منتدى استراحات زايد - يقوولون استرجلي يابنت هذا الزمن ماعاد به رجاجيل (( قصه بويات & بنوتات))

الريم : امايه انا دقيت ع الشاليهات شورايج نسير نحجز وجي لان بيكون زحمه عقب

ام منصور: ان شااء الله يا بنتي كم ريم عندي

الريم ( باست راس ام منصور) : الله يخليج لي يا امايه

ام منصور: ويخليج لي يارب

الريم : ادق ع دريولنا اللي قبل يوصلنا ؟

ام منصور: هيه دقي بس ها خقاق من لقا له شغل

الريم : بجوف لو بيوصلنا ولا برايه

------------

ملاك في غرفتها ويا توأمتها ساره

ملاك : شو نسوي احس ملانه

ساره : خبريني قصتج انتي وزيود

ملاك (مصدومه ): شو الطاري

ساره : بس خاطري اعرف

ملاك : شو تبين تعرفين .. شي انهيته وخلاص مابي اتذكره

ساره : ابا اعرف ليش هديتيه

ملاك : لازم يعني

ساره : هيه خاطري كيف تخبين عني هالشي وانا توامت،،،

ملاك : بس بس الله يخليج صخي بقولج

ملاك : شوفي انا حبيتها من الخاطر ووثقت فيها هي الانسانه الوحيده اللي وثقت فيها

ساره : انزين مايبتي شي يديد كملي

ملاك : بتصخين ولا اعطيج كف بس سمعي

ساره : ان شا الله

ملاك : انا خبرتج انها تحبني من 8 سنوات واكثر واستوينا حبايب سنه بس

ساره : كيف حبيتيها انزين وليش ماحبيتيها من قبل

ملاك : انا ايام قبل كنت ياهل وماحب هالسوالف وهي صارحتني بس قلت لها انا ماعندي هالسوالف وعقب قطعت عن المنتدى سنييييييييييين لاسباب وايد وعقب رديت ولقيتها اون رمستها ع طول ف المنتدى وكانت وايد زعلانه مني ومصدومه وتسالني ليش قطعت ومن هالكلام المهم عقب كنت اتواصل وياها بس مو دوم واول سنه وانا في الجامعه حبيت وحده وتعرفين المشكله شو

ساره : شو

ملاك : اني كنت اخبرها عن حبيبتي وماكنت حاطه في بالي انها بعدها تحبني والمشكله انها من النوع اللي مايقول اللي بخاطره ف كانت تسمعني وايد وتحاول تحل المشاكل اللي بيني وبين حبيبتي

ساره : اوه ماي قااااااد نو وييييي

ملاك : هيه والله ويوم ماي اكس اللي هي حبيبتي قبل تخليني وانا نيدها اسير ارمس زيود لاني القى اهتمام عندها

ساره : بس هاي خيانه

ملاك : هاي مو خيانه يا ساره هي كانت بمثابه ربيعتي اللي وايد كلوز بس عقب بتييج السالفه

ساره : اوك كملي

ملاك : ماي اكس كانت ماتحبني من الخاطر تحسين بس جي تبا اهتمام وعلاقتنا جنه ام وبنتها ههههههه

ساره : ههههههه كيف جي بعد

ملاك : كانت اصغر عني اممممممم ماحيد بكم بس اظن 5 سنوات

ساره : وايد صغيره كيف حبيتيها هاي بعد

ملاك : كانت تقولي محد يهتم فيها ودوم ظرابه ويا امها ومن هالاشيا وان محد وياها ف حسيت جي حرام وكنت وايد وياها لين قالت لي انها تحبني

ساره : ماحسه حب من الخاطر ابد لان اساسه غلط الحب عمره ماكان كسر الخواطر

ملاك : صح والدليل ان عقب فتره تقريبا كملنا سنه وبدت شوي تهملني هاك اليوم ما انساه يوم كنت مريضه وحمى فيني وادق لها ابا ارمسها ابا احد وياي والاخت تقولي بزي ويا ربعها وتسولف وتظحك بندت عنها ومارمستها كم اسبوع ونقعتها ومن بندت عنها سرت ارمس زيود وتهورت وقلت ((احبج ))

ساره : اويييه قلتي لها جي انزين عقب

ملاك : وقلت وايد كلام بس وين تبيني اتذكره قبل سنوات المهم عقب زيود استوت كلوز اكثر مني في يوم مانسيته لين اللحين

ساره : كنت وياج انا

ملاك : لا قبل تيين اليوني كنتي بعدج 3 ثنوي

ساره : انزين شو صار

ملاك : كنت ف اليوني وكنت ارمسها ع المسن وطول وايد الدريول والجامعه فظت من الخاطر وكان ببس موجودين اللي يشتغلون وكان في 2 جدامي ياخذون اغراضهم وجي والجامعه فاظيه بالقو وايد الوضع كان يخوف وانا خايفه ويالسه مكاني حتى سكيورتي محد وكنت ارمسها واقولها كل شي يصير جاان تقولي نشي سيري وجي وانا صخيت عنها كوز يتني حرمه من السكيورتي وتقولي سيري يلسي عند الريسيبشن ورديت ابا ارمسها جفت كاتبه كلام وايد كاتبه رررررررررديييييي ويييينج انتي لاتخليني احاتييي ردي ,,,,الخ المهم رديت عليها قالت مره ثانيه لاتخليني جي كنت احاتي استوابج شي عقب تمت ترمسني وفظى اللاب قالت لي برمسج فون وكانت هاي ثاني مره ارمسها

ساره : انزين كيف كانت اول مره

ملاك : هممم ماشي قالت لي بدقلج بسمع صوتج قلت لها لالا مابي قالت يلا بدق

رديت عليها وماطولت وبندت

ساره : اكيد تخبلت

ملاك : هههههه هيه ع قولتها بس من زينه ياخي صوتي

ساره : انزين كملي عقب فظى اللاب وشو صار

ملاك : ماشي قالت بدقلج ودقت لي وتمت وياي بالساعات ونسولف وكنا نرمس بكل شي واكثر شي تحب ترمس فيه ايام الماضي وايامنا وتتمت وياي لين دق عليي الدريول وقالت برمسج بعد لين توصلين غرفتج

ساره : شو كانت تقول

ملاك : وايد اشيا عن ايام اول عقب وصلت البيت وهي ع الخط لين وصلت الغرفه قالت لي بطلي المكيف وسيري ع شبريتج ورقدي وبندت عني

ساره : حلو الشي وايد تحبج

ملاك : كانت ,, انزين توامتي شو تبين تشربين

ساره : مابا كملي

ملاك : انزين باجر شورايج ماحب ارمس وايد

ساره : وعد تقولين

ملاك : وعد اقول

ساره : خلاص اوك

ملاك : ادق ع عبود نطلع رباعه المول

ساره : هيه حرام كاسره خاطري

ملاك : اوك

ملاك دقت ع عبود

عبود : ها

ملاك : شو توك واعي من الرقاد

عبود : هيه شوفيج

ملاك : ماشي ماشي كملي

عبود : لا بنش بسير

ملاك : وين نبي نطلع وياك

عبود : بسير اي مكان

ملاك : عادي نسير المول

عبود : هيه عادي

ملاك : بنشيل ساره ماي توين

عبود : اوك يلا ساعه واييكم

ملاك : اوك بباي

عبود : باي