|
مشكــــــــــوره الغاليه عـ البارت ... |
مشكوورهـ الغااليهـ ع البااارت ونتريا باااقي الاجزاااء ^^ |
اختي الغاليهــ..!! متى بتنزلين البارت 23و24و25....................؟؟!! نترياج خيتوو..!! |
البارت 23 اما فـ المطـار كانت فطـوم تشـوف صور حمـدان يوم صورته آخر مره و تراوي عمهـا ,, وجـان تشـوف موبايلها و تقرا " قلبـج " يتصـل بك .. قـامت فطـوم و سـارت شويه بعيـد عن عمـها و الولديـن اللي كانو وياهم يشوفونها ,, وجان ترد ,, فطـوم : ألـوو حمـدان بـ وله : هلا فديـتج فطـوم ابتسمت : اهلين حمـدان حمـدان : شحالج فديتج ؟ فطـوم : والله تمـام يسرك الحـال ,, حمـدان : ولهتـي عليه فطـوم : هههههه ,, اكيـد فديتك ,, لحظه لحظه شويه ,, جان اتسيـر صوب عمهـا ,, كـان يرمس ربيعه عن الاسـهم بو حمـدان : ايـوا و الحين شو ؟ دشت عرض فطيــم فطـوم : عميـه بو حمـدان : لبيـه الغلا فطـوم : لبيت حايه ,, عميـه ابا اسيـر اخذلي كبجيـنو بو حمـدان : من وين !! فطـوم : في هنـاكي كوفي بسير و برد بسـرعه بو حمـدان : لاتتأخرين فديتج و تحملي بعمرج فطـوم : ان شاء الله ,, وعـقب ردت حق حمـدان ,, وهيه تمشي صوب الشرطي تبا تطلع فطـوم : الـوه حمـدان : وين سـايره فطـوم : بسير الكـوفي حمـدان : بروحج !! فطـوم : بتكـون ويايه الغـالي ,, حمـدان : فديتج والله ,, فطـوم : تريـا برمس ها الوغـد حمـدان : منـوه فطـوم ما ردت عليه و سـارت صـوب الريـال ,, و تسوي عمرهـا بريـئه فطـوم : ممكن اطلع ؟ الريـال : وين بتسيريين ؟ فطـوم : باخذليه شي من برع وبي ,, ما بتأخر الريـال : مايستوي فطـوم بدت تنقهـر : يلا عـاد الكوفي اللي هنـاك قريب الريـال الثـاني : خلها تسيـر ,, سيري الله وياج بس لاتتأخرين لانه عقب شويه بيدخلـون الطيـاره فطـوم : ان شاء الله ,, و ردت ع حمـدان ,, فطـوم : بـاك حمـدان : ولكم ,, ليش اتسولفين وياه !! فطـوم فخاطرها : هههه ياويليه ع الغيره ماقلت شي : ماقلت شي ,, حمـدان : ابـــدن فطـوم : خلاص سـوري ,, حمـدان : زحمـه المطـار فطـوم : هممممم هيه وايد حمـدان : محد سوالج شي ؟ فطـوم : لااا ابــدن هههه حمـدان : هيه امبيــن ,, الله يسـتـر فطـوم : واذا سوولي شي ,, انته هب واثق منيـه ,, حمـدان : امبـلا فديـتج جـان ادش الكـوفي ,, فطـوم : عيل خـلاص ,, حبيبي ويت شويه ,, الريـال : Hi Miss Can I help you ? فطـوم : Hi .. yes I want 2 Cappuccino take away الريـال : okay فطـوم ترمس حمـدان ,, فطـوم : هلا عنونيه حمـدان : متوله عليج والله فطـوم : فديـتك والله ,, حمـدان ,, باباتيـه ع الخـط ,, برمسك قبل لا اتطيـر الطيـاره حمـدان : اوكيه فديـتج تحملي بعـمرج .. فطـوم : من عيـونيه ,, فداعة الله حمـدان : مع السلامــه ,, وعقـب ردت ع بو حمـدان ,, و قـالها تي لانه فجـو البـاب ,, وعـاد هيه تتحرطـم ع الريـال ,, و يوم خلص ,, تمشي بخطـوات كبيـره عشـان توصل ,, و يوم وصلت صوب التفتيـش ,, طافت و راوت الحرمـه الورقه ,, جان تخليها تمر و سـارت صوب عمـها ,, و عـقب دخلـو الطيـاره و كـان السـاعه 11 ,, و عقـب بو حمـدان .. دور ويـن اييلسـون جـان يحصلـون المكـان ,, بوحمـدان صوب الدريشـه و فطـوم عداله ,, و قالت بتتصل حق البنـات .. صـوب دار الظبـي كـانو البنـات يشوفون التيلفزيـون فـ غرفة سـاره ,, وهم مندمجـات و لا مره وحده يرن تيلفـون عليـا ,, و سيـده ركيض هم الثلاث ,, جان تشل عليـا الفـون عليـا : فطـوووووم ,, فديتج والله ولهــــت علييييج >> هوست سبيكـر فطـوم : ههههه عن الخرط مريوم : فطـوووم والله البيـت من دونج هــب شي =( ردي ردي فطـوم : كله من عميـه وهيه تشـوفه سـاره : فديتج فطـوم ,, انتي وين !! فطـوم : انا الحين فـ الطيـاره هم الثـلاث : شوووووووو مريوم : فديتج والله ,, بنتوله عليج مووووت فطـوم : حتــى انـــاا سـاره : يا الدبه اول ما توصلين شغلي المســن ,, بنكـون اون لاين فطـوم : ان شاء الله ,, يلا انا حبيت اسلم عليكم ,, بتصـل حق حمـوودي مريوم : و القلب ؟ فطـوم : ههههه رمسته ,, و بعد برمسه مره ثانيه عليـا : فديتج والله تحملي بعمـرج فطـوم : ان شاء الله بوحمـدان : سلمي عليهم فطـوم : عميـه يسلم عليـكم سـاره : ابا ارمسه فطـوم : اتصلي ع موبـايله ,, يلا تيـك كيـر ,, ووو بباي البنـات ال3 : بباي وعقـب ,, اتصـل بو حمـدان ع سـاره ,, و رمسهـا و رمسـ البنـات و سـأل عن ام حمـدان فـ قالوله راقده و قالهم انه يسلـم عليـها ,, و عقب سكـر عنهم ,, و فطـوم اتصلـت ع محمـد ,, وكـان هـاكي الوقـت توه ظاهر من الحمام كان متسبـح و رد موبايله ,, و فرح يوم شـاف فطـوم المتصـله محمد : هلا والله حيـاتي فطـوم : حمــوود ,, حبيبي والله ,, ولهت عليك محمد : حتى انا فذمتيـه ,, شحالج ؟ فطـوم : يسـرك ,, محمد : انتي وين ؟ فطـوم : هممم فـ الطيـاره عقب شوي بتطيـر محمد : هييه ,, الله يحفـظكم و يردلكم لنـا بالسـلامه فطـوم : فديـتك والله ,, هممم تحمـل ع حمـدااان محمد : ههههه ماعليج بخليـه يتعرف ع بنـات و بخربه فطـوم : لا حرام عليك حموووود محمد : من عيـونيه حيـاتي ,, حمـدانوه ان عرفت انه يرمس بنيه بذبحه هوه اول وعقب البنيه فطـوم : هههه حرام عليك ,, بو حمـدان : عطيني برمسـه فطـوم : حمودي عميـه يـبا يرمسك ,, وعقـب محمد رمس ويـا عمـه ,, و ثـواني جان يسـكر ,, و بعدين اتصلت فطـوم فـ " قلبـها " و كـان هاكي الوكت سرحـااان ,, و رن موبايله حمـدان : الـو فطـوم : هلا غـلاي حمـدان : هلا حبيبي ,, فطـوم : هممم شو اتسوي ؟ حمـدان : افكـر فطـوم : فـ منوه ؟ حمـدان : فـ قلبيـه كيف بيـكـون حاله عقب دقايق فطـوم : ليـش ؟ حمـدان : لانه بيحـاتي نـاس فطـوم : منـو هالنـاس ؟ حمـدان : انتي فديـتج فطـوم : عنيـه افداك يا حمـدان بو حمـدان : احـم نَحنُ هُنـا فطـوم : ههههههههههههههه حمـدان : ها بلاه بعـد اففف عادي عادي خذي راحتج فطـوم : ههههه ,, عادي عميـه مايقـوليه شي حاس فيـنا حمـدان : فطـوووووومه فطـوم : عنـووووونها حمـدان : والله انيـه احبـج مـوت فطـوم : فديتـك والله ,, حتـى انا حمـدان : حتـى انتي شوه ؟ فطـوم : همم حمـدااان ما اروم حمـدان : حتـى انتي شوه ؟ هاا ؟ فطـوم بصوت يالله يالله ينسمع : احبـك حمـدان يستـهبل : شووه فطـوم : احبــــــك بوحمـدان : شــت وين ام حمـدان هههههه فطـوم : هههههههههههه ,, عميه جب ,, وجـان تي المُظيـفه و ترمس فطـوم ,, المظيـفه : لوسمحتي حبيبتي أأفلي الفـون فطـوم : ان شاء الله ,, فطـوم : انزين حمـداني ,, انا الحين بسكـر حمـدان : لاااااء فطـوم : هههه شو لاء حمـدان : بعدنيـه ما شبعت فطـوم : اول ما اوصل سيده بدقلك حمـدان : وعـد فطـوم : بحـاول حمـدان : اوكيه فديتج تحملـي ع عمـرج و ع عنـونج لاتسير يمين ولا يسـار فطـوم : هههه فديتك والله ,, وانته بعد ,, حمـدان : امـوت فيـج فطـوم ابتسمت : يلا غناتيه ,, فداعة الله ,, حمـدان : ربيه يحفـظج من كـل شر ,, من سكـرت و شـافت صوب اليسـار شافت الولديـن ميلسيـن هنـاكي قفطـت من الخـاطر ,, ..... .... ... .. . مـن غـلاك اتخيـل دوم فـ عيـوني ,, شوف حـالي كيف عقبك مخـطرا . .. ... .... ..... وجـيه ,, سكـرت حمـدان من فطـيم ,, يتمنـى اتصـالها باسرع وكـت ,, وتـم يحـاتيـها وايد وايد ,, كـانت السـاعه 11:15 .. وكـان صدق مضـايج ,, و نزل من الشبريه ,, فـج الليـات دخـل الحمـام ,, و كـانت فطـوم مطرشتله مسج بس ماكان يدري لانه فـ الحمام ,, وعقـب طلع ,, وغيـر ملابسـه ,, ولبـس برمـوده بيـج و قميـص اسـود ,, و لبس كابه و تعـطر.. و خذا بـوكه,, و طلع من الغرفـه نـزل و سـار صوب باب البيـت في منـظره كبيـره وفي سله فيها سويجات السيـايـر خـذا سويـج النيسـان الاسـود ,, و طلع بـرع و ركـب السيـاره و AL Body Guards مستغربيـن منه ,, تمـو يزقرونه بس طـاف هوه ,, جاسـم ماحب يزعـج (ام حمـدان) جان يتصـل ع محمد ,, جـاسم AL Body Guards : حمـدااان طلع!! محمد : شوووووووووه وين سـار !! جـاسم AL Body Guards : ماعرف !! محمد : ماعليه ماعليه ,, انا بتصلبه عقب شويه جـاسم AL Body Guards : اوكيه فـ طريقه لـ كورنيـش بوظـبي ,, حمـدان ,, كـان مشغـل غنيه " عبدالركريم عبدالقـادر ,, شخبـارك " ..... .... ... .. . وين انت وشخبارك يا مغرب عن ديارك انا كل يوم اكحل ناظري بدارك اتمشى تحت هالسور واناظر بيتك المهجور وينك يا فنر هالبيت .. بعدك انطفى العالم ومابقى في الشوارع نور ..... .... ... .. . حبيبي .. اذكرك بالخير واشوفك روضي الاخضر واشمك ريحة النوير ذبل هالورد بعد ما فارقه الساقي من يرويه تعال ارجع واذا في عمري بقى باقي بشوفك فيه ..... .... ... .. . انتهى العام وابتدأ العام الجديد وانت ناسينا .. ناسينا أكيد الله الله ما كن في هالدنيا ورق ولا بريد وانت بعيد تاحش السكه وانا فيها الوحيد والي بقى باب حزين وسور غطاه الجريد وينك يا فنر هالبيت بعدك انطفى العالم وما بقى في الشوارع نور وين أنت ..... .... ... .. . حمـدان : هيه والله بعـدك انطفـا العـالم ,, آآآآه يا الغنـاه والله ولج وحشـه من الخـاطر فديتج والله وعقب دقايق محمد اتصل ع حمـدان ,, تم يرن يرن و عقب شله محمد : انته وين ! حمـدان يشوف الموبايل و يشـوف فيه مسـج : حمود تريا شويه محمد : انزين ,, حمـدان فـج مسـج اللي واصلنـه و قراه : • جعلنـي أفـداهـ • فــديـتـهـ هـوو وحـدهـ اللـي أغـلـيتهـ و حـبيبي سمـيتهـ و بقلبـي حـطـيتهـ ومـابسمـح لغيـري تقـوولهـ : فــديـتـهـ او تنـاظـر عيـوونهـ هـوو لـي انـا وحـدي و أنـا فــدووهـ لـ قـلـيبـهـ ابتسـم حمـدان و رمس محمد : ها حمـود ؟ محمد : انته وين سرت !! حمـدان : ياخي ضايج والله بسيـر صوب البـحر محمد : عنتلاتــك وشحقـه ماتقول ,, بخـاويك حمـدان : ياريـال لاتلـومنيـه والله ... محمد قطع رمسته : انزين انزين ,, صوب الكورنيـش ؟ حمـدان : هيه محمد : بي عيل انا .. باي حمـدان : و البنـااات !! محمد : البنـات ماعليهم شـر ,, برمسهم انا انهم مايطلعـون من الغرفه حمـدان : انزيين ,, تلبس محمد بسـرعه ,, وطلع من غرفته و سـار صـوب غرفة سـاره دق البـاب سـاره : منـووه محمد : انا محمد ,, سـاره ,, انا ساير ويا حمـدان صوب البحـر ,, تحملـو ع عماركم و لاتطلعـون من الغرفه سـاره : اوكيه تيك كير محمد : ان شاء الله ,, جان يطلـع محمد و هوه فـ دربه لـ كورنيـش بوظبي ,, وصـل حمـدان و سـار صـوب الرملـه ,, طـاح و اجـب ع كوعه يعني شبه طايح ,, و ثـواني جان اييه محمد محمد : حمـدانوه حمـدان : هلا بو الشبـاب محمد : شوه ماخذ سيـارة البيـت حمـدان : هيه ,, محمد : هههههه ليش ؟ حمـدان : بـس جيه .. محمد : بطـره هاا , حمـدان : هههههههههه تقدر تقول جيه محمد : انزين ,, رمست فطـوم ؟ حمـدان تغصـص : هيه محمد : شوفيك حمـدان ؟ حمـدان : ماعرف محمد : انزين ليش الحيـن مضـايج ,, دام اهيـه بتتصل كل يوم و بتم ع المسـن ,, هب نحنـا تواعدنيـن نسويلها حفلـه ؟ حمـدان : هيه محمد : عيل ليش اونك زعـلان ,, الايـام بتمـر بسرعه صدقنيه حمـدان : خلاص ماعليه محمد : بنتم شويه و عقـب بنسـير ,, حمـدان : انزين ,, اخبـاار عزوز محمد : تصـدق منـزمااااااااااااااااان مارمست ربعنـا مالت عليهم من ربع ولاينشـدون حمـدان : ههههه اللي يقول نحنا مفجرين الفون من كثـر ما نتصالبهم محمد قام : يلا يلا قوم بنسـير صوب الميـلس حمـدان : بيتفاجؤون محمد : هههه برايهم ,, يلا قوم ,, انا بسيـر وعـقب سـارو كل واحد بـ سيـارته ,, صوب الميـلس اللي في ربعـهم منزمـاااان ماسـااروله ,, المهم جي عقب 5 دقايق جان يوصلون ,, الميـلس هوه كبيـر ,, و فـيه 5 غرف ومطـبخ ,, المهـم دش حمـدان اول شي وعقب محمد حمـدان + محمد : السـلام عليكم الكـل انصدم !! سهيـل : راعي الفلـوووس و البنـاااات !!! حمـدان : ههههههههههههههههه ,, ولاتغيـرت عزوز : حمـداان ,, و محمد ,, يه يه يه وين طالعه الشمــس محمد : من مكـانها المعتـاد وعـقب دشـو داخل و سـلمو عليـهم ,, بقولكم منو موجود ,, سهيـل : عمـره 22 لادراسه ولا شيـات يالس فـ البيت بطـالي ,, و عشقه المغازل و المولات عبدالعزيز و عمـر تـوأم : 20 ويا قوم حمـدان فالكليـه ,, مغازلجيـن بس شويه هب شرات سهيـل .. فيصل : شرات سهـيل ,, يالس فـ البيت و يمـوت فـ البنـات ,, عمـر : حمـدااان و محمد ,, اوووه شو نازل عليكم ,, يا الهـرووم ولاتسـالون ولاتتصلون محمد و حمـدان قامو يسلمون .. محمد : ههههههه ويا هالويـوه ولاتغيـرتـو ,, عمـر : هههههه ,, استريحـو ,, حمـدان : عيـل وين فيصـل ؟ سهيـل : اسـكت فيصـل متعذب الحيـن محمد : ليش وينه ؟ وعقب دقـايق يسمـعون صـوت بنيـه تضحـك بصوت عالي و الضحكه ضحكت صيـاعه حمـدان : منـوه هاي !! محمد : لايـكون فيصـل ها !! وثـواني ,, يطلع فيصـل وهوه سكـراان و يا البنيـه ,, البنيـه الله لايراويـكم ,, نص ثيـاب ,, صـايعه بـ القـو و يوم شـافت حمـدان البنيـه : آآآه فديـته فصيـل عـادي اوديه ويايه الغرفه حمـدان و محمد فاجين حلـوجهم فيصـل : افا عليج فديتج ها راعي بنـات و فلـوس .. بعطيـج ملاين الدنيـا ,, ها حمـدان بن محمد الـ ****** واللي عداله ,, محمد بن حمـد الـ ****** .. عيـال عـم و عندهم فـلوس البنيـه : ياويل حـاليه راهي عيل ,, جان تتقرب صوبه وتيلس فـحظنـه وهوه مصـدوم البنيـه بـدلع : تعـال ويـايه ,, وتشـوف محمد : فديت خشـمك غاويين ماشالله عليكم ,, تعالـو ويايه انتو الثنين حمـدان يشـوف محمد وهوه مستغرب و صدق اتنرفز من الخـاطر ,, دزها دزه انتطـرت الصـوب الثـاني البنيـه : واايه حمـدان : هاا نحنا وغبنا عندكم كمن شـهر جيه ,, عقب يوم بغيـب عنكم كمن سنه جان سويتو فـ السمـا دروب محمد : عزوز لايـكون انته جيه !! عبدالعزيز : حمـود تعرفنيه انيه اغازل بس ايلس ويا بنـات و اسوي شرات مايسوي فيصلـووه ما اتنـزل !! حمـدان يتقرب من فيصل : انفــ عليـك و ع اشـكـالك ,, يشـوف عمـر و عزوز : ان ما مشيتو ويايه لا اقول حق الشـرطه انكم وياهم عمـر : لا ابويه كله ولا الشـرطه محمد : عيل تعال ويايه ,, و عزوز ويا حمـدان ,, حمـدان يشـوف سهيـل و فيصـل بحتقـار : اتـفووو عليكم و ع اشكـالكم ,, و دز عزوز عشان يطلع برع وعقـب ركب عزوز السيـاره ويا حمـدان ,, و محمد ويا عمـر سيـارة حمـدان ,, كـان صدق مفـول سيـده اتصل ع الشـرطه ,, في واحد هنـاكي ربيـع ابـوه ,, اتصله و قـاله عن السـالفه و قالهم عن البيـت والشـرطي شكـرته ,, و عقـب سـكر ,, اما عند عزوز ,, كان خايف من حمـدان ,, عزوز بتردد : أأ وين سـاير ؟ حمـدان : ع البـحر ,, وعقب نزل الدريـشه و قـال حق محمد يلحـقه ,, ورفع الدريشـه جان يرن موبايل عزوز عاد عزوز من الزيغه ما رد ع اللي متصل و خلاه ع الصـامت حمـدان : ماترد ! عزوز : هاا لا ها ربيعيه حشـره حمـدان : ربيعك هاا ,, عطنيـه انا برد عليه .. عزوز : سكـر !! حمـدان عرف انه بنيـه سكت عنه ,, و عقب دقايق جان يـوصل ,, و نـزلو وسـارو صوب السيـفه ,, و عزوز كان ناسي موبايله جان ايلسـون ع الرمـل ,, ولا حد منهم رمــس محمد : ع ـزوز و ع ـمور .. بعدكم ترمسـون بنـات !! عمـر + عزوز : ............. ( لاتعليــق ) حمـدان : ياخي حرام عليكم ,, تلعبـون ع بنـات الناس ,, ماتعرفـون انه ( كمـا تديـن تدان ) عـزوز : ............ عمـر : الصراحه انا ابا اتغيـر حمـدان : حيـه والله ,, ها عمـور اللي اعرفه عـزوز : ما ايي الدمـار الا من فيصلوه و سهيـل محمد : خلاص الحين فتحـو صفحه يديـده حمـدان : شو رايكم تغيـرون ارقـامكم ؟ عمـر : هيه والله ابا اغيـره رقميـه استوا يديم عزوز : هيه حتـى انا ,, عيـل باجر بخـاويك حمـدان : عيـل بـاجر انتو الثنين معزوميـن عندنا ؟ عمـر : خلاص تــم ,, محمـد : تعـالو ساعه 1 عزوز : خلاص ماعليه ,, عمـر : هيه حمـدااان شحاله ابـووك ؟ حمـدان كان ناسي شويه السـالفه ,, وتغصص وتغيـرت ملامح ويـهه : هـاا ... أأأ مسـافر عزوز + عمـر : مسـافر !! حمـدان : هيه ليش ؟ عزوز : وين سـار ؟؟ ويـا منـوه ؟ محمـد : سـار تايلنـد ويا اختيـه عزوز + عمـر مصدوميـن : شووووه ,, اختـك !! عمـر : بس انا احيد انك ماعندك خوات !! محمـد : سـالفه طويـله عريضه ,, عزوز : قوول انزين ,, السـالفه ما تدخل الراس محمـد : عـادي اقول حمـدان ؟ عمـر : وحمـدانوه شله محمـد : جب انته ,, عنبـوه رزه !! حمـدان : ههههههههههه ,, انا بقوله ,, عزوز + عمـر : قـول ونحنا نسمعك حمـدان : الله يسلمكم ,, يوم كنـا فالمول ويا اخويه حمانوه ........... الخ ( قالهم سـالفة المول ويوم شكـرها و روحو ) عزوز : هاا حمـود حلـوه ولا محمـد : يخرب بيتـك مايخصك فيها عمـر : لايـكون ويغمـزله حمـدان : اييييييييه احشـم ,, نحنا شو قلنـا توه عمـر : ها انزين انزين يابـوك كلتنـا الكـل : ههههههه عزوز : انزين كمـل ,, حمـدان : انزين الله يسلمك وعقب اسبـوع شي جي كنـت اتحـوط فـ فريج وحصـلت ............. ألخ ( قالهم سـالفة فطيـم كلهـــا وهم هب مستوعبيـن .. >> بس ماقالهم انه اسمهـا فطيـم) عمـر فاج عيونه : يعنـي هاي البنيـه اخـت حمـود عزوز : لا السـالفه ما اتدش الراس حمـدان : ربـك كـاتب هالشي .. عمـر : وليش مسـافره ويا ابـوك ,, و ليش انتو ماسرتو محمد : تحقيق ,, هههههه هوه ماخلانا ,, علاج ايدها قبل انكسـرت عزوز : هيييه ,, الله يقـومها بالسـلامه حمـدان سـرح ,, و عزوز لاحظ عليه هالشي ,, ثواني جان والدة عمـر و عزوز اتصلت ع عمـر ,, وقالتلهم يردون البيـت وانه الدريول بييبهم ,, وسألتهم هم وين وجي ,, و عقـب ربع سـاعه ,, محمد : خالوووه بتفـرح يوم بتدري انكم يايين بـاجر .. عزوز : خلاص عيـل ,, يلا عمـوور ,, خلـنا نسيـر طاع السـاعه كم 12 ونص عمـر : انزيـن ,, يـلا عيـل نشـوفكم بـاجر محمد : خلاص تـم ,, عزوز + عمـر : فداعة الله ,, حمـدان + محمد : فداعة الرحمــن ,, جـان يتوكلـون ,, و تمو الاثنيـن ,, صوب البحـر و حمـدان يشوف الامـواج الخفيفه ع البحـر ,, و سرحـان ,, جان اييه محمد ويدز راسه حمـدان : قفـعه ,, شوبلاااك ؟ محمـد : تفكـر فـ منـوه ؟ حمـدان : فـ اللي مسـافريـن محمـد : هههه حليلك يا ولد العـم ,, اقولك قم قم خلنـا نسيـر حمـدان : ان شاء الله ,, و كل واحد ركب سيـارته و هم راديـن بيتهـم ,, حمـدان شاف موبـايل عزوز و 600 مس كـول كله بنـات ,, جان يغلقه و حطه فمخبـااه ... بعديـن يحـط غنيه " الامـاكن .. محمـد عبده " حمـدان : هيه والله مشتـاقه لـك ,, تـم يسمعـها كاملها ,, ليـن ما وصل البيـت ,, وعقـب نـزل ,, و تريـا محمد لين ما وصل ,, محمـد : يلا فديـتك ع البيـت ,, حمـدان ابتسمله ,, و حـط ايده ع جتفه و دخلاه البيـت .. و عقـب سـارو صـوب البنـاات ,, دقـو عليهم بس ماحد رد قالو يمكـن رقدو محمد : رقـود عيل ,, هممم تصبـح ع خيـر انا بعـد بسير حمـدان : وانته من اهله فديـتك ,, سي يو بـاجر محمد ابتسملـه : لاتفـكر وايد وغمـزله حمـدان : آآآآخ فديتها محمد : هههههه ,, و سـار و دش غرفته و بدل ثيـابه و عقب رقـد ,, كان تعبـان من الخـاطر ,, اما عنـد حمـدان دش غرفته و عقـب غير ثيـابه وحط فون عزوز ع الطاوله ,, وبعديـن يلس فـ الصـاله اللي فـوق ,, تـم يجبـل بالقنوات ,, و ماكانو محطيـن شي ,, وعقـب قال بيـرقد ,, وهوه سـاير غرفته جـان يشـوف غرفـة " فطـامي " ×× ويـن انت يالي كل ما قلت ويـن انت ×× بـدون ما يحـس تقرب من البـاب جـان يفـجه ,, و دش الغرفه و سـكر البـاب و فـج الليـت جـان يشـوف غرفـتهـا الطفوليه ,, وكـانت ريـحة فطـوم بعدها فيها ,, وهوه يتقرب من الطـاوله اللي فيها العطـور و هالسـوالف جان يشـوف برواز متوسـط فيه صورت فطـوم ,, (( صوره فنيـه )) شل الصـوره و تم يتـأمل فيـها ,, حمـدان : يعلنـيه افدا هالعيـون ياربيه محلاهم .. وشـل البرواز و سـار صـوب الشبريـه ,, و رفع اللحـاف و انخش فيه و تم يشـوف فطـوم وهوه يفـكر فيـها ,, جان يحـط البرواز ع صـوب و شـاف دبدوب اللي شـافه فـ الفنـدق ,, وحس انه فطـوم ماترقد الا وهيه لاويه عليه ,, لوا عليـه من الخـاطر ,, جـان يرقـد ,, ×× ما بيـن الغيـوم ,, انا افكـر فيـك ×× السـاعه كانت 12:45 اما عنـد فطيـم و بو حمـدان ,, بو حمـدان كان راقد ,, اما فطـوم كانت فـاجه اللاب و تشـوف الفلـم الرومـانسي اللي شافتهم ويا قـوم حمـدان كـان ع النهايه ,, و الولد اللي عدالها يشوف وياها وهيه فخاطرها تضحك من الخـاطر ,, و عقب خلص الفلـم ,, جان تفـج Solitaire و كانت عنـدها سماعه صغيـره شرات مال الفـون ,, حطتها فاذنها و سمعت غنيـه " يعلني ما اذوق حزنك " فطـوم بصـوت واطي : يعلني ما اذوق حزنك ويعلني بـ العمـر افداك بين الخلايق مغليـنك غالي معي محد يسواك اموت في طبعك و فنك سبحان ربي كيف حلاك قلبي هواك وهواينك في لب قلبي دون سكناك أميـر قلبـي شايفنـك آمـر تدـلل لاعدمنـاك في عرش قلبي مسكننك قلبي و روحي ملك يمناك مايوم فكري غاب عنك في نون عيني طيف روياك لايروح تفكيرك وظنك اموت في حبك واهواك فطـوم : وجـان تخلـص ,, جان تاخذ نفـس عميـق : هيه والله مايوم فكـري غااب عنــك ,, واعليه عليهم ملت من اللعـب جان تفـتح الفوتوشوب و تسوي تصميـم ع السـريع ,, واللي هوه http://www3.0zz0.com/2007/03/10/17/44707654.jpg (___) 1 : ليـش Mood Sad فطـوم سوت له طـاف ,, وعقب حاست عمـرها عشـااان مايشـوف شو اتسوي و لا شي جي ,,, المهـم .. تـمت تلعب تلعـب وهيه صدق عاد ملانه ,, و عقب ساعااات ,, فجـت الدريشه جان اتشـوف الشـمس و الغيـوم قالت بتصـور و جي ,, جان اتصـور و وعـت عمهـا عشـان ينـش و عقب تـمت اتسولف وياه ,, و عقب ساعتيـن و نص ,, و صلـو لـ " تـايلنـد " كـانت السـاعه في توقيت تايلند ((6)) اما فـ الامارات ((3)) طرشت حق " الحــب " مسـج و قالتله انها وصلت .. وهيه كانت فرحانه و نفس الوكـت متـوله ع اللي فـ AD و نزلـو من الطيـاره ,, وكملـو دربهم ,, و ختمـو الجوازات و شلـو شنطـهم و سـارو برع ,, و بو حمـدان يدور ع ربيعـه " بو هـاني " و تم يدوره لين ما حصله بو هـاني : اهـلاً و سهـلاً ,, الحمـدالله ع السـلامه بو حمـدان : الله يسلـم الغـالي ,, موجوده السيـاره ولا بو هـاني : اي اي هسـا تيجي ,, وعقب دقـايق و صلت السيـاره وركبـوها و دخلـو الشنط و عقب تحـركو و سـارو الشقـه ,, وبو حمـدان يلس ويا فطـوم ورا و فطـوم حاطه راسها ع صدره و عقب دقايق جان تغـمض عيـونها و ترقد و بو حمـدان داق سوالف ويا بو هـاني ,, و فطـوم كانت تعبانه من الخـاطر و عقب سـاعه جان يوصلون شقتهم بو حمـدان رمس فطـوم عشان تنـش انهم وصلـو ,, وعقب نزلـو ,, و نزلـو الشنـط و و سـارو عن الشـقه ,, كـانت غرفتين و صاله كبيـره و 3 حمامات ,, من دخلـت فطـوم تمت شويه تحـوط فـ الشـقه لين ما روح بو هـاني و عقب قالت حق عمـها انها بترقـد و سـارت غرفتهـا سيده فصخت الجاكيت و رقـدت من التعــب ,, و حتـى بو حمـدان كان تعبـان .. كانت السـاعه 8 ,, مـررررر الوكـــت بسـرعه و عقب 4 ساعاات ( 12 ) ع صـوت قطـرات المـطر فطـوم نـشت و سيـده فجت الستـاير و شافت المـطر قطراته نعاااام و كان الجـو شويه حـار و عقب سـارت الحمـام تغسل ويها و جي وعقب ,, طلعت ثيـابها و خلتهم داخل الكبــت و يوم خلـصت و زهبت كل شي سارت فجت اللاب و خلته صوب الدريشه و تمت ادور بـ الواير لس يمكن تحصل حد وجيه ,, جان تقبض حد واختارته و قدرت ادش النت فجت سيده المسـن مالها ,, و حصلـت عليـا اون لاين •°× قالولي ليش دلوعه .. قلت حبيبي السبب ×°• سـااااااااارووووه ×× ياشـوق روح ابعيـد لبعيـد يا شـوق ×× فطـوووووم ,, فديييييييييتج ولهت عليج حيل حيل حيل (( ومن صوب ثاني تزقر عليوه و مريوم )) : عليوووه مريوووم فطـوووم تعالي بســرعه !! مريوم : هب جنه هاي سـاروه !! عليـوه : قلت فطـوم ,, وهيه ادزها و تقومها : قومي قومي خلينا نسيـر وهم يركضون و سـيده غرفة سـاره مريوم : ها منوه ,, هيه تشوف منو ترمس سـاره : فطـوم •°× قالولي ليش دلوعه .. قلت حبيبي السبب ×°• فديـت روحج انا ,, شحـالج شخبـارج ؟ ×× ياشـوق روح ابعيـد لبعيـد يا شـوق ×× يسرج الحال و من صوبج ؟ •°× قالولي ليش دلوعه .. قلت حبيبي السبب ×°• الحمـدالله بخيـر ,, شحـال الاهل ,, شحاااااال القلب ×× ياشـوق روح ابعيـد لبعيـد يا شـوق ×× كلهم بخيـر فديت روحج •°× قالولي ليش دلوعه .. قلت حبيبي السبب ×°• عيـل وين مريوم و عليـوه ؟ ×× ياشـوق روح ابعيـد لبعيـد يا شـوق ×× عـداااالي •°× قالولي ليش دلوعه .. قلت حبيبي السبب ×°• مريوم عليوه ولهت عليكم حيل عليـا : فديت روحها والله مريوم : فديييتها ,, اساليها متى وصلو ؟ ×× ياشـوق روح ابعيـد لبعيـد يا شـوق ×× متى وصلتو ؟؟ •°× قالولي ليش دلوعه .. قلت حبيبي السبب ×°• هممممممم انا كنت راقده الله يخليكم ,, اظن جي ع ساعه 6 ونص ومادري ,, انزييييين وين حمـدان و البـاجين ؟ ×× ياشـوق روح ابعيـد لبعيـد يا شـوق ×× فديتج و الله .. والله حمـدان وحمود رقـود ,, اما امايه طلعت ويا بو مريم و ام مريم •°× قالولي ليش دلوعه .. قلت حبيبي السبب ×°• هيــــــــه ,, المهم ,, عميـه نش ,, انا بسير صوبه و سلمولي ع حمـدان وايد وايد وايد ,, وخلوه يتصلبي يوم بينش وو و سلمو ع حمودي و خالوه و ام مريوم و بو مريوم ×× ياشـوق روح ابعيـد لبعيـد يا شـوق ×× ان شاء الله فديتج •°× قالولي ليش دلوعه .. قلت حبيبي السبب ×°• تيك كير ×× ياشـوق روح ابعيـد لبعيـد يا شـوق ×× يـو تو •°× قالولي ليش دلوعه .. قلت حبيبي السبب ×°• برب ×× ياشـوق روح ابعيـد لبعيـد يا شـوق ×× تيت السمــوحة آآآآه من قلب |
البــاااارت 24 وعقب سـارت صوب عمـها فطـوم : عميـه رمست سـاروه وهيه شاقه الويه بو حمـدان : والله ,, شخبـارهم ؟ فطـوم : والله تمام بو حمـدان : شوااخ وين ؟ فطـوم : هايته ويا بومريوم و ام مريوم بوحمـدان : هيييه ,, انزين فديتـج بتطلعيـن ؟ فطـوم : وين فديتك ؟ بوحمـدان : بنسير الجمعيـه ,, و بنتحـوط فطـوم : انزين فديتك بسير اتلبس و بيي بو حمـدان : يالله عيل حتـى انا ,, في دااار الظبـي ,, صوب غرفة سـاره ,, سـاره : اييه حمـدانوه وين ؟ مريوم : مادريبه !! سـاره : حمود نش ؟ عليـا : هيه شفته فالمطبـخ اللي فـوق سـاره : واعليه تعالو نشوف حمـدان وين ,, وعقب سـارو صوب غرفة حمـداان و سـاره دقت البـاب بس مـحد رد ,, المهم جـان تدش و ماتحصل حد سـاره : اخوييييييييييه مريوم : بسم بالله وينه ؟ عليـا : تعالو انا بقولكم وينه مريوم + سـاره : وين ؟ عليـا يودتهم و سـارت غرفة حمـدان و فجـو البـاب و سـارو صوبه و شافوه و هوه لاوي ع الدبدوب و صورة فطـوم عداله و امهـدل من الخـاطر سـاره وملامح الحـزن ع ويها : فديـتك والله واعليه عليك ,, مريوم : حليـله يغـمض سـاره : حمـداني حمـدان : ........ سـاره يلست عداله و قربت صوبه : حمـداني فديتك حمـدان بتعب : همممم سـاره : فديتك قوم نش فطـوم تسلم عليـك وااااايد و تقولك تتصلبـها حمـدان فز من مكـااانه : شووووه ,, فطـووم وين وين ,, و سيده مسك موبايله و شـاف مسـج ( انا وصلـت ) حمـدان : فدييييتج و فديت روحج ياربيه و يدز سـاره : قوومي بسير الحمـاااام مريوم و عليـا : ههههههه حليييييله سـاره : يا السبـال ,, وزار عن يطيــح حمـدان : برايه لابس جلابيـه يا عنـز ,, و دش الحمـام ظهر مره ثانيه و رمس مريوم و عليا حمـدان : ايه انتو ,, ربعيـه بييون اليوم العصـر سيرو عدلو الميـلس عليـا : جيه ما شي بشاكير حمـدان : جب يـلا و سكـر الباب سـاره : هههههه ,, سبـااال مريوم : سخيييييييييف صوب بـانكوك فطـوم كـانت تتعدل بعدهـا ,, طلعتـلها بدله ,, بنطلـون اسـود المخمـل الخفيف ,, و طلعتلها قميـص اصفـر لوول ناويه عليهم تعميهم ,, لا بس حلو ,, ايي ويا تنـوره ,, و جاكيـت القصـير ,, و رسمت عيونها و حطت قلـوز و لبست بوتهـا و شلت شنطتها و موبايلها و خلت ويا هالسمـاعه و خلت القباضه السماعه و لبست شيلتها و نظـااره خذتهـا و طلعت بو حمـدان : اووب اوووب كاشخه فطـوم : دووميه اصـلا بو حمـدان : فديتج والله الله يحفظـج من كل شـر فطـوم ابتسمت ,, و جان ينزلـون تحت و يسيرون صوب الشـارع و عبـروه وعـقب خذيو يسـار فطـوم ميـوده ايد بو حمـدان و تشوف يمين يسـار مستغـربه .. ولا مره وحـده رن موبايلهـا ع نغمـة " آآه من قلب " فطـوم سيده ردت : الـوه حمـدان بوله من الخـاطر : فطـوم فطـوم : يالبيـه حمـدان : فديت قلبـج انا ,, ولهت ولهت ولهت عليج فذمتيـه فطـوم : حـتى انا والله حمـدان : شحالج عنيه افـداج فطـوم : يسرك الحال ومن صوبك ؟ حمـدان : من سمعت صوتـج استويت بخيـر ,, طالعه ؟ فطـوم : هيه ,, ويا عميـه سايرين نتحـوط حمـدان : زحـمه ؟ فطـوم : همممم يعني هب وايد ,, حمـدان : ماولهـتي عليه فطـوم : فخـاطريه اشـوفك انا حمـدان : ياربيـه متى بترديـن فطـوم : فديـت روحك .. انزين الغـالي انا بسكـر الحين و اول ما بوصل بدش النت حمـدان : اوكيه فديـتج و تحملي ع عمرج فطـوم : ان شاء الله وانته بعـد ,, فداعة الله حمـدان ربي يحفظـج بو حمـدان : منو ترمسيـن فطـوم : الحــب بو حمـدان : ههههه يا ويلي عليـج ,, فطيـم بـاجر بنسير المستشفـى .. فطـوم : ان شاء الله عميـه ,, صوب الاسـواق هم زحمـه وايد ,, يعني شي مواطنيـن و سعـودين و كويتيين ,, وايد خلييجيين فـ المنطـقه ,, وعقـب سـارو الصوب الجمعيـه الصوب الثاني ,, دخلـو و فطـوم بدت تحـط الاغراض اللي يبـونها من عصـاير و خبـز و كولا و جبـن و هالسوالف و يوم خلصت خذت حلاوه بس ماكان في وايد ,, و خذت مصـاص و يـوم خلصتو عرفو انه مطـر كان يصـب صبيـب فطـوم : يـاهي بلشــــه !! بو حمـدان : فديتج اتريي هنيه باخذلنا مظـله .. فطـوم : خذلي سوودا بو حمـدان : ان شاء الله تمت فطـوم تشوف السـاير و الراد و مجـابل الجمعيـه فنـدق اماري اللي تم في حمـدان ,, بس يفصل من بينهم شـارع خف المطـر و جان ايي بو حمـدان و يحط المظـلات داخل الجيس و يردون الشـقه .. حطـو الاغـراض و صلـو و نزلو كملو مشوارهم .. جي كانو ع العصـر ما تغـدو ماكانو يوعانين ,, نزلـو و فطوم داقه سوالف ويا عمـها و ضحك طار الدنيـا لوول وكل شوي يهزبها ع الضحك و هوه كان ماسكنـها من خصرها ,, و عقب توقف تبا تعدل بنطلونها من تحت تبا تحطه داخل البـوت عشان ما يتخيـس ,, و بوحمـدان سار شويه بعيـد جان ترفع راسها شافت واحد لابس احمـر وبرموده بيـج تم يشوفها كل ما سارت مكـان و عقب لفو صوب الصرافات .. وكملـو سييييده و عقب دخلـو محل اسمه " بو حفيـظ " الماركـات المقلده وهالسوالف دخلت فطـوم من شافت خلق الله بغت تنتحـر فطـوم : بل زحمـه بو حمـدان : تعـالي شوفي السـوع هنـاكي سـارو عقب صوب السـوع وتمت تشوف فطـوم السوع فطـوم : اويه هاي شرات مال سـاره بالضبــط !! بو حمـدان : هب هينيين ترا تبغينها ؟ فطـوم : هيييه بو حمـدان : ان شاء الله فديـتج تمت فطـوم تشوف السوع و هالسوالف وراعي القميص الاحمـر تم يشوفها و عقـب طلع و يلس فـ الكوفي اللي عدال المحـل الكـوفي في يلسه برع و داخل .. من برع جي ياي مظـله و يلسه حلوه يعني ,, طلعت فطـوم هيه و عمـها و هوه يتم يشوفها كان ويا ربيعـه احمـد : ياخي حلـوه عبيـد : ههههه اسكت الله يخليك احمـد : منو هاللي وياها ؟ عبيـد : يمكـن ابوها احمـد : مانـدري بس مع الايـام بعرف صـوب دار الظـبي الجمعـه .. 1:00 توهم طالعيـن من الصـلا ,, كانو حمـدان و محمد و عمر و عبدالعزيز مع بعض ,, و عقب سـارو صوب بيت بو حمـدان ,, عليـا و مريوم كـانو يدخنون الميلس ,, لانه حمـدان وصاهم ع هالشي لوول ,, و يوم و صـلو حمـدان يلس فالسيـاره يدور شي و محمد نزل ويا عزوز و عمـر و قالهم يدخلـون الميلس ,, اما داخل الميلس ,, عليـا و مريوم بدون شيـله وماكانو يدرون انه هالحـزه بيوون ,, وكانو لابسين مخوره ,, عليـا مخوره الوانها هاديه ,, و مريوم كانت لابسه مخوره ورديه و عليها ورود بالبنفسجي ,, وكانو يالسين مجابلين البـاب من سمعو قبضت البـاب قفزو !! عمـر و عزوز دشو من شافوهم انصـدو مريوم و عليـا نفس الشي تمو دقيقتيـن وهم يشوفون بعض ,, وعقب استوعبو و سيده ركضو شرات الخبـايل و ركيض فوق يصيحون عند سـاره سـاره : بسم الله بلاكم عليـا وهيه ترمس رمسه متقطع : ر ر راا ااعي المحـط طـ طـه سـاره : بلاااااااااااااكم !! مريوم وهيه اتصيح : تحيدين الولديـن اللي كانو فباسكن روبنز !! سـاره : هييه مريوم : طلعو ربع قوم حمـدان و محمد سـاره : اهااااااااااااااااااااااااااه وانا اقول هااييل هب غريبين عليه !! هههههههههههههههه عليـا : تعرفينهم !! سـاره : شفتهم مره وحده بس ,, انزين بس شو استوا عليـا : انا و مريوم كنا نسولف ويالسين ع الكرسي اللي مجابل باب الميلس جان يدشون و نشوفهم دقيقين و كل واحد تتراكض شرات الخبـايل .. سـاره نقعت من الضحك : هههههههههههههههههههههههه عليا + مريوم : جاااااااااااااب حيوانه عليـا : هم توأم ولا .. ؟ سـاره : لا لا تـوأم ,, مريوم : يشبهـون بعض وايد ,, بس في واحد في حبـة خاله ع خـده خفيفه غاوي ماشالله عليه سـاره : هيه ها عزووز قمـت اشـك الصراحه مريوم : هههههه مالت عليج عليـا : حتـى الثـاني غرشووووب سـاره : ها عمـوور ,, ان شاء الله يكونون من نصيبكم وتغمـزلهم مريوم : هههههههههههههه اما صوب اللي فالميلــس عزوز : شفت اللي شتفه !! عمـر : مال المحـطه متـاكد !! عزوز : هيييييه متاكد ,, بس انا احيـد حمـدان عنده اخت وحده و محمد نفس الشي ,, كيف جيه !! عمـر : بعد شفناهم فـ المحطـه ,, هاي البنيه الملسـونه و اخت حمـدان اظن وياهم و هايل !! عزوز : الا اعرف شو السـالفه .. جان يدش محمد و حمـدان و الخـدم يزهبـون لهم الاكل ,, و تمو يسولفون و حمـدان عطا عزوز موبايله وعقب شويه عزوز : بخبـرك حمـدان ؟ حمـدان : لبيـه عزوز : لبيـة حـايه ,, بس لاتعصـب بس ابا اتأكد من شي حمـدان وهوه مبتسـم : ان شاء الله عزوز : في حد كان فالميلس قبل ؟ حمـدان يشوف محمد : لا ليش ؟ عمـر : شفنـا بنتيـن يالسيـن محمد : وااافضيحتـاه الكـل : هههههههه حمـدان : لا يكـون الخبايل !! محمد : شو لابسـات مخوره صح عزوز : هههه هيه ليش محمد : ههههههههههههههه ,, هاايل ربع اختيـه خسهم الله فضحـونا عمـر وهوه يعدل عمره و يشوف فوق وانه عاد : أأ بس الصراحه يسكتن مغازلينهم فـ المحـطه انا و عزوز و سهيل و فيصل و مره فـ باسكن حمـدان : هروووم ماتستحـووون .. باسكن متى بعد !! عمـر : فالمريـنا محمد : انتو كنـتو هنـاكي ماشفنـاكم عزوز : مانعرف انزين ,, كانو 4 بنـات في وحده منهم ملسـونه غربلاتها حمـدان شاف محمد و ضحكو : هههههههههههههه محمد : هاي اختيـه اظن حمـدان توه يستوعب : شو قلولهم !! عزوز خاف : لا بس قلتلهم آآآخ يا قلبي شو هالغراشيــب محمـد : مالت عليكم عزوز متلـوم : حمـدان السموحه يعني ,, بس نحنا ماكنـا ندري و نحنا قلنـاكم مابنسوي هالشي مره ثانيه حمـدان ابتسمله وطبطب ع جتفه : مسمـوح الغـالي عمـر : بس حمداان هاي اللي لابسه مخوره بالوان هاديه طر الصراحه عزوز : لا هـايج احلى ام الوردي محمد : هـرووم والله العظيـم ولا يتغيـرون الكـل : هههههههههه حمـدان : قومو قومو نتغـدا اما عند ام حمـدان و النبـات كانو بعـد يتغـدون و عبدالرحمن مسوي فوضه ع الطواله سـاره : قسم بالله بذبـحك ,, بسك حمانننننننوه !! مريوم : اييه لاتحرجين عليه ,, فديتك انا بعطيـك ام حمـدان عصبت : سـاره ها ياهل !! سـاره : امايه عااد والله خيسنيه ام حمـدان بحنان : حبيبي انزين ها يـااهل سـاره : ........... وعقب ربع سـاعه ظـهر محمد و خلا باب الميلس مفتوح كله و طاولة الاكل اللي فالصاله قريبه من الميلس ,, وسـار صوبهم و مريوم و عليـا من شافوه احمـرو و قفطـو وكـانو موخيـن راسهم ام حمـدان : ها امايـه خلصـتو ,, محمد : هيه الحمـدالله ,, ام حمـدان : بيي بسلــم عليكم محمد : تعالي حيـاج ,, قامت و ام حمـدان سارت لبست شيله مال البيـت و جان ادش عندهم محمد يشوف مريوم و عليـا و يتقرب صوبهم و هم خايفين ,, محمد واونه معصب : شو مسوين مسـودات الويـه !! مريوم + عليـا : ................ محمد : جي زين يشوفونكم بدون شيله ولا شيـات ,, ماعليه ان ماخبـرت ابوكم مريوم صـاحت هيه و عليـا و بدو يصارخون ع محمد مريوم وهيه اتصيـح : خبر خبر اكوووه الدرب ,, ادري ابويه مابيقولنا شي ,, ماسوينا شي غلط ونحنا هب متعمديـن انه يشوفونا !! اما فـ الميلس حمـدان : خيبه شو مستوي ام حمـدان : صريخ مريوم و عليـوه ,, وابويه ,, وسـارت تركض تشوف شو السـالفه عزوز : اكيـد هزبهم ,, حرام عليه والله عمـر : انزين هم ما كانو يقصدون حمـدان : انزين ماعليك نذل ها اعرفه عليـا وهيه اتصيـح : مالت عليك سير خبـر .. اونك تخوفنا اصلا ابوونا مابيقولنا شي مالت عليك و ع ربعـك محمد و سـاره : ههههههههههههههههههههههههه ام حمـدان : شو السـالفه ,, مريوم و عليـا سارو فوق و هم يصيحون من القهـر ام حمـدان : مرييم ,, عليـاا ,, بلاكن محمد خبـرها بالسـالفه كلها ام حمـدان : حراام عليـك محمد !! محمد : هههههه والله اسولف ام حمـدان : غصبـن ع خشـمك تسير تراضيهم محمد : انزين بس هب الحين ,, جان تسير ام حمـدان الميـلس حمـدان : بلاهن ؟ ام حمـدان : حمود هازبنهم قايلهم بخبر عليكم ابوكم عـزوز : حرام عليه والله ام حمـدان : هههههههههه ,, مريوم شاده حيـلها وهيه اتصارخ ههه حليلها فـ الصااله ,, سـاره بحنان : حراااام عليــك محمد : انا وانتي بروحها ياسلام جان ايي و يلس عدالها هيه خافت عاد سـاره : خوز حمووود محمد قرب ويهه عند ويها وهيه عاد خايفه : ولهت عليج والله سـااره : 24 مجابلتنك شو تبا بعد محمد : احبـج سـاره : انزين محمد : عطيني قطعة اللحـم هاي بليز سـاره : يلا منـاك محمد : بليز سـاره خذت القطـعه و اكلته ,, عـاد هوه نذل يوم عطته فج حلجه و عض صبعـها سـاره صوت عالي : آآآآآآآآآآآآآآي محمد عاد شـرده فالميلس و هوه يضحك و الاكل فحلجه ام حمـدان وهيه تزع : شو مسوي بعـد يا الهـرم محمد : عضيـت بنـتج حمـدان : قسم بالله كـلب ام حمـدان : واعليه حمـار ماتستحي !! كيف عضيتها محمـد : لا عيب مابقـول ام حمـدان : عادي عزوز و عمـر منا و فيـنا محمد : ماشي اكلتني جان اعضها الكـل : ههههههههههههههههه تمو يسولفون شويـه و عقب ترخـصو عنهم عزوز و عمـر و سـارو البيت ,, و عقب سـاره سارت تشوف مريوم و عليـا عشان ينزلون تحت مريوم : هب نازله اذا حبيبج الكلـب هنـاكي سـاره : يلا عشـان خاطر فطـيم تعالو عليـا : بس عشانها والله بس لو ماقلتي جان ماسرنا سـاره : انزين ههههههههه وجان ينزلـون و مريوم و عليـا امبـوزين و مايشوفون محمد محمد : مشكلـه الزعلانين الكـل ماعادا مريوم و عليـا : ههههههههههههههه محمد سار صوب مريوم وعليا : ههههه والله اني اسولف وياكم ,, بس كشخه الصراحه بسرعه تعصبـون مريوم و عليـا مره وحده : جـااااااااااااااااااب الكـل ماعادا مريوم و عليـا : ههههههههه محمد : ان شاء الله هههههههههه ام حمـدان : ما رمستكم فطـوم عليـا : امبــــــلا سـاره : دشت النــت و رمستها شويه حمـدان والخقـه فعيـنه : احـم رمستهـا انا صوت بصوت محمد : كلــب ليش ماقلتلي ابا ارمسهـا حمـدان : هيه قالت حق سـاره يوم ينش خليه يتصلبيـه ام حمـدان : ياحيـكم والله ,, محمد : انزين خـالو شو سويتي فـ غرفة فطـوم ؟ ام حمـدان : خلصـت مريوم : واللله ام حمـدان : هيه و من بـاجر بيبدون يزهبـون و جيه عليـا : انزين يعني تقربيـا متى بتخلص الغرفه ام حمـدان : فاسبـوع محمد : ياويل حاليه سـاره : كشخه والله بس قولي حق بعض الناس مايرقـدون فغرفة فطـوم حمـدان سوه عمره مايدري شو السالفه تم يحج راسه : هاا منو رقد !! الكـل : ههههههههههه ام حمـدان : يلا العصـر بنسير نكـمل هديـة فطـوم ام مريوم بتسير ويانا بس علي مابيسيـر عنه شغل شويه البنـات : انزين وعقب تمو يسولفون ,, صـوب تايلنـد بدت الشمـس تغيـب .. و بو حمـدان فطـوم يتحـوطون فـ السوق ,, في جي اغلااض ع الشـارع ممر يعني طويل محلات مفتوحه وزحـــــمه فليل .. و فطوم متمسكه بايد بو حمـدان و السـاير و راد يشوفها ,, واكثر شي تشوف الاجانب لول ,, وهيه تمشي شافت حرمه تبيـع توكـات ماركـات وهيه كانت يالسه فوق و يابلوها كرسي و بدت عاد هيه تختـار وخذت حقها و حق البنات و ام حمدان و ام مريم ,, و خذت اكسسوارات حقـها و قالت تبـا بعـد و الحرمـه قالت بـاجر بيب وعقـب كملو دربهم و مره مرت عدال واحـد قالها هلا والله و هيه فخاطرها تضحك لانه اذكرت صوب عفـروه نفس شي .. خطفـو عدال استـار بـوكس و فطـوم دشت تطلب حقها و حق عمـها كانو 4 اولاد جدامهـا و بو حمـدان كان بـرع ,, و الاولاد كل دقيقه يغيـرون الطلب و هيه مربعه ايدها و و بدت تتنرفـز وفخاطرها تصفع كل واحد احمـد : ياريـال فكنـا !! عبيـد : انزين انزين ,, ابا ها راشد : الحين بتغيـر جاسـم : يخـسي فطـوم شافت احمـد و عقب انتبهت انه ها اللي شافته فـ السوق و هم يضحكـون و هب منتبهيـن انه في حد يتريـا احمد صد الصوب فطـوم بدون مايدري انه حد موجود فج عيـونه و جان ايي ورا عبيـد احمـد بهمس : عبيـد اكيــه البنيـه عبيـد كان بيلف .. احمـد : الله يغربلك لاتشوف بتحـس الريـال : Hi miss فطـامي : Hi Please I want 2 Frappuccino VANILLA- Medium الريـال : Ok ,, Anything else فطـامي : Noo بابتـها بطريقه اضـحك وهيه فاجه عيـونها الريـال : Ok Miss ,, صـوب الشله عبيـد يعيب عليـها : Noo فطـوم فجـت عيـونها وصدت صـوبهـم : What you say !! عبيـد : سلامتـج فطـوم : مـره ثـانيه لاتعيـب من الاحتـرام يعني !! الريـال عطاها بـ الصينيه ويلست ع الكرسي و زقردت عمـها فطـوم وهيه توايج من البـاب : عميــــــه >> صوت عالي الاولاد سمعهـا بو حمـدان : هلافديـتج فطـوم : بنشرب هنيـه بو حمـدان : يلا ياي فطـوم دشت و يلسـت ع الكرسي وتسولف ويا عمـها و يشـربون الـ Frappuccino .. ولا دقـايق يرن موبايل فطيـم ( آه من قلب ) فطـوم زعـجت بدون ماتحـس : حمـووووووودي >> شرات اللبنانيين بو حمـدان عصب و قفـز خخ : وريل مايشوف .. لاتباغمين نحنا هب فالبيت فطـوم : كيـفك تأبرني ؟ محمد باللبنـاني : الحمـدالله كتـر خيـر الله وانتي كيفك يا حيـاتي فطـوم : منيـحه يا حـووبي ,, لك اشتأتلك كـتيــر محمد : تأبوريني والله ,, مي تـو فطـوم : يا الكـــلب ولهت عليك وايد وايد وايد محمد : ههههههه ,, فديــت خشمـج انا ,, احبـج فطـووووم متخبـل عليــج وينج والله خاطري الوي عليج من الخـااطر فطـوم دمعت عيـونه : فديـت اخويه والله ,, حتـى ولهت عليك و ع الكـل محمد : انتو وين ؟ فطـوم : فاستـاار بوكس محمد : عطيني عميـه بسلـم عليه فطـوم : انـدوك بو حمـدان : مرحبـا بالشيـوخ محمد : مرحبتيـن عنيه افدا خشـمك ,, شحالك عميــه ؟ بو حمـدان : يسرك الحـال الغـالي و من صوبكم ؟ محمد : والله تمـااام كلهم بخيـر ,, بو حمـدان : عسى مديـم الغـالي ,, شحال البنات و حمـدان و ام حمـداان محمد : كلـهم بخيـر ,, و يسلـمون عليـك بو حمـدان : الله يسلمهم سلـم عليـهم محمد : يوصـل فديتـك ,, انزين الغـالي مابطـول عليك ,, انا بسـكر الحين بطلـع وياهم بو حمـدان : تحمـلو ع عمـاركم محمد : ان شاء الله .. مع السلامه بو حمـدان :فداعة الله ,, سكـر محمد ,, و قـام يلبـس ثيـابه و تعصـم وسـار صوب حمـدان ,, كان حمـدان بعـد يلبس ثيـابه و تعصـم و خذا النظـاره و ظهـر من الغرفه ويا محمد ونزلـو تحت عند ام مريم و ام حمـدان " كـانت ام مريم من قبل شويه يايه " و يلسـو يتريـون البنـات لين ما يخلصن وعبدالرحمن و رشود كانو وياهم بعـد حمـدان و محمد يالسين يلعوزونهم لوول ,, اما عند البنــــات .. كانو متلبسيـن و كاشخيـن كلهم نفس الشي ,, تنـوره تركـوازيه و قميـص ابـيض كيـوت ,, رسـمو عيـونهم و حـطو قلـوز و لبسـو عبيهم و شيلتهم و خذو شنطتهم و نزلو تحـت مريوم : نحنـا خلصـنا يـلا .. عقـب طلعو و ركبـو فسيارة حمـدان ,, محمد جدام و مريوم و ساره و عليا عدال بعض و ام حمـدان و مريم عدال بعـض وعقب سـارو بوظبي مـول يكمـلون اغراضهم ,, و يوم وصلـو ,, سيـده سـارو داماس عشـان ياخـذون طقم حق فطيـم و اختارولها احلى طقـم فالمحـل و يوم طلعو من الحـمل تمو يتحـوطون البنات و الحريم و الشبـاب ,, ياخذون آغراض حق فطـامي و ماشاالله ماخلو شي ,, و سارو ياخذون صوت حمـدان ,, طلع فالصـوره خبـل يذوب الواحد,, همم تقريبـا الكـل خلص الاغراض ,, بس باجي البـوكس ,, و عقب سـارو محـل يبيع بوكسـات و مريوم تنقـت البوكس .. و محمد و سـاره بعـد اختـارولها بوكس ,, و ام حمـدن و ام مريم بعـد ,, اما حمـدان شافله صندوق خشـب حلـو وايد ,, جان ياخذه ,, وعقب ردو البيـت و الكـل مستـانس ,, و الخـدم حضرولهم العشـا ,, و يلسـو يتعـشون ,, و يوم روحت ام مريـم ,, محمـد و حمـدان و ام حمـدان تمو ويا البنـات فوق ,, فالصـاله ,, يشوفون التيلفزيـون ,, نشت ام حمـدان سارت الغرفه ,, حمـدان لحقـا حمـدان : امايه ,, ام حمـدان : لبيـه عيـوني حمـدان : لبيتي حيـايه غناتهي ,, بغيـتج فـ موضع ام حمـدان : تعـالي ويايه الغرفه فديـتك وقولي وعقـب دشـو الغرفه و ام حمـدان يلست ع الكـرسي و شغلت التيلفزيـون و حمـدان يلس عـدالها ام حمـدان : آمر حمـدان حمـدان متوتر : ماعرف كيف اقـولج ام حمـدان : افا والله ,, انا امـك فديـتك ,, حمـدان : بقول واللي فيها فيها ام حمـدان : هههههههه انزين حمـدان وهوه يلعـب فـ الطربوشه اللي ع كنـدورته : اميـه انتي اميه صح ام حمـدان : هههههه ويا هالويه يلا قوول حمـدان شـل بس غير الشله شويه يامي انا اسهر والملا رقود .. يامي انا عفت المنامي يامي انا لي قلب مصيود .. مصطاب من حلو القوامي ام حمـدان : فديت هالحـس ,, يلا قوول فديـتك ذليتني عااد حمـدان باسها ع راسها : افا والله ماعاش من ذلـج غناتيه ,, انزين ,, امـايه ,, دخيـلج دخيـلج ابا املـج ع فطوم دخيلـج ام حمـدان نقعت من الضحـك : ههههههههههههههههههههه ,, وابويه عليك شو يـااااك |
| الساعة الآن 08:03 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir