ردوا البيت وتغدوا واليمعه ولا احلى ..~*

بوحمدان واقف برع ميلس الرياييل
بوحمدان : عيب عليك العررب تغدوا وخلصوا وانت لين الحين ماشرفت
حمدان : توها الساعه وحده هاييل يتغدون من وقت انا بتغدى وبي
بوحمدان : فشللتني يداام النااس الرياييل كلهم عيالهم موجودين الا انت
حمدان : انزين بتغدى وبي خلااص مااستوى شيء
بوحمدان سكر فويهه وتوه بيدخل الميلس ولا يتبطل الباب ويضهر سيف
بوحمدان : وين رايح تو الناس
سيف : لا عمي راد بس بروح اييب اختي
بوحمدان : جي مايبتها من قبل
سيف : لا عمي تعرف البنات كيف بعد
بوحمدان : ههههه يلا روح عن تبطي عليها بعد
سيف : فمان الله

/
\
/

ميلس الحريم ..~*
ام حمدان : قصروا حسكم حسبي الله على ابلسيكم رياييل هنا
ميثو : هههههه امي نحن صوتنا يالله ينسمع انتوا اللي صوتكم وآآصل آخر الشارع
ام حمدان : انطبي انتي
ميثو : قفطه خخخخ
راشد يدق الباب
ام راشد : ادخل ماشيء حد غريب
راشد دخل : السلام عليكم والرحمه " شاف البنات " : شو ها صووتكم وااصل لين عندنا ماتعرفون تصحكون بصوت خفيف ,, الشباب هني خفوا صوتكم لا العععنكم لعان وضهر
حمدو : خيييبه لهآآي الدرجه صوتنا عالي
ميثو : هيه والله شفتي كيف
يزوي : ميثو عليا اختج وين ماشفتها
ميثو : بسم الله عليج هاذييه يالسه هناك ويا مريم
يزوي : آآووه ههههه
ميثو : همممم روضو ما بتي
يزوي : لا بتيي بس ماادريبها ليش اتاخرت
ميثو : من يوم السالفه ماشفتها غير مره
حمدو : اصلن تيمعوا اليوم عسب يردون شرا قبل
يزوي : هيه والله ايام قبل احلى ااخ الحين المدرسه ملل والله
حمدو : ههههه طبعا لان نحن محد

بعد ساعه الا ربع ,,, عند باب البيت
سيف : عاد وين ببركن انا الحين
روضو : هيه زحممه العالم كلها يايه
سيف : هيه والله لو تشوفين داخل صوب الرياييل كيف زحمه ,,, نزلي انتي هني انا ببركن هناك
روضو : انزين يوم بيروحون وين احصل موترك
سيف : موتري موقف دااخل ها موتر ماايد
روضو : اها انزين يلا بنزل انا الحين
سيف : نزلي انزين وايد ترمسين
روضو : ههههه
" نزلت ومشيت بين المواتر هم حويهم عود وممزوور مواتر دقيت حق حمدو قالتلي احدر الميلس عقيت الكعب ودشيت طبعا امي كانت موجوده من قبل لانها يايه وياهم من زمان سلمت عليهم وجي وعلى ام حمدان كانت عاديه وياي يعني نفس قبل ماتغيرت الحمدلله "
عليا : وآآخييرا ييتي مابغيتي
روضو : هههه جب انتي
حضنت البناات كلهم تولهت على يمعاتنا والله عقب رحنا الصاله اللي فوق انا وميثو ويزوي وحمدو عسب محد يحشرنا ونحن نضحك ههههه ,,
ميثو : تعالي بخبرج جي متااخره
روضو : سكتي والله رااسي يعوورني وهالحيوانتين حمدو ويزوي حاشريني فالفون
ميثو : هههههههه هيه صح يزوي تذكرين يوم رحنا نشل اغراض ابلة العربي
يزوي : هيه كيف ما اذككر واذكرج يوم انجلبتي
روضو : انجلبت ههههههههه اخ عليج يداام الابله
ميثو : جب انزين روضو تحيدين ابلة العربي ابلة مريم صح
روضو : هي هااي اللي ذالتنا ويا ولدها كل يوم كانت تمدحه يدامنا وهذا يدرس فلندن ويدرس فلندن
ميثو : تدرون منو طلع ولدها ومنو اللي كان فالمووتر اصلن
روضو : منوو !!
ميثو : زآآآآيــــد اتخيلي
شهقوو روضو ويزوي اما حمدو فماكانت تدري منو زايد اصلن هههه
روضو : حلفي
ميثو : والله العظييم
روضو : تريي مب هي كانت تقول ولدها داارس فلندن
ميثو : هيه
روضو : اسمر وشوي طويل صح
ميثو : انتي من وين تعرفيينه
روضو : هذا ربيييع اخووج كان ويانا فلننندن ويوم سويتو الحاادث رد ويانا عقب يوم رحنا لندن بعد راح ويانا
ميثو : قوولي والله
روضو : والله
ميثو : انا كنت ادري انه ربييع حمدان بس ماكنت ادري انه وايد ويااه
روضو : والحين امه طلعت ابلة العربي لابالله رحتي فيها يا ميثو
يزوي : اصلن انتي متى رديتي حق زآآيد
ميثو : ماخبرتكم من قبل فتتره ,,, خبرتتهم كل شيء
روضو : اويي والله انتوا دوااهي لو حد شاافكمم
ميثو : محد شافنا الحمدلله
يزوي : ميثو يمكن يقص عليج شدرااج
ميثو : يززووي شو يقصص علي لو يخررط علي جان ماشفتيه رد من لندن قولي رمسه معقوله
يزوي : واايد واثقه فيه
ميثو : يزووي بلااج
يزوي : هو بعده مارمس امه لو رمسها وماطااعت تخطبج شبتسويين
ميثو بدون تفكير : ليش ما اطييع والله وبعديين هو يبااني يعني بياخذني
حمدو : الحين السالفه مادشت مخي
روضو : شوفي ميثو كانت تحب واحد اسمه زايد على اياام كنا ندرس وعقب الولد اختفى جي مره وحده ويوم سويتوا الحاادث رد مره ثانيه
حمدو : قوولي جي انزين ,, ميثو انتي رمسييه يخطبج لترمسينه واايد اتخيلي واحد من خوانج درا بيذبحوونج والله وهو ربيع اخوج بعد
ميثو : برمسه بشووف رده
روضو : انزين تراني مب متغديه
حمدو : تعالوا انزين بنروح تحت عسب تتغدى هاي
يزوي : يلا
نزلوا تحت رآحت حمدو عسب تخبر البشكاره تحط غدا حق روضو وميثو ويزوي وروضو حدروا غرفة الطعام ,,
روضو : ميثو لتنسين رمسيه اليوم
ميثو : تصدقين احس جي خايفه
روضو : انتي رمسيه واعرفي رده
ميثو : انزين ,,
يزوي : سمعوا اليوم بنظهر ها
ميثو آآي تسوون نفس المره اللي طافت ما بروح
دخلت حمدو : ههههه روضو فااتج بشكارتنا تعللق عليج
روضو : بييرها طراق هاي ترا
حمدو : كككك
يزوي : ايلسي انتي بسج وايد ترمسين نبغي نضهر اليوم ها
حمدو : ومنو بيوديينا ان شاء الله
يزوي : اخووي منصور واخوج مايد هاييل احسن ولدين حق الطلعات
ميثو : هذا اللي دوم ويا منصور اخو حمدو
يزوي : هيه لوااته هالاثنين والله
روضو : خلاص يزوي وحمدو ترتييب عندكم
دخلت ماري ,, البشاكره ,, وحطت الغدا وظهرت
روضو : بسم الله هاي منو هاييج الملسونه وينها
حمدو : هاييج تعابل فالمطبخ هاي يديده
ميثو : انزين انا بعق عباتي و وقاايتي كاشخه على الفاضي
حمدو : عققي ماتشوفيني احاوط بدون وقايه
ميثو : لا ها بيتكم انزين يعني بس اخاف واحد من خوانج يحدر
حمدو : لا افا عليج بيدقون الباب
يزوي : دام جي انا بعد بعق بس هب لابسه مخخور
روضو : افف عقو فكونا خلو الواحد يتغدا
حمدو : شدخل الغدا ههههه
روضو : مادري
ميثو : تذكروون يوم سويينا الحاادث ههههههه
يزوي : هيه اوونج سوييقه يعني وجلبتينا الله يلقققعج
حمدو : وين اللي كانوا ويانا لطووف وفطيم اعتقد
يزوي : هيه هاييل بيون عقب ,, اقولج روضو
روضو : ها
يزوي : خبري ربيعاتج ودوم وشمييم اييوون
روضو : تعاالوا صح شمييم فكلاسكم
ميثو : لا فالصف اللي حذالنا
روضو : اووه هاي لو تكون وياكم بتستانسون ربشه
ميثو : ههه دوم مطييحه ويانا
روضو : انزين بتصلبهم اييون المكان اللي بنضهر فيه
يزووي : اوجي
يتبطل الباب اللي على صوب ميلس الرياييل صدوا البنات كلهم وشهقووآآ وترابعوا برع
حمدان رد سكر الباب على طول
راشد : اسمحولي شكلهم يتغدوون
زايد : مسموح
راشد دق الباب دقتين ودخل مالقى حد ضهر حصلهم عند الباب
راشد معصب : ع كييفكم اتوون تيلسون هنااك ماتدروون شيء شباااب هني وفااصخاات العبي
روضو : انزين جان دقيتوا الباب وبعدين نحن تحريناكم تغديتو ومحد خبرنا
راشد : انا مخبر امي يحطوون الغدا حق اثنين
حمدو : ماخرتنا ماما
راشد : انتي سكتي براويج عقب
حمدو : روح لا ,, وروحت الميلس
راشد : سيري قولي حق البشكاره وين الغدا
روضو " بشكارته انا هذا بعد بس زين البشكاره وصلت " : هذيه يايه
راشد : روحي الميلس ولو يلستوا تضحكون بصوت عالي والله لالعنكم لعاان

/
\
/

العصر الساعه 4 ونص ,, الحريم ردو البيت ع اساس بياخذون قيلولة وبيردون الفليل
والشواب بعدهم موجودين والشباب والبنات

/
\
/

روضو : وين ترتيبكم مالت عليكم 4 ونص ولين الحين ما سويتوا شيء
يزوي : انزين اتصلت كمن مره محد يرد علي
ميثو : حد يروح يدق الباب
روضو : انزين عليا وين
ميثو : ههههه ابوي عليو شلت اختج وروحو طنشونا
روضو : ههههه انزين حمدو انتي روحي
حمدو : والله رشوود بيلعنن خيري
يزوي : ميثو روحي انتي خلوف سكتيه بكلمتين وحمدان مب عصبي
ميثو : خلوف بيكست بكلمتين بس يلا مب مشكله بس شو بقوله مب على اساس خوانكم اللي بيودونا
يزوي : رمسي خلوف بعد هذا زين حق الطلعااات
ميثو : هيه حطو كل شيء ع رااسي ,, عدلت وقايتها ودخلت القصه ,, شوفوا لو وحده بطلت الباب وشافت بصففعكم والله خلووني ارمسه وعقب بخبركم شو بيقول
حمدو : انزين يلا رووحي الحين
ميثو ضهرت ورآحت صوب ميلس الرياييل اللي ع الصوب اليمين دقت الباب دقه ودقتين ضهر رآآشد
ميثو " لا حوول بعد هذا اللي دومه يصارخ " : ازقر خليفه قوله اختك تبغيك يوم بيضهر خل يتصلبي ,, ييت بروح بس زقرني
راشد : تريه بزقرلج اياه ,, حدر الميلس ورآآح صوب خلوف
خلوف : بلاك بسم الله جي وقفت يدامي
راشد : انت مواعد فبيتنا
خلوف : مواعد فبيتكم منو !!!
راشد : ماعرف وحده دقت الباب قالت قول حق خليفه خل ايي
,, منصور يطالع مايد : ليكون هاي يت بيتكم
مايد : مينون انت شدراها فبيتنا وبعدين قالت خليفه ماقالت مايد
خليفه : خلاص خلاص بشوفها الحين ومشى لين الباب وهو مستغرب ويقول وحده تباني انا جي متى انا خبرت وحده اتيني هنا بطل الباب شاف ميثو بس معطتنه ضهره ,, هلا
ميثو صدت
خلوف : هاااي انتي والحبيب يايني دااخل يقوولي وحده تبااك انت موااعد
ميثو : اونه ههههههه انا قلتله يقولك اني اختك
خلوف : مادريبه انزين شتبين
ميثو : خلوف تعرف ان نحن يعني يالسات روحنا وملل وجي فقلت يمكن اطلعنا
خلوف : هاا اطلعكم اونه ههههه روحي روحي نحن بنضهر بعد شوي
ميثو : خلوف انزين ملل شنسو
خلوف : عليو وين
ميثو : هااي شلت مريم وروحوا
خلوف : مريم منو
ميثو : اخت روضو الحين شو قلت
خلوف : همممم انزين خوان هاييل اللي وياج ما بيطيعون اضهركم روحكم
ميثو : ترا انت بترمس منصور وهذا اللي وياه اسمه مايد اضن
خلوف : انزين وروضو بيخلونها تضهر ويانا
ميثو : هيه عادي او يمكن ترمس واحد من خوانها
خلوف : خلاص روحي انتي انا بدقلج وبخبرج
ميثو : خلوف مب اطنش
خلوف : مابطنش روحي
لندن ..~*
غرفة شوآآخ كانت ترمس روضو بالفون ..~*
شوآآخ : وطلقج !
روضو : هيه يعني شتبينه يسو احسه غمضني
شواخ : شو غممضج عقب اللي سواه فيج
روضو : يلا سالفه وعدت انتي وين مختفيه مانسيت انج ما اتصلتي من شههر
شواخ : والله انشغلت تدرين ضهرت من الفندق بعد
روضو : متى وليش
شواخ : خلاص لين متى بتم فالفندق وانا بطول فلندن لازم اقر فمكان
روضو : مب ناويه تردين
شواخ : لا ناويه بس مب الحين
روضو : آها انزين حبيبتي ببند الحين يالسين ينادوني
شواخ : اسمع حشرتهم هههه الله ويآآج

/
\
/

,, دبي ..~*

ميلس الحريم
ميثو : روضو يا الحيواانه تعاالي بسج هذربااان فالتيلفون
روضو : يايه ,, ها وصلت ,, شو سوييتو
ميثو : قال تريي بتصلبج وبخبرج
يزوي : بنتريا شو ورانا ,, رمستي شميم و ودوم
روضو : انزين خل اععرف وين اذا بنروح ولا عقب بخبرهم

/
\
/

ميلس الرياييل
خليفة : ترتيب عيل رايحين كلنا
سلطان : هي هي كلنا
حميد : عيل ضهرنا الحين لتنسون العشا عندنا
سلطان : لا مب ناسين اطمن هههههه

/
\
/

ميلس الحريم
ميثو : سكتوا اتصل ,, آآلو ,, انزين ,, 4 بنات نحن ,, هآآ ,, ليش ,, اووف , لا لا خلاص الحين بنضهر وبندت
حمدو : ها شو قاال
ميثو : اووف ها شاال الجييش ماله كامل وياه
يزوي : تطرين القوم اللي داخل كلهم
ميثو : هيه
روضو : اغسلوا ايدكم ايدكم من الحين اقولكم الطلعه مب شيء
ميثو : خلوف يقول الحين اضهروا
حمدو : تتمصخرين ميثو هاييل كل واحد وشرووطه عز الله شرينا شيء ولا كلنا
روضو : انتوا نشو نروح وهناك بنسحب مايد ومنصور
ميثو : اكيد شنسو بعد
روضو : انزين حمدو يلا نبدل ولا تبينا نروح بمخاويرنا
حمدو : يلا انزين
بعد نص سااعه بالضبط خلصوا وبعد الهزاب اللي حصلوه لانهم اتآآخروآآ
انقسموا الشباب فالمواتر و البنات يزوي وحمدو وميثو راحو ويا حمد وخليفه
اما روضو فراحت ويا سيف لانه ماخلاها تروح ويا البنات

/
\
/

فالدرب ..~*

موتر حمد ..~*
ميثو : شو فيستيفال مانبا
خلوف : يلا بدو يتشرطون وين تبون انتوا عيل
ميثو : ودونا مول محترم ولا ردونا
حمدو : هيه والله
خلوف : طااع يتشرطون بعد والله تبون كل وحده طرااق يسكتكم احمدو ربكم
يزوي : افففف لو رايحين ويا روضو ابرك بتسو ترتييب وبنروح مكان نفس الناس
خلوف : هاي بعد يبالها طرااق
يزوي : روح لا
حمد : ههههههه خلوف اسكت انا اللي اسوق مب انت وين تبون تروحون
ميثو : تريا بتصل فروضو ,, الو .. ها .. بلاج تضحكين .. ههه .. انزين وين اخبرهم يودونا .. انتي يبالج طراقين مب طراق شو فيستيفال شنسو هناك .. مانبغي ماشيء فلم حلو اليوم بنسير مول الامارات هي هي احلى آآووجي
خلوف : ها شسوت روضو مالكم
ميثو : جب انت بنروح مول الامارات
خلوف : لا فيستفال يعني فيستفال
يزوي : عيل تشاوروونا ليش انتوا شكلكم مرتبين الموضوع بس نحن يايين وراكبين فالموتر
ميثو : ردوونا البيت ما بنرووح
حمدو : هيه والله ليش يايبينا عيل
حمد : لساان والله عليكم خلاص خلوف اتصل فالشباب خبرهم بنروح مول الامارات
خلوف : مسكين حمد طيووب هههه
حمدو : والله فديت اخووي انا بس
حمد : مصللحه والله
حمدو : خلاص بنسكت ههه

/
\
/

موتر سيف ..~*
سيف : غيروا يقولون بيروحون مول الامارات يتمصخرون
روضو : هههههه والله قلتلك انا ميثو ام لسان ويااهم تباها تروح فيستفال
سيف : انزين خلاص انا وانتي بنروح فيستفال انا قريب الحين وين ارد بعد
روضو : طااالع اتمصصصخر انت والله ما بنزل انزل رووحك مب مخلني ارووح وياهم واتقوولي فيستفال وهم رايحين مول الامارات
سيف : بس انزين بوديج هناك بس لتحتكين فحمدان لو رمسج ردي عليه عادي كواحد من الاهل
روضو : بدون ماتقولي هذا اللي بسويه
سيف ابتسم : جي اباج

/
\
/

موتر مآيد ..~*
منصور : غيروا قالوا مول الامارات
مايد : هاييل حيوانات مايستقرون مكان واحد شوف نحن بنروح عند هاييج الخبله وعقب بنروحلهم
منصور : اوكي

/
\
/

موتر سلطان شآآل المخبل وياه ..~*
عبيد : ههههههههههه هيه الله يلعنننه تذككر استااذ العربي اففف والله نكته
فيصل : انا اللي توقت مب انت مالت على هالويه
سلطان : عبيد انزل هاتلي ماي من الدكان
عبيد : الحين تنزلني الدكان عسب ماي هرن وبيي
سلطان : انزين مركبنك موتري لتفلسف
عبيد : الحين انا تباني انزل الدكان
سلطان : عبيد انزل الدكان يمع كاكاو بعد
عبيد : روح الشيشه
سلطان : خلاص الشيشه ماعندي مشكله
.. صوب الشيشه نزل شرا وخلص يوآآيج الا يحصل سلطان رايح
عبيد : الله يللعننك يا سلطان ,, يعل صوته ,, تريآآآني آآييه
سلطان ضهر ايده من الجامه واشرله بمعنى روح لـآآآ
عبيد : الله يااخذك انشاء الله
البنت تضحك : طآآعي ودروه
...... : يستااهل هههههه
عبيد : جب انتي لا افررج بالجيسه على رآآسج

/
\
/

موتر سلطان ..~*
فيصل : ههههه بيتوهق رد شله
سلطان : بوقف انا هني روح ناده وتعالوا
فيصل " صدق حليله ونزل ربيعه عبيد مايهون عليه " : آآوكي
نزل فيصل من صووب وفججه رييس سلطان من صوب
سلطان : ههههههه خل يروحون مشي الحين

/
\
/

بآركنآت مول الامارات

حمد : هآ حميد وينهم
حميد : من شوي اتصلبي فيصل يقول سلطان ودرهم هو وعبيد فالشيشه
حمد : آآي شيشه بعد
حميد : ثاني شيشه خطفنا عليها بعيده من هنا
خليفه : هههه والله خلههم يصطلبون عيل حد قالهم يروحون وياسلطاان و سيف وينه
ميثو : هاذوهم وصلوا
سيف بركن الموتر ونزل هو وروضوو
سيف : شو محصلين باركنات حذال بعض اشوف
حمد : هيه حضض شنسو بعد
حميد : انزين عبيد وفيصل منو بييبهم
سيف : جي وينهم
خليفه : اخوك ودرهم فالشيشه
سيف : لـــآآ
حميد : والله
سيف : ايوون بتكسي خلاص دخلنا واللي يوصل يدخل ليكون بنترياهم بعد
حمد : الحين اللي ما وصلوا راشد و مايد ومنصور وسلطان دقو على واحد منهم يخطف عليهم
خليفه : خلااص ايون بتكسي كيفهم انا بدخل انتوا متفيجين
سيف : ربيعكم وينه عيل
حمدان : راح بيتهم
سيف : افا ليش
حمدان : ماشيء قال بيرد عنده كمن شغله

/
\
/

صوب مايد ومنصور
منصور : هذا بيتهم
مايد : هيه
منصور : يلا وينها خل تضههر
مايد : هذييه يايه
ركبت البنت بسسرعه وقالت حق مايد : يلا روح
مايد تيدم شوي ووقف
مايد : هاتي الصور اللي عندج
....... : اعطييك الصوور ليش انت ما نفذت وعدك
مايد : انتي هااتي الصوور وانا باجر بخططبج
...... : وانا ما اضمن لين باجر يوم بستوي حرمتك هاييج الساعه بعطيك
مايد : وانا اقوولج هاتي الصور
..... : شبتسو يعني ترا الصور مب ويااي هنا هههههههه الصور فمكآآن بعييد وبعييد تووصله وايد
مايد : اقوولج مب انتي اللي تذلييني انا تفهميين وديي الصوور وين ما تبيين انا ولد عادي مايهمني انتي بنت وشرفففج بييين ايدي صوورج هآآآي عقباال ما تلقيينها فاايييد كل ولللد وفآآييد خواانج تراهم آآول الناس
البنت صآآحت : لا ماايد دخييلك ودرني ودررني شتسسسو انت لـآآآآآ ودرنيي ودرنني ,, ونزلت من الموتر ورآآحت سيده صوب بيتهم
منصور : بلاها يننت
مايد : آآآوف لو تودي الصوور برووح فيها
منصور : شرايك نروح المخففر
مايد : نسيير شنسو
منصور : شو شتسو خبررهم عن كل شيء هاي دااهيييه والله
مايد : لا لا ما بتقدر تسوو شيء
منصور وهو فبااله فكره : خلاص روح الموول انت الحين

/
\
/

مول الامآآرآآت وصلوا سلطان ورآآشد بس منصور ومآيد بعدهم ..~*

روضو وقفت شوي وردت كملت مشي
حمد : فيج شيء روضه
روضو : لا بس راسي يعورني شوي ابغي ايلس هاييل بيدورون وايد
حمد : انتوا بتمون تحاوطون جي
سلطان : شكلنا جي
حمد : خلاص انا بيلس ويا اختك فالكوفي اللي هنا ريلها عورتها ماتبغي تحوط
سلطان : روضو فيج شيء
روضو : لا بس تعبت من الدوااره
سلطان : بتردين البيت
حمد : روضو تردها البيت عادي فيصل وعبيد ما اتيبهم ها ههه
سلطان : هههههه
روضو : لا مابرد خلاص روح انت بيلس وياحمد عادي
سلطان : آآووكي
حمدآن آطآآلع روضو شافها منزله راسه وحاطه ورد كمل مشيه
سلطان عادي عنده لو روضو تيلس ويا حد من عيال عمها لان هم وايد ويا بعض وتربوا وياهم
حمد : يلا روحنا
روضو : انزين الكوفي هني وين رايح انت
حمد : صدقتي انتي بعد بتيلسين فالكوفي فنص الزحمه بعد
روضو : راسي يعورني ماقدر احوط
حمد : ما بنحوط بنروح الموتر
روضو : الموتر شنسو
حمد : بنلف وبنرد عادي بنسو أي شيء
روضو : اوكي على الاقل ايلس ,, لحضه حطت آيد وحده على رآسها صوب عينها وغمضت عينها > تعرفون الحركه صح ههه < راسي يدور
حمد وقف يدامها : انزين بوديج المستشفى
روضو بطلت عينها : لا لا خلاص الحين اوكي جي ايي ويروح يلا روحنا

صوب عبيد وفيصل ..~*
عبيد : محمد محمد اسمع انت معلوم هذا شيشه مال ايبكو على طريج امارات مول
محمد : مافي معلوم وااجد شيشه مال ايبكو فيه
عبيد : الله ياخذذك انشااء الله محمد والله لو رديت البيت بخبر بابا
محمد : روح خببر مافي خووف انا
عبيد بند فويهه : الله يلعنه من درييول
فيصل : والحين كيف
عبيد : اسمع بنروح ماك بنيلس فيها بدال الوقفه جي
فيصل : روحنا
طلبولهم وشلو الاكل ويلسوآ يآآكلون شوي شآآف عبيد واحد يعرفه
عبيد : هذا مب جنه عبوود
فيصل صد يشوف الولد : أي عبود
عبيد : ربيع سلطان ,, عبوود
عبدالله صد يدور منو ينادي عليه
عبود : اووه عبيد
عبيد نش سلم عليه وسلم فيصل عليه بعد
عبود : ليكون انت تسوق
عبيد : أي انا اللي اسوق ياخي نحن ودرونا فالشيشه
عبود : هههههه منو ودركم
عبيد : ربيعك اللي هو اخوي الله ياخذه
عبود : تقصد سلطان
عبيد : شيء غيره
عبود : هههههههههه انتوا ارحم انا فالموول ودرني
عبيد : نذل هالولد
عبود : انزين الشيخ ليكون انا اللي بوصلكم
عبيد : هيه في غيرك
عبود : لتقوول ياخي الاهل فالموتر
عبيد : الاهل هآآ الاهل
عبود : هههههه لا صددق اختي فالموتر
عبيد : كيف عيل نحن منو يودينا
عبود : انزين اتصلتوا فيهم محد ياكم
عبيد : الشباب كلهم فالمول رايحين رباعه
عبود : خلاص انزين انا بطلب وتريوني انتوا
عبيد : بترياك عند الباب مافيا تودرنا بعد
عبود : مب سلطان انا
فيصل : اقولك كيف بيوصلنا واخته وياه
عبيد : مشكلته ياخي محد قاله ايي المكان اللي نحن فيه

طلبله عبود وشل الطلبية وروحوا صوب الموتر
عبود : وين ياي الاخ تركب يدام اركب ورآآ
عبيد : هههه نسيت نسيت
عبود ركب الموتر : تغشي
وركبوا عقب عبيد وفيصل ورآآ

مول الامارات ..~*
حميد : بلاك ساكت طول الوقت
حمدان : حميد دخيلك اسكت عني انا زين مني ياي وياكم بعد
حميد : انت ليش مكدر بعمرك هذييه هيه مستانسه ولا هامنها شيء
حمدان : حمييد يااخي خلاص
حميد : كيفك
,,,,,,
راشد : مب جنكم وايد حطتوا
ميثو : حمدو سكتي اخوج وايد يتفلسف
حمدو : هههههه
سلطان : ياخي انتوا ناس ممليين اتيبون الملل
خليفه : قوم روحنا
سلطان : أي نحن بنروح ترا
,,,,,,
سيف : حمدان شرايك روحنا انا وانت بعد
حمدان فخآطره شيبغي هذا بعد مب مكفنه الضرب اللي ضربني اياه : اوكي روحنا
,,,,,
سلطان : اقوولك شوف هاي اللي على اليمين عجيبه روح خذ الرقم منها
خليفه : طااع شكلها والله بضحك فويهها لو رحت بعدين شكلها مب مالت هاي السوالف
سلطان : ههههه روحنا وراهم انا باخذه انت ما تبغيه كيفك بس ماشفت شكلها عدل
خليفه : هههههه لا انا
سلطان : وراهم وراهم
خليفه : وراهم وراهم يلا رمسها شو اتريا
سلطان : 0504338*** اتريا ترا
خليفه : حد جي يرققم مالت عليك
سلطان : عيل ارمس انت
خليفه : اللي على اليمين ترا مانبغي شيء بس الرقم
سلطان : آآآه ياقلبي يودني بطيح
البنت صدت على سلطان وبطلت الغطآآ وصبته كآآمل
البنت : آآآآ سلطان !!!!
سلطان مبطل عينه والرايح والراد يطالعهم
سلطان اللي قدر يسووييه ان يرهااا طرآآآق يدآآم الناس وبصوت خفيف : بعدج ماشفتي شيء مب سلطان ولد حمد اللي جي يتسوى فيه وروحوا هو وخليفه
خليفه : شكلها تعرفك
سلطان : وياي فالدوام
خليفه : بس قوويه زين ما صبته علي
سلطان : الله يلعنها والله لاعننها لعاان
خليفه : ههههه يلا الشيخ الله وياك امشي روحك ويا الكندوره الخايسه
سلطان : خلوف لتنذل فيا صدقني بنقع نذااله فيك بالقو
خليفه : عندي مووتر انا ماتقدر تودرني ههههههه
سلطآن رآح صوب موتره ركب ورآآح صوب بيتهم

موتر حمد ..~*
حمد : لو بعدج تحسين بعوار الرااس بوديج المستشفى
روضو : حمد مايحتآآي عادي ها شوي ويروح
حمد : انزين وين تبين تروحين
روضو : جي مابترد المول انت
حمد : عيل جي ضاهر منه انا
روضو : ههههه انزين خلاص بروح أي مكان عادي
حمد : فيستفال
روضو : بعييييد
حمد : ههه عآآآدي اصلن بيكون آآقرب على المزهر " بيت بوحميد "
روضو : اوجي
حمد : آآذن المغرب بنمر المسيد بنصلي وبنروح
روضو : آووجي
بعد ما وقفوا المسيد صلوا وخلصوا وردو ركبوا الموتر رآآيحين فيستفال ..

‏​‏​يآضيقھُ ﺂلصدر ؤش بآقيے عـﺂـى ﺑكرھُ
يآ طـول ھُآلـﺳآ۶ـﺗين ؤطؤل غربآليے
ﺂلٱـيل يـﺳري ؤﺂﻧـآ فكـره ؤرى فكـرھُ
ؤ من دلھُ ﺂلھُم فآض ﺂليؤم فـﻧجآليے
ﺂﺛر ﺂلغلٱ صـ۶ـب مـﺛل ﺂلمؤت لھُ ﺳكرھُ
يآ ألٱـھُ لٱ ﺗقطــع ﺂلغـآليے مـن ﺂلغـآلي .

حمد ,, هل يكن مشآآعر لرووضه آم هذا مجرد آهتمآآم ..!
روضه ,, هل ستفتقد ابيها هل ستحآآول الرجوع آآليه آو مجرد رؤيته تكفي ..!
مايد .. منصور ,, ماللذي عملـآآه هل تهديد البنت سيكون له تآآثير علي مآآيد ولمآذآآ تريد الزوآآج به لماذآ نزلت من السيآآره تبكي منصور هل ستكون فكرته نآآجه ..!
حمدآن .. سيف ,, هل سيكون الحوآآر بينهم سلبي آآم آيجآآبي ..!
ميثو .. زآآيد ,, ومآ زآآل السؤآآل هل ستستمر العلـآآقه بينهم .!
عبود ,, هل سيكون له دور فالروايه ام مجرد شخصيه عآآديه ..!
سلطآآن ,, من تكون البنت اللتي رآآهآآآ هل اكتفى بالطرآآق > ههه < آم هنآك شيء آآخر ..!


آحدآآث كثيره تدور بين آآشخآآص الروآآيه آآمآآ تحزنهم آآو تفرح كذآآلك هي الحيآآه تفرحنا وتحزننا ..!
ترقبوا البارت 29 ..!



~> اللي قروا البارت تم آضآفة جزء بسيط عقب لقآء منصور ومآيد ^^