منتدى استراحات زايد - ليشّ تتعّمـد تعّـذبنّي ؟..}~* ..

يتــــــــــــــــــبع

راشد : سارونه ابا اخطب فاطمه
ساره : انزيين رمس امايه
راشد : استحيي
ساره : ههههه .. اوكي انا برمسها بس مب اليوم ولا باجر انشالله عقب باجر
راشد : خييييييبه
ساره : ترى قوم عمو مريم باجر بيون بيتنا .. وفطامي بتكون يايه .. ( وجان تغمزله ) عاد ماوصيييك
راشد وهو مستانس ويظرب ساره عـ راسها : هههه .. بس انتي حق هالسوالف زيينه
ساره : هههه .. يلا تامر بشي ثاني بسير عند البنات ؟
راشد : لا سلامتج
ساره : الله يسلمك ..
وجان تنزل ساره وهيه يالسه تنزل عـ الدري سلطان يالس يطالها وهيه منزله راسها اتذكرت لما كانت فـ حجره سلطان اشقايل كان يتقرب وشقايل اول ماشافته انصدمت ولا مره وحده شوي وكانت بتتخرطف
ميره : هههههههههههههههه .. حاسبي يابنت الناس
ساره قفطت : خخخخخ .. جب انزيين لازم اتفظحيني
شيخه : ههههه .. ها ساروه ميروه شو الثانويه العامه وياكم ؟
ساره وميره : اررررررف من خااطر
وتموا يقولون لها شو يسوون ف الابلوات والبنات وشيخه تمت تظحك عليهم
وعقب مر الوقت بسرعه اتعشوا وتموا يسولفون ويظحكون وكل واحد يرمس عن المواقف المحرجه الي صارتله .. وعقب عـ الساعه 12 كل واحد منهم رد بيته سيف حن على سلطان عسب يرقد فـ بيتهم اونه اشتاقله ومن زمان ماتم ويااه وعقب وافق سلطان انه يرقد عندهم .. وساره ماكانت تدري ان سلطان فـ بيتهم .. وشيخه رقدت عند ساره فالحجره .. والده موزه سارت حجرتها وتمت تقرا قران وعقب هيه بعد رقدت و عوشه ومحمد بعد رقدوا و راشد كان يالس فـ حجرته يفكر فـ فاطمه الي خذت قلبه وروحه وتفكيره وعقب ماتعب سار ورقد

تقريبا عـ الساعه 2 ونص كل ابطال قصتنا الرئيسية والثانويه رقدوا

في اليوم الثاني كان يوم اليمعه الساعه 9 ونص الصبح الجو كان عذااب و نشت فاطمه وبطلت دريشتها وتمت تستنشق الهوا وكانت وااايد فرحانه لأن اليوم بتسير بيت خالها محمد عقب سارت وغسلت ويها واتلبست ونزلت تحت عسب تتريق شافت مايد وميثا وامها يالسين ياكلون
فاطمه : صبااح الخير
الكل : صباح النور
فاطمه : عيل وين خموس ؟
مايد : هههه .. البارحه راد محرج دخل حجرته ولين الحين ماظهر
مريم : بسم الله .. هالولد غرييب مادري شو بلااه شكله يعشق
فاطمه هيه تعرف سالفة خموس : هههههههه .. يسويها ( وسارت صوب حجره خميس ) وتمت اتدق الباب الين مافتح لها
فاطمه : صباح الورد
خميس : صباح الريحان
فاطمه : خموس بلاك ؟! .. قالولي من رديت من برع دخلت حجرتك لين الحين ها شو السالفه .. عنود شو مسويه بعد ؟
خميس : آآآآه منها هالعنود مادري شو اخرتها ويا هالبنت .. انا مواعدنها فـ صحارى قلتلها بس بشوفها اتخيلي امطنشتني لا يت ولا ردت على تلفوناتي
فاطمه : خمس بقلك شي بس لاتحرج عليه
خميس : قولي قولي
فاطمه : انت الغلطان شفت وحده وحبيتها وانت ماتعارف عنها شي .. اشدراك انها ترمسك انت بس يمكن ترمس 10 غيرك
خميس : ما اظن هيه تحبني
فاطمه : شو الدليل
خميس : اممم .. مادري .. هيه قالتلي
فاطمه : شوف انا احس انها لعابه بس جي تسلي عمرها
خميس : ما اظن
فاطمه : خلاص برايك .. بس انت لاتهتم ابها واايد
خميس : انزيين احبهاااا
فاطمه : ههههه .. مالت .. يلايلا انزل تحت نترياك عـ الفطور .. لاتتأخر
خميس : مالت على ويهج يالسوده .. اوكي
فاطمه سارت عنه ونزلت تحت ونزل عقبها خميس وتموا ياكلون ويسولفون ويعلقون شوي على خميس وشوي على ميثو وعقب مريم قالتلهم يتزهبون عسب يسيرون دبي بيت خالهم محمد عند يدتهم موزه وخالتهم شيخه وكل واحد توجه لحجرته عسب بتلبس ويتعدل ويتكشخ

فـ بيت بوراشد

نشت ساره من الرقاد وكانت الساعه 9 غسلت ويها وشافت عمتها راقده ماحبت تزعجها على طول ظهرت
كانت لابسة بجاما ( برمودا وكات ) وكانت رافعه شعرها نزلت تحت شافت يدتها يالسه سارت ويلست عندها
موزه وهيه محرجه : سااارووه .. اشو هاللبس ؟ .. ليش لابسه لبس اصغر عنج
ساره : ههههه .. يدوه ها هب صغير ها روحه جي موديله جي .. ها يسمونه برمودا
موزه : تبين تخرطين عليه هااه .. يلايلا سيري لبسي شي كبرج .. لابستلي لبس ياهال .. اونه بر مودا .. ماشي بحر مودا ؟!
ساره : هههههههههههه .. يدوه اشو بحر مودا بعد ؟!
موزه : اشدرااني انا .. اشو هالمنكر يلايلا سيري البسي شي محترم ترى العرب بعد شوي بيصلون .. عيب يشوفونج لابسه جي
ساره من سمعت طاري العرب زاغت انهم ايون فـ اي لحظه على طول سارت وهيه راكبه الدريه منزله راسها وتفكر ولا مره وحده تدعم واحد
ساره : آآآآآآي .. شو انت ماتشوف
: ساااااارووووه !!!!
ساره : سلطان !!
سلطان وهو منبهر بجمالها و منصدم بـ نفس الوقت
ساره تمت متفشله على طول ركضت وشردت فـ الحجره وانصدمت سلطان شو يسوي فوق بس الصراحه كان شكله ايين فديته ( كان لابس كندوره بيجيه ومتسفر بسفره حمرا ومتعطر بعطر يدووخ )

نزل سلطان تحت وشاف يدته سلمت عليه ويلست تقله عن ساره وعن البرمودا على قولتها البحر مودا و سلطان ناقع من الظحك على تعليق يدته عقب يت عوشه ومحمد ونزل راشد وكان كااشخ عـ الاخر وسيف كان نازل معاه وعقب بـ 10 دقايق نزلت شيخه وتموا كلهم متيمعين يسولفون
عوشه : الا وين ساروه مالها حس ؟
موزه : ههههه .. انا هزبتها الصبح عسب تبدل ها الي يسمونه البر مودا مادري البحر مودا
الكل تم يظحك
وجان تنزل ساره وكانت لابسه ثوب اسوب وفيه حركات ورسومات وردد بالابيض وكانت لابسه شيله سوده ساده وراسمه عينها بالجحال ومتعطره بعطر مس ديور وكان شكلها خباال
سيف : الطيب عند ذكره
ساره بدلع : ليش اتحشون فيه ؟
راشد : كيفنا
ساره : انزين شو كنتوا اتقولون ؟
سيف : يدو كانت ترمس عن البحر مودا
الكل : ههههههههههههه
سيف : ساروه اسميها يدوه سوتلج وللبرمودا دعايه
ساره : هههههه .. فديتها يدوه
عقب ساروا كلهم حجره الاكل واتريقوا عقب ساروا الصاله جان يسمعون صوت الجرس يرن
سارت ليني وبطلت الباب وكانت روضه + سالم + عبدالله + ظبيه + سعيد .. حدروا البيت وسلموا عـ الموجودين وساروا الريايل فـ الميلس
عقب دق الجرس مره ثانيه كان حميد وحرمته + احمد وحرمته وعبيد + ميره
والحريم ساروا الصاله والريايل حدروا الميلس
واخييرا وصلت مريم + فاطمه + مايد + خميس + ميثا
وهم نفس الحاله يعني الريايل فـ الميلس والحريم فـ الصاله
الكل سلم على موزه وشيخه وتحمد لها بالسلامه وعقب تموا يسولفون ويظحكون ويا بعض وموزه ماقصرت خبرت الكل عن البرمودا وساره افتشلـــــت من خاطر عقب
ساروا الريايل المسيد وصلوا صلاه اليمعه والحريم صلوا فـ البيت الظهر عقب الكل تيمع مره ثانيه عقب تغدوا الريايل والحريم وعقب الغدا ساروا البنات فوق وتمن يسولفن شوي عقب ملن وتمن ملانات مايعرفون شو يسون
ساره : شراايكم نلعب جرأة وصراحه
الكل : اوكي

( الي كانوا فوق شيخه + ساره + ميره + فاطمة + ظبية + ميثا )

تموا يدورون على غرشه ماي بس ماشي فايده ماحصلوا عقب شلوا غرش العطر وتموا يلعبون المرا الأولى يت على ميره وشيخه
ميره : شواخ جرأة ولا صراحه ؟
شيخه : شواخ اصغر عيالج ؟! .. بس تعالوا انا هب فاهمه اللعبه فهموني
ساره : اوووه نسيت اشرحلكم اللعبه .. انزيين شوفوا نحن بنلعب بغرشة العطر نحن بندور الغرشة لازم ايي على شخصين والي صوب راس الغرشه هيه الي تسأل الثانيه اتجاوب .. وجرأة يعني تطلب منها اي طلب ولااازم اتسويه ولا بتظهر من اللعبه وبتخسر والي تختار صراحه راح تنسأل ولاازم اتجاوب بصراحه مانبا جذب .. فاهمين اللعبه ؟!
الكل : هيه .. يلا نكمل
ميره : يلا عمو شو جرأة ولا صراحه
شيخه : جرأة
ميره : قومي حبينا كلنا على راسنا
شيخه : ههههه .. ( نشت وباست كل وحده وهم يظحكون عليها )
عقب دوروا الغرشه مره ثانيه جان اي على ساره وفاطمه
ساره : جرأة ولا صراحه ؟
فاطمه : صراحه
ساره بخبث : ماتحبين حد ؟
هنييه فاطمه انصدمت واتوهقت ماعرفت شو تقول
ساره : هااه اكييد اتحبين يلايلا قوليلي بس انا فـ اذني لو تستحين منهم
جان اتسير فاطمه صوب ساره وتهمس فـ اذنها : والله ماتخبرين حد هيه حبيت قبل كمن يوم
ساره : منو ؟
فاطمه بارتباك : راشد اخوج
ساره انصدمت وتمت فرحاااانه بنفس الوقت لان اعتراف فطوم خلاها تتطمن ان خطوه من الخطوبه بتنجح
وعقب دوروا الغرشه مره 3
جان يظهر على شيخه وظبيه
شيخه : ها ظبوي جرأة ولا صراحه ؟
ظبيه : جرأة
شيخه : يلا غنيلنا
وجان تغني ظبيه

انتوا الغلط منكم والحين بس خلكم
لأني ياما قلت ماني ترى حبكم
ماهو ترى ذنبي ماحبكم آه قلبي
سلمت انا امري خليتها لربي

عقب صفقوا لها جان ادورون الغرشه للمره الـ 4
ويا الدور على ظبيه وساره
ظبيه : جرأة ولا صراحه
ساره : امممم .. جرأة
ظبيه : بصرااحه فـ خاطري بـ عصير برتقال فرش من ايدج
ساره : افاا عليج غالي والطلب رخيص
فاطمه : سااروه بي ويااج
ساره : حيااج تعالي
ونزلن (ساره وفاطمه ) عنهم وهم تموا يكملون لعب
وحدرن ساره وفاطمه المطبخ وتمت ساره اتظهر 3 برتقالات عسب تعصرهن وهيه يالسه تعصر
فاطمه : ساروه ابا مااي
ساره : شوفي هذا الكوب جدامج غسليه وشي براده برع ماي بااااارد .. تبين بارد ولا حار ؟
فاطمه : اكييد بارد
ساره : عيل برع يلا يلا اخدم نفسك بنفسك
فاطمه : هههههه .. اوكي الحين بسير
وغسلت الكوب وغسلته وظهرت خاري المطبخ

ساره خلصت جان اتسير واتيب كوب وتغسله وهيه الحين يايه اتصد عسب اتحط العصير فالكوب ولا ايد وقفتها ولزقتها عاليدار
انصدمت ساره: انت شو تسوي هنيييه ؟!
: الشوق والوله يابني لج

كــــــات