منتدى استراحات زايد - نعم حبيبي انا ارمسك و انت ترقد عني !

بسم الله الرحمن الرحمن الرحيم .

. .

أنا : رآشد مب أنت اللي تغصبني ع شي ماباه ، مب انت اللي تكسرني ياراشد .

راشد : ها أشوف ظهر لج لسان مستحيل اخليج تضيعين من أيدي ، اتعرفين أني احبج صح لاتنكرين احبج

انا : راشد هذاك أول هه كنت عايشة فغرام شخص عفته عفته يا راشد

راشد : مب ع كيفج انا احبج و انتي تعرفين هالشي بس زهبي عمرج

انا : مب ع كيفك انت فاهم مب انت اللي تتحكم فيني مدام ابوي عايش مالك اي حق و انت لا ولي امري و لا غير فاهم

راشد : ان شاء الله بكون

انا : راشد دخيلك خوز عن دربي لأخبر عليك

راشد : شو بتخبرين ها لهدرجة يا روضة تبين تستغليني ؟

انا : لا مابي استغلك بس للأسف يا راشد انت خيبت كل ظنوني فيك هذاك اللي كنت احبه و اعزه و مستعدة انفذله كل اللي يباله بس خنت كل شي حلو عطيتك اياه عطيتك الحلو و كنك ترد لي جميل بالمر كنك فتحت جرح و حطيت عليه ملح عسا الله بس ينبرى .

راشد : مب ع كيفج انتي فاهمة

انا : ذاك اول يا راشد ذاك اول دخيل ابعد عن طريجي لا لم البيت كله عليك

راشد : تقهرين يا روضة سو اللي ع ريحج بس و الله لخليج تندمين

انا : خوز عن دربي

راشد طالعني بكل احتقار و راح دخلت الغرفة و صكيت الباب و اتمنى أن بس مايصير اللي فبالي لأن أعرف راشد أبد ما يتغير اعرفه الالف لين الياء و اذا تغير فهاي هداية من ربي

انا : الله يهديك و يصلح بالك يا راشد الله يوفقك و ينور دربك و يبعدك عن عيال الحرام و يحفظك من كل

رن فوني شفت ريم متصلة

ريم : روضة صدق الكلام اللي سمعته

انا : لا فديتج بس راشد تخيلاته وايد واسعة و مستحيل يمشيني ع كيفه

ريم : ها صدق تخبل و الله قهرني

انا : خليها ع الله انتي ما تعرفين يمكن كان خير لي اني اشوفه مع البنات و خل دوم فبالج هالشي " و عسى ان تكرهو شيئاً و هو خير لكم و عسا أنت تحبو شيئاً و هو شر لكم و الله يعلم و انتم لا تعلمون "

ريم : صدقج والله انزين تبيني أيج راس الخيمة ماظن ماما بترد

انا : هممم طرشي دريول ماله داعي تين

ريم : متى

انا :احين لو تقدرين و الله مب متحملة اي دقيقة اتم اهني احس عمري مخنوقة

ريم : ان شاء الله يالغالية

انا : يلا عيل بخليج بسير اخذلي شور سريع و ايلس ويا يدوه شوي

ريم : اوكيه سي يو

انا : سي يا ، باي حبيبي

. .

تنهدت بكل تعب مب بس تعب الم انكسار ، كيف تكسرني يا راشد كيف حاولت ، شو قصرت عليك انا ، الله يسامحك بس نشيت أسبح .

. .

راشد : خالتي انا ابا اخطب روضة

ام روضة : بس هي بعدها صغيرة عليك و انت تدري و بعدها ماخلصت دراستها و انت ادرى روضة اهم شي دراستها

راشد : خالتي انتي تعرفين أني اعشق تراب بنتج

حمدة : الله يالعاشق و الولهان كل ها عشان رويض

راشد : لو تبي عيوني فداها

حمد : هه انزين حمدة حبيبتي شو رايج فريال يصيح حبيبته او خلينا نقول بنت ؟

حمدة : بالاساس مب ريال

راشد : شاللي تبي توصله يا حمد ؟

حمد : هه لا يا خوي بس شي طرا ع بالي

راشد : لا ينطرى ع بالك و لا بتندم مرة الياية زود فاهم يالغالي

حمد : عزيزي راشد مب أنت اللي تبيه يمر فبالي بيمر و مب انت اللي تباه بيستوي فاهم الزم حدودك يوم بترمسني تفهم يا راشد

راشد : صخ عن قبل لا كفخك يالكلب

ام روضة : حمد راشد شفيكم كل ها عشان سؤال ما يسوا يالله عليكم تراكم انتو اخوان و عيال خالة لا تخلون الشيطان يدخل من بينكم يا عيال

راشد : ما تشرف اكون اخو لهلأشكال

حمد : أقولك تبي تتفاهم تعال برع لا تدخل الاهل فالسالفة

حمدة : أويييه انتو من صدقكم سويتوها سالفة بعد

حمد : أنتي اسكتي

راشد : ليش تسكت و مب انت اللي فتحت سالفة و خليتها ترمس

حمد : ان تكلمت مع جهلاء فحسبوك منهم

راشد : اصلا انا مالي يلسة مع ناس ما تحشم

حمد : هه و انت عرفت الحشيمة يا راشد انت خليت الحشيمة فالقاع

راشد : يال . . وقبل مايكمل " عطا بوكس ع خد حمد "

حمد " أبتسم و تم ساكت " : و الله لو ابي اروم اكسرك بس الحشيمة لخالتي اللي يالسة ويانا

راشد : ليش انت عرفت تحشم حد

حمد : اسكت عني قبل لا افتح مواضيع مالها داعي تنفتح

راشد : لا تهددني فاهم

. .