|
في قاعة السينما العنود مع عارف عارف متحمس عشان الفيلم اللي يشوفه اما العنود سرحانة وفي ايدها بوب كورن اللي شاريته عارف مد ايده يبي ياخذ بوب كورن بس البوب كورن في الجهة الثانية قال : العنود ايبي البوب كورن صوبي وهي ما ترد عليه قال :العنووووووود فجاة تخرعت وجان تفر البوب كورن على اللي قدامها وكانوا مواطنين كلهم ضحكوا ما عدا واحد كان معصب ............. : اييييه شو هالحركات الماصخة العنود متصنمة ما تعرف شو ترد ............. : اكلمج ايييه ردي علي شو تطالعين العنود : انا انا انا ... ما كان قصدي يعني .......... : هالحركات ما تمشي علي فجاة تدخل ربيعه وقال : هي والله شو هالحركات مينونة شو عارف عصب : لو سمحتوا نبا نتابع فيلم ويلا شوفو قدامكم وبلا كلام الريال تم يتحرطم ويسب ويقول شو هالناس العنود : عارف والله ما كان قصدي عارف ابتسم : ادري ويلا لا تسرحين وشوفي الفيلم ترى والله بيفوتج لو ما شفتيه العنود انصدمت من حركته وتمت تطالع الفيلم ------------------------------------------- خالد و ميرة بعد في قاعة السينما طلعت لقطة ماصخة واحد من الشباب قاعد وراها وقال : استغفر الله .. استغفر الله .. منو قال لي ادخل انا ما اشوف هالافلام تم يتحرطم وايد .. فميرة ما تحملت جان تعصب ميرة بصوت شوي عالي: يعني الحين انت مطوع ليش حارق اعصابك وياي هني اونك تراوي عمرك ويا هالويه ...,,. بعصبية : شو قصدج ميرة ماعرفت ان هي المقصودة بالكلام ...... وقف وقال : شو قصدج في هالكلام ميرة : ها ! خالد : باي امر ترمس اختي ناصر : اوه خلود ! خالد : اعرفك !! ناصر : انا ربيع حمد واسمي ناصر خالد : اوه شايفنك انا هندي تفلسف عليهم : ليش يسوي قرقر واجد يلا شوف خالد ضحك اما ناصر سكت وربعه كلهم ضحكوا عليه ناصر في خاطره : والله لتندمين يا بنية وراح تشوفين عشان الكلام اللي قلتيه اما عند ميرة خالد : شو سالفة ليش عصب عليج ميرة : اونه يسوي عمره شريف وما يشوف هاللقطات ناصر معصب وايد ع كلام اللي تقوله وتوعد لها خالد سكت ميرة : المهم خلنا نتابع الفيلم .................... جمانة تحاول تتصل في حبيبها لكن ما يرد جمانة تنهدت وهي مضايجة راحت لحجرة احلام شافتها وهي تطالع موفي في ام بيي سي 2 وماسكة المخدة يعني لو يت لقطة تخوف تحط المخدة ع ويها Case 39اسم الفيلم جمانة عرفت ان احلام تشوف فيلم يخوف فبغت تخرعها يت من وراها وفجاة صارخت اما احلام تمت تناقز في مكانها جمانة : هههههههههههههههههههههههههههههه احلام : ما يضحك يالغبيه جمانة : يوم انج مب قد هالافلام ليش تطالعين احلام : ليش انا ما خفت ؟ عادي جمانة : واضح هههه احلام : زين جمانة خلينا نطالع الفيلم انا وانتي جمانة : لا مب فاضية احلام : هي حق ربيعتج اللي تتصل وايد فاضية جمانة عورها قلبها لان احمد اللي كان يتصل جمانة : لا بس انا مب فاضية الحين احلام : بليييييييز يلا انا وانتي احلى لما نشوف جمانة : اوككككي وتابعوا الفيلم ...................................... نروح عند طلال وهو يشوف العنود نازلة من سيارة عارف لانهم راجعين من مردف تم يتاملها ويتامل حركاتها وهي تضحك لعارف وتقول له قصة طلال : حرام والله انها مب من نصيبي الله يسامحج يا امايه تم يطالعها لين ما دخلت البيت عقب هو بعد دخل البيت جان يشوف امه ترمس وحدة ومن خلال كلامها عرف ان اخته مريم هي اللي متصلة ام طلال : لا تقولين مريم وهي تصيح : هي يا امي قاعد يعايرني وكل ما اقوله نسير نسوي فحوصات ما يرضى ام طلال وهي معصبة : وليش ان شاء الله مب راضي عامر بيك مب بكيفه الهرم مريم : تعبت صار لي سنتين وانا لا احمل ولا شي لين متى بتم جي لازم يكون في حل الحين كل النااس تتكلم عني واني انا السبب ام طلال : يهبون دام انج بنتي محد بيرمس عنج وقولي لريلج عمتك تاج راسك باجر ياية البيت ويا ويله مني مريم : بس انا ما ابا اسوي مشاكل ام طلال : مالت عليج انتي اصلا مب حاطة له حد مريم : يعني شو بتسوين ام طلال : باجر بتعرفين طلال وهوو يهمس بشوي شوي : الله يستر ام طلال : يلا حبيبتي باي ولا تيلسين تصيحين ترا بأكله تراب باجر طلال بغا يروح لحجرته اول ما صكرت الفون بس هي ما خلته ام طلال : تعال تعال وين رايح طلال : ها ؟ لحجرتي بعد وين ام طلال : لا تعال اقعد صوبي طلال ما حب يكبر السالفة وقعد ام طلال : حبيبي انت الحين كبرت وصرت ريال ما تحس ان ناقصك شي ؟ طلال : لا الحمدلله عندي بيزات وكل شي يكفيني ام طلال في خاطرها صدق انك غبي الحين كيف بفهمك ام طلال : لا يعني قصدي وحدة تساعدك وتحبك وتهتم فيك طلال وقف : اعتقد ان تكلمنا في هالموضوع وانا ابد ما افكر اخذ لي وحدة ام طلال مسكت راسها : بسم الله تخبلت شكلك شو تبا تينني كيف ما تبي وحدة بتم جي ططلال : هي بتم جي وانتي تعرفين شو اللي صار قبل كمن سنة ام طلال : جوف بتاخذ لك وحدة ثانية مب مشكلة ومستعدة ازوجك اياها بس العنود لا تفكر فيها موليه طلال عصب و كان في علبة كلينكس قدامه وفره بقوة ع يدار وروح لحجرته اما ام طلال : حسبي الله عليك من ولد بو طلال وهو توه يدخل البيت : مب زين تدعين عليه ام طلال : انت يالشيبة انا مب ناقصة لمشاكلك بو طلال هز راسه وقال : عمرج ما بتتغيرين يا حلوم ........... في اليوم الثاني في المدرسة عند بطلتنا العنود العنود كانت يالسة وفي بنات يرمسون عنها وبعد دقايق يو بنتين صوبها !! هن هنتين ^^ خولة ( انسانة طيوبة بس مشاغبة وتحب المشاكل مع الابلوات مع ذلك هي من الاوائل ..., هي كيوت وشعرها قصير بس مب وايد و شرات عمر العنود وتحب تغايض في فطوم وايد امون ( غامضة ودفشة وتزعل بسرعة وتيلس تسب وايد ...وهي حلوة وشعرها اسود وبنفسجي وقصير واكبر من خولة بسنة وهي تسوي مشاكل مع الابلوات بس من تحت لتحت يعني ولا ابلة تتوقع منها شي ) العنود : هلا بغيتو شي خولة : لا حبينا نطمن عليج ,, اممم شحالج امون : لا تهتمين يالعنود ارفعي راسج انتي ما مسوية شي غلط العنود ساكته خولة يت قعدت وياها وقالت : العنود انتي قوية يعني لا تهتمين لهم العنود ابتسمت ويت امون وحبت تغير الاجواء امون : خولوه دخيلج شوفي هالبنت ههههه وربي تضحكني عاد اونها ستايل جوفي شو مسوية بعمرها العنود رفعت راسها وشافت البنت وهني ما تحملت جان تضحك خولوه وامون ابتسموا وكملو الحش فطوم شافت بنتييين ويا العنود وخولةفي كلاسها وتكرها وايد ودوم تعايرها هالبنت ولما شافت انها تضحك وحالة حبت تخرب عليهم فطوم : وبعد لج ويه تضحكين العنود : اعتقد انتي مش مسؤولة عني يلا فارجي فطوم قربت منها : شو قلتي العنود : كلامي ما ينعاد خولوه : ههههه اظني سمعتي اللي قالته يلا انجلعي فطوم من العصبية ضربت العنود كف اما العنود ما قصرت لان اخس ما عندها ان حد يضربها كف فتمت تضربها بشراسة وبوحشية وخولوه وامون بعد ما قصروا والكل كان في صف فطوم ميرة : ايه شو تسوون وكانت تحاول لين ما فجتهم خولوه ماتحملت لما شافت دم ع ايدها وراحت تضرب فطوم ميرة : ايه يالغجرية يا ام المشاكل انتي من الاوائل وتيلسين تضاربين والله عيب خولة ما تحملت جان تصفعها كف و تمط شعرها خوله:شي ما يخصج فيه لا تدخلين .. فاهمة !! عطتها بنظرة وقالت : لا تدخلين عصج في شي ما يخصج ميرة بعد ما سكتت لها وبغت تصفعها لكن امون ما خلتها ومسكت ايدها وجان تيي الاخصائية الاخصائية سلوى:ما شاء الله مب بنات اولاد اولاد . الكل سكت و البنات الي كانوا يطالعون الضرابه شردوا و قوم العنود و ميروه متصنمات . الاخصائية سلوى:يلا يدامي على غرفتي . و قوم العنود يمشون وراها و يتحرطمون . خولوه تمت تقلد الاخصائية في مشيتها امون والعنود تمو يضحكون الاخصائية لفت صوبهم الاخصائية : شو اللي يضحك ضحكوني معاكم امون سكتت العنود : لاما شي طال عمرج الاخصائية عطتها نظرة بمعنى سكتي امون بهمس : جوفي كيف البوية تطالعنا اميه خولوه : الحقران يقطع المصران العنود ضحكت بصوت عالي شوي الاخصائية : وبعدين معاكم العنود وهي تضحك مب رايمة تمسك عمرها خولوه : اسفين اسفين عقب دحت العنود عسب تسكت ووصلوا لحجرة الاخصائية الاخصائية سحبت كرسي ويلست فطوم بغت تيلس ع كرسي الاخصائية : نعم نعم وين تبين انتي ؟ شلة العنود ضحكوا فطوم بكره: ما يضحك بس قوم العنود كملوا ضحك . الاخصائية سلوى:بـــــــــــــس . كلهم سكتوا . الاخصائية سلوى:شو مستوي ؟؟؟!!! خوله:والله هذيل يوو عندنا و تموا يسبونا منو يرضآ انه يسبونه . الاخصائية سلوى:لا والله و تيلسون تضاربون بالطريقة هاي . امون:و قسم هم بدو و ضربونا سإلي العنود . الاخصائية سلوى توجه نظراتها لعنود . العنود:هي (أشرت على فطوم) صفعتني كف وسألي خولوه و امون . خولوه+امون:يب يب . الاخصائية سلوى:شو بعد يب يب رمسوا شرات الناس . خولوه بملل:هيه شفناها . امون:و بعد طولت لسانها و يلست تسب . فطوم:لا والله حلفوا بس . العنود+خولوه+امون:والله . الاخصائية سلوى:و هاي (تأشر على ميروه) شيخصها بالموضوع . خولوه:هااي رازه بويها و يايه تضارب و يلست تطول لسانها علي . ميره فاجه حلجها و بعصبيه:انتي شو تخرفين و بعدين انتي صفعتيني . خولوه ببراءه:انا .. أمون انا صفعتها ؟؟؟!!! امون:لا متى .. العنود خولوه صفعتها ؟؟؟!!! العنود:لا متى ؟؟؟!!! ميره تمت منصدمه من العنود مسرع ما تغيرت عليها . فطوم:ابله والله صفعتها . خولوه:الحين منو بيصدق اثنين نحن اكثر يعني انا ما صفعتها الاخصائية : ما شاء الله ما نعرف الحين منو الصادقة امون : شو هالخرط هي ما صفعت خولة : ابلة جوفي الدم اللي هني الاخصائية : بس خلاص ما ابا اسمع اكثر والحين يا شطار بسبة هالمسرحية كلكم استدعاء ولي الامر خولة : لا دخيلج الا هالقرار تبيني انظف درايش المدرسة بنظف بس الا هالشي الاخصائية : اوكي بتنظفون كلكم امون : اخ لاه شو ننظف الاخصائية : سكتي سكتي الاخصائية : يلا برع العنود : من صدقج بعد اللي صار بنرمس وياهم فطوم : اللي يقول الحين نحن نبا نرمسج خولوه : هه انجلعي الاخصائية : شو هالالفاظ وانتي بنت شاطرة خولوه : آسفة ما كان قصدي الاخصائية ابتسمت وقالت : اوكي ما عليه خلاص انا بقولكم شو تنظفون وتقسموا لقروبين { العنود + خوله + امون } { فطوم + ميرة } ميرة : بس يعني كيف ننظف يدام البنات الاخصائية : ليش ان شاء الله الحين بتنظفون خولوه : لا ابلة بعد ما يخلص الدوام العنود : هي صح الاخصائية بعد تفكير : اوكي ............................... في كلية الطيران حمد : شو فيك ناصر ؟ ناصر : لا ما فيني شي شوية ارهاق حمد : اكيد ناصر ابتسم : هي حمد : زين عيل شو رايك نسير مردف اليوم ناصر عصب : شو حياتكم كله مردف مالت ع مردف حمد : شو فيك يا ريال ؟ ناصر : ما اداني مردف ويلا انا ساير اشتري لي بريك فاست حمد وهو متعجب : اوكي ............................ في بيت عارف الساعة 8 مساء في حد كان يدق الباب روحت العنود وفجت الباب ., شافت وحدة متكشخة وحالتها حالة ومب لابسة شيلة ........... : اه ..دا بيت عارف نايف ... العنود وهي منصدمة : هي .. بس انتي منو ؟ سمر : الله يخليكي ما بئدر اطول كتير ..اولي لعارف انو في حدا عم يستناه العنود : اوكي حياج هني الميلس العنود روحت لحجرة عارف العنود : عارف في وحدة تبيك عارف : منو تبيني ههههه العنود : لا تستهبل وحدة في الميلس عارف : ها منو هاي بعد العنود : وانا شدراني روح شوف منو هاي عارف يبا يطلع من الصالة للميلس العنود : هي عارف خلني ايي معاك خوش فكرة صح عارف : انثبري مكانج العنود سكتت جان يروح الميلس شاف وحدة قاعدة عارف : نعم بغيتي شي سمر : اي .. عارف ما عرفتني ؟ عارف : نعم من وين اعرفج سمر : انا سمر بتاع الشقة عارف انصدم : يلا برع واشر بايده انها تطلع سمر : لا ماني طالعة الا لما تعرف انو انا حامل مناك عارف: شو حامل تقصين علي شو وانا اول مرة اشوفج سمر : اه واللهي لا تكزب علي انا بعرفك منيح و الولد اللي في بطني منك وفيك مش هاسيبك عارف : شو تسيبيني ما تسيبيني ., وانا شو يضمني انه ها اللي في بطنج مني انا سمر : هاد اللي في بطني منك وانت مزطر تصدئني عارف وهو خايف : بس انتي ليش مب ماخذة حبوب منع الحمل سمر : انا اخدت بس مش عارفة ليه حملت عارف : الله يلعنج وياخذج انتي واللي في بطنج سمر : صدئني ازا روحت للمركز راح تروح في ستين داهية ماشي يا باشا عارف : والحل ؟ سمر : بسيطة نتزوج عارف : نعم !! شو زواج لا يا حبيبتي مب انتي تقصين علي سمر : بنعمل ايه طيب ؟ عارف : سقطي الياهل سمر برد سريع : لا مش عايزة عارف : شو مش عايزة انا ما ابي هالولد منج سمر : طيب انا بدي الولد عارف فكر شوي وعقب قال : عطيني رقمج سمر : يعني في احتمال انو رح نتزوج عارف: هي افا عليج سمر استانست وعقب طلعت واتفقوا في كمن شي ............................ ام طلال في بيت بنتها مريم ام طلال : وينه ريلج اللي ما يستحي مريم : بعده في الدوام ام طلال : ساعة 9 الحين اي دوام ها مريم : مادري والله ام طلال : اانا براويه عقب 10 دقايق وصل عامر وشاف ام طلال قاعدة في الصالة عامر ارتبك : هلا والله بعمتي ام طلال : عمت عينك ان شاء الله ,, شو مسوي في بنتي عامر شاف مريم وعقب قال : شو سويت ام طلال : شحقه تعايرها بانها ما تييب عيال يلي ما تستحي عامر : حقج علي عمتي ام طلال : لا تقول عمتي مالت عليك عامر سكت وتم يطالع مريم مريم خايفة من نظراته ام طلال : اسمعني باجر بنسير المستشفى وبتسوون الفحوصات عامر وهو منصدم : شووو ؟ ام طلال : اللي سمعته بتروحون باجر وبتسووون عامر : ع امرج بنسير باجر واليوم الثاني ساروا المستشفى وسووا الفحوصات وقالوا عقب اربع ساعات او خمس النتائج بتظهر مرت الساعات وعقب الدكتورة زقرتهم وما خلوا ام طلال تدخل الدكتورة : النتائج ظهرت حابين تعرفون عامر : قولي الدكتورة : للاسف يا مريم انتي اللي ما تيبين عيال عامر انصدم مريم من الصدمة : انتي شو تقولين اكيد غلطانة اكيد هو اللي ما ييب مستحيل انا .. دخيلج تاكدي من الاسامي اكيد انتو غلطانين بالاسامي الدكتورة : لا يا خانم الفحص بياكد هالشي عقب طلعوا من الحجرة ومريم تمت تصيح من خاطر ام طلال شافت مريم وراحت حضنتها ام طلال : شو فيج مريم ما ترد ام طلال : ايه شو صار ؟ عامر : هي اللي ما تييب عياال ام طلال : بلا خرط اكيد انت اللي ما تييب وانا بنتي بسفرها وبسوي لها فحوصات عامر : اوكي سفريها وين ما تبين ام طلال : ما تستاهل بنتي انت نذل وما عندك احساس عامر : مريم انتي طالق طالق طالق وروح عنهم مريم تمت تصيح لين ما حست ان فقدت توازنها واغمى عليها ........... عامر تم يفكر باللي سواه وان اللي سواه صح ولا بس عقب فكر وقال الحمدلله ع كل حال .............. نروح عند طلال وابوه في البيت يتريون النتائج بس ام طلال ما ترد ولا مريم بو طلال : شو سالفة ليش ما يردون طلال : مادري والله بو طلال : اكيد صار شي طلال : امم اتصل في عامر ؟ بو طلال : هي زينن تسوي يا ولدي اتصل فيه اتصل في عامر طلال : هلا عامر عامر :اهلين .. طلال لو تسمعني كلام عشان اللي سويته فبسكر احسن طلال: ليش شو صار عامر : العيب مب فيني في اختك وانا طلقتها طلال منصدم وشاف ابوه عامر : اسمح لي طلال بس انا كل يوم كنت انهان بسبتها وحركاتها ما تعجبني وانتو تعرفون اني كنت مجبور اخذها طلال : بس يا عامر الطلاق مب لعبة ابو طلال من سمع كلمة طلاق وخذ الفون وتم يرمس عامر ويحاول يفهم شو صار وعقب تفهم الوضع وروحوا المستشفى صوب مريم روحوا المستشفى ...) ام طلال تمت تترياهم لين ما وصلوا بو طلال : ها شو صار لمريم ؟ ام طلال : حسبي الله ونعم الوكيل في عامر الله لا يوفقه بو طلال : لا تدعين يا حرمة ., شفتي لوين وصلنا كله من دعاويج ,,,الولد مب راضي يتزوج و صك فوق ال25 و بنتج ما تييب عيال ما تلاحظين انتي السبب ام طلال : الحين انا السبب في مشاكلكم ؟ بو طلال سكت طلال : لا اله الا الله .. وين الله قاطني انا ام طلال : انت اسكت كله منك انته طلال ما تحمل ودخل الحجرة اللي فيها اخته مريم مريم بالم : طلال دخيلك لا تخلني بروحي انا محتاجتلك طلال : لا تحاتين انا وياج دايما مريم : عامر اهىء طلقني طلال : ما عليه مريوم الدنيا قضاء وقدر يوم لج ويوم عليج مريم صاحت من خاطر وتم يهديها لين ما رقدت .............................. J انتهى البارت J |
البارت نااااايس نتريا البارت الياي |
اقتباس:
ثانكس ع مرووووووووور:az_flw::az_flw: |
آأإالسلآأإام عــليج كآأإاتبتنآأإا؟!شحآأإالج خـــيتي؟! إن شآء الله بخـــير؟!. آأإالبآأإارت كآأإان عجــيب و حمآأإاس و آأإالشخصيآأإات آأإاليديده وآأإايد حلؤوه .. وؤ آأإانآأإا كــنت قآأإاريه آأإالبآأإارت مـــن زمآأإان بـــس توؤني تفيجت آأإارد..و آأإالصرآأإاحه آأإالبآأإارت وآأإايد حلوؤ .. و آأإاتوؤقع آأإاليآأإاي آأإاحلى..و إن شآء الله توقــعي صـــح..^^ آأإالــــمــــهـــم بـــرمس عـــن آأإالشخصيآأإات.... آأإالعنوؤد:آأإاستآأإانست يوؤم ظهروؤ شخصيآأإات يديده يصونونهآأإا مــب ميــره آأإالخقآأإاقهــ . خولوه:هآأإالبــنت آأإالصرآأإاحه وآأإايد حبيتهآأإا آأإاحسهآأإا غــير و طيوبه و عــيبتني يوؤم ضربت فطوؤم و ميروه و عــيبتني شخصيتهآأإا و آأإاكثر شــيء آأإانهآأإا تغآأإايض فطوؤم و تلعوزهآأإا . آأإاموؤن:آأإاحسهآأإا آأإام آأإاستآأإايل و تخيلت لون شعرهآأإا و عيبتني فكرته<<هههههههههههـ آأإاهم شــيء آأإاني ركزت علــى لوؤن شعرهآأإا<<آأإالمـهم>>حبيتهآأإا و حــبيت شخصيتهآأإا. فطوؤم:هآأإالبوؤيه تقهرنــي يعني شوؤ مشكلتهآأإا وذ آأإالعنوؤد خآأإاطري آأإاضربهآأإا . ميروؤه:هآأإالآأإانسآأإانه مآدري لــيش ؟! كآأإارهتنهآأإا مــن آأإاوؤل مآأإا قريت عنهآأإا والله مآدري لــيش؟! بـــس آأإالي آأإاعرفه آأإانهآأإا تـــقهر وآأإايد و دلوعه و حبيت المقطع آأإالي خولوه تضــربهآأإا فــيه و قهرتــني يوؤم ردت على نآأإاصر و سبته. آأإالآأإاخصآأإائيه ســلوؤى:حــبيتهآأإا مآدري لــيش؟!ههههههـ بــس جــي آأإاحــس بسببهآأإا بتــستوي آأإاكشنآأإات بــين قوؤم آأإالعنوؤد و قوؤم ميروؤه. عآأإارف:آأإاحــسه وآأإايد تــغير على آأإالعنوؤد و هآأإالـشيء حبــيته خلآأإاص آأإاحجزيه لــيه مآأإا يخصــني آأإابآأإاه<<هع>> مآدري لــيش؟! معنه رآأإاعي شــرب بــس آأإاحســه بيتغير خلآأإاص آأإاحجزيه لــي بــس آأإالمشكله آأإانه ســمر آأإالنسره ظهرت آأإاكيد تجــذب و هآأإاه مــب ولد عآأإارف<<آأإادوؤر آأإاي شـــيء عشآأإان آأإاحجزه لــي خخخخ>>. نآأإاصــر:آأإاتوؤقع بــيسوؤي مشآأإاكل لــ ميروؤه <<زين تستآأإاهل:fr7an_:>>. فــهد+رآأإاشد:مآأإا ظهروآأإا فــي هآأإالبآأإارت . طلآأإال:حرآأإام غــمضني آأإانه يبآأإا آأإالعنوؤد و آأإامه مــب رآأإاضيه يآأإارب يآأإاخذهآأإا و ينسيهآأإا شوؤ آأإاستوى لهآأإا. مريم:تستآأإاهل آأإالي يآأإاهآأإا آأإاستآأإانست بـــس بعد حرآأإام و إن شآء الله تتعآأإالج و تتعآأإافآأإا مــن آأإالعقم. عآأإامر:قــهرني بــس آأإاتوؤقع يوؤم مــريم بتتعآأإالج بــيرد يآأإاخذهآأإا. آأإام طلآأإال:والله قــهرتني آأإلــحيـ....... هي ســبب كــل آأإالمشآأإاكل إن شآء الله يطلقهآأإا آأإابوؤ طلآأإال و تــحس عـــ دمهآأإا آأإالعيوؤز . آأإابوؤ طلآأإال:آأإاتوؤقع بيــطلق آأإام طلآأإال و آأإانآأإا هــني برقــص و بسوؤي عزيمه <<هههههههههـ هـــب كآأإاني زودتهآأإا>>. جمآأإانه:غلط يوؤم آأإانهآأإا تــرمس آأإاحمد آأإاحسهآأإا تسوؤي شــيء غــلط و آأإالمفروض مآأإا تــسويه . آأإاحمد:يـــعني شوؤ آأإالمغزى مــن آأإانك تطــلب صوؤرتهآأإا آأإاكــيد تــقص عليهآأإا. حمــد:آأإامممممم مآأإا آأإاعرف شوؤ آأإاقوؤل عــنه هههههـ مآأإا آأإعرف عــنه وآأإايد . آأإاحلآأإام:آأإاحسهآأإا بتكــشف جمآأإانه يوم مــن آأإالآأإايآأإام. تــوقعآأإاتي للبآأإارت آأإاليآأإاي:- 1.قوؤم آأإالعنوؤد يوم ينظفوؤن بيتضآأإاربوؤن و خولوه تصفع فطوؤم و جــي آأإالآأإاخصآأإائية سلوؤى تشوفهــم و تخــليهم هــم آأإالثنين ينظفوؤن آأإالمدرج و هم يتضآأإابوؤن و جــي و خولوه تآأإادبهآأإا لـــين مآأإا يغمى عــليهآأإا<<ههههـ توقع غــبي آأإاصلآأإا هآأإاي بويه بتم صآأإامده ههههـ>> 2.عآأإارف بــيكــتشـف آأإانه ســمر قآأإاصه عــليه و آأإانه هآأإاه مــب وؤلده و بيتزوجــني<<ههههههههـ عـــ كيفي >>. 3.مريم بـــتم مــنصدمه آأإانه عآأإامر طــلقهآأإا و بــتسآأإافر عــشآأإان تتعآأإالج . 4.عآأإامر بــيندم و بــيرد مريم عــ ذمته . 5.آأإابو طلآأإال بيطلق آأإام طلآأإال<<بآأإارتي تآأإايم هههههـ >>. 6.آأإاحمد بيظهر يــجذب على جمآأإانه و مآأإا يحبهآأإا . 7.آأإاحلآأإام بــتكشف جمآأإانه . وؤ بـــس هآأإاي توقعآأإاتي .... آأإاممممممم نتريآأإا آأإالبآأإارت آأإاليآأإاي آأإاحر مــن آأإالجــمر .. و آأإاتمنى ردي نآأإال عــلى رضآأإاج و عــيبج ..^^ آأإاختــج:- بّـنٌوِتُهِ عَ ـآدُيّهِ |
اقتباس:
بصراحة رد حلو مع توقعات وتعليقات ابدعتي و ضحكتيني بخصوص عارف هههه تسلمين اختي ع مرور وربي يعطيج العافية |
| الساعة الآن 09:18 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir