|
يسلمووووووووو على القصة:141::141: |
الجزء العاشر : صدفه تذكرتك وانا ماني بناسيك .. واشتقت للأياماً بها كنت وياك .. ذكرت حلم مات واحياه طاريك .. وحب غدى مابين همك وذكراك .. ليتك تشوف اللي من الناس يغليك .. مسجون بأسوار الزمن كيف يلقاك ... وصل مطر لمبزره وكان حمد سرحاااان فالعالم ثاني شافه مطر من بعيد وهو جدامه لاكن مطر عرف انه مايشوفه للأنه فالعالم ثاني ومطر يعرف فأي عالم بالضبط...... فالعالم مزنه ... مطر : انزين على الأقول مرحبا الساع لو اني اعرفها انها مابتطلع من خاطرك حمد وانتبه لمطر: ههههه مرحباااا الساع وتأكد من الخاطر مطر: والله ماظنتي المهم شفيه الحبيب الولهان حمد : لاا ماشي بس ضايق خلقي قلت اطلع اشم هوى مطر: اييييه الخايس مب علي انا انزين انا اعرف انك مضايج للأن شي صار بينك انت وزوجة المستقبل صح كلامي ولا خطأ حمد : أي زوجة المستقبل أي خرابيط مطر : ليش هونت حمد : تعرف ان اول مره بنت تلعب بالعقلي هالعبه بس انا ارويج إذا ماحبيتيني وغصبن عن اللي يابج بعد مطر : حمد هدي شفيك هالكثر انت متضيج تراك غلطت على ناس انا متأكد انك ماتبى تغلط عليهم ( يقصد ابو مزنه عبدالله اللي يصير عم حمد ) حمد : استغفر الله مطر : هدي وخذ نفس وخبرني السالفه بالتفاصيل الممله حمد : تصدق اني يوم قلتلها ابى احد يحبني نفس مااحبه قالتلي بتبطى إذا انا بحبك واحس قالته بكل صدق وعفويه ولا حست بلي بيستويلي عقب هالكلمتين اللي تاحتهن علي هي ولاانها ماتعرف كثر شو احبها ولا انها تعرف بس هي ماتبى تحبني مطر: انزين يمكن تمزح ولا تستحي تقولك انها تحبك يعني انا اللي اعرفه ان البنت تستحي تعترف للريال انها تحبه وخاصه انكم مامعرسين يعني اكيييييييد تستحي حمد : شورك مطر: انا ماعرفلك بس انا اقول جيه الصح حسب الخبره الطويله حمد : هههههههههه هو محد عنده خبره فالبنات واطباعهن غيرك مشكور يابوغيث ماتقصر والله ان قلبي ارتاح بكثير ألحين عن قبل مطر : العفو الصنديق العفو حمد : قوووم انسير نتمشى مطر : يلا قووم نروح لراشد : كان سهيل يترياه يطلع من الحمام والأفكار تييبه يمين وشمال معقوله راشد يكلم بنات معلييه يلي ماتستحي على ويهك تلعب على بنات الخلق انا ارويك انا اقول شو يسوي عالابتوب ساعتين ثره ألا يكلم بنات معليك يرويشد راشد توه طلع من الحمام من فتح باب الحمام لقى راس سهيل فويه ويه باين عليه انه معصب راشد : هلااا والله بأخوي زوج غزيل العزبه اللي يالس فالحجرتيه ولا اعرف شو سرق ليين ألحين سهيل : تعال يلي ماتستحي على ويهك راشد : ألحين انا مااستحي على ويهي انت اللي يالس فاحجرتيه سهيل : منوه هالبنت اللي ترمسها طاااااااااح قلب راشد راشد : هااااااااا... شوووو سهيل : سهيل شو هاا شو سؤالي واضح منوه هالبنت اللي ترمسها راشد ومسوي عمره انه شي عادي : وحده تعرفت عليها فالجات سهيل : بكل قوايت عين تقولها بعد وبعدين شو هاا الجات راشد : هذا مكان للي يبا يعرف اكثر عن امور الدين والدنيا يعني مكان اسلامي وثقافي سهيل : عيل يوم انه ثقافي واسلامي كيف تتعرف على بنت لا ثقافيه ولا اسلاميه راشد : ترى هذا المقصود ... قصدي يعني انا ماتعرفت عليها مناك والدرب يعني بس عشان لعب اناتعرفت عليها للأنها كانت تدخل هالجات وتضيع الناس اللي فيه يعني اللي داخل الجات عشان يتعلم ويتثقف تروح هاي البنت وتخربه فالقلت اادبها ورويها كيف تضيع الناس سهيل : وطبعاً اول واحد ضيعت هو انت راشد ( فالخاطرها ماتعرف اني انا اللي ضيعتها مي هي ) : الله يهديك ياسهيل ألحين انا ضايع سهيل : هيييه ضايع وماتحترم نفسك ولا تحترم غيرك راشد : عيل يوم بالتغير اسلوبك عندي وتفكيرك الوسخ عني تعال وكلمني واعرف ان عندك اخو اسمه راشد انزين ... يلا مع السلامه طبعاً كان هو ويتكلم يتلبس كندورته ويعدل شعره وسفرته يوم خلص رمسه طلع .... نروح لمزنه : كانت الساعه ست الصبح مزنه راقده بس اول ماسمعت امها توعي اخوانها ناصر وعلي قامت تركض من الكرفايه وتربع الحمام وهي مايايبه ملابسها علي سمعها انها فالحمام قام يركض الثاني من كرفايته وراح الحمام علي ومزنه دووووم الضرابه عالحمام كل صبح ألا فالحاله ان مزنه تسبحت الفليل بس هي ماتسبح الفليل ألا يمكن فالسنه مرره للأن مزنه تبرد سرعه وإذا تسبحت الفليل بتصبح الصبح مزجمه ... علي : مزنوووه طلعي احسلج قبل ماتسبحين ولا والله بتشوفين شي ماشفتيه فالحياتج مزنه : عيل والله مافتح وبشوووف شو تسوي ألحيين بسير اخبر بابااااتي علي : مزنه عن البزى مافاضلج بطلعي ولا لاء مزنه : اكييييييييييد لااااء علي : عيل انا برويج والله ماسير المدرسه اليوم لييين مااضربها ضرب علي وااااااايد متين وضربه وحده منه مزنه يغمى عليها .............مزنه يلست فالحمام ولا طلعت الساعه ست ونص يت ام سيف وتحسب انهم مخلصييين وألحيين بينزلوا تحت ونصدمت يوم شافت علي جدام باب الحمام ويحرس مزنه لا تطلع قبل لا يضربها ام سيف : الله ياخذ بليسكم جااان من متى على هاليلسه علي : والله ماسير لييين مااضربها علي نسخه اصليه عن امه فالشكل والتصرفات وهي تموووت عليه وماتحب حد كثره ... ام سيف : مزنه طلعي وخلييه يدخل يتسبح باصهم ايي قبل باصكم مزنه : ماااابااا جيه يبا يضربني علي ( يجذب عليها ) : مابضربج طلعي مزنه : حتى ولو مابطلع في اربع حمامات غير هالحمام ليش هالحمام بالذات علي : كييييفي ماابى ألا هالحمام وغصبن عنج بالطلعين وبضربج مزنه : عيل بشوووف ام سيف : انتو الأثنينه مايفيدكم ألا ابوكم وراحت ام سيف توعي ابوسيف لمزنه وعلي ابو سيف يوم يقوم من الرقاد الله لايرويكم شكله والله لا يقربكم صوبه قام ابو سيف وسار صوب مزنه وعلي ابو سيف : هااا علي شفيك انته واختك من الفير علي وخايف من شكل ابوه : ماشي هي ما طايعه ادخل الحمام مزنه : انا دخلت قبله وبعدين في اربع حمامات غير هالحمام بس هو قال كييييفي ابى هالحمام يعني عنااااد ابو سيف : عندك خمس دقايق اتسبح وتلبس وتروح الباص وان راح الباص عنك بتروح تمشي المدرسه فهمت ولا لاء علي ومييييت قهر : انزين راح الحمام اللي تحت تسبح وتلبس وراح المدرسه مزنه عقب ماسار علي طلعت خذت اثيابها وردت الحمام اتسبح عقب ماتسبحت تلبست وتكشخت كشخه افففف رهيييبه للأنها عارفه ان ريم بتيي اتكلمها اليوم عالسالفة امس فالمسن راحت تريقت وطبعاً الباص راح عشان جييه سارت فالسيارة عند درييول عواااش بنت عمها سالم طبعاً خطفن عالدكان وعقب راحت مزنه مدرستها وعواااش كملت الطريج لمدرستها على فكره مدرسة عوااش قريييبه من مدرسة مزنه بوااايد .... المهم مزنه يوم كانت واصله المدرسه كان توه الطابور مخلص والبنات طالعات الصفوف مزنه فالخاطرها فكه من التفتيش اول مادخلت شافنها ربايعها وراحن صوبها والابتسامات شاقه الويه ومريوم يايه تربع صوب مزنه سلمت عليها ومسكت ايدها ( تخاف طير ) مريم : ليش تأخرتي اشتقتلج مزنه : لا والله مريم : هههههه صدق ليش تأخرتي مزنه : الباص تأخر علي مريم : الباص تأخر ولا انتي وصلت شلت الانس نوره : اييييه الدبه ليش ماركبتي الباص مزنه : شو اسوي الباص تأخر وملييت اترياه من الفير الساعه ست نوره : لا صدق ليش تأخرتي مزنه : راح الباص وييت عند عواااش اليازيه : واكييييييييد يالسه على هالكشخه كلها صح مزنه : حليلي جواهر : انزين خلن البنت تسير تودي شنطتها وتفسخ العباه مسوياتله تحقيق من الصبح الكل : ههههههههههههههههه آمنه : غيراااانه جواهر : مررررررره بموووت من الغيره على شوه يالحسره .... مزنه ( معصبه ) : ما واحيتت مسكتيني من الصبح سب جواهر : ههههههههه آااااسفين بس يعني انا اقول الصدق على شوه اغار مزنه : غصبن عليج بتغارين نوره : انزيييين على شوه تغار مها : بدن المواااال اليومي اليازيه : نسير فوق احسن ألحين بتيي الابله وبتنقصنا درجات ونحن عادي جنه شبعانات من الدرجات كاليوم ناقص درجتين درجتين كاليوووووم لييين مايستون زيروووو .... مريم : هيييه والله انسير احسن مزنه : انزين مريم لو سمحتي بطلي ايدي لو تسمحين مب غصب مريم : اعرف انه مب غصب بس ماببطلج اخافج اتشردين مزنه : شو قالولج قطووووه مريم : هههههههههه لاء بس ماببطلج مزنه : انزين بعدل شيلتي طاحت مريم : انزين عااادي خلي البنات يشوفن الشعر الحريري مزنه : اعرف بس اخاااف ينضلونه مريم : عيل يلا عدلي شيلتج سرعه لا حد ينضلج سرعه مزنه : هههههههههههههه ماااااالت علييييج نوره وجواهر وصلن مزنه ومريم ويزوي ومها صفهن ومزنه مسكت نوره وقالتلها والله ماتروحين الصف ألا وانا اوصلج وسارت وفسخت عباتها وعقت الشنطه اللي مافيها ألا كتابين العربي والتاريخ والباقي فالدرج من اسبوعييين نوره : والله ادلها الدرب مزنه : قولي ماتبيني اوصلج وخلااااص نوره : هييييه ماباج توصليييني مزنه : عيل والله انا اوصلج وهن سايرات صوب صف نوره كانت الوكيله ابله حمده يايه صوبهن مزنه تيبست فالمكانها من شافت الوكيله مزنه : نوره يلا باي نوره : لا احلف عليج تعالي وصليني مزنه : ههههه اشوفج الحصه الثانيه باااااااااي نوره هي وسايره صوب صفها مسكتها الوكييله والقباضه موصلتنها لييين قمه راسها مزنه نقت ضحك يووم شافت ويه نوره وهي زاختنها الوكيله وتفسخها القباضه ودخلت الصف سرعه وفسخت القباضه سوت تنذير للبنات وقامن كل البنات يفسخن القباضات ألا الشاطرات للأن الشاطرات ألهن معامله غير عن الكسلانات عاااادي لو يحطمن الرقم القياسي فالرفع القباضه خاااصةً عند الوكيله ابله حمده اللي واااايد تميز بين البنات وكل المدرسه يحتقرنها ويتمنن موتها اليوم قبل باجر المهم الوكيله خطفت من صف قوم مزنه ولادخلت عليهن وردن البنات يلبسن القباضات .... مزنه : مب كأنه الأبله تأخرت مها : انشاء الله غايبه تفكنا ( مها ماتخلي حد ماتسبه حتى ولو تحبه هذا طبعها قصدي هوايتها السب واكثر شي لمعلمات ) مزنه : عيل انا بطلع اشوف رييم ماشفتها اليوم الصبح مريم : بسير عندج مزنه : اوكييييه يلا انسير مها : ماااالت عليكن انززين عزمن مزنه: والله يبا ايي مالازم نعزم جيه نحن مارايحين نتغدى ولا نتعشى عشان تقولين عزموا وبدين يامها انتي ربيعتنا مالاداعي تستأذنين يوم تبين تسيرين عدنا صح ولا لاء مها ( معصبه ) : صح وطلعن مزنه ومريم ومها من الصف وهن رايحات صوب صف قوم ريم شافت مزنه شيخه يايه صوبهن مزنه : اقووول خلونا نرد احس الابله ألحيين بتيي اخاف تنقصنا ونحن مانزداد مريم : انزين ماتيبن تشوفين ريم مزنه : بشوفها الحصه الثانيه وهن رادات الصف يسمعن شيخه تزقر عليهن مها : مزنه شيخه تزقرج مزنه : سون طااااف لا نسمع لا نرى مريم : هههههههههههههه مها : ليش يعني مزنه : بس مالي نفس اكلمها ................... شيخه شو تبا مزنه تربع وراها وتزاقرها ؟؟؟!!! راشد بيسلم من سهيل عالسالفه اللي راشد ماسولها أي اعتبار؟؟؟!!!! بنشووووف فالجزء الحادي عشر الجزء الحادي عشر : دخلن الصف وكانت الابله فالصف اتريا حضراتهن وهن يايات يبدعن فالضحكات والابله مستهبلتنهن وتطالعهن بالنظرات غير مفهومه .... ابله الدين اللي محد يحبها...... مزنه تحبها بس ماتبا تعترف للأن صح ان الابله وايد تنازعها وتفسخها القباضه لاكن واااااايد تحب مزنه ومزنه وااايد تحب الابله واكثر شي فيها تحبه جمالها الطبيعي اللي مزنه ماتقاومه وتيلس سرحانه فالابله طووول الحصه بس واايد شاطره عندها على فكره ابله نوره راحت للأنها اصلن كانت بس احتياط أليين اتيي ابله هند للأنها مربيه وماخذه شهرين إجازه مزنه صح اشتاقت للأبله نوره بس هي تحب ابله هند بس فالنفس الوقت افتكت من ابله نوره للأنها كانت وايد كسلانه ومستهتره فالحصتها عكس ابلة هند اللي الأدب ماعارف وين يروح من كثره... ادب واحترام وانتباه للحصه وفالأخييير درجاااات ولا اروع تبيض الويه ... ابله هند : ويييين مزنه ( سمعوا لخريط ) : ابله كنا عند ابله الانجليزي تخبرنا عن المشروع اللي بنسويه عندها ابله الانجليزي تمووووت على مزنه وتعرف انها إذا جذبت على المعلمات فالتقولهن انها عندها عشان جييه مزنه واثقه إذا سارت ابله هند تسأل ابله الانجليزي إذا صدق كانت عندها ولا لاء ابله هند : انزين يامزنه انا واثقه فيج عشان جيه مابسير اسأل ابله الانجليزي إذا كنتي عندها ولا لاء مزنه : شكراً ابله ابله هند : يلا يلسن اماكنكن عشان نبدى الدرس مزنه : انشاء الله ابله وردن مكانها وطبعاُ مريم ومها كاليوم إذا واجهتهن ابله ولا وكيله يخلن مزنه تكلم للأنها هي اللي اضبط الكلام اما مريم ماشاء الله عليها تعرف تمثل صدق يعني اللي مايعرفها يقول صدق فيها هالشي مثلاً إذا كانت تبا تسير البيت والمديره ماتخلي بنت اتسير ألا إذا مريضه ( البنات يسمن المديره الفاطر للأنهن من يشوفنها يكرهن حياتها يكرهنها كررره فضييييييييييييع ) مريم يحافظ عليها تسير وتعق عمرها عالكرسي اونها مارايمه تشل عمرها وتيلس تصارخ وشوي وتصيح انا اللي اعرف انها تمثل اصدق مررات ان صدق اقول يمكن صدق بس تستحي تقول بس بعدين اقول لاء محد جريء كثر مريم فالشله عشان ماتقول إذا صدق فيها شي ولا لاء ومن بعدها الآنسه مزنه اللي ماشاء الله عليها مرات جرئتها تخليها تسوي اشياء هي في غنى عنها .... المهم مظت الحصه على خير بدون ماتشل الأبله القباضات مالات البنات وبدون ماتنقص مزنه ومريم ومها على التأخير شكله ريلها عاق عليها كلمه حلــــــــــوه من الصبح عشان جييه ياية المدرسه مبسوطه ولا تشوف العالم ..... ( هههههههههه امززززح ) نروح لسهيل : كان يالس يحووط فالسياره فالشعبيتهم ويطالع بيت خالته موزه ويفكر بالحبيبة القلب ويطالع حجرتها اللي حافظنها وين لطيفه ختها هي اللي مخبرتنه وهو من يوم عرف فأي مكان هي حجرتها اربع وعشرين شغاال مراقبه ويشوف شي يتحرك بس مايشوف زين ..... وهو سرحان يفكر فيها قال ليش ماادخل اسلم على خالتي موزه عسى ولعل تطلع صدفه واشوفها وقف جدام بيت خالته ونزل فالبيت كانو كلهم متولفين ألا ابوهم وعياله وسوالف وضحك وشوي ويسمعون حد يدق الباب .. خالته موزه : مرحباااااا السااااع بالشيخ الشيوخ سهيل : هلاااا خالتيه بناتها ماواحن يالدخلن واستحن يربعن جدامه فاليلسن يسلمن سهيل : شحالج خالتيه خالته موزه : حمدلله بخيير دامك بخيير سهيل : حمدلله .... شحالكن بنات لطيفه الملقوفه : حمدلله بخيير ( تبا تحرج نوره وسهيل ) كلنا بخييير محد فييه شي لاتخاف سهيل(فهم قصدها وحب يردها ) : لقااافه لطيفه : اناااااا سهيل : هييييه انتي ههههههههههه لطيفه : معليييه ولا اكلمك سهيل : افاااااا اهووون لطيفه : عيل انا اهووون عليك تقولي ملقوووفه سهيل : لا ماكنت اقصدج انتي اقصد الخدامه اللي توها خطفت لطيفه : على باااالي الكل : ههههههههههههههههههههههههههه خالته موزه : نوره نوره : لبييه اميه آاامري خالته موزه : مايامر عليج عدوو بس سيرن انتي واختج ييبن القهوه وقربن لفواله لولد خالتكن نوره : انشاء الله اميه سهيل : لااا والله ماتقربن شي وتيلسن مكانكن ( ماصدق على الله يشوفها ) خالته موزه : استغفر الله ياسهيل ليش تحلف سهيل : والله ياخالوه توني متقهوي عند واحد من الربع ولا لي شرغه خالته موزه : عالراحتك ترى البيت بيتك سهيل : الله يريحج .... اخباركم خالته موزه : حمدلله كلنا بخييير وعافيه سهيل : عيل وين ابو سعيد ماشفت سيارته قلت يمكن واحد من عياله ماخذنها وهو بحصله داخل وبسلم عليه خالته موزه : لا والله هو طالع عند ابو علي ( ييرانهم ) من الصبح ولا ردوا ماعرف وين سايرين سهيل : عيل يلا انا بسير سلمي عليه وعالعيال كلهم انا بترخص ألحين ( وهو يطالع نوره ونوره تعرف انه يطالعها عشان جيه منزله راسها وهو مايعرف انها تعرف انه يطالعها وهم الأثنين قلوبهم تحت فووووق نوره مييييييته وباين على ويها احمررررر وقلبها يدق بقوووو حست بحساس غير عن قبل وهي عارفه انه يبا يخطبها ماكانت تعرف ان سهيل يفكر بالزواج ويوم فكر فكر فيها هي ليييييش ؟؟؟ اما سهيل كاان مركز على عيونها ماشاء الله عليها مب عيون فيها ماشاء الله تبارك الرحمان ويقول انشاء الله تكون من نصيبي انشاء الله ) .... وهو طالع سلم عالبنات وزقر خالته موزه عقب ماطلع برى ولطيفه الملقوفه انخشت ورى الباب بس ماسمعت شي اللي تسمعه امها تقول انشاء الله .... بسوي اللي على .... انشاء الله ... نروح لمزنه : فالفرصه كانت شلة الأنس على قولتهم فنص الساحه مزنه عيونها بيطيحن من كثر ماطالع ريم وربايعها متضيجات منها للأنها ماتسولف عندهن ولا دازتلهن ويه المهم هن ويالسات يت بنت من صف ثاني اعدادي اسمها ميره وهي ربيعة مزنه وزقرتها على اساس تكلمها فالموضوع يخصها ومزنه تحب المواضيع السريه مزنه : هلا ميروووه ألحين مانشوفج ميره : اهلييييين .... انا هنيه انتي اللي مادزين ويه سكتت مزنه للأنها عارفه انها هي اللي مادزلها ويه للأنها ماتحبها ولا تحب اسلوبها وشخصيتها ماتعيبها صح انها حلييييوه بس مزنه تكرها من اسلوبها ..... مزنه : انزين شو هالموضوع اللي تبين تكلميني فيه ميره : الموضوع ان فيه بنت تباج مزنه ( تستهبل ) : كيف يعني تباني ميره : يعني تبا تكون معجبتج مزنه : اهااااا قولي معجبه .... بس هي ماتعرف ان عندي ريم !!! ميره (بدلع ): لااااااااء مزنه : معقوله في بنت فالهاذي المدرسه ماتعرف ان ريم معجبتيه!!! ميره : البنت يديده ولا تعرفج ولا تعرف ريم مزنه : اهااااااا .... متأكده انها ماتعلاف ان ريم معجبته ميره : هييييييه متأكده ميه فالميه .... مزنه : انزين وينها بشوفها إذا مقبوله ولا لاء .. ميره : تشوفينها هاذيج اللي عند الكرسي وعندها ختيه نوف مزنه : لا تقولي هي ميره : هيه هي مزنه : وووووع ميره : هههههههههه مزنه حرااام عليج البنت متخبله عليج وبعدين انتي تحبين ريم يعني لعبي عليها والبنت طيووووبه وحبووووبه نفس ماتحبين البنت تكون مزنه : افكر واقولج الحصه السابعه ..... ميره : اوكيييييه عالراحتج مزنه : يلاااا باااااي وسلمي على حياتي(مزنه تسمي خت ميره نوف حياتها للأنها كل مره تقولها جيه تعصب وتحمر وماتخلي كلمه ماتقولها لها تستحي واااااايد من مزنه للأن مزنه من قبل معجبه فيها بس مابغتها للأنها كانت متأكده ان مزنه كانت تبا تلعب عليها وطلع تفكيرها في محله للأن مزنه صدق كانت تبا تلعب عليها ومن ذاك اليوم ونوف تستحي من مزنه ) ...ههههههههههه ميره : من عيوني ...ههههههههههههههههههههه ... عقب ماردت مزنه عند ربايعها فتحلها جلسة تحقيق ..... جواهر : اهاااااا شوكانت تبا !!!! مزنه : اووونه في بنت معجبه فيه نوره : ومن هاذي تعيسه ال..... قصدي سعيده الحظ ..هههههه مزنه: انصحج ماتبين تشوفينها مريم : هالكثر ماتشاهد مزنه: مب لهدرجه بس مب حلوووه لاكن ميره قالتلي انها طيوووبه و حبوووبه اليازيه : الله يعين إذا ميره قالت طيووووبه يعني .......... مها : سبااااااله نفسهااا ( تقصد نفس ميره ) ... الكل : هههههههههههههههههه اليازيه : بسكن حش فالبنات وقومن نسير ناكل ( اليازيه اهم شي عندها فالحياه الأكل مخلتنه شعارها وين ماتروح ) ... مزنه : مانعرف من اللي يالس يحش فالبنت من الصبح نوره : هههههه هيه والله تردها علينا ألحين ... مزنه : ماعليج منها مخرفها حليلها ماتنلام ما حطت شي فالبطنها من خمس دقايق ههههههههههههههههههههه الكل :هههههههههههههههههه اليازيه : معلييييه اردهااااا ههههه مزنه : ههههههههههههه امزح عندج يالبايخه هههههههههه اليازيه : بعد بايخه اوكييييييه انا ارويج ..... نوره : يوييييلج يامزنه اليازيه : وغياظ لج بشتري حق اللي يبا نوره + ومريم + ومها + وجواهر + آمنه : الله يحظنا ( وعفدن فوقها يطلبن شو يبن طبعاً مافهمت شي وراحت ويابت أي شي المهم اكل مزنه : شفتن سويتلكن وااااسطه .... من قدي فدييييتني والله نوره : بدددت مزنه : لاااا خلاص بسككت هههههه جواهر : مزنووووه شوفي من يطالعج من الساحه نوره : حلييلها متخبل عليج مزنووووه مزنه : تراااني اقوووول من قدي ههههههههههههه نوره : ماااالت عليج وياراسج مزنه ( ناقعه ضحك على نوره للأنها ماتحب البطره ومزنه قمة البطرررره ) : خلااااااص بسكت احسن لا تذبحيني نوره : يبالج مزنه زختلها بنت وخلتها تشتريلها للأن مزنه فالحياتها ماصفت فالطابور ولا تحب الزحمه عشان جيه تخلي ولا ربايعها ولا تزخلها أي بنت وتقولها اشتريلي والبنات مايقصرن يشترلها المهم عقب ماشترتلها هالبنت قامت اتغايظ اليازيه انها ماشترت بنت اشترتلها وتسير اليازيه تبطل غرشه الماي اللي ماسكتنها لمريم وتكبها فوووق راس مزنه وثاااااار البركااااااان .... مزنه : لااااااااااااااااااااااء يالسباااااااله يالدبه يالعنزه يالنذله يالحقيره يال........ نوره : عاااااااااشوااااااااااااااا مريم : طااااح البكس جواهر: ماخلت شي ماقالته يوييييييلج ياليازيه ... وتسير مزنه وتاخذلها غرشه ماي من المقصف وتربع ورى اليازيه واليازيه تربع صوب الصف عشات تدخل وتقفل الباب يوم توها اليازيه تبا تدخل الصف طلعت بنت من الصف يالسه تلعب وياربيعتها وتربعععع ويداعمن اليازيه والبنت اللي طالعه من الصف مزنه عقب ماوصلت وشافت يزوي ماسكه راسها نقعت ضحك ونست الماي لاكن اليازيه ذكرتها وقالتلها وهي ماسكه راسها : دخييييييلج ماترشيني بماي مزنه ( وهي ناقعه ضحك ) : اوووووه صح ذكرتيني وكبت غرشه الماي الباررده فوق يزوي مزنه : عشان يخف عوار الراس اليازيه : معليييييج وفالهوقت خطفت ميره والبنت اللي معجبه فالمزنه ومزنه شكلها مررره يضحك بس هي واايد حلوه يوم يكون الماي مغطي ويها تكون نفس البيبي بريييييئه وكيووووت ومعجبتها اول ماشافتها تخبلت وزاد اعجابها بجمالها الساحر .... وميره يلست ناقعه ضحك ومعجبت مزنه تضربها عشان ماتضحك على مزنه ميره : مزنووووه شوفي من يضربني عشان ناس (تقصد مزنه ) مزنه ماسوتلها سالفه ابتسمتلها وردت تضحك على يزوي اللي شكلها يزيغ من الماي لجحال سايل والكشه مخيسه ماااي ( ام دويس الثانيه ) ..... المهم وصلت الشله عقب بخمس دقايق واول ماشافن يزوووي مارامن يمسكن الضحكه ويزوي مفوله عليهن شوي وبتلطمهن طراقات حاااااره .... نوره : نورت ام دويس المدرسه والله هههههههههههههه جواهر : شووو ام دويس ألا قولي أأ ...... المهم اللي اخس من ام دويس مريم : مالت عليج انزين مالازم تعلقي يوم ماعارفه شو تقولين ههههههههههههههههههههههههههههههههههههه مها : إاااااه كله ولا يزوووووي والله انها احلا عنكن ولا تسواكن كلكن ( مها تموت على يزوي ومن كثر ماتحبها معتبرتنها قدوتها فالحياه بس يزوي مررره مادزلها ويه ودوم تنزعها ومع ذالك ادافع عنها )9 آمنه : تكلمت محاميه الدفاع مها : انا اقولكن كله ولا يزوي طبعاُ محد سوالها سالفه وردن ينقعن ضحك .... اليازيه : والله خاطري كبت شينوا يسخن علي من هالماي البارد اللي كبته مزنه فوقي ولا خافت ربها فيني توني مسويه حادث مع وحده من البنات وزادتني مزنه بالماي بردااانه ولاشي بيدفيني ألا الكبت شينوا ... مزنه : كبت شينوا ولا كبت بومعلاق ههههههههههه نوره : هههههههههههههه الله ياخذ بليسج يالمزنوووه مريم : حللللللوووووه حلوه عيديها مره ثانيه مزنه : من عنوني والله بس انتي قولي ابا كبت شينوا وانا ارد عليج مريم : لا والله تنكتين عليه لاااا مشكوووره مزنه : تراج انتي قلتي عيديها وانا قتلج من عنوني .... مريم : مشكوووره وماتقصرين ..... نروح لبيت ام سعيد : ام سعيد كانت يالسه اروحها فالحوي اللي جدام الصاله وتشرب قهوتها وملانه نوره وهي نازله من تحت ورايحه صوب المطبخ شافت امها ملانه وشربت يمكن اكثر من خمس فنايين قالت فالخاطرها الله يعين كم بتشرب إذا مابسير ايلس وياها راحت صوب امها ... نوره : مسااااء الخييير للحلوييين ام سعيد : مساء النور ........ والله ييتي فالوقتج ملانه ولو ماييتي كان شربت الفنيان السادس ألحين نوره : تحسبينهن بعد ماشاء الله عليج مثقفه فالرياضيات هههههه ام سعيد : هيييه مره يبوج نحن مانعرف ألا نعد من الواحد لين العشره وهاذي نعمه ... نوره : ههههههههههههههههه صدقج نعمه ام سعيد : نوره نوره : هلااا يمه ام سعيد : بموضوع سهيل ولد خالتج شمسه شو قلتي نوره : اميه انا قلت افكر بعدين انا ابا اكمل الدراسه والزواج مسؤوليه عيال نهتم فيهم وزوج نراعيه ونحفظ حقوقه ام سعيد : يانوره اللي قلتيه كله صح بس الولد شاريج وولد ونعم فيه مايتعوض لا تضيعينه من ايديج ويسير لوحده ثانيه وبعدين انتو الأثنين ألحين بتسكون الأربعين بسج عرسي وفرحيني فيج وبعيالج ترى العمر قصير وانا محد عالم متى اختفي من هالدنيا نوره : باسم الله عليج يمه يعل يومي قبل يومج انشاء الله ... ام سعيد : انزين هاااا شو قلتي ترى الولد شارنج وقايلي اشاورج وانا الولد كمره كلمني واستحي كل مره ارده يابنتي توكلي على الله وافقي عالريال نوره : خلااااص اميه انا افكر فالموضوع ورد عليج ام سعيد : متى ؟؟؟!! نوره : خلال هالأسبوع انشاء الله ام سعيد : انشاء الله بس فكري زين وانشاء الله توافقين نوره فالخاطرها والله انه حليييييييو واخلاقه توووب ويااازينه بس انا ابا اكمل الدراسه ... انزين ليش مااكمل دراسه وانا معرسه للأنه هو على مااعتقد ماعنده مانع .... بس مسؤوليه زواج ودراسه فالنفس الوقت ............ والله مادري افكر ..... نوره هالبتوافق تاخذ سهيل ؟؟!!!!! مزنه شو بيكون ردها لمعجبتها اليديده ولريم اللي لين ألحين ماراضتها ومزنه معصبه عليهاا وااااااااااااااايد ؟؟!!! :\38.gif: السموحهــ على التأأخير كنت شوي بزي ....~* |
نوره هالبتوافق تاخذ سهيل ؟؟!!!!! يمكن تواافق مزنه شو بيكون ردها لمعجبتها اليديده ولريم اللي لين ألحين ماراضتها ومزنه معصبه عليهاا وااااااااااااااايد ؟؟!!! اظني بتسوي عمرها تحبها عسب تغاايظ ريم الي ما راضتها هع تسلميين عالباارتيين ونترقب اليااي |
:20.gif:حــلوهــ آلقـــصـههـ :6500.gif:نتريــآأ آلتـكــمـلههـ يـأآإسـ‘ـلموٍِؤء حبوٍِبههـ:13: :1709.gif: ^.* |
نوره هالبتوافق تاخذ سهيل ؟؟!!!!! اتوقع توافق مزنه شو بيكون ردها لمعجبتها اليديده ولريم اللي لين ألحين ماراضتها ومزنه معصبه عليهاا وااااااااااااااايد ؟؟!!! مادري الصراعه ماقدرت اتوقع تسلمين حبوبه ويالله عاد لاتتاخرين علينا :\38.gif: |
| الساعة الآن 04:59 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir