|
يسلمووووووووو على القصة:141::141: |
وين البارت :9: ؟؟؟؟؟ |
وين البارت :خ8: |
وين البارت؟؟؟؟؟؟؟؟؟:0088::0088::0088: |
فالعين بيت راشد( بو سالم) فحجرة سالم وسالم واقف يتسفر وام سالم يت ويلست ع الشبريه سالم: هلا امايه نورت الحجره ام سالم: تسلم الغالي بس بغيت ارمسك فموضوع ومابا حد يسمعنااا سالم: هلا امايه رمسي اسمعج ( ويلس حذال امه) ام سالم: هاااا يا ولديه سالم ما تبغيني اخطبلك بنت عمك عايشة تراهاااااا بنيه غااويه سالم: لالالا ما بغي اعررررررررس امايه ام سالم: جييييييييييه يا ولديه ابغي اشوف بذرك قبل لا غيب عن الدنيااااااا وخلاص فديتك الريم بتروح بنصيبها وانته شوووف نصيبك يمكن الخير هب وياها وويا غيرها ربك ما تدري سالم: يعلج تبطييييييييين حيه يا ام سالم وتشوفيييين عيالي وعيال عيالي بعد بس الحيييين الشيمة امايه مابغي اعررررس خلاص نفسي طابت ويوم ابا اعررس انا بيي صووووبج وبقولج خطبيلي الحرمه الي تعيبج وع ذووقج ام سالم: بس يا ولديه انته الحيييين كبررررررت متى تبا تعررررس والريم خلاص مستحييييل تكون لك انا ادري صعبه عليك تفكر بغيرها بس خلاص هي بتعررس الحيين ومستانسه ولا تدري عن هوى بالك فكر زيييين يا سااااااالم سالم: ادري ادري يا امااااااااااايه بس الحين ما قدررررر ما قدرررررر اخذ حد الييين نفسيه طييييب وتلقاااا دواهااا ام سالم: ع راحتك انا ما بغصبك بس يوم تحط عينك على حد خبرني والله يا خطبلك اياهاااا سالم يبوس راس امه: ما تقصرييييين يا ام سااااالم والله يخليييييييج الناا ويطول بعمرررج وان شاااااء الله امايه امرررررة من تعيبني بنيه بقولج عنها ولو ماحد عيبني بقولج انتي تتقنيلي من هالغراشيب ام سالم: فديتك والله انزييييين الحين وين ناهي انته؟ سالم: ماااااعرف بسير يمكن المول والا القهوة عند الربع ام سالم: الله يحفظك الغالي درب السهاله ف اجازة نص السنه ( اجازة الربيع ) ملج سيف على فطيم وما باقي على العرس الا اسبوع وفطامي ملجتها فنفس يوم عرس سيف وفطيم وعقب اسبوع عرسهااا سيف: ويييييييين سااااااارة ؟ ام سيف: شتبغيها ساره بيت ريلهاااا سيف: اممممم انزيييين لانه بييبوون زهااااب فطيم الاسبوع عقب يومين ام سيف: انزييين بلاك مرعووش خله ييبوونه شو بتسوي ساره ختك ارووحهااا حامل وين تباهااا سيف: هيه صح هذي الروحها ويا كرشتهااااااااا الله يعينهااا كم باقي بتربي؟ ام سيف: ماباقي الا شهر سيف: هيه زيييييييين والله اخاااافها تربي فعرسيه قوليلهااا لا تي لا تي بتخرب العرس ام سيف: وااااااااايه الترااااااب شعنه ما تي ختك هذي بعدهاا ما بتربي الحييين باقي شهر ع موعد ولادتهاا سيف: انزييييييييين وينه ثاااااني ؟ ام سيف: شبغيه بعد؟ سيف: عسب يشووف الحربيه وياكد عليهم ام سيف: مادريبه جاما ظهر فديته سيف: اميه رمستي فطيييييييم انتي؟ ام سيف: شتبااااااها هيه رمستهاااااا سيف: امممممممم انزيييييييييين عطينيه رقمهاا عنبووو ريلها وماعرف رقمهاا ما يستوي ام سيف: جييييييييييييييه احن الاول ماشي هالمصااااااخه ماشي ما بعطييييك يوم بتعرسبهاا بتعطيييك هي رقمهااا سيف: انزين كنت ابغي اباركلها وطرشلها مسج بس يلا ماعليه انا بظهر الحيييييين بسير صوب العين بشووف تعديلات العرس ام سيف: سير فكنيه من الصدعه وسلم على عربك سيف: يبلغ افا اميه الحيييييين انا صدعه ام سيف: فدييييتك والله لكن صدعتنيه الا كل مرة طلعليه حايه ويييين ابوك سامعتنه يبغي يسير هياك روحح طالعه ما تسير الروحك عن يتهندق عليه خلاف سيف: هيه لازم يسير هيايه ابويه يلا حايه اماره شيخة الزييين؟ ام سيف: علنيه ما ذووق حزنك الغالي لا امرررة يا غير سلامتك وشوفتك مستانس هيا حرمتك سيف: تسلميييييين الغاليه يلا عيل مع السلامه عقب يومين فالعين بيت راشد( بو سالم) الصبح الريم باتت بيت خالهاااا الريم( والله صدق البيت مرتبش البارحه كانت الحفله مالت الزهاااااااب والله كان طررر رقص ويواله وماشااااااء الله الحرمااااااات كلهن تيمعن لو ان نحن ما عزمنا الا الاهل والي جريبين منا ويعزون علينا بس صدق البيت امتزر لكن كان وايد حلووو وزهاااااب فطيم كان صدق مرتب وحاطينه فحجرة ماحد يرقد فيها يعني فاضيه فالبيت وكل شي صففووه ورتبووه والذهب والعقود والهدايااا الي يابوهن حق فطيم وكانت الحجرة كله منثور فيها ورد جووري احمر وشموووع يعني صدق كان حلووو) حموده: ايييييييه الريم رتبتي شنطة الكناديييير المخوره؟ الريم: هيه فطيييييييييم بس انا وحموده بنسييييير؟ فطيم: هيه عادي سيرن ترا سيف ولد عمج وما عندي حد غيرج يسير ويرتب الاغرااااض الرييم: اممممم اوكي حموده: اناااااا ما بسير مافيه خلاص الريم تكفي وتوفي وبعد هناك قوم ميثه وروضه وشلي سلامه ويااج الريم: والله يا تيييييييييييييييين غصبن عنج هب عكييييفج وميثه بتساعدنا عادي انا اصلن اوريدي بسير اشوف قسم سيف ما شفته وحليلها سارة ما تقدر تعبانه من هالحماااااال الله يعينهاااا والا رويض وسلامه بعييييييد عنيه امرررررة ها بيتمن يلعبن ويطنزن ما بيسون شي غير ابا وحده عووده غير ميثه وطبعن ماحد غيرج؟ حموده: اممممممم وشوااااااخي ؟ الريم طالعت حموده بنظره: انتي تعرفيييييييين ما يحتاااااااااااي والا نسيتي فطيم: خلاص الريم طبيها عنج هاذي لو ما تبا تسير الريم: والله يان ما سارت ما رمسها طووول حموده: خيبه خلاص انزييييييين بسيييييير لو اني حالفه ما حدر بيتهم فطيم: وشله حالفه ما تحدريييييييين بيتهم عيل يوم بعررررس انا ما بتييييييين الريم: ههههههههههههه صدقها فطيييييم والي بالي بالج ما بتشوفينها لا تخافيين فطيم: شسالفتكن انتن والله عندكن شي الريم: ستري ستري فطيم ما بدنا فضايح ههههههه حموده: الريامي صخي ( وفرت المخده الي عدالهاا) الريم: وعثررررررررررره يلا انزييييييين ابوويه تحت يتريااا وهيه حموده شلي شي ويااااااااج يمكن نبات اليوم فبوظبي وباجر نرد حموده: لحوووووول انزيييييييين بسير احطليه شي وظهرن حموده والريم الريم( لازم كنت اشووووووووفك يا سااااااااااااااالم والله ما كنت ابغي اشوفك ماليه ويه اطالعك ) سالم توه ياي وكان واقف يسلم ويسوولف مع بو زايد الي يتريا حموده والريم عسب يسيرون بوظبي حموده: اووووه ساااالم هني تصدقييييييين عاده من يومين ما شفته الريم: صدددددددق ما سلنم على فطيييم؟ حموده: لالا هو سلم عليهاا الصبح قبل لا يسرح الدوام بس انا راقده الريم: انزين صخي خلاص السلام علييييييييييكم بو زايد + سالم: وعليييييييكم السلام حموده وايهت خوها سالم بو زايد: جاااااااان ما ييتن بعد شعنه بطيتن؟ الريم: ابووووويه ما بطينا فديتك بس الين ما رتبنا وحطينا الزهااااب فالشنط سالم: شحااااااااالج الريم؟ ربج بخييييير؟ الريم نزلت راسهاا: والله بخير وسهاله وشحالك انته؟ سالم: حالن مدييييم والله تسرج الحال ولا تضرج الريم وحموده ركبن السيارةالريم وحموده ركبن السيارة سالم( اااااااااه يالريم لييييييييش جذي تعذبينيه اونه بحااااااااول انسااااااج وانا كل ما شوفج اتذكرج اكثر واتذكر كل الي مضاااا ليت ما حبيتج ولا حسيت جداج بشي ليت جنح الليل يحمل لج اساااااااااي والله احبج يالريم كييييييف بنساااااااج كيف ( وركب سيارته وحط راسه ع السكان) سالم شفيييييييك انته ريااااال وبنيه تلعب بقلبك اااااه بس هب اي بنيه بنيه حبيتهاااااا من كل قلبي ليت كنت اعرررررف ان هالقدر وان الريم ما بتكون لي انااااا جااااااااااان ما فكرت فيها ولا حطيتها فبالي صدق ان اكثر الي يحبون ما ياخذون الي يحبونهن بس ليش ليش دوم هذا حظي خلاص كل شي ضاااااع والريم بتاخذ واحد غيرك وهي مستانسه وانته يالس هني تون لازم اقدر انساااااااااااج ولا بعد امايه تقول خذ العاااش انا ما بغي اظلمهاا ويايه هذي بنت عميه مابغيهاا تتحمل الضيم واليمر مني انااا وادري لو انا خذتهاااا الحين ما بسعدها وبظلمها لانه فكريه وعقلي وقلبي عند انسااانه ثانيه غيرهاااا الريم حتى لو انا يمكن ما قدر انساج بس مستحيييييييل اخليج تعرفين اني افكر فيج والا ابغيييييج عسب جي قلت لج شحالج بس انا اصلن انسااااان ضعيف جدااااامج وشغل المسجل وحط السي دي مال ميحد ( اغنية يوم افكر واستعيد الذكرياتي ) وظهر من البيت ووقف عند شيشة بترول صااااح تلفونه كان ربيعه بس ما شله ومرة ثانيه صاخ بس رقم غريب وعقب ربع ساعه صاح بعد ونفس هالرقم دق 3 مراااات تقريبن سالم: منو هذاااااا بعد هب متفيج انااااا بعدييييييييين بدق حشااا ثلاث مراااااات منو هذااا فبوظبي بو زايد وصل الريم وحموده بيت اخوه بو سيف وحدر هو يسلم بو زايد: مرحبا السااااااااع بالمعررررس سيف بابتسامه : مرحب باااجي بو زايد: هاااا العلوووووم؟ سيف: والله تسرك امرة علوميه بو زايد: هيه عيل وين ابوك؟ سيف: ظاهر شكله سار صوب العزبه بوزايد: هيه يحيه عيل البنات يايات يرتبن الزهااب مفتوحه حجرتك؟ سيف: هيه ها عميه ما تبغي تشوووف قسميه ترااااه عدلته بو زايد: يلا بنشوووفه سيف: ها الريييم يبتو الزهاااااااب الريم: هيه يبنااااااااااه علومه المعرررررررس؟ سيف: والله طيبه طاااااب حالج الريم: يلا نقدر نحدر قسمك عسب نرتب سيف: امرررررة حياكن ودخلوا قسم سيف الريم: الله طررررررر ذوووق منو ذوووقك السيافي؟ سيف: هيه والله ذوقيه الريم: طررر وطلعت ذوييييييييق بو زايد: موفقييييييين الله يباركلكم يلا انا اترخص وسلم على ابووك سيف: يلا عميه بوصلك ونتن ايييه لا تخربن الحيييييين بيي الريم: حشااااااااااااااااااا المااااااااس حاط فيهن هالحجيراااااات وليش اتي تبا تطالع الزهااب ماشي ما بخليييك سيف: هب عكييفج الحين ياي وعقب دقايق يا سيف : هااا عدلتن الريم: ما واحالناااا وييين الميث ورويض؟ سيف: هناااااك يالسات فالصاله هزري اممممم انزييييين حمده شعنه صاخه؟؟؟؟؟ حموده: لا عادي يالسه ارتب هب صاخه سيف: انزييين شحالها فاطمه؟ حموده: والله بخييييير وسهاله سيف: يحيها والله الريم: سيف شعنه جذي قسمك امررررة مافيه طشه سيف: شقايل مافيه طشه؟ الريم : عنبوووو لا شموع ولا ورد مجفف ولا شي سيف: شدرانيه بهالغريضات وشعنه بعد شموع جيييييه نحن بنسوي حفله ترا حاطيين ليتات وابجورات الريم + حموده: ههههههههههههههههههههه االريم: افا يا بو هناد ما حيدك جذه اتحراااااك رومانسي سيف: ماعرف والله هالاشياء وساره ما ترووم اتي تعبانه بس ذاك اليوم يت تطالع القسم وسارت ما قالت شي الريم: اها خلاص انا بعدلك افا عليييييييييك شقايل تبااه الوان البحر والا هاديه والا شرات الربيع الوان وايد سيف: اممممم سويليه شرات البر جذي بستاااااااانس الريم + حموده : هههههههههههههههههههههههههههههههههههههههههههههه سيف: صدق بلاكن تتضاحكن انتي تقولين بحر انا ما حب البحر سويليه شرات البر الريم : هههههههه سيف شرايك نسويلك شي شرات العزبه اخير بعد سيف: صددددق يكون اخير بعد الريم: هههههههههههههههههههه والله انك سوالف شوووف انا بسير الحين هوم سنتر والي يعيبنيه باخذه اوكيك سيف: يلا اوكي بسير البس سفرتيه وبيييكن يلا زهبن وكي الريم: لا شكلك مشغوول بقول حق ابويه سيف: افاااااااااا علييييييييج يلا بوديكن وابوج ظهر عنده شغل يعني بتمن الييييين الفليل عندنااا وبعد امررة اباا اطالع انتي شو تقصديييين اتعلم اخذ خبره الريم: هههههه انزين بس قول حق ميثه وروضه عشان اين ويانا سيف: هيه بقولهن بس هذي رويض ماشي اذا راحت هي وميثه بيتياحدن هناك ...... وسار الحجرة الثانيه عسب يلبس سفرته حموده: فقتتتتتتتتتتتتتج ياربي شفتي بنتم الييييين فليل عندهم ماشي من نخلص دقي حق ابوووووووج تفهمييييييين والا لا الريم: خيبااااااااااات تخيب عدوج شفييييج استلبستي ما يسوى عليج هالثاني ماحد هو فالبيت شكله ظهر وما بيرد الين فليل ونحن بنسييييييير حموده: والله خوفيه يرد قبل ما فيه اشوووفه الريم: شو يعني لو شفتيييه برايه عيل انااا شو تقولين معصب منيه اخرمرررة بس عادي عنديه هب مهم فالحياه حموده: ترا عندج هب مهم فالحيااااه بس عنديه مهم والله يا .... الريم: احم احم ها سيف خلصت سيف: هيه يلا جان بتسيرن هبابنااا وراحوا كلهم هوم سنتر وتمت الريم تتنقى اغراض شموع وورد مجفف و غيره وايد اشياااء ويوم ردوا البيت تقريبن الساعه 1 الظهر الريم: اييييييه سيف شو تسوي يالس يلا اظهر يعني من غير مطروود بعدييين يوم بنعدل تعال شوف ميثه: صدق يلا سيف ظهر نبا نفاجئك سيف يغلس عليهن : لالا ما بظهر اخاف العكس اتفاجأ والقا كل شي خرررررررب الريم: يلا ياخي اظهرخلنا نعدل نحن جذي ما بناخذ راحتناا يعني انا ابا اعق الشيله وحتى حموده يلا عاده لا تتميييصخ سيف: هههههههههههه انزيييييييين بظهر بس لو ابغي بتم... لحظه اسمع اميه تزااااااقر ع الغدااا يلا تغدن اول شي حموده: ماليه خاطر انا بتم هني الريم: اوهوووو خلاص حتى انا ماباا لو انه غداا قوم عميه عجيييييييييييب وما يتفوت صدق لانه طباخهم يعرف يطبخ عدل هب شرات مالنا ما يعرف طشه ميثه: يلا يلا ماشي انتي وياهاا سيف: حلفت الا تتغدن يلا نشن والا ازقر اميه عسب تهزبكن طشونه الريم: ها حموده شالراي ( تطالع سيف) شوف انا بتغدا لو حموده تغدت؟ سيف: لا حووووووووول يلا حمده عاده حموده استحت من سيف ونشت الريم: كولولوووش اخيرن قامت العروووووووووس اقصد اخت العرووووس الريم وحموده يمشن اخر شي وهن نازلات من الدري حموده: الريم والله اخافه ثاني موجود؟ الريم: لالالا ما ظن هو عليه زااااام وحتى لو ماعليه ما يتغدا وياهم احيده حموده: والله يا ويييييلج ان يااااا تفهمييييين الريم: انا ما يخصنيه انزين وسارن غرفة الطعام حموده تنفست الصعداء ع قولتهم يوم ما شافت ثاني يالس من بينهم ميثه: يلا البنات هالصوووب اذا حموده تستحي ام سيف: جييييييييه تستحي تراها رابيه هياهم يلا تغدن ماحد يباه العصر هالغدااا ويلسن البنات بصوب والرياييل بصوب عاده منو الا سيف وبو سيف وتمن يغرفن الغدا ف الصحون ام سيف: مرحبا الساااااااااااااع بولديه حي الله ذا الشوووف تعال تعال الغالي جان تبا غدااا الريم وحموده صدن ورا لانهن كانن عاطيات الباب مقفاهن وحموده انصدمت وتمت تطالع الريم ثاني: فديييييييتج والله الغاليه ثرنيه وايد غالي عندج وراح باس راس ابوه وامه سيف: يالله منو قدك يا ثاني كل هالتراحييييييييب لك شعليييييييك هب اناا المعرس وطاف ماحد يرحببيه ام سيف: خل عنك يوم انا ما رحببك مسود الويه بس ثاني توه ياي فديته ميهوود تعال تعال ثاني انتبه على الريم وحموده : اممممم لا بعدييييييين بيي اخافهن يستحن بسير اغير وبيي انا ام سيف: جيييييييييه يستحن رابيات هياك وهاذي الا حمده بنت راشد تراك تعرفها كم لاعب هياها والريم بنت عمك ما حيدك تستحي منها بو سيف: خليه الصبي جان بيسير يغير ثيابه ام سيف: هب كيفك انته تعال تعال الغالي يلس بحطلك غدااا ادريبك يوعان وهذا بوك الحين مزرها الكرشه ثاني: خلاص اميه بيلس افا عليييييييج وسار يلس حذال امه حموده ويهها اصفر واخضر معصبه من الرييم شوي تغدت بسسس لانها مجابله حبيب قلبها ثاني وعاده هي ما تقدر تجابله ( اوووف شسوي الحييييييين والله احس ما قدر اتغدا وجداميه ثاني احس يداتي يتنافضن وقلبيه يرقص رقييييييييص احسن شي انش )ونشت : الحمدالله ام سيف: ويييين وييين حموده ما تغديتي حموده: لا خالتيه بس شبعت عساها نعمه مديمه ثاني: شو ما تغديتي اشوفه صحنج شرات ما هوووو والا يوم يلست ما تبيييييين تتغدييييييين خلاص تمي انا بنش ( نش ثاااااني ) حموده ماردت عشان ما تبين ان عشانه نشت وما كملت غداهااا وكانت تغسل ايدهاااا وثاني واقف يتريااهاا ثاني: ويعني شعنه ما كملتي غداج وانا نااااااااش عشانج عسب تاخذييييين راحتج ادري انج استحيتي منيه حموده: لا والله من متى استحي منك عاااااادي وثاني شي انا ما قلتلك نش اوك ثاني ابتسم: امممم اوكي تسلميييييييييين ايي منج اكثر يزايه يعني حموده لا تعلييييييييق ثاني: انزيييييييين متى بتخلصيييييييين عنبووهن الا ايدين عصافير يلا بسرعه حموده: لا والله فدييييييييييت يداتي ثاني: انزين فديتهن يلا انقفضي حموده : انزيييين خلصت يلا تغسل وهي تبا تخطف ثاني حاط ايده ع الباب يعني ما تروم تخطف ثاني: لا والله وشعنه جي ترمسينيه اصغر عيالج حموده: اوهووووووو مافيه اتياحد وياك يلا قوم ابا اخطف ثاني: قولي لو سمحت ممكن تخلينيه اخطف حموده: عيل والله ما قلت ( وخطفت من تحت ايده ههههههه ) وصدت وراا وطالعته وهو ابتسم ثاني: صدق انج ما تنرامييييييييين معوفج الريم عقب خلصت وراحت ولقت ثاني يتغسل ثاني: تبيييين تتغسلييييين؟ الريم: هيه اكيييييد عيل شو يايه اسوي ثاني: انزييييييين هدي اعصابج المفروووض انا الي اكون معصب هب انتي الريم: اممممم لالا عادي هب معصبه ونته شعنه معصب ما سويييييت شي اناا ثاني: هيه صححح ما سويتي شي غير انج لعبتي بقلبيه لعب الريم: لا حوووووووول ثاني: شفييييييييج انتي سالتي وجاوبتج بس تدرييييييين الله يوفقج ويا هزاع تدرين احسه ريال وبيحترمج الريم: تسلم ثااااااااني بس ما بغييك تاخذ فخاطرك اوك يعني خل لي بيناا احترام شرات قبل ونحن خوان صح ولا لا؟ ثاني: لا بس لازم يكون بينا احترااااااام وع فكرررة انتي بنت عميه بعدج ولا يهمج مااخذ فخاطريه عليييييج امررررة يلا شرات ماحبيتج اكيد بحب غيرج الريم: هيه اوكي بس تاكد يا ثاني والله انا اعتبرك شرات خويه واحبك شرات خوانيه والله يعطيك ع قد نياتك ثاني: امييييييييين يلا تغسلي هب جنه خذتنا السوالف ههههههه الريم: هيه صددددددق ياويليه من حموده الحيين ثاني: لييييييييييش ياويلج؟ الريم توترت: شو انا قلت ياويليه اممم هيه انا قلت ياويليه لانها يالسه ترتب فوووق وانا مخلتنها بسير اشوفهاا ثاني: ايواااااااااااا صح انتن شعنه يايات وشو ترتبن؟ الريم: يا طويييييل العمر يايات نعدل زهااااب فطيم حرمة سيف خوك وبعد نعدل قسم اخوك امرة غادي اغبر ولا شي فيييييه ثاني: اهااا زين زين وراح عن الريم والريم راحت عقب فووق حموده: هظلتي يا مسودة الويه وشعنه بطيتي لا ما بيي ثاني ها اشووووووفه يااااااا والله تستاهلييييين ازغدج الحين من رقبتج الريم: خيييييييييييييييييييييييييبه كل هذي سواياااااااااااك يا ثاني والله ما يسوى عليييييييييج شعنه معصبه اصلن انتي من هظل ودرتي العيشة حموده: هيه ودرتهاااااااا عيل اتم مجابلتنه هيه انتي عاااااااادي عندج مستحيييييل والله اتم مجابلتنه .... ثاني: اوووووووووب اوووووووووووب شو مستوي هني الحرب العالميه بلاها حموده معصبه؟ حموده فجت عيونها وصخت( سمع الرمسه لالالا ما سمعها اكيد توه حدر ما فهم عن منو نرمس يارب انه ما سمع خيييييييييبه لو سمع والله مالي ويه اجابله اوووف هذا شيايبنه بعد لليييييييييييش ما يرقد احيد الي يووون من دواماتهم يرقدووون الا هذا حشاااااااا ) الريم: لا عادي معصبه على اممم هيه لانيه بطيييييييييت عليهاااااا ثاني: ماشاااااااء الله الجذب ببلاش اشوف والله حلوات الاغرااااااااااض عاده يحظه السيافي بيعرررررررس متى انا بعررررررس هيه يوم بعررس الريم تعالي انتي رتبي حجرتيه الريم: ههههههههه اوكي والله يعينها الي بتااااااااااااخذك ثاني: ههههههههههههه ياللله بسهاااااااا لي بتاخذنيه حرام ينها تحب ايدها ويه وقفاااا الريم: هيه صحححح انزين الحيييييين تقدر تفااااااارج مانعرف نشتغل جي؟ ثاني يطالع حموده : لا والله ليش ان شااااااااء الله بعد ما ترومن تجابلنيه؟ حموده ويها غدا شارة مروووور حست ان سمع رمستهاااا الريم: هيه ما نقدر شو نبا ناخذ راحتنا تونا طاردييييين السيافي ثاني: ما عنده سالفه يسمع شويراتكن انا بتم ابا اطاااااااااالع الريم: اوهووووووو شو كم مررررة بنعيد مشكله يوم ف البيت حد شباب الحمدالله فبيتنا ماحد غير زايد وفديته دوم ظاهر ويا ابويه ثاني: انتي لو عندج خوان كبار تحمدييييييييييين ربج انا بتم طشونه بسسسس وبظهر الريم: شوووووووي والله بعدين تظهر ثاني: اوكي يلس ثاني ع الشبريه ويطالع الريم وحموده وخلاف يت ميثه يرتبن حموده كانت صدق متوترة وهي متحفزة اذا ثاني سمع رمستها والا لا ثاني: اييييييه حموده هذااا هب معدل اوكي عدليييه اشوفه خرباااااان حموده: انزيييييييين شفايدتك انته عدله ثاني: انزيييييين اوكي بس كيف انا ترانيه مااااعرف اخاف اخربه زياده حموده: انزيييييييين بعدله الروحيه ثاني: الرييييييم هاذي الشمعه هب حلوة هني شكلها غلط الريم: اووووووووف كيفنا ما يخصك انته يا تيلس ساكت يا اظهر ثاني : هههههههههههههه اوكي بصخ والله هالشبريه مريحه باخذ شراتهاااا ( وانسدح) الريم: علنيه بلا هالشيفه نش شو ها بتخرب شبريته ثاني: حشاااا شفييييييج انتي بريح والله تعباااااااااان ( وانسدح ويطالع وحده سايره والثانيه يايه ) ( لييييييييييش حموده ما تبغي تجابلنيه تستحي والا لالا اظن انها تبغضنيه ما تنلام من كثر ما غلس عليهااااا شسوي احب اغلس عليهااااااا وااااااااااايد لانها بسرعه تعصب وتضايق وخص ردوودها تعيبنيه حشاا عوفه ويايه بس ويا غيريه عاااااادي ماعرف ليش تنجلب يوم ارمسها والا شي احس وايد تكرهنيه ) حمودة يت عند الكوميدينو ( الطاوله الي حذال الشبريه) بس الطاوله الثانيه هب الي عدال الي راقد فيها ثاني وعقب سارت ثاني: انزيييييييين وهاذي الطاوله( ياشر ع الطاوله الي حذاله) مالها رب حموده: بعديييييين برتبهاااا ثاني: ليييييييييييش يعني لانيه انا منسدح حذالهاا؟ حموده توترت اكثر عن ماهي متوتره وسارت صوب الكوميدينو الثانيه الي حذاله عسب تبين انها عادي هب عشانه ثاني وهو يطالع حموده وهي ترتب : اممممم انزين بلاهن يدينج يتنافضن؟ حموده: ولا شي ونته ما يخصك اوكي ياخي اظهررررررر فكنااااااااا ثاني ابتسم: ولو ماظهررررررت شو بتسويييييين؟ حموده: كيفك انزييييييييييييين والله بااااااااااااارد ثاني: انا باااااااارد لا والله صكي ايديه حراااااااااااان الا معررررررررق حموده: شووووو ؟؟؟؟؟؟؟ يخسي والله ما عنديه مونه اصك ايدينك خلص الشغل وسارت عنه ثاني: هههههههههه حشا هاذي شاله عليه من الخاطر شسويتبهااااا !!! حموده: الريييم انتي رتبي الحجرة انا برتب الصاله الريم: ليش ما خلصتي ؟ حموده: باقي شوي انا بكمل عنج والا اقووووول خلي ثاني يظهر جذي ما بناخذ راحتناااا ياخي ابا اعق شيلتيه الريم: هيه والله صدقج ميثه سيري رمسي خووج ميثه: هيه امررررة بيسمع منيه سيري انتي رمسيييه الريم: يلا ماحد غيريه وسارت الحجرة ثااني يلا نشششش ياخي غلست علينا وااااااااااااااايد يلا اظهر انته قلت طشونه وخلصت الطشونه ثاني اونه مخلي عمره راقد الريم: اوهوووووووووو ادري انك هب ررراااااااااااقد يلا نششششش مسررررع رقدت ثاني ماشي جواب الريم: صدددددددق هذااا راقد( ترمس حموده) حموده: يخوورط توه كان ناش مسرع رقد ميثه: اممممم يمكن لانه تعباااااااااان الريم: انزييييين وعيه وايد ماخذ راحته بيخرب الفرااااش ثااااااااااااااني نش اونه ما يسمع ميثه: خلنه يرقد برااااااااايه طاااااااف نحن ما خلصنااا ترتيب هالحجره؟ حموده: بااااااااقي شوي ما حطييييت العطووور الريم : امممممم انزييييين خلينا نشتغل فهذاااا وبنظهر وبنخليله الحجره اونه هذا ما يبا يظهر ورتبن العطووور والمكياج وكل شي وظهرن صوب الحجرة الثانيه بيحطوون ثياب فطيم هناك لانه ما كفن كلهن فالكبت الي فالحجرة ذيج لانه بعد كنادير سيف هناك فضطرن يحطن باقي ثياب فطيم فالحجرة الثانيه ( قسم سيف حجرتييين وصاله ومطبخ ) واذن العصر كلهن صلن وعقب تمن يكملن ترتيب روضه: شو بعدكن ما خلصتن يلا ملييييييت انا ليت يبتوو سلامي وياكن اوووف مليت من مجابل هالتلفزون الريم: بااااااقي بس هالكنادير وخلاص ميثه خلاص فديييييييتج سيري لو تعبتي الحيييين بننزل وهي وعي خوج قبل لا تظهريييييين ميثه سارت صوب حجرة سيف ووعت ثاني وامرررة ما نش طبهاااا وظهرت ميثه عقب ما عصبت منه هع الريم: انا بيلس ع الشبريه تعبت والله من الصبح واقفه حموده: انزيين يلسي وعطينيه الكنادير انا بعلقهن الريم: شي قااااااالج ثاني عسب تعصبييييين جي منه؟ حموده: امممم يعني تم يغلس ياااااااااااااخي الريامي هذا باااااارد ما عنده احساااااااااااس ما يحس فشي بس والله احبببببببببه احبببببببببببببه الريم قسم بالله احبه ليتك يا ثااااااني تحسسس باحساسيه وبالي فقلبيه صوبك الريم صخت لانه ثاني كان واقف عند باب الحجره الي يالسين فيها الريم وحموده وطبعن حموده ما انتبهت لانها ترتب الكنادير ف الكبت وعاطتنه مقفاهااا الريم فخاطرها تقوووووووول حق حموده بس صخي بس حموده تزيد الريم: خلاص انزييييييييييين حموده شفيييييييج حموده: والله احبببببببببببببببببببببه ما يحس عطينيه كندورة ثانيه ياكثر ما قووول ثاني حشاااا كل الاشياء ثاني وثانيه لا حوووووووول يعني غصبن عنيه بطرييييييه ثاني ابتسم وسوا اشاره حق الريم لا تقوليلها انيه موجود وظهر عنهن وحموده ما تعررررررف ان ثاني سمع كل شي من اول ما قاااالت يغلس بس الريم ما حبت تحرج حموده لانه لو خبرتها ان ثاني سمع امررررة ما بتجابلهم وبتقفط فصخت الريم وما قالتلها لو انه صدق كانت فيها ضحكه هي تحاول تغير الموضووع وحموده ترد عليه وثاني ظهر من البيت ( لالا ما صدددددددددق يعني حموده تحبنيه وانا ماحس بمشاعرهااااا وانا اقول شفيهاعليه بس اول مرة ادري ان حد يحب يرمس الي يحبه جذي الحييين اعرف ليش تعصب يوم كنت اتغزل فالريم قبل الحييين عرفت ليش تتنافض يوم تشوفنيه وسرعه تعصب واحسبها متوتره الحين عرفت ليش اليوم نشت يوم ييت ع الغدا الحيييين عرفت كل شي لانها تحبنيه بس اناااا شو شعوريه صوبهااا مستحيل احبها لانيه احب الريم بس حموده تعيبنيه وايد ويعيبنيه اسلوبهااا ماعرف ماعرف بس شو بسوي هي تحبنيه بحااااااول ما رمسها ولا شي لا شوو لازم اخلي عمريه عادي ليش انا استانست يوم دريت انها تحبنييه مادري بس حسيت بلهفه صوبهااا جني اتريا هاللحظه وهالكلمة من زمان يمكن ثاني لانك فقدت هالكلمة من الريم و الحيييين استانست لانهااا طلعت من عند حموده بس حموده غييير عن الريم اسلوبها حركاتها غير ما بنساااا يوم عطتنيه الطرااااااااااااق الين الحين احسبه لو انيه كنت معصب ذاك اليوم بس الحين احسه ذكرى حلووووووة جمعتنيه مع حموده حسيتها صدق غير عن البنات انا عمريه ماحد اتجرأ ومد يده عليه حتى ابويه وسيف سالم الي كنت اسبه وما خلييييت كلمة ما قلتهااا حقه وما مد يده الا حموده ولا فكرت بالي بيستوي بس الغريبه انيه انااا ما رديته ولا سويت شي ولا حتى هزبتهااا ما نطقت فكلمة لييييييييش لو كانت هالبنيه غير حموده بصخ جي مادري احس انيه متلخبط الحيييييين شو سويتي فيه يا حموده معقووله هالكلمة هزت قلبيه هز وخلت شرايين قلبيه تتراقص بس صدق الي اعرفه ان حموده غير عن كل البنااااات احب اتياحد وياهاااا ههههههههههههه ضحكتنيه يوم قالت توها اونه فكل الجمل لازم نطري ثاني اااااااااااه يا حموده والله ماعرف شو احس صووبج ختيه لالا انا ما اقول حق ميثوه والا رويض جذي بس هي احب اغلس عليهااا احبها يوم تعصب احبهااا شو هالكلمة لا ثاني انته تحب الريم يمكن لاني شفت الريم قبل لا اشوف بنيه غيرهااا يعني الريم اول ماطاحت ع الدنياا وكلهم يقولون ثاني تباهاا وهي صغيره انا اقول هيه اباهااا احيد يدتيه الله يرحمهااا تقوول الريم حق ثاني وهي صغييييييره حتى ما كملت سنه يمكن عسب جي احبهااا لانيه تعودت على حبهااا خلاص يا ثاني شفييييييييك لازم تذكر) وثاني كااااان راد البيت وهو يرمس فالتلفون وسار فوق كلهن يالسااااات تحت فالصاله اذن العشااااااا حموده: ميثه انا بسييييير اصلي فحجرتكن فحجرة ثاني ثاني: اوكي خلاص بخبرك يا نهياااااااااان بس دخييييلك لا تاخذ فكره عنيه خلاص انا تغيرت ونته تعرف نهيان: ارمس يا ثااااااني بفهمك ان شاااااااااء الله ثاني: اممممممم والله ماعرف شقايل اقووولك سواد ويه نهيان: قوووول بعد كيف ثاني: اممم قبل كانت عنديه علاقه بوحده يا نهيان والحييييييين هاذي حااامل منيه وما باقي شي وبتربي نهيان مصدوم: شووو يا ثاااااااااني شو الي تقووووووله صدمتينه صدددددق ثاني: شفت قلتلك بس والله ماعرف شسوي نهيان: وهاذي شقالتلك ما طلبت تعرسبها؟ ثاني: لا بخبرك( وتم يخبره سالفة النوير وكيف حياتها كانت ) نهيان: اهاااا انزين والحييييييين شو بتسوي يعني الولد بتربيه؟ ثاني: هيه ماقدر اخليه هذا مهما يكون ولديه نهيان: امممممم الصراحه اقوولك انته غلطت ولازم تتحمل غلطتك وحتى النوي انته الحين تقول انها خلاص ودرت هالشقق الغبره ليش ما تاخذها يا ثاني وتستر عليهااااا ثاني: شوووووووووو لا مستحيييييييييل يا نهيان لو الموووت هاذي شرفها انهاااااااااان و... نهيان: اقطع منو الي هان شرفهاا هب انته وربعك ؟ ثاني ما رد نهيان: شوف يا ثاني انته خبرتينه وانا اقولك دامك غلطت صلح غلطتك وخذهاا وانته قلت هي مالها ذنب ذنبها بس انها نولدت فمكان غلط عند ام جاسيه وابوو مايعرف معنى الابوه ثااااني انت من طيبك المفروض تاخذها وخص انها هي ما قالت خذنيه تعرف ثاني لو حد غيرهاا عادي تسير تشتكي عليك وتاخذك غصب بس شكلها طيبه وما عندها هالسوالف والحين انته تقول خلاص ودرت هالاشياء وتعيش الروحها ثاني اسمع خذهااا حرام عليييييك تحرم طفل من حضن امه ولو ربيت الولد وين بتوديه منو بيربيه لك فكررررر والام شو شعورهاااا شقايل بتصبر بلا ضناهاا وصدقنيه ثاني بتيك دوم عسب تتطالع ولدها لانه ما بيهون عليهااااا هذاا قطعه منهااا ثاني: امممم ماعررررررررف يا نهيان بس شقايل برمس اميه وبقولها خطبوليه وهي اصلن لا عندهاا اهل ولا شي نهيان: انته لو تبا ما بيغلبك صح والا انا غلطااان ثاني: بفكرررررر نهيان والله صعب اتخذ هالقرار الحيين نهيان: اوكي برقب ردك خبرنيه ها ثاني: ان شاااء الله وسكر عنه ثاني انتبه ع الباب الي هب مسكر كان ملايم بس وشاف عباااااااااه وبعدين اختفت وسار يطالع وعرف انهااا حمووده الي كانت واقفه وسمعت الرمسه ( عرف حموده لانها لابسه عباه والريم لا عقت العباه) حموده تمت تصييح وهي تصلي هب مصدقه من الي سمعته وعقب ما صلت انتبهت انه حدواقف ع الباب وكندورة بيضااا شافته وصدت عنه ( ثاااااااااني هيه ثاني اااااااااه يا ثااااااااني ليش سويت الي سويته حراااااااام عليك كل مرة بيطلع شي كيييييييف انا احبه وهاذي سوايااااااااااااه الله ياخذه يعله المووووووت) ثاني: هب عيب يتجسسون عللى النااااااااااس وهم يرمسون فالتلفون؟ حموده ماشي رد ثاني: حموده ادري انج مضايقه منيه بس ها كان قبل وندمت واااااااااايد ما تعرفين ما بقول قد شعر راسيه الا قد شعر راسج حموده الانسااااااان يغلط وانا غلطت بس انتي قوليليه شو اسوي يعني امووووت ليت الانتحار حلال جان متت من قبل بس حرام ونتي تدرييييييين حموده قولي اي شي لا تمييييين جي حموده شوفي انا سويت هالشي من زمااااااان وربيه الشاهد تغيرت انتي قولي شو اسوي اعرسبهاااا لانه ربيعيه قال خذهاااا بس تبييييين الصدق انا ما اقدر اخذهااا لانه هي....... حموده وهي تصيح: هيه هيه لانه شرفها ضاااااااااااااااااااااع هب جنه انتوا الي ضيعتوا شرفهاا شو تبوون بعد خلاص تسوون سواياكم خلاف كل شي يطيح فراس البنيه يعلكم الموووت كلكم عسب نرتااااااح اصلن انتوا ما يهمكم غير وناستكم والا البنيه عادي تلعبووبها تراها لعبه فايدكم قبل كنتوا ونتوا صغار تلعبون بالعاب بس الحيييين البنات وقلوبهن صارن العاااااااااب ما تفكرووووون غير فنفسكم ما تفكرووون الا فحياتكم وشو الي يفرحكم الله يااااااااخذكم ( وتمت تصيح) ثاني مصدوم: من حقج يا حموده تقولييييين هالرمسه خلاص يا حموده انا يمكن قبل غلطت بس بصلح غلطتيه باخذهااا والسمووحه انيه نزلت دمووعج ولا تحاتيييين شي بسسسس حموده اطلبها منج مابا حد يعرف فالسالفه انا بخبرهم خلاف بس فوقت مناسب حموده: منو قاااااال برمس ليش هو شي يشرف عسب اقوووله كيفك انته وياها خذهاا ماعاد يهمنيه وحموده نشت تبا تظهر ثاني يود ايدهااا: بتحدريييييييين وجذه ويهج يودي هالكلنكس وسيري مسحي دموووعج حمووده لا تزعلييييين منيه خص انتي والله زعلج ما يهووون عليه واااااااااااااااسف هب قصديه حموده: مابغي منك شي اوكي وكيفي احدر جي والا لا ما يخصك هالشي راجعلي وبطل ايدي ما بغي الوث ايدي ثاني عصب: شووو قالوولج صح يا حموده انا غلطت بس ما رضا حد يغلط عليه يعني حشمي كلامج انا الحين عاذرنج لانج يمكن تقولين رمسه هب من خاطرج ومن قلبج حموده اول مرة تشوف ثاني جي معصب لا تعليييييييق ثاني: وغصبن عنج تشلييييين هالكلينكس يعني بتحدريييين جي يلا جداميه مسحي دمووعج وهذووه حمام قوم ميثووه سيري حموده ما طاعت تتحرك ثاني سحبها من ايدهاااا ووقفها عند الحمام يلا سيري بترياااااااج حموده: شوووووووف انته ما يخصك فيه انزييييييييييين هب يعني احببببببببك خلاص وصخت ثاني: انزييييييين سيري الحين غسلي ويهج بعديييين االيه رمسه وياج حموده ساااااااااارت الحمام بسرعه وزاد صياحها اكثر ( انا كييييييف نطقت وقلت هالكلمة له شو بيقووول اااااااااااااااااااه والله بموووووووت بموووت هذا الي ناقصنيه بعد اووووف اوووف ليش قلتها ليش غلطت ونطقتهااا والله بندم بندم على هالكملة الي طلعت يارب انه فهمها غير يارب انه ما سمعنيه يوم نطقتها يارب والله بمووت لو درى انيه احبه شو بيكون موقفيه انا شو الي يابنيه فوق ليش ما صليييت وياهم تحت يعني كان لازم ايي فووووق ولا بعد يلست اسمع ثاني وهو يرمس شو هالقافه ليتنيه ما سمعت شي ولا دريييت عن شي اكرهه اكرهه لا بعد يا عنديه بكل برووود اونه هب عيب تتسمعييييين ويا ويهه انا ليش اصيح هو حر فحياته كيفه يسوي الي يبغيييييه لا بقول حق حد ولا شي طز فييييه والله ولا بمتحن منه هاذي حياته وهو حر فيهاا اصلن انا مستحييييل اكون فجزء من حياته عسب اكون حياته ليش افكر فيه واحاتيه خلاص حموده ريحي عمرررج انتي تعرفييين ان ثاني مستحيل يكون لج ولا يحبج وخص الحييين بيكون عنده ولد ولا بعد هب بالحلال بالحرااااام ليش يا ثاني سويت جي ليش شو ذنب هلك وامك المسكينه الي ربتك طووول عمرك هامل هلك والحين عقب ما عقلت والله هداك يستوي هذااا احسن عشان يعررف ان بنات الناس هب لعبه حتى لو كانت هالبنيه هب زينه والا ضايعه وصايعه المفروووض يطبهااا والا ينصحهااا هب يزيدهااا دمار وضيااااااااااع هذا جزااااااا خطاك يا ثاني الحيين البنيه حامل واحسن حل تاخذهااااا وتستر عليهاااا لو هي هب ساتره عمرهاااا وانا ليه الله شسوي من زماااان اتحمل صدك وبغضك وبعدنيه بصبر بسسسس اكيد بنسااااااااك يوم من الاياااااااام ااااااااااه يا ثاني ليتك كنت بس تحسس انا ادري حتى لو قلت هالكلمة مستحيل يكون سمعها لانه ردت فعله كانت عاديه ولا انصدم ولا شي جنه يعرررررررف من قبل بس هو ما يعرف يمكن لاني ماهمه عشان جي ) وعقب ربع ساعه حموده ظهرت عقب ما حست ان نفسيتها هدت بس يوم ظهرت ما شااافت جدامها ثاني وهي الي كانت تتوقع انه تم لانه هو قال بترياااااااج : بعد اخير ما فيه اشوووفه واجابل ويهه هالسباااال ونزلت تحت الريم: عنبووها هب صلاة هاذي الحيييييين الساعه 9 ونص شو تسوييييين من الصبح فووووق؟ حموده: مااااااااااشي بس يلست ارمس ربيعتيه تيمون داقه الريم: اهااا علومها ؟ حموده: بخييير تسرج حالهااااا الريم متى بيي ابوووج؟ الريم: شفييييييييج مستعيله الحين هو فالدرب ياي حموده: اها زييييييين سيف شاااف قسمه؟ والا بعده؟ الريم: لا يا قبل شوي وشافه وقال انه حلووو واااااااااااااااايد وعيبه حموده: اها زين زين ام سيف: ها بنات ما تبن عشاااااا ميثه: شو من العشا اميه؟ ام سيف: معكرونه وبطاطس و فطاير جبن سيرن تعشن يلا الحين بيي ابوج الريم الريم: هيه يلا نسير حموده: ماليه خااااااااطر والله الريم: شووو جداميه لاغداااا وبعد ماشي عشااا والله يا تتعشييييييين والي خبرج ماحد وراحن الريم وحموده وميثه وروضه يتعشن ويوم ردن الصاله يسمعن الضحك سيف: بنشووووفك ثاني خلاف يوم بتعرررررررررس يالس تطنز هااا ثاني: حشا صدددددددق كل يوم فالعين ما يسوا علييييييييك سيف: والله انا اسير ارتب واطالع الخيام ما بقا شي ع العرس وانا الا الحييييين اسير العين من قبل ما سير كل يوم الريم: سمعت طااااااااااري العين شسالفه سيف:ماشي يا طويلة العمر ثاني يقوليه اونه دوم اربع العين الريم: هيه انزيييييييين شو يعني تراها حرمتك من العييين ثاني: خلاص انا بصخ ماشاااااااااااااء الله كلكم عليه عاده انتي وحموده ما تصدقن بتاكلنيه حموده لا تعلييييييييق ثاني انتبه ان حموده حتى ما ابتسمت وطول الوقت موخيه راسهاااا : اميه شرااااااااااااايج اعررررررررررررس الحين؟ حموده امرة صدت صوب ثاني ( معقووله الحييييييين بيرمس امه عن هذي البنيه الي حامل منه صدددددددق انه جريء بعد عدالنا كلناااا ) ام سيف: ويديييييييه شقايل الحين جيييييييه العرس لعبه ثاني: عادي اميه العروووس موجوووده ام سيف: ومني هاي الي تبا تاخذهااا؟ ثاني: بعديييييين بتعرفينها اميه لا تستعيليييييييييين ام سيف: جييييييييييه نحن نعرفهااا ونعرف اهلهااا؟ ثاني: بعدييييييين بخبرج الريم: ابووويه الييييييين الحين مايا وتلفونه ما يشله غريبه ثاني: تبغني اوصلكن؟ حموده: لا الريم: ما يحتاي تسلم ثاني ابويه ياي فالدرب هو قبل شوي قاليه ثاني: ع راحتكن بس اشووفكن تبن تروحن جنه اليلسه ويانا هب عايبتنكن الريم: افاااااااااا والله اليلسه وياكم ما تنمل بس بويه بطاا وايد حموده: الريييييييييم شكله ابوج يا اسمع هررررن خاري الريم: صددددق عيل هو يلا نحن بنسير تامرونا بحايه كلهم: سلامتكن وظهرن الريم وحمودة وفيوف حمودة سجيييين مغروووسه والي غرسهااا ثاني وماحد غيره بيطلعهااااا ظهرت حموده من عقب ما اكتشفت سرررر من اسراار ثاني ظهرت عقب ما نحرررق قلبهاااا وهي تدري ان مستحيل ثاني يحبهااا والا تكون فحياته لو جزء بسيط ظهرت حموده وكل علامات الكآبه مرسومه على وييهاا ظهرت حموده عقب ما كشفت سر حياتها وحبهااا حق سالب عقلهاا وقلبهااا ثاني ظهرت حموده وظهرت كل الي فداخلهااا واحساسها صوب ثاني وهي ما تدري اما ثاني كان طول وقته يفكر فحمووده وشعورهااا جداه ويفكر بالمصيبه النوير وبالي حاملتنه ف حشاهااا وشو بتحمل هالاقداااااااااار بعد مصاااااااايب و صعاااااااااااايب والا سعااااااده وافرااااااااااااااح لو يعلم الشخص وش مع الغيب بيجيله كان جنبنا المشاكل من قبل يوقع ضررها |
| الساعة الآن 02:43 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir