منتدى استراحات زايد - انا الي يداوي جروح البشر و نسى نفسهـ

البــــآرت الثـــــآمن*

ام منصور : انا مــآعليه منك .. بخطبلــــك شيخــة البنــآت .. انت لو تعرف منو هــي مـآبتقول لا ..
منصور وهو يتأأفف : منـــــو ان شــآء الله !!
ام منصـــور : روضـــــه بنت خـآلتك ..

~

منصور عصـــب : نــــــــعم !! .. قلتـــو بتزوجـوني سكت .. لا و منــو روضــوه هـآللي نــآقص ..
بو منصور وقف وهو معصب : منصـــــــــــور جــب !! بتــآخذ روضــه يعنـــي روضـه .. انته مـآتعرف مـصلحتك ..
منصور : ابــويه امـآيه .. حرآم عليكم .. انــآ مـآريد اعـــرس .. خلوني عـ رآحتي ..
ام منصور : يـآ حبيبي يـآ مـنصور .. والله انه روضــه بتسعدك .. و بترتـآح ويـآهـــا ..
بو منصور : شــوف منصور .. انا قلت كلمتيــه بتـآخذ روضـــه .. و مـآبرد بكلمتيــه ..
منصور : انـــزين ليش .. " وتنهــد " ليــــــــش روضه !!!
بو منصور: انـآ و امك شفنــآ انه روضــه اكثر وحـده تنـآسبك .. وبعدين امس امك كـآنت في بيت خـآلتك .. قـآلتلهم انهـآ بتخطب روضـه حقك ..
منصور يلس عالكرسي وحط أيـده عـ رآسه : ليـــش يـآ امــآيه .. انا مـآبـآ اعرس .. قوليلهم انج كنتي .. كنتي .. أي شـــى بس المهم قوليلهـم منصور مـآيبا روضه .. او مايبا يعرس من الأخر ..

بو منصور رد يعصــب : منصـــــور .. عن سـوآلف اليــآهــآل !! عيب عليـــك .. شــوف نهــآية الأسبوع .. بنروح نخطـب روضـه

" وطلع عنهم بو منصور "

منصـــور : اوففففففف !!!! شو هالحـــآله !!
ام منصور يلست عدآل منصور : يـآحبيبي .. انتــه شفيك معصب جــي .. صدقنـــي بتحب روضــه و بتـرتـآح معـآهـآ هـآي تربيت اختــي يعني اعـرفهـآ عدل و حـرآم تروح لغـيرك .. مو شـرط تحبهـآ الحيـن .. بعـد العرس بتحبهـآ ..

" ورآحـــت عنه ام منصور "

دخلت مريوم وهي تغني : ردي لروحي اوكسجينــي .. ان مــآوصلنــي صـوتكم مت .. اوووه منصـــور .. انتــه هني و انا ادورك .. قوم قـوم .. الســآعه 4 ونص الحيـــن .. انا جــآهزه متـى بتـوديني المـول ؟

منصور : مـــــــريوم انجلعـــي مـآبـآ اوديــــج مكـــآن !!
مريوم : ليــــش .. شـــو هــآ انته تقــولي بـوديــج عقب تغيــر رآآيك .. مــآيخصنـي قووووووم ..
منصور معصب : جـــــــآآآآآب مريوم .. لاتيلسيــن تحنيــن فوق رآسي .. انا قلت مــآشى طلعه .. روحي فوق فكينــي من حشرتج ..

مريـوم سكتت و هي تنــآفخ من الغيــض والقهــر .. رآآحت فـوق غرفت سـلآمي لقت سـلآمي يـالسه عالآبتوب تسمع اغـآني ..

مريوم طـآحت عالشبريــه معصبـــــه ..

سلامي : نعم الشيخه مريــم .. منـو سمح لج تدخليــن الغرفه .. لا وبعـد انسدحت عالشبريه ..
مريوم شوي وبتصيح : اخـــوج السخيـــف .. والله سخيــــف .. قالي البسي بيـوديني اشتري اغـرآض حق المدرسه .. يوم لبست لقيته معصب .. يلس يصآرخ عليه ويقـولي مـآبوديــج ومـآعرف شـو .. والله سخيـــف و اكــرهه !!

منصور وهو وآقف عالبـآب : افـــآ مريوم انا سخيف و تكرهينــي بعـد
مريوم وهي رآفع وآحد من حيـآتهـآ : لا و بعـــد يــآلس يتسمع .. " سوت عمرهـآ زعلآنه " شـو تبـآ !
منصور : هههههه انــآ اسف .. و حقج عليــه .. ادري انه مـآلج خص ..وعصبت عليــج ..
مريوم : حب رآسي اول !
منصور : هههههههه عطيتج ويهه .. انزيــن يــالله قومـي بطلعج ..
مريوم وهي شـآقه الحلج : صـــــدق ؟ صـــدق .. يــآآي .. يــالله ..
منصور : سلامي انتــي بعد قومــي .. شو ميلسنج هني بروحج
سلامي : اوكـــــي .. ثوآني بلبس تـريونــي ..
مريوم : افف يـالرزه ..
سلامي : جب جب .. سيـآرة اخـويه ..
منصور : يـوم بتخلصن ضـرآبه .. انزلـو .. انا بتـريآكن في السيــآره .. خمـــــــس دقـآيق عنـدكن ..

طلعو الثــلآثه .. رآحـو المـول .. عشـآن مريوم تشتـريلهـآ اغـرآض حق المـدرسه .. وسلامـي خذتلهـآ كمـن بدله ..

نــروح صـوب بيــت خليفه .. ~

في غـرفة خليفه ~

ميثا : ويـن رآيـــح بعـد ؟
خليفه وهو وآقـف عدآل المنظره يتعدل : هممـ .. مـآيخصج ..
ميثا : انزيـــن انـآ مـلآنه ابــآ اطلع ..
خليفه : مش لازم تطلعيـن .. روحـي سـآعـدي امـآيه ..
ميثا : اسـآعـدهـــآ بشو بعــد !!
خليفه : مــآدري .. نظفي البيت ويـآهـآ .. سوي العشـآ ..
ميثا : نعــم نعــم !! .. أي عشـآ السـآعه 6 ..
خليفه : انزيـــن ليــن مـآتسوين العشـآ بتصير السـآعه 8 ..
ميثا مطنشه كـلام خليفه : ابـآ اروح عند امــآيه ..
خليفه : أووهو ذليتينـآ تـرآج كل يـوم والثـآني قلتيلـــي بروح عنـد امــآيه .. كـأنه محـد عنده ام غيــرج ..
ميثا : يــــــآخي مليت من هـالعيشـــه .. عنبـو .. حـآبسني قلت اوكـي مـآعليه .. و بعد مـآتبـآني ازور امـآيه .. !!
خليفه : ميثــــــوووه !! .. والله تـرآني مش متفيج لحنتــج و سخـآفتج .. مـآريد اعكر مزآجي عـ سخـآفتج ..
ميثا : هـــــي مـآتبــآ تعكـر مزآجك .. ورآآآك سهــره حلـوه اليـــوم مع منــآآآآآل .. !
خليفه وهي يضحك وقـآل وكـأنه يطنز : ههههه هـــــيه قلتيـــهـآ ورآيــه سهره مع منــآل .. شو تغــآرين من مـنآل
ميثا : تخســــي اغــآر من منـآل الخـآيسه .. روح روح عندهـآ ..
خليفه : ههههههه ادريبج منقهـره منهـآ .. لأني ماسويلج سـآلفه مثلهـآ ..
ميثا : ههه هــآ الـي نـآقص انقـهر عشـآنك و عشـآنهـآ .. اصلاً انا مـآتنزل اطريـك و اطريها على لسـآني .. اخـآف اللوثه
خليفه وهو يعطيهـآ نظره حـآده : ميثـــوو اسكتـــي احسنلج ..
ميثا وقفت و كـأنهـآ تتجهز للحرب : مــآبـآ اسكت .. خليفه .. خــلآص انا مـآعـدت استحمـلك واستحمل سـوآلف .. يآآخي انتــه شـو تبا منــي .. انــآ اكـرهــكـ .. مــآ ادآنيـــــكـ !! .. طلقنــي وخلنــي فحــآلييي ..
خليفه قرب صوبهـآ ومسك فكــهـــآ : شــوفـي عـآد مليـون مـره تكلمنــآ في هالموضــوع .. يـآحلوه .. شى اسمه طـــــلآق انسيــه لأني مـآبـآ اطلقج .. الله يـرحم أيـآم اول ( وهو ينعم صوته ويقلد ميثا ) " حبيبــي انا وآيـد مستـآنسه اخيراً بيتحقق حلمي و بتـزوجك "..
ميثا شو و بتصيح : انت كنــــت كـذآآآب !! .. يلست اتقص عليـــه .. انــآآآآ الغبيـــه الـي مـآعندي عقل صدقتك .. اوكــي خليفه خلنـآ نتفـآهـم .. يعنــي انا وجـودي والعدمه وآحد عندك !! شو تبــآ فينــي .. و انتـه عندك مليـون بنيـه غيـري .. خلاص روحلهم وخلني فحـآل .. وطلقنـــــــيييي ..
خليفه : كيفــــــي .. بخليــــج معلقه .. و مــآبـــآ اطلقــــــج ..
ميثا وبدت تصـآرخ : اصلاً انتـــه وآحـــد مـآعندك كــرآآآآمـه .. اذا كـآنت صدق عندك كرآمه جـآن مـآيلست معـآ وحده ليـن الحيـن و هي كل يـوم تقـولك اكرهك و مـآدآنيــكـ ..
خليفه مسكهـآ من كتفهـآ بـالقو وصـآرخ : ميثــــــــو غربـلآت بليســج .. لاتصــــآرخين .. !!! وهالخـرآبيط الـي يـآلسه تقولينهـآ مـآريد اسمعهـآ مره ثـآنيه .. شـوفي عـآد عنـآد فيــــج طـلآق مـآبطلقج .. " وفـرهـآ عالشبريـــه وطلع من الغـرفهـ .. و من البيت بكبـره "

ميثا : اووووفففف !! متى بفتك منــــك .. والله احس انـي عقيت عمري في بلوهـ مـش عـآرفه كيف اطلع منهـآ ..

طلعت ميثـآ من الغـرفه .. رآحت تحت الصـآله .. شافت ام خليفه يالسه اتشوف تلفزين

قالت ميثا في خـآطرهـآ " عنبو هالعيوز مـآتمل 24 ســآعه مجـآمله هالتلفزيـون "

ام خليفه : اوووه ميثــو يتـــي و الله يـــآبج .. شوفــي روحــي المطبخ .. انــآ بـالغلطـ طـآح منـي كــوب الــﭽــآي .. و انكـسر و خـآست الأرض بالجـآي .. عـآد انا تعـآيزت انظفـه و اشل الزجـآج .. روحـي انتـي نظفي المطبخ ..

ميثا : أي اوآمر ثـآنيه الشيخــــــه !!
ام خليفه و كأن السـآلفه عيبتهـآ : همم .. لا روحـي الحين نظفي الي في المطبخ .. وبعدين يصير خيـر ..

ميثا رآحت المطبخ وهـي تتـأفف .. نظفت المطبخ .. يوم رآحت الصاله لقت ام خليفه محـد ..

قـآلت في خـآطرهـ (( دآم خليفه محـد .. و امه رقدت .. انا بروح بيت ابويه و بشل اغرآضي و بقول حق مـآيد كل شى عن خليفه.. وهو اكيــــد مـآبيخلينــي عنده ولا ثـآنيه )) ..

استـآنست ميثـآ قالت خـلآص و اخيـراً بفتك من خليفه .. و ركضت صوب الدري رآيحه تلم اغـرآضهـآ .. و تـروح بيت ابـوهـآ ..

قبل مـآتدخل غرفتهـآ .. لقت هند طالعه من غرفتهـآ ..

هند : ها ميثا اشوفج مستـآنسه خيــر شصـآير .. فرحينـآ ويـآج ..
ميثا : تعال الغرفه وبقولـج ..

دخلت ميثا الغرفه و دخلت ورآها هند ~

هند مستغربه تشوف ميثا مطلعـه الشنطه و يـالسه تحط اغـرآضهـآ فيهــآ ..

هند : ميثــــآ وين رآيـــحه ؟..
ميثا : الصـرآحه انا مستحيـل اعيـش في هالبيـت ولا ثـآنيه .. باخذ اغرآضي و بطلع بروح بيت ابـويه .. امج من صوب و اخوج من صوب عفـآن الله محـد يقدر يعيــش ويـآهم .. " سكتت ميثـآ وشـآفت هند منزله رآسهـآ "

ميثا : آأأأه .. هنــــد انـآ اسفــه .. بس بــس ..
هند : مـآعليه عـآذرتنج ميثـآ .. انــآ كل يــوم اسمع صـريخكم و ضرآبتكـم انتـي و خليفه .. مـآ الومج لو رحتي من هني و طلبتي الطـلآق
ميثا : حبيبتــي والله .. بتـوله عليــج .. صح اني بنقطـع عن هالبيت .. و بنفصل عن خليفه .. بس مستحيل انسـآج عشت معـآج اسبوعيـن .. انتــي الي مخليتنــي استحمل .. الحيــن خلصت .. همم .. منو بيـوديني البيت .. هيه بدق حق مـآيد بخليـه يـآخذني

ميثا تتصــل حق مـآيد

ميثا : ألـــو .. هــلآ مــآيد
مايد : اهليــــــــن .. شحــآلج ميثـــآني ؟
ميثا : بخيـــر .. ميـــود ويـن انتـه ؟
مايد : انــآ في العيــن .. رآيــح ويـآ ربيعــي صـوب يبــل حفيــت .. تـولهنـآ عليــه ههههه ..
ميثا : اوففف .. اوكــي خــلآص بــآي ..
مايد : ميثـــآ لحظــه .. شى فيـــج ؟ .. تبيــن شـى ؟
ميثا : لا لا مــآفيه شــى .. بسكر عنك .. ببــآي ..
مايد وهو مستغرب : بــآي ..

ميثا : الحيـــن شـو اسـوي هنـــدوه !!
هند : همممــ .. انتـو عندكم دريول .. خلي ايي يـآخذج !
ميثا : هيييييييـــه صـــح نسييييتــه.. " ودقت حق دريـولهم "

ميثا : الـــو .. رآجو ويـن انتـه ؟ .. هيـه هيـه انا ميثا .. تعــآل بيت هـآ مال بـآبـآ خليفه .. .. عرفتـــه ؟ .. اوكي بســرعه تعــآل .. يوم بتـوصل سـو مس كــول ..

ميثا بسرعه لبست عبـآتهـآ .. ورآحت صـوب هند ولوت عليهـآ : والله بتـوله عليــج هندووه .. وييــه السـآعه 7 ونص .. يـالله انـآ بنزل بتريـآ رآجو ..
هند : انــآ بتــوله عليــج اكثر .. بنزل معـآج ..

نزلن و عقب كمن دقيقـه وصل رآجو .. ركبت ميثا السيـآره .. وهي تودع هالبيت الي عـآشت فيــه اخيـس أيـآمها ..

وصلت بيتهـم .. دخلت البيت وهي مـآسكه شنطتهـآ .. استغربت مـآفي ولا حـس .. رآحت غرفتهـآ .. حطت شنطتهـآ عالأرض ..يلست اتشوف كل زآويه في غرفتها .. سمعت صوت ورآهـــآ

ام مايد : ميثــــــــآ !! شـو اتسويـــن هنــــي .. " شافت شنطتهـآ " ويييييـــه يـآيبه شنطتج .. ليش يـــآ يمه شو صــآر ؟!!
ميثا وهي يـآلسه عالشبريه و كأنهـآ يـأسه : هممــ .. مــآشى انــآ و خليفه بننفصـل .. مـآقدر اعيش معـآه ..
ام مايد : ليـــــش شو صــآآآآر !! ماكملتـــو شهــر معــآ بعض !!
ميثا بدت تصيــح : ........
ام مايد رآحت لوت على بنتهـآ : خــلآص حبيبتــــي لاتصيحيــــن .. لحظـه بسويــلج عصيـــر ليمون يريح اعصـآبج ..

ميثا سكتت .. ~

رآحت ام مايد و بعد كمن دقيقــه ردت وهـي ماسكـه العصير ..

ام مايد تعطي ميثا العصير : شوفي يـآ ميثــا .. انـآ مـآريد اعرف شو صـآر بينـج و بيـــن خليفـــه .. بس الي ابـآج تعـرفينــه .. مو كل مشكله تصـيرلـج بينج و بين ريــلج تردين بيت ابوج و انتي شـآله اغرآضج .. تـرآ جي بتخسريـن ريلج .. لازم يـآحبيبتـي هالمشـآكل الصغيره تصيـر بين المتزوجيـن في اول اشهر زوآجهم .. لازم ماتكونون متـفآهمين شوي .. بس الي سويتيـــه غلط ولازم تردين بيت ريلج ..!!

ميثا طنشت كلام امهــآ كله وركـزت على اخر جمله : نعـــــم !! مـــآبـــآ اردلـــه !! امــآيه اسمعينـــي انتــي تعـرفيــن خليفــه هـو..
ام مايد وقفت : لا مش عـ كيفج بتـرديــن بيت ريلج .. شو تبيـن النـآس يقولون بعد زوآآجهم بأسبوعيـن تطلــق !!
ميثا وشوي وبتصيـح : امــــآيه حرآم عليـــج .. انتي همــج كلام النـآس .. وانــــــآ مـآتهمج سعــآدتي ورآحتـــي !!
ام مايد : انتــــي بنفسج قلتيلي انــج مستـــــــآنسه وآيـــد و مرتــآحه مع خليفه ومش مقصر عليج بشـى .. هاى المشآكل يـآحبيبتي لازم تصيـــر عند الكل .. اذكر انا و ابوج الله يرحمــه .. كنـآ وآيد نضآرب وتصير بينـآ مشـآكل بس ولا مره فكرت انـي اشرد واروح بيــت ابويه ! " وطلعت عنـــهآ "

ميثا يلست تصيــــح : ليش يــآ امــآيه مب طــآيعه تسمعينــي ولا تفهمينـــي .. تبـآني اردلهـ يخســــي والله مـآردله !!

شـآفت تلفونهــآ يرن .. شـآفت الأسم خــــآفت .. كـآن خليفه المتصـــل ~ سكرت في ويهـه .. ورآحت صوب البـآب وقفلتـه كأنهـآ خايفه ايي عندهــآ .. وتلحفت بـالقو ورقدت وهي تصيـــــح .. !!

فــــي اليـــومـ ثـــــآني .. سمعت امهـــآ ادق عليهـــآ البـــآب

ام مآيد : ميثــــــآ .. ميثـــــآني قــــومي الســـآعه 12 .. فجـي البــــآب بقولج شـــى ..
ميثا : اووه اوكـــي اوكـــي .. " رآحت فجت انصــــدمت و كـأنه انصب عليهـآ مــــآي بـآرد "

ميثا كـآنت بتسكر البـآب ~

ام مايد : ايييـــه ميثوووه عن حركـآت اليــآهل ..
ميثا بعصبيه : شـــو يـآيبنك !!
ام مايد تشوف خليفه : ماعليـك منهـآ هآي حركات ميثوه يوم تقـوم من الرقـآد " ردت تشوف ميثا " وانتــي كلمـي ريلـج بـأحترآم .. وعن قلة الأدب .. " ورآحت عنهم "

ميثا كانت بتسكر الباب في ويهه بس هـو اقوي منهـآ .. فتح البـآب و دخل الغرفه ..

ميثا معصبه : اطلــع برااا منـو سمح لك تدخل الغرفه ..
خليفه يلس عالكرسي : امـــــــج .. تتحـريني بخليـــــج يعنـــي !! .. شردتي بيت ابـوج .. والحيــن يـآي اخذج .. يالله روحـي اللبسـي
ميثا بعصبيه زآيده : يــــآخي مـــآبــــآك .. اكرهك ..!! شو تبـآ مني .. اطلـع من حيـآتي وخلنــي فـ حــآلي !! .. مابا اروح ويـــآك
خليفه : ميثوووو لاتخليني اعصب .. !! عـــــــآدي اكرهيني مـآيهمنـي هالشعور السخيف..
قبل ماتتكـلم ميثا دخلت امهـآ : هـــآ عسى بس رآضيتهـآ يـآولدي .. يـالله يايمه شو ميلسنج هنـــي روحي غيري لبسج وروحـي ويـآ ريلج ..
خليفه : خـآلو اول مره اعرف ميثــآني جي دلوعـــه !! رآسهـــآ يـآبس على منو طالعه !!
ام مايد وهي تشوف بنتهـآ : ميثـــآني روحي لبسي الصـرآحه انصـدمت من عرفت السـآلفه من خليفه .. اول مـره اعرف انج دلوعه .. عليــج حركــآت يـآهــآل ..

" و سحبت ايد بنتهـآ و ودتهـآ صوب الكبت طلعتلهـآ ملابس ودخلتـهآ الحمام وسكرت البآب عليهـآ "

خليفه : هههههههه .. والله تعرفين تتعـآملين معـآهـآ خالوه
ام مايد : تربيتــي افـآ عليك .. جي عـآملها يوم تعـآندك ..

اما ميثا مـآستوعبت حركة امهـآ .. بعد كمن دقيقـه طلعت من الحمـآم ..

ام مايد : يــــــآربي ياهالبنت بطلعلي قرون .. ميثوووه ليش مابدلتـي لبسج ..
ميثا : امـــــــآيه !! .. مـآريد اروح معــآه .. والله ماتعرفين خليفـــه .. والله هـو كل يـوم يضـ ..
خليفه قـآطعهـآ : الله يسـآمحج ميثـــآني ..
ميثا : لاتم تسويلي افلامك الهنديــه !!
ام مايد و كأنها بدت تعصب : ميثـــووه !! عيـــب عليـــج يــآ يمه .. !! شو هالكلام .. الحين في حرمه ترمس جي ريلهـآ !! كل هـآ تعـآملينــه عشـآن مـآودآج تتغديـــن برع .. الريــآل كان رآد من الدوآم وتعبـآن .. وقالـج كمن كلمه تزعل لأنه كان تعبـآن .. عاد انتي مـآصدقتي علـى طول زعلتي وييتـي هنـــي !! شو هالدلع يـــالله روحي لبسي ..

ميثا فتحت عيونهـآ عالأخر منصدمـه تقول في خـآطرهـآ " مطعـــــم , دوآآآم وتعبـــآن !!! متى صار كل هــآ شافت خليفه بنظره .. حتـــى عند امــآيه بتكذب عليهــآ .. " اما خليفـه كـآن يشوفهـآ بأنتصـــآر و ابتسـآمة النصر علـى شفـآته ..

ميثا : اووووووووف !!
ام مايد : عيـــــب يـآ بنت روحـــي البسي
ميثا معـآنده : يزووول !! مـآبـــآ اروح ويـــــآه هـالـ
ام مايد عصبت على ميثا وقـالت بصوت عالي : ميثـــــــــووووه !! هالعنــــآد مـآبيفيـــدج .. روحي البسي بســــــرعه !!
ميثا من القهر الي فيهـــآ دخلت الحمـآم وسكرت البـآب بــــالقو ..

ام مايد : ويييه استخفت البنيــــه !! .. الله يهدآهــآ بس ..
خليفه : عيل انــآ بآخذ شنطت ميثا و بتريآهـا في السيـآه ..

ميثا طلعت من الحمام وهي لابسه .. شافت محـد في الغرفه غير امها

ميثا : فكـــــــه .. رآح .. زين حس بدمه و ذلـف بروحه ..
ام مايد : بس يــــآبنيـه .. شو هالكلام .. عيب عليــج .. !! وبعدين خليفه يتريآآآج تحـت في السيـآره ..
ميثا : امـآيه والله تعرفيـن خليفـه دومـه ..
ام مايد قـآطعتهـآ : عن الدلـع يالله يـالله رووحـــــي
ميثا حآست ثمها : اوفف .. متى بفتـك .. " باست امهـآ .. ورآحت سيـآرة خليفه وهي تتحرطم !! "

ميثا في السياره ويا خليفه .. فتحت حلجهـآ كانت بتتكـلم .. بس خليفه سبقها وقـــال : اششش مابا اسمع حســــج ..
ميثا : اووف يـآكرهـــك .. " ولفت صوب الدريشــــه "

ستـــــــــ stop ــــــــب

شـرآيكمـ في هالبـآرت ؟! ..

تــــوقعــــآتكمـ