|
(( كنت اتابع من ورا الكواليس )) هع هع شحالج اختي ؟؟ القصهــ طررررر .. حراااااام حااامد لاااا يموووت .. ونزلي الباارت بسرعهــ .. |
ويــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــن البارت؟؟؟؟؟؟؟ |
لووول حيآإالله المتآإبعين من ورآإ الكلآإويس خخ [ الكواليس ] ^.* هيهي الحينه بنزله خخ آإستعدوآإ :5: .. آإربطوآإ حزآإم آإلآإمآإن :66: خخ :p 3 2 1 صكشن هع [ آإكشن ] |
آإلبآإرط ـآإلـ / 63 . . ] مسكين يا حامد .. ما تستاهل اللي صار لك ... و حميد وامه وخالته وعليا راحو المستشفى يطمنون على حامد ... فشافو عادل يالس يترياهم الكل: السلام عليكم عادل: وعليكم السلام ام عادل: ها كيف صار حامد ؟ عادل: الحمدلله يا امايه ... عدت مرحلة الخطر .. بس ام فهد: بس شنووو؟ ام عادل: عادل دخيلك ارمس لا تكسر لي اعصابي عادل: هدي اعصابج يا امي .. هو محتاج انسوي له عمليه باسرع وقت ممكن عليا ( شهقت ) : شوو؟! اشحقه العمليه ؟؟ توك تقول ان مرحلة الخطر عدت عادل: اللي عرفته من الدكتور انه نزف وايد .. بس هم تداركو الوضع والعملية هاذي حق ظهره ام عادل ( اللي بدت دموعها تنزل ) :خير و شوو بلاه ظهره بعد ؟؟ عادل: الصدمة وايد كبيرة عليه و..... عليا ( اعصابها تالفه ) : و شوووو؟ دخيلك ارمس لا تخبي علينا شي عادل ( نزل راسه ): وتحركت فقرة من مكانها .. يعني ممكن يؤدي الى الشلل >< ام عادل ( ما رامت تستحمل ويلست تصيح ) : قلبي كان حااس ان ولدي صاير له شي جايد ام فهد ( تلمها ) : بس يا اختي ... الله يعافيه ان شاء الله عليا ( تصيح ) : يعلني افداك ياخويه ... ليته فيني ولا فيك حميد ( مسح عيونه ): يا جماعه بسكم بجي .. والله قلبي عورني عادل: ادري ان الوضع صعب علينا كلنا . بس لازم نصبر والصياح ما بيفيده ... انتو ادعو ان الله يقومه بالسلامه ... وصوب المدرسه ... خلص الدوام المدرسي كان يوم حافل بالحزن والكئابة الخبر كان صدمة للجميع ... وخاصة ابتسام اللي ردت البيت ويلست تتذكر سوالف حامد وكل ذكرياته معاها وهي تصيح ... وفي المستشفى عليا مصرة الا وتشوف اخوها ... فراحت الغرفه عنده ويلست عداله ومسكت ايده فحس فيها حامد وهي صاحت بس بدون صوت وطاحت دمعه على خد حامد .. ففتح عيونه ومن فتحها لوت عليه عليا حامد: آآآي آآآي حرام عليج كسرتيني بروحي متكسر ... تريدين تكسريني زود عليا ( من الفرحه ) : لا فديتك بس والله ما تستاهل اللي استوى بك حامد: محد يستاهل يا عليا ... هذا قدر ربج ولا تيلسين تصيحين وتسوين لي فلم هندي والبطل بعده عايش 77 عليا: ههههه الله يخس بليسك ولك نفس تنكت وانت بالحالة هاذي حامد: اي حاله؟! الا هو يمكن كمن كسر وبظهر ...! الا وين امي ؟ عليا ما عرفت شو ترد عليه لان ام عادل من الصدمه انهارت ونقلوها لغرفه ثانيه ... حميد اللي سمع كل اللي دار بين عليا وحامد دخل الغرفه .. وتدراك الامر بسرعه حميد: الظاهر يا حامد ان الكل يحبك حتى امك ! 77 حامد: اهلين حميدو اشحالك ؟ 7 حميد: افااا شو هذا حميدو بعد 77 ؟ حامد: ولد يراننا فالروضة 77 ويلسو يضحكون حامد: وانت شو دراك ان امي احم احم تحبني 77 حميد: ياحليلها من كثر البجي اغمى عليها حامد ( خاف ) : انزين هي وين الحين؟ حميد: تطمن هي بخير وعافيه .. نقولها لغرفه خاصة فيها ولما تنش بتييك حامد: لا جد جد حميد امي بلاها ؟ حميد: نقص تغذيه وفقر دم وصياح عليك .. واظن هذا السبب الرئيسي حامد: الحين انا السبب ؟!!! حميد: بس خلاص انت تدري لو الدكتور عرف اني خليتك تهذر هالكثر ... جان ذبحني حامد: احسن عشان ما تيلس تطنز 77 حميد: صدق انك هب ويه مراعاة .. ان ما خليت الدكتور يمنع عنك الزيارات ما اكون حميد عليا: لااااا خلاص بيسكت ههه حامد: هيه بشرط 77 حميد: بعاااااااااد ؟!! و شووو شرطك ؟ حامد: ابي اشوف امي حميد: لا تستوي جيه جنك ياهل ... ان شاء الله باجر ... الحين ارتاح حامد: اي ارتاح ... احس اني راقد اهني من سنه ويلسو حميدو وعليو يسولفون مع حامد ويخففون عنه وبعدين يت امينه ومحمد وباقي العايله ويلسو عنده يسولفون ويضحكون 77 امينه: يالله 77 شد حيلك و قوم 77 محمد: في مدرسة نحن يالسين؟ اونه شد حيلك امينه: لا والله ... عيل شو يقولون ؟ محمد: يقولون غزال والشر زال امينه: مال اول محمد: احلفي 77 عليا: بدييييناااا ... حتى فالمستشفى تتضاربون حامد: هههه نايف ونوف وين ؟ عليا: اووووف هالحشرة تمو عند امهم عادل: اعيالي عب حشرة ويا راسج جان يوصل مسج على تلفون عادل .. فتح عادل المسج .. وكان من عند فطيم ( حبيبي والله مشتاقه لك حيل>< .. حتى عيالك مشتاقين لك ) و ظهر عادل عسب يتصل لفطوم .. وتمو الحشرة عند حامد ^^" عادل: هلا حبيبتي فاطمه: الحين حبيبتي ها 77 ؟!! وينك ؟ ليش ما اتدق .. زين اللي طرشت لك مسج ولا كنت ما بتدق عادل: ههههه والله انج دووم في بالي ... بس انشغلت مع حامد فاطمه: الا شخباره ؟ عساه بخير ؟ عادل: والله مدري شو اقولج .. بخير ومب بخير فاطمه: الله كريم .. وان شاء الله بيقوم بالسلامه وعالليل الساعه 9 حزت العشا ... ام فيصل راحت اتدق الباب على بنتها ابتسام الكئيبه عسب تقوم معاها تتعشى .. ام فيصل : ابتسام ... قومي عشا ابتسام: مب مشتهيه ام فيصل: غدى وما تغديتي وعشى بعد ما بتتعشين ... يلا قومي مب زين لج ابتسام: صدقيني يا امي مب مشتهيه ام فيصل راحت عند ابتسام .. ويلست حذاها عالسرير ام فيصل: ابتسام حبيبتي اشفيج؟ مانتي بطبيعيه اليوم ابتسام: ولا شي بس نزلت درجاتي في كم مادة ام فيصل: الحين خذا اللي امضايقنج ؟ ان شاء الله بتعوضين الدرجات بس هب زين عليج اتمين بدون اكل ولا حتى شرب ابتسام: خلاص خلاص امي الحين بقوم اتعشى ام فيصل: عفية عالشاطرة .. يلا نشي قامت ابتسام مغصوبه بتروح تتعشى .. فجأة حسب بالالم المعتاد بخصرها وعلى طول اغمى عليها من بعد ما تألمت .. فخافت عليها امها و ودتها للمستشفى .. وقالو ان لازم تبات عندهم وفي اليوم الثاني ( فالمدرسه ) صوبي الادبي ريم: ما يشوف شر ان شاء الله عليا: الشر ما اييج فرح: لو شفتي بسوم شو صار فيها 77 عليا: هههه مسكينه .. بروح اشوفها واطمنها على حامد فرح: هيه معلوم 77 الزوجه المستقبليه شما: وانتي ليش غيرانه 77 فرح: جب انتي .. لا غيرانه ولا شي 77 .. اصلاً انا اتريا اليوم اللي بشوف فيه حامد وابتسامم عالكوشه .. بس هذا اخو علايه ما يحرك عمره ويروح يخطب البنيه 77 عليا: هههههه قريب قريب 77 وراحت عليا عنهم لصوب العلمي عليا: شوو !! وين بسووم ؟؟ فالمستشفى ؟!!!! مي: هيه امس دقيت بيتهم عالساعه 11 تقريباً .. شله اخواها وقال لي انه اغمى عليها ونقلوها للمستشفى وراح اتم عندهم هناك عليا: ما تشوف شر الغاليه مها : يبالنا نروح نزورها وداد: اكيد وابتسام في المستشفى في حجرة خاصة فيها .. امها كانت يالسه تأكلها ام فيصل : شوفي 77 قلت لج مب زين اتمين بدون اكل 77 ابتسام: الواحد مب مشتهي غصب ياااكل ام فيصل: هيه غصب .. هذا ضروري وصوب الادبي عالحصة الاخيرة عليهم جغرافيا ... وفرح حظرتها بدال ما تنتبه عالدرس يالسه ترسم في ورقه بنات يلوعون الجبد كشيش وحالتهم حاله وكل وحدة كاتبه تحتها اسم وحدة عليا والثانيه ريم والثالثه شما جان اتجكها الابلة وسحبت منها الورقه وشافت شو امسويه الابلة : ايه ده يا فرح ؟؟ فرح ( توهقت ): هاا ؟!! الابله: بعدين ايه دي الرسمات المعفنه ؟؟ فرح: ابلة هذول صحباتي عليو وريموو وشموو 77 الابله : ايه ؟ صاحباتك !! وبكل بروح كمان بتؤوليها .. اترزعي مكانك مش عايزة ولا حركه فاهمه فرح: ان شاء الله ^^" ابله ^^" يلست فرح من بعد هذاك الهزااب 77 خخخ .. وريم وشما وعليا يضحكون عليها ويحرونها 77 وهي نغااضة هاااع 77 ... وصوب العلمي عليهم عربي ومها و وداد يالسات يرمسن على ورقه << ان شاء الله تصيدكم الابله بعد 77 وداد ( تكتب ): والله الصف بدون بسووم مب شي مها ( تكتب ) : هيه والله .. حتى طالعي ميوو مسكينه محد يالس عندها وداد ( تكتب ) : خخخخخ شكلها غلط 77 مها ( تكتب ): هيه والله العاده يسرحون هي وبسووم وداد ( تكتب ) : هيه وحدة بـs والثانيه بـ h مها ( تكتب ) :هههههههههههه صدقج 77 cut تعليقآإتكم ع آإلبآإرط لو صمحتوإآ :66: هع |
مشكوره ع البارت نزلين البارت الياي بأقرب وقت ممكن |
| الساعة الآن 03:21 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir