منتدى استراحات زايد - ¨°o.O (صوب عوشه قلبي اتعلق..انتفظ من شلة الرمشي) O.o°¨

---------------------------------------------------------------------------------
بعد ما وصلوا عوشه ومحمد الفندق كانت الساعه 9 ونص
محمد يلس وحط ايده على خده ويطالع عوشه .. وهي تطالعه متروعه .. شو اقول شو ارمس طول الدرب ساكت ما اعرف شو بلاه ... كيف هالشخص طبعه انا ما ادري ؟!
عوشه تسأل نفسها : ليش يطالعني جييه .. ياربي شو السالفه .. شو قالوله في الغرفه اللي سارلها
محمد : اسمعي انا برقد هني في هاي الحجره وانتي ارقدي هناك اوكي لا تصدعيني
عوشه منصدمه ومب عارفه شو تقول تمت ساكته
محمد شل شنطته وحطها في الحجره الثانيه .. وصك الباب ورد طلع
محمد : يالله قومي لبسي انا ابا اتعشى يوعان
عوشه والدموع في عيونها : وانا مب يوعانه
محمد بعصبيه : غصبن عنج بتاكلين
عوشه : ان شاء الله
محمد : تم يالس يتريا عوشه بثيابه وهي دشت سبحت ولبست وهي متضاايقه من اللي يسويه فيها محمد
عوشه : لا إله الا انت سبحانك اني كنت من الظالمين .. ياربي تخلي قلبه شويه رهيف عليه ..
طلعت عوشه وما حصلت محمد ويتها زيغه : وين سار سارت تدوره في الحجره
حصلت محمد طايح على الشبريه وفي ايده ابره
عوشه ياها خبال يوم شافته جييه : وتصرخ محممممممممد وتربع صوبه .. يودته من راسه .. محمد شو فيك محمد
محمد كان تحت تأثير الابره .. يفتح عيونه بصعوبه ويرد يسكرها ..
عوشه ميوده ايده وتصيح شو فييك خبرني شو ياك قولي .. حست بأنه ايده بااارده شلت الابره وعقتها تحت ولحفته باللحاف .. شويه وغفل محمد ..
عوشه تمت تصيح صياح تتحرى محمد فيه مرض ومخبي عليها ..
عوشه نشت تطالع الابره اللي ظاربنها في ينبه ..
وتذكرت انه ابوها ياخذ ابر سكر بس مب نفس الابره اللي في ايدها ..
عوشه وهي لابسه ثيابها : شو فيييييييه ياربي شو داس عني وتمت تصييح .. شلت الابره وعقتها في الزباله .. وبطلت ثيابها .. ويلست حذاله .. تطالعه وتمت تقرا عليه وتمسح على راسه .. تمت تطالع ويهه ..
اتصل في حد ؟ لا لا بيخافون
شويه وتبا تحط ايدها على صدره تبا تشوف قلبه؟
قربت ايدها بشوي شوي شافت قلبه ينبض بنبض طبيعي ..
وراقد كأنه مرتاح .
اتنهدت ومسحت عيونها .. ياربي تعافيه .. وتهدييه لي يارب
-----------------------------------------------------------------------------
وفي المستشفى كانت الساعه 1فليل الكل تعبان وخليفه في العنايه
سيف : والله والرفجه لأسير وياه واخاويه لين يرد صاحي
ام خليفه تصيح : متلومه فيكم وما اعرف شو اقول ..
سيف: والله ما تقولين شي هذا خويه وعضيدي .. وسندي كيف ما اوقف وياه .
ام خليفه وهي تصيح : بارك الله فيكم بارك الله فيكم
سيف : من باجر الصبح ان شاء الله بطلع التقرير من المستشفى وبشوف الدكاتره شو يقولون ولا تحاتين انتي يالغاليه
ام خليفه : يعليكم ذخر لنا ياربي
مايد : وانا بعد ما اتركم ان شاء الله وياكم وياكم هذا اخويه سرنا وينا وياه ما بنفارجه ان شاء الله
ام خليفه صاحت : الله يخليكم لبعض ياربي
مايد : بقدرت الرب وبدعواتج يا اميه
ام خليفه : الله يعافيه ويصرف عنه كل عوق ياربي ..
سيف : الحين لازم تسيرون ترتاحون شويه عشان الصبح بعد ني نتطمن عليه
ام خليفه : وين ارتاح وين قلبي بيه الراحه وهو طايح هنيه وصاحت
سيف : لا تقولين جيه يا اميه ربج بيفرجها
سيف يقول حق اخت خليفه : اختي يوم بتسيرين البيت عطيها عصير برتقال يمكن ترتاح شويه
شمسه : ان شاء الله
مايد : يالله نسير
-----------------------------------------------------------------------------------------------------
عوشه كانت تنبش في ثياب محمد وتطالع وين محطي هالابر يمكن تحصل ورقه ولا شي خاص بهالدوى اللي خذه
نبشت وما حصلت شي ..
يمكن حاطنهن في شنطته الصغيره
تمت تدور وحصلتهن في سدت الكبت مفتوحه .. شهقت يوم شافتها ..
كيس شفاف فيه ابرتين.. والكيس الثاني صغيييير فيه
عوشه تشهق شو هاااااااا تمت ترتجف .. ؟ مخدرااااااااات ؟
عوشه عقت عمرها على الارض وتمت تصيح بقو ظربتها نوبه صيااح ..
ومحمد ولا يسمعها .. متخدر
صدت صوبه بغيييض وعيونها كلها متروسه دمووع .. شو تسوي الانسان اللي بتقضي عمرها وياه مدمن مخدرات ..
تمت تصيييح وتصيح .. وصدفه طرى عبالها سيف
عوشه تصييح : وينك يا سييف تي وتشوف شو صارلي وينك يا سيف وينك ..
محمد راقد وما يسمع شي ..
عوشه سارت حجر تها وتمت تفكر شو تسوي بالاكياس اللي شافتهن ؟ ياربي من وين يابهن كيف طاف بهن في المطار شو السالفه
عوشه ركضت صوب حجرت محمد وخذت اكياس المخدرات وتلثمت بشيلتها .. ولبست النظاره وسارت صوب الحمام .. وجبت المخدرات في البالوعه ويرت عليهم السيفون .. وعقت الاكياس في الزباله .. والابر كسرت القواطي وعقتهن في الزباله
عوشه تبا تصييح وتخلص دموعها شو هالريال اللي ابتلشت فيه .. معقوله بو محمد كان يبا يفتك من ولده وشافني انا ويوزني اياه معقول .. شو اقول حق ابويه الحين شو اقول حق خالد وامي وسالم وبنت خالي فطوم ؟ شو اقول حق ربيعي اللي يو يباركولي .. معقول يا محمد ..
تمت تتذكر كيف قدر محمد يطوف هالشي في المطار كيف ؟
تتذكرت انه هو خلاها عند الرسبشن ودخل حجره في الفندق وكان يقولها انه بيخلص الاوراق ..
عوشه : والله اني غبيه وما عندي حاسيه .. أي اوراق هذي اللي يخلصها غبيه والله اني غبيه تمت تصيح لين رقدت على الغنفه في الصاله
-----------------------------------------------------------------------------
والصبح في البلاد ...
سيف ومايد ساروا عند الدكاتره وتطمنوا على حالة خليفه وخبروهم انه الصبح الساعه 6 استقرت حالته وطلعوه من العنايه المركزه
مايد : الحمد لله لك يارب ..
سيف : الحمد لله ... يالله تعافيه وتصرف عنه ما يانس ..
مايد : آمين
سيف : أبا همتك الحين يا الغالي أباك تكون ليه عون في سيرتنا
مايد : والله يا الغالي انا حاظر والسيره ما تسوى رمستك هذا خليفه الغالي ..
سيف : لين الحين يتخيل لي كيف طاح ياربي موقف صعب الصراحه
مايد : لا تطريه وتفاول بالخير
سيف : الله يعافيه ياربي ..
مايد : سيف ما اعتقد امه تقدر تسير لانها منهاره بشكل فضيع ..
سيف : لا الا نوديها يمكن خليفه يشوفها ويهدى شويه ..
مايد : ورضيعته ؟
سيف : والله ما ادري انا اقدر اوديهم على حسابي ما عندي أي مشكله
مايد : فيك الخير يا الغالي
سيف : الحين يالله نسير صوبه
مايد : يالله
مشوا وساروا صوبه وحصلوا ام خليفه واصله ويا بنتها ..
اول ما دشوا عليه كان الدكتور عنده
خليفه كان صاد الصوب الثاني .. والدكتور يشخص حالته
الكل دش سيف كان يطالع خليفه كانه ما شافه من سنيين .. نقزت عليه امه واخته وتموا حاظنينه ويصيحون
خليفه : كلامه كان خفيف وما ينسمع اميه
ام خليفه : عيون امك روحها
سيف ما قدر يتمالك نفسه دمعت عيونه
خليفه قالها بصعوبه : شحالج
ام خليفه تصييييح وهي حاظنتنه : حالي انا لا تنشد عنه حالي هو حالك يالغالي شحالك شو يعورك يعله فيني ولا فييك
خليفه : لا تقوليج جيه ..
خليفه كان يطالع سيف ومايد ونش من حظن امه وساروا سيف ومايد صوبه .. سيف قلبه كان متقطع على حال خليفه ... ويهه طبيعي بس علامات المرض مبينه عليه ..
خليفه حظن سيف ويقولها بعصوبه : ادري انك عتبان عليه
سيف : لا تقول جيه يالغالي
مايد حب يكسر الجو الحزين ..: بخيييييير ما شاء الله عليييييك ما فيك شي هاه لا تتدلع علينا عاد
خليفه ابتسم وكان يحب مايد بأسلوبه الفكاهي هذا : تعال خلني احظنك
مايد حس بغبنه وسار صوب خليفه وحظنه
خليفه وهو متحاظن ويا مايد : هاي آخر مره اسوق فيها درجات وياكم
مايد حس بقلبه يتقطع والكل كذالك
مايد وقف
خليفه وهو مبتسم ابتسامة مرض : الدكتور ما قصر قالي عن حالتي بالتفصيل وانا راضي ولله الحمد
مايد ما عرف شو يقول وام خليفه زادت في صياحها
خليفه صد صوب امه : امايه .. انا جدامج بعدني اتكلم وقلبي يدق ..احمدي ربج الكريم .. اني غديت بخير
سيف يطالعه ويقول في خاطره ما شاء الله عليك الله يثبتك ويعاطيك على قد نيتك ياربي
خليفه يتنهد : ما فيني شي انا اليوم بظهر
سيف : لالالا شو هالكلالام
خليفه صد صوب سيف : وشو فايدة اليلسه هنيه الحمد لله انا اتكلم وبخير .
سيف : بيعطونك علاجك بيحاولون يسولك علاج طبيعي
خليفه : وليش العلاج الطبيعي .. ايدي مكسوره والجبس فيها بعد شو له العلاج
مايد : استغفر ربك يا خليفه هاذا امره .. وقال ربك اسعى يا عبدي بسعى معاك .. وانته المفروض تعالج لجل صحتك مب لجل شي ثاني ..
سيف عصب : توك راضي بقسمته وفي دقيقه ضعف ايمانك شو فيك يا خليفه .. شو فييك
خليفه ساكت ..
شمسه يت ويلست عدال اخوها ..وتصيح : خليفه ما نبا الا صحتك يا خويه لا تكون عنيد بيعالجونك وبتغدي بخير يا خويه
خليفه يود ايد اخته .. : ان شاء الله يالغاليه ان شاء الله بس ما اباج تصيحين
شمسه تمش دموعها من تحت الغشوه : ان شاء الله
مايد : نحن لازم نسير صوب الوزاره
خليفه : أي وزاره ؟
مايد : بعدين بتعرف
خليفه : مايد خبرني ..
سيف : يالله نستسنح منك الحين
خليفه : خبروني أي وزاره ؟
سيف : فمان الله
ظهروا سيف ومايد وساروا صوب الدكاتره عشان يشوفون شو بيسون في سالفة خليفه
-----------------------------------------------------------------------------------------

محمد : ثانكس دكتور
الدكتور : يو ولكم
محمد بترردد: تعالي
عوشه نشت وكانت ايدها مجبسه ...
محمد : انا آسف على كل اللي سويته
عوشه ساكته وما كانت تطالعه
محمد : اوعدج يا عوشه اني اتعالج عشانج بس
عوشه تقول في خاطريها .. لا تسوي لي شي اتركني .. هدني يا محمد ما ابا اتعذب ويااك بس خلاص كافي عليه هاليومين كافي وحست بظييج في صدرها وتمت تتالم
محمد شاف عوشه ما تتكلم وسكت .. كمل دربه وعوشه تلحقه
مر الاسبوع وعوشه على هالحال ساكته عن محمد وما ترمس الا بكلمات بسيطه .. كانت محتاجه انها تتصل حق اهلها .. بس ما شلت تيلفونها ولا طلعت لها رقم
محمد كان يظهر كل يوم الصبح دور له على دكتور وبدى العلالاج عنده كانت تيه نوبات بس يهدي وكان الدكتور عاطنه تعليلمات يمشي عليها عشان يغدي انسان هادي
عوشه كانت تبا تقول لمحمد تبا تكلم اهلها ومحمد كان يحاول طول هالمده يراضي عوشه ومهتم فيها اهتمام واضح ..
عوشه بعدها تتألم من ايدها وعندها موعد عقب يومين عشان تسير صوب الدكتور
عوشه ومحمد يالسين في الصاله والهدوؤ عام من بينهم كانت الساعه 3 الظهر : محمد
محمد صد صوبها بسرعه : نعم
عوشه : اااااا ابا اتصل في اهلي
محمد تم يطالعها : وليش ما تتصلين
عوشه : ما عندي تيلفون
محمد : ليش ما يبتي تيلفونج ؟
عوشه : نسيته
محمد : اوكي خذي تيلفوني تكلميبه لين ايب لج رقم
عوشه : اوكي شكرا
محمد : عوشه انتي حرمتي وما في داعي تشكريني
عوشه ابتسمت : اوكي
محمد : يعلها دوم هالابتسامه ..
عوشه حست بأحراج : وياك
محمد : عوشه ليش ما نظهر
عوشه : وين بنسير
محمد : نحن عرسان يداد المفروض نظهر نسير نتشرى مب يالسين هنيه
عوشه تمت تفكر
محمد : ها شو رايج ؟
عوشه : اوكي
محمد استانس : اتصلي حق اهلج وبعدها البسي
عوشه : ان شاء الله
عوشه كانت ترمس في خاطرها عسى انها تكون بدايه طيبه يا محمد وعسى ربي يستجيب دعاي اللي ادعيه لك
-----------------------------------------------------------------------------------------------------------------
سيف يقول حق خواته : ما باقي شي عن موعد الطياره يالله
شيخه : انزييييين انته ساير لغربه المفروض كل ثيابك تكون اوكي واكيد الحين جوهم بارد لازم تلبس شي غليض ..
سيف : مشكوورين يالغاليات والله يخليكم لي
الكل : آآميين ..
سيف : يالله اسلم عليكم واستسمح منكم وادعوا لخليفه سلم عليهم كلهم
الكل : الله يعافييه وتردون بالسلامه
طلع سيف بموتره ومر على مايد وساروا بيت خليفه وكانوا مطرشيلهم سياير من المطار .. شلوهم وساروا المطار .. خلصوا كل اللي لازم يسوونه وركبوا الطياره وطاروا ...
سيف كان يالس في الطياره ومحطي ايده على خده ويطالع من الدريشه ..
وكان خليفه يالس صوب قوم سيف وشمسه في النص واخليفه عدالم والكرسي الرابع يالسه فيه اجنبيه ومايد وسيف عدال بعض
شوي خطفت المظيفه عليهم اول ما شافها سيف تخيلتله عوشه ما يدري ليش ؟!!!! حس انه المضيفه تشبه عوشه وايد
سيف تنهد : شو هالخيال اللي مب في وقته .. وبعدين عوشه وييين وهذي ويين ..؟! يالله يالدنيا .... تذكر كلمات الشله ؟؟؟؟؟

معقول تبعد كيف يا زين
وانت الهوى والقلب مرباه
اهواه عاد لي كم سنتين
وامشى على دربيه ولا اخطاه
واليوم شوفه وين يا ويين ..
وينه تراني ضايع بلالالالالالاه

سيف كان كلحين يصد يطالع خليفه ويتنهد ومتحسف على حاله
مايد صد صوب سيف : ربك مفرجنها يا بو سعود هذي بدايه الخير وان شاء الله ربك يعافيه
سيف : ان شاء الله ..... الله يفرج همنا ويزيح هم هزيج الام الرحوم
مايد صد صوبهم ويطالعهم : آمين
سيف :يا كيف هالحياه تاخذك يا مايد .. وتلتهي في ملذات الدنيا وانته ما تدري انه في يوم من الايام بيصيرلك شي جايد وبينسيك هالدنيا وما فيها ..
مايد : الله يرحمنا برحمته .
سيف : آمين .
حس انه يبا يكتب شي ... طلع من الهاند باق ماله نوته وقلم .. وكتب ..
قيود الشوق تغتالني .. هاهي مشاعري مسجونه تنادي بأسمك وتذكر حسنك ... أصابعي مقيده ليس بأستطاعتها ان تلمس طيفك .,. الذي يزورني كل لحظه ودقيقه وساعه
.. يتعذب قلبي بسببك يا أغلى ما ملك ..
جفوني تعاتبني وعيني تحاسبني واهدابي تلومني .. لانك تبتعد وتبتعد .. أرجع إلي يا رياحين قلبي .. فهو بلاك مكتأب ..وبلاك مرتعب .. وبلاك الطريق صعب .. وبلاك الدمع ينسكب ... وبلاك النار تلتهب ... تلتهب في صدري وفي احشائي بلا حطب ..
كل يوم اعبر عن حزني بذرف الدموع .. دموع من أنهار وبحار وسيول تنجرف من تلك العين التي بقت تنظر إليك طوال فترت معرفتها بك .. ترسل إشارات المحبه عبر الجفون .. وبلغت العيون .. واهداب تصرخ بجنون .. أحبك ..
الى متى هذا العذاب ,, وانت ملك لغري ومن المعقول ان لا افكر بك .. الى متى هذه السموم تأكل جسمي
آآآآآآآآآآآه .. هل من حقي اطلق هذه الزفره .. ؟!! سأعيد الكره .. زفرتٍ بعد زفره

سكر النوته بسرعه ومايد صد عليه : شو فيك
سيف : ولا شي
مايد : تفضفض شكلك
سيف تنهد : تقدر تقول جيه
مايد : سمعنا
سيف : أسمعك صوت قلبي ؟!
مايد : سمعني
سيف : أسمعك أحساسه ؟
مايد : سمعني
سيف ابتسم : مستحيل
مايد يظرب سيف : لييش
سيف : محد يقدر
مايد :انا طبجتك
سيف : الله يعافي من يقولها ( يطري خليفه )
مايد : امين
سيف : ولا اقولك
مايد : على هوااك يابوا الاكل مب فاضلك الحين
سيف : ههههههه الحمد لله والشكر
مايد : عليك
خليفه : ميود عليك بالعافيه ببلاش
مايد : هههههه بمال الدوله ابويه ما نحاتي
خليفه : هههههههههههههههه
سيف قال في خاطره ياربي تدوم هالظحكه عليك
----------------------------------------------------------------------------------------------
عوشه تطالع باسكن روبنز من بعيد وخاطرها فييه
محمد : تبين ؟
عوشه : هيه
محمد : حاااظرييين ما طلبتي بس مب جنه الجو بارد ؟
عوشه : ما عليه عادي
محمد : اوكي ولا يهمج
سارت عوشه ومحمد وخذوا لهم باسكن ويلسوا ياكلون
محمد : ما كلمتي اهلج ؟
عوشه : محد رد عله في البيت وما اتصلت في حد ثاني
محمد : اوكي اتصلي الحين
عوشه : اوكي
شلت تيلفون محمد واتصلت على فطيم وسيده فتح الخط
فطيم : الوو؟
عوشه : فطيييييييييييييييييييييييييييم
فطيم مب مصدقه : عووييييييييييييييييييييش حبيبتي والله
عوشه استانست : شحالج فطيم غناتي شعلومج
فطيم : الحمد لله انتي شحالج
عوشه : بخير ونعمه
فطيم : ياااااللله جييه العرس ينسييج اهلج
عوشه حست بغبنه : لا فطامي حبيبتي انشغلت شويه وانا بعد ما شليت تيلفوني
فطيم : اهم شي مستانسه
عوشه تطالع محمد وتغير صوتها : الحمد لله
فطيم : وينوه ريلج
عوشه ردت ابتسمت : هنيه عدالي
فطيم : سلمي عليه
عوشه : فطيم بنت خالي تسلم عليك
محمد : الله يسلمها ردي السلام
عوشه : فديتج والله فطيم وين امايه ويين حمد وحميد وسالم وابويه
فطيم : كلنا بنظهر
عوشه : وييين ؟
فطيم : عازمنا ابوج على مطعم في دبي
عوشه : يالله ما وديتوني ههههههههه
فطيم : والله فديتتج يا عويش اشتقنالج يوم بتردين ان شاء الله
عوشه : ان شاء الله اقولج عطيني امي
فطيم : لحظه بسير اوديها التيلفون
عوشه : اوكي
فطيم طلعت من حجرتها وودت ام خالد التيلفون
----------------------------------------------------------------------------------------------
خليفه كان وايد تعبان من السفره يحس ريوله ثجيييييله وجسمه ثجيل بعد ..
خذتهم سيارات السفاره على الفندق ورقدوا لين الصبح
نشوا الصبح وكان مايد وسيف روحهم في حجره وام خليفه وشمسه وخليفه راقدين في حجره
خليفه كان محمووم اول ما حطت ام خليفه ايدها عليه شافت راسه حار وزاغت
ام خليفه متروعه : شو فيك غناتي
خليفه يحس بجسمه تعبان : تعبان يا اميه تعبان
ام خليفه : شمسه تمي عند اخوج بزقر سيف ومايد
لبست وقايتها وسارت تربع لين حجرت سيف ومايد كانت متجابله وياهم
ام خليفه دقت الجرس
سيف ومايد كانوا راقدين اول ما سمع سيف الجرس عفد يفتح الباب
سيف : امايه شو فيج ؟
ام خليفه : خليفه يقولي انه تعبان وراسه حاار محمووم
سيف : شووووو الحين ياي انا الحين
سيف وعى مايد وساروا صوب خليفه وشافوه محموم ويصب عرق
سيف : امايه هاتوله ماي بارد وحطوه على راسه نحن سايرين نلبس ويايين
ركضوا تغسلوا ولبسوا وشلوا خليفه على الكرسي المتحرك وودوه سييده المستشفى
------------------------------------------------------------------------------------------------------
محمد : شرايج اول ندخل السينما وبعدين نتسوق
عوشه : ان شاء الله
محمد : عوشه متى بتسامحيني ؟
عوشه تضايقت : اسامحك على شو
محمد : على كل اللي سويته
عوشه : انزين انا ما زعلت منك
محمد : كلامج واسلوبج معايه يخليني اشك انج زعلانه عليه ومستحيل تسامحيني
عوشه : ربك يسامح يا محمد فكيف انا انسانه عاديه ما اسامحك . مسامحتنك بس بشرط واحد
محمد : أأأأمري كلي لج
عوشه : انا اباك تتوجه لربك .. انا يا محمد ما اشوفك تصلي
محمد تجهم ويهه وحس بضيق في صدره
عوشه : من ييت ما شفتك ركعت لربك
محمد تنهد : ان شاء الله يا عوشه بصلي انتي بس ادعيلي
عوشه : ان شاء الله
ودخلوا صوب السينما
--------------------------------------------------------------------

--------------------------------------------------------------------
بعد ما ودوا خليفه المستشفى وبعد ما سوو الفحوصات نومووه.. وكان يحاتج التنويم لانه تعبان وكانت الزياره بسيطه عندهم طلعوا من المستشفى وردوا صوب الفندق .. ام خليفه وبنتها دخلوهم حجرتهم
سيف : تامرونا بشي ؟
ام خليفه : ما يامر عليك عدو الغالي
سيف : انزين انا بسير آخذ ارقام وبسير صوب السفاره بشوف شو الوضع
مايد : انا بتم وياهم اذا يبون
ام خليفه : ما علينا شر يالغالي
مايد : يالله عيل فداعه الله بنسير وبني ان شاء الله ما بنبطي
ام خليفه : الله وياكم
مايد وسيف مشوا وهم في المصعد
مايد : الحمد لله هذي بدايه الخير يا سيف .. ان شاء الله يكون بخير وما يشكي باس ياربي ..
سيف : ان شاء الله

وسموحهــــــــــ
خويكمـــ
ـ غ ـــــــرشوبـ الـــــــــــبدو