منتدى استراحات زايد - ٱلآٱ ۶ﻟىَ طآڕيُ ا̄ﻟﻋنٱد ..ﺷﻟۆن ﺧﺷﻣڳ بعد مَ آﻧآ ڳسرٺھۃ :>

البآآرت { 61}

عآدي ترى مآني بميت من الشوق ..
أن جيتني حيآك و أن غبت كيفك .!
كآفر بكلمة كل مطرود ملحوق ..
مؤمن بأن ألي يحببك يجييلك ..

/\
\/
/\
\/
/\
\/

شوآقي وآقفه ع الشبرية وحآطه رآسهآ ع صدره ومحمد وآقف : أناا دلتلك لا تثيير عني .. لوووو بتثير مره ثآآنيه يمكن ماترد نفث بااابااه
محمد غمض عيونه و عض شفآآيفـ‘ه : مآآبسيييير حبيبي أنتي .. لو سرت مره ثآنيه بشلج ويآآآآآآيه
شوآقي بعدت عنه
محمد شآف صدره كله كآن دموووع ع الكندووورة : هئئئئئئئئ شوآآقي شو سويتي خيستيني
شوآقي أبتسمت وعيونهآ حمر من كثر الصيآآح
محمد نط صوبهآآ : بعضضضضضضضج ،، ليش تخيسيني
شوآقي : ههههههههههههههههههههههههههههههههههههههههه بااابااه حمووود لالااااا .. ههههههههههههههههههههههه خلااااث خلاااااث والله ما أثوي مره ثآنيه ههههههههههه خووووووذ عني بآآآباااه
/\
\/
/\
\/
بع‘ــد يووووميين ..
اليوم عرس حمد ..
السآع‘ــ‘ه 10 الضحى ..
صوب شمآ > كآنت وآصلة الأماارات أمس العصر عشآن عرس حمد .. .. حجزتلهآ فالفندق وهيه ترمس نورة ع الفون ..
شمآ : يلا تعآآآآلن
نورة : ويين ني ؟ شو نقولهم ؟
شمآ : خلي أحمد أييبكن .. قووللهم نآهيين المول ولا أي مكآآن دخيييلكن أباا أشوفكم
نورة : أوووكي بقوول لأحمدوووه وبردلج خببر
شمآ : اوووكي ..
/
نورة نزلت أدوور أحمد ومآحصلته : أفففففففففففف هذآ وين بلقآآه ألحين ( دقتله ع الفون ) . : آلوو هلا أحمدووه .. أقوولك تعاال شلناا أناا و أمون عند شميييم .. هيه شمييم هنيه فالأاامااراات .. يويييييلك إذآ خونت فينآآ وسرت عنآآ .. لا تسوي فينآ نذآلة .. لا مآبنتأخر بسرعه بنتجهز .. يلا بآآي ( دقت لأمون وقآلتلهآ )
ربع سآآعة وسآآرو أحمد .. نورة .. أمون .. صوب شمآ ..
نزللهم نآآدر عشآن يدليهم ع الحجرة ..
/
نآدر دق البآآب وشمآ ع طوول فتحتله .. أول وحده نطت صوبهآ أموون
أمون : شميييييييييييييييم حياااااااااتي توووولهت علييييج وآآآآآيد
شمآ : و أناا اكثررر والله
أحمد : يلا رفيق مافي سوي قرقر زيآآدة .. فيه بنقلا ( بنقآلي ) منيه ( أشر ع نورة ) لازم يآخذ دوور مآل هوووه
نورة : بنقلا فعيييينك
أحمد : هههههههههههههههههه
دخلوو عندهآآ
/
نورة : و أنتي يوم يآآيه من أمس ليش ماتقوليلنآآ
شمآ : ههههه مافضييت أمس كنت فالصآآلوون
أمون تشوف إيدهآ : يآآعييييني ع الحنآآ
أحمد يلس عدآل شمآ ومسك إيدهآ وهوه يتروح حنآهآ : أحححححح حلوه ريحة الحنااا
شمآ غمزلته وهيه تصآآصره : يلا عقبآآل مآآتشووف عروسك بحنآهآآ
أحمد رفع إيدهآ : أن شاء الله
نورة فهمت عليهم : مستلغث .. أقوول أحمدوه دخييلك لاتاخذ وحده مستلغثه ( عينهآ ع أمون ) عشآن ماتيبولنآآ بزرآآن ملغث
أمون : ولييش حبيييييبتي أناا طايحة من عييينج ولا طايحة من عيييينج
نورة : هههههه شو الفرق يعني .. المهم طآيحة من عيييييني
أمون :شووووووووووو ؟
نورة : أمون يعني عرفتي عمرج أنج ملغوووووثة
أحمد : كفففففج كففففج ( وتصآفقو نورة و أحمد ) فهذي أناا أبصم بالمليوووون
أمون طلعت لسآنهآ : أننننننننننننننننننننننن من زيييينك عآآآآده ولا من زين ألي بتوآفق علييك
أحمد حط رآسه ع جتف شمآ : وآآآآآآآآآآفدييييييييييتهاا بس
أمون حمرررت
أحمد : عيل تقوووولين مب من زين ألي بتوآفق علييه ..
نورة : يآآخي هذي أموون تعق فعمرهآآ و تسب عمرهآآ بدون مآآتدري
أحمد : كله عشآن خآطر عيووووني ( يرمش بعيوونه )
أمون : ويآ هالعوينآآت .. تقول زوووول
احمد : حبيبتي أناا عيوووني وسآآع
شمآ : بسسسسس .. أناا يآيبتنكم هنيه تتنآقروووون
أحمد : عدلي الجملة أنا ألي يآيبنهن مب انتي
شمآ : برآآآآآآآآآآآآآآآآآآآآآآآآآآ
نورة : بس أناا أيلس عندج ..صح ؟
شمآ : صححح .. وآآفدييييت عيووونج أنتي بس
نورة يلست مجآبلة شمآ : شميييييم جنج غيرتي لون تقوييمج ؟
شمآ : هههههههه حشى فصفصتووووني
أمون : أشووووف أشووووف
أحمد : أوووونه .. ياااعيني ع الذهبي ..
نورة : الذهبي طآلع عليج أحلى من الوردي
شمآ : ههه أدري
( تمو يسولفون عندهآ لين الساعه 1 ونص الظهر وردوو البيت )
/\
\/
/\
\/
بيت بو أحمد ..
حجرة نوورة
( نورة + أم أحمد )
نورة : دخييييييلج دخيييييييلج
أم أحمد : خلي مكرج
نورة : أماااايه ورففففجة
دخل أحمد عليهن بدون مايدق الباااب
أم أحمد : تعاال أسمع أختك
نورة أطعز امهاا ماتباها ترمس
أحمد : شفيهآ ؟
أم أحمد : يويين تبآ تسيير العرس ويآ شمآآ ..
أحمد : عرس منهو ؟
نورة : ولد عمهاا
أحمد : و انتي شدخلج ؟
نورة : هيه عازمتنا أناا و سمووون
أحمد : خلن مكركن و صكن دعنتكن
نورة وقفت : ليييش لييييش ؟
أحمد : و انتن شو دخلكن تسييييرن .؟؟ ألي بيعرس من بآآجي أهلج ولا شوو ؟ لا تعرفين لا المعرس ولا العرووس
نورة : بس أعرف شمآآ
أحمد : تعرفين بنت عم المعرس .. مطووولهآآ ..
نورة : مااتعرف حد هنآآك ؟ وماتبا تيلس روحهاا
أم أحمد : عن الجذب .. عندها بنت عمهاا مسنعه وماشيء شراتها ( تقصد حمده )
نورة يلست ع الشبرية : ياااااااربي
أحمد : نوييييير عن المصآآآآآخة ( وظهر )
نورة : اماايه الله يسامحج ليش تخبرينه ؟؟
أم أحمد : سآفرتن ويآآ شمآآ ومحد درى. .. ومآعآرضت خليتكم تسيروون .. ياغير تقوليلي بسيير العرس هذي لا .. و أن عزرتي بخبر أبووج ..
نورة : ليييش ؟
أم أحمد : ماالج حاايه فالناس هذيلااااااا
نورة بوزت
أم أحمد : الله يعييييييني علييج و ع يهآآلتج هذي .. هزره عبد العزيز لو يدريبج جآن شرد
نورة : عشتوووووو .. ألحيين خآيفة ع هالعزوووز مني ؟
أم أحمد : ييييييييهاا .. لو بيلس ويآآج مآبوبلج ( ظهرت )
/\
\/
/\
\/
السااعه 6 ونص ... المغرب
صووب ححمدووه .. كآنت فالصآلـ‘ه ..
( حمدوه .. متلبسه فستآآن أورآآنج .. منفوش و التفتآآت بنية ع المحروق .. حآطه إي شدو أسود خفيف ومتبوع بـ برتقآلي .. مسويه لـ شعرهآآ بف .. فستآنهآآ كآن لين فوق كوعهآ تقريباً و ضآغط من صوب الصدر و الإيديين .. )
شمآآ .. يت ع الساعه 7 .. كآنت متلبسه فستآآن أحمر .. كآن وسييع فرآشـ‘ه بس ضآغط من صوب الخصر و الصدر بالكرستالاات الذهبية .. الكرستآل كآن من جتفهآ اليسآآر ونآزل لين خصرهآ الصوب اليميين .. ومحوط ع خصرهآ كآمل من جدآآم و من ورى فيهآ تفتآت بالأأحمر .. نفس قطعة الفستآن .. الميك أب كآآن هآآدي وآآآيد .. كآن الآيشدو أحمر خفييف و يآ بلشر أحمر هآدي .. ورآسمه عيونهآآ .. شعرهآ رآفعتنه من فوق ووآصل لين جتوفهآآ وحآطه طوق لونه أحمر و ع اليآنب اليميين فيه فرآشه بكرستآلات حمرآ + بيضآء + ذهبية .. كآن طآلع رووعه ع شعرهآآ البني المحروق .. )
/
حمدوه يت صوب شمآ : هئئئئئئئئ شميييم ولا مشبهه ؟
شمآ لفت صوبهآ : هلاااا حمدووووووه .. من متى أدووورج ما أعرف حد هنييه
حمدوه حضنتهآ : متى وصلتي من لندن ؟؟ ولا تقوليلي يالخآآآآيسه ><"
شمآ : هههه كنت مشغووله هههه
حمدوه : عشتوو يا أم الشغل أنتي
شمآ : هههههههه
حمدوه مسكتهآ من إيدهآ : تعاالي بعرفج ع أختيه فطييييمووه
شمآ سآآرت ويآآهآآ ..
/
فطوم كآآنت مشغوله ويآ أمهآآ
حمدوه : فطيييييييم
فطوم لفت صوبهآ : هاا حمدووووه
حمدوه : تعاالي
فطوم يت صوبهآ : شفييج ؟
حمدوه تأشر ع شمآآ : هذي شمآآ بنت عمي
فطوم أدقق فيهآآ : هئئئ صدق ؟
حمدوه : هيه ( و أبتسمت )
فطوم قربت من شمآآ : ما شاء الله عليييج شمآآ .. قآلتلي حمدوه أنج حلوه بس ماتوقعتج جذيه
شمآ : تسلمين .. عيونج الحلو‘ه ..
فطوم : تعاالن بنيلس ع الكرآسي عيزت من الوقفة
حمدوه : ويييييت .. شمآ بتسلم ع أماايه وعقب بنيلس ..
/
حمدوه ودت شمآ صوب أمهآ و ام يزوووي ..
انقهررن يوم شآفنهآآ .. خص أنه الحرييم قآمن يسألن هذي من بنته
حمدوه : ويييه شميييم جآن مآتنخطبيين
شمآ : ما أبا حد من صوووبكم
حمدوه : نعم نعم .. جني ماسمعت
شمآ : لا حبيبتي أناا متأكده انج سمعتي بس تتصيمخين
حمدوه : وليش مآتبين من صوبنآآ ؟
شمآ أنحرجت : بس جذييه .. أبا شخص مقتنعه فييه بأني بكمل حيآتي ويآآه . مب شخص أبوووج ولا اخوج مقتنعيين فييه
حمدوه : شو رآآيج فـ حمد ؟
شمآ لفت صوبهآآ
حمدوه : والله صدق ترآني أرمس .. يزووي مآتنآآسبه و....
شمآ قآطعتهآ وهيه معصبه : حمدوووووه شفييج ينيييتي ؟ خلاص حمد عررس .. تبين تخربين حيآآة أخوووج عشآن تخطيطآآتج
حمدوه : بس أنا أشووف حياة أخوويه تدمر ويآ يزوووي
شمآ : هوه مقتنع فيهآ انتي شعلييييج
حمدوه : أنتي تنآسبين لـ حمد أكثر عن يزوووي
شمآ : أوووووووووووه ( سآرت صوب فطوم وتمت تسولف ويآآهآ )
/\
\/
/\
\/
بيت بو حمدآآن ..
حجرة أمون ( أمون + نورة )
أمون : أففففففف بعد يوووميين دوآآم والله مآآفيني أرد للمدرسه و الهلااك
نورة : مشكلة قوم المدآآرس
أمون : جب جب
نورة : ههههههههههههههههههه شدي حييلج عآد أنتي ثآنوية عآآمه
أمون : مب لااااازم .. آآآآآآه بس يالله متى بعرس .. تصدقين أنه حظ شمييم أحسن عن حظي .. ظهرت من هالعآآيلة و أفتككت .. ومسآفرة وعآيشه حيآتهآآ
نورة : و ع بآلج هيه مرتآآحه
أمون : ألي أشووفه أنهآ مرتآحه
نورة : هههه شمآآ لو فـ قلبهآ غمة حزن مآآبتقول آآآه .. أنتي تفكرينهآ مسآفره و تسوي الي تبآه معنآته مرتآحه .. مآتدريين أنهآ متشتته بين رآي عمهآآ .. ووصية أبوهآآ .. وتحدي ولد عمهآآ .. وبين رآي ورآآي .. وهيه عآيشه بين 3 نيرآن .. ان تنآزلت عن أثنيين يمكن تخسر الثآآلث .. و أن تنآزلت عن الثآآلث يمكن تخسر 2
أمون : ...................
نورة : شوفيج مفهيه ؟
امون : ما أحب الفلسفة
نورة : ههههههه عشتوو .. أونج عآآد علمي ومآتهتميين فالفلسفة
أمون : تراج حتى انتي علمي
نورة : بس الفلسفة شيء حلوو والله .. تعرفيين تتصرفيين .. وتحليين مشكلة بالالفآظ ألي عندج
أمون : أووووووووووووووه .. ضكي عن سمآآيه وألي يعآآفيج
نورة : مب منج من أليي يرمسج ( نشت عنهآ وظهرت من حجرتهآ .. )
/
حمدآن كآن سآير حجرته وتلاقى ويآ نورة عند الدري : حي الله عويير أشوفه البيت مظلم ثرج هنييه
نورة : مآآظلم ألا يوم أنته دخلته
حمدآن : كل يوم أناا ادخل ومآيظلم .. بس اليوم ما أدري شو المشكلة ( يشوف الليتآت أونه ) جنه الليتآآت نآقعه
نورة : نقققققع رآآآآآآآآسك
حمدآن : ههههههههههههههههههههههه خيييييبه عصبت
نورة : مآتشوف أسلوووبك
حمدآن : يرحم أيآآمج يآ شمآآ ..
نورة : ألا ع طآآري شمآ تسلم عليييكم
حمدآن تقول حد صآب عليه مآي بآآرد : شمآآ ؟
نورة : هييه .. قآلتلي سلمي ع خآلي و عيآله
حمدآن بلع ريجه : شحآلهآ ؟
نورة : يسرك حآلهآآ
حمدآن غمض عيوونه .. مآيبآ يسمع طآآآآريهآآ .. مآيبآ يرد للأيآآم القبلية .. خلاص بدل شمآ بـ شوييخ .. مآله دآعي يخوونهآآ ويآآ شمآآ .. وهوه حآط فبآلة أنه شمآ مآتحبه ومآتحس فيييه .. معنااته مآيستآآهل أنه يتعذب عشاان خآطر وحده مآفكرت فييه فيووووم ..
نورة : فييك شيء ؟
حمدآن : لا ( حب يغير الموضووع ) شحآلهآ شويخ ؟
نورة بمغآيض : له له له مآنروووووووم
حمدآن : خطيبتيه وكيييييفي
نورة : بعده مآآ أستوى شيء ..
حمدآن : حشى مآتخلصنآ هالسلمووووون و تسلطهآ
نورة : شوو سلمون ؟
حمدآن : سلمووووه حرمة أبووهن
نورة : هههههههه سلمون أونه .. جيه شو سمجة هيه ؟
حمدآن بدون مآيحس : شمآ شحآلهآآ ؟؟
نورة : ههههههه ترآني قلتلك بخيير .. شفييك مآتفهم
حمدآن توتر : هييه صحح ( سآر حجرته )
نورة روحت بيتهم ..
/
صوب حمدآن أول مآدخل حجرته عق بعمره ع الشبرية وتنهد : ليش يآآربي مآتحس فيييني .. شمااااا أحببببببببببببج والله أحبببببببببج ( وقف جدآم المرآيـ‘ه ) لا ما أحبهآآ .. بعد سفرة لندن كرررررهتهآآ ( عق سفرته ع الشبرية و بعصبيه ) كرررهتج من أسلوووبج .. كرررررهت كل شيء فيييييييج كل شيء ( دق فونه وشآف رقم محمد .. رد عليه ) : ييييت فوقتك
محمد تروع من صمع صوته : حمدآن شفييك ؟
حمدآن تنهد : شــ....شـ...م..
محمد قآطعه : أنته مآقلت أنك نسيييتهاا .. خلاااص حمداان لاتعذب عمرك .. لاتنسى أنك رآآمس فـ بنت سلووم ..
حمدآن : ما أققدر أنسااااهااا
محمد عصب : يووووم أنك ماتقدر تنسآهآآ جيه تسييير وتخطب شييخه .. بس عناد فـ شمآآ ..؟
حمدآن : ...........................................
محمد : ما عندك قرآآر .. أمره ماتعرف تتصرف .. خآآيف من أنك خطبت شيخة ففترة كنت معصب فيها ع شمآآ
حمدآن :لا والله ما أحب شـمـ...
محمد قآطعه : حمدآآآآن دخييييلك خل البنت فحآآلهآآ
حمدآن تنهد : حمووود بييك ألحيين
محمد : أناا فالعرس ألحيين
حمدآن أستغرب : عرس منهوو ؟
محمد : عرس حمد . ولد عمهاا ( ما حب يطري أسم شمآ جدامه )
حمدآن : الحمدلله أنها مب هيه العروس
محمد عقد حوآيبه : لييين ألحين خآطرك فيهاا ؟
حمدآن بجوآب سريع و بأسلوب كررهه وحقد : طبعا لاااااااا
محمد : يعني أنته مآبتآخذهاا .. وماتبااهاا تعرس وياخذها غييرك ؟؟
حمدآن : أوووووووووووووه حمووود .. فكني من سيييرتهاا والله كررررهتهاا ملييييتهاا
محمد : رووووحك تييب سيرتهاا لعمرك مب أناا
حمدآن سكر الخط فويه محمد
محمد مسك فوونه : بععععد مب سهل .. ><"
/\
\/
/\
\/
دخلت يزووي .. من بع‘ــد مآصورت ويآ حمد ..
حمدوه ترمس شمآ : مآبتسيرين تسلمين عليهآآ ؟
شمآ : اوووكي ..
سآرن حمدوه .. شمآ .. فطوم صووبهآآ ..
شمآ ترمس فطوم : مآعندج عيآل ؟
فطوم : قريباً أن شاء الله
شمآ : مبروووووك .. الله يسهل علييج ..
فطوم : أن شاء الله
شمآ : فأي شهر ؟
فطوم : الخآمس ..
شمآ : بس بطنج مب عووود
فطوم : هههه طآلعه ع أماايه ... ماكاان بطنهآ يكبر يوم تحمل بـ حمد وحمدوه
وصلن عند يزوووي
شمآ و بأبتسآآمه : مبرووك الياازيه
يزوي يتها غصه من شآفت شمآ وهيه حآيسه بوزهآ : الله يبآركلج
( يآمبعد(ن) عني ترآ القلبنآدآك .. تعآل و أسكن في خفايا فوآدي .. مآهمني هذآ ولاذآ ولاذآك .. لي صرت عنديعفت جمع العبآدي .. سآريت ليلك و أجمعني مزآيآك .. بين الهموم وغربتي و أبتعآدي .. ) > فون شمآآ
شمآ سآرت عنهن بعييد : آلووو
نآدر : هلا شمآآ .. وييييينج ؟
شمآ : بعدني فالصآلـ‘ه ؟ شفيك ؟
نآدر : تعآلي طرشي الختم للصفقة
شمآ : ليييش ؟؟
نآدر : قآلوو أنه ألي مآيطرش الختم أحتمآل كبيير يستبعدونه عن أول 3 مرآآكز
شمآ : اوووكي ألحيين يآآيه .. قول للدريوليه تتريآني برآ
نآدر : أن شاء الله
شمآ سكرت الخط .. وسلمت ع يزووي ع السريع وسآرت صوب الحجرة تلبس عبآتهآ ..
/
فنفس الوقت كآن حمد نآسي فوونه وسآير أييبه من الحجرة ألي صور فيها ويآ يزوي .. لمح شمآ كآنت توهآ تلبس عبآتهآآ .. قلبه أنقبض من شآآفهآآ ..
شمآ ألتفتت تتشيل وشآفت حمد يطآلعهآآ .. لبست عبآتهآ بسرعه وشيلتها وتغشت
حمد تقرب صوبهآ : شــ..مآآ
شمآ كآنت بتظهر بس سمعت حمد يزقرهآ : مبرووك ولد العم .. منك المال ومنها العياال
حمد بلع ريجه : الله يبـ...آآرلكج
شمآ : أنا أترخص عيلل .. فداعة الله
حمد وهوه يشووفهآ تظهر من الحجرة .. بس مسرع ماردت
شمآ : اوووه نسييت .. قوووول حق أبوك يطرش ختم الشركة .. لأنه لو ماطرشه بيستبعدووونه من أول 3 مرآكز .. مع السلاـآآمه .. ( ظهرت من الحجرة و من الصآلة كآملة )
//
حمد يلس ع أقرب كررسي : يووم هيه تبآآ تكسب الصفقة لييش تقوللنا عن الختم .. ليش ماتباا تستبعد شركتنا من أول 3 مرآآكز .. كآآن بإيييدهآآ تخسسسرناا .. ليش تسوييين فيني جذيه يآ شمآ ؟؟ ليش تحننين قلبي عليييج .. ( وقف ) لو تميت أحن علييهاا مستحيييييل اكسب التحدي ألي بيني وبينهآآ .. بتشوفين ويهي الثآني يآ شمآآ .. مآبعآملج ألا بقسآآوة قلب .. عشآن تنذلييين تحت ريوولي وتعرفين أنه مب من ماكاان يتحدى حمد رآشد الــ.... ( و أبتسم أبتسامه خبث وسآآر يخبر أبوه )
/\
\/
/\
\/
ع السآع‘ــ‘ه 2 الفلييل ..
فالفندق ( حمد .. يزووي )
حمد : وشوو ألي مزعلنج فالسآلفه ؟
يزوي : لييييش بنت عمممك هالسخيييفة تي العرس
حمد فخآطره ( عيل لو تدريين أني شفتهآآ شو بتقولين ؟)
يزوي : لاازم تخرب فرحتيه
حمد : و أنتي قلتيهآآ .. تبآآ تضييع علينآ يومنآآ وبس .. مآعليج منهآآ وجودها و العدم وآحد .. مآيهم يت ولا أنبحصت فلندن
يزوي بعدت عنه ويلست ع الشبرية : خاااااااااااايسه
حمد يلس عدآلهآ : روووحج عآزمتنآآ
يزوي : بس أناا غييييييرت رآآآآآيي ما أبااهاا تي
حمد : أوووهوو يزوي .. هيه يت وخلاص و أنتهت السآآلفة .. لاتسوين من الحبة قبة
يزوي : أففففففففففففففففففففففففففففففففففف
حمد : ودوووومج ألا مبووزة .. من اول ماملجنآ و انتي ألا فآتنه
يزوي : أنته شفيك عليه ؟ من يبتلك طآآري شمآآ و أنته ألا تعق فيني
حمد حوط إيده ع خصرهآ : فديييييييتج يزووووي والله مآتستآآهل تسوين بعمرج جذيه عشآآنهآآ .. طبيييهاا عنج .. خلهآآ تزووول شو تبين فييهاا
يزوي عقت بعمرهآ ع حمد : حمووود خآآيفة تكوون حآطه عينها علييك
حمد حط إيده ع ظهرهآ : محد بيقدر يآخذني منج .. أنتي لي و أنا لج وخلاااااص
يزوي أبتسمت
/\
\/
/\
\/
شمآ كآنت تفج التسريحه وتمش الميك أب
دق لهآ نآدر ..
شمآ : هلا نآآدر
نآدر : طرشتي الختم ؟
شمآ : هييه طرشته
نآدر : أممم عندي لج خببر يمكن مايعيبج
شمآ أنقبض قلبهأ : شوو ؟
نآدر : عممج طرش الختم بعد .. ما أدري منهو ألي وصله الخبر .. أناا قلت مشغولين فالعرس ومآبيدرووون
شمآ : هههههههه أناا ألي قلتله
نآدر وهوه رآص ع ضروووسه : ولييييش عاااد ؟؟
شمآ : بس جذيه .. عشآن مايقوولوون شما أستغلتنآآ .. وربحت هالصفقة لسبب أستغلالي ولا نحن كنآآ بنكسب بدآلهآآ
نآدر تنهد : ليين ألحين أحس عمريه مب فآهنمج ..
/\
\/
/\
\/
بع‘ــد يووميين ..
( حمد + يزوي .. سآفرو النمسآآ .. )
.. شمآ بعدهآ فالأمااراات ..
/
شركة بو حمد ..
بو حمد معصب ووده يكسر كل شيء فالشركة .. دق ع عآآمر ودخل عنده المكتب
عآمر : خير طآل عمرك فيك شيء ؟
بو حمد بعصبية وصرآخ : أمييييييين بيي الخييييير و هالشمآآآآ فحيآآآآتي ..
عآمر : شو صآر طآل عمرك
بو حمد بقهر : كسسسسبت الصفقة ( مسك الأورآآق وفرهآ فويه عآمر وبعصبيه وصرآخ ) كسبتهاااا .. كللللكم مآتنفعوووووون .. تففف عليكم .. ريآآآييل ع الفآضي وبنت تغلبكم ،، ولا بعد حمد يآلس يتحدآآآآهآآآ
عآمر : انزين طآل عمرك أناا مآلي حآيه فالصفقة
بو حمد : جببببببب .. هالشماا مصخرتكم
عآمر : .................................................. ...
بو حمد : عنبوووكم ريآآييل و هآي بنت الـ 17 سنه تغلبكم .. أنجللللللع برآآآ
عآمر طلع برآآ عنه ودق لـ نآدر
/
نآدر : هههههههههههههههههههههههههههههههههههههه
عامر : ليييش تضحك ؟؟ أقوووولك معصب علييه
نآدر : تشووووووفه أنه مب وييه شغل .. منهوو ألي مصخرووه ؟؟ انته ولا هوووه ؟؟ ترآه رووحه مآطآع يسحب أسمه و ألحين يرده عليكم
عآمر : هذآ ألي قاهرني .. يرد كل شيء علينآآ ويقول انه نحن مب ريآآييل .. وتصدق أني عمريه فحيآتي مآشفته معصب ع حمد ><"
نآدر : ألي سووه فـ شمآ مب شويـ‘ه .. الله مآبيوفقهم ع نوآيآهم الشينه
عآمر : حرآم عليك .. بو حمد مآيستآهل ..
نآدر : عيييل بنت أخوه ألي تستآآهل ؟؟ شردهآآ وضيعهآآ و ألحين رآفض يعطيهآآ حلالهآآ وتصرف ع نفسهآآ منه .. وفووووق هذآ تقولي مآيستآهل .. مغتر بعمره .. متفشخر بفلووسه .. ظآآآآآلم .. مآآآآآدي .. وفووق هذآ مآيستآهل ؟؟ و الله ألي ياه من شمآآ شويه .. زيييين منهآآ مآعقته هووه و عيآله فالشآآآرع‘ .. يحمد ربه ع هالنعمه
عآمر : ول ول ول هالكثثثثثر شآآل فقلبك عليييه
نآدر : إذآ أنآآ شآل فقلبيه علييه .. شو تقوول عن شمآآ ؟؟
/\
\/
/\
\/
فالنمسآآ ..
( حمد .. يزوي )
يزوي : مانبآ نرد .. عنبوه مآكملنآآ 3 أيآآم
حمد : أقوووولج أبويه معصب .. شفيج أنتي ماتفهمييين ؟؟
يزوي : شوفيه ؟
حمد : شمآ كسبت الصفقة
يزوي صرخت : شماااااا شمااااا شماااا الله يآآآآآآآآخذ شمآ أن شاء الله و أفرح يوم أسمع خبببر وفآتهآآ
حمد لف صوبهآ : يزووووووووي
يزوي : ما أظن تهمممممك من عقب ماخسرتكم
حمد : حتى لو .. مب تتدعين علييييهاا
يزوي : الله يااااخذهاااااا
حمد قرب صووبهآآ و أنفآسه كله ع وييهآ : يزووووي .. مآلج حآيه فالبنت .. هب أتمين تدعين عليها
يزوي : كييييييييفي كييييييفي كيييييييفي
حمد عض ع شفآيفه : جهزي أغرآآضج . بنرد اليوووووم
يزوي بوزت : ما أباا
حمد : اللهم طولج يآآرووح .. يزووي حبيبي فهمي أبوويه معصب .. و أنتي تدريين أنه مآله حد فالشركة غييري .. كلها فترة و برد أحووطج وين ماتبييين ..
يزوي بعناد : ما أباا أرد
حمد : حيآآآآتي يزوووي قدري ظرووفي شوي
يزوي عقت بعمرها ع الشبرية و هيه تصيح : أصلاً أنته ماتحببني .. لو تحبني جان تحدييت الكل بس عشان ترضييييني
حمد سآر صوبهآ وحضنهآ : يزووي شو هالكلاااام ؟؟ أناا أحبببج .. لو ما احبج جان ماخذتج من الأسآآآس
يزوي : خذتنيه عشان ترضي أمك مب عشآآني
حمد : حبيبي أنتي.. والله مب هالسبب ألي خلاني أخذج
يزوي لفت صوبه وعيونهآ حمر : شفففت .. يعني شيء سبب خلاااك تجبر نفسك عليه
حمد مسك إيدهآ وحطهآ ع قلبه : قلللبي أختآآرج من بد البناات .. أنا ما انجبر ع شيء .. و ألي ما أبااه مابيستوي .. ولو ما أبااج جان ماخذتج من الأسآآس .. بس أنا أحببببج . أحبببببج أحببببج
يزوي : ...........................................
حمد : يلا نجهز أغرآضنآآ
يزوي هزت رآسهآ بـ هيه
حمد : فديييت الحلويييين يآآآربي .. والله أحبهم ( قرب صوبهآ وبآسهآ ع خدهآآ .. مسك إيدهآ وسآرو يجهزون أغرآضهم )
/\
\/
/\
\/
صوب أموون
فالسكوول ..
كآنت تسولف ويآ عوآش فالكآنتين
عوآش : أففففف رديناا للكد .. محلاة الأجاازة نرقد ع رآحتنآآ و انش ع رآحتنآآ ونسوي ألي نباااه
أمون تكتفت : هييه والله .. ردينا للوعه
عوآش : مآقآآلولج ؟؟
أمون : شوو ؟؟
عوآش : أبلة الفيزيآآء ربت
أمون : متى ؟
عوآش : أمس يوم السبت
أمون : غربلااااتهااا .. تبآآ ادبل الأجآآزة
عوآش : ههههههههههههههههههههههههههههههههههههههههه
أمون : أقوول ليش دآخله فيزيآآء وتحسب ثرهآآ تعد لعمرهآآ الأجآآزة ..
عوآش : هههههههه خيييييبه أمون حرآم علييج
أمون : والله مانفهم عندهاا شيء .. تستهبل .. خص يوم حملت قآمت تخووورهآآ و ألا قآبضه بطنهآ وهذآ سيرهآآ .. تقووول بيمتلخ أمره
عوآش : ههههههههههههههههههههههههههههههههه ( تمسح دموعها )
أمون : انتي تصيحين ولا تضحكين ؟
عوآش : من كثر الضحك ههههههههههههههههههههههههههههههههه حتى دمعت
أمون : هببببببله
يت صوبهن فضيلة ( فهوود .. تذكرونه ؟! )
فضيلة : مرحبآآآ
أمون حاست بوزهآ : هلااا
فضيلة حست أنه أمون مب متقبلتنهآآ : بدخل فالموضووع سيده لأني أحس أنج هب بآلعتني
أمون : ليش أنتي أنساانه ولا أكله ؟
فضيلة : شمآآ وين ؟
أمون : وشوو دخلج ؟؟
فضيلة بجدية : أناا ما انكر أني سوييت الغلط وحولت نفسي من بنت لـ ولد .. بس أنآآ صلحت غلطتيه .. ولا تشووفيني بالنظره هذي .. لأني لو ردييت للغلط بتكونين أنتي السبب ..
أمون وقفت : لا تعقين مشآكلج عليه لو سمحتي .. وقوولي ألي عندج ولخصي بعد
فضيلة : شمآ وين ؟
أمون : مآلج خص فييهآآ
عوآش حست انه أمون قست ع فضيلة شوي : بغيتيهآ فـ شيء ؟
فضيلة : أبا أسلم علييهآ بس
عوآش : عطيني قلم بكتبلج رقمهآآ
أمون : مبببب ع كيييفج
عوآش تصآصر أمون : لو تدري شمآآ بأنج تعآمليين فضيلة مثل قبل .. والله بتزعل منج .. خلااص ودري هالنظرآت عنج .. شوفيهآ فضيلة مب بـ فهوود .. البنت تآبت ليش هب طآيعه تفهميين ؟
فضيلة : قوووليلي الرقم بحفظه
عوآش : 050 / .............. و إذآ تبين رقمهآآ ألي فلندن بتقوولج أيااه يوم بتتصليلها
فضيلة : هييه هنيه .. فالأمااراات
عوآش : هييه
فضيلة : وين أي مكآآن ؟
أمون : بس عآآد .. زين منا عطيناج الرققم ( سحبت عوآش و سآآرن صفوفهن )
/\
\/
/\
\/
صوب نوورة
فالجآمع‘ـــ‘ه
ع السآعه 2 خلصن كلاساتها ودقت لاحمد .. قآلهآ تتريآ نص سآعه لأنه عنده محآظرة ..
/
تمت تتمشى و هيه تلعب بـ فوونهآآ
.......... : نوووووووورة ؟؟
نورة لفت صوب الصوت وتمت أدقق فملامحهآآ : ؟؟
....... : ماعرفتيني ؟
نورة هزت رآسهآ بالنفي : تعرفيني ؟
....... : اناا بنت عم شمييم .. حمده
نورة أبتسمت : هلااااا والله حمدوووه .. شحآآلج ؟ ( قربت منهآ ووآيهتهآآ )
حمدوه : شحآآآآلج يالدوووووبة ؟ ممتنه يالخآيسه
نورة تشوف جسمهآ : هئئئئئئئئئئ ألحين أناا ممتنه .. ولا أنتي زآدن شحومج
حمدوه : ههههههههههههههههههههههههه أسولف ويآآج بسم الله عن هالويه
نورة : من زين ويهج ولا من زين ويهج
حمدوه : من زين ويهي فدييتج
نورة : جب .. خلصتي محاضراتج ولا شوو ؟
حمدوه : أناا أدآآوم علشآن ربيعآتي وبس ههههه .. ويوم أدق فرآسي أسير المحآظرآت
نورة : لييش ؟؟ مآتدرسين ولا كيف ؟
حمدوه : أدررس بس مرآت مآلي بآآرض فأدآوم علشان ربيعااتي
نورة فخآطرهآ ( عنبوووه الفلووس تسوي جذيه ؟؟ ) : ولييش مآلج بآرض
حمدوه : بس مزآآآآآآآآج
نورة : خقآآقه
حمدوه : يحقلي صحح ولا ؟؟
نورة فخآطرهآ ( شفييهآ هذي متخققه اليووووم ) أكتفت بأبتسآمه ودق فونهآآ كآن احمد .. : أنا اترخص عنج عيل .. برووح البييت
حمدوه : اووكي فدييتج .. الله يحفظج
نورة : فدآعة الله .. ( طلعت وركبت ويآآ أحمد .. وردوو البييت )
/\
\/
/\
\/
صووب شمآ ..
كآن عندهآ أجتمآآع فـ شركة بو حمد .. ( عشآن تكرييمهآ لكسب الصفقة .. )
شمآ توهآ نآزله من السيآآرة ومتلبسه نظآآرة سودآ ويآ خطووط نيلية و هيه موخية تشوف شنطتهآآ دعمت فوآآحد .. بعدت بسررعه .. : أووه سوري ( وتخطته )
....... : عنبووه يآ شمآآ. . حتى ماتسلمين ؟
شمآ وقفت يوم سمعته .. لفت صوبه و أبتسمت يوم شآفته : محـ...مممد ؟؟
محمد أبتسم : شحآآلج ؟؟ وييينج من زمان لاحس ولاخبر ؟؟ ولا خلاص سآفرتي لندن ومآآلج شووف ؟؟
شمآ قربت صوبه لأنه كآنت بعيد شوي : بخيير وسهآله .. شحآلك أنته ؟ وشو شوآقي وعموه ولطوف وعيآلهآآ ؟
محمد : بخييير مآنشكي غير فرقآ الغآآلي
شمآ مآبغت تقوله أبوك لانهآ عآرفه منهو يقصد : أكييد تشكون فرقآآيه
محمد أبتسم : هههههههههههه .. شميييم هب جنج ممتنه ؟
شمآ : هههههههههههههههههه و أنته مب جننننك عضللللت ؟
محمد : هذآ جسم الريآآل .. ولا تبينه سنفوور شرآتج ؟
شمآ : يعني اناا مب ممتنه
محمد : أمممممممم .. ممتنه شويه ههههههههههه من البيتزآآ ألي تآكلينه
شمآ : ويآ هالويييييه لك
محمد : شو عندج هنييه ؟
شمآ : ييت عشان عرس حمد .. ويآآييه عشآن تكرييم هنيه عندي أجتمااع
محمد : لا تقوليلي كسبتي الصفقة
شمآ عقت النظآرة وغمزتله : أفاا علييييك أعييييييبك
محمد : بععععدي والله .. هذي شمآ ألي أعرفهآآ
شمآ حست أنه محمد وآقف فصفهآآ ورآضي عن ألي تسويه فـ أرتآآحت من شآفته فرحآن بكسبهآ للصفقة : مشكووور محمد .. أول شخص يحمسني ع الشيء ألي أسويه
محمد : أفاا علييج شمآ .. نحن حآظرين نشجع و نصووت بعد
شمآ: لاتطنز
محمد : هههههههههههههه عيل مابعطلج .. من تخلصين تكريمج خطفي علينآآ فالبيت .. أكييد شوآآقي بتفرح يوم بتشوفج
شمآ : طيآرتيه السآعه 9 الفلييل
محمد : انزيين ألا توهآ 2 .. حتى لو سآآعه تيلسيين ويآنآآ مآبنقول لا .. رآضين يآ البرنسييس
شمآ : ههههههه اوووكي .. أنا أصلاً من زمآن مآشفت عموووه .. بخطف عليهآ بعدنيه
محمد : نتريآآج عيل .. الله يحفظج
شمآ : فدآعة الله ( سآآرت صوب مكتب الاجتماعاات )
/
أول مآآدخلت شآفت المكتب كله ريآآييل قبضت قلبهآ ( يمه .. هدي شمييم ترآج ضآريه ع هالشووف .. ) : السلام عليكم
الكل : وعليكم السلاـآآآم
سآرت ويلست عدآآل كرسي عمهآآ ( عمهآ فنص المكتب وهيه ع يسآآره )
شوي ودخل وآآحد : السلاام عليكم
شمآ لفت صوبه وفخآطرهآ ( حممممد ؟ مب جنه مساافر ؟)
دخل حمد ويلس ع يميين أبوووه ..
خلصو الاحتمآآع فنص سآآع‘ـــ‘ه وترخصوو عنهم ..
( بقى فالمكتب .. بو حمد .. شمآ .. حمد .. )
بو حمد وعينه ع الاورآق وبعصبية : زييين جذييه ؟؟ وطيتي أسميه ؟
شمآ بأبتسآمه جآنبية و عينهآآ ع حمد ألي من أول مآشآفهآ مآ أخر عينه عنهآ : أشتغلت بصدق نيييه .. وهذي يزآآتي
بو حمد دق بإيده بقوو ع المكتب : دخللللتج للسوووووق بكببببرهآآ غلط
شمآ : لو سمحت عمي .. لا تحآسبني ع شيء أنا متأكده من نفسي أني بنجح فيه
بو حمد : لاتوثقيين وآآيد فعمرج .. هالمكسب ألي حصلتيه .. من الحظ وبس
شمآ : هههه اوكي بيبين الحظ فالصفقآآت اليآآآيه
بو حمد رفع عينه ع شمآآ : تحلميييين أنج تشآآركيين فصفقآت ثآنيه .. بتعلنين أنسحآبج من السوق .. و اليوووووم بعد

كآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآت ..

/\
\/
/\
\/
/\
\/

* يزوي بدت تشك فـ حمد .. وححاطه فبآلهآ بأنه يحب شمآ ؟ لين متى بتم ع هالوضع ؟؟!
* شمآ بتنسحب من الشرركة ؟!
* شو بيصير فـ ملجة عزووز .. نورة ؟! وبيكملون ولا بيضطرون ياجلون ؟!
* توقعاتكم للبآرتآآت الياايه .!؟

____________________________________
سوري على التأخير كنت تعبانه وما قدرت انزله لكم