منتدى استراحات زايد - قصة واقعية بتندمين يا بنت و السبب نظرتج هاذي

مادام اني طولت عليكم بنزل بارتين

....
البارت 12

نايف لا زال في حاله مايدريبها غير الله...!
امه الثانيه..مب راضيه عليه
وبنته الدلوعه كارهه طاريـه
.
.
نايف ابتسم مجرد انه الفكره يتت بباله..!
نايف:هيه ماشي حل غير جيه والي فيها فيها..
.
مسك الفون بأيده وفتح ع القائمه ويلس يدور ع رقم من مده طووويله مايي وقته واستخدمه..بس الظاهر هالرقم احين يي وقته..!
******>اتصال
ثواني وماغير الجهه الثانيه ترد..
نايف وبسرعه يرمس:اذا اي شخص حذالك بسرعه ابتعد عنه ابا منك خدمه مابنساها طول العمر..
......:اوكيك ثواني
/
\
/
\
/
فله بو حمدان..!
ميره و حمدان يالسين بالصاله العوده...
حمدان شارد مول مب فالدنيا وميروه تهذرب ومحد يسمعها
و حمدان اللي تتحـراه يسمعها مسويلها اكبر طاااااف
.
ميره وتضرب حمدان ع جتفه:فصووول وصمخ ارمسك ساعه ولاترد
حمدان بعصبيه:ميروه جم مره قلتلج لاتقوليلي فصول لو سمعج ابوويه بيذبحج ..اسمي حمدان تفهمين ولا لا..اسمي فالاثباتات " حمـدآن "
بس امج الله يهداه ماادري شو تبا فهالاسم ..
ميروه:بالعكس فصول وايد حلو واكثر رزه..
حمدان:منو قال الرزه والهيبه حمدان وبس
ميروه:اصلا امايه من يوم وانت صغنون تزقرك بـ الفيصل شمعنى احين بس تعصب يوم اقولك فصول قبل وياك عاادي..!
حمدان ابتسم مجرد انه الذكرى ييت فـ باله...!
ميروه وتضرب حمدان:وررررررررب الكعبه وراك بلووه عوده
حمدان :ههههههههه اييييييه وخري عطيتج ويه الظاهر
ميروه:مشكله الناس المغروره..بس صدقني ماادري ليش احساسي الامؤمي ينغزني..ويقول ان شاء الله بتتأدب فـ يوم من الايام..(وتغمز له)فهمت ولااااا...ههههههههه
حمدان:مالت ع هالويه تقولوا زلمه .. وع عليج وع افكارج التعبانه يوم بفكر بفكر بوحده تستاهل مب راعيـه شبـ ...(سكت)..استغفر الله
حسبي لله ع بليسج انج بليس وخررررري يالقزم
ميروه عصبت وبالقو بعد:فصوووول لاتقول قزم
حمدان:جب جم مره قلتلج حمدان وبس..وبعدين كيفي انا مب حمدان الـ ..يعني بقول الي اباه
ميروه:وع عليك وع غرورك الشين الي يذبح ..الله يعين بنات الناس فيك
حمدان ويطولها ويطالع ع ميروه بنظرات تقهر :محظوظـــــــــــــات ..والحظ صابهن..
حمدان:ههههههههههههههههه
ميروه نشت وودرت وراها حمدان يضحك>>منقهره من غروره
\
/
\
/
ويا الشباب" بالحديقه "
عبدالله:يااخي شو هالافكار الغبيه نبا شي صج يزيغ
محمد:هيييييييييييه انا اعرف شي البنات يموتون ولايطالعنه..!
منصور (كان يعرف نقطه ضعف البنات بس سكت مايبا يسوي وياهم شغل اللعانه)
الشباب:شوووو بسرعه قول..!
محمد:يلا كلكم نشو ندور صرصور..
الشباب ويا بعض:صرصــور..
محمد:هيه صرصور..يعني ماتدرون انه البنات يخافن من الصراصير..!؟
حمد:هيييييييه صح هاك اليوم يتنيي روضه تصرخ فالمطبخ اونه صرصور
محمد وينفخ ريشه:ماقلتلكم...؟!(ويكمل):يلا نشوا بسرعه وفججوا عيونكم فالحديقه ندور ع صاحب الانتقام خخخخ
سيف:هههههههه قالولك رادارات..!
عبدالله:لاحووول نشوا يلا ندور بسرعه ابا اطالع الانتقام بعينه خخخ
منصور:حسبي الله ع بليسكم حرام الي تسونه..!
محمد:اييه انته مستوي رومنسي بزياده..ماسمعت رويض شو تقول ..تقول جنكم حريمات .
سيف:يا للعااااااااار ..اااااااه(ويغطي ويه بايدينه الثنتين)
عبدالباسط:دخيلك يابو جهل..
الشباب:هههههههههههههه
نشوا الشباب يدورون ع المنقذ ..ومنزلين رؤسهم فالارض تقولوا رادارات..!
/
\
/
\
/
ويا البنات..!
كانً يالسات حذال البركه المفتوحه المليانه حصى الي بذاته موزع بطريقة روعه..!
روضه:هييه والله ماشفتها ع مااظن من سنتين والله حرام
حمدوه:لاحووول سنتين جذابه والله
روضه:انا جذابه يامسوده الويه..؟!صج ماتحشمين قولي جذابه بس لاتقولي جذابه..!
حمدوه:لاحوول انتي وحده عقلها فاصل وانا خبله شراتج ويوم ارمسج..!
فجأه دق فون يزوي معلن عن اتصال..!
يزوي بخاطرها:الرقم غريب..مم احسن شئ ارد يمكن شي مستوي؟
يزوي ضغطت ع الخضره بس مارمست اتريت الجهه الثانيه ترمس عسب تسمع الصوت..!
الجهه الثانيه وبسرعه يرمس:اذا اي شخص حذالك بسرعه ابتعد عنه ابا منك خدمه مابنساها طول العمر..؟!
يزوي:اوكيك ثواني
(يزوي عرفت الصوت لانها تذكره من امس يوم سمعته)
يزوي ابتعدت عن البنات
وقالت:اوكي انا اسمعك..!
نايف:اليازيه انا خالج نايف اذا تذكريني
يزوي:هيه اذكر افا والله ليش مااذكر وانت كنت كل يوم ويانا وويا روضه..!
نايف بـ ألم :قلتي روضه..؟
يزوي:هيه قلت روضه
نايف:اليازيه انا ابا منج خدمه طولي عمريه مابنساها لـج..
يزوي:رقبتي سداده..امـــر ومايردك غير لسانك.!
نايف ابتسم وقال فخاطره:ونعم التربيه والله..ماغلطت يوم دقيت عليها فديت من رباها هالبنت..!
نايف:ونعم والله وسبعه انعام..هذا العشم فيج يابنت سلطان..
اسمعي الي بقولج اياه واباج تنفذينه خطوه بخطوه..
يزوي:اسـمعك..!
\
/
روضه:وين اختفت يزوي
عواش وراقده فالكرسي:ياها اتصال وشردت
روضه:عويش يامسوده الويه عيب عليج..
عواش:هههههههه ما قلت شي
روضه :هيه محد يفهملج غيريه انا ..بقصه لسانج اذا قلتي شي شين عن يزوي شيخه الحريم مره ثانيه انتي فاهمه
حمدوه منفجره من الضحك ع عواش :هزبوها مب جنها اكبر من رواضي ولو هاي الغاليه يزوي..!
عواش:انتي جب جب...!
رواضي حست بنغزه ماتدري ليش يزوي مب من عوايدها تسوي شي من وراءها هي وحمدوه..!
/
\
/
\
حمدان رقى فوق جناحه ...وهو يطالع ع الي بين ايدينه ويبتسم بخبثه المعتاد..!
حمدان:والله وفرصه ييتك ياحمدان لحد مكأنك ..هههههههه
/
/
\
/
\
وبـعيد عن المزرعه والامارات بكـبرهآ..!
كان بهالوقت انسان يصارع الالم الي راح يذبـحه..والالم الي ولايوم راح ينساه..!
.
.
نش من كرسيه الهزاز واقترب من الدريشه العوده..وحط ايده ع الدريشه...وهو يطالع الجو الي جنه بدى يتحول الى شتاء والثـلج الي بدى يتساقط بـ هدوووءه الـقآآتل ..
وييت فـ باله ذكرى أليمه.تجتل الروح وتــتعب البدن..!
وماكان يتناسب مع حاله غير هالابيات الي ترثي لحاله بنفسها..!
الليلـه هـذي واضـحـه ليـلـةافــراق
حـاولـت اعديـهـا وعـيّـت تـعــدي
اظــروف ماتنـطـاق ولا راح تنـطـاق
صـد القـدر ماهـو بـصـدك وصــدي
تعـال اخذنـي بـيـن ايـاديـك مشـتـاق
قبـل انتفـارق حــط يــدك بـيــدي
بجلـس معـك ساعـه "آخوآن" وشوق
مـن بعدهـا كيفـك ولـو صـرت ضـدي
فينـي خليـط اشـواق باشـواق بـاشـواق
واصل معـك مـن كثـرت الشـوق حـدي
ودي ألمـك واحضنـك حضنـت عـنـاق
ياشـيـب عيـنـي كــل ماقـلـت ودي
في خاطري ‍.. وش خاطري ؟ خاطري ضاق
الكـون كلـه ضــاق مـاهـو بـقــدي
حتى الدموع اللـي " استحـت كبـر واخـلاق "
تساقطـت مـن فــوق خــدك وخــدي
لوحة شعـر تبكـي علـى بيـض الاوراق
بيّحـت فيهـا مـن ردى الـحـظ ســدي
ليلـة جفـا وافــراق مامثـلـه افــراق
حـاولـت اعديـهـا وعـيّـت تـعــدي
نزلت دمعه يا ما كانت محبوسه بين محجر الدموع..حفآظا ع عزه نفس هالانسان..
نزلت دمعه وياليتها لو مانزلت لانها بذاتها اول مانزلت سمحت بانهمال جيش حزن وكأبه انحبس وسط مضنون هالانسان الحزين لسنين واعوام..!
\
/
\
/
\
/
عبدالباسط يصرخ:هييييييييييييييييييييييييه لقيته المنقذ والله لقيته..!
الشباب:الحمدالله ..!
منصور وهو يالس فالكرسي التابع لطاوله الريوق الصباحي الي كل يوم تنحط وعقب الساعه 11 بالضبط تنشال..وبهدوء قاتل:اقوول العقل نعمه..!
حمد:انته جب ..ابا افهم لحد متى بتم جيه رومنسي وطيب..!
عبدالله:هيه والله يعني ماسمعت شو قالت رويض..!
منصور:روضه ماتحب حد يقولها رويض ..اذا سمعتك بتجتلك..
عبدالله:ههههه ومنو بيقولها الا اذا خاين من بينا ..احم احم>>يقصد منصور
منصور:لاحووووول لاعت جبديه من مجابل ويوهكم..!
محمد بـ مشهد تمثيلي :لاااا حرام لاتقول جيه نحن نموت فيك...!
سيف:اقول شباب يلا ماشي وقت...!
مشوا الشباب وسمعوا منصور يقول وهو يلتفت ع وراء عسب يطالعهم:صدقووني بتتورطون وبتقولوا منصور قال...وصح نسيتوا اليوم مباره البرازيل..!
الشباب مستغربين شو ياب طاري المباره اليوم..
حمد وهو يمشي والتفت عسب يرمس منصور:اقول انت واحد سكران شو يياب طاري المباره..
منصور:بتعرفون عقب..روضه ذكــــيه ومستحيل تودركم...

\
/
\
/
\
روضه تلتفت يمين وشمال جنها تدور ع شئ..!؟
حمدوه: ع شو يالسه تدورين..؟
روضه بخـوف لايكون الي فـ بالها صج :وين فوني..فوني وين اختفى..!
يزوي كانت سرحانه تفكر فالرمسه الي قالها نايف ..
عواش بمصخره:ههههههه فونج ويا حمدان..هههههههه
حمدوه:ههههههههههههههه
رواضي فجأه شهقت وقالت:شــــــــــــــــــــــــــــــــت..!
عقب استغفرت ربها لانها قالت شــت , : استغفر الله...لامسسستحيل ..نو وي
يزوي توها ترد للواقع:شو ....شو السالفه..؟!
حمدوه وعويش:ماندري..
رواضي: بسرعه نشن..
حمدوه:وين ..؟!
رواضي:تعالن..
نشت روضه ووراءها البنات ..والبنات مستغربات وين بتوديهن روضه..
وصلن البنات عند الاسطبلات..
يزوي:وبــعدين..؟!
روضه:بسسرعه يلا ندور الفون ..واذا مب هني يعني الي فـ بالي صدق..
يلسن البنات يدورن الفون ومالقن شي...وعقب فتره يلست روضه وقالت:كـــنت متأكده وربي..الفون ويااااه هالحرامي..!
.
يزوي:والـحل..!
روضه:ماادري..لا والقهر الفون مافيه قـفل ...مالت عليه دوم تقوللي سوي له قفل مااسمع الرمسه..ولا نص صوريه فالفووون..ياربيييييه شو هالحال..اووف
حمدوه:لاحوووول
يزوي:يلا بنسير فووق وبنطالع لنا حل...!
البنات:يلاا.!
مشن البنات لحد ماوصلن حذال مدخل الفله الرئيسي..
وطالعن كل الشباب جدام عند الباب..
البنات اول ماطالعن الشباب حذال المدخل ردن ع وراء بس رواضي
عادي وياها ..سارت ومشت تبا تحدر..
سيف بهمس:ماقلتلكم روضه اونها ماتستحي منا..وهي الي بتحدر قبل..فديتني و الله..
جان تبا روضه تحدر وماتطالع غير صرصور ينفر فـ ويها ولزق بشيلتها..!
رواضي صرخت من الزيغه والقرف تكرهه الصراصير والاكثر تخافهن موووت..!
رواضي بسرعه بسرعه تحاول تخوزه بس لازق وهي مغمضه عيونها والشباب ميتين من الضحك وفالارض متسدحين من زود ما يضحكون..!
يي منصور من وراء بعد ماسمع مباغم رواضي ..ويي وهو يربع وبسرعه جرب من رواضي وخاز الصرصور وطالع ع الشباب..
رواضي بعدها فـ صدمه ويوم صحت من الصدمه وطالعت منصور جدامها فهمت انه هو الي ساعدها طالعت عليه بنظره شكر وكانت عيونها تلمع من الفرح انه منصور هو الي ساعدها..!
منصور مافهم نظرتها..!
بس فجأه مايسمعون غير رواضي تصرخ وتقول:قسم بالله العظيم بتطالعون شو بسوي معليييييييييييه..ويا ابووويه..
اول ماسمعوا جيه الشباب ..بسسرعه يبون يلحقون بـ روضه بس ..
مايطالعون غير روضه مختفيه...
روضه سارت تربع ميلس الريايل عسب تسير تقول لا ابوها واعمامها عن سوات ولادهم قليلين الادب..!
حمد:اوووووووووف رحنا فيهااااااااا (ويضرب بـ ريله فالارض)
منصور:ماقلتلكم ..تستاهلون الي بييكم
حدرت روضه الميلس والخوف والزيغه ظاهره بعيونها..
اول ماحدرت بسرعه فزت ورمت نفسها وسط اعمامها وقالت بعياره فوق خوفها الحقيقي(بـ عياااااره قووويه شوووي):بـــــــــــــمووووت
.
اعماهها وابووها ميتين من الخوف عليها ..بسم الله شو ها اللي
بتمووت هههههههههههههه " حسبي الله ع بليسج يا رويض "
الشباب كانوا برع الميلس اول ماسمعووا روضه جيه قالت
.....قالوا لا بالله غيييييييييييييييرهاااا......
بو سالم بخوف الدنيا كله:روضه حياتي بلاج .بسم الله عليج
.
روضه وهي وسط عمامها..وهي وسط حضن ابوها..تقول:خواطرهم يجتلوني..كانوا بيجتلوني..!
عبدالله:الللللله واكبر ..لابالله رحنا فيهااااااا
.
.
داخل ويا روضه....
بوراشد:منو تقصدين منو هايل الي مايستحون
روضه بعياره:الشباب ..
بوسالم بقهر:شو سووووى
روضه:اقولكم فروا عقرب فوقيه وكانت بتجتلني ولزقت فشيلتيه وحسيت عمريه مااروم اتحرك وعيوني انغلجن ( وبلعت ريـجها .. بحركه تمثيليه اونها احين بتموت)>>صج انتقمت شر انتقام
وقالت فـ خاطرها:ماقلت بنتقم وهاي الفرصه يتني لحد ريولييه وهالانتقام بس البدايه صدقوني..!
بو سالم مقهووووور وايد من الشباب توصل فيهم يزيغونها بعقرب ...
بو عبدالباسط:صج مايستحون قليلين االادب...فيه ولاد عرب جيه يسوون
.
روضه وتحرك رأسها وتدفنه بحضن ابوها اونها منتهيه خلاص هههههههههههه>>يلعن بو التمثيل يارواضي
بوسالم يصرخ :محمد عبدالباسط ..تعالواااااااااااااا
اول ماسمعوا الشباب برع مزاعج بو سالم قالوا رحننننا وطي
عبدالباسط :ليش انا بالذات
حمد متفيج ينكت بعد:لانك انت الاكبر ههههههههه
مايسمعون بو سالم غير مره يصرخ صرخه قووويه :حممممممد سيفف عبدالله منصووووووووور تعالوووواااااااااا
الشباب طالعوا ع حمد .. ع انه حتـى انت مزقور خخخخ
روضه قالت بدلع:لا بابا منصور هو الي ساعدني وخوز العقرب
(وقالت فخاطرها لو انيه منقهره من حركه امس وخاطريه تنضرب بس ولو انت ساعدتني ومب من عوايديه انكر المعروف)
برع ويا الشباب...
سيف:الله واكبر ظهرت منها يا منصور هاه ..معليه يارووويض
.
منصور كان بس يضحك عليهم..لانه يدري انه مستحيل روضه تنسى ترد الي سوى لها..!
.
حدروا الشباب وهم بيموتون من الزيغه ولو هذولي السلطات العليااا.!

بو سالم ماعطاهم فرصه يرمسون:توصل فيكم تعقون فالبنت عقرب
سوود الله ويهكم..ماتستحون تدرون انه البنت ماتتحمل ..ولا بعد مريضه..وربي العالي لو استوى فيها شي لا اذبحكم كلكم..
عقرب .... وصلت فيكم تعقون فـ بنت عقرب..
عبدالباسط كان يبا يرمس ويقول انه رواضي جذابه مب عقرب:عمـ...(قطع عليه بو سالم)
بو سالم:وبعد لكم عين ترمسون صج ماتستحون
بو عبدالباسط:وين نخوتكم لا وبعد فأصغر حد فالعيله مختارين بعد..
بو راشد:روضه حبيبتي شو تبين نسوي فيهم
روضه بعياره وغمزت لشباب بس ماانتبهوا عليها اعمامها:ماادري هم وايد زيغوني .. اللي انتوا تقولونه هو الي يستوي.....ولا اقولكم(وبصوت خافت وحامق شوي بس مانتبهوا اعمامها ع الصوت الي تبدل بس الشباب انتبهوا..وبـعياره):سامحوهم
الشباب فاجين عيونهم ....روضه انتقمت وفوق انتقامها بعد ذلتهم
بو سالم:لا ماشي مسامحه .اذا سامحناهم بـ يكررونها..
.
طالع بو سالم ع روضه بنظره وخافته كشفها ...
وطالع ع الشباب وقال:اسمعوا اليوم ماشي طلعه من البيت ..وسويجات المواتر انا بسحبهن و اذا اي واحد من الدريوليه عطاكم سويج واحد من المواتر انتو بتنذبحون وهو بـينطرد فااااااااااهمين ...
الشباب اعترضوا:لااا
بو راشد:شووو لا.. نحن احين حتى ما عاقبناكم شرات الناس..
الشباب:اليوم المباره ....... (وعقب سكتوا لانه نظرات الشياب زيغتهم)
روضه وابتسمت بخبث وهي تطالع ع الشباب ورفعت واحد من حيانها
(روضه كانت متأكده انهم راح ينحرمون من المباره )
وظهروا الشباب وعقب روضه نشت من حضن ابوها وطالعت عليهم وقالت بأدب:شكرااا
بو عبدالباسط:شو شكرا بعد نحن ماسوينا شي وبعدين يستاهلون الضرب
نشت روضه وظهرت برع ولقت الشباب متيمعين برع وضحكت بخبث وميلت رأسها صوب جتفها ومرت... لانها كانت متأكده انهم مستحيل يجربون صوبها
الشباب منقهرين للاخــــــر خلاااااص...!
محمد:ااااخ يالقهر..
عبدالله:لعبتها صح..
عبداالباسط:هيه والله
/
\
/
سارت رواضي عند البنات فووق فـ جناحها..
رواضي مستانسه وشـاقه الحلج ... وقالت بـ الفرنـسي : bonjour( صباح الخير )
البنات اول ماشافن الضحكه شاقه الحلج درن انها خلاص انتقمت..!
حمدوه:بشرررري
روضه:افا عليج وانا بنت احمد كل شي عالي العال
البنات:ههههههههههههه
يزوي:وشو استوى
روضه:ماشي بس حرموهم من الطلعه .. وماشي مباره والبطاقه مال الجزيره مايـيـبـينها..وحتى لو دبروها وييبوها مابتستوي المباره حلوه شرات يوم مايكونون برع البيت فالمقهى يعني خخخخ
حمدوه:بعد تقول بـــس..!
عواش:حسبي الله ع بليسج
روضه وبـخبث:هههههههههه وهالانتقام بعده مجرد البدايه ..!
/
\
/
\
فـله نــايف ...
.
نايف بعد تفكير عميق قرر يدق ع رواضي..!
سحب نفس عميق عسب ينفذ الخطه الي صممها..
ودق ع رواضي..
ثواني ماغير يشبك الخط وبدا يدق..
نايف استانس انه روضه ما غلقت فونها...لانه الصباح كان مغلوق..!
.
/
\
ويــا حمدان...!
كان يالس فـ مكتبه الي فـ البيت يراجع بعض الاوراق فجأه مايسمع غير الفون يصيح وبنغمه غريبه مب نغمته..!
.
جآني الخاين والاناني عايز يرجع تاني..هـ يحير فيه ..
جاني تاني وهـ يسهر فيه أل يعني ولاعمره خدعني يعني
ولاسبني زمان وبـعني ..جاي يعملها عليه..
.
حمدان:لاحووول شو هالازعاج..(وعقب انتبه )انا فوني مب هاي نغمته
اوف ..ها فون الصايعه..حشـى حتى نغمه فونها "قـويه" الله واكبر..
عيل حد يحطي هالاغنية..
رفع الفون الي قطع عمره من الصياح وطالع ع الشاشه ..بس يوم رفع الفون مب شرات يوم كان يطالع عليه قبل
......صـــــــــــــــدمه قويــــــــه..........
حمدان يطالع ع الشاشه وقال: "..الــخاين اللي باعــج.."
منو هااا..؟..خاين وباعها..والله وحركات يا الصايعه..هههههههههههه
هو خان ولا انتي سرتي ويا واحد يديد..
(بس عقب سكت من الضحك والسخريه)
يا حمدان اكيد ها واحد غالي ع قلبها لو ما بتحطيله هالنـك وهالاغنيـه..!
ارد ولا ماارد
ارد ولا ما ارد..
ارد ولا ما ارد..
ارد ولا ما ارد..
.
.
\
/
نايـف حشى يعني تبا تذل تطالع ع الفون وماترد ..اوووف انا قلت انها مب بالساهل بترد عليه ..الله يسامحج يا روضه ردي .ردي..!
\
/
\
فلـه بـو هــزآع...!
هزاع كان بالصـاله يالس..وجان تحدر عليه امل..
امل :سلامن عليكم
هزاع طالع عليها بنظره عقب رد:وعليكم السلام والرحمه..!
امل: ممم سمعت عن السيره انه بنسيـر بـيـ....(قطع عليها)
هزاع:هيه وجان خاطرج تسيرين سيري بروحج انتي وخواتج
امل:هزززاع انت بلاك جيه اووف
هزاع:انا جيه وعايبني حاليه ..واللي ماعايبنه البيت ملاين يدران ...
دقي رأسج بـ واحد منهن..!
امل:اوووف يا كرهي لغرورك الشين..
هزاع ابتسم ابتسامه تقهر وعطاها نظره مليانه ثقه وغرور:غروري الشين ع قولتج هو الي الناس يدورونه (وابتسم بسخريه)والناس مستعده تدفع بيزات بس عسب يطالعون نظره منيه..!
نشت امل وودرت هزاع المغرور الواثق جدا بنفسه..!
امل وهي ترقي الدري:ياكرهي لها الغرور اووووووف..!
.
شوق كانت فوق يالسه بجناحها..حدرت عليها امل..
امل:مرحبااا
شوق:وعليكم السلام والرحمه
امل:ههههههه لاحول تحت اخوج المغرور وانتي هني..
شوق:اكيد قلتيله شي لو ما بيرمس وبيعق رمسته المعتاده..!
امل بصراحه :هيه قلتله عن السيره..!
شووق:مممم والله وايد مستانسه بـ هالسيره..
/
\
/
\
بيت بو حمــدان...!
حمدان:ارد ما ارد...اوووووووووه برررد..
.
تقريبا من عقب ما 8 مرات دق نايف ومحد يرد ..رد حمدان..
نايف وبلهفه ما صدق ع الله روضه ردت:روضه حياتي دخيلج اسمعيني
بقولج كل شي..!
حمدان فـ خاطره:هييييييييه عدااااااااال حياتي بعد والله انج ماتستحين يا قليله الادب..جم واحد حشى وين تتفرغين لهم..!
حمدان:................" لاتعليق "
نايف استانس انه روضه ما نهت المكالمه..وبندت فـ ويه كالمعتاد..!
.
نايف ترجم سكوت روضه انه رضى يعني قول الي وياك..!
.
بدى نايف يسرد لروضه السالفه من اول ما رد هاك اليوم متأخر لحد ما سافر..
وحمدان كاااااااااااان بــــــــــــــــــــــــــصدمه.....!
معقــــــــــــــــــــــــــــــولـــــــــــــــ ـه ...!
\
/
\
/
فله بو ســالم ..
.
رووضه تذكرت سالفه حمدان والـفوون .... ماتدري ليش تحس بنغزه بداخلها وانهـا بتستوي مشكله عوده..!
.
روضه:والـــحل ...الفون وياه..لا يدق عليه واحد من هلنا ويرد حمدان ادريبه قليل ادب..مايستحي وبيورطني وبيقول روضه انا اعرفها وربيعتيه..مايستحي مول ها قليل الادب..!
.
" روضه تسبه من صوب وهو يسبها من صوب "
.
يزوي وكانت تفكر بالي قاله نايف وتحس انها بتخون روضه فـ الي بتسويه بس هذا فـ مصلحتها..
بس فجأأأاه شهقت يزوووي..!
.
البنات كلهن ارتعبن من حركت يزوي..
روضه :بلاج يزووي..
يزوي انتبهت انها شهقت وحاولت تغير الموضوع: لا يعني اذا اللي قلتيه صار بتتورطين...!
(قالـت جيـه مـن عندها مـع انها ماسمعت روضـه سـبحان الله بعـض الاحيان الـخرط يظـهر صـج خخخ)....!
وروضه بدت ترمس وتكمل الي فـ بالها وتلعن خير حمدان بالسب...!
يزوي فـ خاطرها:اوووف نايف قال بيدق ع روضه ..عسب يحاول يقولها عن الموضوع دون خطط اذا وافقت ترد..بس احين اذا اتصل اكيد بيرد عليه حمدان ..وبتتورط رووضه...
واذا سمع صوت حمدان بيقول رواضي مرابعه شباب...لالالاا ...
حمدان بيسكت عسب يعرف الموضوع ...ونايف بيقوله عن المووضوع يتحراه روضه...لاااا مستحيل يرد حمدان مايروم...
رووضه تصرخ فـ اذون يزووي:حوووووووووووو ارمسج انا ... ردي..!
يزووي:هيه هيه اسمعج..
.
/
\
/
\
ويـــا حمدان ..
حمدان نهى المكالمه بعد ما انصدم من الي سمعه .....
معقولـه كل هاالشي استوى فـ روضه ..انا لازم اقول لروضه..
لا شو تقول يالغبـي ها احلى انتقام بتتسويه فـ روضه وييي لحد مكأنك
بس ياحمدان الا هالشي ماترضاه..انت مستحيل تسوى فـ حد جيه حتى لو كان عدوك..مستحيل تفرق بين روحين....بس منو ها شكله وايد جريب من روضه..ومب اي شخص..منو ها يا ربيــــه..انا لازم اعرف منو هالشخص..
اووووووووه ليش رديت...
ما راح اقولها
ولا راح انتقم بها الشي
..الزمن هو الي راح يتحكم بهالشي...!
\
/
\
فلــه نآيف....!
نايف منصدم ليش روضه بندت فـ ويه ..لا اكيد من الصدمه والفرحه جيه سوت..اووووووووف ليش ماقآلت اي شئ ..كنت اتمنى اسمع ولو كلمه منها..تدل ع انها رضت عليه..!
بس انا قلتها ع الحقيقه واذا مارضت عليه بعد هالحقيقه راح يكون ماعندها قلب موووول..!
\
/
\
يزوي قررت تدق ع خالها نايف..بس عقب قالت لا شو اقوله خاليه والله رواضي متضاربه ويـا واحد وسرق لها فونها ... وهو الي بيرد عليك ...اوووووف شو هالحال...!
ماشي حل غير يوم ييي بنطالع شو بتكون ردت فعله وبفهم الموضوع..!
.
\
/
بيت بـو هزاع..!
بـعد وصول بـو هزاع من السفره,,!
.
ام هزاع:مرحبا الملاين والله..تو مانور البيت
بو هزاع بثقه:منور بهله..هاه كيف ولادج عسى خلصوا ترتيبات لانه ع حدود العصر بأذن الله بنظهر من بوظبي..!
ام هزاع تلعثمت وماعرفت شو تقول..:بـ...و هـ,,..
بو هزاع:بلاج يالغاليه..؟!
ام هزاع:والله ولدك هزاع قالي ..مالي ظهره من هالبيت..و اونه قال ودروني فـ البيت ..والبيت اوسع له..!
.
بو هزاع عصب بالقو:شووووو ... انا يوم اقول كلمه اباها تتنـفذ..شو يعني عاده عمره صك العشرينات بـيـبطر عليه ومابيسمع رمستيه..!
رقى بو هزاع الدري عسب يسير لـ جناح ولده..!
.
\
/
\
ع حدود السـاعه 1:40..م
مزرعه بـو سالم..
.
الكل كان متيمع لـ وجبه الغذاء..!
ام الريم ترمس رواضي:عيل يا بنيـتيه وين منصور..!
روضه تلعثمت شو تقول حق خالتها والله انا ماارمس منصور وماادري وينه لانه امس ضربني ..ماحلوه فـ حق منصور..!
روضه فخاطرها:لاحوووول ما انتي كارهه منصور شـ حقه بعد تفكرين فيه ومستهمه عليه و على مكانته اووووووووف...!
ام الريم: روضه حبيبتي بلاج انا ارمسج..؟
روضه :هـ...ا..ه ..هيه منصور..
منصور من وراء امه وروضـه :انا هني يالغاليه..!
ام الريم :هلا والله بـ قلبي..(وباسته ع خده )..وينك حبيبي وربي اشتقت لك..!
(وضمته بأيدها وجربته من صدرها..!)
روضه كانت تطالع عليهم مصدومه وفرحانه انه منصور يي فـ الوقت المناسب..
ام الريم بسوالف:بلاج رواضي تطالعين عليه ..لاتكوني غيرانه هههههههه
(وسحبتها من ايدها وحطتها ع جهه اليمين من حضنها..يعني منصور
فـ اليسار ..ورواضي فـ اليمين..!)
رواضي منحرجه ماتبا تقول لـ خالتها ودريني مابا ايلس حذال ولدج..!
.
ومنصور كانت الابتسامه مرسومه فـ شفاته لانه لاحظ احمرار روضه وانحراجها من الوقف..يعني امه حطتها بـ موقف محرج..ماتبا تكون ويا منصور بأي مكان ..وامه غصبتها..خخ
.
يي حمد من وراء:هييييييييييه عاشو ع الحب والحنان..وانا وايد ناقصني جرعات حنان الشيمه ابا..........يااقولكم...
(وطالع ع رواضي ومنصور)ووووووع مابا شي اذا السالفه فيها ..منصور و روضه..!
ام الريم:افا ياحمودي ليش..؟!
حمد طالع ع روضه بحقد:تسأليني انا ..أسالي حبيبه قلبج رويض..!
رواضي:رووويض فـ عينك ان شاء الله..!
.
ام الريم:ليش أسال رواضي..!
حمد يطالع ع رواضي بسخريه:نحن عقينا فيج عقرب ..حسبي الله ع بليسج يارب ..قولي امين...
(وبدى يهدد):لكن والله ثم والله..لا انتقم منج ..وبتتطالعين شو بسوي..
(روضه بدت تضحك وتطالع ع وراء) ..
.
حمد:هيه اضحكي من حقج..لكن انا براوويج وبتطالعي..!
.
يي صوت من وراء حمد ..والصوت كله فـخامه ورهبه : جم مره قلتلك تودر اختك فـ حالها..لا والله بعد تهدد هاه...
حمد من سمع الصوت حس جنه قلاس ماي ثلــــــــــج طااخ ع راسه خخخ..!
.
حمد التفت بسرعه:ابوووووويه ..هاهاهاا>>ضحكه تغطيه..(دوم هالضحكه للتغطيه خخخ )
انا قلت لا والله..افا (ويسحب روضه من ايدها ويحطيها حذال جتفه)
افا والله هاي الغاليه والحبـيـبه..!(ويمسح ع رأسهــا)
.
بو سالم:بنطالع..!
وسار عنهم لانه خلاص الكل تيمع ع الطاوله..!
.
يي محمد من وراءه :يالخاين محطي هالنذله الجذابه عند جتفك ..!>> يـا اؤؤللله شقايل محتقرنها هههههههههههههههههههه
.
حمد طالع انه ابوه سار وهم وراء العمود الطويل الي كان مطل ع صاله الطعام..
فر حمد روضه من ايدها وعقها بعيد...!
محمد:ههههههههههههه تستاهلي.
روضه بحقد:بقووووووووووول لـ ابويه معليه..!
.
محمد +حمد:لاااااااااا خلاص والله توووووووووووووووووبه>>الادب خخخ
.
ساروا عند طاوله الطعام ويسلوا..!
.
بداو البشكاير يوزعون الغداء..!
وبو سالم كان يطالع عليهم..وعقب فتره قال..: انا نسيت اقولكم..!
الكل طالع ع بوسالــم..!
.
بو سالم:......
\
\
/
\
/
بيـــت بو عبدالله....!
ام عبدالله ترمس البشاكير:ويـن عبدالله وفطوووم..؟!
.
البشكاره:..فووق ماما فاتمه..عبدالله في نوم..!
ام عبدالله :لاحوووووووول..!
.
فــوق ويــا فاطمه..!
.
فاطمه مقهوره:معليييه يا حمدانووه ادق عليك ولاترد..اخذت الي تباه وشردت..انا عطيته كل الملعومات الي اعرفهن ع روضه وساعدته بغباءي..اووووووف ليش انا جيه غبيه ..بايدييه خليته يحبها..(وتنهدت بقهر)..!
.
البشكاره تدق ع فاطمه: فاتمه..!
فاطمه بقهر:خييييييييييير انتي الثانيه ..قلت مابا شي اجلبي ويهج اووووف.!
.
\
/
\
/
فـله نـــايف..
نايف :اووووف انا لازم ادق ع اليازيه..اعرف شو سوت روضه ...!
.
كان يبا يدق بس انتبه ع انه الساعه 2..يعني احين اكيد يتغدون..
اوف احسن شي اتريا لحد الساعه 3 وبدق..!
.
\
/
\
/
الكل طالع ع بوسالــم..!
.
بو سالم:انا نسيت اقولكم..بو هزاع بيي اليوم هو وعياله.!
.
الكل بدا يتهامسون وروضه ما فاهمه شو السالفه..؟!
.
روضه ترمس يزوي:منو ها بو هزاع..؟!
يزووي مارامت تمسك عمرها وضحكت بصوت خافت:ههههههههههههه
محمد كانت عيونه معلقه ويا يزوي اول ماضحكت حس بقلبه انه بيظهر من مكانه..
ضحكتها ..وغمازتها الي ظهرت ذووبت قلب محمد ..!
.
روضه بقهر:بلاااج ..منو ها بو هزاع
يزوي بهدوء:حبيبتي رواضي لاتنصدمين..بس ها بو هزاع............
.
\
/
\
/
بيت بو حمدان..!
.
بو حمدان وبنته ميره و حمدان وام حمدان كانوا متيمعين ع طاوله الغداء يتغدون..
بو حمدان يرمس ام حمدان:هاه عسى كل شي تمام..!
ام حمدان:لا لاتخاف ان شاء لله بـ نـبيض ويهك..!
بو حمدان:متأكده...
ام حمدان:هيه افا عليك بس..
بو حمدان:انزين اذا اي شي ناقصكم رمسي واحد من البشاكير يسير ييبه ..انززين .
ام حمدان :ان شاء الله..
ميروه كانت يالسه تبلع(تــأكل )..وتسمع امها وابوها ..وكانت متابعه وياهم فالموضوع..وفاهمه الي كانوا يرمسون عنه زين ما زين ..
بس الضحيه الي مافاهم شي " نحن..و حمدان "..!
.
حمدان كان بس يطالع ع الصحن..ومول ما لمس منه شي..
انتبهت ميروه ع شرود حمدان ....فـ العاده..حمدان مستحيل شئ جيه يخليه يشرد لو يعله شو ماكان ولو ها حمدان الي مايحركه شي..!
ميروه بهمس:حمدان بلاك جيه.؟!
حمدان توه بس صحى من افكاره:هاه ..لا ماشي ..خير فـ خاطرج شي
ميروه: لا ماشي..بس ماسمعت اميه وابوويه فـ شو يالسين يرمسون..؟!
.
حمدان و وما عاير الموضوع اي اهتمام..وبدون اهميه:شـو..!
قالت له ميره عن الموضوع..
فـ البدايه انصدم والفرحه كانت بداخلـــــه ماتنوصف..
حمدان واعتدل فـ يلسته :قولي والله..!
ميروه:ورب الكعبه..(وتغمز له )هاه اطالعك ستانست..خخخخ
حمدان:يا ليييييييت ..بس مب قادر..!
ميروه :افااااااااااااااا..والله...لا بالله انت شي صابك..
حمدان طالع ع ميروه بنص عين ورد نظره ع الصحن .. وجسمه الي كان كامل متكي ع ايده الي كانت ع خده..!
.
ميروه:بلاك الظهر شي جايد ..مكدر خاطرك...ولو فيه واحد حد يقوله هالخبر ومايستانس..لا لا لا ماااصدق....!
.
حمدان بـــخاطـــره: وتلوميني يا ميره لو تعرفين الي سمعته مب بس بيتكدر خاطرج الي مابترومي تعيشين فـ ناس جيه عايشه..مستحيل ياربيه..صج يارووضه انج وحده قووووويه...لو وحده غيرج كانت من زمان انتحرت..بس الظاهر ايمانها بالله وقوتها ..اكبر من كل شي..!
.
ميروووه وتصرخ فأذون حمدان:فـــــصول بلااااااااااااااااك..!
بو حمدان التفت ع ميروه وقال بعصبيه:الريال اسمه حمدان انتي ماتفهمين..؟.!
ميروه قفطت وخافت من نظرات ابوها..,وحولت نظهرها ع الصحن..!
حمدان كانت الابتسامه مرسومه ع شفاته وضحك ع ميروه..وايده ع خده :تستاهلين..هههههههههههه>>>واي يقــــــــــــــهر..هع
.
\
/
\
/
ويــا روااضـــــــي
روضه بقهر:بلاااج ..منو ها بو هزاع
يزوي بهدوء:حبيبتي رواضي لاتنصدمين..بس ها بو هزاع...ع قولتج..هو عــــمج..!
روضه بصدمه:عميييييييييه انا...!
يزووي:هيه رواضي عمج...انتي نسيتي انج ابتعدتي عنى اربع سنوات ومارديتي غير قبل تقريبا 4 شهور..!؟
روضه:هيه بس انا كنت هني قبل اربع سنوات ... هوو وين كان..؟!
يزوي:نحن شراتج قلنا فـ اول مره شفناهم قبل اربع سنوات..
اللله يطولي بـ عمرج ها بوهزاع احم استويت شراتج اقصد عميه بو هزاع..كان هو وعياله فـ الخارج عايشين..وكانت فيه ضاربات بينه وبين اعماميه الي هني..
وتقريبا قبل 4 سنوات الحمدالله تصافات النفوس..!
وردو شرات قبل..!
.
رواضي :انزين منو عياله..يعني جم ولد عنده ...وعياله بنات ولا شباب ولا كوكتـيل .؟!
يزووي بهمس وجربت من اذون رواضي عسب محد يسمع :اااااه يارواضي لاتقوليي..!
رواضي: بلاج... حششى..!
يزوي:وياه ولد اسمه هزاع ..
رواضي تطالع ع يزوي بنظرات استهزاء:واللللله يالذكيه..
(قصدها يعني يالغبيه اكيد انه ولده اسمه هزاع..ماهم يزقرونه بو هزاع ..خلاص اذاً )
.
يزوي:هههههه دومج مستعيله..
روضه:اوووف قوولي ذليتينا
يزوي:اللي اقصده انه ولـده هزاع يعق الطير من السما ااااه لو طالعتيه..شموخ وكبرياء وثقه اااااااااه اباج بس تطالعين يوم يمشي والله العظيم احسه ان الارض اللي هي الارض تخاف من مشيته الواثقه ... اللي كلها شموخ..شقايل اشرح لج ..مممم منو منو ممثل شراته بقولج يشبه شموخه..
.
عقب تفكير:هيييييييييه "مراد علم دار " يوم يمشي هو جيه..!
(رووضه عووقها مراد علم دااااااااااااار تمووووت عليه وع مشيته وثقته اااه بس)>>مراد علم دار " مال مسلسل وادي الذئاب "
روضه بفرحه:لاتقوووووولي
يزوي:ورب الكعبه..جيه بالضبط..
روضه:وووووووواي ماكنت اتوقع انه حد جيه فالحقيقه ,,واي واي بموووت
يزووي:ههههههههههه قسم بالله دريت انه عوقج مراد عسب جيه شبهته عليه..!
روضه بقهر..:يعني تجذبين عليه..
يزوي:لا ورب الكعبه مااجذب ..بس محد شرات مراد فديته
روضه :اييييييه لاتتفديه..حقي انا وبس
يزوي:هههههههههههههههههه
روضه تتحرقص:ااخ امتى بـيـيون ..
يزوي بسخريه:لااااا وين اللي يقول مايطيج الريايل .. اطالعج بتذوبي
روضه بنص عين:قلتي اكرهم ..بس هذا شبيه مراد..يعني اقصد شرات شمووخه وثقته..شقايل ماتبيني استعيل اطالعه خخخخ
يزوي: لا بالله البنت رايحه فيها...انا اطالعني بسير اييب لج مراد من تركيــا
روضه بحب:وووه فديتج قسم بالله الي تبينه بعطيج ايييييياه
يزووي:ياااااااا حظــــــــــــــــــــــــي هههههههه
ما يسمعن البنات غير تييهن هزبه من العيايز امهـاتهن...اونه ليش مايتغدن خخخخخخ
.
/
\
/
\
/
الساعه 3:10 م ...
بيت نآيــف..!
نايف يتحرقص مارايم يصبر خلااص..صبره نفذ ..!
قرر يدق ع يزوي ويعرف منها الاخبار..!
حدر ع قائمه الاسماء..ويلس يدور ع رقم يزووي..
ماثواني غير يدق نايف ع يزوي..
بس الفاجعه الكبرى يعطيه " الفون مغـلق "...!
نايف:لاحوووول هذا بعد وقته..اوف يا اليازيه ليش مغلقه فونج ليش.!
.
نـايـف:مـا بقى ليه حل .. غـيـر انــه...
.
/
\
/
بيت بو هزاع...
ام هزاع تزقر عيالها:هزاع.....شوووق...امول ..مي.. انزلوا..
نزلت مي اول وحده..:هلا امايه ..وينهم عيالج..؟!
ام هزاع:والله احين يالسه ازاعج محد يرد عليه
مي بسخريه:الا ع طاري عيالج.. هزاعوه البطران بيسير قلتولي هاه..
ام هزاع:هههههههه حسبي الله ع بليسج ..
وجان ينزل هزاع من فوق:اييييه بلاه هزاع شيخكم كلكم..
مي وتطالع ع الارض وتهمس:بديــنا خقــه ..!
.
هزاع بثقه:نعم اختيه..ماسمعتج..!
مي:سلامتك اخوويه..
نزلن امل و شوق ..
وييي بو هزاع..وركبوا السياره...
.
\
/
\
/
الساعه 3:30 م
بيت بو سالم
الكل كان بالصــاله المفتوحه..!
.
البنات يالسات ع صوب..
والشباب يطالعون الـ tv
والعيايز والشيوبه يسولفون فـ جهه..
.
يزوي كانت كل تفكيرها مع نايف وشو بيسوي..!
اكيـــد اتصل ع روضه وما لقاها,,!
.
يزوي فخاطرها:ياربيه ليش لحد احين ماطمنئ..!
رفعت فونها تطالع اذا دق عليها وتفأجت انه فونها مبند ..
يزوي:اووووف شو هالحال..احين هذا وقته..
روضه:بلاج يزووي.؟!
يزوي بلعثمه:هاه...هيه..فونيه (وتطالع عليه)
رواضي:بلاه.فونج(وتظهر عيونها وتحرك رأسها )
حمدوه:ههههههههههه بعد مؤثرات تسوي
رواضي ترفع ايدها وتأشر ع يزوي :ترا اسوي شراتها خخخ
يزوي:الجرج خلص..(ورفعت رأسها وطالعت عليهن)
حمدوه عطيني فونج شوي..
حمدوه:ليــش.؟!
يزوي:ابا البطاريه مال فونج..عسب اركبها فـ فونيه
حمدوه :اوكيك(ومدت الفون حق يزوي)
ركبت يزوي البطاريه فـ فونها واول مافتحت الفون جان تطالع تقريبا 10 مسد كول من نايف.."!
يزوي فـ خاطرها :اوف
رواضي ماتدري ليش حاسه انه يزوي مب طبيعيه..
حولت رواضي نظرها ع يزوي ويلست تطالع عليها بنظرات ..لانه رواضي يوم تبا تكشف اي شخص تيلس تطالع عليه بظرات وعقب بيرتبك وبتكشفه..!>> الله واكبر من هالـ رواضـي ..~
.
نشت يزوي من الصاله وهي واقفه قالت لها رواضي:ع وين يزوي
يزوي:هاه..هيه بسير اشرب (وترفع ايدها صوب قسم المطبخ) ..
رواضي:اوكيك لووسمحتي ..ييبي لي ..
يزووي:اوكيك..!
.
سارت يزوي عنهن وبسرعه بسرعه تظهر من الباب الي قبل قسم المطبخ وظهرت برع..!
.
دقت ع نايف وبسسرعه رد عليها..
نايف بلهفه:هلا وينج انتي.
يزوي:كان جرج الفون مخلص..
نايف :اوكي انا...........
.
\
/
\
/
بيـت بو حمدان..!
.
ميره يالسه تتريا حمدان ينش من الرقاد عسب ترمسه فـ موضوع
.
حدرت جناح حمدان ..وسارت عند حجره نومـه..حدرت حجره النوم ..وكانت الحجره كامل مظلمه وبــارده..
ميروه:حمـدان نش ابا ارمسك فـ موضوع..
حمدان بصوت مليان رقاد :ها...ااه ...و..خـ..ـري...
ميروه:حمود نش ابا ارمسك فـ موضوع ضروري..
حمدان بعصبيه:ميروه بتوخرين ولا شووو ..!
ميره:حمدان والله الموضوع عن اللي رمستك عنه.. عند الغدى
حمدان نش من رقاده وطالع ع ميروه بـ أهميه:خـير..عسى ماشر
ميروه بخوف:حمدان نحن الي بنسويه اذا درى فيه ابويه ولا اميه بيجتلوني انا مب انت......لا تنسي راح يكونون ويـانا كـ ضـ...(قطع عليها)
حمدان:ليش الخووف بعد..محد بـ يدري بالموضوع غيرنا نحن والثالثه هي..!
ميروه:بـس..
حمدان:شكله انتي محد يعتمد عليج..!
ميره:حرام عليك..بس(وعقب سكتت وقالت):الي تأمر فيه انا بسويه
حمدان بضحكه خبث:هيه توج..!
.
\
/
\