|
آلسلآم عليكم ورحمةة الله وبركآتهه * آخبآرج آخبآر صحتج ؟ آتمنى تكونين بآفضل آحوآلج مبروك عليج الشهر آول شي , وآشكر فنج على هالكتآبآت الجميلةة حبيت تفآصيل الروآيةة , آستمري من متآبعينج ان شاء الله . . . الشخصيآت_ سيف ؛ شخصيته جميلة وآيد لكن الشي اللي مخرب عليه هو " مآريآ " يآليت تفكهه من كل شي آو يفك العمل اللي هي مسويتنه آو يبعد آو يسوي اي شي بحيث مآريآ مآتكون من طريقه , وآلله يعينه على كلمه آبوه احس آنه قآعد يظلمه . . . آبو سيف ؛ مآله حق يدخل في حيآة سيف دام سيف مرتآح مع العنود شو بعد وحده تصطلبه ؟ الزوآج مب لعبه الزوآج يكمل دينه ويشوف حيآته اتمنى مايظلم ولده ويخليه ياخذ وحده على العنود بعد .. آلعنود ؛ بطلة الروآية احس قلبها كبير ويضم كل حد فديتها والله واحلى شي فيها آنهآ سآمحت سيف ومآخذت ف خآطرهآ منه وآتمنى يكونون جي مع بعض دوم يعيشيون حيآة سعيدة آبديةة . . شمآ & حمد ؛ عصآفير الحب , الله يخليهم لبعض ويسعدهم ويخليهم لعيآلهم بعد ~ منصور ؛ آحس انه عقب بيشك في عليآ وجي خآصه آنه كآن يكلمهآ في التلفون , مدري وآلله ! روضة ؛ آحسن شي سوته هو الطلب اللي طلبته لآحمد مع آني تمنيتها تاخذ حمدآن مدري ليش لكن احس احمد يحبها بضمير احمد ؛ حلو الشي اللي سواه انه رآح لها بالحلآل ومآلجآ للحرآم و و و بسس ها اللي وياي اتمنى انه يسعدههآ . . قفلت خلآص مآعندي شي اقوله غير جي بآنتظآر آلبآرتآت اليايه على احر من جمر ان شاء الله لآ تبطين علينآ " السموحة على الرد البسيط آتمنى آني كفيت ووفيت لج ودي حبيبتي ❃ |
اقتباس:
. . . بنزل اليوم ان شاء الله ♥♥♥♥.. . . . |
اقتباس:
. مرورجج الطر غناتيةة :blushing: تسلمين على رآيجج و توقعاتجج *-*. |
اقتباس:
. وعليجج السلآم و الرحمةة * تسلمين حبيبتي على هالرد اللي يفتح النفس .. اعتقد انج كفيتي و وفيتي وأتمنى تدوم هالمتابعه :10: |
البارت الـ10.. . . . . مالي بشوف العرب لو ودّهم شوفي ، أنت شوفك يساوي شوف خلق الله♥. . . . منصور : وينك انته ؟ روضه : شاف حرمته و تخبل .. 'سيف : مالكم خص .. انا : ها رويض ما أخترتوا شي ؟ روضه : لا بعدنا .. تعالي شوفي .. وايد اشياء حلوه ف هالمحل .. انا : تذكرين فستان ملجتي ؟ روضه : هيه .. انا : شرايج فيه ؟ روضه : وااااااايد حلووو .. سمبل و فيه قصه .. انا : انزين تبين اوديج المحل اللي ماخذه منه الفستان ؟ روضه : ياليت .. انا : زقري شويخ و شوق .. و بنسير صوبه .. سارت روضه .. سيف طالعني و ابتسم .. انا ابتسمت له : شو ؟ سيف حط صبعه فوق شفايفي وين الروج خربان و مسحه .. منصور : سيف ياخي شكلنا غلط انا ويااااك .. سيف : مب غلط ولا شي .. يوو روضه و شوق و شيخه . . وديتهم صوب محل اسمه قصر الهدى .. شيخه أشرت على الفستان المعروض برا : ها فستان ملجتج .. روضه : يااااي .. تعالوا بندش داخل .. يلسنا على الكراسي و بدا يراوينا احدث الموديلات اللي عندهم .. روضه تخبلت على فستان لونه وردي فااااااتح .. منصور : رويض الفستان اللي عندج عطيه شووق .. روضه : و ليش ان شاء الله ؟ منصور ابتسم : مب حلو بيظهر عليج .. روضه : جب انته .. "طالعت الريال" عادي اقايسه ؟ الريال : ايي عاادي .. سارت رويض تقايسه .. انا : انزين لو سمحت ما عندك فستان لونه نيلي .. او كحلي .. الريال : لك تكرمي .. سار اييب كم فستان لونهم كحلي . . سيف : تبين فستان لونه كحلي .. انا : هيه .. سيف أشر على الفستان المعروض برا .. لونه عيناوي : ها حلوو .. انا مسكت ايده و ظهرت برا : حلووو .. سيف يرمس الريال : لو سمحت .. نبا هالفستان .. الريال : من عيوني التنتين > الثنتين لول .. سار اييب نفسه .. شيخه : عنود انا عيبني الكحلي .. انا : خلاص خذيه ماباه .. شيخه : زين والله لأني كنت أتريا التصريح منج .. شوق : و بقيت انا .. شيخه : خذي فستان احمر .. ولا اصفر .. شوق : لا انا اباا اسود .. منصور : وووععع .. جيه سايره عزا انتي ولا عررس ؟ شوق طالعت الريال : ييب لي فستان لونه ابيض .. الريال : تكرمي .. الريال الثاني ياب الفستان العيناوي اللي طلبته .. سيف : حلووووو بتكونين أحلى وحده .. انا : اصلا من يومي انا أحلى وحده .. سيف قرص خدي : خقاقه ،. انا ابتسمت و شليت الفستان .. سيف يا وياي لين غرفه القياس .. انا : نعم وين ياي ؟ سيف : بلبسج . . انا : مشكور ما ابا خدماتك .. سيف : افاا .. رويض : عنوود .. دخلي .. انا دخلت عندها .. روضه : حلو ؟ اناا : يجنن .. روضه : عيل باخذه .. انا ابتسمت لها : واايد حلوو .. روضه ابتسمت .. ظهرت من عندها .. سيف : شو ؟ حلو عليها ؟ انا : هيه .. سيف : يالله انتي قايسي ابا أشوفه عليج .. انا : الحين بقايس .. دخلت غرفه القياس و قايسته .. طلع وااايد حلوو .. خاصهً انته مخصصر .. و فيه قصه و حزاام .. سيف يدق الباب : يالله طولتي .. انا فجيت القفل : ادخل .. دخل و على طول غمض عينه : ما بتلبسينه .. انا : لييييش ؟ سيف : اخاف يحسدونج .. ما بتلبسينه . انا : حرام عليك سواااف .. سيف ابتسم : فديت قلب سواف .. انا اطالع عمري ف المنظرة : حلوو .. عايبني .. سيف ابتسم ب خبث : وأنا بعد عايبني .. انا طالعته .. سيف تقرب مني .. انا : اييييه سووواف .. سيف : ما بسوي شي والله .. انا : انزين اظهر بلبس .. سيف : بيلس هني .. انا : نعععم ؟ سيف ابتسم : بغمض عيني والله .. انا فجيت الباب : انجلع .. سيف ابتسم ؛ انا أنجلع ؟ انا بروايج .. انا ابتسمت و قفلت الباب .. بدلت ثيابي و ظهرت .. الريال : شو قررتوا ؟ انا : انا بأخذ العيناوي .. و "أشرت على روضه" هاي بتاخذ الوردي .. شيخه : انا بأخذ الكحلي .. شوق : وأنا الابيض .. خذينا الفساتين و ظهرنا من البستان .. اناا اتصلت حق الدريول و قلت له ايي .. سيف مسك ايدي ؛ ما بتسيرين مكان .. انا : و شوييخ ؟ سيف : خلها ترد .. بس انتي بتين وياي بيت ابويا .. انا : أوكيه .. منصور : كرهتوووني ف حيآآتي .. لوعه جبببد طلعت الحريم .. روضه : محد قالك تعال ويانا .. منصور : أنتي جب .. انا : شويخ انتي بتردين ويا عبد القادر .. شيخه تثاوب : اوكيه .. شوق : انزين من وين بتاخذون كعب و اكتسوارات ؟ انا : كعووب من العربي سنتر و اكتسوارات من هني .. روضه : انزين تعالوا .. سرنا فرع داماس اللي هني و خذينا اكتسوارات .. سيف يرمس الريال : اباا أحلى عقد هني .. و اغلى واححد .. الريال : تكرم .. روضه : حقي صح .. سيف : لا حق حرمتي .. منصور : هااهاهاهاااهها قفطوووهاا .. روضه : اصلا عادي .. انا خذيت لي .. الريال ياب عقد كله الماس و يجذب الواحد يطالعه لانه يلللللق .. سيف : باخذه . . انا : واايد فخم سيف . . ماباه .. مب ملجتي هاي .. سيف : عادي انا اباج تكونين أحلى وحده .. روضه : اصلا مب حلوو .. شوق : مب حلو ف عينج .. "طالعت منصور" منصور حبيبي خذ لي شراته .. منصور : انا باخذ حق حرمتي .. شوق : ما فيك خير .. منصور خذ طقم كامل حق عليا .. سيف طالعني : عايبنج؟ انا ابتسمت : هيه .. سيف : الحمدلله . . الدريول اتصل حق شيخوه و ردت وياه .. روضه : يالله نرد تعبت .. انا : انا بعد تعبت .. سيف : يالله الحين بنرد .. سرنا بيت بو سيف .. ام سيف : هلا هلاااااا ب حرم سيف .. فديت خشمج انااا .. انا ابتسمت و سلمت عليها .. ام سيف : تو ما نور البيييت .. انا : منور ب أهله عمتيه .. سيف : أمايا حطوا العشى .. انا بسير بوديها بيتنا .. ام سيف : وليش تسيرون بيتكم اصلا ؟ ارقد فـ غرفتك اللي هني .. سيف : امايا اباها تتعود على بيتنا اليديد .. روضه : عنود بدلي و تعالي تعشي هني .. "علت صوتها" هني .. مب هناااااك .. انا ابتسمت : انزين بيي أتعشى هني .. سيف مسك ايدي و ظهرنا سرنا بيت سيف .. روووووووعه .. من برااا نفس البيوت الثانيه "بيت بو سيف و بو منصور" و من داخل فخم واااااااااايد .. الصاله اللي تحت لونها عيناوي و ذهبي .. و ميلس الرياييل بني و برتقالي . . و فوق في ثلاث حجر و صاله صغيره و مكتب سيف و مكتبه .. الغرفه الرئيسيه لونها احمر و ابيض و اسود .. و الثانيه ازرق و رمادي .. و الثالثه وردي و ابيض .. و شي مطبخ تحضيري ف الصاله .. و المطبخ العود ورا الدري .. شي غرفه الطعام .. غرررفه عوووووده و فيها طاوله فـ النص بس .. و فوق شي مكتبه كلها كتب يديده و جديمه .. و شي مكتب سيف فيه كل ملفات الشركه و اوراقه .. و تحت شي ميلس حريم لون طقم الكراسي فيه بني و اخضر فاتح ..و عدال المطبخ التحضيري شي مسبح عووود ف الصاله .. البيت بإختصار وااايد حلوو .. انا : سواف حق شو البيت هالكبر و بنسكن فيه بس انا وياكـ بروحنا .. سيف : لانج انتي حرمتي .. و انا ابا ادلعج .. و بعدين لا تنسين عيالنا "ابتسم بخبث" .. انا ابتسمت و مسكت ايده سرنا فوق .. سيف : هاي حجرتناا .. دخلنا والأثاث كله لونه احمر و ابيض و اسود .. الغرفه واااايد عوده .. السرير اكبر شي .. ماخذ مسااحه عووووده .. و شي غرفه تبديل الملابس .. فيها ثيابي و ثياب مآخذنهم سيف ب مساعده روضه .. و المكياج نصه مكايجي و نصه سيف مآخذنه هو و روضضه .. و النعول و الششننط و كل شي مرتب .. فيها تلفزيون مجابل السرير .. و مرايا كبيره يمين الغرفه .. انا حطيت الفستان ع الشبريه و انسدحت .. سيف : حلو حبيبي ؟ انا : واااايد حلوو .. سيف انسدح عدالي : اهم شي انه عيبج .. انا ابتسمت : ما توقعتك ذوييق جي .. سيف ابتسم : افا عليج .. انا : بصراحه كل شي حلو و مرتب .. و غير الاغراض اللي انا ماخذتنهم .. و الزهبه .. سيف : انا و رويض ماخذين وااايد أغراض .. انا : مشكور حبيبي .. سيف : ما يغلى عليج شي .. قومي بدلي عسب نتعشى و نرقد .. انا ؛ اوكيه .. . . . . . . ف بيتنا .. اميه و ابويا و شويخ و نهيان و عايشه يتريون شما و حمد و بنتهم ميثا .. شيخه تحظن عايشه : حيااااااتي عواااااش .. عايشه : متى بتي ماما؟ شيخه : الحين بتي صبري شوي .. ابويا : تعالي عايشه .. عايشه سارت عند ابويا و يلست ف حضنه .. دخلوا حمد و شما .. شما + حمد : السلام عليكم .. عايشه تزاعج : ماااماااا .. اميه تزغرط : كوولووولييييش .. تو مااا نور البيت .. فديتتتت مييثثااا بنت حمد .. حمد حب راسها : فديتج امايا .. ابويا : عطوني اشوفها .. شما عطته يشلها .. ابويا : تششبه أمها وااايد .. حمد : اصبر ابويا .. امسات كانت تشبهني .. أميه : و باجر بتشبهني .. نهيان : لالالا كله ولا شيخه الحرريم مييرووه .. اميه : ميروه ف عينك انا أمك .. نهيان : ندلعج حرام ؟ ابويا ؛ هي حررام محد يدلعها غيري .. حمد : شو هالرومانسيه أبويا .. أبويا حط بيزات ف قماط ميثا .. شما : حق شوو عمي ؟ ما يحتاي .. ابويا : لا فديتكم هاي الغاليه بنت الغالي .. عايشه : اللللللله بيبي حلووووو .. نهيان : بنت بنت .. مب ولد .. عايشه : ثو اثمها ؟ نهيان : مييثااا .. عايشه ابتسمت : مييييثثثااا .. شيخه : بشلها و بفرها ف البالوعة .. حمد : قصصووورج بنت شيخج هاي .. عايشه : لااالالاااا ما تثلونها .. حقققيي .. اميه : بسم اللہ هاي آدمية مب لعبه .. "طالعت شما" ديري بالج عليها لا تجتلها .. شما : ان شاء الله عموه .. نهيان : حررام عليكم عايشه أليفه .. شيخه : الا مفترسه شرات عمها .. نهيان : لااا حششى .. ابويا ابتسم : رقدت الحلوووه .. شما : هاتها عمي بسير فوق برضعها .. اميه : تصبحون على خير فديتكم .. . . . . . . سيف : كلي عنبوووج ما كلتي شي . . انا طالعته : تراني اكل .. سيف : بنات هالزمن عععظظم .. ام سيف : صدق كلامه سيف .. كلوواا الخيير وااايد .. روضه : اصلا عنود حلو جسمها .. مب ضعيفه .. سيف : لازم يكون حلوو جسمها تراها حرمتي .. روضه : حرمت عليك عيشتك انطم و كل وانته ساكت .. سيف يمثل انه بيصفعها . . روضه : خلاص توبه .. ام سيف : اللہ يهديكم .. سيف : و يثبت العقل على بنتج المستخفه .. ام سيف : اعقللي ي روضه ورا باجر ملجتج شو بيقول عنج الريل .. سيف : بيييشششرد .. روضه : جببب .. انا نشيت : الحمدلله .. سيف : تعالي كلي .. ام سيف : لا تضغط ع البنت كيفها .. انا ابتسمت و سرت ايلس ع الكرسي اللي ف الصاله .. سيف نش و يلس عدالي .. انا تثاوبت .. سيف : قومي بنسير نرقد .. انا : بروحنا ف هاذاك البيت ؟ سيف : هي عادي شو يعني ؟ انا : اوكيه .. سرنا بيتنا و انا سرت اتسبح بدلت ثيابي .. لبست لي بجامه حرير ورديه .. و تعطرت و تدهنت ب كريم الفراوله و ظهرت له .. سيف ابتسم لي : اححبببج . . انا ابتسمت بحيا .. سيف : و امووووت فيييج .. انا ابتسمت و انسدحت ع الشبريه .. سيف طالعني ب خبث .. انا فجيت عيني : ششو ؟ ”cut“ . . . . |
| الساعة الآن 09:15 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir