|
ياااااااي.. عجيييب البارت.. >>ابدععتي من الخاطر.. وارتحت وايد ..لما ردوا لبعض،، بسس فجر وريلها اخاف يفترقون بسبت امه.. ليش وقفتي..كنت ابا اعرف منو ها>>اهئ اهئ.. فانتظارج لا تطولين.. |
احححم..ابا بارت لو ماعليج امر،. |
البارت الخامس عشر تمشي بكل رقه خطوة بخطوة تتحاشى انها تركض عشان ما يتعب صدرها وصلت للجزء اللي بالصاله اللي لازم تلف منه عشان تسير فوق شدها صوت سمعته لا مو هالصوت مستحيل يكون هوو!!! فاجأها الكلام اللي وصلها : ليش مب حاسه فيني أنا أحبج وعمري ما تخليت عنج حياتي كلها حطيتها فداج طالعته بنظرة حزن وهيه تتذكر الماضي قبل كم سنه بس كان حب طفولتها أو بدايه مراهقتها حاولت تتكلم وياه حاولت تفتح حلجها بس ما قدرت تتطالعه ودموعها تطيح ع ويهها كل اللي قدرت تسويه إنها تركض ع الدري لفوق تبي تطلع من المكان إللي هو فيه تمنت لو إنها تنمحي من الدنيا كلها ولا تلاقيه وهيه تركض دعمت بحد "حاولت تركز بس ما قدرت من الدموع اللي ترست عيونها وويهها" أحمد: مثايل شوفيج مثايل:"تصييييييح" أحمد:"يجوف الدم اللي بدا ينصب من حلجها تذكر أنه شال كتاب بإيده أكيد هو اللي ضربها بقوه" مثايل:"مب حاسه بشي أبد" كملت ركضها أحمد: يالخبـــــــله وين سايرة تعااااااااااااااااااالي خل أنظف لج الجرح عن يلتهب "ركض وراها" كملت ركضها إلين لقت سلطان وطاحت بحضنه لمته بقوه كأنه لعبتها الضايعه وحصلتها لمته خايفه الزمن يغدر فيها يجوف الدم اللي من حلجها وبنفس اللحظه جاف أحمد وراها أحمد: سلطان لازم الجرح يتعقم أكيد لثتها أنجرحت بقوه سلطان: "وهو لامتها يحاول يهديها" ليش شو صاير أحمد: مادري تركض وتصيح وعقب دعمت ففيني كنت شال كتاب وأكيد هو قصها سلطان: مثايل شو فيج تصيحي شي صاير !!! مثايل:" كانت ترجف بحضنه" أحمد:"يقرب" خليني أجوف لثتج سلطان:مثايل فجي حلجج خل يجوف مثايل: "تشهق"مابي أحمد: خل دمج يصفى عيل سلطان: لا مثايل شاطرة تسمع الكلام صح مثايل:"تحب اسلوبه جي لما يحاورها كطفله على الرغم من ان فرق العمر بينهم سنتين بس" إيه صح" بطلت حلجها" أحمد: لثتها اللي فوق مجروحة وشكله شوي عميق يباله خياطه قومو العياده سلطان: مثايل يلا قومي لازم نداويها بسرعه قبل لا يصفى دمج مثايل:" تذكرت الانسان اللي جافته تحت " لا مابي مابي اسير سلطان: دلووعه تبيني اشلج " شلاها ومشى" ووراه أحمد اللي كان خايف عليها بنفس الوقت مستغرب علاقتها بخوانها ..!! . . أما اللي كان تحت طلع من البيت وهو منقهر من اللي جافه ندم على الكلام اللي قاله لها عمره ما ضعف جدام أي بنت إلا هيه هيه غير غيرت كيانه غيرت حياته خلت لها طعم ولون ثاني غير ركب سيارته وساند راسه ع السيت يتذكر أخر ذكرى لها عنده أخر مرة سمع صوتها يومها أتصلت فيه ورد عليها بشوق أشتاق لها حيل : هلا وغلا مثايل: أهلين : شحالج شخبارج مثايل: يسرك الحال : شو فيه صوتج مب عايبني مثايل: سيف أنا حاسه الذنب سيف: الذنب ليش حبي مثايل: سيف حاسه اني أخون أهلي أخون أخواني اللي امنوني وخنتهم أخون فلاح ربيعك اللي امنك ع بيته وختنه سيف خلاص انسى الي بيننا ولا كأن شي صار سيف: زين ليش انا احبج والله احبج بترياج وبخطبج وبتصيرين لي مثايل: تدري كم عمري أنا عمري 15 يعني ياهل تحب ياهل سيف: بس احبج مثايل: انت بعدك ياهل بعد سيف: أحبج ليش ما تصدقيني مثايل: صون العشرة ولا اتدق ع هالرقم مرة 2 "سكرت" سكرت وتسكرت كل الابواب بدنيا سيف مثايل اللي تخلت عنه وعن حبه لها بكلمتين "انا حاسه بالذنب" ياخي شو يعني انها ياهل هيه كانت بعيوني كل شي وشو معنى اني كنت 17 كنت افهم كنت أدرك حجم الحب اللي اكنه لها حرك سيارته حتى بدون ما يجوف فلاح راااااح بدون لا يخبرنه انه رااح راح وهو ينهد بقووه . . أحمد: تعالو ركبو معاي بسيارتي سلطان: تسلم الغالي انا ما يبت سيارتي أحمد: يلا ما بيننا هالرمسه . . تحدر عليها أختها وهيه تصيح وتحضنها فطامي: فجوووووور بلاج فجر: ضايجه والله بموووووووت فطامي: سلامتج من الموت حبيبتي ليش هالكلام فجر: انا سكتت صارلي جم يوم ساكتته بس خلاص سكتت ما خبرت امي توه عشان ما اكدر خاطرها خليت البنات عندها وييتج فطامي والله محتاجه حد يلمني والله فطامي:"تلمها" فديتج شو فيج فضفضي قولي اللي في خاطرج فجر: بمووت من منها بتيب لي الضغط و بتنقص عمري بتخليني اموت قبل يومي والله فطامي ما اسوي لها شي أحبها والله تخيلي كل يوم تزن ع راسه عرس عليها هاي ما أتيب غير البنات كأنه مني والله فطووم أنا اتمنى اليوم اللي ايب فيه ولد مادري هيه ليش جي تخيلي بناتها اييبون بنات عادي عندها ما تقول لهن شي والله بتجلطني فطووووووووووم فطامي:"تمسح ع راسها" بس فجوور توكلي ع ربج وخل عنج منوه يابج وليد فجر: لا يابني سيف أخووه تخيلي من الصبح قاعده بالبيت يوم قلت لوليد وداني بيت اهلي نطت تقوله مادري وين وداني وليد رحمني خلى سيف أييبني وعقب بيي فطامي: زين يلا قومي عشان محد يحس غسلي ويهج عشان إميـه فجر: زين بنام وياكم فطامي: ههه فجر: والله مالي خلق ارد وأشوفها فطامي: يلا قومي خل نسير نقعد برع مع اني أدري وليد ما بيخليج تنامين عندنا . . علايه: إميـه سوي لي محشي أم خالد: محشى الحينه علايه: هيه والله يوعانه أم خالد: يباله وقت مب الحينه بيزهب علايه: زين خلاص سوي اي شي يوعانه إميـه أم فهد:"إتي" تبون مشاوي خل نطلب من برع علايه: هيه خالو دخيلج ام خالد: ههه اللي يقول أنا ميوعتنج علايه: ميوعتني اميـه والله جوفي أستويت عظاام شوي وبنقرض أم فهد: ههههه يلا قومي سيري جوفي طلباتكم عشان نطلب قبل الوقت علايه: طيراااااااااان " وتركض" أم فهد: الله يخليها يارب أم خالد: آمين . . وصلو عياده الأسنان اللي صاحبها ربيع أحمد حدرو والدكتور سوا لها خياطه ع الجرح ونظفه لها وحطالها بنج صرف لها جم دواا عسب لو خلص البنج بتتألم جبال الصيدليه سلطان: أحمد مثايل قعدو إهنيه انا بسير أييب الدوا وبيي أحمد: زين مثايل تعالي إهناك كراسي خل نقعد" يأشر" مثايل:"تهز راسها وهيه تجوف المكان إللي أشر لها" قعدو وفجأه أحمد يحس فيها محطيه راسها ع جتفه أحمد:"بخاطره" وليـه شو هذي قلنا فري وما تتحجب ويايه جذه بدون ستر بس ما توصل لهدرجه باللحظه يوصل سلطان أحمد"خايف من سلطان يقوله أي شي" سلطان: حياااتي رقدت أكيد من التعب أحمد:"يتنهد يبا يوخرها عنه بأي طريقه" زين تعال شلها وعاها سلطان:"شلاها" يلا امش خذ الجيس من اييدي وسير شغل السيارة . . لما وصلو للسيارة خلاها ورا وركبوا سايرين البيت . . واقف حبال البحر صارله مادري جم صارله واقف يفكر بالإنسانة اللي جافها عرفها بوقت كانت محتاجته حيل فيه محتاجه حنان فاقده حنان امها وايد بذيج الفتره كان أبوها مسافر وفاقده مكانه حيل أخوانها معاها بس ما تقدر تقولهم أي شي بصدفه عرفها ورمسها وحبها بدون أي شعور عنده وهيه لما حست بالغلط اللي سوته نبهته قالتله أنه مستحيل هالعلاقه تتكمل كانت تعتبر روحها خاينه خاينه لابعد درجه لمجرد أنها رمسته بدون علم أهلها كانت تقوله أنه خان ربيعه رووحه فلاح تنهد بصمت رجع سيارته وحركها بإتجاه البيت فجأه لمع فونه بإسم فلاح رد عليـه: هلا فلاح: وينك سرت عني قلتلك شوي ببدل وانت لبستني ورحت أتصل لك ما ترد ياخي قوول ما تباني ايي وياك بفهمها ماله داعي تشرد جي سيف: "يبتسم غصب عنه شقد هالانسان يغير موده بسرعه" بل بل بل بالع راديو الغالي !!!!! فلاح: ههههه سيف: كأنك بنيه والله تلعلع تلعلع ما تسكـت ابد فلاح:هههههههه والله لا تلومني وقتي كله ويا أختي سيف:"ابتسم لذكرها" الله يخليها لك يارب فلاح:آمين يالله قولي ليش سرت وليش ما خبرتني أنت وين الحينه ؟؟؟!!!! سيف: لا بس إضايقت شويه رحت البحر قعدت الحينه راد البيت فلاح"بخوف عليـه": حاس بشي رحت المستشفى سيف: لا الغالي لا تحاتي ضيقه خفيفه بس ماله داعي مستشفيات فلاح: زين ممم بنت عمي يعني انت أخو ريلها سيف: هيه فلاح: ههههه والله وطلعنا نسايب سيف: شفت كيف "وقف جدام بيتهم" سيف: يلا فلاح أنا وصلت بيتنا بكلمك بوقت ثاني فلاح: إن شا الله ومرة 2لو حسيت بضيق لا تروح بعيد ربيعك قلبه مفتوح لك سيف: هههه ان شاا الله الغالي في أمان الله فلاح: في أمان الكريم . . سيف: تباني أييك وأتشكى من أختك ياالله يا فلاح شو تباني اقول أنا كل ما اجوفك أوله عليها تشبهك وايد حدر البيت ما تفاجأ أبد لما جاف أمه ويا وليد سيف: سلام عليكم وليد: عليكم السلام كمل طريقه لحجرته منقهر من أمه أهتمامه كله بوليد وليد كل وليد سوا وليد وليد وليد وهو مو ولدها ولا بس لان وليد بجرها الغالي عمره ما حس بإهتمامها يمرض يتعب هه حتى ما تعرف هو ياخذ أدويته ولا لا كسر خاطري وليد ما يروم يسأل عن حرمته وديتها ولا لا هو مأمن فيني يدري يوديها ويحميها لو اي شي يصير يخاف أمه يسوي له سالفه أصلا كل ما يبا يسير وياها مكان وقفت بطريقهم مادري ع شو تغار عليـه اللي يجوف تصرفاتها يقول زوجته وتغار من عديلتها هههه ضحك ع تفكيره عمره ما حد إهتم يضحك ولا يصيح مسك فونه وفتح البرنامج اللي من أكثر من سنتين ما فتحه "المسن" إشتاق لإيميلها ينكتب له لتوبيكاتها اللي كانت تكتبهم لكل شي منها حاول يصبر نفسه كل الوقت بس دامه اليوم جافها ما قدر يمكن لو أنه ما جافها ما بيحن لها بس المشكله إنه جافها إبتسم لما ما جافها حادرة بس خلاه مفتوح وتم يتعبث بفونه . . سلطان: تسلم الغالي أحمد: ولو ما سوينا شي بو حمدان:"جاف سلطان وشال مثايل باين التعب عليها راقده بعمق " شو فيها سلطان: تعبانه أبوي بوديها غرفتها بس مادلها فطامي: تعال بدليك "سار وياها" بو حمدان: شو فيها أحمد وين كنتو أحمد: ماشي إنجرحت لثتها وخيطوها لها يديـه: حليلها كيف إنجرحت أحمد: كانت تركض ودعمت فيني وانا كنت ماسك كتاب وضربها بو حمدان: وشو صار !! أحمد: ماشي وديتها لربيعي دكتور أسنان وخيطها لها الله يهديها مادري شو كان فيها أم حمدان: مادري شحقه تركض تستاهل ما تعرف تمشي شوي شوي بو حمدان: بس عاد أم حمدان:زين يديـه: حليلها عاد نحن طالبين من المطعم وهيه رقدت بو حمدان: عادي الغالي بنخلي لها يمكن تقوم بالليل يديـه: هيه خلو لها أحمد: عيل يدوه وين يديـه: تعرف ترقد من وقت اللي يقول ديايـه أحمد: ههههه حرام عليك يدي . . دخل غرفتها وسدحها ع السرير غطاها عدل وباسها ع خدها لما رد يطلع انتبه لفطامي بعدها واقفه ع الباب سلطان: أحم أبا اطلع فطامي:"انبهت انها ساده الطريق عنه فخازت عن الباب" سلطان: يلا جدامي خليها ترتاح فطامي: زين طلعت جدامه وهو طف الليت وسكر الباب سلطان: مهره ما نزلت عندكم فطامي: لا اكيد تستحي سلطان: ههه زين بسير لها فطامي: ممم لو ما تبا حد يجوفك ونت تصعد لها عادي تعال معاي اهناك في لفت سلطان: لفت فطامي: هيه لفت مساعه قاعده اشتكشف وجفته عاد ما جربته سلطان: هههه زين تعالي وريني ماعرف وين فطامي: تعال . . . فجر يايه ويا خلود وشاله فواغي اللي صار عمها تقريباً 3 شهور وشي جافت أحمد فسارت صوبه وخلت فواغي بحضنه وسارت قعدت يم أمها أحمد: أحم شو قصدج فجر: هلكتني خلها عندك مو انت مسمنها لاعبها أحمد: "يلاعبها" فديتها الغاليه بو خالد: عرس وييب مثلها وتفداها ع كيفك أحمد:"يأشر ع خالد" هذا عندك استلمه اول خالد: خل عنك أبوي قال أنت ما انا يديـه: انت وياه عرسكم ع يدي خالد: يديـه يديـه: انا قلت كلمه ما اثنيها . . "تبطل اللفت" فطامي: يلا رووح لحرمتك سلطان:ما بتقربين عندنا حياج فطامي: ههه لا وين ابا سلم عليها ولا تنسون عقب شوي العشا سلطان:زين فطامي: يلا رووح سلطان: هههه زين . . . إبتسمت له وطلعت من اللفت تبا تنزل بالدري ما تدري ليش . ! أما هو سار لغرفته جافها منسدحه ع السرير ومحطيه إيدها ع بطنها سلطان: مهوووور مهره:أششش تعال قرب سلطان: ليش مهره: قررب "قرب منها وهيه شلت ايده وحطتها ع بطنها" حس بالجنين يتحرك فيها سلطان: الحينه واعي مهره:من متى اترياه شكله راقد الحينه وعاا سلطان: فديته مهره: منو !! سلطان: هو وأمه مهره: هههه سلطان: أحبج مهره: أموت فيك سلطان:يومي قبل يومج يارب مهره: لا تقول جذه سلطان: كيفي قربي مهره: مابي سلطان: كيفي قربي مهره إبتسمت له وقربت وووو ههه . . بعد نص ساعه كانو متجمعين ع العشا الكل ماعدا يدووه اللي ما تحب تسهر وايد ولا تحب أكل المطاعم ومثايل اللي كانت راقده . . خلصو العشا وتوجه كل شخص لغرفته بيرقدون . . قامت من رقادها تحس بشي مضايقنها فتحت عيونها شافت انها راقده بالسكيني والكت واللحاف طايح ع الارض مو من شي حاسه بضيقه من البرد حاولت تتثاوب بس تحس بشي ماسك حلجها ويعورها إتذكرت اللي صار والخياطه إتنهدت بقوه لما ياا ببالها سيـف!!!! حطت إيدها ع بطنها يووعاااااانه ...!!! دورت الاي فون تبا تجوف الساعه بس الإضاءه ضعيفه لدرجه انها بس اتجوف الاشيا القريبه خاصه ان نظرها شوي ضعيف تاففت و مددت ريوووولها بأخر حد فيها حست بشي بااااارد لمسته استغربت شو هذا !! مدت إيدها وجافته أي فونها حبيبها ههه كان بااارد حييل فتحته وجافت مس كوولات من غلا إنتبهت ان الساعه الحينه 5 ونص يعني أذن الفجر سارت الحمام"عزكم الله" وتوضت وصلت عقب فتحت كتبها وو قعدت تنقي لها شي تلبسه الحينه الفجر اكيد الجو شوي بارد برع بالاخير إختارت جنز و معاه قميص أسود طويل وعليه حرووف إنجليزي من جدام خلت شعرها مفلول وحطت قباضات صغاار ع الطرف عشان ترفع قصتها عن ويهها قررت انها تطلع برع شلت إيفونها ولبست نعالها "عزكم الله" و حطت دواها بجيبها جافت الصاله ظلااام بس الابجورات مشغله عطت المكان إضاءه باهته شوي كانت بتقعد اهنيه وبتفتح التي في بس غيرت رايها وقررت تقعد الحديقه أكيد الجو بيكون روعه برع . . مشت بهدوء ع الدري وصلت للدور الارضي جافت الليتات مبطله ما اهتمت كملت طريقها تبا تطلع لبرع نقزها صوت وراها :وين سايرة صدت إبتسمت ليدتها مثايل: فديتج الغاليه بطلع برع بالحديقه شوي اكيد الجو حلو يدووه: هيه سيري الغاليه وبعد شوي بييب لج الريوق مثايل: لا الغاليه ماله داعي خلي الخدامه اتيبه يدووه: لا انا عمري ماحب الخدامه تسوي شغل المطبخ مثايل: "إبتسمت لها وكملت طريقها للحديقه جذه الكبار بالسن ما يحبون أي حد يسوي لهم أشغالهم لو قعدت من اليوم لي باجر تقنعها ما بتقتنع أيد" كانت تبا تتصل ع غلوووي بس أكيد الحينه راقده إحتارت شو تسوي .. ! جيكت بفونها لو في ويرليس بالبيت بس طلع ماشي ففتحت المسن من فونها بالخدمه جافت ان محد حادر غير شخص واحد بس استغربت من النك "دخيل النبض لا ترحل وأنـا مالي بهالدنيا سوى قلبك" منو هذي؟ََ!! فتحت تجيك ع الايميل إتفاجات سيـــــــف كيف وليش يات تطلع بس سبقها سيـف: شحالج ترددت ما تعرف شو تسوي سيف: مثايل ادري انج حادرة كلميني مثايل:"تكتب بأصابع ترجف" ليش رجعت سيف: انا ما رجعت الزمن هو اللي رجعني مثايل: ليش الحينه سيف: "تجاهل سؤالها" والله ما تغيرتي بالعكس أحلويتي زياده مثايل: سيف سيف: ليكون للحينه ما تتحجبين وتطلعين جدام عيال عمج جي مثايل: هيه عادي سيف: لا مو عادي أغار عليج مثايل: بأي صفه سيف: أنا أحبج وبتزوجج بغار عليج بصفتي زوجج مثايل: سيف خلاص سيف: أحبج مثايل: لا تكرر الغلطه أنا كنت محتاجه حد يسمعني بهذيج الفتره وانت كنت جدامي اما الحينه والله مابي سيف: إتظنين اني كنت استغلج أنا كنت نفسج محتاج بعد مثايل:سيف خلاص سيف: ع راحتج بس بيي اليوم اللي تحسين فيه فيني مثايل: انا بتريق سيف: منو مسوي الريوق مثايل: يدووه سيف: أها قلت انا مو أمج مثايل: ههه "إبتسمت من الخاطر أنه ما نسى ولا شي عنها" سيف: بالعافيه وتأكدي ان لما تحتاجيني بتلاقيني مثايل: مممم سيف: بس مادري لو أحتجتج بلاقيج مثايل: لو الله كتب إن شا الله سيف: والنعم بالله خلي إيمانج فيه قوي مثايل: ونت بعد يلا يدووه يات "سجلت خروجها باللحظه اللي يدووه أتقربت منها" مثايل: الله كل هذا لي يدووه: هيه يلا ادريبج يوعانه يلا أكلي كانت مزهبه لها صينيه مما لذ وطاب خبز وجبن و فروله وجاي حليب وعصير يدووه شكلها مطورة شويه ههه تعرف للبنات الدلاعات شو يبن باللحظة طاف يمهم أحمد أحمد: صبح الخير يدووه: صباح النور شحالك شصبحت أحمد:"يبوس راسها" أصبحت ع ويهج الغاليه يدووه: هاا وين توه الناس وين ساير من غبشه أحمد: لا بس كنت فووق وأطالع من الدريشة وقلت أيي دامج مزهبه ع الفطور الغاوي ولا انا ما قد المقام يدووه: لا الغالي حياك أحمد:"يطالع مثايل" أخاف أزعج ناس مثايل: "أعتدلت بقعدتها "لا حياك أحمد: شحالج اليوم"يأشر ع حلجه" منيـه يعورج مثايل: لاا أحمد: عيل بيعورج الحينه يوم بتاكلين يدووه: لا تخوفها إكلي ما عليج منه أحمد: والله جرحج بيعورج يوم بيي عليه شي بيعقرج مثايل:"خافت يعورها بس ما بينت" يدووه: أحمد خلاها أحمد: شربي ما عليج مثايل: سير ييب لي لولب أحمد: لولب مثايل: هيه لولب بشرب فيه أحمد: اها قولي بيب مثايل: هههه زين المرة اليايه قووم دور لي أحمد: زين " وقام" سار المطبخ ودور وحصل علبه كامله كلها بيبااات لما رد قال بخاطره:"مادري ع شو مأثره فيني أسمع كلامها انا اللي اعايب ع علايه يوم تتدلع و يعيبني دلع هذي ياخي ذبحتني بشكلها لا هيه عايبنها تتدلع وتتمخطر بملابسها والشعر يطير " وصل لها ومده لها إمسكته وقالت له: ثانكس نخدمك بالافرااح أحمد: أن شا الله شلت كوب وصبت لها جاي من الدله وحطت البيت فيه وقامت تشرب أحمد: الحينه قلت بيب للعصير مب للجاي للعصير مثايل: مابا عايبني جي يدووه:خلاها عنك "قامت" انا بسير اجوف يدكم يوم أبتعدت عنهم أحمد: ما تروم تصبر عنه مثايل: هههههه أحمد:"يوقف" صبي لي جاي مثايل: "صبت له ومسكت الكوب من تحت " خذ خذ بسرعه امسكه أحمد: هههه حار صح"مسكه" حد يمسك من تحت مثايل: أنا ماحب امسكه إلا من تحت أحمد: "يشرب" بتمين قاعده إهنيه مثايل: هيه ليش أحمد: قومي دشي داخل انا بسير الدوام الحينه مثايل: اليوم السبت خيوو!!! أحمد: أنا دكتور مثايل: وااااااو صج أحمد: هيه مثايل: انا ابا استوي دكتورة أحمد:"شدته بطموحها فقعد" دكتورة مثايل: هيه دكتورة اباهم يزقروني دكتورة مثايل أحمد: ايواا عشان الاسم بس مثايل: لا مب عشان الاسم بس عشان أعالج الناس إلا انت دكتور شوو!! أحمد: دارس طب طواري يعني اي حاله طارئة من كل شي أعرفلها مثايل: دارس طب عام أحمد: هيه مثايل: ليش ما تخصصت أحمد: بس جي مثايل: أها زين يلا سير عن تتأخر ع شغلك أحمد: قومي دشي داخل أول ممثايل: ممم زين بس أحمد: بس شو مثايل: ما بقدر أكل صج أحمد: ههه بتقدرين تاكلين بس شوي شوي لا تخلينه ايي قرب الجرح ومثل ما سويتي أي شي شربيه بالبيب عشان تبلعين سيده أوكي مثايل: أمم اوكي "تقوم" يلا قوم سير شغلك أحمد:خلي الخدامه اتي اتشل الريوق مثايل: اوكي . . طلع أحمد وهيه كملت طريقها للبيت . . "تهزه وهيه تصيح": يلا قوووم قوووم . . . |
تسسسلملي الايادي.. بصراحه البارت طررررر.. ومثايل.. هل هيه تحبه للحين ولا ؟؟..؟؟ واتوقع اللي كان راقد وماقام..هو اليد.. وفانتظارج غناتي.. |
صوبنا صصوبنا.، ابا بارت.. |
| الساعة الآن 06:13 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir