|
اقتباس:
يا هلا مرحبا توا ما نورت القصه خخخخخ عادي ترا كانو يسون فيه نقل من شي لين شي عاد انا ما افهم في هذي السوالف عشان جيه كان يعلق اسمعو انتوا انتي احمدي ربج انه فيه بارتين هذا الاسبوع كله امتحانات يعني يالله يالله ادش المنتدى بس والله تعبانه والحين بنزل البارت |
ثاني بصوت كله دفئ :أحـــــــــــــــــــــــــبـــــــــــــــــــــ ـــج ميسون وهي منزله رأسها :حتى أنا أحبك ........ ثاني:هاه شو قلتي؟؟ ...اذا خطبتج راح تتزوجيني أو لا ..... ميسون تمت تضحك .... ثاني:شو يعني هالضحكة ؟؟؟؟؟ ميسون:اللي في خاطرك ...أنت شو تفكر الحين .... ثاني:أنا ...أفكر ...أنج أن شاء الله راح توافقين ... ميسون:خلاص أنا موافقة ....... راح ثاني وطلع من مخباه خاتم فيه قطع ألماس بلون الاحمر .... ثاني وهو بيطير من الفرحة :أندوج ياميسون ...هذي هدية بسيطة ..... ميسون خذت الخاتم من عند ثاني ولبسته ..... ميسون:مشكور حبيبي ...بس هذا وايد.. ثاني: أنا شو ما قدمت لج.. بظل شويه.. وتموا مستانسين على هالسهرة ...... الساعة 9ونص وبعد ما تعشوا ... ثاني:هاه روحنا .. ميسون وهي مبوزة: توى الناس ...خلنا نيلس بعد شوي؟؟؟؟؟ ثاني:بعدها ما خلصت المفأجاة ... ميسون:صدج .... ثاني:ايوه... وعقب ما ظهروا من المطعم..ركبوا السيارة .... وطول الطريق كان ثاني مطول للمسجل على الاخر (ومو مصدق أن ميسون خلاص وافقت ...واذا خطبها راح تتزوجه...) ميسون: وشو هي المفاجأة الثانية؟؟ ثاني: لحظة لا تستعيلين.. وكمل ثاني طريجة شوي ووقف سيارته جدام مبنى توه للحين ما خلص ميسون قعدت تطالعه عقب صدت صوب ثاني تتخبره شو السالفة؟؟ ثاني وهو يبتسم: حبيبي بلاج؟ ميسون: ما ادري.. شو السالفة؟ ثاني: أول شي قوليلي شرايج في هالبيت؟ ميسون: بصراحة.. يبين عليه وايد حلو ثاني: هذا بكون بيتج يا عمري ميسون وهي هب مصدقة: بيتي؟؟؟!!! ثاني: هي نعم بيتنا أنا وأنتي.. وعيالنا استحت ميسون ونزلت راسها.. ثاني: مستانسة؟ ميسون: وهذا يباله سؤال؟ ثاني: انزين اممممممممممم ميسون حست أن ثاني يبا يقول شي.. ميسون: خير ثاني.. في شي؟ ثاني: أنا ما بي أعايرج بمفاجآتي بس.. ميسون: بس شو؟؟؟؟ ثاني: أنتي ما بتعطيني شي؟ ميسون: حبيبي أنا كلي لك ثاني: بس أنا أبي شي ملموس ميسون وهي عاقدة حياتها: مثل شو يعني؟ ثاني في هاللحظة أشر صوب خده.. يعني يبا بوسة... خخخخخخخخخخخخخخ ميسون ماتت من المستحى وهب عارفة شو تسوي.؟؟؟؟؟ ثاني: بسرعة ميسون: ثاني.. عن الاستهبال ثاني: وأنا شو قلت ؟ يعني ما استاهل بوسة؟؟ ميسون: حبيبي ما شي بوسة ثاني وهو عاقد حياته: وليش إن شاء الله؟؟!!! ميسون: بس جذه.. ثاني وهو يحط عينه في عيونها وبنبرة جدية: يعني ما بتعطيني؟ ميسون وهي تبتسم: لأ ثاني: جواب نهائي؟؟؟ ميسون وهي تحرك راسها بالإيجاب وتبتسم ثاني: عيل اسمحيلي ع اللي بسويه الحينة.. وجرب منها على طول وطبع بوسة قوية على خدها.. ما تتصورون حالة ميسون في هاللحظة.. تيبست.. لو هي اللي ماعطتنه البوسة كان وايد أرحم من أنها تنحط في هالموقف.. نزلت راسها على طول من زود المستحى هب قادرة تحط عينها فعينه.. ثاني ابتسم وقدر أن ميسون مستحية عسب جذه ما رمسها وحرك السيارة.. وعلى طول شغل اغنية ميحد.. وطول عليها .. شط الحشا من شط به والقلب مني صوبه واللي مريح ولا درى لي حل بي ما حل به حل بحشاي يا ملا حب الحبيب وابتلى والقلب دونه ما سلى شط الفواد وعذبه عذلت قلبي ما صبر عن راعي الطرف الحور ياللي جبينه كالقمر يزهي بشلة حاجبه ذوب فوادي واملكه في وسط غزله شربكه يا ناس ما اروم الحقه عوقي غدي من سببه عوده عويد الشاذلي مرباه داري ووطني يا ناس حبه صادني صيد الوحش في مجلبه مجبور جبرٍ المبتلي في حب خل العدملي ياللي يلومنيه خلي لي حل بي ما حل به أول ما وصلوا البيت.. ما صدقت ميسون وكانت بتنزل على طول بس زخها ثاني.. في هاللحظة ميسون طاح قلبها.. شو بسوي بعد الحينة؟؟؟ ثاني: لهالدرجة مستعيلة تبين الفكة مني؟ ميسون منزلة راسها هب قادرة تحط عينها فعيونه من زود المستحى ثاني: ميسون.. وزخها من لحيتها وفي هاللحظة طاحت عيونها في عيونه.. وابتسم لها ثاني.. حبيبي خلني دايم بـــــــــقربك..أنا محتاج في الدنيا لحنانك .. لاني كل ما أحبـــــك أحبـــــك .. ولا حدٍ خذ بقلبـــــي مكانك .. أريدك تسأل عيونــك وقلبك .. من الي مرخصٍ عمره عشانك .. بتلقى عاشق هايــــم بحبك .. حفظ عهد الهوى لجلك وصانك .. أنا من غارس أحلامه في دربك .. ومن أشعل شموعه في زمانك .. شرات الشمس في شرقك وغربك .. بتلقى في دفى قلبي أمانك .. ذبحني الشوق في سلمك وحربك .. وأنا صابر لجل خاطر عيانك .. ترفق لا تعذبــــــــــــني بربك .. تراني بس محـــــتاج لحـــــنانك .. لحظة صمت بين الطرفين كانت العيون هي اللي ترمس وتعبر عن كل اللي يدور في خاطر الاثنين بس موبايل ميسون ردهم للواقع.. ميسون وهي تطالع المتصل: هذي الوالدة.. وردت عليها.. ميسون: هلا.. هلا أمايا أم ميسون: هلا يما .. ها وينكم؟ بطيتوا؟ ميسون: عند الباب نحن.. تونا واصلين أم ميسون: خلاص عيل.. بس حبيت أطمن عليج ميسون: خلاص عيل وسكرت عنها ميسون رفعت راسها عسب تطالع ثاني اللي لقته صاد بويهه الصوب الثاني.. سرحان ابتسمت.. جربت منه... وبسرعة عطته اللي يباه..... لا تعليــــــــــــــــــــــــــــــــق خخخخخخخخخخخخخخخخخخخخ في هاللحظة ثاني هب مستوعب اللي استوى !!!!!!! كان بزخها بس ميسون كانت اسرع منه ونزلت من السيارة على طول وربعت داخل البيت ثاني كان للحين واقف عند باب بيتهم ويحاول يستوعب اللي صار توه.. قعد يضحك بصوت عالي.. وعقب فترة حرك السيارة وسار... .................................................. .. الساعة 2,8 الفير.. قاعدة تتجلب في فراشها.. حاسة بعوار فظــــــــــــــــــــــــــــــــــــــيـع اعتدلت في يلستها.. حست أن الدنيا قاعدة تدور فيها.. كل شي حواليها مشوش وفجأة ياها ألم شديد من زود قوته شهقت: يمــــــــــــــــــــــــــــــــــا.. وقعدت تصيح وتصارخ بأعلى صوتها في هالوقت أم علي كانت قاعدة في حجرتها تقرا قرآن لأنها متعودة كل يوم في هالوقت تقرا.. أول ما سمعت صراخ حصة ربعت صوب حجرتها.. أم علي وهي تفتح الأنوار وعلى طول ربعت صوب حصة اللي لقتها طايحة ع الأرض شكلها كانت تبي تظهر من الحجرة عسب تزقر أحد بس من زود الألم ما رامت تمشي وطاحت ع الأرض... كانت تتألم بشدة أم علي وهي متروعة: حصة؟؟ يما شفيج؟؟؟؟ حصة وهي تصيح: ما ادري.. أحس أني بموت من الألم.. خلاص ما أروم أم علي: شكلج خلاص بتولدين.. خليني أسير أخبر أبوج عسب يودينا المستشفى حصة وهي تصارخ ودموعها على خدها: أمايا والله ما أروم.. أحس أني قاعدة أتقطع من داخل.. يمــــــــــا أم علي وهي تحاول تهدي بنتها: اهدي يما.. ما رح يصير لج ألا كل خير.. وهذا شي طبيعي وربعت صوب حجرتها عسب تزقر أبو علي.. أبو علي نش وهو متروع: خير؟؟ شو السالفة؟؟ أم علي وهي تلبس عباتها: نش نش.. حصة شكلها بتولد.. بسرعة وبعدها ربعت أم علي صوب حصة وساعدتها بلبس العباة ونزلن تحت شوي شوي وحصة مساندة على جتف أمها وهي ميتة من الألم في هالوقت علي كان توه واصل البيت كان سهران ويا ربيعه هزاع.. أول ما شاف أمه محتشرة ربع صوبهم وساعد حصة أنها تنزل ... علي: خير؟ حصة بلاها؟ وبعد ما خبروه بالسالفة سار وياهم المستشفى.. في سيارة أبو علي.. أبو علي يسوق وعلي قاعد يمه ورى حصة قاعدة تصيح من شدة الألم وأمها تقرى عليها.. أبو علي: علي.. علي: لبيه.. أبوعلي: اقول.. دق حق أحمد وخبره علي: إن شاء الله.. وقام ودق على أحمد أحمد في هالوقت كان في سابع نومه ياحليله... طبعا موبايله قاعد يرن وهو لا حياة لمن تنادي.. بس علي قعد يدق مرة ومرتين وثلاث.. ألين ما رد عليه أحمد وبصوت راقد: ألـــــــــــو... علي وهو يرمس بسرعة: هلا أحمد.. أقولك ترى حصة شكلها بتولد الليلة أحمد أول ما سمع اسم حصة نقز من على الشبرية.. أحمد: شو قلت؟؟؟؟؟ علي: أقولك حصة الحين بنوديها المستشفى.. خلاص بتولد أحمد: أي مستشفى؟؟ علي: توام بعد وين أحمد ما رد عليه وسكر بوييه.. وربع سيدة تغسل بسرعة لبس كندورته وظهر من الشقة ... في مستشفى توام .... حصة الي كانت بتموت من الألم بدت تصرخ بدون وعي كانت محتاجة حد معاها عشان جذي كان اصراخها بأسم أحمد..بس محد قادر يسمعها شتقول الي يوصل لمسامعهم مجرد تمتمات .. أول ما وصل الدكتور.. زقر النيرس عسب تجهز حصة للولادة.. أحمد في هالوقت كان توه واصل المستشفى.. بعد ما كان يسوق بسرعة جنونية حتى أن الرادار زخه أكثر من مرة وطاف كل الإشارات تقريبا... بعد ما سأل الرسبشن ركض لقسم الولادة وسأل الممرضة الي دلته على الغرفه.. وصل الممر اللي لقى فيه أم علي قاعدة تصيح وتدعي أن الله يسلم بنتها وأبوعلي وعلي قاعدين يدعون بعد ربع أحمد صوبهم.. أحمد: ها وينها؟؟ علي: دخلوها غرفة الولادة أحمد كان باين عليه أنه متوتر جرب منه عمه.. أبو علي: اهدى يا ولدي... إن شاء الله بتقوم بالسلامة.. الكل: آمين شوي وتظهر نيرس من الغرفة اللي فيها حصة.. النيرس: منو فيكم ريلها؟؟ أحمد وهو يرد بسرعة: أنا.. أنا ريلها النيرس: ممكن تيي وياي شوي أبو علي وهو داش عرض: خير؟ بنتي فيها شي؟ النيرس: لا يا أخوي.. بنتك ما فيها غير العافية.. بس هي تبي تشوف ريلها قبل الولادة.. يمكن يخفف عنها شوي علي وهو يغمز لأحمد: سير يبا سير... شعليك.. المدام تزقرك.. ياحليلها حصوه خرفت تتحراك المنقذ أحمد: والله انك متفيج ودخل أحمد ويا النيرس غرفة الولادة راح أحمد لعند حصة الي رغم ألمها شافته وارتاحت لوجوده... أحمد مسك أيدها بحنان... حصة حست بالأمان أخيرا... وكل ما حست بألم.... شدت على يد أحمد الي كانت تألمه قبضتها لكنه يستحمل على شانها أحمد: الله يقومج بالسلامة حبيبتي حصة تحاول تخفي ألمها بس رغم ذلك تبتسم لأحمد: أ..أحـ..ــمــد.. أحس أني بموت أحمد: أصصصصص لا تقولين هالرمسة.. وإن شاء الله بتقومين بالسلامة شوي وتقاطعهم النيرس: لو سمحت أخويه.. ممكن تظهر.. حصة وهي ترص على ايده: أحـــ...ــمــ...ـــد أحمد: حصة.. خليج قوية..و جرب منها وحبها على جبينها ... وظهر وبعد ثلاث ساعات من الألم والأنتظار سمعوا صوت صياح البيبي أحمد حس بشعور مايقدر يوصفه شعور أي انسان يشوف قدرة الله سبحانه وتعالى في تكوين إنسان وشلون لو كان هالأنسان ولده... ولده الي راح يربيه ....ولده من حصة.. وأم علي قعدت تحمد ربها وهي تصيح من زود الفرحة.. وقام أبو علي عسب يبارك لأحمد.. أبو علي وهو يمسح دموعه: مبروك.. مبروك يا بو زايد أحمد اللي للحين هب مصدق.. وأخيرا زقروه بهالاسم : الله يبارك فيك ياعمي علي: مبروووووووك أحمد وهو متشقق: الله يبارك فيك.. والفال لك أما حصة اللي بعد ماسمعت صوت البيبي حست براحه كبيرة حست أنها قدمت كل اللي عليها وراحت في نومه تبعدها عن التفكير والتعب فرحة أحمد كبرت أكثر وأكثر لما اكتشف أن اول مولد له ولد ... لأنه كان دايما يحلم بولد ويسميه زايد عقبها دخل أحمد وعمته أم علي عسب يطمنون على حصة ويشوفون البيبي.. أحمد على طول ربع صوب ولده وقعد يبوسه.. أم علي: شوي شوي عليه يما أحمد وهو يرمس ولده: وأخيرا ظهرت.. عقب عطاه ليدته وطلع موبايله وقعد يصوره بالهبل.. كل هذا وحصة ياحليلها في عالم ثاني من زود التعب.. سار أحمد صوبها وعطاها بوسة دافية على خدها وجرب منها وهمس: مبروك حبيبتي.. الأطباء خذوا الولد الصغير كان محمر ومتكور على نفسه ..خذنه الممرضات بعيدعسب يسبحونه ...وقالوالأحمد أنه يطلع علشان حصة ترتاح.. بس أحمد رفض كان يبغي ييلس معاها لكن الدكتور منعه وقال له انها لازم ترتاح طلع أحمد وهو وده يطير من زود الوناسة... أهو صار أبو خلاص صار أبو وقعد يفكر في معنى هل الكلمة ... بوزايد ..بوزايد ... وتم يرددالكلمه على مسامعه.. علي: ها بشر.. منو يشبه؟ أحمد: يعني منو؟ هذا الشبل من ذاك الأسد علي: عيل أبشرك.. ولدك هب حلو هههههههههه أحمد: تخسي الا أنت.. أم علي: وأبويه.. أنتوا شو قاعدين تخرطون.. الولد للحينة نقطة دم صغيرة شدراكم منو يشبه؟ أحمد طلع موبايله عسب يروم علي يشوف زايد.. علي: أونه يشبهه.. هذا بكبره طالع علي.. مرة.. تقول..copy past.. أحمد: لا والله... علي: شوفه عدل دخيلك تقول علي يوم صغير أحمد: هي صح صح وقعدوا أبو علي وأم علي يضحكون على خبال علي وأحمد عقبها قام أحمد وطرش صورة زايد حق اخته سارة وأخوه سهيل.. .................................................. ................ اسمحولي اذا البارت مافيه اكشنات لانه مخي مقفل ومافيه افكار غير كيميا و فيزيا والجمعه بنزل بارت يديد عشانكم |
تسلميين يالغاالية ونترقبج اليووم |
البارت وايد حلو نتريا الياي |
.................................................. ................ الساعة 6,8 الصبح في شقة سهيل.. طبعا سهيل في سابع نومه في هالوقت.. أما شيما فكانت عطشانة عسب جذه نشت عسب تشرب ماي.. فشافت موبايل سهيل اللي مخلنه ع الصامت.. ربعت صوبه وشيكت.. أول ما شافت صورة الياهل استانست من الخاطر وربعت صوب سهيل.. شيما: سهيل.. حبيبي.. نش سهيل: امممممممممممممممم شيما: سهيل.. حصة ربت ويابت ياهل مثل القمر سهيل ويحاول يفج عينه شوي شوي: حصة منو؟؟ شيما: بسم الله سهيل شفيك..؟؟ يعني قلنا راقد.. حصة حرمة أخوك أحمد سهيل: أهــــــــااااااا شو يابت؟ شيما: ولد.. شوفه مثل القمر؟ وعطته موبايله؟ سهيل اعتدل في يلسته عسب يشوفه عدل.. وابتسم وهو قاعد يشوفه شيما: قمر صح؟ سهيل: يستاهل أحمد شيما: وحصة بعد.. فديتها سهيل: والفال لنا إن شاء الله استحت شيما ونزلت راسها: إن شاء الله .................................................. ... أما من صوب سارة سارة كانت راقدة... ما سمعت موبايلها.. الساعة 12,7 نشت سارة على رنة تليفون الصالة.. مشت صوبه عسب ترد وهي تتثاوب سارة وهي ترد وتحس أن للحينة فيها رقاد: ألــــــــــــو أم سهيل: هلا يما سارة.. شحالج؟ سارة: هلا.. هلا أمايا أم سهيل: وينج؟ أدق لج من موبايلج ما تردين سارة: كنت راقدة أمي أم سهيل: أبشرج.. حصة ربت ويابت زايــــــــــــــــد سارة وهي متشققة: واللــــــــــــه؟؟ وجيه ما خبرتوني؟؟ أم سهيل: تراني الحينة خبرتج سارة: انزين متى؟؟؟ أم سهيل: الفير.. الساعة 3 تقريبا سارة: فديتها والله.. أم سهيل: انزين نشي الحينة وتعالي لنا المستشفى.... الحينة أنا وخالتج أم ثاني سايرين صوبهم سارة: أوكي دقايق وبكون عندكم وسكرت عنها.. من زود فرحة سارة نست أنها للحينة ما ترمس حارب.. يعني منو اللي يباخذها المستشفى؟؟؟ يا هي بلوى المهم دشت الحمام " تكرمون" خذت شور عالسريع.. وهي ظاهرة لقت حارب في الحجرة قاعد يطالع شي في موبايلها ويبتسم.. أول ما انتبه حارب لها رفع عيونه يطالعها جنه أول مرة يشوفها بعد سالفة الهوشة اللي صارت من بينهم المهم سارة طنشته وكملت شغلها.. فجت الفودة اللي كانت لافتنها على شعرها القصير المبلل.. وقعدت تسحيه.. حارب وهو يشوف انعكاس صورتها في المنظرة: مبروك ما ياكم سارة: ...............طــــــــــــــــــــــــــاف...... ............. حارب: بتروحين المستشفى؟ سارة: ..................... هذا ما يحس؟؟ ولا جنة مسوي شي البارحة.. قاعد يرمس عادي.. الله يخسه.......بس زين يوم سأل.. يعني هو بوديني..مع أني أموت ولا أسير وياه.. بس شسوي الحاجة بنت حرام......... سارة ما كانت ترد عليه.. بس كانت نظراته محاصرتنها.. أي حركة تسويها تحس بربكة لأن حارب واقف يطالعها.. بس كانت تحاول تكون عادية ولا جنة موجود.. ربعت صوب خزانة الملابس واختارت بدلة كشخة.. بلون تركوازي يا ربي .. شسوي أبي ألبس.. هذا شو موقفه هني؟؟ بس حارب شكله كان قاصد ما يتحرك عسب ترمسه.. سارة ومن غير ما تطالعه: اطلع برع.. ببدل.. اتجتف واتساند ع الباب : لا و ااااااااااااااالله سارة ما ردت عليه.. تدري أن حارب يبا يستفزها.. عسب تضارب معاه.... ما فيني أسير المستشفى وأنا مكسورة الخاطر.. عسب واحد حثالة.. ومن غير ما تطالعه دخلت الحمام " تكرمون " عسب تبدل.. وعقب ما ظهرت جافته محد.. المهم كملت لبس.. وتعدلت.. وحطت مكياج خفيف.. لبست عباتها وشيلتها.. وكانت ظاهرة .... غــــــــــــــــــــــــــــــــ (قمر 15-1) ــــــــــــــــــــــرام يلست سارة ربع ساعة في الصالة.. واقفة حارب.. طبعا هي ما ترمسه عسب جذه ما كانت تروم تروح له عسب تستعيله شوي ويدخل عليها.. كان كاشخ عالآخر... لابس كندورة بيج ومتعصم... حارب: جاهزة؟؟ وقفت سارة من دون ما ترد عليه وظهرت من الحجرة المهم حارب ما عيبته هالحركة بس طنشها ونزل وراها.. تحت في الصالة كانت خالته ظبية قاعدة.. ظبية وهي ترمس سارة: مبروك ما ياكم يا بنتي سارة: الله يبارك فيج خالوه ظبية: الفال لج يا ربي صخت سارة ما عرفت بشو ترد.. ؟؟؟؟ بس حارب دش عرض ورد على خالته.. حارب وهو يطالع سارة ويبتسم: إن شاء الله أمي.. ذياب ياي في الطريج إن شاء الله ظبية وهي تضحك: إن شاء الله.. ههههههه يا بو ذياب تيبست سارة.. هذا من صجه؟؟ شو يتحرى على كيفه؟؟ حارب: ها سارة.. مشينا؟؟ سارة ومن دون ما تشوفه: يلا.. وبعد ما سلمت على ظبية ظهروا برع.. ركبت سارة السيارة.. وطول الطريج وهي صادة الصوب الثاني.. ما تبي تحط عيونها في عيون حارب... حارب شغل هالأغنية.. انت من تستاهل اشواقي .. والخفوق وناظر عيوني .. ساكن في داخل اعماقي .. راسخ ومشيد ركوني .. لك يتوق القلب مشتاقي .. خذتني عن كل مزيوني .. بالجمال وحسن الاخلاقي .. وانسجام بدد شجوني .. يارفيع المستوى الراقي .. فيك انا مولع ومفتوني .. بك اتوّج قمة اذواقي .. وانت انسي وجوي وكوني .. يامخجل شمس الاشراقي .. يابديع الحسن واللوني .. قول وش خليت للباقي .. فيك كل الزين مخزوني( الاغنية لميحد حمد) كان واضح على سارة أنها متضايجة.. بس ما تعرف ليش؟؟؟ .................................................. ................ بعد شوي طلعت موبايلها.. وقعدت تلعب فيه.. وتوها تنتبه حق صورة زايد.. أول ما شافتها استانست من الخاطر.. ومن دون ما تحس قالت بصوت مسموع: فديـــــــــــــــــــــــــــــــــــــــــــته والله انتبه لها حارب وصد صوبها.. حتى أن سارة استحت ونزلت راسها.. ابتسم حارب وصد عنها عقبها وقف حارب السيارة جدام محلات الهدايا عسب يشتري لهم هدية وبعد نص ساعة تقريبا.. فتح حارب السيارة عسب يحط الهندي باقة الورد..كانت ضخمة من الورد الطبيعي كانت ولا أروع.. حتى أن سارة وايد عيبتها.. ومعاها سلة فوالة كبيرة.. ... في مستشفى توام... بعد ما سأل حارب عن حجرة حصة.. ساروا صوبها.. وهم سايرين لقوا أحمد وثاني وعلي يايين من فوق حارب وهو يسلم على أحمد: هلااااااا مبروك ما ياك بو زايد أحمد وهو متشقق: الله يبارك فيك.. والفال لك إن شاء الله سارة وهي تبتسم من تحت الغشوة: مبروك أحمد.. أحمد: هلا هلا سارة.. الله يبارك فيج حبيبتي سارة: ها بشر.. منو يشبه؟ علي وهو داش عرض: يعني منو؟ خاله علي.. سارة: واللــــــــه؟ حارب: عز الله الكل: هههههههههههههههههه سارة وهي ترمس ثاني: ثاني.. ميسون هني؟ ثاني: هي ميسون وأمها وعليا بعد وياهم سارة: والله زين عيل حارب: خلاص انزين.. اشوفكم بعدين.. وكملوا طريجهم ... في حجرة حصة... ما شاء الله.. الحجرة ممزورة بالحريم والبنات.. أم علي/ أم سهيل/ أم ثاني/ ميسون/عليا/أم ميسون/ شهد وشمة.. حتى أن حشرتهن واصلة آخر الممر دشت سارة وحارب وقف برع.. عسب سارة بتسويله طريج سارة وهي تدخل الحجرة: السلام عليكم.. الكل : وعليكم السلام سارة على طول ربعت صوب حصة اللي استانست اول ما شافتها.. سارة وهي تبوسها على خدها: مبرووووووووك يا أم زايد حصو ابتسمت تحس أنها للحينة هب متعودة يزقرونها بأم زايد حصة وبصوت مرهق: الله يبارك فيج حبيبتي.. كان واضح على ملامح حصة التعب والارهاق ونادرا ما ترمس سارة: وأخيرا.. ما بغيتي؟ حصة: ههههه اسكتي شفت الموت بعينه أم علي: أهم شي سلامتج يما.. خلاص لا تفكرين الحينة عقبها صدت سارة صوب الحريم والبنات وسلمت عليهن أم ثاني: هلا سارة... وينج ما تنبانين؟؟ سارة وهي تبتسم: وين بعد.. في هالدنيا وتصد صوب شهد وشمة وتبوسهم: هلا والله بشهودة وشميم.. شحالكن؟ شهد وشمة أونهن مستحيات سارة: شفتوا البيبي شمة: هي سفته " هي شفته" سارة: وأنتي شهد؟ شهد: ما بي اسوفه سارة: ليش؟ شهد: مب هلو " مب حلو" سارة: يا ربي.. من الحينة بدينا الغيرة الكل: هههههههههههههههه عليا: الفال لسارة إن شاء الله سارة خلاص تعقدت من هالموضوع.. أي أحد يشوفها يقولها هالرمسة سارة وهي تحاول تغير الموضوع: تعالوا.. زيود حبيبي وينه؟ أم سهيل: فديته .. هاذو راقد ربعت سارة صوب أمها عسب تشيله أم سهيل وهي تناولها إياه: شوي شوي عليه يما.. سارة وهي تشيله: بسم الله .. فديــــــــــــــــته محلاه.. واي يهبل.. وقعدت تبوسه زايد ما شاء الله عليه كان صج قمر.. كان شعره أسود فاحم.. عيونه عسلية على لون عيون أبوه أحمد.. وعنده غمازة صغيرة على خده اليمين.. سارة: تعرفون منو يشبه؟ عليا: قولي قولي بعد يشبهني.. كل واحد يشيله يقول يشبهه سارة: إذا ما يشبه عمته يعني بشبه منو؟؟؟ عليا: أنا بعد منو؟؟ الكل: هههههههههههههههههه أم علي: ما يهم الحينة منو يشبه.. المهم الله يخليه لأمه وأبوه الكل: آمين شوي ويسمعون صوت حارب اللي خيسته سارة وهو واقف برع.. حارب: هــــــــود هــــــــــود تحجبن البنات عدل وتغشن أم سهيل: هدا هدا يا ولدي.. اقرب اقرب حارب وهو يدخل: السلام عليكم الكل: وعليكم السلام حارب وهو يبتسم: الحمد الله على سلامتج يا حصة.. ومبروك ما ياج حصة: الله يبارك فيك وعقبالك إن شاء الله حارب: إن شاء الله.. ويصد صوب عمته أم سهيل وأم ثاني وأم علي ويسلم عليهن حارب : مبروك ما ياكم.. أم علي: الله يبارك فيك يا ولدي أم سهيل وهي ترمس سارة اللي كانت شايلة زايد.. أم سهيل: يما سارة.. خل حارب يشيل زايد سارة تجربت منه وعطته زايد اللي كان ماسك طرف وقاية سارة ومتعلق بها.. سارة: فديته يحبني.. ما يبي يهدني حارب مسك ايده الصغيرة وفج وقاية سارة.. هالحركة يمكن حارب ما كان يقصد بها شي بس سارة انقهرت وايد منها.. حارب جرب منه وقعد يبوسه.. حارب: لا لا هذا هب زايد.. أم سهيل: عيل منو؟؟ حارب: هذا حارب..هههههههههه يا ربي كيف يشبهني سارة وهي داشة عرض: لا لا زيود حبيبي بكبره يشبهني وأكبر دليل غمازته اللي وارثنها عني حارب وهو يبتسم: خلاص عيل دام أنه يشبهج يعني قمر تيبست سارة.. تمنت لو أن الأرض تنشق وتبلعها في هاللحظة.. ما عرفت وين تودي ويهها.. الحمد الله أن ما كان في أحد منتبه.. يا ربي شو هالإنسان اللي ما يخيل.. هو صح ما قال شي غلط.. يعني رمسته 100% صحيحة بس بعد لازم يحاسب.. حارب وقف وبعد ما باس الصغير على خده جرب من سارة عسب يعطيها إياه.. وعقبها ظهر سارة وهي شايلة الصغير جربت منه وطبعت بوسة رقيقة على خده.. وهي مجربه منه قدرت أنها تشم ريحة عطر حارب اللي كانت لاصقة بثياب الياهل.. ما عرفت بشو تفسر هذا الاحساس اللي انتابها أول ما شمته وظلت حاضنة زايد فترة.. شوي واطب عليها عليا: ساروه.. حشى خنقتي الياهل.. يعني قلنا تحبيه سارة وتوها تنتبه: هـــــــا؟؟ عليا: عطيني إياه ببوسه.. تراني بسير الحينة.. سارة وهي تناول عليا زايد: وليش مستعيلة؟ خليج قاعدة.. عليا: لا ما علي.. مرة ثانية.. وبعدين أمايا قالت لي لا تطولين شوي ويرن موبايلها وكان المتصل نادر عسب تنزل هو ناطرنها تحت.. عقب ما سلمت عليهم ظهرت من الحجرة.. عليا كانت للحينة هب متغشية كانت قاعدة تعدل وقايتها وهي ظاهرة اللفت اصطدمت بواحد... تيبست عليا في هالحظة.. ما رامت تتحرك من زود الفشيلة..كانت بتتغشى.. لكن الحينة خلاص فشيلة شو بقول بعد ما شافها؟؟؟ ............................................ منو هذا الي انصدمت في عليا..؟؟ وشو بيكون موقفه من عليــأأ..؟؟ وشو السبب الي يخلي عي رافض فكره الزواج نهائيا ومن دون سبب..؟؟ وميسون و ثاني كيف بيعيشون حياتهم..؟؟ وشو رايكم في البارت..؟؟ |
| الساعة الآن 10:37 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir