|
ام ذياب : - انزين كمل شو تتريا ؟؟؟؟؟ بوذياب : - انزيييين .... سهيل :- اماه سمعي ... انا بتكلم .... قال الدكتور .... الخ ... سهيل يوم كان يتكلم ويخبر امه السالفة كان خاطر بوذياب انه يزغد ولده ... المهم عقب ما خلص سهيل من السالفة ... بوذياب :- شبعت خلصت ... سهيل :- هههههههههههههه زعلت ؟؟؟؟؟؟ بوذياب :- لا ترمسني .... ام ذياب :- ههههههههه انزين برايك تندل اليدار ؟؟؟ بوذياب :- هيه اندله ... ام ذياب :- دق راسك فيه بوذياب :- افاااااا اهون عليج ... سهيل وهو يبوس راس ابوه :- يالله عاد بوذياب لا تيلس تتغلا علينا تراك تعرف معزتك عندنا .... بوذياب :- الله يخليكم لي ... ام ذياب :- هههههههههههههههههه آآآآمييييييين ... اقول يا محمد ... بوذياب :- آمري ام ذياب :- شو رايك نعزم ذياب وهزاع وحريمهم الفلة ونتعشى ويا بعض مدامنا صرنا اهل ..... بوذياب :- هيه بس المشكلة ان هزاع يستحي مب متعود عليج ولا اعتقد ان حرمته بعد بتي تسلم علي ولا اظني انها بتوافق تيلس ويا ذياب وسهيل وبتعتبرنا اهل... ام ذياب :- ما عليك انته لا تحاتي خلاص انا عرفت الحين انه ولد وهو بعد واكيد هو خاطره يسلم علي وصح انها صعبة بس بندوس على اعمارنا هههههه ولا عن مريم لا تحاتون بخليها تتعود غصبن عنها بالسياسة بعد ... ههههه بوذياب :- يالسوسة انتي .... وانا اقول اشحقه انا متعلق بج ... من زود حبي لج ... قلبي ما يروم على فراقج غناتي سهيل :- اووووووب اووووب ابوي يغازل امي جدامي .. انزين عاد انت استحى شوية غازلها من واي ... بوذياب :- اسكت انت ما عندك سالفة .... على الاقل تكلم كلام حلو مثلي وشراتي وخلا لسانك عسل ويا البنات ... علشان يطيرون فيك .. سهيل :- ليش انت تتحراني ما اعرف هالسوالف ... ام ذياب وبوذياب :- شووووووووووووووووووه ؟؟؟؟؟؟!!!! سهيل :- تبون تتأكدون تعالوا جوفي تيلفوني ولا المسن مااااااااالي علشااااااان تصدقون ان البنات طااااايرات فيني ... بوذياب :- والله انك ما تستحى عاق الحيا مرة وحدة .... اخ منك يالسوسة ... وانا اقول طالع على منوه عثاريك طالع على امك ... ام ذياب :- هي هي انت ما اسمح لك عاااااااااد تسبني ... بوذياب :- منوه سبج ابا اعرف ؟؟؟؟ ام ذياب :- انت حد غيرك ... وسبيت ولدي فوقي ... بوذياب :- عيل مالت عليج انت وولدج فوقج ...والله ما عندكم سالفة ..( وهو ساير فوق ) ام ذياب :- تعال تعال يا ريال وين ساير ؟؟؟؟ تعال ما رديت علي تعزمهم ولا الشوه ؟؟؟؟ بوذياب سار فوق ولا عطاهم ويه ولا رد عليهم ... سهيل :- هههههههههه اماااااه تراج سكتي ابوي صدق ههههههههه ..... ام ذياب :- اسكت انت اسكت ... ماعندك سالفة لا انت ولا ابوك .... وهذا ابوك انا برويه بخليه يعزمهم غصبن عنه .... انا بروايك ... سهيل :- وحيو اماااية وحيو اماااية عاااااشوا ... سيداتي سادتي سوف تقام الحرب العالمة المليون بين باباتي وبين ماماتي بسبب اخواني الي الله يعني عليهم ... المهم ... فلمن سوف تكون الغلبة .... طاعوا انا قاعد اقدم حق لاشي منوه هينه بس يالس يطالعني ... الحمدلله ان محد هنية عن يضحك علي حد وانا بروحي متقفط ... اقول خلوني اسير ادق على هزاع ولا ذياب واسولف ياه واقطع الرقدة مالتهم .. أخ يا حضي الردي عيل ذياب وهزاع معرسين ويالسين عند حيمهم ويتغزلون فيهم 24 ساعة وانا حدي استهبل ويا البنات الي فالمسن .... لاني ما عطيت ولا بنت تيلفوني والله حراااااام ..... بس لا منوه قال .. انا بخلي ابوي يخطبلي بنت بو راشد ... انا ادري ان عمرها 19 ونص لانها اصغر مني بسنه واسمها اممممممم شو كان اسمها امممم والله ما احيد لاني من زمان ما جفتها آخر مرة يوم كنا صف خامس ولا سادس والله ما اذكر .. اممممم اسمها ..اسمها اممم اظني عليا ... لاني احيد كنا نطنز على وحدة يوم انسبها نقول حقها يا علاية ونيلس انغني غنية يا علاية وهي تستغيض وتقوم اضاربنا ويا شلتها مالت البنات واحنا نشرد هههه ... حتى شكلها نسيته بس الي احيده انها بيضا مايله على السمره وملحا بعد يعني تناسبني .... هيه انا لازم اكلم ابوي فهالموضوع علشان اخلي هزاع وذياب يغارون مني ... شو يغارون مني ... انا الحين ميت من الغيرة منهم ... يعني شو بيتغير هم عندهم حريمهم ... ما علي منهم انا باجر بكلم ابوي يعني كلم ابوي ... المهم . الصبح سهيل فاتح ابوه بالموضوع وابوه تم يضحك عليه فالبداية بس بعدين اقتنع وقال له يصير خير ... وانه بيحاول يكلم بوراشد بالسالفة .... وصارت العزيمة ومريم يلست غصبن عنها والي خلنها تيلس هي ريم حرمة ذياب وام ذياب .... وهزاع سلم على امه .... وتمو يسلفون الين الساعة 11 ونص وخلاف رد كل واحد لبيته ... والكل يتمدح فالثاني ... المهم ... ......... عقب يومين هزاع طلع الساعة 8 فالليل قال بسير العين بروحي وهو حاط في باله عالية بنت عمه يبا ياخذ منها الصور تراه تعب من هالمذلة .. المهم يوم سار ... ما ساق بسرعة لاااااااااا ... ساق بسرعة كبيرة وحتى الرادارات زخته 4 مرات .. المهم .. تم يتجاوز السيارات وهو طبعاً يفلح حق هالاشياء ويتقنها انه ما يدعم ابدًا ...بس الدوار خانه .. وخلا واحد مسرع ( هزاع يعرف هالريال من بعيد) يدعم هزاع فالدوار ولاااااااا .... كانت الضربة على باب هزاع وبقوة بعد .... المهم كان فالاوقت عبدالله ولد عم هزاع .. كان يتمشى ويوم هزاع تجاوزه حس انه هزاع بس قال هذا الرقم اعرفه وهالاستيشن لونها غير مب شرات استيشن هزاع يعني اكيد هذا مب هزاع .. اظني باع الرقم ولا عطاه حد ... المهم ... اول ما اندعم هزاع .. عبدالله جاف اللقطة ووقف السيارة على يمب والشارع العام صار زحمه من الحادث لان السيارتين وقفن بنص الدوار ( دوار توام ) .... عبدالله نزل من سيارته بسرعة علشان يطالع منوه راعي السيارة المدعومة ولقى انه هزاع هو راعي السيارة المدعومة وعلى طول يدق على الشرطة ( وطبعاً اكيد حد غيره دق قبله ) المهم ... الاسعاف اول وحدة وصلت لأن المستشفى عدال الدوار ( مستشفى توام ) .... طبعاً يوم طلعوا هزاع من السيارة كان شكله ميت وخاصتاً الاتجاه الايسر من جسمه هو الي اكثر تأثر والدمان ما تقصر سايلة .. عبدالله سار وياهم المستشفى وتريا عند العناية المركزة ... وخلاف سوا تيلفون حق بيت عمه محمد وردت نورة .... وعبدالله خبرها بكل شي واغمى عليها ومحمد كان وياها فالصالة فز الها يبا يوعيها بس ما قدر قال ما فيني اسير اييب مال خلني اعرف السالفة .... وشل سماعة التيلفون ورد على عبدالله ... محمد :- الووو عبدالله وصوته يقطع القلب وفيه نغمة الحزن:- الحق يا عمي الحق هزاع صار له حادث وهو بين الحيا والموت ..... محمد اول ما سمع ان هزاع بين الحيا والموت عق السماعة وحس ان قلبه بيتوقف ...وعبدالله يالس يتريا عمه يرفع السماعة علشان يقول له أي مستشفى بس عمه ما رد عليه ... عقب شوية قال بتريا خمس دقايق وان ما ردوا ببند الخط وهم بكيفهم ... بس فهالساعة وفهالدقايق فهد توه نازل من الدري وياي صوب الصالة ودش الصالة وحصل ابوه وامه كل واحد منهم صاير له شي ابوه عوره قلبه وامه مغمى عليها .. عقب قال خلني ارفع السماعة اكيد صار شي ... ويوم رفع المساعة ... فهد :- الوووو السلام عليكم عبدالله :- وعليكم السلام ... فهد :- شو الي استوى عبود ؟؟؟ عبدالله خبره بكل شي ... فهد :- واي مستشفى هو الحين مرقد ؟؟ عبدالله :- ف توام ... فهد :- عيل اترياني الحين انا بيك .. عبدالله : - يالله بسرعة لا تتأخر .. فهد :- اوكيه احين ياي .... وسكر فهد الخط وعبدالله كل شوية يقول ابا اطمن عليه بشروني عن حلته شو صارله والدكتور كل شوية يقول حق عبدالله ان دقات قلب هزاع الي كانت ادق بسرعة خفت الحين عن قبل .. ويوم وصل فهد وامه (بعد ما وعاه ... ما طاعت غير يتيي بنفسها تتطمن على ولدها ) سلموا على عبدالله ويلسوا كل شوية يتخبرون عن حالة هزاع .... المهم عقب لاجراءات الي لازم تسوتي للي صار له حادث وتعور وتعرفون شو قصدي ما يحتاي اذكر .. هزاع صار احسن والدكتور طمنهم ان هزاع بخير وراسه ما ياه شي ابداً ولا حتا مسه شي ... المهم ... عبدالله دق على الربع وهخبرهم عن هزاع والي صار له وطبعاً هم على طول ساروا المستشفى ويلسوا على الكراسي الي حذال ( عدال ) قسم العناية المركزية .. لان ما يكفيهم داخل وبعدين شو ايلسون و ام هزاع داخل وهم استحوا منها وساروا يلسوا برع على الكراسي وعبدالله كل شوية يبشرهم عن حالة هزاع وطبعاً هم كانوا يتحرقصون يبون يطمنون على هزاع بس الدكاترة ما خلوهم .. .............. ... في فلة هزاع ... مريم كانت تتريا هزاع على احر من اليمر ... مريم ملت من الانظار .. قالت شو بلاه تأخر لايكون صار له شي لاسمح الله ... خلني ادق واعرف شو السالفة وليش تأخر ... دقت على تيلفون هزاع وعبدالله رد .... عبدالله :- السلام عليكم مريم :- وعليكم السلام ... اخوي انت منوه !!!؟؟؟ عبدالله :- انا عبدالله مريم :- هذا مب تيلفون هزاع ؟؟؟؟!!!! عبدالله :- هيه تيلفونه .. انتي حرمته صح ؟؟؟ مريم : -هيه نعم انا حرمته ... انت اربيعه ولاااا عبدالله :- انا اربيعه وولد عمه ... انا عبدالله حمد مريم :- هيييه انت اخو عالية صح ؟؟ عبدالله :- هيه نعم انا مريم :- وتيلفون هزاع شو يسوي عندك ؟؟؟ عبدالله :- تراني انا الي اعرفه وهم عطوني تيلفونه .. مريم :- منوه هاذيلا ؟؟؟؟ عبدالله :- الشرطة مريم :- الشرطة !!!!!؟؟؟؟؟ |
عبدالله :- هيه الشرطة ترا هزاع ( وكمل حقها السالفة ال النهاية وطمنها على هزاع ) بس مريم ما هدت سارت ودقت على ريم حرمة ذياب وقالت حقها السالفة وذياب فز وقال بسير حقه الحين واطمن عليه ... وريم قالت له بسير وياك ... ذياب :- وين يا بنت الحلال تسيرين وياي .. انا بسير المستشفى وبرد .. انتي حطي راسج وارقدي لاني ما بوصل البيت الا الفير ان شاء الله ... ريم :- لا ما يخصني بسير وياك يعني بسير وبعدين تعال نسيتني .. بخبرك انت حرمة هزاع تبا تسير تتطمن على ريلها ... ذياب :- يا من شراله من حلاله عله .... يالله سيري تلبسي ودقي عليها وخليها تتلبس بسرعة علشان انشلها ويانا ... ريم :- حاضر ... وخلاف ساروا وشلوا مريم من بيتها وساروا العين .... ووصلوا المستشفى واطمنوا علىهزاع .... وخلاف الفير طمنهم الدكتور ان هزاع بحالة احسن عن قبل وحتى قلبه صار احسن ... بس هو لازم اييلس فالعناية يومين على الاقل وعقبها فالغرفة علشان ياخذ العناية اللازمة ... المهم ... ذياب قال حق ريم ومريم انه بسير يعني يالله بسير الحين .... بس مريم ما طاعت وذياب يالس يحاول فيها وريم تحاول بس مريم مب طايعة وكله يالسة اتصيح وفهد من صوب وعبدالله من صوب ونورة من صوب الكل يحاول فيها بس هي مب طايعة .... بعدين نورة حاولت فيها .... نورة :- مريم قومي يا بنت الحلال وسيري وياهم وارتاحي تراج من امس ما رقدتي وكله اتصيحين سيري البيت وارتاحي والعصر تعالي .... مريم :- ما با ياعمتي ابا اكون ويا هزاع اهنينه ما ابا اتحرك من مكاني الا اطمن صدق على هزاع .... ذياب :- لاي كون تستحين مني بس ... ترا الحين عادي انا حماج والله والعصر بييبج عبدالله :- شو بعد ترا الدكتور طمنا على هزاع وقال هو احسن الحين ... يالله قومي سيري البيت وخلاف بييبج ذياب مرة ثانية.... مريم :- هيه بسسسس ... نورة :- لا بس ولا شياته ... يالله قومي ... ريم وهي تتطالع ولدها الي توه نش :- يالله يالغالية قومي .... حتى ولدي نش من كثر ما يلعلون فوقج ... يالله بلييييز ... مريم :- اوكيه مريم قامت وسارت ركبت السيارة ويا ريم بس ذياب كان يرمس ويا عبدالله شوية عن هزاع .... المهم .. فالسيارة .. ريم :- مريم بلاج اتصيحين ؟؟؟ مريم :- ولاشي ... ريم :- خلاص يا مريم هزاع بخير مريم :- انزين خلاص انا الحين ما اصيح ... ريم :- عيل امسحي دموعج ... تراج بغيتي تفضحينا اليوم ... ههه مريم :- لا والله انا افضح ... ريم :- اتمصخر وياج ...هههههه وبعدين الله يخلي هالغشوة الي كانت مغطية ويهج .... مريم :- بس ريم عن التطنز ريم :- افااااا انا اتطنز ... انزين ما عليه انا اروايج فالبيت بشوتج ببكوس ومرافيس بس انتي صبري علي شوية ... مريم ابتسمت :- يعني شو بتسوين ترافسيني وتشوتيني ببكوس ههههههههههههه ريم :- هيه ... شو ما تصدقين تراني ماخذة كووووووووووورس مرافيس وبكوس وحركات من قبل اخوااااني ههههههههههههه مريم : - ويه حتى انا اقدر ... وحتى انا متعلمه وماخذة كوووووورسات من قبل اخواني في جمييييييع المجالات ... ريم :- الله واكبر ... حشى في كل المجلات اونه .... جيه اخوانج فاتحين كورسات ؟؟؟؟ مريم :- ويه ما يخصج .... فتحوا ولا ما فتحوا المهم انا متعلمه منهم ..... دربوني عدل ... ريم :- وييييييه وين ذياب ايي ياخني منج قبل لا تسوين بي شي .... مريم :- احسن خليه يتأخر زيادة .... علشان اراويج ... ريم :- هههههههه انزين صدق مريم نسيتيني شي ابا اقولج اياه .. مريم :- شو هو ؟؟ ريم :- اليوم تراج بتباتين عندي لانج ما يصير ترقدين بروحج فالفلة .... مريم :- لا عادي انا ابا ايلس فالفلة ... ريم :- مريوم انتي ما تبين ذياب يوديج عند هزاع خلاف ؟؟؟؟ مريم :- جييييه ابا ريم :- عيل مالج عذر .. مريم :- شو بتغنين !!؟؟؟؟ ريم : - هيه بغني سمعي سمعي ... مالك عذر لو تعتذ ما عذرناك ... ( ريم وهي تغني جان يقطها صوت باب السيارة وطبعاً هذا ريها ذياب ) ريم :- ............... ذياب :- السلام عليكم ريم ومريم :- وعليكم السلام ريم :- اشحقه تأخرت ؟؟؟؟ ذياب :- ما اتأخر بس كنت اسلم على ربع هزاع .. ريم :- هيييييه .... زين عيل يالله خلنا نسير ... ذياب :- يالله .. مريم بصوت نعومي وخايف ويتنافض:- السموحة يا ذياب ... لو سمحت ممكن طلب قبل لا تتحرت.. ذياب :- آمري اختي ... مريم بصوت نعومي وخايف:- بغيتك توصلني بيت أهلي ... ريم وهي تشهق :- اااااااااا مب انا اتفقت وياج قبل اشوية انج تيين بيتي !!! مريم بصوت نعومي وخايف :- هيه بس بغيت اسلم على اهلي بعد ... لاني من شهر ما جفتهم ... ريم :- لالالالا ما يخصني ... مالج عذر .. مريم بصوت نعومي وخايف:- لو سمحتي خليني اجوف اهلي .. على الاقل يوم واحد .... ريم :- اوكيه اوكيه .. بس على شرط ... مريم بصوت نعومي:- الي هو ... ريم :- اني بيج باجر وبشلج سمعتي ؟؟؟؟ مريم بصوت نعومي وخايف :- سمعت ... بس ليش تعبين عمرج واتيين اتشليني ؟؟؟ ريم :- كيفج عاد انتي لان هذا جزء من الشرط ... مريم وهي مستحية :- عندي اخواني بيودوني واذا مب اخواني ابوي ... ريم :- مشكلتج هاي حبيبتي انا قلت وانتهى الامر ذياب :- خلاص نزل قرار ايداري انج ما بتيرين بيت اهلج الا اذا هي باتي باجر اتشلج .... هاه شو قلتي مريم وهي مستحية :- امري لله ... ذياب :- يا حرمة هزاع اعتبيريني اخوج .. وقولي الي تبينه .. والحين .. اوصلج بيت اهلج ولا تسيرين البيت ويانا ؟؟؟ مريم وهي مستحية :- لا وصلني بيت اهلي .... ذياب :- اوكيه .. ريم :- وصلها .. شو تتري بعد ؟؟؟ ذياب :- شو شو اتريا بعد ؟؟ انتي ما تجوفين السيارة الي وراي تبيني ادعمها يعني ... والله حاله .. ريم :- ههههههههههههههه وانا اشدراني هههههه ذياب :- روحج يالسة ورا وماجفتيها عيل يوم تيلسين جدام ما تجوفين مووووول .... ريم :- ما عليه بلبس نظارة طبية ... ذياب :- هيه عشان تعورين .... ريم :- ما ادري بك ... انزين يالله لا تتمصخر ويالله تحرك السيارات كلهم تحركن ... ذياب وهو يحرك السيارة واتأفأف:- اففففف والله حالة .. ريم ما عطته سالفة ويلسة تتطالع المناظر الخلابة فالعين وخصوصاً انه الفير والشمس توها تطلع كان شكل اعين كششششششششخة ... ومريم كانت تخبر ذياب وين بيتهم ... وجيه يعني ... ومريم شوي وبيطيح قلبها .....هههههه وريم تضحك ضحك داخل وشوي وبتضحك بصوت عالي .... المهم ...يوم وصلوا فلة بوسلطان الي هي فلة اهل مريم .... دقوا الجرس ومحد طلع ... دقوا مرة ثانية وثالثة ومحد طلع ... ذياب :- السموحة اختي بس شكلهم اهل البيت محد ... مريم :- لاااا يا يا بو محمد .... اهلي فالبيت ... لانهم يوم المدرسة ما يطلعون ... ذياب :- اووووووووه والله ذكرتوني اليوم دوام .... ريم :- ليش انت نسيت .... ذياب :- أي يوم اليوم ؟؟؟؟ ريم :- الاربعاء .. ذياب :- احسن فكة من هالدوام ... ريم :- ما فهمت !!! ذياب :- اتريي اشوية انا عندي خطة محكمة ... تعرفين شو هي ؟؟؟ ريم :- لا ذياب :- بدق عليهم فالدوام وبقول هزاع صار له حادث وانا الحين فالعين .... مريم :- ما شاء الله عليه ... حاسب احسابها .... ذياب :- هيه عيل الشوه ... انا بو محمد ....صح يا ام محمد .. ريم :- صح .... بس اقول لو سمحت ممكن تشل ولدك الي ايدي انكسرت من شلوله .... ذياب :- حرام عليج هذا الا عمره 3 شهور وتعبتي منه عيل يوم يكمل 1 شو بتسوين !!! شوية والا جان ايي منصور ( بو سلطان ) ويفتح باب الدروازة ( البوابة العودة مالت البيت او الفلة )...المهم .. منصور :- هلا والله ذياب :- هلا السلام عليكم منصور:- وعليكم السلام ... وساروا منصور وذياب وسلموا بالخشوم .... مريم :- شحالك ابوي ... منصور :- منوه !!! بنتي .... مريم :- هييه يا ابوية بنتك ... منصور :- هييييييييه بخير الحمدلله تعالي يا بوج بسلم عليج ... وسارت مريم وسلمت على ابوها بالخشوم وباسته على راسه ... منصور :- اشحقه واقفين ...قربوا قربوا ... ذياب :- قريب قريب يا بو سلطان ... بس احنا مستعيلين .... منصور :- لا والله حلفت عليك غير يا تيلس اسوية وياي على الاقل ايلس ساعتين ... ذياب :- على شرط ما نتقهوا بس نتريج ... اوكيه .. منصور :- بس اريوق عيل ما طلبوتوا يالله حياكم حياكم ... ذياب : - الله يحيك .. ودشوا داخل ... ذياب ومنصور دشوا الميلس ومريم وريم ساروا داخل الفلة اقصد صالة الحريم او يمكن الصالة المهم .... ام سلطان تفاجأت بييت مريم ولا والفير بعد .... مريم وريم :- السلام عليكم ... ام سلطان :- وعليكم السلام هلا بالبنيات ... مريم وريم :- هلا فيج ام سلطان يارت وسلمت عليهن .... ام سلطان :- ما تعرفن يالغالية مريم :- هاذي حرمة حماي ام سلطان :- فهد عرس ؟؟؟؟؟؟؟؟؟ مريم :- لا يا امييييييه مب فهد ... ذياب ... ريم :- انا ريم حرمة ذياب ... ام سلطان :- ومنوه ذياب تراني بعدني ما عرفتكم قربولي اكثر ؟؟؟ ريم :- انا حرمة ذياب ولد بوذياب الي فبوظبي ... ام سلطان :- هييييييييييه الحين عرفتكم .. ما شاء الله والصلاة على النبي .... اتصدقين توني ادري ان ذياب معرّس .... ريم :- ليش ؟؟؟؟؟ مريم :- يامااااية بلاج نسيتي يوم انقولج ذياب عرّس من زمان وخلاف قلنالج ان ياه ولد وسماه محمد .... ام سلطان :- هييييييييييه ذكرت الحين ..... ما شاء الله وهذا هو محمد .... ريم :- هيييه يا عمتي .. ام سلطان :- ما شاء الله والصلاة على النبي ... بصراحة الولد طالع على ابوه ... يشبه شبه فضيع ما شاء الله .... ريم :- ههههه الكل جذيه يقول ... وااااااااايد يشبهه .... حتى انا أقول..... ام سلطان :- اقول مريم ... مريم :- هلا اميه ام سلطان :- متى صار ذياب حماج ؟؟؟ مريم :- من اسبوع الحين ... ام سلطان :- ما درينا ... ريم :- ليش ما طلعوه فالجرايد يا عمتي يا النسيبة ام سلطان :- ما فهمت قربولي اكثر ... مريم :- اميه ما جفتي الجرايد الي حاطين صور هزاع فيهن ... ام سلطان :- هيه جفتهن .... مريم :- وشو مكتوب ... ام سلطان وهي تشهق :- اااااااا يعني صدق الكلام الي مكتوب ؟؟؟؟ مريم :- هيه صدق ... ام سلطان :- والله وناسبنا بوذياب واحنا ما ندري هههههههه مريم وريم :- هههههههههههههههههههههه ام سلطان وانتن لاقات على بعض مريم وريم مب باجي غير الاخو الصغيروني ما ادري شو اسمه ياخذ وحدة اسمها بعد على نفس حريم خوانه ...ههههههههه ريم :- اسمه سهيل يا عمتي ... وبعدين تطمني ما بياخذ وحدة على نفس حريم خوانه لااااااا... هذا بياخذ وحدة اسمها عليا هههههههه مريم :- يعني صدق هالخبر ريم :- وليش ما تصدقين ؟؟؟؟ مريم :- ما ادري قلت يمكن هزاع ألف هالسالفة على كيفه .... وبعدين انا بروحي قايلة لزم اسمع هالسالفة منج شخصياً .... ري |
م :- لييييش ؟؟؟؟ مريم :- لانج حرمه ذياب يعني الأخبار هو يدري فيها اول بأول واكيد عمي بوذياب قال له ...وبعدين ريلج ما يكـ(ج)ـذب كله صادق مب شرات هزاع ... فالح بالتمصخر .... ريم :- تسلميييين فديتج والله حتى انتي ريلج صراحة تنحسدين عليه مريم :- وليش تحسدونه ؟؟؟ ريم :- لانه طيب وقلبه صافي ونظيف ... مريم :- هيه هيه كلام كلام .... حبيبتي هذا شري .... ما عليج منه ام سلطان :- ههههههههه وانتي بنت منوه يا ريم ؟؟؟ ريم :- انا بنت بو صقر .... تعرفينه اكيييييييد .... ام سلطان :- وهو حد ما يعرفه .... هذا بو صقر مب لعبة .... الملايين تلعب في ايدينه .. الله يدوم هالنعمة .... ويحفظها من الزوال ... ريم ومريم :- آآآآآآآآآمييييييييييييييين .... فطوم وعواش وشموه توهن ينزلن من فوق ولا جان يشوفن مريم من فوق وهن يمشن... وطبعاً هن ما انتبهن حق ريم ... فطوم :- هلاااا هلاااا ....هلا وغلا ... مريم :- هلا فيج ... فطوم :- مريووووووووووم حد ايي من صباح الله خير ......... مريم وهي تتطالع ريم :- هيه حد ايي من صباح الله خير ... انااا ليش عندج مانع .. فطوم :- لا ما عندي مانع ... انا عندي دواس ... هاهاها ام سلطان :- بسج استحي عندنا عرب وضيوف هنيه ... فطوم :- الحين مريم سميتيها عرب وضيوف صدق اماه ما عندج سالفة ... عواش وهي ادز فطوم بكتفها :- فطوم عندنا ناس هنيه استحي صدق تراني ارمس فطوم وهي تتطالع الي عدال مريم وتشهق :- اااااااااااا آآآآآآآآسفة ما كنت ادري ريم :- مغذورة وبعدين عادي خلني اختج ههههه وسارن البنات وسلمن علىمريم وريم .. وكلاااااااااااااااااااااام ... فطوم :- مريم شو هالخبر الي سمعناه ... مريم :- أي خبر ؟؟؟؟ فطوم :- اونه ريلج صار له حادث ... مريم:- ومن وين دريتي ؟؟؟ فطوم :- من النت ... مريم :- خييييييبة مسرع ما دروا ... ريم :- هههههه الله يعين ريلج والدكاترة على الصحافة والاعلام ... مريم :- ليش ؟؟؟ هو ريلي شيخ وانا ما ادري ؟؟؟ ريم :- حبيبتي ريلج هامور .... شما :- وشو يعني هامور ؟؟؟ ام سلطان :- يعني عني عنده ملايين .... مريم :- هيه بس هزاع ما عنده ملايين ... ريم :- ومنوه قالج هالرمسة ؟؟؟ مريم :- ادري وبس وبعدين هذا ريلي ... ريم :- حبيبتي عمي بوذياب خلا فحساب هزاع 10 ملايين من يومين بعد ... وذياب هو الي قال لي عواش وفطوم وشما ومريم وام سلطان عليهن اشارة استفهام ..... ريم :- بلاكن جيه اطالعني ... صدق انا ارمس مريم :- وليش هزاع ما قال لي؟؟؟ ريم :- يمكن بغا يسوي لج مفاجأة ... مريم :- يمكن ... فطوم :- مريم عاد لا تنسينا كل يوم اشتري لي شي يديد مرة لاب توب ومرة سيارة ومرة فلة ومرة سفرينا وجيه يعني ... مريم :- ميمنونة انا .... فطوم :- اتمصخر .... هههههههههههههههههههه ام سلطان :- وشخبار هزاع الحين ؟؟؟؟ مريم :- والله بخير الحمدلله ... ريم :- ان شاء الله يكون احسن الحين .... مريم :- الله يسمع منج ... ام سلطان وهي تتطالع الساعة :- اووووووه تعالوا نسيت اضيف العرب يالله بالستر علي .. السموحة منج يا بنت بو صقر ... ريم :- مسموحة عمتي ... ام سلطان :- عيل بسير انا عنكم اسوي اقهوة ويالله البنات سيرن تلبسن .... ريم :- لا والله عمتي ما تسوينا قهوة عشانا جان شربناها ان جان انا ولا ذياب ... ام سلطان :- يالله بالستر ليش الحلف انزين ؟؟؟ ريم :- علشان ما تسوين اقهوة وبعدين محد يشرب قهوة من صباح الله خير الحين الساعة ست ضبط ... وبعدين انا ما اشرب اقهوة ام سلطان :- حق ريلج انزين .. والله فضيحة ... ريم :- لا فضيحة ولا شياته عدينا اهل ترانا نسايب ... ام سلطان :- حتى ولو .. انزين دامج قلتي احنا اهل ونسايب يعني ما بترديني ان حطيت حقكم الريوق ... هااااه شو قلتي؟؟؟ ريم :- حطي لان من هالناحية .. وبصراحة تراني يوعانة وريلي يوعان .... مريم :- خييييبة يعتوا ...مسرعكم ... من ساعة ماكلن سندوجات فالمستشفى .... ام سلطان :- ما عليج انتي خليني احط الهم الريوق .. ريجهم ناشف ... والله الي اشوفه انج انتي بعد تبين تتريقين ... ريم :- عليج ابها عمتي ههههههههههههههه مريم :- اروايج ... محمد توف نازل من الدري وهو ما يعرف ان حد هنية .... محمد وهو ما يجوف عدل لانه توفه ناش وسمع الحشرة ونزل :- خييييييييبة شو هالصدعة شو مستوي ... بتخبركن انتن تحلن مشاكل الامه ... عيل خذنها مني شخصياً ... انتن ما تنفعن محللات ولا سياسيات .... لانكن كله حش وغيبة ونميمة .... الظاهر ما خليتن شي ما قلتنه ... عاد الحين بسكن من الهذربة ..... ( محمد توه ينتبه ويفتح عيونه عدل .... ) ( الكل كان يجوف محمد ومستغربين ) محمد :- حد غريب من بينكم ؟؟؟؟ ام سلطان :- الناس يوم يدشون يسلمون ... محمد :- السلام عليكم الكل :- وعليكم السلام ... ام سلطان :- حمود اشحقه هالمصخر ما تجوف انا حد ويانا ... انت ما تستحى على ويهك ... محمد :- السموحة والله ما كنت ادري مريم :- انزين اشحقه واقف ... محمد :- اول قولولي منوه عندنا ... ام سلطان :- ذياب ولد بوذياب ....تعرفه ؟؟؟؟... محمد :- راعي بوظبي ؟؟؟؟؟؟ الهاموووووور ؟؟؟؟؟ ام سلطان :- هيه نعم هو عندنا الحين .... محمد :- وهو شعرفه فينا ؟؟؟ مريم :- نسايب يالذكي محمد :- بيخطب وحدة من خواتي ؟؟؟؟ فطوم :- انت ما تجوف ام الولد الي عدال مريم ... هذا حرمته يالذكي .... محمد :- هيه .... عيل كيف صار نسيبنا ؟؟؟؟ ام سلطان :- ترا هو اخو هزاع ريل مريم ... محمد :- والله !!!!!؟؟؟؟ ام سلطان :- هيه ما قريت فالجرايد ؟؟؟؟ محمد :- قريت بس ما توقعت هو انا قلت تشابه بس ... المهم مبروووووك عليكم النسايب اليديدين ... ام سلطان :- الله يبارك فيك يا محمد ... انت اول خلا هزاع يطلع بالسلامة من المستشفى وبعدين ارمس ... محمد :- هزاع فالمستشفى ؟؟؟؟؟؟؟؟؟؟؟؟؟!!!!!!! مريم :- هيه .... ( وقالت له السالفة ) محمد :- هيييييييه ... هذا امس دريت بهالخبر بس انا ما عطيته اهميه كثر ربعي ... مريم :- وليش ؟؟؟؟ محمد :- بس قلت الناس كلها عنده وانا شو اسوي هناك اصلاً هم ما بيخلوني ايلس حتى ام سلطان :- انزين انزين الحين سير بدل ملابسك وسير وايه الريال يالله .... محمد :- انزين ... وسار محمد عنهم ويلسن يترمسن ومحمد خذ اجازة منهم وهم على طول عطوه يوم دروا ان هزاع نسيبه .... المهم يوم سار ذياب و حرمته ... مريم سارت وردقت شويت .... المهم ... العصر سارت مريم واطمنت على هزاع ... المهم .. عقب اسبوع طلع هزاع وبنفس اليوم ... مريم حست بدوخه وطاحت وهزاع ودها المستشفى وطلعت حامل ... ورد هزاع فرحان .... بوذياب سو عزيمة وصارت الفرحة بثلاث فرحات .... قامت العزيمة وهزاع عزم ربعه وبوذياب عزم الاهل الي كان هزاع عايش من بينهم وسلم عليهم .. وفي الميلس .. محمد ( بوفهد ) :- تستحق السلامة يا هزاع .. هزاع :- الله يسلمك يا بوفهد ... محمد :- مبروك يا بوذياب على كل الي فرحك ... وتستاهل اكثر... بوذياب :- مشكور يا بو فهد .... والسموحة منك خليناك تتعلق بولدنا الين خذيناه منك ... السموحة ... محمد :- على العكس .... انا ياي اتعذر من هزاع واطلب منه السموحة ومب علشان المصلحة لاااااا ... انا ياي اقول لك اني جفتك بنظرة ثانية ... السموحة لاني ما كنت احاول اتقرب منك وافهمك ....واذا انت تعدني ابوك فهذا شي يشرفني ... فهد :- هاه يا هزاع تبانا اهلك ولا لا ؟؟؟؟ ترا لك الحريت فهالشي ... هزاع :- اكيييييييييد انا اباكم اهلي وابا عايلة بوذياب اهلي وابا العالم كله اهلي بس نبا نعيش على راحتنا وناخذ الدنيا بعفوية ... محمد :- ولك هالطلب مدامك طلبت ... هزاع :- تسلم فجأة رن تيلفون هزاع وقال في خاطره هالرقم مب غريب علي رقم منوه ؟؟؟ خلني اقوم واسير ارد عليه احسن ... هزاع :- اااااا عن اذنكم شوية دقايق بس وبرد .... الكل :- خذ راحتك .... وقام هزاع وسار الصالة الثانية ... ورد على التيلفون .... وكانت عالية حمد |
هزاع :- الوووو عالية :- هلا هزاع شخبارك ؟؟ هزاع :- عالية !!!! عالية :- هيه ليش مستغرب ؟؟؟ هزاع :- لا ولا شي .... عالية :- الحمدلله على السلامة .... هزاع :- الله يسلمج .... عالية :- هزاع انا دقيت ابارك لك وابا اقول لك اني اعرف انت ليش ييت العين ... هزاع :- ليش ؟؟؟ عالية :- علشان الصور صح ؟؟؟ هزاع :- هيه ... شاطرة ... عالية :- وانا اقول لك تطمن انا حذفت كل شي يخصك والحين ما عندي شي هزاع :- ما اصدق .. عالية :- والله العظيم وقسم بالله العلي العظيم اني ما عندي شي لك لا صور ولا غيره ..... وهاذي تحلفات واذا تبا ازيد ترا عادي اقدر احلف زيادة هزاع :- يعني خلاص .... عالية :- خلاص يعني كل شي انتهى وراح .... هزاع :- عيل علشان ينتهي كل شي حذفيني من تيلفونج .... عالية : -يالله عيل مع السلامة ... هزاع : -مع السلامة ..................... وعقب رد الميلس .... وكملوا سوالف ...... ويوم خلصت العزيمة الكل رد بيته ............................... ومضت الشهور .............. ومريم يابت ولد وسموه زايد ...... والكل فرح فيه .... وهزاع اطوت مشاريعه وفتح مول بمشاركة بوراشد وبوذياب و بوصقر ... وخلاف الله رزق هزاع بعيال وايد .... والله يدوم المحبة من بينهم .... وهاذي قصة هزاع ومريم الي صاروا واسطة خير بين هالناس .... النهـــــــــــــــــــــــــــــــــــااااااااااا اااااااية عسى بس تعيبكم القصة اخواني .................................................. ...................... والسموحة على القصور ................... |
يسلمو على القصة الروعة |
| الساعة الآن 06:02 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir