منتدى استراحات زايد - مع غيري( إلـ ع ـب) وبين له( مهاراتك)

bمن غ ـلاك اتخيلــك دوم فـ ع ـيونــي
شوف ح ـالي كيف عــقبــك مـ خ ـطرى

هالإبتســامــه ردتلهــا الرووح..اتحس عمرهــا اللحينه عاشت..واللحينه حست بمعنى كلمـة "العيــد"..ما ابتســمت..لأنها اتخــاف حد يلاحظهــا..سعيد وحمد اليوم مب ناوووييين ع خير..كل شي يلقطوونـــه ع الطــاير..صدت عنه ..
موزاني: وشو فيه ابو النت يا ام الكيمرا والصور..النت ما يأثر على حد..
روضه:مااافيه شي..بس فيلسووف اشوي..
شجون:عاد هااي لحد ايرمسهــا ع النت..مووتهــا وحيــاتها..
شموس:الله يرزقها بالريــل اللي بينسيـــه النت ..قوولوو آميييين..
خليــفه:اخاف تعرس بالنت نفسه..
ههههههههه.يستهبــل هالخليــفه..
الكل:ههههههههههههههههههههههههههه..
روضه:والله سوالف سخيــفه..واصحابها اسخف..
سعيد:قلبي قلبي ويهــج يلا..يا ام الكيمــرا..
روضه:حشى ما استوت كيمراا..خلوني اغير المووووجه"واتحط الكيمرا على ريسووه"..شحــالج حرمة حمدان..؟
ريسه"وتبتسم واعيون حمدان عليها":بخير وسهاله..ومن صوبــج؟؟
روضه:مانشكي باااس..شحال البيبي..؟؟
ريسه:يسرج حاله.."وتصد صوب حمدان وتبتسم له"..
روضه"اتحط الكيمرا بطريقه سريعه على حمدان وريسه":يااا ويــل حالي ماروووم انا ع النظرات والإبتســامات..
حمدان ابتسم وغمز لريســه..وكالعاده الردارات الموجوده لقطوا هالحركه بسرعه..
حمد: متى بعرس وتكون بيني وبين حرمتيه نظرات وابتســامات ع قول روضه..
وصد تلقــائياً صوب شموس اللي كــانت صاده صوب موزاني..بس كــانت تسمع الرمســه..يوم صد حمد صوب شمسه..هالحركه على طوول لقطووهــا سعيد وخليفــه..عاد الأخ خليفه استاانس يوم انه يود شي على حمد..
خليفه:ليش صديت صوب شموس يوم قلــت هالرمسه..
حمد"متفاجئ لأنهم زخووه":منو قال؟؟انا ما صديت صوب حد..صديت صوب سهيل..
سعيد:منو قال؟؟هاه ؟؟اعيوني قالت..
حمّر ويــه شموس..وصدت صوب روضه..تباها تظهرها من هالسالفه..عاد رواضي سيارة الإسعاف..تساعد المحتــاي..
روضه:خلوونــا من هالسـالفه..ريسه حمدان لو يبتوا ولد شو بتسمونه؟؟
حمدان:اممممممممممممم..للحينه ما حطيت افبالي..
حد:اتسمونه حمد..
سعيد:لالالالالا..خلوه سعيد..ولو زقرتووه يا بوعسكور..بيقول عووونكم..
خليفه:لالالا..اسمك جدييم واايد..سمووه خليفه..
روضه:من زين اسمك يعني..احسن شي اتسمون روضه..ههههههههههههه
الكل ضحك ..ماغير خلوف وسعيد وحمد..
حمد وسعيد وخلوف"مع بعض":سخييييييييييييييفه..
روضه:حشى هبت ريــاح شرقيه من صوبكــم..المووهيــم..ولو ييتوا بنوتــة صعنونه شو بتسموونهــا؟؟
حمدان:بسميهــا قصــايد وما يبـاله..
روضه:الله اسمها كشووخي واايد..
موزاني:هـــــــــلا والله بعنوووووودي..
ظهرت العنود من قسمهــم..وهي كاشخه..لابسه كندورة حمرا القطعه ساده وعليها تلي..غااديه البنيه اتغرم..وفاجــه شعرهـــا الأسوود..ومنزله قصتهــا اللي مقصوصه ليين حياتهــا..ولابسه ذهبهــا كاامــل..وما ننسـى شنطتهــا وطبعن البشكاره اللي كشختهـا..لأن عليا يالسه فالصاله..
العنود:يلا العيد يأ روني اياه ابا اشووفــه..
هع هع هع هع هع هع ..هب جنه تفكير اليهال نفس الشي..اكيد اللي افبيتهــم يهال ايعانون من هالسؤال..كل ما يأ شهر رمضــان ولا العيد..
حمد:عنودي طالعي هاذا هو العيد..
ويأشر على سعيد..
العنود:جذااب هاذا سعيد مب العيد..
الكل نقــع ضحك..البنيه شااعره مشالله عليهــا..
روضه:الحق يا محمد وود بنتك شاعر المليوون..
حمد:شاعره وفي هالسن..بتفووز بالمليون يعني بتفووز..
محمد:يلا عنودي اتزهبــي..بنسير شاعر المليوون..
عنودي:امنو هاذا؟؟اخو العيد؟؟"وروضه اتقرب الكيمرا من عندها وتبعدها.."خووزي عني انتي انتي انتي انتي وكيمرتج..
عبدالله:اوووف كيف ختيه غبيه..<<روضه اتقرب الكيمرا من ويه عبدالله..
عليا:مخليه العقل حقك..<<ويهت روضه الكيمرا على عليا وهي ترمس..
حمدان:هيه اكيد مخلتنه حق عبدالله وابووه..كانوا يبون يسرقوني اليوم ..اونه عيدية..<<وكيمرة روضه عليه..
حمد:تعال تعال..اخ حمدان..ليش تعطيني البوك فــاظي..
سعيد:يااخي عيشتنا بآمال ..في ذيج اللحظه..
حمدان:خخخخخخخ..تستااهلون يا ويووه الفقر..يالله لو شفتوا اشكالهم وانا افر البوك عليهم..اسمييهم استاانسو..
روضه وموزاني:شو شو السالفه؟؟
سعيد:الأخ حمدان امسويلنا فيها طيب ومحد شراته..ويوم طلبنا عيديه من عنده فر بوكه الفاظي..
الكل:هههههههههههههههه..
روضه"بكل نذاله":عيل تستااهلووون..
ويلست روضه بين شموس وموزاني..وكيمرتها للحينه تشتغــل..بس الشخص اللي خذ تقريبن نص التصوير هو سهيــل..وحمدت ربها الأخت روضه محد شافها ..لا سعيد ولا حمد..لأنهم انشغلوا بسوالفهم ويا الشواب..
والعنود بعد ما يمعــت لها الفلوس..وحطتهم افشنطتهــا وهي مستـــانسه..كل اللي يالسيــن عطوهــا..وخاصتن الشواب ما يقصرون في هالسوالف..
وسارت المسكيــنه ويلست بين حمد وسعيد..وهقت عمرها وهي ماتدري..من يلست وهي ميودة شنطتهــا..و اعيون حمد وسعيد ع الشنطــة..
حمد:شو رايــج نحسب فلووســج؟؟
سعيد:هيه بنشوف كم عطووج؟؟
العنودي:انزين ...يو..يودو..<<<<"وطبعن الروض اتصورهــم"
كل واحد منهم ابتسم ابتســامه انذل عن خويــه..وتموا ايحسبون الفلوس..وكل ساعه واحد منهم يخش كمن ورقه داخل مخبــاه..لاحظتهم العنود..وصرخت بصوووت عالي..خلت الكل يلتفــت لهــا..
العنود:سلاااااااااااااااااقين.......يبون يبون ياااخدوون بيزاااتـــي..حمد وسعيد سلاااقييين.."تقصد سراقيييييين"..
كل اللي فالصاله صدو صوب حمد وسعيد..سعيد رفــع يداته جنه واحد مستسلــم..اما حمد يهز راسه بمعنــى كلمــة " لا "..
وتـــم الكل يضحـــك ع اشكــالهم..جنهم الا لصوص..والقوا القبض عليــهم..لووول..
ع السـاعه تســع الريــاييل اتريقــوا..والحرمــات بعــد..وظهروا الرياييل صوب عربانهم يعيدون عليهم.."الله ياحلات العيد"وظهرن الحرمات كلهن عسب ايسير صوب الييران ايسلمون عليهم..وطبعن عنودي ويــاهن..
فالوقــت اللي ريســه سارت لقسمهــا..عسب تاخذ راحتهــا وترمس امها واخواتهــا..اما شموس وشجون وغبوش وسلامي وموزاني..كلهن سارن فوق..كل وحــده اتدق على ربيعــاتها واتبارك لها بالعيد..الا الروض اللي نزلــت تحت للمطبــخ..عسب اتخبــر البشاكير اييبن سلال الفواله والباتشي..والعصير فوق ..فالصاله اللي هن يالسات فيهــا..
توهــا اللحينه الروض ظاهره من المطبــخ..وتسير افنص الحوي..اقصد المكان اللي بين الفله والمطبخ..وطبعن..ميوده كيمرتها ..الأخت يالســه تستهبــل ويالسه اتصور ريولهــا..وهي لابسه نعولهــا ..
روضه:حذائــي الجميل..لالالالا..حذائي الجميل..هاهاهاهاها..
حست بوجود شخص جدامهــا..صدت فوق وهي للحينه حاطه الكيمرا على عيونهــا..وما لمحـــت الا يد تنحط على عدسة الكيمرا..عسب تمنعها من شوف صاحب هاليد..وما سمعت الا كلمــة وحده..
"ما ولهتي علي؟؟"
رنة صوته..مناطق احرووفــه..دفا همسه..هالأشياء الثلاثه خلوها اتعرف ان اللي جدامها هو سهيل محد غيره..لأنه بكل بســاطه وبختصار.. محد غير سهيل اتحس بالأمــان الا اذا سمعــت رنة صوته..ومحد غير سهيل اتحس بالفرحــه الا اذا سمعت مناطق احرووفــه..ومحد غير سهيل.. تحس بمعنى الحب الا اذا سمعت دفا همسه..
خوزت الكيمرا عن عيونهــا..ويودتها بيدها اليســار..واشتغــلت النظرات ما بينهم..نظرات روضه تشكي كيف كان حال هالعيون من جفا اسهيل ..وتحكي كيف كانت أيــام روضه من غير سهيل..بس يا للأسف..نظرات سهيل ما كانت اتعبر عن شي..وما كانت تشكي ولا تحكي عن شي..كانت بس نظرات استخدمها سهيل عسب يكمل مسرحيـــته..ويخليــها أحلـــى وأحلــى..حامله دور ممثل نذل عسب يكتمل جو الرومانسيه الخيالي..
مد سهيل يده..ولأول مرة ايسويه هالحركـــه..بس ما لقـى أي تجاوب من روضــه..
سهيل:ليش ما تسلميــن؟؟انا ولد عمــج..يمعنـى ثاني انا سهيـــل..
روضه مدت يدهــا..وحاولت تسحبها بسرعه..بس الشي الطبيعي..الرياييل اقوى من البنوتــات..وتم ميود يدهــا بقوووو..وعيون روضه على يده..

..اتحرى العيد اكثر من طفل.. لااجل اشوفك بس واسلم عليك..
واسرق اللحظات منك بالعجل.. فية ابارك لك وابارك عمري فيك..
ينتهي عيدي وتوه مااكتمل.. "يوم ماتسحب من يديني يديك"..
"لو هزمت الخوف يهزمني الخجل".. مااقدر اهمس انتظر لحظة ابيك..
"لين ضاعت فرصتي دمعي انهمل".. كيف تخذلني وانا اللي محتريك..
كنت ابي قربك ولكن ماحصل.. وانتظر لعيدي الثاني واجيك..

سحبـــت يدهـا بصعووبــة..ومسحــت هالدمعــه اللي كــانت بتطيــح على الأرض..تعلن ضعفهــا..وعانت لجل ما اتطيــح..وتبقــى قويــة شامخــه وماتهااااب جدام سهيل..
سهييل:ماعاش اللي ينزل دمع عينــج يالغلا..
روضه"بصوت عادي ولا كأنها كانت بتصيح":وينــك انته ؟؟ما استويت تنشــاف..
سهيل:السمووحــه منج..كنت هالأيــام مشغول واايد ويا سيف..
روضه:سيف سيف سيف..كل ما غبت عني..ما تعتذلي الا بسيف..سهيل..سهيل ادخيييلك حس فيني..
سهيل:حااس فيــج يا عيونــي حاااس فيــج.."مستحييل أنســاج"..
متعمــد يقوول هالكلمـــتين..لأنه يعرف انه رواضي ما ترضــى الا بها..
روضه:دوووم أقولك اخر مرة..بس من صج هاي اخر مرة..
سهيل:وعـــد أخر مرة..بس الأهم..رضيتي علي؟؟
روضه:هيه رضيت..ومثل ما قلت لك من شوي..آخر مرة..
سهيل:ااااااااه ياا روضه لو تدرين شكثر أحبــج..<<<<جب جب ياا جذاااب..
روضه:..................................تامر بشي؟
سهيل"يبتسم وظااهر شكله خبااااااال ..ماجذب بس هو حلوو":ما يــامر عليــج عدوو..بس لا تنسيني..
سكتت روضه..
سهيل:ما بتحطين كيمرتــج علي اشوي..عسب في غيابي ايكون في شي يذكرج فيني..
روضه "اتحط الكيمرا عليه واتصوره فيديو":لو حتــى ما صورتــك..وين ما أكون انــا وين ما تكون انت ..طيفــك ابد ما يفااارقنــي..ودومه يســامرني..
سهيل:اشهد اني من فراقــج اعاني..ولا احس بطعــم الرقـــاد..
ابتســـمت الرووض..وهي مســتانسه من رمســة سهيل..ودق تيلفونه في هاللحظــة..
سهيل"يصد صوب تيلفونه":يلا عيــل بخليــج خلوف متصل ..
روضه:اوكي..الله يحفظــك..
وكالعـــاده..سارت عنه ابسرعه وما تبى اتشووفه وهو ساير بعيد عنهــا..وربعــت فووق صوب البنـــات..وظهرت شريط الفيديو من الكيمرا..وحطــته في مكــان آمــن..عسب محد ايي صوبه..وحطت شريط فيديو يديد في كيمرتهــا..وسارت تربــع صوبهن وين ما كاانن يالسات في الصــاله..ومشغلات التي في على آآه من قلب..وكل ساعه يقومن يرقصـــن..وشاركتهن الربشــة..وزادت ربشتهن..لأن صوتهـا جداً عالي..!!

. . . . . . . . . .

عرفت ابكـــــي من الفرحه،،
عرفت اضحك من الاحزان،،
عرفت ان الــــدموع اصدق
وارحم مـــــــــن يواسيني،،
عرفت ان الـــــــوهم دربــي !!
ولابه من يقـــــــــــــدرني،،

سويحــان..
الصــاله..
الســاعه عشر ونــص..

فطامي يالســه ويا أمهــا..وتوهـن الحرمــات ظهرن من عندهم..وخلودي يالسه في طرف الصــاله اترمس ربيعاتهــا..
أم سيف:فطامي افديــتج دقيــلي علــى امايــه بسلم عليها وابارك لها بالعيد..
فطــامي:من عيوني يا عيووني.."وتيود تيلفون امهــا"..بس امايه احن متى بنسير صوبهــم..والله طفــره اهنه..حتى الهنوف للحينه ما يتنـي..وبنتج هاي ما عندها شغل الا هالتيلفون ملصقه اذوونهــا فيه..
ام سيف:ههههههه..والله هاي الخلود بيصيبها شي في اذونهــا..وبتقول امايه قــالت..وبنسير صوب خوالج ع الساعه 11ونص..بعدني ما سيرت صوب ييرانا..
فطامي: يالله يمايه توهن الا ظاهرات من عندنــا..
ام سيف: لا بعد لازم اسير بيتهن واشوف علومهــن..دقي دقي لمايه..
فطامي: يييها يالعيااييز حيااتكن ع السوالف والعلووم..
ام سيف:بنشوفــج لا كبرتي شو بتسوين؟؟عيالج كل واحد مهتم افعمره..ومــالج الا حريم ييرانكم تيلسين وياهن..
فطامي:امايه هب جنج تنغزييين..؟؟<<اللي في قلبها ع لسانها..؟؟!!
ام سيف:هههههه..فديتكم والله يا عيالي محد شرواكــم..بس هب جنج طولتي ولا دقيتي لمايه..
فطامي:شو اسوي بعد خذتني السوالف ويــاج..
ام سيف:ههههههههه..توج اتلومين العيااييز بسوالفهن وعلومهــن..
فطامي: بعد انا بنت عيوز يعني لحد ايلومني..
ام سيف:عنلاات صداااج..عيزن ركبــج يالعنــز..
فطامي:امايه توني مرمســه سلامي ويالسه اقولها يالعنز..اتقولي محد يسب فالعيد..
ام سيف:بس بعد انتي سبيتني وقلتي عني عيوز..
ام سيف: عيوز بس احلف ان ماشي شراااتــج..فديــتج امايه والله اني امووت فيــج..
نشت فطامي وفرت التيلفون وسارت صوب امهــا ولوت عليهــا بقوو وباسته ع راسهـا ..
خلودي:عااااشووووا..واحن مالنا من الحلوو نصيب..
فطامي"تبعد عن امها اشوي":سيري عند سلطوون يا شوق سلطوون..
ام سيف:فطامي ما عليج منها هاي..وسويي لمايه تيلفون..ابغي ارمسهــا..من متى واحن اندق عليها وهي ما اترد عليها..
فطامي:عيل بدق ع تيلفون عليا..اكيد وياهن..ويالسه عندهن..
ام سيف:هيه ..يلا دقي..
ويودت فطامي التيلفون اللي فرته من اشوي..ودقت على عليا وباركتلها بالعيد..وخلاف رمست امها العوده وعطت امها التيلفون..وتمت ام سيف اترمس امهــا..وخلودي وفطامي ضرابه ع الخفيف..
فطامي:انزين عطيني ما بيستوي فيييج شي..والله بشوفهــا جان بتييني ولا لأ..
خلودي:دقي ع بيتهم..<<تقصد الهنوف بنت ييران قوم فطامي..
فطامي: ماا يردوووون ..ما عليه يا بخوولــه.."يا بخيله"..ما عليه يوم ايي سيف قسم بالله اخبره عليج..
خلودي:فتااانه..نجلعي انجلعي..تيلفوني ما بعطييج ايااااه..
فطامي:كما تدين تداان..
من قالت فطامي هالجملــه بندت ام سيف..ونشت عسب اتسير صوب يارتها..
فطامي:امايه خلي تيلفونج عندي..
ام سيف:لا افديتج اخاف سيف بيدق علي بعد شوي وما ارمسـه..
خلودي:كر كركركرككركركركركر..اقول فطامي ويهــج محترق..
ام سيف:ويهج انتي اللي محترق..سيري سيري رمسي سلطان تيلفون ابرك لج..
فطامي:هاهاهاهاهاهاهاهااااااااااااااااااااااااااااا ااااااي...حلوووة حلوووة يماااايه..اللحينه في وحده في بيتنــا تحتاااي لمطااااااااافي ابسسسسسسسسسسرعه بنخليهم ايووون..انخاف البنيه تجترق بالكامل وهم بعد ما يووو..
ام سيف:ادووواج..هاذي يزااات اللي يتمصخر على فطامي حبيبتي..
خلودي:حرااااام عليكم..يا ويلــكم من الله..امايه انتي اتفرقين من بينا..
ام سيف:يا وويل حالي عليــج يا خلودي..يالسه اسولف ويــاج..لا يكون خذتي افخاطرج؟؟
خلوودي:لا امايه انا اتقبل كل شي برووح رياضيه..
فطامي:ما عليج منها امايه هاي ويهها لووووح..ومثبت بمسامير بعد..خسسي فيها لين باجر بتقول عادي..
ام سيف:ياالله يا سوالفكن ما تخلص موول..احسن لي اظهر واشوف ياراتي..
وظهرت ام سيف...فالوقت اللي صدت فطامي صوب خلودي..
فطامي"تضغط ع اسنانها وخلتهن يتلصقن ابقوو..يعني اونها اتخوف خلودي":اقوول عطيني تيلفونج احسن لج يا بنت..
خلودي:لالالالا..ادواااااج عسب مرة ثانيه تتأدبين..وما تسرقين صورة سلطان واتييبين دبوس واتعلقينها في وحده من الغنفات..اتخيلي حدر سيف وشافها..شو بيكون موقفي؟؟
فطامي:اااه..صورة سلطووون..الخير بعده بعده بعده يااايــنج..ما شفتي شي عنوني..
ونشت من مكانها...
فطامي:اللي ما يسمــع رمستيه..ولا يطيع شووري عقاابه عندي شديييييد..
خلودي:هاها..ظحكتييييني..جابلي جابلي تيلفون البيت تراه يناااسب سنـج يا النووونو..
ونشت خلودي وهي مبتسمه ..وسارت حيرتها فووق..فالوقــت اللي فطامي ورفعــت سماعة تيلفون البيت ..ودقت ع بيت الهنوف..ييرانهم..
وزين بعد ردو..لأنها من الساعه 8 ونص وهي اتدق عليهم ولا حد يرد عليها..
فطامي:الســلام عليكم..
ام الهنوف:وعليييج السلام والرحمــه..حيالله فطامي..
فطامي:الله يحييج ..امباركن عيدج..
ام الهنوف:عيدنا وعييدنا يالغاليه..شحـالج وشحـال هلج وعربــانج وتواليــج؟؟
فطامي:بخير وسهاله ربي يعافيــج..شحالج انتي ربج الا بخير؟؟
ام الهنوف:ما نشكي باس ..الا امـج وينهــا للحينه ما يتنــا..
فطامي:توها اللحينه ظاهره..اكيد بتخطف على ام بطي وبتيــج..
ام الهنوف:يامرحبــابها مليوون ولا يسدن..
فطامي:والمرحب لا هــان..الا وينهــا الهنايف من متـى وانا ادق ولا حد يرد عليه..
ام الهنوف:افدييتج السموحه منج..كلنا ميلسين خاري صوب الخيمه..ومحد يلس فالصاله..وتوني الا خطفت وسمعت التيلفون..
فطامي:مسموحــه خاالوه..
ام الهنوف:عيل اتريي دقـايق بزقر الهنوف..
فطامي:اوكي..
وشوي الا انرفعت السماعه ..ووصل لفطامي صوت الهنوف الناعم..
فطامي:مباااااااااااااااااااااااااااااااااااركن عييييييييييييدج يالعنــز...
الهنوف:عيدنا وعيدج يالسبااااله..سبقتيني..
فطامي:هع هع هع ..شحــالج؟؟
الهنوف:يســرج حالي..ومن صوبج؟؟
فطامي:بخير وسهاله.. وينــج للحينه ما ييتي..؟؟
الهنوف:والله قوم عمي يووا من الهير..والكل يالس خاري..وما فظيت ايي..وتوهم الريااييل ظهروا من عندنا بعد ما تريقوووا..
فطامي:وبنات عمج ين كلهن؟؟
الهنوف:هيه ومجابلتهن ..يعني مااا رووم ايييييج..
فطامي:مااالت علييــج وانا بموووت من الملل..
الهنوف:ههههههههه..دقي عل نوف خليها اتييج..
فطامي:شو ؟؟ انا مالي بارض لسوالفها اللي كل ابوها جذب في جذب..
الهنوف:هههههههه..عيل اخليــج اللحينه بسير صوبهن..يالســات ايطالعني بنص عيــن..
فطامي:الله يعينج عيل..تحياتي اخيتي..
الهنوف:هههههههه..الله يحفظــج..
بندت فطامي عن الهنوف..وصاارخت صرخه تردد صداااااها في كل انحاء البيت..
"اوووووووووووووووووووووووووف ملللللللللللللللللللل...هب عيييييييييد..متى بنسير الرمـــــــــــــــــااااااااااااااااااااااااااااا اااااااااااااااااح.."
حست عمرها..اشوي مينونه..لأنها يالسه اتصااااارخ..شلت عمرها وربعت فوق صووب خلودي تبي تلعب باعصابها اشوي..
من فجت البــاب لقــت التيلفون مفرور ع الشبريـــة..وتلقائيــاً..انمدت يدها صوبه..لأنها متعوده ع السرقــات كل يوم..وسارت اتدور صورة سلطان..يعني بالمرة تسرق واتخلص عمرها..
صارت صوب الكتب..ودورت بين طيات ملابس خلودي..ولقتهــــا..وضحكت بصوت عالي..بس بسرعه كتمت هالضحكه..لازم تستغل الفرصه.لأن خلودي فالحمام"الله يعزكم"..
ظهرت من حيرة خلودي وربعــت حيرتهــا..وتمت ادور دبابيس..وما لقت الا دباسه افويهها..شلتهـا وربعت تحت..على اول غنفه تيي في ويه اللي ينزل من الدري..ودبست صورة سلطان بعد معاناة كبيرة..ويلست ع الغنفه اللي عدالهــا..ودقت لسيف..
فطامي:هااااي.
سيف:هااايييين..هلا بالحلوييييين..
فطامي:وجااااااااان استااانس..شالحـــال؟؟
سيف:يسرج حالي..ومن صوبــج؟؟
فطامي:بخير وعافيــه..وينك؟؟
سيف:والله توني ظاهر من عند واحد من ميالس الشبااب..
فطامي:متى بتيينــا..؟؟والله ابغي اسير الرمــاح..مليت من مجابلة خلودي..وامايه ظهرت صوب الييران..
سيف:حبيبتي ربع ساعــه واكوون جداااامج..
فطامي:واايد انا متولهه ع شلة البنات اهناك..ابغي اسوولف واعلق..
سيف:اوكي نو بروبليم ربع ساعه واكون جدامج..سيرن لبســن عسب يوم ايي على طوول نظهر صوبهم..
فطامي:اوكي..يلا بااي..
سيف:ههههههه..حشى كيف مستلغثه ع شوفتهن..بااي بااي..
وبندت عنه..وما اتشوووف الا خلودي نازله من الدري..
خلودي:كنت متوقعه انج بتسرقينه يا سراقه.."ويوم انتبهت لصورة سلطان"..وشوو صوورة سلطان بعد..انتي وين لقيتيهــا..كلب بوليييييسي..
نشت فطامي من بعد ما فرت التيلفون ع الغنقـه..وضحكــاتها الشريرة شاله البيت..وربعت فووق صوب حيرتها وتمت تكشخ..عسب يوم ايي سيف ما ايييب أي عذر ويأخرهم..

. . . . . . . . .

ياللي ذبحك الغلا والشوق حراقي..لاتكتم الشوق فضفض به وعلمني
من الطبيعي تلعثم لحظة فراقي ..لأن الهــــــجر قبل مايلعثمك لعثمني..

بيت بومحمد..
السـاعه 9 ونــص..
الصـاله الفوقيــه..

وقفت شيخـاني بطولها وعرضها جدام غبوش..وحركــت رموشها الناعسه..مستانسه بجمــالها اللي يخلي الواحد ينجذب له غصب عنه..واللون البرتقالي اللي زادها جاذبية..وما تتوقعون كيف كانت تشبه رووضه..كوووبي بيست..يعني أي حد يشوفهــا بيقول هاي الروض ما غيرهــا..وعلى فكرة..امهم العوده دووم اتغلط بين روضه وبين شيخــاني..
الموووهيم..
شيخاني:غبوش ممكن اتدورين له حيرة مافيها حد..ابغي ارمس ربيعاتي ع راحتــي..
غبوش"اتطالعها بطرف اعيونها": سيري حيرتي..
شيخاني:اوكيك ..
وسارت شيخاني ام راس صوب حيرة غبوش..وطبعــن ما يبــاله حدرت وعلى طول رمســت سيف..حول الساااعتين..ومن ملت بندت عنــه..تعذرتله انها بترقــد وانها تعبانه ...ومادري شو..ونزلت تحت..
لقت كل الحرمــات يالســات فالصــاله..طنشتهن وســارت المطبــخ..
حطت تيلفونها ع الطاولـة..وشربت ماي..واستعدت ع الظهره صوب الحرمــات..واتنغز روضه وشلتها بكلامها السخيف..
وظهرت وهي ناسيه تيلفونهــا..وبعد مرور 10 دقايق..حدر سيف المطبــخ..ع اساس انه هو الثــاني بيشرب له مااي..وخلاف بيظهر وبسير عند واحد من الشباب..
بس نســى شي.. نســى ما ايقوول لمهــا تصبحين على خير..ونسى ما ايقولها انها اتسير العين مول..صوب محل باريس غاليري..هو حاطلها هديه اهنــاك..
يود تيلفونــه..وهو مستانس لأنه بيسمـع صوتهــا..مع انه متضايج لأنه بيوعيهــا من رقــادها..
دق عليها بكل بــطء..بس فز يوم سمــع صوت ..ويوم طالع صوب مصدر الصوت..لقــى تيلفون يدق..استغرب..
بند تيلفونه..ويوم بنده..التيلفون اللي جدام اعيونه وقف..وما ظهر أي صوت..رد ودق مرة ثــانيه..
ودق التيلفون اللي جدامــه..ويوم بند..وقف صوت التيلفون..انصدم..وسار صوب هالتيلفون بكل بطء..ليش كل ما ايدق على مهــا..يدق هالتيلفون..ليش؟؟شو اللي يربط مها بهالتيلفون..
ما بقول ان مية الف فكرة وفكرة يت افباله..اللي بقوله ان سيف مارام حتى ايفكــر..وللمرة الأخيره دق على مهــا..وظهر ع شاشة هالتيلفون الغريب..
السيف
رجـع سيف على ورى..وهو منصصصصصصصصصدم من اللي يستوي..كيف؟؟؟ليش؟؟شو ايفسر اللي استوى..منووو هالإنســانه اللي ترمســه..وهي موجوده في هالبيت..
صد صوب تيلفونه..وأتأكد ان اللي دق عليه هو تيلفون مهــا..ودق مرة ثــانيه..ما يبا ايصدق هالشي..
بس للأسف دق التيلفون اللي جدامه..ومن سمع صوته على طوول بند..وما وحــاله يفكر..ولا يستوعب اللي يصير..الا وشيخه حادره..
شيخه:السلام عليكم..
سيف"يحاول يركز وياها":وعليج السلام..هلا شيخه..
شيخه:اهلين..امباركن عيدك..
سيف:عيدنا وعيــدج..
شيخه:انا ييت عسب اخذ تيلفوني ..نسيته اهنيه..
اعيون سيف كانت اتابعهـا وين ما سارت..وسارت صوب التيلفون اللي كان سيف يدق عليه من اشوي..وشلتــه وابتسمت لسيف وظهرت.............؟؟!!
وخلـــت سيف عايش ..ونظراته تناظر مكان التيلفون بحييرة...
.
.
.
.
.
.
ســؤال واحد هو اللي بينطرح..

ظنكـــم سيف شو بيسوي في شيخــه..؟؟؟؟
.
.
وفالبــارت اليــاي احداث اليوم الثــاني من العيد..
.
.
اتريــا تعليقــاتكم..