|
آإلبآإرط آإلـ / 62 . . ] وحامد كان بسيارته بيرجع للبيت .. وهو يفكر بـ ابتسام << 77 وطول الدرب يفكر .. ( ابتسام شافت القصيدة ولا لاء ؟... اكيد زعلت لاني زودتها ) ويلس كل اشوي يقول شي .. وفجأة قطع حبل افكاره سيارة يايه صوبه من الشارع الثاني حاول يتجنبها بس ما رام يتحكم بالسيارة واستوى الحادث @_@ فـ واحد من الموجودين في الشارع اتصل بالاسعاف .. ويت سيارة الاسعاف وشلتهم للمستشفى والشرطه بعدهم كانو اهناك يدورون اي اوراق في السيارة اللي امسويه الحادث عسب يخبرون اهلهم وبنفس الشارع كان حمد ربيع حامد موجود يبي يعرف شو سبب الزحمه .. فلما نزل من السيارة شاف الحادث فقرب اكثر من المكان وانصدم لما شاف رقم السيارة اللي امسويه حادث وحس براسه يدور لكنه مسك عمره عشان محد يلاحظ وسار للشرطي اللي كان هناك ويلس يتخبر عن اللي امسوي الحادث واسمه ولما خبره الشرطي بالاسم سكت حمد ونزل راسه والشرطي مستغرب منه ! الشرطي: عفواً اخوي ... انت تعرف اللي امسوي الحادث ؟ حمد من خنقته العبرة وما رام يرمس بس تماسك وسأل الشرطي حمد: ممكن اعرف هم الحين في اي مستشفى ؟ الشرطي: في مستشفى خليفه حمد: مشكور اخوي الشرطي: العفو سار حمد عن الشرطي .. وهو مب عارف كيف يخبر اهل حامد بالحادث .. فـ اتصل بحميد وخبره .. طبعاً حميد انصدم ... وخبر البقية والخبر كان فاجعه للكل ... بس تماسكو وسارو كلهم للمستشفى .. والصوب الثاني .. حمد كان عند الدكتور المسؤول عن قسم الحوادث ويحاول يفهم منه حالة ربيعه فـ وصل حميد وراح عند حمد مع عادل حمد : دكتور خبرني عن حالته دخيلك الدكتور: والله ياخوي ما اخبي عليك .. حالته صعبة عادل: انزين يعني يحتاي انسفره برع يتعالج ؟ الدكتور: وضعه الحين صعب .. لازم مرحلة الخطر تعدي ولما تستقر حالته نشوف اذا محتاج سفر ولا لاء عاد: وكم يبا لما تعدي ؟ الدكتور: في الحاله هاي محتاج 48 ساعه تحت المراقبه عادل ( بحزن ): اوكي عيل .. اسمح لنا دكتور عطلناك .. عن اذنك الدكتور: اذنك معاك راح عادل صوب امه اللي كانت تصيح مع اختها ام فهد وعليا وياهم عادل: والله يالوالده ما اعرف شو اقولج >< ام عادل: مابيك تقولي اي شي غير اللي قاله لك الدكتور عادل: بصراحه يا امي الحين انتو ما ترومون تشوفونه لانه تحت المعاينه ام فهد: ومتى نقدر انشوفه عادل: هو في 48 ساعه اليايه بيكون تحت المراقبة فأحسن لكم تردون البيت وانا بدق لكم اخبركم عنه ام عادل: يا لقعتي على ولدي .. دخيلك خلني اتم عنده عادل: ما يصير يالغاليه .. انا بتم عنده ام عادل: الله يخليك خلني عادل: انتي ريحي بالج وحامد بحطه بعيوني ام عادل: خلاص .... بس الله يخليك .. خبرني بكل يديد عادل: على امرج ... حميد يلا وصلهم عليا: انا ما بروح عادل: علايه حبيبتي يلستح اهني ما منها فايده .. يلا نشي و روحي مع الوالده عليا: قلت لكم ما بروك .. الا لما اشوف حامد بخير وما فيه شي عادل: عليا.... عليا ( تقاطعه) : قلت لك ما بروح انت ما تفهم عادل امقدر الوضع اللي فيه اخته .. فراح عنها صوب حميد .. وراح لها حميد حميد: عليا ... الله يخليج اسمعي كلامي لو مرة وحدة بحياتج وقومي خلينا نرد البيت .. ولج وعد مني ان باجر اييبج .. ها شو قلتي ؟ عليا يلست اتفكر ودموعها بعيونها وبعدين هزت راسها بالموافقه وقامو وراحو عدا الليل كئيب عالكل .. ام عادل اتصلت وخبرت ريلها بو عادل اللي كان امسافر بالسالفه وطبعاً انصدم بالخبر .. انا عادل وحمد فـ باتو عند حامد .. وعليا طلت الليل تصيح .. حتلا ملابسها ما غيرتها ولا حتى فخصت عباتها وشيلتها ... بس لاويه على عمرها وتصيح .. فدخلت عليها فاطمه من بعد ما نومت اعيالها ... فاطمه: عليا حبيبتي مب زين اللي تسوينه فعمرج .. ترا حامد ما فيها الا الخير وباجر بتشوفينه صاحي يدامج عليا ( تصيح ) : الدكتور قال حالته خطرة فاطمه: اكيد لانه امسوي حادث .. بس صدقيني بيتعافى عليا: واذا ما تعافى فاطمه: الله لا يقولهها .. عليا حبيبتي تفائلو بالخير تجدوه .. وان شاء الله حامد بيقوم بالسلامه عليا سكتت ودموعها تنزل .. فقامت عنها فاطمه وراحت .. والتقت بحميد قبل لا تروح حجرتها حميد: شلونها ؟. فاطمه: حالتها ما تسر .. ذابحه عمرها من الصياح حميد: حامد غالي علينا كلنا .. ما تتصورين اشقد انا متألم .. دشيت الحجرة وما شفته حسيت بالم وشي يرص علي فاطمه: لا تصير عليا الثانيه .. خلو ارادتكم قويه ولا تفقدون الامل .. وان شاء الله حامد بيرد شرا اول واحسن حميد: صدقيني انا متفائل بالخير .. بس زعلان فاطمه: الله كريم وراحت فاطمه لحجرتها .. اما حميد فكان متردد يبار يروح لعليا يخفف عليها بس متردد ... فقرر يروح دق الباب ودخل وشاف عليا على سريرها تتأمل بصورة حامد وهي تصيح فراح يلس حذاها وحاول يخفف عليها .. وفي اليوم الثاني في المدرسه .. ابتسام راحت صوب الادبي تشوف اخبارهم .. بس ما شافت عليا ابتسام ( مستغربه ): الا عليا وين ؟ فرح: شكلها ما بتدوام اليوم ابتسام: غريبه .. ما خبرتني ريم: يعني ما تعرفين علايه .. تلاقينها تتعايز اتنش الصبح ابتسام: يمكن ... مع ان قلبي يقول لي ان فيها شي شما: لا تفاولين عالبنت خلينا على راي ريمو احسن .. تتعايز اتيي المدرسه ههه ابتسام مب متطمنه .. فظهرت وراحت صوب صف امينه .. دخلت الصف .. لقت تجمع غير طبيعي على طاوله من الطاولات .. اقتربت اكثر ... شافت امينه موطيه راسها عالطاوله تحاول تمسك عمرها من الصياح .. ابتسام انذهلت ابتسام : امون بلاج ؟ امينه شافت ابتسام وزاد صياحها ابتسام: امينه حبيبتي خبريني قولي لي بلا تصيحين ؟ امينه مستمرة في البجي ابتسام: علايه بها شي ؟ امينه تهز راسها بمعنى لا ابتسام: عيل شو السالفه ؟؟ امينه دخيلج ارمسي .. لا تذبحيني بسكوتج امينه ( بصوت متقطع ): حــ حـــااامد ابتسام ( مصدومه ) : حامد !!؟ امينه خبرت ابتسام بالسالفه .. طبعاً ابتسام انصدمت وانذهلت ولا عرفت كيف تعبر عن الالم اللي بداخلها .. فشلت عمرها وظهرت وراحت الصف .. وعلامات الصدمة باينه على وييها وداد : بسوووم .. بلاه ويهج معفوس ؟ ابتسام بعدها في اثر الصدمه مها : ابتسام حبيبتي .. اشفيج؟ ابتسام دموعها بدت تنزل مي : بسووم بلاج ؟ شو مستوي ؟ انطقي قولي ... >< ابتسام ( تمسح دموعها ) :انا قلبي كان حاس ان بيصير شي مب زين مي: بسووم !!! زيغتيني .. قولي بلاج ؟ ابتسام: حامد مها + وداد + مي : حاااامد ؟ مي : بلاه ؟ ابتسام : سوى حادث وحالته خطرة cut :84: لوول آإتريآإ تعليقآإتكم ع آإلبآإرط :13: |
حراااااااااام لا تبطين علينا بالباارت الياااي |
تسلمين ع البارت يلا نزلي البارت الياي مافيه صبر |
>< انزين علقوا ع البآإرطآإت قولوا شي >< هب كله هيين الباارط ومتى بتنزلين البآإرط خخ >< :13: |
تسلمين جيتو ع البارت حراااااام يحليه حامد نتريا البارت |
| الساعة الآن 06:32 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir