|
تسلمووون حبايبي على المرور البارت الياي يوم الثلاثاء...:):) |
منو هذا الي انصدمت في عليا..؟؟ اممم اكييد ع ـلـي وشو بيكون موقفه من عليــأأ..؟؟ امم بيحبهاا وشو السبب الي يخلي علي رافض فكره الزواج نهائيا ومن دون سبب..؟؟ امممم ماعرف >< وميسون و ثاني كيف بيعيشون حياتهم..؟؟ حياة سعيدهـ وشو رايكم في البارت..؟؟ روؤوؤوؤوعـة الصراااااحة يسلموؤو حبوؤوبهـ ويعطييج العاافية ع الباررت الغااوي ونحن فـ انتظاار الباارت اليااي ^^ |
نترقب البآرت اليوم .. |
تسلمين اموونه على المرور انا يت و البارت وياي بس ما اعرف اذا قصير ولا طويل بس على الاقل احسن من ولا شي والبارت الياي بكمله يوم الخميس عسب انه اجازه قرائه ممتعه...:):) |
عقب ما سلمت عليهم ظهرت من الحجرة.. عليا كانت للحينة هب متغشية كانت قاعدة تعدل وقايتها وهي ظاهرة اللفت اصطدمت بواحد... تيبست عليا في هالحظة.. ما رامت تتحرك من زود الفشيلة..كانت بتتغشى.. لكن الحينة خلاص فشيلة شو بقول بعد ما شافها؟؟؟ أما علي فما رام يشيل عيونه منها.. حس أنه مشتاق لها.. مشتاق لكل شي فيها.. تلاقت عيونه بعيونها من يعزك في الهوا ماتقدر تذله ترى قربك يزيدك بالغلا وان عفتني غالي لاتفتكر ان طال بعدي نسيتك ولاتفتكر ان قل اتصالي نسيتك غالي وبروحي فديتك راضي بتعذيبك حبيبي لاحول لي هذا نصيبي انت الجرح وانت طبيبي علي: السموحة الشيخة عليا وقلبها يدق طبول: لا ما عليك أخويه.. مسموح الشيخ عليا كانت تبي تمر بس علي هب حاس بعمره وواقف في طريج عليا عليا: اممم ممكن شوي... علي وتوه ينتبه الأخ سرحان بصوتها المخملي: أوه اسمحيلي..ما انتبهت عليا: لا أفا عليك ومرت عليا وعيون علي ملاحقتنها وين ما سارت ألين ما اختفت عن ناظره.. أما عليا فللحينة وصورة علي مطبوعة في خيالها.. نرجع لحصة.. شيما وسهيل توهم واصلين.. شيما: مبروك حبيبتي حصة.. حصة: الله يبارك فيج حبيبتي شيما وهي تشيل زايد وتبوسه على خده: فديته قمر سارة وهي تبتسم: الحين بنشوف راي شيما ... شيوم حبيبتي..منو يشبه زايد؟ شيما: اممممممم والله ما ادري بس أحس ملامحه جريبة من أبوه أحمد يمكن؟ صح والا؟ سارة: شو أحمد؟؟ زايد يشبهني أنا وبس ميسون: يا ربي.. شوي ويسمعون صوت سهيل: هود هود أم علي: هدا هدا.. دش يما سهيل حياك دش سهيل ومعاه ثاني ثاني+ سهيل: السلام عليكم الكل: وعليكم السلام سهيل: شحالج حصة.. الحمد الله على سلامتج.. حصة وهي تبتسم رغم الارهاق اللي تحس فيه: الله يبارك فيك.. والفال لشيما إن شاء الله سهيل: وين زايد؟ ما أشوفه؟ جربت شيما منه عسب تعطيه زايد.. سهيل وهو يجرب منه ويبوسه وهو في ايد شيما هب راضي يشيله.. أم سهيل: بلاك يما؟ ليش ما تشيله؟ سهيل: يا أمي تراني ما اعرف حق اليهال.. وبعدين أزيغ أشيلهم أخاف يتعورون والا شي عقب ما فينا على حنة أحمدوه الكل: ههههههههههههه سارة: باجر يوم شيما بتييب بيبي بتتعلم استحت شيما ونزلت راسها سهيل وهو يضحك وفي نفس الوقت ميت على خجل شيما: لذيج الساعة نتعلم.. ثاني وهو يرمس ميسون: ها ميسون.. نروح؟ ميسون: هي خلاص بنسير سارة: وين توا الناس.. خليكم قاعدين.. ميسون: لا ما عليه.. وايد قعدنا وبعدين لازم نخلي حصة ترتاح شويه حصة تبتسم سارة: خلاص ما عليه ظهر ثاني ومعاه ميسون وأمها بعد ما سلموا على حصة.. وبعد شوي دقت أم علي حق علي عسب ايي ويوديها وأم سهيل البيت عسب يرتاحن لأنهن من الصبح في المستشفى وسارة بتقعد ويا حصة.. بعد ما سار الكل ظلت سارة وشيما عند حصة.. سارة قاعدة تلاعب الياهل وشيما ترمس ويا حصة شيما: حصوه.. فديتج ارقدي أحسج تعبانة حصة: تصدقين من البارحة هب راقدة.. شيما: جيه؟ حصة: ما ادري أحس أن جسمي بكبره يعورني شيما: يلا ما علي أهم شي افتكيتي ويبتي لنا ياهل مثل القمر حصة وهي تبتسم: فديتج والله.. الفال لج ولسارة شيما: بعد اللي شفته وسمعته منج.. ما أفكر الصراحة حصة: جيه.. صدقيني الألم مهما كان تنسينه أول ما يشوف ولدج النور سارة وهي داشة عرض: انزين خبرينا يعني كيف حسيتي بالضبط؟ حصة وبخبث: ليش تسألين؟ خلاص يعني نويتي؟ سارة وخدودها غاديات طماط: حصوه عن الاستهبال حصة وهي تضحك:هههههههه شفيج أسولف.. المهم أقولج 3 ممرضات كانن عندي ودكتورة.. ياحليلهن ما قصروا.. ومن زود ما كان الألم فظيع قعدت أخرط بالانجليزي أوني Icant...Icant شيما: ههههههههه ياحليلج.. سارة: والله انج متفيجة..ههههههههه المهم كملن البنات سوالفهن وبعد فترة يا سهيل عسب ياخذ شيما وروحوا وظلت سارة ويا حصة اللي رقدت من زود ما كانت مرهقة وظلت سارة ويا زايد اللي هب ناوي يرقد.. وبعد فترة يا أحمد ومعاه حارب.. أحمد وهو واقف عند الباب: هود هود سارة: دش أحمد.. كلهم روحوا دش أحمد ومعاه حارب أحمد ربع صوب سارة عسب يشيل زايد سارة وهي تبتسم: ولدك هذا من الحينة يبين عليه شيطان.. الساعة 9 وللحينة هب راقد أحمد وهو يبوسه: والله يا حبيبتي هذا الشيخ زايد متى ما حب يرقد بيرقد وإذا ما يبي ترى ما في أحد يغصبه سارة وهي حاطة ايدها على خصرها: يا حافظ.. حارب يطالع سارة ويبتسم وهو متخبل على دلعها.. أحمد وهو يصد صوب حارب: يلا حارب شد حيلك وهات لنا عروسة حق زايد تيبست سارة... وافشيلتـــــــــــــــــــــــــــــــــاه.. حارب وهو يبتسم: أفا عليك .. عروسة واثنين وثلاث بعد سارة خلاص غدت طماطة وطماطة خايسة بعد من زود الفشيلة.. سارة وهي تحاول تغير الموضوع: حــ...حـ..ــصـــ...ـــه راقدة.. لا تسوون حشرة أحمد: فديت أم زايد والله حارب: خلاص عيل.. نحن الحينة بنروح أحمد: وين توا الناس.. خليكم قاعدين حارب: لا ما علي.. خلها مرة ثانية.. وبعدين عسب ما نزعج أم زايد ابتسم أحمد: على راحتكم وبعد ما باست سارة زايد ظهرت من الحجرة وحارب يجدمها.. أحمد حط زايد في سريره وسار صوب حصة.. جرب منها وباسها على خدها.. حست فيه وحصة وفتحت عيونها شوي شوي.. أحمد: سوري حبيبي إذا أزعجتج حصة وهي تبتسم برقة وصدت صوب سرير زايد عسب تطمن عليه حصة وعيونها على ولدها: فديته.. أحمد: أنتي اللي فديتج حصة استحت: وأخيرا رقد.. أحمد: ياحليله اليوم وايد تلعوز.. تنقل من إيد لإيد حصة: ههههههه لازم أول فرحتهم أحمد: وإن شاء الله ما رح يكون الأخير.. قاطعته حصة: نعم نعم..شو تقصد؟ أحمد: زايد لازم تكون له أخت بعد شو؟ حصة وهي تطنز: هي صح صح.. قالولك قطوة شو؟ نقع أحمد من الضحك: فديت قطوتي والله حصة: أحمدوه.. عن الاستهبال.. تبي بنت سير خذ لك وحدة كل يوم تقط لك ياهل أحمد: يعني راضية أتزوج عليج؟ حصة وأونها هب مهتمة: كيفك.. ما يهمني أحمد: خلاص عيل.. يوم بتزوج لا تيين تتناجرين ويا حرمتيه.. حصة وشكلها صدقت:أحمدووه.. ترى والله اللي فيني كافيني أحمد جرب منها وبنبرة دافية: إن شاء الله فيني ولا فيج حصة: لو سمحت لا تدعي على روحي.. ترى ما أرضى أحمد فهم منو تقصد بس حب يغلس عليها وبنبرة اونه محرج عليها: نعم نعم؟؟ ومنو هذا روحج بعد؟ حصة: بو زايــــــــــــــــــــد فديته أحمد وهو متشقق: فديييييييت بوزايد مالج والله .................................................. .......... بعد أسبوع ظهرت حصة من المستشفى لكن هالمرة ما ظهروا لحالهم ظهر معاهم شخص ثالث ألا هو زايد الصغير فرحة العايلة كانت وايد كبيرة بقدوم هالطفل اللي بملي عليهم حياتهم إن شاء الله والفال لسارة وباجي البنات شيما وميسون بهالمناسبة أبو علي سوا عزيمة كبيرة على شرف زايد الغالي الكل حضر قوم أبو سهيل وعياله كلهم.. أول أسبوعين قعدت حصة في بيت أبوها عسب تتعلم من أمها كيف تتصرف ويا هالياهل.. وأحمد كل يوم يحن عليها ترد الشقة... وطبعا حصة ما رامت تقعد زيادة وردت شقتها.. وأحمد استانس.. وأخيرا اجتمعوا الثلاثة في بيت واحد.... ................................................ .. في شقة أحمد وحصة... الساعة 2 فليل.. أحمد وحصة كانوا في سابع نومهم.. شوي وقعد زايد يتجلب في سريره الصغير.. هالسرير كان هدية من سارة.. كان ولا أروع.. مخده صغيرة مع مفرش من الحرير الناعم.. كان شكله وايد حلو..وناعم زايد شوي شوي وبدا يصيح... ويصيح.. بس محد عبره.. قال لااا لازم أعلي صوتي شوي عسب يسمعوني.. وفجأة انفجر زايد بالصياح وبأعلى صوته... فجت حصة عيونها بتثاقل شوي شوي وهي خلاص تحس أن عيونها تسكر تلقائيا من زود ما كان فيها رقاد حصة وللحين منسدحة وبصوت راقد: أحمد... أحمد: ZZZZZZZZZZZZZZZ حصة: أففففففففففففففففف أحمد..؟؟ وقعدت تحركه عسب ينش لزايد لأنها كانت وايد تعبانة وهب رايمة تنش.. حصة: أحمدوووووووووه؟؟؟ أحمد وهو متغطي باللحاف بالكامل: اممممممممم؟؟؟ حصة: ولدك يصيح.. نش أحمد:................................ قعدت حصة تحركه بس لا حياة لمن تنادي.. وأخيرا استسلمت وقامت غصبا عليها.. وقفت وهي خلاص تحس أن الدنيا تدور فيها من زود ما كانت تعبانة.. وقفت جدام سرير زايد اللي نقع من زود الصياح حتى أنه صار محمر من الخاطر.. جربت منه حصة ورفعته .. حصة وهي تبوسه على خده: أصصصص خلاص حبيبي خلاص ظهرت حصة الصالة لأنها غرفتهم كانت باردة عسب جذه ودت زايد الصالة لأنها أدفى شويه.. عسب تقدر ترضعه.. من زود ما كانت حصة تعبانة رقدت وهي قاعدة وزايد فوقها.. شوي وتحس بإيد باردة على جتفها.. فتحت عينها بسرعة.. أحمد وهو يبتسم: شفيج حبيبتي؟؟ بلاج ؟ لا يكون زيغتج؟ حصة: لا والله أحمد: ترى زايد رقد وأنتي غفلتي حصة وهي قافطة: ادري انزين أحمد جرب منها عسب يشيل زايد ويحطه في سريره.. وقفت حصة : جم الساعة؟؟ أحمد: 3 تقريبا حصة: وجيه ناش؟ أحمد: فتحت عيني فجأة شفتج محد.. فقمت أدور عليج؟ حصة: لا والله.. ومن ساع قاعدة أوعيك عسب تشيل زايد ما نشيت ؟؟ أحمد: وعيتيني؟؟ متى؟ حصة: متى لا؟ سير سير كمل رقادك وكانت بتسير عنه بس مسكها أحمد: حصوه قلبي شفيج معصبة؟ حصة: ما فيني شي.. ابي ارقد أحمد: حشى ... كل هذا بس عسب نشيتي من رقادج حصة: ياسلام.. وأنت ترضى أحد يقومك وأنت في عز رقادك أحمد: بس هذا زايد ولد أحمد.. يعني هب أي واحد حصة: هـــــــا.. يعني هو ولد أحمد بعد..؟؟ أنا اتحراه ولد حصة بس نقع أحمد من الضحك: يا ربي.. أنا عمري ما شفت وحدة تموت ع الرقاد قدج.. يا ليت تحبيني كثر ما تحبين الرقاد ابتسمت حصة: جب جب انزين أحمد: فديتج والله...انزين منو تحبين أكثر؟ أنا والا الرقاد؟؟ حصة: أحمدوه عن السخافات أحمد ويسوي عمره زعلان: يعني تحبين الرقاد أكثر عني.. ما علي حصة: يا ربي كيف يستعبط هالريال؟؟ أحمد: انزين أول قولي منو تحبين أكثر؟ حصة: زايد.. أحب زايد أكثر ارتحت الحينة.. وسارت عنه ربع صوبها أحمد ومسكها: لازم تحبينه.. تعرفين ليش؟ حصة: وليش يا حافظ؟ أحمد: لأني أنا أبوه حصة وبدلع: والله؟ توني أعرف تصدق؟ أحمد: يا ويل حالي على دلعج .. حصوه ترى والله ما أروم خفي علي شويه استحت حصة: احمدوه يوز عني أبي أرقد أحمد: وإذا ما خليتج ترقدين؟ حصة: احلف أنت بس؟ أحمد وهو يضحك: والله انج تحفة يا حصوه كل هذا بس عسب ترقد.. سبحان الله حصة وهي ترتب اللحاف: والله أنا جذه.. 3 أشياء في الحياة ما اتخيل حياتي من دونها.. الرقاد، وزايد،و....... ابتسمت أحمد: انزين ... كملي حصة: وإذا ما كملت؟ أحمد جرب منها : لا بتكملين حبيبتي حصة: أحمد.. أحمد: ها شو؟ كملي اسمعج حصة ضحكت: شو أكمل؟ ترى قلت أحمد وهو هب مستوعب: قلتي متى ؟ ما سمعتج؟ حصة: يا ربي.. أول مرة أعرف انك غبي أحمد وتوه ينتبه : أهـــــــــــا.. قصدج أنا يعني حصة: صباح الخير فالليل أحمد: كنت أعرف انزين حصة: لا والله؟ أحمد: بس حبيت أسمعها منج حصة: سخيف انزين أحمد: أنت قد هالكلمة؟ حصة: لا اليوم ما نرقد يعني؟ ضحك أحمد: أنت قد هالكلمة؟ حصة: شو بتسوي يعني؟ أحمد جرب منها: ولا شي بس ببوسج .................................................. .............. قاعد يتجلب في فراشه.. هب قادر يرقد عيونه مرفوعة تطالع السقف يحس أنه مخنـــــــــــــــــــــــــــــــــــــوق هب قادر يرمس أحد.. وده أحد يفهمه.. وده أحد يخفف عنه.. بس هب لاقي.. يا ناس أحبها.. والله العظيم إني أحبها.. بس............؟؟؟؟؟؟ آاااااااااااااااااااااااااااه يا ناس والله تعبت.. والله تعبت يا ربي ليش أنا بالذات ليش.. ليـــــــــــــــــــــــــــش؟ استغفر الله.. يوم الخلايق ذهل ارقود .. ساهر ونومي لي حراما كل السبب بو خصر مجلود .. يلي حكمني بالعداما زين الوصايف لين العود .. سوى بقلبي كم وياما لجله انا عديت لـــــنشود .. وأيير ونات عداما دايم غلاه ايزيد بالزود .. يذبحنيه زود الغراما اشتاق له لو يكثر اصدود .. واحب صوته والكلاما واحب شخصه لو يبا اعهود .. واحلف وابصم بالبهاما يوم الخلايق ذهل ارقود .. ساهر ونومي لي حراما كل السبب بو خصر .. مجلود يلي حكمني بالعداما دمعة جريئة نزلت من عيون علي اللي كان طول الليل وتفكيره مأرقنه وهو قاعد يفكر بعليا.. عليا اللي هب راضي يشيلها من تفكيره.. عليا اللي سحرته بضحكتها لليوم وهو يتذكر أول لقاء بينهم.. ((علي: السلام عليكم الكل: وعليكم السلام وقبل لا يصعد فوق.. زقرته حصة حصة: علي.. ويصد صوبها بس لا إراديا طاحت عينه على عليا اللي ماتت من تلاقت عينها في عيونه.. ابتسم ورد يطالع حصة: هلا حصة: في نااااااااس يبووووووووووون.. وقبل لا تكمل انتبهت حقها عليا وقعدت تقرصها.. بس طبعا حصة إذا حطت شي في بالها لا يمكن أنها تتراجع عنه حصة: آااي علي شوف عليا.. علي وهو يبتسم: شو السالفة؟ حصة: وهي تبتعد عن عليا: ترى عليا وايد عيبها العشى وقالت إذا شفت علي لازم أشكره بنفسي وصد علي صوب عليا اللي كانت منزلة راسها من المستحى وقعدت تتوعد حق حصة.. علي: المهم أنه عيبكم حصة: واااااايد ، حتى عليا قالت أنها كل يوم بتيي تتعشى بيتنا.. عليا وترفع راسها صوب حصة تسكتها: حصة.. تخبل علي من سمع صوتها المخملي الرقيق اللي يكاد أنه ينسمع علي: خلاص حصة.. لا تحرجين البنت حصة: والله هي قالت جذه علي: شفيها انزين.. حياها الله .. وظهر من عندهم لأنه حس أن عليا وايد مستحية))قعد يتذكر كل لحظة وفيها عليا.. عليا اللي قدرت أنها تكسب قلب علي وتسكنه قطع تفكيره رنة موبايله.. وكان المتصل هزاع علي مسح دموعه وحاول أنه يكون طبيعي عسب ما يحس هزاع بشي علي: هلا.. هزاع هزاع: أهلين.. توقعت ألاقيك قاعد علي: خير؟ عسى ماشر.. مو من عوايدك ادق هالحزة؟ هزاع: لا بس ما فيني رقاد.. قلت بدق لعلي بشوفه... علي تنهد تنهيده لا شعوريا ظهرت منه هزاع: علوي؟؟ خير ؟ شفيك؟ علي: هــــــــــا؟ لا سلامتك ما فيني شي هزاع: شوف علي؟ هب أنا اللي ينقص عليه.. قولي شفيك؟ علي : هزاع قلت لك ما فيني شي هزاع وبنبرة حادة: علوي بتقولي شفيك، والا ؟ علي: ................................. هزاع: شرايك أمر عليك ونظهر برع وإذا حسيت أنك تقدر ترمس أنا حاضر وبالشوفة... علي: اممممم خلاص مر عليه.. وبعد ما سكر علي وقف على حيله لبس كندورته ونزل الصالة تحت يتريا هزاع ربيعه بعد ربع ساعة تقريبا وصل هزاع وساروا صوب كاسر الأمواج.. وبعد ما نزلوا وقف علي وهزاع حذاله لحظة صمت..... الصوت الوحيد.. كان صوت ارتطام الموج بالصخر يرن في أذون هزاع وعلي.. كانوا مستانسين عليه.. والجو كان بــــــــــــــــــــارد في هالوقت طلع علي سيجارة وقعد يدخنها هزاع وهو منصدم من اللي يشوفه لأن علي ما يدخن: علوي؟ من متى تدخن؟ علي: تصدق من اليوم.. جرب منه هزاع وسحب السيجارة منه وقعد يدخنها لحاله هزاع: التدخين مضر لصحتك علي وهو يشوفه بنص عين: لا والله يعني حلال عليك وحرام علينا هزاع: بس أنت الحينة مضايج واللي فيك كافيك ليش تييب العوار لقلبك علي: أهو ظل عوار وما ياني.. هزاع وبنبرة قلق على ربيعه: علي.. قولي شفيك؟ علي تجدم صوب البحر وتنهد تنهيدة: آاااااااااه شو أقولك؟ هزاع: تشوف هالبحر... مع أن الناس يقولون عنه غدار لكنه بالنسبة لي أكثر من مجرد بحر.. وبالعكس أنا ما اعتبره غدار.. أنا اعتبره كل شي بحياتي.. أول ما يضيق صدري يكون هو أول ما يطري على بالي.. ما ادري ليش ارتاح له.. صوت موجه.. ريحته كل شي فيه.. أحبه..لو أنه ما يرد عليه.. بس صدقني يسمعني.. هي نعم يسمعني وبكل انصات بعد.. وفي أي وقت رح يسمعك .. ما عليك غير تفتح قلبك وتفرغه من كل شي فيه.. ترى والله الدنيا ما تسوى في هاللحظة صخ هزاع لأنه حس أنه وايد رمس و صد صوب علي اللي لقى عيونه ممتزرات دموع.. وهالشي خلى هزاع يزيغ وجرب من علي وقال له:علي؟؟؟ بلاك يا أخوي؟ شو اللي مكدرنك؟ علي نزل راسه وهو مغمض عيونه متلوم أن هزاع شاف دموعه هزاع: علي.. دخيلك لا تعذبني.. قولي شفيك؟ علي: آاااااااااااااخ يا هزاع.. تعبـــــــــــــــــــــان... هزاع: فيني ولا فيك يا أخوي هزاع كانت علاقته بعلي وايد قويه.. ويعتبره شرات أخوه وزود.. هزاع: علي... ترى والله دموعك غاليه عليه... شو اللي متعبنك؟ علي خلاص ما رام يتحمل أكثر.. حس أنه شايل هموم الدنيا كلها على راسه.. ويا الوقت عسب يرتاح ويخبر أحد يشاركه همومه.. عالأقل يرتاح شوي علي: هزاع... أنا... هزاع: أنت شو؟ كمل دخيلك... علي: أ.حــ ..ـــ.ـب هزاع وجنه هب مستوعب: شو؟؟؟!!!!! علي: اللي سمعته هزاع: تحب؟؟ وشو اللي مكدرنك؟ في أحلى من الحب يا أخي علي: الحب.. الحب بكبره هزاع ما رمس عسب يرمس علي براحته و كان منصت لكل كلمة يقولها علي.. علي: من سنة ونص تقريبا.. حبيتها.. من أول نظرة.. من أول ابتسامة شدتني صوبها.. حسيت أنها قاعدة تسحرني.. ما قدرت أنكر أنها ملكت قلبي وصارت كل شي فحياتي.. هزاع: انزين.. كل اللي قلته شي حلو.. وين المشكلة؟ علي: أنا.. هزاع وهو عاقد حياته: أنت؟ وأنت شفيك؟ علي ما رام يكمل حس أنه مخنوق.. بس دموعه خانته وبدت تنزل لا إراديا.. كان يصيح بصمت وحرقة.. ودموعه كفيله بأنها تعبر عن الألم اللي يعانيه جرب منه هزاع ولمه.. وبعد ما هدا علي شوي.. هزاع صاخ جنه يبي علي يرمس بس من دون ما يضغط عليه علي كان هو الثاني ما يرمس هب عارف شو يقول؟؟؟ بس هزاع ما رام يتحمل يشوف ربيعه يتعذب أكثر وقرر أنه يبدى.. هزاع وبنبرة حادة : علي.. كمل.. علي رفع عيونه وطاحت في عيون هزاع اللي قدر يقرا فيهن الخوف والقلق عليه.. هزاع: ودام أنك تحبها.. ليش ما تخطبها؟ شو المانع؟ علي: عسب ما أظلمها هزاع: شــــــــــو؟؟ تظلمها؟ علي نزل راسه..... هزاع: وليش تظلمها؟؟ علي رفع راسه وعيونه غاديات جمر: لأني....أنا..... هزاع خلاص نفذ صبره وقعد يصارخ : أنت شو؟ تكلم؟ .................................................. ........ كــااات تتوقعوون شو السبب الي يخلي علي في هاي الحال..؟؟ وليش يظلم عليا اذا اتزوجها..؟؟ وهل ممكن ايكون علي على علاقه مع بنت ثانيه يكون السبب في ظلم عليا..؟؟ شو رايكم في البارت..؟؟ واترك باقي التوقعات لكم..:):) |
| الساعة الآن 06:54 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir