منتدى استراحات زايد - مــقابلــــــــــــه مع المشــرفه المميــــــزة " خوية الشقا "

منتدى استراحات زايد (http://vb.ma7room.com/index.php)

- الحوار والنقاش - الرأي والرأي الآخر (http://vb.ma7room.com/forumdisplay.php?f=7)

السلام عليكم ورحمة الله وبركاااااااااااااااااااااااااااااااااته

صبااااااااااااااااااااح الورد والياااااااااااااااسمين ....والجوري....وكل الشير اللي في الحديقه.....

شووووووووووه هااااااااااااااااه صدمتنوووني......آآآآآآآووووووووووية.......طبعاً ما يرد الكريم إلا اللئيم.....وما عاااش اللي يردكم يا بنت الأفلاج وزهور والبااااااااااقين

وان شالله أكوووووووووووون ضيفة حلوووه قصدي .....خفيفة عليكم.....

ويالله نبدأ الاستجواااب.....قصدي المقااابلة....هع هع هع

وكل شيء تبووووووووووونه انا حاااضر فيه.....>>>> بيت شعبي ...او مزرعه .... او ارض تجارية..فالكم طيب.....الوزارة جاااااااااااااهزة...هع هع هع

قبل لا أبدا اشكر بنت الفلاج على أختياااري.....واشكر زهور....وهبوب الهوى....ونظوره..وان شالله اكون حسن ظنكم

يالله نقول بسم الله .....

اقتباس:

المشاركة الأصلية كتبت بواسطة زهور 2007 (المشاركة 611340)

الســــــــــــــــــلام عليـكم ورحمـة الله وبركااته...

وعليكم السلام ورحمة الله وبركاااته

اشحـالج يا الغاليه وزيــــــــــــــــرة الحـــب...؟!

بخير ربي يسلمج ويعااافيج......طيبه طاااااااااااااب حالج....

اسمك: وزيرة الحب

عمرك: يعني لازم اطلعين الفضااايح يا زهور....هع هع هع ...عيوز تراني.....عمرية 22سنه

المهنه: بعدنا اندح...في الجااامعه

المدينه: العين داري ومربااااااااااااااي

اللون المفضل: الوردي والاحمر

الهواية: ايلس على النت....وكتابة الشعر

حدثينا عنج قليلاً :ممممم...شو اقولكم....انا طالبة في الجااامعه..ثاااني وحده من اخواني....اكبر عنيه اختيه ومعرسة...يعني اووونه يقولوونه انا العووده بالبيت..الحين..اووونه عاااد..شو اقولكم بعد.....مممم
أحب واااااااااااايد العين......واهل العين...اووونه تقردين.:66:....احب ايلس اروحي لما اكون معصبة....واااايد اشياء لو بقعد اقولهن...وخليهن بالاسئلة اليااية وبتعرفين...

الأكلة المفضلة: بريااااني دياااي

مشروب يستهويج دائماً: عصير برتقال فرش

الكتاب المفضل: لا تحزن ( عائض القرني)

الحكمة المفضلة: اتق شر الحليم اذا غضب

المكان المفضل: العين بالذات ..... البدع ....بالذات >>>> عزبتنا.....
بس الحين لواهيب الحر..ما مخلتنا نويه صوووبها...

البلد المفضلة: فرنسا

الحرف المفضل : أ

أسم مذكر ومؤنث مفضل غير أسمج : مذكر ..... ( احمد)،،،،،،،،،،، مؤنث.......( ميثاء)

أوقات النوم المفضلة لديج : احب ارقد الظهر....بس هب دااايماً.....لانه مرااات ما ايني ارقاااد فالليل لاني اكون راااقده الظهر...

المدرسة أو الكلية

مدرسة لازال في ذاكرتج .. ولماذا ؟.....مرستيه مالت الفيزياء.....لانها كااانت واااااااااااااايد قريبه منا ..هب جنها مدرستنا جنها ربيعتنا.....كانت حليلها...اي حصه فاااضية تاخذنا عشاان تفهمنا دروووس الفيزياء الزفت...وكنا نعصب ونتأفف...بس والله في أمتحانات آخر السنه...عرفنا انه هذا لمصلحتنا.....وااااااااايد استفدنا من اللي كانت تعطينا ايااا في هالحصص.....وبالذات لما كنا نشوووف باقي الصفوووف كيف مدرساااتهم ما يعطونهم شيء....آآآآآآآه اللله يذكرها بالخير....ذكرتيني فيها.........ابا اصيح...:84:

مواد دراسية تحبينها كثيراً : احب العربي....مع اني ( علمي )....واحب الفيزياء

مواد دراسية تكرهينها كثيراً : أكره الرياضيااات لدرجة ما تتخيلونها
.....

ما هي أحب المراحل الدراسية إلى نفسج : الأعداية

ما هو أشد عقاب مر عليج طوال الفترة الدراسية وبأي سنة : شوووووووه هذا بنطلع الفضااايح عاااده .:ast7eee:..شو بتقولون عنا بعدين......والله الجذب خيبه....انا مره كنت طالعه من الحصه.....وكانت المدرسة ماليلي....مخلتني الرئيسة..اووونه ...انا ويه رئاااسة...اول وحده من الصف تطلع...امره تطلع المدرسة...انا وراها...بثواااني....فهالمره طلعت وكانت هيه مخلتني على الصف...لما ردت...زلقت بس 4 بنات في الصف....الت...وين فلانة..مخاتنها على البناات...ووصلت عن هالكلمة....يوم صدت وراء....قمت ووقفتني وراء......والكل قعد يضحك عليه..ههههه:7799:

هل حصلتي على شهادة خاصة و في أي سنة : الحين ادرس صيفي....وادرس بالمعهد ..دوره انجليزي محااادثة....وعالكورس الياي...بيكون عندي تدريب..وبأخذ دروه Icdl

سنة دراسية تعد هي الأجمل في حياتج : الثااانويه....آآآآآآآه يا لثانوية ....:1:

موقف محرج حدث لك في المدرسة : وااااااااااااااايد مواااقف وااااااااااااايد فضاااااااااااايح...صرااحه كلمت الحق تنقال....كنت شويونه مشاااغبة...هب وااايد...بس دااايماً احوووم في الحصص الفاااضية.....

المنتدى

عضو \ة تعلمتي منه الكثير : الصرااااااحه ...( الحر العنيد )....ما بنسى وقفته ويااايه اول ما مسكت الأشراف...وكيف ساااعني بالصغيره والكبيره....وتحمل غبااائي في بعض الشغلات....

عضو\ة لا تتمنى أن يغيب أبداً : راكاوية

عضو \ة مشاغب : عبووود زخوووه

عضو\ة يعتبر ا لأميز في نفسج :...مممم ما فهمت زهور ..ردي وضحي لي

عضو\ة أرتحت له من أول ما شفت أسمه بالمنتدى : ...نظره مني تسدك

عضو \ة شعبيته كبيرة و محبوب عند غالب الأعضاء : بنت الافلاج

عضو \ة ترى أن لديه أمكانيات كبيرة و لم يقدم حتى الآن : واااااااااايد صرااحه اعضاااء فيهم هالامكااانية...بس يبون حد يشجعهم

مشرفين القسم الحوار..شو رأيك فيهم بي كل أمانة : آآآآآآآآآويه شو هالسؤال...والله ضحكت...تبين تحرجيني...هع هع هع:78650:

بالصراحه حد يقول شيء هب زين في بيته....اخوان شما والنعم فيكم

هل انتى مرتاحه فى القسم الحوار ام لا ؟ و اذا لا فا لماذا : مرتاااحه والحمد الله....والله يديم هالراحة

ماذا يضايقج في المنتدى ؟ التصرفاات الطفولية..من قبل بعض الأعضاااء...

ماذا يسعدج في المنتدى ؟ انه كلنا اخوان وأحباب ....وعلى ايد وحده

و السموحــه منج يا حلوووووه...بااقى الاسئــــلة فى طـريق :02:

سمح الله ذنبج الغاليه.......ونتريا الباااقي

http://www.ma7room.com/upload/uploads/9b38aba432.gif

آفاااااااااااااااا عليج بالحل خيتووووووووووووو....

السلام عليكم ورحمة الله وبركاته

ياااااااااااااا هلااااااااااااا والله وغلاااااااااااااااااا يا مرحبااااااااا بالطش والرش واللي ما ادري شو في الغرش خخخخ

اشحالج الغلا عساااااااج بخير وسهاله ههههههههههههه شكلج والله انج من الأسئله هههه..^^

الصرااااحه يوم شفت اخوان شمه ما رحمووج من الأسئله غمضتيني خخخخخ

بس انا بعد بغيت أسألج في أشياء بعدني ما عرفتها في شخصيه وزيره الحب..^^

1. الحب من أول نظره شو يعنيلج وهل جربتي هالحب؟؟؟؟؟؟

2. متى وزيرووه تعصب وتقول خلاااااااااص فاض بي الكيل خخخخ اشدخل؟؟؟؟؟

3. ليش في الآونه الأخيره حسيتج حزينه؟؟؟؟؟؟؟؟ ( خبريني منو هي او هوو والله لا اغسل شراعهم خخخخ)

4. الحين بعطيج جمل وقوليلي تهدينهن لمنو؟؟؟؟؟ اوكيشن...^^

* لا تندم على من حبيت وخلاك اندم على من حبك وخليته لمنو تهدينهاا....

* ليتني ما عرفتك/ج....

* ليت كل الناس بطيبة قلبك/ج

* مشتاااااااااااقتلك/ج موووووووووت...

* الدنياا ما تسوى..

* لا تذكرني بحبك يا غناتي..

وووو وبس...

5. واخيرااا كلمة تقولينها لصاحبه الأسئله " خويتج" :ast7eee:

وكلمه للأعضاااء....

وفي النهايه لا يسعني إلا ان أشكر بنت الأفلاج على اختيارها الموفق وأشكر زهوور الدبه وأشكرج على سعة صدرج..^^

ولي عوده قريباا بأسئله يديده والله ما خليتج هههه..^^

ربي يحفظكم..^^

اقتباس:

المشاركة الأصلية كتبت بواسطة - { فلاسـية جميـــرا , . (المشاركة 611758)

بسم الله الرحمن الرحيييييم

أشكرج ختيه [overline]زهوووور[/overline] .. ماااشاااءالله علييييج إبداااع في إبداااااع

واضم صوووتي لصوووتج يا فلاسية.....واشكر زهور مره ثااانيه

ويسلم موضووووعج المميز .. الصراااحه ... وأهني .. وز وووزتي .. >>> قصدي (( [overline]وزيرة الحب[/overline] ))

للإستضاااافهـ ......

وحبيت أسألها سؤال واحد ..

هذااااااااااااا السؤال الواحد.....عن عشرة ..هع هع هع هع:77:

إنسان أثر في حياااتج .. وجلب لج حياااتج خلاااال فره قصييرة ... !!

منووو هووو .. أدري >>>> أنااا .. لووول .. لا لا صدق

والله هالسؤال عجيييييييييييب......منوه تقصدين...هههههه:66:.....ادري ادري تلمحين ....هع هع هع:78650:

والله في نااااااااااااااس غالين عليه .....والله يديم وجودهم بحياااتي :ast7eee:...... ادري ما بقول منوه!!!!

احسن اني احتفظ بالجواب لنفسي
هذا سؤاالي .. والسمووحه

سمح الله ذنبج.....مادل احس عندج اسئلة وااايد ويايه بالطريق...الله يستر منهن هالاسئلة...هع هع هع

مشكوووووووووره فلاسية على تواجدج الطيب

اقتباس:

المشاركة الأصلية كتبت بواسطة النعيمي (المشاركة 612433)

ماشالله ، منو اليوم ويانا وزيرة الحب ، حيها والله

مرحبااااااااااااااااا السااااااااااااااااااااااع.....الله يحيك ويبقيك ولبيت الكعبة يوديك...قول آآآآآآآآآآمين

اول شي السلام عليج ورحمة الله وبركاتة

وعليكم السلام وحمة الله وبركاااته

شحالج ختيه شو الهبه ؟!

بخير ربي يسلمك ويعااافيك......طيبه بوجودكم وتواصلكم ...والهبة الحمد الله عال العال

اسئلتي لج ...

تفضل يالنعيمي

1) احيد انتي تخصصج لغة انجليزية ، هل هذا التخصص اخترتية بارادتج ولا لا ؟!!

تخصصي انجليزيه ..(appley Linguistic)..هيه بأختياري وانا مقتنعه فيه....بس اول ما خلصت الثانوية هب كااان طمووحي انجليزي......انا سالفتيه سالفة ويا التخصص ويا أبوية...بدت اني من يوم انا في الاعدادية كنت اتمنى اني اتخصص شيء معين...ادري بتضحك وبتقول شو ياااب هالتخصص لج...كان بخاطرية ادرس هندسة طيران....>>>آآآآوية البنت حالتها صعة...هندسة طيران مره وحده.....هع هع هع
خلال الثانوية كنا لازن نعبي بيانات قبل لا نتمتحن امتحان انجليزي تحديد مستوى...للجامعه الامارات...شليت ورقة البيانات....ويلسة وعبيتها....سرت شاورت اماية ويوم خبرتها عن التخصص اللي اباه تمت تضحك..قالت سيري عند ابوج شاورية...يوم خبرت ابويه ...سكت وسكت وسكت.....يمكن 10 دقااايق....قالي فلانه...انتي تبين هالتخصص....قلت له هيه....قالي: شوفي اللي تبين تدرسينه ادرسية ......ان شالله هالتخصص ماله شغل فالبلاد برايج ادرسيه.....بس شغل ويا ريايل مااااااااااااااااااااااااااااااااااااشيء.....يعني شهااادتج بتعلق على ليدار......

اول بااادي اضااايجت....وغيرت التخصص...وطلعت من الجااامعه وتخصصت انجليزي....وقبل لا اتخصص صليت صلاة استخااره.....والحمدالله ربي وفقني بهالتخصص...

2) شو ناوية تشتغلين بعد التخرج باذن الله ؟!!

تخصصي الله يسلمك...يتيح لي اني اشتغل اي شيء ...سكرتارية...وزارات...((احم احم عندي بالوزارة...هع هع هع))...مؤسسات...وفي قطااع التدريس...يعني معلمة.....بس انا ان شالله اذا الله كتب لي رزق في الشغل بشتغل مدرسة......لانه نحن عوايدنا انه البنت ما تشتغل بشغلة فيها ريايل......هالشيء عندنا عيب ومنقوود..والحمد مقتنعه بهالشيء اقتناااع كااامل......وان شالله اكون مدرسة زينه...واطلع اجيال زينين.....

3) شي ماعايبنج فالاستراحة ممكن نعرف شو هو ؟!!

الحمدالله استراحتنا .....ما عليها كلام....بفضل كل من ماااسك الأشراف عليها...بس الشيء اللي يضيقني فيها......انه الاعضااء ينزلون موااضيع مالها داااعي...ومواااضيع كلها عن الحب والخيااانة والفرااق.....الخ
عتقد انه الحيااه اكبر عن حب وخرااابيط..وفيها مشاااكل اكثر عن هالشيء واهم...ولها الأولوية انه نحن اناقشها......لدرجة والله تعب ارد على اي مووضووع يخص الحب ومواضيعه....تخيل انه نكتب نفس الكلام ونفس المعني في اكثر عن مليوون موضووع عن الحب.......لدرجة انه صرنا نكره الحب ..... وصاروا الاعضاء يدخلون اي موضووع او اي مناااقشة في هالحب...

اللي اطلبة انه نحن لما نيي نطرح موضوووع نفكره فيه قبل كل شيء وانفكر بأهميته لنا....واذا هالشيء تناقش بالاستراحه وإلا لا.....والتنوع في الموااضيع هو المطلوب...

4) شو تحسين بالنسبة لقسم الحوار والنقاش يعني شو محتاي ( مقترحاتج ) ؟!!

الحمد الله ما قاصر استراحتنا شيء ...غير التنوع بالمواااضيع...للآسف الحين الاعضاء كما نوهت...الكل يطرح موضوووع....شرات ما قلت عن الحب...ولكن بصيغ ثااانيه....
وهالاستراحه هب إلا استراحتك انته يالنعيمي او انا او زهور...هالاستراحه استراحه كل عضو يدخلها ويشارك فيها...فأتمنى الرقي لهالاستراحه وانه يكونون الاعضاااء ويانا على ايد وحده
0
0

والسموحه منج ختيه ع القصور ، وان شالله المزيد من الأسئلة (لاحقاً)

سمح الله ذنك..يالخوي......آفااااااااااااااا عليك اي وقت او اي ساااعه نحن حاااضرين...
اخوكم / النعيمي

تسلم يالنعيمي على مرورك الطيب