|
. . . نوره : يعني شوه اسوي فالبيييت !!! اهناك مجابله اختي وعيالها ومرتبشه فيهم ... بو الود : شسويلج يوم انج ما تيبين عيااال ... بسج من الهياته .... نوره : حرام عليك وين اهيييت .. الا بيت اختي والله ما ظهر منه ...... بو الود : اقولج ......... نوره تحب راسه : خلاص خلاص الي تباه بيستوي ....... ماقدر ع زعلك ... بو الود يروق : زيين ..... قومي هااتي دله القهوه ........ واتصلي حق البنات ابا اعرف وينهن ..... نوره : سايرين عند مهره ..... يو الود : هيه زين يسوون عييل .... اول مره يظهر لهن مخ ويسوون شي زين ..... . . . . " هنوني هنوني ..... ياناس هنوني ..... حبيبي راجع لي .... وبتفرح عيوني .... في رجعته ليهـ .... بتنور الدنيا ..... خلوني اتهنى .... لالا تلوموني ...... واحشني قد الكون ..... بس انتو ماتدرون ... اخبي في قلبي ..... اشواقي وشجوني ..... وان حسيته حوولي ..... اطيح من طوولي ..." عزوه : الحمدلله ع السلامه ........ عبدالله : الله يسلمج غلاي ... انا الحين بركب ويا خليفه .... عقب ما اوصل البيت برمسج زين ؟ عزوه : اووكي حبيبي ..... تحمل ع روووووحك .... عبدالله : من عيوني ........ خليفه يتوايه ويا عبدالله : حيهم الملقعين .... عبدالله يبتسم : الله يحيييك .... ردييييت عيل مع اني ماكنت متوقع اجوفك ... خليفه : ذيااب ياب راسي البلاد ..... عبدالله يمشي الشنط ويسحبهن عنه خليفه : خله انا بشله .... عبدالله : لا اصبر ما بنرجع راس الخيمه . اتريا نسيبي بتوصل طيارته عقب شوي ..... خليفه : منو احمد ؟؟ ... عبدالله : هييه .... خلنا بنترياه .... . . . دنوه : حياااكم حياكم ...... " تزااعق " نوووري ..... تعالي شلي الاغراض ....... طبعا دنوه حرمت بيت شاريه اغراض من كارفور ... وعصاير وهالسوالف ....... هنوف قابضه ايد شهد : صعدي بعد بجا دري واحد ..... ام ذياب : مرحبا الساع ....... تو مانور البيت ....... حياكن حياكن ,,,,,,,, دنوه : امايا بنسير فوق بنصلي وبيرتاحون شوي وبنرد ننزل .... مهره يت ؟؟ ام ذياب وبعدها متلومه : لا بعدها مايت اتصلت لذياب خبرني انه طلعها وهم برع الحين .. هنوف : احسن ع الاقل ينسيييييييييها شوي ...... ام ذياب صخت .... دنوه : يالله نسير فوووق ...... ويصعدن فوق ....... خذن راحتهن في حجره دنوه .... فصخن العبي وصلن فرضهن ...... شهد : دخيلكن سون لي معروف وظهرن خلني ارقد ........... دنوه : هههههههههههههه بنظهر بنظهر ..... تلحفت عدل وغمضت عينها حليلها ورقدت في سابع نومه ........ اما البنات ظهرن الصاله الفوقيه .... بشيل بيض .... شغلن فلم طبعا مرشحتنه هنوف ..... ودنوه يابتلهم جبسااات وباابكورن وكوولا ...... واندمجن فالفلم ........... . . مهاري عاقده حياتها : وييين يايني ... الكورنيش فالحر !!!! ذياب يتنهد : زين ليش معصبه علي ؟ مهاري : مش معصبه ...... يقبض ايدينها تبعد ايده ...... عدلت السيت ويلست عدل ...... ذياب : مهوور ..... مهاري بعصبيه : ردني البيييت .... ذياب : ليش تعاتبيني ؟؟ حرام عليج ماستحمل منج هالاسلوب ,,. مهاري تتنهد : ذيااب مش فاايجه سخاافات .... ذياب عقد حياته : حبي لج صار سخافات .... مهاري : هيه ... في وقت مثل هذا سخااافااات ونص ...... ذياب يصد جداام .... : اوك .. وين تبين تسيرين .... " يطالعها " بيتكم ؟؟ مهاري تطالعه بقوه : هييه .. ذياب : .......... حرك السياره ...... كاااتم غيضه من الخااطر ........ والسكوت عاام المكاان ...... لين ماوصل .... اترياها تنزل وما قاللها شي .... مهاري ع طول فجت الباب ونزلت ..... بس حبيت بلوعه فردت يلست .... ما صدالها ... ولا حتى قالها بلاج .... كاتم غيضه ....... حاولت تقوم بس ماقدرت ..... اغمى عليها .... ذياب ربع صوب الباب الثاني ... وضرب ويهها ... : مهوور قومي ... دور عطر فالسياره وتم يرش يرش عليها ... ليش نشت ..... خذا التلفون وعـ طول اتصل فالدكتور ..... وقاله السالفه ...... تنهد وبند ..... ذياب رد ركبها السياره وسكر الباب .... مهاري بتعب طايحه : خـ لني .. بـ ـ ـ ـ نزل بيتنا ... ذياب : سياره اختج محد يعني مش فالبيت اكيد ..... مهاري : عادي بـ نزل .... ذياب يطالعها :زين بوديج قيصر كلي وبعدين ..... لانج مش ماكله ولا شي .... مهاري بعصبيه خفيفه تقبض ايديينه وهي منسدحه : ماااااابا ردني ... ذياب يخوز ايدها : بس عااااااااد .... عن الدلع .... لين متى بتتصرفين شرات اليهال...... كبري بس خلااص .. استويتي حرمه وللحين جيه حركاااتج .. غمضت عينها بتعب ...... بلعت ريجها وهيه تكتم في خاطرها حزن كبييير ..... كانت تسمعه يرمس ويطلب اكل .... خاطرها تقوله لاء وتصرخ عليه .. بس مافيها حيل ..... وصل المطعم ونزل ..... 8 دقايق وردالها .... سحبها وياه ودشو دااخل ...... |
كانت الطاوله زااهبه باألذ أكولات قيصر ..... عيش برياني ....... وسلطات حلوه ...... ومشويات .... يلسها حذاله ...... وقام ياكلها ...... واايد تعانده بس ياكلها غصب لين ماحست القوه ردتلها شوي ... سحبت لها شوكه : اقدر اكل روحي ........ طنشها .... وخلاها ع راحتها ..... المهم تااكل ...... حتى لو تعااندني ....... عقب الغدا اللذيذ ....... طلب لها شاي وطلب له قهوه ........ ذياب يطالعها : شو تحسين الحين ... مهاري تطالعه : الحمدلله ..... احسن .... ذياب : الحمدلله ...... صدت يمين ويسار ..... حسها ادور شي ....... ذياب : تبين شي ؟ مهاري بتعب : تلفوني ! ذياب: في البيت ....... " يعطيها تلفونه " ....... اتصلت ع الود ........ بس نو انسر ......!! . . عزوه : انته وين ...... راشد : فالتقنيه شوه تبين ؟. عزوه : مشغول ؟ راشد : عندي بريك الحين ..... شوه عندج ........ عزوه : مااااشي ضايجه ...... راشد : والمطلوب ؟؟ بيزااااات ماعندي ........ عزوه : ماااالت عليك من متى ابا منك بيزات ....... راشد : اتحرا .... ريلج بييج اليوم شعنه بعد هالضيج ... يلسي سوي شغالتكن وامزري ويهج بمادري شوه يسمونه ..... وتعدلي له ..... ع الاقل يوم يي يجوف وحده حلوه مايخاف ويتروع !! .. عزوه : هههههههههه والله ماتستحي ... راشد : ماعليه عاذرنج لانج اختي العوده .... بس لو كررتيها صدقيني بدفنج عن باب حجرتج .... عزوه : هييه لو غيري جان قلتلهن كلام ثاني ...... راشد : لا ثاني ولا ثالث ...... عزوه : بس ان شاء الله هاي الي مسنها sm تادبك .... راشد : وييييييه يعلني افداااااها وفدا روحها ..... الا هااااي ... هاي غير عنهن كلهن .. هاي الي شاله القلب صدق ... ماي سول ميت فديتها ...... عزوه : قال شوه سول ميت ... ان شاء الله تادبك ... راشد : ما تادبني ... تعشقني البنت .... عزوه : وداامك انته بعد عاشقنها شله ترمس غيرها ..... راشد : يوم تقهربي ترا ماستحمل تصرفااااتها ...... اليوم قااهرتني بعد بس ماعليه بطوفها لها عشان خااطرج بس ..... عزوه : 24 ساعه ترمس غيرها اصلا متى تلحق تضايج بك ! راشد: المهم هيه غير فديتها .... يالله فاارجي ... وينصحون سيجنال 2 ريحت حلجج حطمتني ... عزوه : تهبي والله .... راشد : سوالفج وايد حلوه الصراحه ..... عذريني بفوتها عندي خط ... باي ... عزوه : مالت بااي .. مادري شوه انصح توني ... راشد : لا تخافين هاي الحب ... عزوه : هيه ماشاء الله رقم 100 ؟؟ راشد : لا رقم واحد افا عليج اخوج يوم يحب يحب ترا .... يالله بندت هكي .. بندي بتصلبها ... عزوه : انزين انزين باااي ..... راشد : باي ... . . . . هنوف : ودووه جني سمعت تلفونج رن توه ؟؟ الود : والله ؟؟ بسير بجوف ....... " وتسير حجره دنوه " دنوه : وقفي الفلم بنزل تحت بطالع امايا جان وااعيه ولا .... وبرد ....... هنوف وقفت الفلم ....... : وين الحماام ؟؟ دنوه اشرت لها ..... : شي اهنااك .... واهني شي حجررره بعد واادخلها حماام ...... هنوف : اوكي شكرا ....... نزلت دنوه تحت ......... اما هنوف ........ دخلت الحماام ........... . . . دنوه : امااااايا وييينج ؟؟؟ ام ذياب : فالحجره تعالي ........ . . . طلعت من الحماام نشفت ايدها ... وقف قلبها ..... رااعي هالصوره اعرفه !! والله اعرفه ... وين جايفتنه يااربي ؟؟؟؟ اوييييييييه !!!!!!!!! راعي دوو !!!! راعي الكف !!!!!! مرت الذكريات كلها في بالها .... حست بروحها متصنمه ماتعرف شوه تسوي !!!! تجربت من البرواز اكثر ورفعته ويلست تتاامل ........ والله هووووووه ....... طاااخ ....... الباب يتسكر وينقفل ....... ........ : هييه هييه .... ههههههههه خلاص بكلمك عسبت نتفق متى نسير بااريس ...... " ويسكت وهو يجوف وحده جدااامه " ...... آآآ بكلمك عقب شوي ........ باي ..... هنوف ترتجف ومن الربكه طااح البروااز وانكسر ......... حمدان عاقد حياته : انتي بعد !!! لين البيت واصلتلي !! هنوف تعض شفايفها وصاااااااخه ....... حمدان يطالع الارض : شوه كسرتي ؟ هنوف : بدون قصد ....... حمدان : وين اصرفها هاي ؟؟ تدرين ان هالبرواز غالي علي ؟؟ هنوف عاقده حياتها : والله شسوي اقص ايدي يعني .... يوم انك ماتحشم ولا تعرف ادق الباب .. حمدان قابض ضحكته ووقف وقفه مايله .... : : وليش ان شاء الله ادق باب حجرتي ؟؟؟ وهيه تتكلم يالس يتاامل جسمها ...... ولبسها ..... حلووه ...... اثيريه ..... لابسه تنوره بيضا لكنها حفله .. ع اطرافها فصوص مطرزه بشكل كبيير وتلمع .... والقميص عنابي .... هاي نك ... ومطرر ع الايد شوي ... ولابسه ساعه جفنشي كبيره اليديده ..... وطالعه حلووه !! مع انها مش حاطه شي ع ويهها .... بس بيااضها يسد .. وعيونها ورموشها تجبر الواحد يتاملها ....... وكانت قصتها الطويله طالعه من الأرني ع الاطراف ... وزايدتها حلاه .... يلي غرامك هزني بين الاضلاع .... توبه اذا شقيت فرقاك توبه .... الله وهبك اوصاف واخلاق واطباع ... تسبي شمالي و خفوق وجنوبه ... هنوف برجفه اكثر : هااه ؟؟ حمدان : من قال هااه سمع .. هنوف : خلاص مااقصد ..... " نزلت تحت عند البرواز بتشل المكسور ... " حمدان يبتسم : خبله !ّ وربي ! شقايل بتعدلينه ؟؟ بتلحسينه بلسانج ؟؟ هنوف : تتمصخر .... لا بس بجوف جان شي شراته باخذلك اياه ولا مذلتك .. حمدان يبتسم : لااه ؟؟ اوكي ..... مابتحصلينه ..... وارااهنج ... هنوف : واذا حصلت ؟؟ حمدان يبتسم : لج الي تبينه ..... هنوف شلت قطعه منه جررح ايدها وطلعت منها : آآه ....... حمداان بصدمه يتقرب منها : سلامت رووحــــ ـ ـ .... وحس بروحه .... رجع ورا .... حمدان الي تدارك السالفه : انتي امنوه ؟؟ وشوه تسوين اهني ؟؟ هنوف : انا هنوف ...... اخت مهاري ........ حمدان عقد حياته : صدق ؟ هنوف : هيه ... حمدان يطالع صبعها الي طلع دم منه ......: تعورتي ؟؟ هنوف تطالعه : لاء ..... حمدان : كيف ماتعورتي الدم ينصب .... سحب كلينكس ..... وبكل جراءه سحب ايدها .. كاان يرتجف ويتلمس صبعها من خاطره ويغمض عينه ويـنظف الدم ....... عقب ما نظفاه .... سحبت ايدها بسرعه .... هنوف بعصبيه : انته قليل ادب ....... حمدان سكت وتم يطالعها ..... هنوف : والله ماتستحي ...... خوز عن ويهي ........ وتطلع من الحجره ........ بس شوي ردت له : حصلت شنطتي ؟؟ حمدان : هاه ؟ هنوف ترد له الصاع صاعين : من قااال هاه سمع ..... حمدان بصدمه : شووه ! هنوف ضحكت ع شكله وطلعت من الحجره ........ < حمدان ... شبلاني ماقادر اوقف !! بتذبحني هالبنت !! شوه ناويه علي !! اخ ماقدر ماقدر ...... دنوه : انتي وين كنتي ؟؟؟؟؟؟ هنوف : كيف اخوج اهني وماتقوووليلنا ؟؟ دنوه : اخوووي مادري عنه .... وبعدين عااادي لابسه شيله تراج ..... سكتت هنوف ....... . . . . ذياب : خوااتج في بيتنا الحين ... تبين تسيرين بيتنا ؟ مهاري تطالعه : ع راحتك .... ذياب يضرب ع السكان بقوه : مش ع راحتي رمسي وين تبين تسيرين ... مهاري بانفعال : ليش محرررج علي ... ذياب يصد لها ويحاول يتمالك نفسه : مش محرج عليج ..... قوليلي وين تبين اوديج . مهاري تصارخ : جهنم ادل دربها !!!!!! ذياب يردلها الصرخه : هييييه الحين براويج اياها ..... ويدوووووس ع الريس ......... 190 ......... 200 ......... 210 ........ 220 .......... 230 ..... مهاري سااااااكته ... مع انها خايفه بس ساااكته وهيه تجوف السرعه تزيييد اكثر واكثر ..... الحمدلله ان الشاارع فااااضي ......كان يسوق مايعرف لويين . !!! المهم يمشي ويطلع غيضه ..... 6 دقايق مرت وهو مااخفف سرعته .... دخل شارع الامارات ....... ويزيييد اكثر ......... ذياب يصاارخ : والحيين ارتااااااااحي من روحج وارتااحي مني .......... يغمض عينه ......... مهاري تدزه : بسسسسسسس عن الخبااااااااااااال ........ بتنفدناااا .... ذياب يصدلها ويصاااارخ : توووج تبين .... مهاري تصارخ : بس خففف خفففف ....... 240 .... 250 ......... مهاري تصارخ : ذياااااااااااااااااااب خفف خلااااااااص ....... ذياب : مااااابخففف ....... مهاري تصيح : خلااااص اسفه والله اسفه ...... وقف السياااااره وقف ......... 220 ..... 200 ....... 150 ........ 100 ...... تنهدت وتساندت ع السيت ...... . . . |
. . . " عطني الوفا ميعاد و احساس وشعوب .... ودي ارجع فيك كل الاماني ......" < حمدان .... عيب يا حمدان اثقل ...... وين تبا بتظهر للبنات !! .... عمرك ماسويته بس ليش هااي !َ! ياربي .... بتجتلني والله .. مادري شوه يايني عليها ... مافكر بشي .. بطل الباب وظهر ..... : احم هود هود ... دنوه : هدا هدا ..... هنوف تتحجب عدل .... وماتطالعه ... حمدان : اقول دنوو قولي حق الغبيه الي حذالج ترا شنطتها فالمحل عندنا خل تي تشلها ... هنوف تطالعه بقوه عين : محد غبي الا من قاااالها .. حمدان عاقد حياته : طبي لسانج انتي في بيتنا ؟؟ هنووف : شوه بتسوي يعني بتطردني ؟؟ حمدان : وليش لاء !! بيتنا واناا حر !! دنوه مستغربه ... اويه وايد ماخذين ع بعض ... هنوف تطالع دنوه : تدرين الغبي الي دوم اطريلج اياه .. طلع اخوج حمدان وانا مادري .... حمدان يبتسم وحطا ايده ع شعره بطريقه خبال : انا الغبي !! يالبويه ؟ يا ام طراقات ؟. هنوف الي حرجت ووشلت الريموت وفرته عليه بس زخه بايده بكل سهوله ... حمدان يبتسم اكثر: لااه ؟؟ ماتوبين انتي ؟؟ يوم نقولج بويه ماصدقين ... دنوه : بس انتووووو الاثنيييين ..... حمداان يمشي صوب الطاوله الي مجابلتنهم بكل خقه .. حطا الريموت بهدوء وصدالها ...ورد ارتفع .... واطالع دنوه : انا بسير ارقد ...... كتم بسمته ودخل الحجره ...... . . الود : مشعل !! خلاص برد البيت بكلمك ...... مشعل : ايييه سمندييقه انا عندج ! يوم تطلعين ماتقولين .. الود : والله صارت السالفه بسرعه يالله باي عيب في بيت الناس انا ومتخششه ... مشعل : ايييه تخششي .. شو الي فيها ..... الود : فيها قبااايل .. منقووود يلا يلا ... مشعل :ايه اوريييج انتي والمنقوود .... باي .... الود تضحك : ههههههه باي ..... . . . ذياب : خلاص غناتيه لا تصيحين .... حقج علي .... بس اسلوبج هذا ينرفزني ... يمسح دمعتها : بس حبيبي .... دخيلج .... تعذبيني بدموعج .... مهاري : وانت ماتقدر تستحملني يعني ...... اذا انته ماستحملتني منوه بيستحمل ؟؟ ذياب يقربها صووبه ويلمها ... : خلاص حببيبي اسف ...... مسحت دموعها ........ ذياب : فديت هالويه ..... " يبتسم " الاحمر .... شو ها انجلب لونج ... ابتسمت .... ذياب يبتسم : تذبحني هالابتسامه تذبحني والله ..... اروح فيها انا والسبه ابتسامتج .... مهاري : ذياب انا وايد احبك ... والله وايد احبك ...... الله لا يحرمني منك .... ذياب عقد حياته وتقرب منها اكثر : شوو ؟؟ شوه الي قلتيه !!! مهاري بعدت ويهه : بتسوي سوات ايطاليا ..... ذياب يكرر الحركه .................... : دامج بتقوليلي دوم احبك والله لاكررها واكررها واسويها بعد ... ويبوسها ........ مهاري بعدته عنها : وين نبا فنص الشارع ... يلا حررك ..... ذياب قبض ايدها بمكر : نحجز فـ فندق الحين ... مهاري عقدت حياتها وضربته ع جتفه بخفيف : عن المصاااااخه ...... ذياب يضحك : أي مصاااخه حرمتي ترااج .. مهاري فاجه عينها : بس انزين عيييب ... ذياب يبتسم : شوه العييب ..... مهاري : ذياااااااااب ... ذياب : فدوه لعيونج ..... انا ماقولج لاتقولين ذياب بهالطريقه .. ترا قلبي يرقع .... مهاري ضحكت ع اسلوبه فالمغازل : ههههههههههههههههه يه ! ذياب : حبج فشعني تفشيع ..... مهاري نقعت من الضحك لان هاي كلمه رشود ...... دوم يوم يكره وحده من البنات الي يرمسهن يقولها هالكلمه .... مهاري : علمك رشود ..... ذياب عقد حياته : شدخل رشود .؟ مهاري : ترا هوه كله جي يقول ...... ذياب : وتعرفين شوه يقول بعد !ّ! مهاري : يه ذياااب متعوده عليه ترااه ....... ذياب يقرص خشمها : حماره .... لا تتعودين ع حد غيري سمعتي ... مهاري مبتسمه : سمعت ..... ذياب الي الحين ساق : وين تبينا نسيرر ؟؟ وين في خاطرج .؟؟ مهاري : طالعه من المستشفى وين بتوديني ..... ذياب يزخ ايدها : أي مكاان ... بعيييييد بعيد عنهم ......... مهاري تبتسم : فديت روحك ..... ذياب يصد لها : لاااااا انتي شكلج ناويه ع روحج ...... ويرد يوقف السياااره ....... ذياب : تعالي تعالي .......... . . . غمض عيونك حبيبي ...... بقولك لك شي بس اسمعني بقلبك ... محتاج لك في حياتي .. ما اقدر بدونك ... او بختصر لك واقول احبك احبــــــــــــــــك .................. . . . |
. . . > احمد .... يالله فديييت دار زايد ......... يالله فديييت هالارض ........ كيف كنت ناوي ع الغربه ؟؟ وين اقدرلها انا ....... " يتنصخ من خاطره وهوه ينزل من الطياره ......." يالله فديت هالريحه الطيبه ... ريحه دار الغالين ............ .. . . عبدالله : مرحباااا الساااااع ........ تو مانورت البلاد ..... احمد مبتسم ويتخاشم ويا عبدالله : شحااالك ..... ويسلم ع خليفه ........ . . . راشد : انا لو ما تصل بج ما بتتصلين يعني ...... حتى لو .... مايهمني اقولج ....... اوكي ماعليه .... " يصاارخ " لا تعصبين بي اقولج .... ليش مااتصلين شرااات قبل وين اهتمااامج فيني ... زين يعني جذي ّّ ..... ماعلييه ...... ماااهددج بس قااااهرتني ........ حلفي ....... ولا انا اقدر ع زعلج والله بس ماتجوفين روحج قاطعتني ومااتتصلين ...... خلاص حبيبي ..... تحملي ع روحج ...... باي ......... . . . هنوف تطالع دنوه : الود وين ؟؟؟ دنوه تطلع من الحجره وتسكر الباب بشويش : رقدت ويا شهد .. حليلها ياايه من الدوام بعد تعبانه ...... هنوف : بسير اطالعها ... دنوه : شوه متملله مني يعني !!! اكيد راقده ولا كانت بتظهر ....... هنوف : نااقصني اشتري تلفون الحين ..... دنوه : ماعليه هاي شغله بسرعه .... هنوف : امنوه قااال !! لازم اختارلي وااحد ذوووق ...... وع الموضه .... دنوه : انتي خبله ..... شرايج نتصل فمهوور ؟؟ هنوف : اتصلت فودااوي قالها ذياب انهم طالعين يتمشون .... دنوه : عاااادي بتغالس عليهم ...... سارو صوب تلفون البيت ودقو ع السبيكر ....... ذياب : الوووووه ؟؟ دنوه : الفضائيه المصريه ؟؟!!! ذياب : لا الهنديه ...... اول مره اجوف هنديه تتصل حق مصر ؟؟ عاوزه ايه ؟؟ دنوه تضحك : هههههههههه هرم ..... انتووو وين ....... ذياب يطالع مهاري : فجميرا ........ شوه عندج تخربين جو معاريس ..... هنوف : احم ذياب شحالك ... ذياب الي تلوم .. وايد يستحي من خواات مهاري,, تغير صوته : هلا والله .... هنوف : ههههههههههههههه عادي عادي انا هنوف مافي داعي تستحي ... بالفعل ذياب الوحيده الي ياخذ عليها هنوف ..... ضحك ....... ذياب : مادري منو كان بياكلنا اليوم فالمستشفى ... هنوف : شسوي مارضا ع اختي ..... الود تزقر دنووه : دنوووووه تعالي بسرعه براويج وسايط طرررر .... ركضت دنوه الحجره عند الود .... وتمت هنوف قابضه التلفون ... بس بعده سبيكر وذياب ماشاء الله صوته عالي ....وضحكته شاله البيت ..... هنوف : خبرني وين مودي اختي هاااه .؟؟؟ ............................. الووه ؟؟ الوه ... حمداان زاخ فيشه التلفون : شعندج شاله البقعه وانتي تصارخين يعني مانرقد اليوم !! هنوف الي قفطت بزياده لان يوم صدت له كاانت ما لافه الشيله ع رقبتها ... بس حاطتنها ع راسها ... حمدان الي انتفض قلبه يوم جافها صدت له وناظرته ..... تم يطالعها ويطالعها ....... " ودي بس هالعالم يوقف معاك ...... واتامل انا فيك ولا تنزل عيوني ......... مادري والله جان صابني هوااك !! ... ولا انا مغروم بك ومفتوني ! ...... " حمدان وهو مسحور بعيونها : تدرين .... مادري شوه يصيبني لين اجوفج ! اختبص .... هنوف تطالعه بحيره : انته شوه يالس تقول ..... حمدان يطالعها بنظرات عاشق : كل ماجوفج يهز قلبي " ويحط ايده ع قلبه " هزز ... " ابتسم لها " بس لين اجوفج !! ومشى عنها وقبل لا يدخل الحجره رد صدالها : من شاف حسنج ردد غرشوبه وكلج جاذبيه ...... ودخل الحجره خلاها بعاالمها !!!!! حايره ...... !!! ولا تدري شوه تسوي !!! او بشوه تفكر حتى !! ...... . . . مهاري : ذياب استوووووت 5 ما صلينا العصر ولا الظهر ........ ذياب حاظننها من ورا : بنصلي .... وتمر عليهم نسمه هوا بااارده ....... اثنينهم غمضو عينهم ..... حب خدها بكل نعومه : احبج ... احبج ... احبـــــــــــــــــــــج ........ مهاري بعدها مغمضه عينها : واناا احبك واحبك واحبك واحبــــــــــــــك ......... ذياب قلبها يدق بالقو : ماستحملها منج وربي قلبي يرقص رقيص .... يشل ايدينها ويحطه ع صدره ...... : وربي .. وقلتلج اياها قبل .. ماينبض بقوه الا بقربج .... احبج مهور .... ذياب : يالله نسير ...... بنسير امرتس مول ... بنصلي اهنااك .. وبناكل شي ..... وبعدين بنشوف ..... بس قبل ماتدشين السياره تغسلين ريلج من هالرمل سمعتي ........ مهاري ابتسمت : واذا ماااغسلتها ...؟؟ ذياب يفكر وقابض ايدها : امممم بفرج برع السياره ... مهاري تضحك وتفج ايده وبكل دلع : هههههههه صدق .؟؟؟ عيل مااااابغسلها ...... ذياب يبتسم : لا تغسلينها ..... انا الي بفر عمرري . فديت هالدلع كله ..... لا تغسلينها ..... دشيها بالرمل .. تفدااااج السياره ويفداااج راعيها ...... كم مهور عندي ؟؟ الا .... 1 ... وياشر بصبعه ... 2 3 4 5 6 .... مهاري تشهق وتضربه ع صدره : حماااااااااار ,......... ذياب متخبل عليها ويضحك : ههههههههههه فديييييت روحج انا .... مالي غيرج والله ...... اممممموح " ويبوس يبهتها ...." ابتسمت له ...... وسارو صوب السياره ... . . . سعيد وهو متلحف : بوديج قلتلج لا تصدعيبي خليني ارقد ومن اقوم بوديج .. حصوه : لااااااء لاء لو رقدت اعرررفك ما بتنش لين باجر .... سعيد : جوفي حصاوي ...... بعد لين 4 لو ماظهرتي ..... حصوه معصبه : يااااااربيه لين متى .... سعيد : قلتلج بوديييييج يالله خليني ارقد تعباااان ......... سكرت الباب بقووه .... سعيد : آآآخ راحه الحين ........ ويغمض عينه ......... . . . |
. . ام ذياب : لالا والله ما تسيرون ..... تتعشون عندنا ....... الود : والله عموه ودي بس ابويه روحه فالبيت ... ام ذياب : لا تتعلثييين بابوج ... ماامداكم ييتو الظهر والحين تروحون !! لالا ... اختكم ماجفتووها .. قومن صلن المغرب الحين ...... وسولفو لكن شوي ومن ياذن العشا بحط العشا .... يالله ظهره بدون عشا ماشي .. هنوف تطالع الود : خلاص ساعتين زياده عاادي .... سيري ريحي شوي .. الود : ماعرف .... مش متعوده ارقد بمكان ثاني .... دنوه : عيل عودي روحج .... بتكثر هالمرات ... ام ذياب : هيه صدقها ... الود تبتسم : خلاص بسير فوق اواعي شهد وبتمدد ع السرير شوي ...... دنوه بتكرهين عيشتج .. دنوه معصبه : اقولج سيري فوق لا ادوسج فبنطنج الحين ... الود وهنوف : ههههههههههههه .... ام ذياب : بسير ازهب العشا ..... دنوه تطالع هنوف : امايا بني نساعدج .... هنوف : هيه عموه ..... ام ذياب : واااه مايستوي ... ضيفه يديده تخلينها ادش المطبخ .... هنوف : افا عموه تعديني غريبه !! ام ذياب : لالا فديتج بس ..... هنوف : لا بس ولا شياته بنساعدج .... الا جان خايفه ع مطبخج خلاص ما بدش .. ام ذياب تضحك : ههههه حياكم بنتي ...... ويسيرن المطبخ يتفلسفن وكل و حده تتفنن تسوي الي تعرفه .... هنوف طبااخه محتررفه .. هيه و الود الي يعرفن يطبخن بس .... لكن هنوف محتررفه بالقو .... لانها مدمنه تلفزيون طبعا .... وتشوف برااامج وايده ع الطبخ واطبق ... واستفادت وايد ....... سوت معكرونا بالبشاميل ... و سوت ورق عنب .. اما دنوه سوت سلاش فيمتو بارد ... و سوت سويت ... وام ذياب سوت سندويشات دياي وفيهن كمن بهاار ...... . . . راشد : هلا غناتي ......... شحالج حبيبي ... ولهت عليج والله ...... انا ساير البيت ...... هيه توني راد من التقنيه ...... فديتج روحج .......... والله انا بعد ...... تشكين بغلاتج !!! اوكي حبي .... بتريا اتصالج .... . . . . الود : استوت 9 !! ومهور مايت .. شكلهم ما بيوووون .... شهد : ماعليه خل يستاانسون ...... الود : هيه والله خل ينسيها ..... تدرين مشعل حرج علي ...... شهد : اكيد عشان سيرت المنار .... الود : هيه ماتعرفينه مايحب هالمكان ..... شهد ابتسمت ........ " الله يردك لي بالسلامه يالغاليي " : وداوي وين الحمام ؟؟ بسير اتييدد اصلي الفرض .. الود : هيه صدقج خل نصلي ... عسبت اوصل البيت ع طول ارقد .... شهد : لحظه .... ماجله رمضاان ما شتريناها ؟؟ الود مبتسمه : اصلا لين الحين ماحددو جان الاحد ولا الاثنين !! .. شهد : اتوقع الاحد ... الله يعينكم بدااومون يوم الاحد وانتو صياام ... الود : ماااعليه حلات رمضاااان وجو رمضاااان والله .... شهد تبتسم ..... الود : بدخل الحمام بتوضا ومن اخلص بوديج ......... شهد : اوكي .... وسارت عنها ... وهيه تفكر ........ فنفس هالوقت ..... بس قبل 3 سنين ...... احمد : يالله بسرعه محد يجوفنا ..... شهد تلقمه : هاااه كل ...... احمد يعض اصابعها : يمممممممم ... شهد : آآآآآآآيي ... احمد : ايدج احلى عن القيمات ...... يسحب ايدها ويمص الدبس الي ع اصابعها ..... شهد : والله انك مااااااااااااصخ ... الحين لو حد يا .... احمد : ابوج في بيتكم ... و البقر يالسات يطالعن مسلسل .... " يطالعها بحب " ماشي غيرنا .. شهد تير شعره من جداام : هيه ماشي غيرنا صيييع ... الكل يتعبد واطاع نحن شوه نسوي ... احمد : انا ريلج اصلا خلاص .... تشكين يعني ؟؟؟ انتي حرمتي ...... من انولدتي وانتي مكتوبه لي .. شهد تبتسم : يااااالله احمد متى نعرسسسسس ... ما بفااارجك دقيقه .... احمد : ولا انا بفااارجج دقيقه والله ..... بنقفل على عمرنا الباب وكله بنيلس ويا بعض ..... ولا بنسافر بعيد عنهم .... عشان اصاااااارخ كل يوم برع واقولج احبج شهااااادوه ...... شهد تضحك : بتقول شهااادوه والله برفسسسك ...... احمد : رفسيني بضربج جدااامهم .... شهد تمثل انها زعلت ........ : تضربني ... من الحين تقول جي .... احمد : فدييييييييييتج والله يعل ايدي الشلل لو مديت ايدي عليج ..... شهد : بسم الله علييييييك يا روحي .... احمد : يعلني يا شهد اموووووت ولا اذوق في يوم حزنج ... شهد : بسم الله علييييييك خلاص حمداااني .... بس عاد ... احمد : والله ماتخيل في يوم بفاااارجج فيه ... شهد : الله لااا ييب هاليوووووم لا تفاول ع روحك ..... بس حبيبي الله يخليك .. احمد : ان شاء الله يومي قبل يومج مابا اصيحج في يوم .... شهد : وتباااااني اصيحك يعني .؟؟؟ لا ان شاء الله يووووومي قبل يومك ........ احمد يقبض ايدينها الهنتين بكل حب : ان شاء الله .. ربي يمدني العمر الطوييييل الي ويااااج .. ويسعدني ونستاااانس في حيااتنا ....... واييب وليييد ...... ولو كتب لنا الموت .. ينكتب لنا ان شاء الله في يوووم واااحد ومع بعض ..... ولا حد يصيح ع الثاني ويتعب ع فراقه ...... شهد : امين ان شاء الله .... بس حبيبي من هالطاري .... وتنزل دمعتها .... احمد : حبيييييييبي انتي ...... اضرب عمري ؟؟؟شو تبيني اسوي .... شهد : لاحبيبي لا تسوي شي .... احمد يمسح دموعها : فديت هالعيون ياااااربي .. روحها عيون هالكبر تخلينها تذرف ليش .. ههههههه شهد : تعيب ع عيووووووني ؟؟ ماعليه احمد : سااااحرتني عيونج يعلني فداااها ياربي ............ . . . الود : شهد ليش تصيحييين ............ شهد تمسح دمعتها : مااصييح ... الود : شوه ماتصيحين .... اجوفج شاقه الحلج وتصييحين .. شهد : عميا !! اشدراني ااذا شي دخل في عيني ... اكيد شي دخل ودمعت ..... الود تعض ع شفاتها : شهالكلام ...... حمدي ربج الغلا .... شهد : الحمدلله والشكر ...... لا تخافين انا مول مش زعلانه .... عينن بلا شوف احمد ماريدها .... الود تننهد : يالله حبيبتي قومي عسبت تصلين ....... . . . ام ذياب : مااااشاء الله عليكن يالبنات والله ابدعتن ..... ولا طباااخج يا هنوف . امرره ما عقبه طباخ .. هنوف تبتسم : احم .... ام ذياب : بسير عنكن اصلي .... هنوف يالسه تجيك ع البشاميل فالفرن .. دنوه وهيه تعابل فالسويتات والجيلي ...... : بنخلص وبنصلي نحن بعد .... ام ذياب: هيه لا تاخرن صلاتكن ... < حمدان ...... شهالزين .... آآآخ ريحه طرر .... ماستحمل ...... والله عذاب ياا ناس .... شوه هالاكل ... فديتج يا اماااااايا ..... فديتج والله ..... وفديت طبااااااخج ...... دنوه : تدرين هنوف ....... حمدان اخوي الوحيد الي ما ياكل من ايد الشغاله .... هنوف : ويه شعنه بعد هالخقاق يجز ....... دنوه : مش سالفه يجز .... مادري بس والله يوم تسوي الشغاله يعرف .... ياكل لقمه ويقول حق امايا انتي مش طاابخه وما ياكل .... وحتى امايا تنجبر تطبخ عشان ياكل ... ماتجوف معاااناتي الصبح وياااه ... كل شي انا اسوييييه .... والله يتعبني .......... هنوف : والله لو مكانج احطله فلفل فالاكل عشان يتادب .... حمدان يبتسم : والله دام قلبج اسود اختي فيها خير ما بتضر اخوها ..... هنوف ع طول عدلت شيلتها ..... " ياربي شعنده ها ويايه " ....... وييلس ع الطاوله الدواريه الي فنص المطبخ ..... : شوه مسوين ماشاء الله .. اشم روايح حلوه .. دنوه : كل شي تحبه ...... حمدان : مسوين بشااميل !!!!!! هنوف تطالعه : هيه انا مسوتنه ... حمدان عاقد حياته : وغاسله ايدج ؟ هنوف بنفس نظرته : اكييييد غاسلتنها شوه تتحراني وصخه ... حمدان : يمكن .. هنوف ترص ع الصحن الي بيدها : اللهم طوووولج ياروؤؤؤؤؤؤح ..... دنوه : والله لو تذوق طبخ هنوف بتاااكل روحك عقبه ..... حمدان : ان شاء الله ما تسمم بس ...... هنوف عقدت حياتها : يعلك ماااكلت .... حمدان ماقدر ايود ضحكته وانفجر ضحك ....... هنوف في خاطرها " ضحكت من خشمك " ...... دنوه تغسل ايدها : خلصتي ...؟؟ هنوف تطالعها برعب : وين سايره ؟؟ دنوه : بصلي .... هنوف : زين اتريي لين اخلص ...... حمدان حطا ايده ع شفاته ايود ضحكته .... دنوه : زين شوه بيااااكلج ..... لا تخافين أألييف ما يعض ....... هنوف : دنووووووه ..... بس النذله مالها اثر ....... حمدان يبتسم : انزين يا هنوف .... هنوف وهيه تعدل ف ورق العنب : يااا نعم ان شاء الله خير ., حمدان : هههه ... زين اعصابج علينا ..... يعتدل بيلسته ... وييلس يلعب بشعره من جداام .. ويحركه شعره شعره .... هنوف خلصت بسرعه ... وغسلت ايدها عدل ..... حمدان : ع وين العزم ؟؟ هنوف : ياااااربي ... وانته شلك .... وعقب حررج علي وعق علي كلام سم ... حمدان يوقف مجابلنها : عقيت عليج كلام سم !! هنوف تطالعه : هييه ....... حمداان مبتسم مايقدر يضبط روحه جدامها : متى ؟ هنوف : ابا اعرف ليش هالابتسامه العبيطه ؟؟ حمدان يبتسم اكثر ويحط لسانه ع التقويم بطريقه حلوه .... تزيده حلا ... هنوف : ترااويني هالحديد يعني ؟؟ مستانس عليه ؟؟ يالله خوز خوز بمر .... يسير حمداان صوب باب المطبخ ويسكره ويتساند عليه .... حمدان : يالله راويني كيف بتظهرين ؟؟ هنوف تتنهد ... حمدان مبتسم ..... < حمدان .. اول بنت ياحمداان ماتبا تجوفك .. اول بنت تمد ايدها عليك ...اول بنت متملله ومتغصصه منك ...جماال .... وجسم حلوو ..... واسلوب ناادر .... عصبيه وتحدي عذااااب ... احلى شي فيها ..... تحديها وعنادها علي .... اتخبل عليها لين تطالعني باستسلام .... انا الي ما ابتسم ّ!! قامت الابتسامه ماتفارجني لين اجوفها ....... صدقك يا عمور ..... شكلها انولدت الي تيب راسك ياحمداان ..... |
| الساعة الآن 09:21 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir