|
طبعا كلنا لما يصير الليل نحس انه محتاجين لشخص يسمعنا و يكون ويانا دايماً نسهر وياه , نرمس وياه , ونشكي همومنا له , اهم شيء انه يسمعننا ونتبادل الرمسه ونضحك , و احيانا نحس انه مالنا خلق لشيء , ما نبا نرمس حد , ولا نبا نشوف حد , ولا نبا نظهر حتى لاهلنا .. حاله مؤقته تصير لنا , احيانا يكون المود اوكي و احيانا متعكر ومالنا نفس لاي شيء حتى لو كان شو ما كان , يتغير اسلوبنا ف الكلام و يتغير شعورنا اتجاه كل شيء , نمتنع عن الاكل , الكلام و النوم , حتى الاشخاص اللي غالين على قلبنا نحس انه خلاص ما نبا نرمسهم والسبب هالمود . انا بصراحه لما يتعكر مودي احس اني مابا ارمس حد , لاني لو رمست بيلاحظون انه اسلوبي متغير ويمكن هالشيء يزعجهم و يزعلهم او حتى اضارب وياهم , كل شيء يصير ما يعيبني , واكون بهالوقت منعزل عن العالم كله و حساس بدرجه فضيعه اي كلمه اتحسس منها لو كانت بسيطه , احس اني كاره الدنيا , وبعدها اقول : استغفر الله انا احسن عن غيري , الحمدلله عندي نعمة الاهل و الربع وغيره وغيره وغيره. كل هالاشيا ومب عايبتني ! افا ليش كل هالحزن وهالعزله تراها مجرد دنيا ونحن زوار فيها حق شو اضايج وحق شو هالحاله النفسيه اللي صابتني من بعد ما كنت بقمة السعاده . اكتشفت انه الانسان بنفسه يصنع السعاده و الحزن , من نفسه هو اللي يقرر كيف يقنع عمره اذا كان حزين , لازم نرضى بالمكتوب و لازم نتوكل على الله و نحمده ونشكره . نصيحه مني كلما كنتوا مضايجين فحطوا فبالكم يا انكم سويتوا ذنب وانتوا ما تدرون ومب حاطين فبالكم وهذا الحزن اللي ياكم تكفير لهالذنب فاحمدوا ربكم بكل الاوقات حتى لو كنتوا بقمة حزنكككم وحتى لو كنتوا فرحانين لازم تحمدون الله و تشكرونه . بقولكم شيء اذا حسيتوا بيوم من الايام انكمم خلاص بتنفجرون من الضيج استغفروا الله ع الاقل 100 مره وشوفوا الراحــه الللي بتيكم بعد هالاستغفار و طريقه ثانيه صلوا ركعتين ما يريح القلب الا الصلاه و ثالث شيء طرشوا مسج والله ما يخسر غير درهم واحد و هالدرهم ما تعرف كيف قدره وشو رح يسويلككك سواء فالدنيا او فالآخره رساله نصيه فاضيه لرقم 4411 و قيمة الصدقه درهم واحد . وباذن الله بترتاحون راحه نفسيه لا صارت ولا استوت .. اتوكلوا على الله وكل شيء بيكون بخير .. ولا تقولون انا وحيد وما عندي حد كل ربعي خلوني و كل هلي ما يحبوني انته مب وحيد مدام الله معاكك بكل الاوقات اتوكل على الله وكل شيء بيصير بخير باذنه .. [ اسمحولي ع الاطاله بس حبيت افضفض لكم ] |
[ لا تستعيل على رزقككك ] كل شيء مكتوب من الله خير ان شاء الله وكل تأخيره فيها خيره لاتتذمر وتقول انا كل النحاسه فيني وما عندي حظ كل الناس محظوظين الا انا مادري شو مسوي بحياتي .. انته تدري شو اللي الله خذ عنهم وليش بالذات عطاهم لا تحسد غيرك على النعمه قول يارب مثل ما عطيتهم عطني و يارب فرح قلبي مثل ما فرحتهم . اتمنى لغيرك كل الخير لا تحسد حد على النعمه انته ما تدري كيف كان هالشخص وشو اللي صار له , اذا اتوكلنا على الله كل شيء بيكون بخير .. لا تستعيل الله ما يأخر شيء الا وكان فيه الخير انته ما تدري كيف ربك يدبر لك كل شيء , ما فيه انسان مب محظوظ بس فيه انسان يقدر النعمه اللي عايش فيها وما يعرف انه كانت عنده هالنعمه الا لما يفقدها . قول الحمدلله و ادعي الله وان شاء الله بتلقى كل اللي يونسك واللي اتمنيته بيوم من الايام صدقننني بتلقاه لو بعد مليون سنه اهم شيء بالوقت المناسب , الله يدبر كل شيء و مكتوب كل شيء من يوم ما كنا فبطن امنننا . كل الخير مكتوب باذنه , ارضي بالمكتوب و الله بترتاح . وقول الحمدلله على كل حال كلما حمدت ربك بتحصل اللي يرضيك منه .. |
دنيا قصيره : بر والديك , أد فرائضك , عبر عن حبك لمن حولك زر مريضاً , اسعد طفلاً , اضحك يتيم , ابتسم للجميع ! ربما خواتمنا قريبه .. |
تصبحون على خير لا تنسون [ سورة الملك ] + صلاة الوتر + اذكار النوم + آخر آيتين من سورة البقره + آية الكرسي + الاستغفار 100 مره رابط سورة الملك > http://www.holyquran.net/cgi-bin/prepare.pl?ch=67 رابط سورة البقره < http://www.holyquran.net/cgi-bin/prepare.pl?ch=2 والسموحححه منكككم |
مسائوووووووووووووو اليوم قمت الساعه 11 لاني راقد بعد صلاة الفيررر تقريبا ماا قدرت ارققد .. اول ما قمتتت رحت احوط وجي وتوني راجعععع قلت بريح للعصر احس اني مصددددددددع مب راقد عدل نومي كان مقطع امس يلا سليب تايمممم .. |
| الساعة الآن 06:39 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir