسميهَ ، بو محمد : أنا ع سعيدَ .. حط له ألفَ ، بو مايد : هههههههههههه خسران و بتشوف .. بو محمد [ ابتسم ] : بنشوفَ .. حور : يالله دوس لا اتم تستهبلِ ، سعيد : لا عيب مابا أغلبجَ ، حور : لو خليتني اغلبڪ والله بزعل ، سعيد : لا شو .. عيل تدرين اشوفج عند النهايه ؛ حور نقعت ضحڪ و داس سعيدَ ريس .. و غلبها طبعاً ، يتم ولد مهما سوا و هالشغلات للأولادِ .. ع آخر شي صار تحدي بينهمِ ، و أخيراً .. بو محمد [ ضحڪ ] : قلت لڪمِ ، طلعو طلعو .. الرياييل ضحڪوا و ڪل واحد حط بيزاته و راحت من نصيبِ بو محمدِ ، شمه : أبا أرڪب الخيل باباهَ ، بو عمر : ياِ . . منو أزقر ، ياِ ماريا .. ماريا [ لفت الحصان ] : نعم عميه ؟ بو عمر : شلي شماني وياجِ ، ماريا : الساعه المبارڪه .. هاتها ، و حط بو عمر شمه يدامِ ماريا و روحواِ طبعاِ يتمشون شوي شوي .. ~~ صوب شوق و مايد ~~ مايد : ما له داعي ، شوق [ بضيج ] : بس أنا درست و تعبتِ .. مايد : الطب فيه اختلاط وايد ، شوق : ليش انته هب واثق فيني ؟ مايد : ما قلت جيَ .. بس .. الفڪره ما تدخل براسي ، شوق : يعني انته ترضاها لخواتڪ يدرسن و يتعبنِ و آخر شي ريلهن يقولهن يلسن فالبيتَ ؟ مايد : أڪيد أرضى الحرمه مالها غير بيتهاَ ، شوق : بس .. مايد : بنبدا ؟ شوق [ عصبت شوي ] : انته ليش جي ؟ أنا مب حرمتڪ بعدني عسب أقول حاضر سيديَ .. مايد : شفيج أنا ما قلت شي ، شوق [ نزلت من الحصان ] : ما تعرف تتفاهم تبا ڪل شي يمشي مثل ما تباهَ ، ع هواڪ .. مايد : عيل تبين تمشين شورج علي ؟ شوق : ما قلت جي ، بس خلنا نتفاهم .. انته الله يهداڪ ما تتفاهم أبدِ .. مايد [ يلس ] : ياللهِ .. اسمعجَ ، شوق : و الحين يالسه ترمسني بأسلوب .. مايد : اووووف عيل شو تبين .. ما عايبنج شي .. شوق [ تضايجت ] : مايد .. مايد : هلا ؟ شوق : شوي شوي .. مايد [ ابتسم ] : اوڪي .. شوق [ ابتسمت ] : شوف ، أنا أقول يعني بشتغل وياڪ .. نفس المڪان الي انته تشتغل فيهَ .. جان ما عيبڪ الحال .. بستقيلَ .. مايد [ يفڪر ] : وياي يعني ؟ شوق : هيهَ .. مايد : و إذا ما قبلوج ويايَ ؟ شوق :مايد عاد انته واسطاتڪ تملي البلدِ .. مايد [ ضحڪ ] : صح صح نسيت إني شخص مهمِ ، شوق [ ضحڪت ] : خقاقَ ، مايد [ لف جسمه صوبها ] : انزين ما قلتي لي ؟ شوق [ استحت ] : هلاَ ؟ مايد : تحبيني ؟ شوق [ لفت ويهها الصوب الثاني ] : لو ما أحبڪ .. جان ما بتنازلِ عن أڪثر شي ڪنت أباهَ ، مايد : و منو قالج أنتي بتتنازلين عنهِ .. أنا بس اشوف عنجَ .. شوق [ ابتسمت ] : دب واحدَ .. مايد : دب و تحبيني لو ضعيف شو بتسوينَ ؟ شوق [ دزته و قامت ] : خقاق ، مايد [ حضن الخيل ] : محد يحبنيْ غيرهَ ><" شوق : حيـآتيُ . . مايد : أنـآ ؟ شوق : لا هوَ . . مايد : بشوتج شوقوهُ ! شوق [ فتحت موبايلهـآ ] : بصورڪ ؟ مايد : جم تدفعينُ ؟ شوق : اوووهُ . . مايد [ ابتسم ] : خلاص يالله حلآلجَ . . http://im23.gulfup.com/2012-04-19/1334868431602.png ~~ صوبِ منال ~~ منال [ ترمس توماس خيلها ] : أنا بعد اشتقت له ، بس شسوي هذي الدنيا تاخذ و تعطي .. تدري صايره اخاف على أخواني أڪثر من أخاف عنفسي .. أحس روحي مسؤولة عنهمِ ، مدري ليش احس بعيون سعيد حزن يخبيه بضحڪاتهِ و ديما هبالها أخاف يوديها بداهيهِ .. أما نايف .. أحسه أعقل واحد فيهمِ مشاء الله عليهَ ، حميد : منال ؟ منال : هلا ؟ حميد : يالله نزلي بتتعبينَ .. منال : اوڪي [ باست الخيل ] ادري مشتاق لي بس شسوي .. اشوفڪ مره ثانيهَ ، حميد [ ابتسم ] : شفهمه هو ؟ منال [ ابتسمت ] : صح ما يفهمِ لڪن يحس بي ، حميد [ جرب صوبها ] : هو بس ؟ منال [ ضحڪت ] : و أنته بعدَ ، حميد : يالله خلينا أندخلهَ .. حور [ يمَ خيل جاسم ] : ملانه صحَ ؟ منال : حليلهـآ ، ها يبت لهـآ تومـآسَ . . حميد : و اللـه إنڪم هب صاحيينُ ، http://im13.gulfup.com/2012-04-19/1334868520251.png و دخلو الخيولَ ، أڪيد تسألون ديما وينَ ؟ نروحِ صوب المطبخَ شوي ، سيف : و هذي حياتي .. ديما : انته لو تبين للناس الي بداخلڪ والله بيحبونڪ ، سيف : عسب اصير مطنزة ؟! ديما : لا مب جي ، لا أقصد ڪيف أنڪ طيب و حبوب .. يعني عليڪ سوالف حلوه ، سيف [ ابتسم ] : صدقَ ؟ ديما : هيهَ ، تونست وياڪ [ قامت ] بسير عند أخواني الحينَ .. سيف [ زخ إيدها ] : قعدي شوي .. ديما [ سحبت إيدها ] : أخاف يدوروني ، سيف : هم ڪلهم مع بعضِ .. أنا روحي .. ديما [ قعدت ] : اوڪي .. ربع ساعه بس ، سيف : اوڪي .. انزين انتي قولي لي عن حياتجَ .. ڪيف ڪانت هناڪ بسورياَ ؟ ديما : يعني حلوهَ ؟ سيف : طبعا ڪل شباب الحارة يحبونج صحَ ؟ ديما [ نقعت ضحڪ ] : لا شو .. يعني ڪان عندي أصدقاء . . اسامه و فارسَ و خالد ، سيف : مشاءاللهِ ؟ ديما : هههه .. هم بعد ڪانو معاي بالمدرسه تدري هناڪ المدارس مختلطه أڪثر شي .. سيف : هيه أدري ، ديما : ڪنا عايشين مع ماما .. ڪانت حياتنا حلوهَ .. دوم ڪنا نضحڪ و نمزحِ .. ما ڪنا نشيل هم أي شي ، يعني مع إني ڪنا ع قد حالنا ، بس عمرنا ما فڪرناِ هذا عنده و نحن ما عندنا ، سيف [ ابتسم ] : يعني ڪنتي قنوعهَ ، ديما : تقريباً مراتِ أتضايج لمن أڪون ابا شي و ماما ما تقدر تشتريه لي .. بس اصبر .. و بالأخير تاخذه لي ، سيف [ ضحڪ ] : دلوعهِ ، ديما : بنتها الوحيده [ سڪتت شوي ] الله يرحمها ، سيف : امين يا ربِ .. ديما : انتوا هني أحس انڪم دلوعين مدللين وايدَ ، سيف [ ضحڪ ] : ليش عاد ؟ ديما : ڪل شي تبونه موجودِ .. أي شي تتمنوه ايبونه لڪمَ .. سيف : الحمدلله خيرنا وايد ، ديما : الله يزيد [ رن فونها ] الحين بتاڪلني .. هلا منال ، بالمطبخ .. [ ارتبڪت ] اسوي نسڪافيهَ .. اوڪي ، حمدان ما يبي ؟ و سعيدَ .. ههه اوڪي .. باي ، سيف : شو تقول ؟ ديما : تقول تبا بعدَ .. اقولها سألي حمدان جان يبا تقولي عبادي يباَ .. هالولد بالوعهِ .. سيف [ ضحڪ ] : هيه والله .. تعالي بسألجَ ؟ ديما [ قامت تسوي الڪافي ] : نعمِ ؟ سيف : تحبينه هذاِ ؟ ديما : قصدڪ عبادي ؟ سيف : هيهَ ؟ ديما : مدري ، بعدي ما أعرف بشو أحس .. بس احسه قريب مني .. سيف [ وقف و جرب منها ] : و أنا ؟ ديما [ استحت ] : نفس الشي ، سيف : أها .. ديما : انزين سيف .. سيف : آمري ؟ ديما : روح الحين اخاف منال اتي و جي .. سيف [ اونه تضايج ] : اوڪي .. اشوفج بعدين ؟ ديما : إذا قدرت اوڪي .. و طلعِ ، شوي و دخل عبادي .. عبادي : بوووووووووو .. ديما : بسم الله .. عبادي : الأخت شايفه يني ؟ ديما : لا دينصور .. عبادي : ههههه هبله ، هالطفس شو ڪان يسوي هني ؟ ديما [ خافت ] : من ؟ عبادي : سيفوهَ ، ديما : هيه ڪان يدور شي ياڪلهَ .. عبادي : سم إنشاءاللهَ ، ديما : حرام عليڪ هب زينَ ، عبادي : صح صح هب زين علي .. أنا أحسن عنه .. المهم وينه وين ڪافييَ ؟ ديما : بالسما ، عبادي [ يناظر فوق ] : ماشي سما هني هاي طوفه ، ديما [ ضحڪت ] : أهبل هاڪ .. عبادي : مشڪوره، و بوف تلامست إياديهمَ ، ديما [ ارتبڪت ] : انا بودي الڪافي لمنال .. عبادي [ نفس الحاله مرتبڪ ] : اوڪي .. ياللهَ بسير وياجَ ، و طلعوا من المطبخَ .. ديما + عبادي : أنا ديما : انته اول.. عبادي [ ابتسم ] : أنا ، .. مدري .. تحسين باللي احس بهَ ؟ ديما [ ابتسمت ] : قول عسب أعرف إذا حاس به ولا لأ ؟ عبادي [ ارتبڪ ] : معرف اوصف شعوري ، ديما : ولا أنا .. عبادي : ههههه ، انزين .. اشتقتي لي ؟ ديما : سخيف .. عبادي : يالله عاد ، ديما [ لفت ويهها ] : صايره ما أشوفڪ مدري وين تسير .. عبادي : والله موجودَ .. انتي الي منخشه مدري وينجَ .. ڪلما دورتج يقولون لي ما ندري وينها .. ديما [ ارتبڪت ] : هب متعوده ع اللمات بعدَي .. عبادي : اها ، انزين أنا يايب لج هديهَ .. ديما : شنو هي ؟ عبادي : اول نوصل الڪافي لمنال و بعدين أرويجَ .. ديما : اوڪي .. منال : شوڪرنَ ، ديما : العفو .. عبادي : يالله ، منال : وين ؟ عبادي : مڪان بعيييد .. بخطفها ، منال : سخييفَ .. و مشوا ديما و عبادي .. دخلهاِ غرفة الشباب ، ديما : ياللهِ .. عبادي [ ياب بوڪس ڪبييير ] : تراااَ ، ديما : شو فيهَ ؟ عبادي : فتحيه روحجِ .. ديما [ تفتح البوڪس ] : شو يا ترىَ [ انصدمت بعدة الرسم و صرخت ] مشڪور مشڪور ، عبادي [ ضحڪ ] : العفو .. ديما [ تناظر الأغراض ] : والله مشڪور .. مب عارفـهُ شقولڪ .. عبادي : العفوو .. والله هذا أقل من الواجبَ ، ديما : لڪ مني أول ويه ارسمه أنته ، عبادي : عسب تخربين جمالي لا لا ، ديما [ بوزت ] : لاا ؟ خلاص هونتِ .. عبادي [ ضحڪ ] : افا عليج .. لو ترسميني سبال عادي .. ديما : هههههههه لا عادِ. . ما تهونِ ، عبادي [ جرب ] : قوليها ؟ ديما : شو ؟ عبادي : ديم عادِ ، ديما استحت .. عبادي [ ناظرها ] : انتي غيرتي حياتي ، عطتيها ألوان و شقول .. غيرتيني .. ڪنت دوم روحي .. و الحين أبا دوم أڪون وياج ، شو سويت فيني يا بنتِ عمي ؟ ديما [ منزله راسها ] : و لا شي .. عبادي : أحبج .. ديما اصطمتِ، عبادي : قلت شي غلط ؟ ديما : الحب شي ڪبير .. عبادي : أدري ، ديما [ شلت البوڪس ] : مشڪور ما تقصر ، عبادي [ يودها ] : أحبج ديم .. ديما [ ابتسمت ] : الله يديم المحبه .. و طلعتِ / عبادي طبعاً طاح ع الشبريه هههه ، يفڪر بمعنى ڪلمه [ الله يديم المحبه ] يعني تحبه ولا لأَ ، سارت ديما صوب غرفة البنات تحط الأغراضِ ، و طلعتِ .. بويهها سيفَ ، سيف : تعالي شوي .. ديما [ تناظر غرفة الصبيان ] : لشو ؟ سيف : لا تخافين نزل . . تعالي شوي انتي ، ديما [ بخوف ] : اوڪي .. و دخله غرفته ، سيف مثل ما عرفتوا له غرفه روحه بالعزبهِ .. ما يحب اللمهُ ويآهمِ و جيَ ، يحب ييلس روحه .. و يعدل مزاجه بجمن جلاس بروحهِ ، المهم دخلها و سڪر البابِ .. سيف : شو ڪنت تسوين مع عبادي بالغرفهَ ؟ ديما : ولا شي يايب لي هديهَ .. سيف [ يلس يمها ] :شو يايب لَجِ ؟ ديما [ بعدت شوي ] : عدة رسمَ ، سيف : اها .. و بس ؟ ديما : هيه بس .. [ وقفت ] شقصدڪ يعني ؟ سيف : لا ما قصدت علي افا عليج يلسي ، ديما : شو تبا فيني .. بسير عند أخواني ، سيف [ زخها و عقها ع السرير ] : قلت لج يلسي يا بنت الناس ، ديما [ خافت ] : انزين بيلس .. سيف [ يجرب منها ] : خبروج إنج حلوةِ ؟ ديما [ مرتبڪه ] : هيهَ ، سيف [ ضحڪ بخباثة ] : و خبروج أنجِ . . تخبلين فالواحدِ ؟! ديما سڪتتِ ، كَـااااااااااتت\نـهايـه البـارتات السـموحـه عالـتاخيـر لكَـن الضروووف ر: تـوقعاتكم و ارائكم .. |
| الساعة الآن 09:37 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir