نترياج لاتبطين علينا

نترياااج خيتو

هيييييييييييييييييييييييييييييييييييه نترياااااااا الباااااااااااااااااااارت
و ع طاااااري بنت عمهااااااااااااااا اقصد فيهاااااااااااا (( ابعدووووو ابعدووووووووووو التااااااااااااااااير لاااااااا ينفجر علييينااااااااااا))
خخخخخخخخخخ
لاااااا ينط لج عرج صمت السنيييييييييييييييين
نتريااااااااااااااج فديتج تقبلي مروووووووري

الباااااااااااااارت وصصصصصصصل

البآآرت { 62}




ودي بقربك و أدري أنك تبيني ..
لاـآتستحي قل ودي الحب يكبر ..
مآ أبيك تتركني لـ غربة سنيني ..
لكن أبيك تبين أحسآسك كثر ..


/\
\/
/\
\/
/\
\/



خلصو الاحتمآآع فنص سآآع‘ـــ‘ه وترخصوو عنهم ..
( بقى فالمكتب .. بو حمد .. شمآ .. حمد .. )
بو حمد وعينه ع الاورآق وبعصبية : زييين جذييه ؟؟ وطيتي أسميه ؟
شمآ بأبتسآمه جآنبية و عينهآآ ع حمد ألي من أول مآشآفهآ مآ أخر عينه عنهآ : أشتغلت بصدق نيييه .. وهذي يزآآتي
بو حمد دق بإيده بقوو ع المكتب : دخللللتج للسوووووق بكببببرهآآ غلط
شمآ : لو سمحت عمي .. لا تحآسبني ع شيء أنا متأكده من نفسي أني بنجح فيه
بو حمد : لاتوثقيين وآآيد فعمرج .. هالمكسب ألي حصلتيه .. من الحظ وبس
شمآ : هههه اوكي بيبين الحظ فالصفقآآت اليآآآيه
بو حمد رفع عينه ع شمآآ : تحلميييين أنج تشآآركيين فصفقآت ثآنيه .. بتعلنين أنسحآبج من السوق .. و اليوووووم بعد
شمآ وقفت : اناا خلصت كلااامي .. و خبر أنسحآآبي مآبتسمعه ألاا يوم يقولولك بنت أخوك وآفتهآ المنيه
حمد غمض عيونه يوم سمع كلامهاا
بو حمد تسآند ع الكرسي : لا تجبريني ع شيء ما أبا أسوييييه
شمآ : أنته ألي تحدني ع هالشيء .. عمي انا ماسويت شيء غلط .. كل ألي أسويه بحلاالي .. مآقربت صوبك ولا صوب فلوووسك ..
بو حمد بأصرآآر : لو ما بتعلنيين أنسحآبج لين يووووميين واللــ....
شمآآ قآطعته و بأسلوب يقهر : لالاتحووووولف .. ولا تقوووله كلاام .. أباا أشووف فعل .. لأنك يآ عمي من تقوول كلامك مآآيوفي .. قووول وبس .. وينعق فالبحر .. أباا أشوف فعلك لو ما أنسحبت لين يوميين شو بتسوي .. خلهآآ حقي مفاجأة لا تبلغني بهآآ
بو حمد نش من كرسيه ووقف ورآ الكرسي ألي يآلسه فيه شمآ : لا تستفزيني بأسلوبج .. بعدج مآعرفتي منهو رآآشد الـ.....
شمآ تسآندت ع الكرسي : ههههههههههههه مدآمني عرفت قلبك و نوآيآآك شو أبآ أكثثر .. أنكشفت ألاعيييبك يا عمي .. تبآني انسحب و أسلمك فلووسي عشآن تتسلط علييه .. بس ( لفت بالكرسي صوبه و هيه مبتسمه ) تحلللللم ( لفت الكرسي وجآبلت حمد و رفعت حآيبهآ بتحدي ) أول تحدي من بينآ يآ ولد عمي وخسرته .. وبنشووف التحديآآت الثآنيه شو بيصيير فييهـ..... ( حست بألم صوب كليتهآ غمضت عيوونهآآ بس مآحبت أنهم يعرفون بمرضهآآ ولا يكشفون بأنهآ مريضه .. مآتبآآ تكسر غرورهآآ جدآمهم .. ><" ..) وقفت وشلت شنطتهآآ وسآرت صوب البآب بتفتحه
بو حمد : شمآآآآآ .. بعطييييج 25 % من نسبة هالشركة لو سويتي ألي أبااه
شمآ مآكآن عندها وقت تسمعه او انهآ ترد علييه .. من قوة الألم حآسه عمرهآ بطيح غشيآنه .. فجت البآآب وسرعت خطوآتهآ وركبت السيآآرة .. خذت دوآهآآ .. وقآلت لنآدر يوصلهآ بيت محمد )
/
شمآ : نآآآآدر وين سآيربي ؟
نآدر : بيت محمد
شمآ : بس مب من هنييه الطرييج
نآدر : محمد تحوول لبيته اليديد ..
/
نآدر وقف سيآآرته جدآآم فلة بسييطة .. مب كبييرة وآآيد .. كآآن لونهآ خشبي .. و الصبغ بعد خشبي ويآ بيج .. نزلت شمآآ من السيآرة وشآآفت ع الصوب اليميين حديقة مرتبه بشكل بسييط .. كلهآآ أخضر محوطة بحصآآ لونهآ أبيض ويآ ورد جوري + يآسميين .. فيهآ فالنص طآولة و 4 كرآسي لونهن بني محروق .. ويآ ذهبي .. كآن البيت محووط بالشير ومقطعآآت بشكل مرتب ( مثلث ) متسآويآآت .. بعييد عن الكرآسي و الطآولة بـ 3 أمتآآر فيه نآآفوورة .. + ألعآآب حق شوآقي و اخوآنهآآ .. )
سآرت بتدخل البيت .. كآن ع الطرفين أعمده .. وفيهآآ 5 دريآآت عشآن تدخل الفلة .. دقت البآآب ..
طلعتلهآ البشكآرة
شمآ : السلام عليكم
البشكآره : أليكم سلام ..
شمآ : عموه أم محمد هنيه ؟
البشكآرة هزت رآسهآ بـ هيه : موجود . فزّل مداام
شمآ ( اونه مدآآم ) ههههه
نزلت أم محمد من فوق وشآفت وحده يآلسه ( ويديييه منهو هذي ؟ )
أم محمد تقربت منهآآ
شمآ وقفت يوم شآفتهآ وسآرت صوبهآ وحبتهآ فوق رآسهآ : شحآلج عموه ؟
أم محمد بعدهآ تشوفهآ : شـمآآ ؟
شمآ : ههههه هيه شمآ .. شوفيكم كلكم نآكريني ؟
أم محمد مسكتهآ ويلستهآ عدآلهآ : شحآآلج ؟؟ وشو صحتج ؟
شمآ : بخيير وعآآفيـ‘ه
أم محمد : حي الله شمآآ .. اليوم عندناا عيل ..
شمآ أبتسمت : هييه عندكم .. عيل وين لطوووف وعيآلهآآ
أم محمد : فووق
شمآ : هييه صحح .. مبروووك ع الحوولة .. ماشاء الله البييت كششخه
أم محمد : الله يبآركلج فدييتج .. أمبووني مابا أظهر عن هذآك البيت .. فيه ريحة بو محمد .. يآغيير محمد عزر عليينآآ
شمآ : هييه يآآحييه .. بيتكم هذآ حلوو .. تقول عآيشيين فأمريكآآ
أم محمد : خسهآ الله من طآآري .. لا حشى عآيشيين فدآر بو سلطآن الله يرحمه
شمآ : الله يرحمه ..
أم محمد : محمد رووووحه معدل البييت .
نزل محمد من فوووق : هلاااا والله نور البيت
شمآ : منوور بوجودكم .. يقوولوون أنته معدل البييت
محمد غمزلهآ : مصمم بس
شمآ : لا عآآد .. التصمييييم خطييير .. ظهرررت ذووق ..
محمد : جيه عندي شركة مقآولاات ع الفآضي
شمآ : شركة مقآولاات ؟
محمد غمزلهآ : هييه ..
شمآ : زيييين يوم أنك ظهرت عن شركة خبري خبرك
محمد : أبوويه ربي يرحمه مب مقصر .. كآآن موصنهم ع بنيآن الشركة
شمآ أبتسمت : الله يوفقك .. شوآقي وينهآآ عيل .؟
( نزلت أم سيف و عيآلهآآ وتمو يسولفون ويآ شمآ .. )
/\
\/
/\
\/
بيت بو حمدآن ..
السآع‘ـــ‘ه 7 المغرب ..
حمدآن فحجرته يتسفر
دخلت عليه أمون : ويآ معيييريييييس
حمدآن لف صوبهآ وطآلعهآ بنظره
أمون : ههههههههههههههههههههههههههه .. أونك يالمعرس
حمدآن : شو أونك بعد .. طآيح من عيينج ؟
أمون : بلا عبط .. فرحآنه فييك و أنته جآآلب الموووود زففت .. شفيك ؟ مب هذآ ألي تبآآه
حمدآن يحط دهن عود تحت أذنيه : هييه هذآ ألي أبآآه
أمون : الله يووووفققك
حمدآن : غريييييبه أموووون تدعي بدعوة طيييبة
أمون : إيييه ترااكم وآيد تعقون فيني .. تتحسبووني أتمصخر و مآفيني أحسآآس
حمدآن يلبس سآعته : روووووووووووووح يا الأحساااس أنتي
أمون : هههههه جب جب .. منهو بيسيير ويآك تخطبون سندريلا ؟
حمدآن : أناا و أبويه وخآلي و أحمد و محمد
أمون : وصرصووور وعموره مآبتشلونهم ؟
حمدآن : نخآفهم يتضآربون ع غآآيووه
أمون بطنآزة : أطممن .. غآيووه متشلبصه فـ أحمد ..
حمدآن بطنآزة : ههههههههههههههههههههههههه أونه أحمد .. ماماا أحمد شآيفله شوووفه مآيآلس بيلف لـ غآآيوووه
أمون بجديه :شوو ومنهو ؟
حمدآن بمكر : أستغفرالله هوه قآآيلي ما اخبر .. يلا أتأخرت ( نزل وهوه فرحآن خلى أمون تنقهر شويه وتحل عن سمآآه )
/\
\/
/\
\/
سآآرو يخطبون شيخـ‘ه رسمي من يدهآآ ..
غآنم : الرآآي و الشوور للبنت .. أنا ما أرووم أجبرهآ ع شيء ..
بو حمدآن : من حقك يآ غآنم ومن حقهآآ .. تخبر البنت ونحن ترآنآ نتريآ ردكم .. عندكم يوووميين ترآه حمدآن مستعييل
محمد : أوننننك بتعرررس .. خلني أعررس قبلك أنا أكببر
حمدآن : لو ترييتك .. جآن عنسست
أحمد : ههههههههههه غدييت ألا شرآ أمون .. يآبوويه مب عنست
حمدآن : هههههههه شو نسوي من عآشر القوم 40 يوم صآر منهم
محمد : عآد أنته مب ألا 40 .. هزرك 17 سنه و أنته ويآهآآ
أحمد : هببب عآدلهآآ بعد
محمد : ههههههههه
حمدآن : و عآآيفنهآآ
أحمد : فرهآ صوووبي
حمدآن قرصه فإيده : قمت تخووورهآآ بو شهآآب
أحمد : خلاص سوووري ..
حمدآن : عربك محترقيين هنآآك
أحمد : منهووو
حمدآن : ......................... وفخآطره ( خلهم يحترقون بـ 2 هههههههههههههههههههه )
/\
\/
/\
\/
بيت غآنم
السآعه 10 ..
كآن يآلس فحجرته .. ودخلت عليه شيخه ..
غآنم خبرهآ بسآلفة الخطبة .. شوييخ تدري بالسآلفة فمآ أستغربت
غآنم : أناا ما أنكرر أني كنت أبآآج لـ ريآل غيير حمدآن
شويخ أستغربت ولفت صوبه
غآنم : أناا أمبوني أبآآج لـ محمد .. ولد خاله حمدآآن
شويخ : ....................... @@
غآنم : محمد ريآل و النعم فيه .. صآر أبوو لأخوآنه بعد وفآة بو محمد .. مآآفر حرمة أبوه وعيآلهاا فالشآرع .. فتحلهم قلبه قبل بيته .. تحمل مسؤولية الأبوه وهوه صغير .. و ما أنسى وقفته ويآآيه يوم دغر عليناا أبوج وبغى أيووزج ..
شويخ بعدها مب مستوعبه .. شمعنى محمد
غآنم حط إيده ع جتفهآ و أبتسم : وحمدآن بعد ريآآل و النعم فيه وهب قآصرنه شيء .. فكري فالموضووع و أستخيري .. ترآه سلطاان يتريآآ الرد هوه وولده
شويخ حضنت يدهآ : أتروع من أبويه
غآنم مسح ع ظهرهآ : مآآبيرووم يسوي شيء مدآآمني حي .. ويووم أموت هذيج السآع يسوي ألي يبآآه .. شيخه أناا أبا أيووزج قبل لاا أمووت .. أبا اطمن علييج أنتي و أختج .. ما أباا أبووكن يعذبكن عقب وفآتي ويجبركن ع شيء أنتن ماتبنه
شويخ دمعت عينهآ : بسم الله عليييك .. نفدآآك برووحنآ يا يدي .. لاتقوول هالكلام .. والله ماندري شو كآن بيصيير فينآ لو تمينآ عند أبويه
غآنم : سيري فدييتج أستخيري و فكري فالموضوع ..
شويخ نشت وحبته فوق رآسه : أن شاء الله يدي ..
/\
\/
/\
\/
ع السآع‘ـــ‘ه 11 الفلييل ..
بيت بو حمد ..
حمد كآن رآد البييت تعبآن دخل قسمه وسمع أصوآت فحجرة التيفي بس ماسآر صوبهآآ .. ع طول دخل حجرته
يزوي سآرت ورآآه : ويييين كنت ؟ ادق علييك وماترد
حمد يفج عقم كندورته : فالشرررركة
يزوي : شوو هالشركة ألي تساهر فيهآ لين نص اللليييل
حمد بعصبيه : يعني شركة شو يسوون فيهاا
يزوي بدلع سآرت ورآه : انزييين ليش معصب
حمد لف صوبهآ ومسك ويهآ : مب معصب .. بس والله تعباان و أنتي طايحة فيني أسئلة .. وين بكون مثلاً ألا فالشركة ..
يزوي : انزين شو متعبنك ؟
حمد تنهد : أبووووويه معصب مني عشآآن شمآآ وكسبها للصفقة
يزوي : حموود حبيبي لا تشتغلوون وياهاا .. اخااف تسويلكم شيء
حمد : ما أقدر
يزوي عصبت : لا تقققدر .. بس أنته ألي مب طاايع تبعد عنهاا .. يوم أنك تباا بنت عمك ليش خذتني عيل ؟ بس عشآآن تغييييضهآآ ؟ حضرتك مخلني كسب و خسآرة تحدي بينك وبينهأ ؟
حمد : يزوووي بلييييز فهميييني .. أنا ما أتحدييت شمآ فحيآآتي .. تحديتها فالشغل وبس .. أنتي حرمتيه وحبيبتي وكل شيء فحيآآآتي .. شمآ مجرد وسيلة تحدي للصفقآت ألي بينآآ
يزوي : شفتهآ اليوووم ؟
حمد هز رآسه بـ هييه
يزوي يلست ع الكرسي وتسآندت عليه : أففففففففففف
حمد : لا اتعبيني يزوي ويآآج .. رووحي عيزآن ومنهد حيييلي .. مافيني أرآضي .. ومآلي بآآرض لزعلج
يزوي فآجة عيونهآ : أنته كيييف ترمسني جذيييه ؟؟ والله مب منك .. مني أناا ألي وآفقت ع وآآآحد قلبه لـ بنت عمه
حمد طآح ع الشبرية بتعب : ياااااناااس ما أحببب شمااا فهموووو خلاص تعبتوني .. لييش الكل يفسر بأني حبيييت شمآآ ونيتيه أخذهآآ .. لو أباهاا ترآهآ ماتغلبني .. بس أناا ما أباااهاا والله ما أبااهاا ( رد اللحآف ع وييه ورقد )
يزوي رضخت ريلهآآ ع الدعنه : أفففففف أفففففف أفففففف شو هالعيشه ؟
/\
\/
/\
\/
الصبح .
السآع‘ـــ‘ه 8 ..
بيت بو عزووز
فالصآله يتريقوون
عزوز : أبويه متى بتبدوون الخطبه رسمي ؟؟
بو عزوز : تراناا خطبنآآلك
عزوز : ياا سلاام .. وتبووني معلق .. لا خآطب ولا معرس
أم عزوز : ههههه عزوز وآآبويه شيآآك .. ما أدري هالبنت شو سوتله .. لغااثه عوذ بالله
عزوز : انزيين عطوهم فلووس عشان تتشرآ البنت .. مآفينآ بعدين تقول أبا شهرين و 4 شهوور ..
بو عزوز : يا أبويه أسمه مهر .. خلك ذرب شوي
عزوز : شدرآني أناا بـ هالخربطآن
أم عزوز : عيل يوم ماتعرفله وين داق ع صدرك و بتعرس
عزوز : المهم تكوون عندي حرمة أتخققبهآآ
بو عزوز + أم عزوز : ههههههههههههههههههههههههههههههههههه
عزوز نش : يلا اناا بسيير .. بس دخيلك أبوويه أستعيلو شوي .. حمد عرس و متنومس علينآآ ألحيين .. محد يدقله بدون موعد و يدآوم متى مايباا
بو عزوز : هييه بعد أنته غد رخوو شرآته يوم بتعرس
عزوز غمزله : لا أفاا علييك ما بغدي رخووو .. ألا بفنش من الشركة أمره
بو عزوز : بطيييح من عيييني
عزوز : لييش و أناا ألحين وين ؟ فوق عييينك
بو عزوز طآلعه بنظرة
عزوز : ههههههههههه مآبفنش يا أبوويه .. رووووووووح بو عزووز ( يعآيب ع العرآقيين ) نظره تبجي الصخر يآ أبوي
أم عزوز : بلاك أنته متخبل
عزوز : هههههههههههههه أستعلي أم عزووز .. خلييهم يتجهزوون . قوليلهم بعد أسبوع العرس
أم عزوز : هههه أنته سر دوور حجز للعرس و خل كل شيء علييييه
عزوز : وآآآآآفديييييتج أنتي بس
بو عزوز : ها ها أشوفك قمت تخورهآآ
عزوز : أووونه الشيبه يغآآز ع عيوزة
بو عزوز : شآآآب شعر رآآسك
أم عزوز : عيييز حييييلك
عزوز : عيييل خلااص مآمني فووود يوم اني شآيب و حيلي شرآ أماايه
أم عزوز فرته بالخآشوقه : بتتسنع أنته ولا شوو ؟
عزوز ظهر : هههههههههههههههههههههههههه
/\
\/
/\
\/
ع السآع‘ـــ‘ه 10 الضحى
بيت بو أحمد ..
أم أحمد ترمس ام عزووز ع الفون
أم عزوز : و أن شاء الله مهر البنت بيووصلكم .. المعرس مستعييييل مآكل فوآدي
ام أحمد : هههه الله يهنييهم أن شاء الله
أم عزوز : و انتي يآ عاشه أي حآآيه تبيني أعآونج عليهآ مآيردج ألا لسآنج .. أنا بعد مابقصر ويآ حرمة ولديه ..ألا تبآآه أمره تأشر عليه ومآيصيير خآطرهآ الا طيب
أم أحمد : من طيييب أصلج يالغآآليه .. أناا ما أباا غير سعآدة بنتي .. و تكونين أمهاا الثآنيه
أم عزوز : والله غلاتها مابتقصر عن غلاة عزووز
أم أحمد خلاص أطمنت ع بنتهاا يوم سمعت رمسته أم عزوز
أم عزوز : ونحن بنشوف الحجوزآآت و ترآه مآنبآ نطووول العرس فوق الشهر ونص .. لين شهرييين وخلاص .. مآنبآآ نطول زود عن جذيه
أم أحمد : عاد أنتي تدرين البناات ورخآوتهن فالتجهيزآآت
أم عزوز : بنتعآآون نحن .. مآبنخلي كل شيء علييكم .. مره بتسير وياايه و مره ويآج .. ومره بنخليهآآ ويآ مهآآ بنت عمه .. تدرين بنآآت ولا ينعرف لسوآلفهن
أم أحمد : أن شاء الله مابيصيير ألا الخيير .. أناا ببلغ أبوهاا و بنبدأ نجهز
/\
\/
/\
\/
بيت بو حصة ..
السآع‘ـــ‘ه 2 الظهر ..
حصة : أماايه دخيلكم سوو ألي يريحني
أم حصة : وماتبيني افرح فييج ؟
حصة : ماقلت هالكلام .. بس أناا ما أباا عرس وهالسوآلف كلهآآ .. بنسوي العرس فالبيييت هنيه .. أبااه يكون هادي شوي ما أباا ضجه ولويه
أم حصة : مب بشوورج ؟؟ هذآ ريلج رووحه قآيلج يبآ العرس فالبيت ؟؟
حصة : لا والله أنه لاقاال ولا طرااااه .. بس أناا ما أباا العرس يكون ألا فالبيت
أم حصة : انزين خبريني شو ألي ناقصنج ؟
حصة : أمااايه الله يخلييييج لا تغصبووني ع كل شيء أنتو تبوووونه
أم حصة : إذآ انتي ماتبين عبدالله من اليوووم بنخليه يطلقج
حصة : مب جذيه الساالفة .. أناا مشكلتيه ما أباا عرس برآ البييت ..
دخل عليهن بو حصة
أم حصة : تعاال أسمع بنتك تقول تبآ تعرس فالبيت
حصة : دخييييييلك أبوويه خلني ع رآحتيه
بو حصة : والله جان هييه و عبدالله رآضيين أنا ما أروم أقوول شيء
حصة يلست عدآل أبوهآ : يوووم تدري بأسمه عبدالله ليش قلتيله أسمه سعود ؟
بو حصة : ترآه هوه مسجل عبدالله أصلاً فالجوآز و هذي رغبة أبوووه و أمه .. بس يدته كانت تبآآه سعووود .. سجلو عبدالله و يزقرونه سعود .. وعاد أناا ضريت ع سعود .. وغديت شرآتهم مع القوم يآ شقرآ . هم يقولوله سعود و اناا قلتله سعود
أم حصة : ويييدييه .. وهوه يبآ سعود ولا عبدالله
بو حصة : هووه مب معاارض .. قآل تبوني سعود ولا عبدالله ترآني اتم شخص واحد
أم حصة : هييه زييييين ..
/\
\/
/\
\/
السآع‘ـــ‘ه 6 ونص المغرب ..
لندن .. *
شمآ كآنت ترمس أحمد ع الفون
شمآ : هههههههههههههههههههههههههههههههههههههههه
أحمد : والله أنه العآيلة يآآرت .. الكل بيعرس .. نوييير و حمدآن و حصة
شمآ : هههههه حرآم عليك بدآل لاتقوول تدوم أفرآحنآ تقول يارت
أحمد : هههههههه
شمآ : عقبآلك أن شاء الله أنته و أمون
أحمد : لا خليه شوي يستوي أنخفاض سكآني فالعايلة خلاف نحن .. يوم بيذلفن نوير و حصووه وبتخف العايلة بنعرس
شمآ: ههههههههههههههههههههههه آآآآآآآي بطني هههههههههههههههه
أحمد : وعقبآآلج أنتي بع‘ـــد
شمآ سكتت فترة
أحمد : آلووو شمييييم
شمآ : ويآآك
أحمد : شيآج صخيتي ؟
شمآ : مااشيء
أحمد : تتحسبيين عمرج مآبتعرسييين ؟ ههههههه نوييير خونت فييج أمبونكن بتسون فرقة عوآنس أنتي و أمون ونويير .. بتعرس عنكن وبتخليكن تعنسن أنتي و سموون
شمآ : لا ان شاء الله أمون مابتعنس .. جآن هيه بتعنس أنته شو خآنتك عيييل
أحمد : ريل مؤقت هههههههههههههههههههههههههههههههههه
شمآ: ههههههههههههههههههههههههههههههههههههههههههه
أحمد : يلا عيل بخلييج ألحيين .. ورآيه دررب
شمآ : ويين ؟
أحمد : توني مخلص محآظرآت .. برووووح البييت
شمآ : هيه .. اووكي سلم
أحمد : يبلغ أن شاء الله سلمي ع أم كليه ممخورة
شمآ : هههههههه حرام عليك كله ولا هايدي
أحمد : هاااايدي ولا ريمي
شمآ : هههههههههههههههههههههه أحمدوووه بس عااد
أحمد :ههههههههههههههههه اوووكي فداعة الله
شما : الله يحفظك > وسكررت
/
هآيدي دخلت حجرة شمآ : شمآآ نآدر بدو يآكي
شمآ : اووكي بلبس شيلتيه وبيي ( لبست شيلتهآ ولحقت هآيدي .. شآفته يآلس فالصآلة سآرت ويلست بعيد عنه شوي ) : هلا نآدر
نآدر : حصلتلج الأرض ألي تبين تبنين فيها الفلة
شمآ أبتسمت : والله .. وين ؟
نآدر : قريب من الفندق .. يعني نفس المنطقه
شمآ : هييه زيين
نآدر : نبدأ فيهآآ ولا تبينهاا أرض بس ؟
شمآ : لا طبعاً بنبني فيهآآ ..
نآدر : خلاص بشوفلج كم مكتب مقآولاات و أنتي أتفقي ويآآهم
شمآ : لا مآيحتآآي
نآدر : شو ألي مايحتآي ؟ بتبنينهآ روحج مثلاُ ؟
شمآ : أمممم بشوف محمد إذآ بيبنيلي أيااهاا
نآدر أستغرب : محممد ؟
شمآ : هييه محمد .. حسييت تعديله هآآدي .. أناا ما أبا فلة كبييرة وآآيد .. لانه محد بيسكن فيهاا ألا اناا و أنته وهآيدي ..
نآدر : شكلج مآنآويه تردين الامارات أبد ..
شمآ : بستقر هنيه فترة .. وبشوف الظرووف كيف بتمشي ويآآيه
نآدر : اوووكي أرمسلج محمد ولا روحج بترمسينه ؟
شمآ : أممم رمسه أنته
نآدر أبتسم : لا أناا أشوف لو أنتي ترمسينه أحسن .. أكثر بتعرفين تتفقين ويآه . اناا شدرآني بتخطيطج للفلة كيف
شمآ : اوووكي بس سيفلي رقمه ( عطته فونهآ
نآدر خزنلهآ الرقم ونش : محتآآيه شيء ؟
شمآ : أطلبلنآآ من المطعم اليوم .. البرنس هآيدي مآسوتلنآ شيء
هآيدي : واللهي تعبانه وزهئآنة من حآلي كمآآن
شمآ : له له شو بيييكي يآستي ؟
هآيدي : هيدآ الشغل أرفني صرآحه .. مآبعرف أشتغل من أجنبيآآت .. أناا إزآ لبنآني يآدووب أبلعه وهلأ بدك تجيبيلي أجنبياات ..
نآدر : لييش اللبنآنيين مب من أهلكم
هآيدي : اناا بحب شغل الشآمي أكثر ..
نآدر : انزيين تراه ألا منكم
هآيدي : مابعرف أشتغل ألا مع السوريين .. هيك شُغلن منظم وبعرف أتآفهم معون وبيعرفوو أنا اشو بدي .. أماا هآيدي الأجنبيه أسمى جآنيت مابعرف جوليت بدآ تفرض كل طلبآتآ علياا وبدا يآني أناا نفدلى كل طلباتآ .. إييه لك نفدت من الدنيآ كوليآتآآ
نآدر + شمآ : هههههههههههههههههههههههههههههههه
شمآ : نآدر يبوووك سر أطلبلنآ أنته لا تنفدنآ انا ويآآك ألحيين
نآدر ظهر عنهم
/\
\/
/\
\/
شمآ دقت لـ محمد ( السآعه 9 ونص الفليل بتوقيت لندن .. و 5 ونص العصر بتوقيت الاأماارات .. )
محمد : مرحبآآ
شمآ : السلام عليكم
محمد مستغرب : وعليكم السلاـآآم
شمآ : شحآلك ؟
محمد : بخيير
شمآ : مآعرفتني ؟
محمد : لا ماعرفتج
شمآ بدلع : أفااا
محمد تنهد : لوسمحتي أختيه عن هالحركآآت .. تعرفيني ؟ أعرفج ؟ ماضن تلاقينآ فيوم ؟؟ فداعة الله
شمآ : هههههه صبر صبر
محمد عقد حوآيبه : خييييير
شمآ : اناا شمآ ويآ هالويه لك
محمد : ههههههههههههههههههههههه انزين قولي أنج شمآآ
شمآ : حسيتك نآكر الصوت ومآعرفتني قلت بشوفك جآن رآعي بناات
محمد : مآآيطييع زيينج .. شحآلج ؟
شمآ : يسرك الحاال .. من صوبك ؟
محمد : بخيير وسهاله
شمآ : أمممم عندي طلب
محمد : آآمري
شمآ : أمممم أبآآ .. أممممم شوف محمد إذآ ماترووم تنفذليه طلبية خلاص مآيحتآي
محمد : انزيين قولي شوفيج ؟ زيغتيني
شمآ : أممم أنآآ قررت أبنيلي فلة بسيطة هنيه فـ لندن .. و أبا شركة المقآولات ألي بتعآمل ويآآهآآ تكون شركتك
محمد فرح أنه شمآ وآثقة فذوقه بس أستغرب من فكرة بنيآنهآآ لمسكن خآص فيهآ : يعني بتستقرين فـ لندن خلاص ؟
شمآ : شغليه هنيه يا محمد ما أقدر أعق كل شيء ورى ظهريه و أمشي
محمد : بس أنتي مب قاصرنج شيء .. ليش تشتغلين وتتعبين عمرج
شمآ : أباا أثبت عمريه .. أبا الثقة ألي عدمهآآ عمي فيني تردليه مثل قبل .. حآط فبآله بأني بنت ومابقدر اعييش بلااه وبلا فلوسه
محمد : أدري أنج مب وآثقة فـ عمج بأنه يديير حلالج .. بس تعالي أشتغلي هنيه فالاماارات ..
شمآ : لييش أعيش وسط نآس نآكره وجودي .. و حضوري وعدميه وآآحد
محمد : لا منهوو قاال وجودج وعدمج وآآحد ..
شمآ : ههه شو الفرق محمد .. أن كنت فـ لندن ولا فالأمااراات ترآني عايشه روحي .. فضنك كنت عايشه قبل أحسن عن هالعيشه ؟؟ عقني فشقة و بس .. جذيه يريحني .. بأني أبني وصية أبويه من يد ويديد
محمد : والله شمآ لو قررتي ترديين يا أنه بيتي مفتووووح لج
شمآ : مشكوور بو جسيم .. أنا أباك تفتحليه بيت هنييه
محمد : ههه عنيييييده شو أسويبج
شمآ : انزيين بابا مافي سوي قرقر زيآآده ..
محمد : ع كييييفي
شمآ : شوقلت ؟؟ بتبنيلي ولا أدور شركة مقآولاات ثآنية ؟
محمد : لا خلااص تم .. أمره عليييه ولاتشيلين هم
شمآ : صحححح لساانك ع هالقصيده بس فيه خبصه فالوزن
محمد : هههههههههههههههههههه شو أسوي يوم أناا لسآني شآعري
شمآ : عشتوووو .. هههههههههههههه
/\
\/
/\
\/
بع‘ــد أسبوعين من هالأحدآآث ..
حصة عرسهآآ بع‘ـــد يوميين .. وهيه ع قرآرهآآ تبآ تسوي حفلة بسييطة .. و قدرت أنهآ تقنع عبووود ..
نورة مختبصه بين الجامعه و الأسوآآق .. أمهاا تشلهاا يوم ترد من الجاامعه عسب تتشرى .. و فالاجاازاات تسيير ويآآ مهآآ صوب دبي وبوظبي ..
عزوز مرتبببش ع هالعرس .. وفنفس الوقت محتشر مايبا الساالفه تطول أكثر عن جذييه .. ودوور حجز .. حصل بعد شهرين و بعد شهر ونص .. سيده أختآر شهر ونص مآفيه صبر .. يعني بآآقي شهر تقريباً عن العرس |..
أمون .. أدحح ووآيد ضغط مستوي علييهآآ .. يوم الخميس و السبت تسيير معهد عشان الفيزيآآء .. أونه معلمتهم ربت ويآبولهم وحده أخس عنهاا .. وتسير بعد تدرس ريفيو بس عشان الرياضياات ..
شويخ .. حآلهآآ مب أحسن عن حآل نوورة .. ألاا فالأسوآق من تصبح لين تمسي .. و عرس شيخه بع‘ــد أسبوعين .. يعني قبل عرس نورة بأسبوعيين .. حمدآن قآل أنه مآله دآآعي تآخذ وقت زيآآده .. بمآ انهآ ماتدرس فبتخلص شغلات السووق بسررعه ..
شمآ .. أشتركت فـ صفقتيين .. وحده طلعت فيها المركز الثآني .. و الثآنيه المركز الأاول ( كسبت الصفقة لصآلحهآآ ) .. و ألحين مشتركة فأكبر صفقة لـ هالعآآم .. وخصمهآآ الوحيد هوه عمهاا ..
محمد .. من يوووميين مسآفر لندن يشووف لوين وصلو فالبنياان .. يحآول يقنع شمآ بكل الطرق انهآ تحول شغلهاا للأماارات وتسوي ألي تبااه هنااك ..
/\
\/
/\
\/
الساعه 5 العصر ..
أم عزووز خطفت ع نوورة تسيير تتشرآ ويآآهآآ
فـ بآريس غآليري ..
أم عزوز : ها نورة ماعيبج شيء ؟
نورة تستحي تقولهأ أباا و أباا ..
أم عزوز : نورة لا تستحيين مني .. عديني أمج .. قولي ألي تبينه بس أشري عليه .. ألحين أناا كل ما اظهر ويآآج متشترييلج ألا كم شغله وتقوليلي بسني
نورة قفطت منهااا : لا خآلوه مب جذيه
أم عزوز : ترآه لو خذتلج عطر ع ذوقي ومآعيبج هب تحتشريين عليه .. خلاف عزوز بيقول شآريه لـ حرمتيه عطر ريحته مب حلوووه
نورة بغت تغير الموضوع : عيل مهووي وين ؟
أم عزوز : مهووي فمحل ثآني تتريآنآآآ .. نسير صوبهآآ
نورة : يلا نسيير
../
سآآرو المحل ألي كآنت فيهآ مهآآ .. كآن بس حق البدلااات ..
نورة عيبهآآ وآحد لونه أخضر فآتح .. القميص نص كم من صوب الجتوف فيه كرستآلات حمرآآ و من صوب الصدر ضآآغط باللون الأخضر الفآتح .. ويآآ بنطلون أخصر وفيه حزآم أحمر ..
مهآ من شآآفت شكل نورة فهمت أنه عآيبنهآ مسكته وحطته
نورة : إيييه شفيج ؟
مهآ : أدريبج تستحيين .. بس عآدي انا بختآرلج هههههههههههههه
نورة تشوف السعر وفخآطرهآ ( خييبه بـ 300 شوووفيه هالكثر .. جآن ألا حزآم و القميص مقطف .. ههههه لو تدريبي يدوووه عآفده فالمحل هذآ جآن مرغتني بعصآتهآ ونهآيتيه بتكوووون أني لابسه كندورتهآآ وبرقعهآآ )
مهآ سحبتهآ : يلاااا أنا ويااج بنسير محل ثآآني .. ( ودتهآآ محل للحرييم بس )
نورة أول مآدخلت : هئئئئئئئئئئئئئئئئئئئئئئئئئئئئئئئئئئئئئ
مهآ حست الكل عينه عليهن فأبتسمت وهيه رآصه ع ضروسها : الله يغربل بليسج يآ نوييير .. صخي فضحتينآآ
نورة مطت إيدهآ : قووومي عني .. وين يآيبتني هنييه .. محد بيضيعني غيرج
مهآ : ههههههههههههههههههههههههه .. شو أضيعج .. هذي عموه أم عزوز مطرشتنآ هالمحل .. تقول لو يآبتج ويااها تدريبج مابتشتريين
نورة : عااد مب جذييه
مها غمزتلهآآ : هذي لزووم السهره حياااتي
نورة : مهووووووووي غربلاااة هالشيفة لج .. مآبشتري من هالمحل
مها : إيييه هب تفحضينآ انتي
نورة : والله محد بيفضحنآ غييرج .. لو طلعناا ألحين بيقولوون هالبناات ظآهرآت من هالمحل
مهاا : انزين وشووفيهآآ ؟؟
نورة : وآآآي يالفضآآيح .. لو تدرييييبي يدووه أسميهآ بتنحرني
/\
\/
/\
\/
صوب أحمد ..
من أول مآآسآفر محمد وهوه دووومه فبيته .. يشوف حآية أمه و اخوآآنه ، ومن يومين وهوه يبآت عندهم ..
شوآقي سآيرة الميلس عند أحمد .. فجت البآآب و يلست عدآله وهيه حآطه كفوفهآ ع إيدييهآآ .. قربت رآسهآ من حضنه وغمضت عيونهاا
أحمد ترووع .. مسح ع شعرهآآ : شوفيج ؟
شوآقي : ويينه بابااه حمووووود ؟
أحمد : أناا قلت فيهآ شيء .. ثرج تتخبرين عن حمووود
شوآقي : هووه كان يوديين المحطه .. ألحين محد يوديني
أحمد أشر ع عيوونه : من عيوني .. بودييج وين ماتبيين
شوآقي مسكته من إيده : يلا ثلني
أحمد : وين نعآلج
شوآقي رفعت كندورتهآ : هذيه من ذمان لابثتنهاا .. بث أدوووولك ثموووه وين ؟
أحمد : دوووليلي ههههههههههههه .. بعدين بخبرج يلا خلينآ نسيير
شوآقي تجدمته وهيه وآقفه عدآل السيآآرة ..
دق فون أحمد وشآف رقم حمدآآن
أحمد : مرحباااا
حمدآن : هلا والله بو شهآب .. وين دآرك ؟
أحمد : موجوووووود
حمدآن : دخييلك أحمدوه توني رآد من الجاامعه منهد حييلي و أمون متصله تبآني أردهآ البييت
أحمد : وينهآ هيه ؟
حمدآن : فالمعهد .. أنته وين ؟
أحمد : أناا بشل شوآقي المحطه ألحيين ( وهوه يفتح البااب حق شوآقي ويركبهآ ) لا تصكيييين شيء ( يرمس حمدآن ) انزين المطللووب
حمدآن : هه سر هات سمووووون
أحمد : انزيين بخطف عليهاا بس قولي أي معهد هيه ؟
حمدآن : تسوي خيييير والله
/\
/
خطف أحمد علييهآآ
أمون شآفت السيآآرة تحس انهاا تعرفهآآ بس قآلت أنه حمدآآن مآيغيير سيآآرته وتمت يآلسه
أحمد يرمس شوآقي : شوآقي حبيبي سيري شوفي أمون
شوآقي : منوه أمون ؟
أحمد : سموون
شوآقي : هييه ثموون .. اووكي ثبر
أحمد نزل من السيآآرة ونزل شوآآقي ووقفهآ جدآم البآآب .. يلا هبطي ودوريهآ انزين
شوآقي : توووووكي ( هبطت وهيه تتلفت أدوور امون )
وحده من البناات : ياا حيااتي شوفي محلااتهاا ( وهيه تزقر ع شوآقي ) إييه أنتي
شوآقي ما ألتفتت صوبهآآ
سآرن عدآلهآآ ومسكنهآآ
شوآقي بعدت عنهن : إيييه ثوووو فيج ؟
البنت : شو أسمج ؟
شوآقي : ثوآقي
البنت وهيه تقرص شوآقي فـ خدهآ : يآآلبي محلاة أسمج
شوآقي أخرت إيد البنت عنها : خوووووذي منيه .. أف تعورين .. يوم يحبوون مايقرثون
البنت : عيل شو يسوون ؟
شوآقي : يبوثوون منييه ( أشرت ع خدهآ )
البنتين : هههههههههههههههههههههههههههههههههههههههههههههه
البنت : لا عااد هذي قوييه
شوآقي هزت جتوفهآآ بأنها ماتدري شفيهن هالبنآآت وسآرت عنهن وهيه تشوف امون : إيييييييه ثمووووووووووووننه تعالي منييه .. يدوولج أحمدوووه يلا نروح البيت
أمون لفت صوبهاا : هئئئئئئئ شوآآقي ( تجدمت صوبهآ ) شو تسوين هنيه ؟
شوآقي مسكتهآ من إيدهآ : يلا يلاا خلينآ نرووووح بنثيير المحطه بثرررعة
ظهرن شوآقي و أموون
أمون : منهو يآيبنج ؟
شوآقي : هذآك
أمون : منهو هذآآك ؟
أحمد يى من ورآهن : مآورى عليييج سموووون خآنوووم
أمون لفت صوبه : أحمد ؟ شو يآيبنك ؟
أحمد : يآآي أغآآزل
أمون حآست بوزهآ
أحمد : يآآي أشلج بعد شوو
أمون : وحمدآآن وين ؟
أحمد : حمدآآن مرقد فالبيت ..
شوآقي : يلا احمدووه خلنا نروووح بتثكر المحطة
أحمد : يلا سمون خآنوم .. مآنبآ نأخر الشيخة شوآآقي
أمون : و انته حضرتك هآآضل ويآيب عنزتك ورآك ( أشرت ع شوآقي )
أحمد شل شوآقي وبآسهآ ع خدهآ : عني أفدآآآآآآهآآ عنزتيه
شوآقي بمغآيض : أمبااااااااااع
أمون : الحمدلله و الشكر .. صدق مخبل ..
/
ودوو شوآقي المحطة .. ونزلو يشتروووون ..
أمون : أناا أبا ريدبوول
أحمد : تحلميييين
أمون : إيييييييييييييييه .. يالبخيل بدفع بفلوسي أنته شو يخصك
أحمد : اناا مب عيزآن عن قوووطي رد بووول .. بس مب زييين بيضرج
أمون : عشتووو .. و أنته شدخلك
أحمد : بس أنجبي ..
أمون : أفففففففففففففف
شوآقي : أبي تافي تافي تافي
أحمد : أي كآفي تبين ؟
شوآقي : هذآآ . ( لفت لاحمد ) حلوو ولا لا ؟
أحمد : إذآ تبينه أشترييه
شوآقي خذتلهآآ كآفيين فلك و تآيم آآوت و كتكآآت
أمون : بسسسسسج علج الدحق بتسوسين
شوآقي أنخشت ورى أحمد : هوووه بيثتريلي أنتي مآلج خث
أمون : أففففف تقهريييييييين
شوآقي : يوم بيي بابااه حموود بخبره علييج
أحمد : أموون خفي ع البنت شويه .. حرآم علييج
أمون حست أنه أحمد تعباانه من شكله فمآ حبت تغلس عليه أكثر .. جفت : اوكي خلنا نروووووح
أحمد أبتسم : ماتبين شيء
أمون : لااا
/
ظهرو من المحطة وسآآربهآ صوب بآسكن .. شرآلهن ووصل أمون بيتهم
أحمد : يلا سموون نزلي شكلهآ عآيبتنج اليلسه فالسيآآرة
أمون : ما أباا أرد البيت لو ردييت لازم أتم أذآآكر .. أباا احووووط
أحمد : يلا ماعليه كم شهر وبتخلصيين .. ( لف صوبهآ وغمزلهآ ) و أحم
أمون نزلت رآسهآ قفطت منه أول مره جذيه يرمسهآآ .. نزلت من السيآآرة وهيه سآيرة صوب البآب
أحمد فتح الدريشه : أمووووووووون
أمون لفت صوبه
أحمد : شدي حيييييلج كم شهر بس
أمون : ما أباا أظهر من المدرسه .. كيفي أباا أرسسب
أحمد عض ع شفآيفه : لو رسبتي مابتكملييييين
أمون : كمل جميييلك عيل ولا تخليني أكمل ألحين
أحمد سوى عمره ماسمعها :شووو ؟
أمون فتحت البااب وسكرته وهيه قآفطه ( والخيييييبه أنا شو قلت ؟ عآد أحمد أمره بيصدق .. بيفضحني .. الله يغربل هاللسان لي .. صدق انه فآرط .. )
/\
\/
/\
\/
أحمد وصل البييت .. شوآقي كآنت رآقده .. سآر صوب البآب وفتحه وشلهآآ .. دخل البييت وودآهآآ حجرتهآآ ولحفهآآ .. مادرى بعمره ألاا غآفي عدآلهآآ ..
/\
\/
لندن ..
السآع‘ـــ‘ه 2 الظهر
فالمطعم .. ( هآيدي .. محمد .. شمآ .. )
شمآ: جيه متى عرسهآ حصة ؟
محمد : اليووووم ؟؟
شمآ : عآد قطعنآآ علييك سيرة العرس ههههههه
هآيدي نشت : عن ازنكوو دقآآيق بس ( سآرت )
محمد : لا عاادي ههههه
شمآ : مآعلييه ورآك عرسيين بعدك .. حمدآن ونوـ...( سكتت )
محمد أبتسم : الله يوفقهم أن شاء الله
شمآ مسكت الخاشوق تلعبهآآ
محمد : شمآ لاتحطين فبآآلج أني لين ألحين أحب نورة .. خلاص هيه يآآهآ نصيبهآ وربي يوفقهآآآ .. و أناا مآبطعن أعز رفآجتيه فظهرهم عشآن خآطر قلبي > يقصد عزوز
شمآ تسآندت ع الكرسي وفخآطرهآ ( أنته مثلي يآمحمد .. ماقدرت أطعن شيخه فظهرهآ عشآن خآطر قلبي )
محمد : و أنتي ؟؟


كآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآت ..


محمد : و أنتي ؟؟ ( شو قصدة بالكلام هذآ ؟ )؟؟
توقعآتكم للبآرتآآت اليآيـ‘ه ؟