منتدى استراحات زايد - --{ عِِـيٌـٌِِِـِوِن أَحْـــمَـــدْ .~

--{ مرحبا السآع .~

شحالكم .. عساكم بخير ؟؟

اول شي السموووووووووحه ع التأخير =)

اتمنى انه الجزء يعيبكم =)

ملاحظه : سوري بس خلف يستوي عم ميثا و قوم احمد .. يعني يستوي اخو ابو ميثا و اخو ابو احمد ج و ابو احمد س =) .. السموووحه لو لخبطيييتكم =) ..

..

اول ما يلست ميثوووه ..
روضه : ايه يالمستخفه تخبلتي داشه المطعم ويا منو ؟؟؟
ميثا : بسم الله كلتيني .. هذا عمي خلف =)
روضه : قولي والله !!
ميثا : والله .
روضه : ميثوووه شوفي ويا منو يلس !!!
ميثا : اويييييييييييييييييييييييييييييييه .
روضه : شو بلاج ؟؟
ميثا : ما ابا اقووولج انه اللي خلف يالس وياهم يستوون عيال عموومتج !
روضه : جذااااااااابه .. نو ويي !!
ميثا : يس ويي .. حبيبتي انا متنشده قتله شو تسوي ياي هالمطعم قالي متواعد ويا عيال عمي يمعه و عيال عمي سعيد !
ميره : لحظه لحظه .. شو تقولين انتي .. يعني الشله اللي كانت ترقمنا و بالأخص هذاك المغازلجي يكووون ولد عمج !
ميثا : هيه .
مهره : اقووول شو رايكن بكرامتنا نشرد بسرعه .. لأنه صدق احس الموقف محرج .. و خصووصياً مشاءالله عليكن طالعين بقصيصكن اليوم .. و متكشخات !!
روضه : و انا بعد اقوول هالرمسه عن ما يووصل الخبر انه نحن طالعين بقصيصنا عند مطووور اخوج !!

.. و بجيه البنات بسرعه طلعو من المطعم و المول و سارو البيت ..

.:. اما عند الأولاد اللي ما انتبهو على خلف يوم دخل المطعم ما عدى احمد ج اللي انتبه انه في بنت شكلها مب غريب دخلت ويا خلف المطعم .:.

احمد س : حي الله عمي الصغير .
خلف: صغير في عينك عمري 16 و تقوول صغير .
حمد : ما عليك منه ما تعرف احمدووه دوومه جيه !! طاااف وحياتك !!
احمد ج : المهم .. خلووووف بتخبرك في بنت داخله وياك .. منو هاي !
خلف : هههههههههههههه ,, ما بقووولك !
احمد س : اندووكـ انت .. هذا بعد مب هين دااخل المطعم ويا بنت .. و ما يقوول بعد .. اقووول بسرعه ارمس !
خلف : مدامك رمست .. خلاص هونت ما برمس ما بقوول منو هاي البنت .. نحححاسه فيكـ !
احمد س : بتقوووول غصبن عليك .. تعرف ليش ؟؟ لأنه ولد اخوووك يحبك يخبرك كل شي .. يلا خبره منو هالبنت ؟ ( يقصد عمره )
خلف : يلا يلا .. انا الياهل لا .. ما عليه الياهل ما يبا يقوولك شي .
احمد ج : ما عليك منه .. خله يولي .. يلا قووول .
خلف : والله لو انك يا بوشهاب مب غالي جذ ما رمست .. انزين بقووول منو هاي البنت .. بس عندي شرط !
.:. احمد ج اتذكر انه البنت اللي شافها ويا خلف هي البنت اللي عيبته اللي كانت تمشي ويااالبنت اللي رقمها احمد س .. احمد ج ياه فضووول اول مره اييه هالفضول .:.
احمد ج : خلف آمر تدلل .. طلباتك اوامر قوول .. البووك يفدااك !
! الكل انصدم اول مره احمد ج يسئل عن بنت جيه !
خلف : مشكوور بو شهاب بس الحمدلله البيزات من فوقي و من تحتي .. ابا شي ثاني =)
احمد ج : قوول شو تبى .
خلف: قول تم .
احمد ج : تم .. خلف اعنبووك تعرفني اني قد كلمتي .
خلف : معلووم بو شهاب .. بس اباك توصلني المدرسه الصبح و تردني .. و تطلعني طوول هالإسبووع بس .. يعني بلأحرى ابا احجزك\طووول هالإسبوووع و اباك تكشخني بسيارتك =)
احمد ج : حااضر و من عيوووني .
احمد س : ما عندك سالفه بوشهاب يومك مخلي هالياهل يقص عليك .
خلف : موووت قهر هب قايل جدامك .
احمد س : خلف فديتك تعرف اني اتمصخر وياك .
حمد : ما اقوول غير الله يعين اختي عليك ..صدق بتبتلي فيك بلوه !(( احمد س محير حق مريم اخت حمد و احمد ج ))
احمد س : فديتني .. غرشووب و الكل يتمناني .
احمد ج : ذبحتنا غرشوب و غرشوب بس درينا عاد !
خلف : اووه لا الحين ها شو بيسكته .. والله درينا انك غرشوب ..
احمد ج : خلف ما عليك يلا قوول منو هاي ؟
خلف : الله يسلمك .. هاي ميثا بنت اخويه مطر
احمد س : معقوووله .. بسرعه كبرت .
خلف : انت شو تتحرى كل الخلق يتموون صغار ما يكبرون .
احمد ج في خاطره : و انا اقول ليش ياربي شكلها مب غريب ! ..
احمد ج : و هي شو تسوي هني ؟
خلف : يايه المطعم ويا اختها و بنات .
حمد : يعني هي يت هني المطعم .
خلف : هيه .. عيل كيف احمد ج كيف شافها !
حمد : لحظه هي يوم دشت وين سارت .
خلف : هاي الطاوله اللي ورانا .. اللي مجابله احمد و احمد .
حمد : اونه .. هههههههههههههههههههههههههههههههههه
الكل : ضحك .
خلف : شو بلاكم ؟
احمد : ما بقوولكم انه االغرشووب احمد (س) . ملعوز البنات و لاحقنهن و ما يأس يوم شافهم مب معبرينه !
خلف : هههههههههههههههه .. الله يفضحك يا احمد (س) !!
احمد ج : هههههه .. عشان يوم اقوولك هد هالسوالف ما تصدقني .. وش لك في بنات الناس .
احمد س : اوووه عاد استوى اللي استوى .. بس صدق مالي ويه جداامهم .
حمد : اخ عليك .. شو بيقوولون عنك محير حق بنت عمه و يغاازل !!
احمد س : خلووني استمتع بحريتي .
.. و طلبو الأولاد الأكل و تمو ياكلووون ..
احمد ج (في خاطره ) : يعني البنت اللي عيبتني طلعت بنت عمي و فوق ها كله اسمها ميثا !
.. خلصو الاولاد اكل .. و كل وااحد رد بيته ..
.. يوم الجمعه الظهر ..
.. نشت ميثا الساعه 11 تسبحت و لبست مخوره و استوت الساعه 1 .. لوول سنه لين ما تخلص .. و تدخنت و نزلت الصاله ..
ميثا : السلام عليج مرت مطر .
ام مطر : و عليج السلام بنت مطر .
ميثا : شحالج امايه ؟
ام مطر : مانشكي الياس .. انتي شحالج بنتي ؟
ميثا : الحمدلله بخير .
.. ..
ميثا : امايه .
ام مطر : هلا بنتي .
ميثا : امايه ابوويه ما اتصل .
ام مطر : البارحه متصل .. بس كنتي برع البيت .
ميثا : ما قال متى بيرد ؟
مطر : بعده اسبوع .
ميثا : مب سفر هااا .. و مب حاله هاي يسافر بالشهر و ايينا اسبوع و اسبوعبن !!
اام مطر : انزين يا امايه مب بإيديه .. الشغل ترى .
ميثا : الشركه شركته يقدر يوكل أي حد يشووف شغله و يسافر عنه .
ام مطر (قلبها عورها ع بنتها): تعرفين ابووج ما ايوزله أي حد يسويله شغله .

.. تضايقت ميثا و ردت تسير حجرتها ..

.. شويه و دخل مطر الصاله راد من المسيد ..
مطر : السلام عليكم و رحمة الله و بركاته .. شحالج امايه ؟
ام مطر : و عليكم السلام .. الحمدلله .. شحالك ولدي ؟
مطر : بخير يسرج الحال .. شو بلاها بنتج محتشره ؟
ام مطر : والله انها غامضتني يا ولدي .. دوومها تسئل عن ابووها و متى بيي .. و ابووك بعده مب رااد .
مطر : بنتج بعد بطراانه يعني ما تعودت ترى ابوويه دوومه مسافر .
ام مطر : تعرف تراها بنت و صغيره .. يلا انشاءالله اسبوع و بيرد ابوك .
مطر : انشاءالله .. انا بسير اشوف مي و العيال .
ام مطر : زين .. يلا ازقرهم حق الغدى .

.. و سارت ام مطر تقووول حق البشاكير يحطن الغدى ..

. . شوي و ينزلن البنات روضه و ميره و مهره ..

روضه : بسم الله .. وين الكل مختفي ؟
مهره : والله انا علمي علمج .
ميره : روضوه بيتكم يخوف .. عوود و فاضي كل واحد في حجرته .. و هدوووووء .
روضه : ههههههه .. تعودنا !

.. شوي ويت مي و عيالها سعيد و لميا ..

روضه : ع طاري الهدوووووء وصلو الحشره =) .
ميره : فدييييييت سعيد و لموووي .

.. و سلمو البنات ع مي و تمو يلعبوون ويا اليهال .. شوي و حطو الغدى الكل سار غرفة الطعام ..

.. على الغدى ..
ام مطر : ويدي ما تتغدووون لين ما يووصل سعيد .
مهره : خالوه .. سعيد اخويه بيي ا ؟
ام مطر : هيه يا بنتي انا البارحه قتله ايي يتغدى عندنا .. بدال هالسم اللي يأكلووونه اياه في السكن مال الجامعه ..
مهره : اها .
ام مطر : كوووماااااااااااااري .
كومااري : نأم ماماه !!
ام مطر : سيري ازقري ميثا و قوليلها تنزل تتغدى لأنه بابا سعيد بيي .
كوماري : انشاءالله ماما .
.. وسارت كوماري فوق تزقر ميثا ..
كوماري : ميسا .. ميسا ..
ميثا (غفلت شوي) : هاا .
كوماري : ماما قوول تآلي تهت هق غدى .. بابا سائيد الهين يجي .
(( ماما تقول تعالي تحت حق الغدى .. بابا سعيد الحين بيي ))
ميثا : قولي حق امايه ماااااااريد .. تعبانه .
كوماري : ماما قووولي انتي لازم يجي .
ميثا : اف اف اف . نعم سيد سعييد شو يايبنه الحين .. يعني لازم نسويله استقبال!!

.. سارت ميثا عدلت كشتها و غسلت ويها و نزلت عندهم تحت ..

.. اول ما دخلت ميثا غرفة الطعام لقت سعيد في ويها يالس ..

ميثا : السلام عليكم .
الكل : و عليكم السلام .
سعيد : شحالج ميثا ؟
ميثا : الحمدلله يسرك الحال .. الا انت شحالك ؟
سعيد : الحمدلله .
سعيد (في خاطره) : بسم الله شو بلاها جيه .. شكلها مطنجره .. !
ميثا ( في خاطرها ) : وابوويه .. شو يشووف ها !! ما اداني حد يشوفني و انا آكل .. الواحد ما ياخذ راحته في هالبيت !

.. الكل خلص أكل و تيمعو في الميلس ..

سعيد : مشاءالله عليج يا خالووه أكلج ما شي منه .!
ام مطر : حياك ولدي دوووم تعال تغدى عندنا .. بدال هالسم اللي يأكلووونكم اياه.
سعيد : لا خالوه مابا اثجل عليكم .
ام مطر : اعنبوووه شو تثجل علينا .. خلاص كل جمعه غدااك عندنا .. و حتى في ايام اللإسبوووع تعال تغدى عندنا .
سعيد : انا ما يوالمني ايام اللإسبوع .. بس ولا يهمج خالوه .. بييج ياليمعه .
مطر : شو رايك نطلع العصر .
سعيد : والله انا ما عندي مانع .
مطر : خلاص عيل عقب بنقرر وين بنطلع .. اسمحلي عيل انا بسير ارقد ساعتين بريح .. ومن عقب بنطلع .
سعيد : انشاءالله .
..
شوي بدو البنات يتقلصن .. كل ساعه وحده تسير فوق .. لين ما كلهم سارو و تمت ميثا .. قامت ميثا بتسير ..
ام مطر : ميثا وين سايره ؟
ميثا : فوق ..
ام مطر : عندج شي ؟
ميثا : بسير ارقد .
ام مطر : بسج رقاااد .. انتي حياتج كلها رقاد .
ميثا : ما عندي شغل شو اسوي .
ام مطر : يلسي ويا ولد خالتج بدال لا ترقدين .
سعيد : ما عليه خالوه يمكن تعبانه ؟
ميثا : لا عادي مب تعبانه .
سعيد : سيري ما عليه .
ام مطر : خلها ما عندها شغل .
سعيد (في خاطره) :يا ربي يا خالوه لازم تحرجيينها .. حليلها شكلها تعباانه .

.. شوي ام مطر قامت و كل عاده وظيفة ميثا تيلس ويا الشيخ سعيد تضيفه ..

سعيد : ميثا شكلج تعبانه سيري ارقدي .
ميثا : لا عادي .. ما فيني رقاد ذاك الزود .
سعيد : ميثا حلفت عليح سيري حجرتج ارتاحي .. اعنبووه الا انا في بيت خالتي .. سيري ما عليه .. الحين بينش مطر .
ميثا : مشكوور سعيد .. و السمووحه والله اني مفتضحه منك .
سعيد : ماعليه يلا سيري .. و غمزلها ( يعني خليها علي انا بتفاهم خالوه )

.. و سارت ميثا حجرتها رقدت ..

الفليل الساعه 11 مطر و سعيد ردو البيت .. سعيد زقر خواته عشان يروحون وراهم درب بوظبي ..
مطر : خاف ربك وين بتسرح بهالبنات على خط هالوقت انا اقووول تم هني احسن و بالصبح روحو .
ام مطر : ويديييي جيه انته ناوي تروح هالوقت .
سعيد : هيه خالوه عادي .
ام مطر : لا يا بويه اخاف عليكم من هاييل الشاحنات تعرف انت هالوقت اغلب اللي في الشوارع سكارى .. والله ما تطلع هالوقت و مثل ما قال مطر باجر جان تبا روح .. ارقدد في غرفة الضيوف ما عليه .. البيت عود .
سعيد : مشكووره خالوووه بس السموووحه واايد ثجلت عليكم اليوم !
ام مطر : اعنبووه انت ولدي و البيت بيتك .
سعيد : مشكووووره خالووه .

سار سعيد الحجره يريح من الأساس كان شال شنطه فيها ثيابه لأنه بيسير بيتهم اللي في بوظبي .. المهم سار سعيد يتسبح و يستريح .

نشت ميثا من الرقاد صلت و بدلت ثيابها لبست بجاما (بنطلوون وردي فاتح حرير عليه سبالو حاط تقويم و فانيله ساده كت عاديه وردي فاتح) ..

ميثا : اف يا ربي .. ملل .. قوم ميره اكيد روحو .. خلني افتح المسن احسن لي ..
و جيه ميثا فتحت اللاب ..

ميثا : يا ربي شو بلاه النت ما يشتغل ؟ .. شكلي بنزل تحت اشوف سالفة المودم .. و بالمره بدور لي شي آكله .
.. ميثا نزلت تحت ..
ميثا : شو سالفة هالمودم .. نحاسه يوم ابا ايلس على النت ما يطيع يشبك ! .. ببنده و برد اشغله .. بسير اييبلي شي آكله من المطبخ الداخلي لين ما يشتغل ..
.. سارت ميثا المطبخ الداخلي اللي هو مفتووح على الصاله ..
تمت ميثا تحوط في المطبخ ما عرفت شو تبا .. جان تفتح الثلاجه ..
ميثا : ياربي شو آكل .. الله !! باسكن ربونز .. خلني اطلعه .

.. حست في شي وراها ..

!!!! يوم صدت وراها لقت سعيد وراها واقف يشوووفها شكله من فتره واااقف !!!!

ميثا :ااااااااااااااااااااااااااااااااااااااااااا .. طاح الآيس كريم من ايدها .. بسرعه ركضت فوق !

سعيد : شو بلاها جيه تشوفني .. كأنها شايفه جني جدامها .. يا ربي سامحني ما كان ودي اشوفها بدون شيله بس ما قدرت ايود عمري .. بس شكلها كاان روعه طفووولي .. كيووت هي و بجاامتها الغبيه !!!

.. اما عند ميثا .. كانت منحرجه من الخاطر .. لأنه شافها بدون شيله و لاااا مب مستره بعد !!

ميثا : يا فضيييييحتيييي !!! الحين شو بيقوول عني !! .. اللي قاهرني الحمار يالس يشوووف و لا قال انه هني ع الأقل بنخش عنه .. بتصل حق روضه لنه اكيد اذا سعيد هني يعني قووم ميروه هني بعدهم ما روحو !! ما فيني اطلع من الحجره اخاف اجابله ..
ع الفووون
روضه : هلا ميثووه شو بلاج ؟
ميثا : حسبي الله ع بليسكن .
روضه : اييه شو بلاج انطقي .
ميثا : قووم ميروه هني ؟
روضه : هيه .
ميثا : محد يعرف يخبرني ؟
روضه : شو نسويبج كنتي راقده .
ميثا : المصيبه انه سعيد هني و شافني بدووون شيله و يا ليت بعد كنت مستره !!
روووووضه : هههههههههههههههه .. تستاهلين .
ميثا : يا حماره انا في حاله و انتي في حاله .. المهم خلينا شو رايكم توون تسهروون عندي ..
روضه : ماظني .
ميثا: شوفيهم .. يلا بنسهر سهره ختاميه .
روضه : يلا يايينج .
ميثا : انزين ما اوصيكم ييبو مؤونة اكل وياكم يووعانه =(

.. سارو البنات اييبوون اكل و كل وحده شاله لابها و فوونها .. طبعن كلهن تيمعن في حجرة ميثا .. يلا عاد حفلة استوت هناك اكل و رقصو و شافو افلام و صلو الفجر و رقدو .. كانت صدق من الخاطر بيجاما بارتي ..

السبت 10 الصبح ..

سعيد : صباح الخير خالوه ؟
ام مطر : صباح النور .
سعيد : ما نشو البنات خالووه .
ام مطر: لا بعدهم .
سعيد : خلهم ينشن عشان بنتريق و بنتحرك انشاءالله .
ام مطر : انشاءالله ..
ام مطر زقرت البشاكير يوعون البنات .. نشن البنات و شلو اغراضهن نزلن يتريقن تحت .. ما عدى ميثا اللي ما طاعت تنزل عن ما تجااابل سعيد ..
شوي سمعت ميثا صوت سياره تحركت .. يعني اكيد هم تحركو .. نزلت ميثا تحت عشان تتريق .. طبعن بعد ببجاما بس بجاما ثانيه .. صبتلها حليب يلست جان تشووف سعيد طالع من حجرة الضيوووف شافها ابتسم >.< .. ميثا قفطت من الخاااااااااطر لأنه مب اول مره يشووفها جيه .. طاف سعيد من عدال ميثا و هي قافطه
..
سعيد : اتعودي اني اشووفج جيه .. عاادي ترى في المستقبل ما بتحتايين تلبسين شيله جدامي !!(( ضحكلها و روح ))
ميثا هني بطلت حلجها .. ها شو يقووول شو يخربط .. شو قصده بكلامه ها .. في المستقبل ما بتحتايين تلبسين شيله جدامي ..
أااااااااااااااااااااااااااااااااااااااااااااه .. الجلب توني افهم شو قصده !! شو يعني يفكر ياخذني !!بس انا .. يا ربي شو هالموقف .. اشرب حليبي و اتسبح احسنلي ..

.. اما في بيت يمعه احمد الـ****ي ..

عفرا : امايه انا ملانه .
ام حمد : سوي شي لا تمين جيه يالسه .. اتصلي حق خالتج ( ام احمد س ) خلها هي و عيالها ايوون =)
عفرا : هي والله يبالي =)
.. اتصلت عفرا بـ أم احمد س و عزمتهم .. و هم ساكنين في نفس الفريج تقريباً فوصلو بسرعه ..
وصلت ام احمد س و ولدها منصور و عبوود طبعاً ياي رزه .. اون يتعلث ياي حق خلف و من هناك عشان يشوووف عفاري و يلعوزها =)..
ام احمد س: هلا عفاري شحالج ؟
عفاري :اهلين .. الحمدلله بخير شحالج انتي ؟
ام احمد س : الحمدلله يسرج الحال .. عيل امج وين ؟
عفاري : امايه يالسه فالصاله اللي فوق .
ام احمد : خلاص عيل انا بسير عندها ,
منصووور : ماما . . ابا آفــاري =( . . (( و بوز بويهه ))

(( ابا عفاري ))

ام احمد س :تم عندها بس لا تلعوزها !!
منصور : انا سااطر ما اثوي نوتي !

(( انا شاطر ما اسوي طفاسه ))

عفاري : فديتج خالووه خليه عندي .
ام احمد س : خلاص تم .
.. سارت ام احمد فوووق ..
منصور : آفــأري انا اهبث

(( عفاري انا احبج ))

عفاري و عبوود : هههههههه
عفاري : أدييتكـ أنا .. انا بعد احبك .
عبوود : يا عيني و انا وين سرت .

.. عفاري استحت ما علقت ع الموضوع ..

عبوود : منصوور يالصرصووور .. انا كم مره اقوولك .. عفااري مالي انا مب مالك =)
منصووور : لا لا لا لا .. آفــاري ماني انا =)

(( عفاري مالي انا ))

عبووود : كل خرااك ,
عفاري : لا تقووول هالرمسه جدااامه !
عبووود : ههههه .. هذا مب هين .. تتحرينه ما يعرف هاي الكلمه يعرفها !!
منصوور :أاااااه اهيء اهيء انتا كل كلاك .. بخبل عنيك ماما .

(( انت كل خرااك .. بخبر عليك ماما ))
عفاري : ههههههههههههههههههههههههه
عبوووود : ها حبيبي لا تخبر ماما ولا شي .. خلاص عفاري مالك .
عبووود ( بصوووت واطي حق عفاري ) حالياً بس .. في المستقبل بتكووونين حقي انا و بس =)
عفاري : عبوود بسك عااد .. عن هاي الرمسه استحي .. بس عاد .. اقووول سير حجرة خلف بسرعه قبل لا اخبر عليك امك !
..:.. سار عبووود ييلس ويا خلف ,, :..

تمت عفاري تلعب ويا منصووور فجأه يتها فكره .. ليش ما اقووول حق ميثا تروح ويانا من المدرسه ها الإسبوووع .. فرصه اقترب منها ^__^
سارت عفاري تتصل بميثا ..عشان تقووولها ..
.. في الفوون ..
عفاري : هلا والله ..
ميثا : اهلين والله ..
عفاري : شحالج ميثا ؟
ميثا : بخير يسرج الحال .. انتي شحالج ؟
عفاري : الحمدلله ..
ميثا : السمووحه بس منو ؟
عفاري : انا عفاري بنت عمج يمعه .
ميثا : اووه عفاري .. سامحيني ما عرفتج .
عفاري : لا عادي .. ميثا بسألج شي .
ميثا : هلا آمري .
عفاري : ليش ما تروحين ويانا هالإسبوووع من المدرسه ؟ تعالي وناسه ؟
ميثا : ما ادري والله افكر . لأنه اظني ابويه مطرش الدريول العين .
عفاري : خلاص عيل في السيره و الرده تعالي ويانا ..
ميثا : لا عادي . السيره بخلي سلامي اختي توصلني .. بس الرده .
عفاري : اوكي .. عيل .
منصووور : عفااالي منو تلمثين ؟ .. انا ابا المث البنت اللي تلمثينها .

( عفاري منو ترمسين .. انا ابا ارمس البنت اللي ترمسينها )

عفاري : منصووور بعدين .
ميثا : يأ ألبييييييي .. منو هالياااهل اللي عدااالج .
عفاري : ها منصوور ولد عمي سهيل .
ميثا : ايوى .. شو يقول ؟
عفاري : يقول يبا يرمس البنت اللي ارمسها .
ميثا : الله .. عطيني ارمسه .
عفاري : لحظه بحطج ع السبيكر .. لا تخافين محد عدالي !
منصور : آلــوووووه .. منو انتي ؟
ميثا : انا ميمي انت منو ؟
منصوور : انا منثوووووول بن ثهييل بن اهمت =)

(( انا منصوور بن سهيل بن احمد ))

ميثا : يا ويلي انا .. ما ارووملك .. انزين يا منصور بن سهيل بن احمد .. كم عمرك ؟
منصور : لا ابا اآرف يور نيم كله .. بأدين بدووول كم أومري ))

(( لا ابا اعرف اسمج كله .. بعدين بقوول كم عمري ))

ميثا : هههه .. انا اسمي .. ميمي بن سئيد بن اهمت

(( ميمي سعيد بن احمد ))

منصور : اويه .. نفث الثي .. انتي بن اهمت و انا بن اهمت

(( اويه نفس الشي .. انت بن احمد و انا بن احمد ))

ميمي
ميثا : لبيه .
منصور : تدلين تدلين ..
ميثا : ثوو ؟
منصور : انا إندي اخو اسمه اهمت !!

(( انا عندي اخو اسمه احمد ))

ميثا : صدق .. انا بعد عندي اخو اسمه احمد !!
منصووور : اويييييييييه .. نهن كل ثي سيم سيم ..

(( نحن كل شي نفس بعض ))

ميثا : خلاص يور ماي توين .
منصوور : اوووووطييه =)
عفارري : يلا منصووور حبيبي لازم نسكر .
منصووور : لا انا ابا ميمي .. ابا اشوووفها ..
عفاري : الحقي منصووور عشقج .. الأخ يبا يكلمج و يبا يشوفج ..
ميثا : فديت ولد عمي انا .. خلاص عفاي يوم بتين بيتنا ييبي منصوور وياج !
عفاري : ولا يهمج .
منصووور : اووووطيييه ..
عفاري : خلاص عيل انا بخليج .. السموووحه طولت عليج .
ميثا : لا عادي فديتج .. كل يوم اتصلي .. ما اوصيج بوسيلي منصووور =)
عفاري : اانشاءالله .. يلا مع السلامه .. تيك كير =)
ميثا : يو تو .. يلا سي يو يوم الأحد ...

سكرت عفاري عن ميثا شافت احمد ج اخوها واقف وراها ::(( طلع سامع كل من منصور رمس ميثا .. لأ،هم كانو حاطيين ع السبيكر و هو كان مار فسمع الصوت وتم يسمع ))
عفاري : بسم الله .. انت من متى هني ؟
احمد ج : بعد ربج =) .. الا بتخبرج منو كنتي ترمسين ؟
(( هو سمع ميثا يوم قالت اسمها و عرف انها هي نفسها بنت عمه .. بس حب يتأكد ))
عفاري : هاي ميثا بنت عمي مطر .
احمد ج : اها .. خلاص عيل انا بخليج بسير حجرتي تعبااان ..

و بسرعه مر اليوم ع خير

_________________________________________

شو تتوقعووووون يستوي =) ؟؟

ابا رايكم بصراحه في هذا الجزء اذا حلو ولا لا =) ؟؟

مع السلاآمهـ

●●●

تيكـ كير

^
^
^

▪● άηoOoмά ●▪