|
سارت عليا و مريوم الصاله الثانيه .. جان عليوه اتصلت حق فطـوم دقت مرتين وعقب شلته ,, كانت فطوم فـ الميلس ويا الحريم و بو حمـد .. فطـوم :مرحبـا ملااااااين ولا يسدن فذمتيه عليـا : هلا بالمهلي الي مايولي ف ذمتيه .. فطـوم :شحالج غناتيه؟,, ولهت علييييج حيل عليـا : فذمتيه اني انا بعد ,, يسرج الحـال ومن صوبج ؟ فطـوم : مانشكي الغـلا ,, اخبار مريوم و الاهل ؟ عليـا : كلهم بخيـر ,, بتخبرج .. انتي بعدج فـ البر ؟ فطـوم : هيه ليش ؟ عليـا : لا اسال ,, متى بتردوون ؟ فطـوم : هممم والله مادري بسـأل عميه صبري ,, قامت فطوم و سـارت صوب بو حمـدان برع ويا الشبـاب محمد : ياويل حاليه عليج فطـوم : بسك مغـازل ,, باباتي متى بنرد بو حمـدان : فديت اسم باباتي ع لسـانج ,, اليوم عقب صلاة الظهر ,, عنديه شغل ترا ,, ليش؟ فطـوم : لا بس علايه تسـأل ,, بو حمـدان : هييه ,, سلمي عليها و ع اهلها فطـوم : يوصل ^_^ عليـا : ها شو قال ؟ فطـوم : اليوم عقب صلاة الظهر,, بتخبرج يسلم عليج و ع الاهل عليـا : الله يسلمه من الشر .. سلمي عليه فطـوم وهيه ازعج : باباتي يسلموون عليك ,, بتخبـرج عليـوه ؟ عليـا : آمري فطـوم : تصدقين اني اضاربت ويا بنت عموه عليـا : اي عمه بعد ! فطـوم : سالفه طويله عريضه انا يوم برد ad بخبـرج انتي و مريوم كل شي عليـا : اوكيه فديتج فطـوم : عطينيه مريومه شويه عليـا : اندوج تباج .. مريوم : هلا بـ الغزلاااااان فطـوم : واااايه فديتج ,, شحالج ؟ مريوم : يسرج فديتج ومن صوبج ؟ فطـوم : ولهانه عليج موت مريوم : هههه فديتج والله فطـوم : طافج والله ركبت الدراجه و تلثمت و تسابقت ويا ولد عموه و لحقته مريوم : اي ولد عمه ؟ عليـا : منو ها بعد ؟ مريوم : شعرفنيه فيها ,, منو ها ؟ فطـوم : يوم برد ad بخبرج بكل شي ,, انزين اقولج و طلعت برع العزبه وناااااسه تميت اشاوح اقولج ,, قبضوني ولدين انتي بويه ومنو معطنج هالدرجه ويا منو ومادري شو,, جان حمـدان يزخنيه هع مريوم : شيطااااااانه فطـوم : فديتنيه ,, مريوم : اخبار قلبج ؟ فطـوم تغير صوتها : شو تبغيني اقولج .. الله كريم مريوم : شو مستوي بعد ؟ فطـوم : بقولج السـالفه ماروم اتريـا لين ما ارد ad الله يسلمج |
مريوم : ايه ايه تريي عليوه تعالي حطي السماعه بتقولنا سالفه .. فطـوم : ههههه ويا هالروس انزين ترا انا عندي عمه اسمها حصه وعندهـا ................... (خبرتها بالعائله كلها ) مريوم و عليـا : انزين .. مريوم : سلطون حلو ؟ عليـا : عبود حلو ؟ فطـوم : هههه هيه كيـوت ,, انزين وعقب ............ (خبرتهم شو سوت فـ الدراجات وجي) عليـا : ياويل حاليه كشخه انزين كملي فطـوم : انزين اقولكم وانا و ساره و حمده ع الاساس بنطبخلهم عشا كباب وجي ,, يوم رديت من برع العزبه سرنا صوب الاولاد عند المسبح ( خبرتهم يوم دزاها عبود ) مريوم : خيبه نذل .. عليـا : اويه شو سويتي ؟ فطـوم : عصبت والله طلعت و تميت اصيح ( خبرتهم عقب شو استوا ,, وقالتلهم حمـده شو قالتها يوم طلعت من الحجره ) مريوم و عليا شهقو مريوم : حقيـــــره ! عليـا : عاد انتي ماقصرتي فيها فطـوم : افا عليج ,, قلتلها جملتنا المفضله .. سخيييييفه .. تاااافهه .. ماعندج سااااالفه مريوم وهيه تصفق : عاشو عاشو بنت حمــد انزين كملي .. فطـوم : عقب ( خبرتهم بـ السـالفه كلها يوم سمعت حمـده شو قالتلها و يوم اضاربت وياها و ضربتها ) عليـا شهقت : بنت اللذيييييييين !! احلفي قالتلج جي مريوم : لا حبيبتي هاي مقهوره منج .. شافتنج احلى ومن جي تغار بس اللوح كيف جي تقول حق حمـدان ,, ولا بعد حمـدان يقولها انا احبج .. عليـا : خيبه .. نذل هاك الثاني .. مايستحي الهرم فطـوم : انزين اقولج .. وعقب يوم سوينا العشا و تعشو ,, سرت يبتلهم الكيك وجي .. و عقب يلسنا انا و ساروه ويا الشباب اقولها بنسير برع العزبه بـالدراجه خخخخ بس اصاصرها و هيه تقوله وين .. تخبلتي لا اخاف .. الدبه اكيد بيعرفون عن شو نقول جان اقولها جب يا حماره بخلي جسوم ايي ويانا ,, جان تقول حرام عليج وين بتشوفين فليل .. حمود يقولنا ع شو ناويين قالت ساروه ها لا لا انا قرصتها لانه محمد حس فالسالفهجان حمـدان يقولنا طلعه برع العزبه ماشي خخخخخ وعقب شرده اقولج سرنا ( قالتلها يوم كانو يغنون ) و قالتلها يوم حمـدان رمسها و شو قالتله اقولج انزين وبعدين صحت يوم قالي فطوم احبج والله غمضنيه بس مادري احس انه السالفه فيها إن وعقب سرت خبرت ساروه فـ السالفه تميت اجلب اجلب و لين ما سمعت حمـدان يشل ( يابوي انا اسهر ) و كان يغمض ....... وخبرتهم بالسـالفه .. عليـا : واعليه عليه .. حرام .. فطـوم : هيه غمضنيه مريوم : والحين هوه وين ؟ فطـوم : تصدقين من نشيت ماعرف عنه شي .. عليـا : عيل سكري و سيري شوفيه وين .. الله يخليج فطوم لاتعذبينه يغــمض والله فطـوم : وليش تحاتين حظرتج اغار .. عليـا : لا والله شرات اخويه بس والله يغمض مايسـتاهل .. سيري تـأكدي من الموضوع فطـوم بصوت واطي : اكيه الجنيه انا بسكر الحين عليـا : منو حمـده ؟ فطـوم : هييييه مريوم و عليـا : ههههههههههه عليـا : بوسيها فطـوم : قطعععععععععع .. يلا باي مريوم + عليـا : وين سايره فطـوم : غرفتها ,, يلا بباي مريوم + عليـا : بباي سارت مريم و خبرت ابوها انه عقب الصلاه بيطلعون ,, بو مريم : عيل نواري زهبـو عماركم بنتـغدا و بنسير ,, عليـا : مايكفينا الوكت ! ام مريم : غناتيه انا مزهب منزمان مريوم : طاعو هييل يزهبون ولا يقولونا ,, يلا يلا خلينا نسير نحط الاغراض , هبابنا نخلص عليـا : اوكيه جان يسيرون فوق و حطلو اغراضهم ,, و الثيـاب اللي شرات مال فطوم عشـان اذا بيظهرون يلبسونا شراتها و طبعا ماخبرو فطوم انهم بيون دار الظبـي قالتل بتسويلهم مفـاجأه .. وكان بو مريم يدل بيت بو حمـدان ,, و قالو بيسيرون فجـأه .. |
صوب العزبــه .. فـطوم سـارت صوب الحريـم وماكانت تدري انه الريـايل و الشباب بعد موجودين .. دشت عليهم وهيه تغني و ماكانت تشوفهم و كانت ترقص وتيبس بس كانت مغمضه عينها >> متحمسه لوول .. هييه صح نسيت اخبركم شو كانت لابس ,, طبعاً بنطلون ,, جنز عشبي و لابسه حزاام و قميص زيتي و برع جاكيت عشبي شرات الجنز هب طويل عادي لين البطن .. وجهك ينير دبي يا بهجة دبي .. وروحك تنور بالبشاشه وطنها بيني وبينك عهد انه اذا شي .. كدرك تشكي لي الهموم وحزنها فـطوم : عاشو عاشو يابس يابس ,, بو حمـد شو رايك فينيه ؟و جان تشوفهم >> ماكنت تدري انه الكل موجود الكـل : هههههههههههههههههههههه فطـوم قفـطت احمرت و اخضرت من الخـاطر : ops بو حمـد : تخبلين فديتج .. محمـد : هاا فطوم منو عندج فـ دبي فطـوم : قلبي خذا لي ساكن دبي .. مر جميل و مرهف سلوم ,, فتان من نظراتي يسبي .. فايج على الخفرات حبوب ,, محمـد : شو رمستي مريوم و عليـا ؟ فطـوم : هييه فديتهم عبود : منو هيل ؟ فطـوم : وانته شلك ,, ربعيه .. تمو يسولفون و فطـوم كل دقيقه تشـوف حمـدان .. كان سرحـان طول والوكت و بو حمـدان و بو حمـد لاحظو عليه هالشي و بو حمـد كان يبـا يوهق حمـدان : حمـدااان عنتلاتك ضربه بالعصاعنتلاتك سرحـان منو هاي اللي ماخذه عقلك !! محمد : نـااس مخضيــرن سلطـان : حشى هههههه سـاره : هههههههه حليلك يا اخويه .. جان تسير و تيلس عـداله بو حمـدان : نبا نسمع شلّه .. منو بيسمعنـا ؟ بو حمـد : حمـداان حمـدان : لا لا ما اروم بو حمـد : عنتلاتك و تردنيه حمـدان باسه ع راسه : ماعاش من ردك يا الغالي .. آمر و اطلب اي شله تبا ؟ بو حمـد : ع راحتك الغـالي ,, حمـدان : شفتك ولاظنيت بهواك ما هو بكيفي غصب عني لا والذي فالكون سواك صدق المشاعر لك خذني حاير واسج وفكري وياك اقصد وشعري لك عني كنه القمر طلعت محياك ياللي جمالك فاتنني حاولت اصبر عنك وانساك لكن روحي لك تحني اتخيلك في يوم لقياك يوم الصدف فيك اجمعني اشتاق لك والشوق جدواك ونظرات عينك شوقني دايم علي تمر ذكراك ومن الشوق قلبي متعبني ودي بشوفك لاعدم يمناك في العمر تبقا ملازمني شفتك ولاظنيت بهواك ما هو بكيفي غصب عني .... ... .. . حمـدان : سوالم فطـوم فخاطرها : آآآآخ ياويليه انا ع هالحس عنيه افـداااااااه و افدا راعيه .. بو حمـد : لاخليت من هالصوت يارب خالد : له له شو هالزين ,, ماشالله عليك .. عيني عليك بـااارده ام خـالد : ها حمـدان حق منو هالشله ؟ حمـدان ابتسم ام حمـدان قلبها يتقطع ع حال حمـدان مايروم حتى يرمس وتبا تسوي جوي : فطـااااامي !! فطـوم حست انه بتقول شلي : لا مابا الكـل : هههههههههه سـاره : عنبو ماكملت رمستها فطـوم : جيه انتي ماتشلين ! سـاره : انا ماعرف يلا عشـان خاطر حمـاني فطـوم : وينه فدييييت خشمه انا ام حمـدان : برع ,, يلا غنـاتيه شلي .. فطـوم : همممممممممم اوكيه حبيبي والله انه الحب منك واشوف الكون كله في عيونك دخيلك لا يروح بعيد ظنك ولاتشرك بحبي مع ضنونك اذا حبي ترا مجننك انا جنيت والله من عيونك شعور مبادله مني و منك اذا ناديت قلبي قال عونك احاسيسي من الفرحه يبنك احبك حيييل ما اصبر بدونك اشوف الموت لي من غبت عنك بدونك والله مانصبر بدونك حياتي مع فوادي مشترنك و روح الروح ماتغلى تمونك محال امن الجوارح يتركنك إلاه الكون يا غالي يصونك حبيبي والله انه الحب منك و اشوف الكون كله في عيونك .... ... .. . سـاره : حيـ هالصوت انا عنيه افداه بو حمـد : ياويل حاليه انا فديت هالحس فطـوم استحت عاد اونها : اثتحـي والله حمـدان فخاطره : فديتج والله فـطوم : سـارووه يييبي الأونو خلينا نلعب ويا الحراميه الاولاد سـاره : خخخ انزين ,, سارت الغرفه ويابت الأونو فطـوم : تسلمين فديتج ,, منو بيلعب ؟ سـاره : الله يسلمج .. بو حمـد : عيل نحنا نخليكم بنسير برع نحوط شويه فطـوم : الله يحفظكم .. يلا منو بيلعب ؟ عبود : انا و سلطون محمد : انا و حمـدانوه حمـدان بتعب : لا لا انا ماروم فـطوم : ......... >> يالسه تخبص فالاوراق محمد : عشـانيه يلا حمـدان : اوكيه الغالي .. فـطوم : بوزع 10 لانه نحنا 6 وايد انزين عبود : انزين .. بقولكم كيف يالسين .. فطوم مسانده ع الكرسي و عدالها ساره .. عقب محمد وعدال محمد حمـدان وعداله عبود و عادل عبود سلطان وبتكون عداله فطـوم ,, و بدت فطـوم توزع و يوم رفع اوراقها قالت بسم الله ,, واستانست وايد لوول لانه اورقها رقيص الصراحه .. اما عند الباجي اوراقهم نحسه الا واحد ,, اللي هوه حمـدان ,, سكت وماحب يقول حق حد اما الباجين تمو يتحرطمون عبود : خبصتج سم ,, يلا العبي ويا هالراس فطـوم : عثـــل والله خبصتيه ,, يلا العبو .. عـاد الحظ كله ع فـطوم و سـاره .. الا يطوفون دور عبود و سلطان .. و هم قهورين محمد : ويييييييو البنات يقطعونكم ويييييييييو هاهاهاهاهاههههههي .. وجااااااان يخسر وييييييييو .. عبود : والله غش >> وايد سحب حمـدان : هههههههه بقطعك صدقنيه بس ويت عليه شويه .. فطـوم : يلا يلا عنونيه منـاااك يلا محد يحط راسه فـ راسيه !! محمد : عااشت فطـااامي عاشت عنيه افدا خشمج السيف فطـامي ضحكت ضحكه شـر من الخـاطر : هههه تسلمين فديتج ع ام 4 بس لاتخافين ما بخسر .. واحلى ام 4 لعيونك يا سلطان اسحب 8 هاهاهاها .. سلطان : جلبه فطـامي : احم 3 كـاااارت >> كان عندها كله ازرق .. سـاره : 4 كـااارت محمد : 5 كـااارت حمـدان : تو كاارت فطـوم فجت عينها : صدقنيه مابتفوز .. حمـدان و التحدي فـ عينه : بنشوف فطـوم يا دورها جان تحط 5 ازرق > ع حظها كله ازرق : ياربيه حطلي احمر هب اخضر محمد حط اللي يغير اللوان جا يغير و يحط ازرق فطـوم فخاطرها : غبــي .. حبيبي حمود جان خليت احمـر .. محمد : هههه عشان تفوزين سـاره عرفت لعبت فطوم .. و تبا تفوزها حطت كرت اخضر 5 .. جان تحط ازرق 2 فطـوم :1 كااارت ,, بس ادري اني بسحب وايد .. سلطان : اففف مافي ام ربع حمـدان : انا عنديه >> جذاب اصلا عند محمد و سـاره لوول سلطـان : يا الهرم اهيء يلا العب عبود : خخخ شوفو وايد عنديه كروت حمـدان : لعب جان اي ادور ع محمد و محمد لعب و عقب ساره لعبت وغيرت اللون فطـوم : بليييز اصفر .. بس صبرو ترا 1 كرت سـاره : ههههه مابا .. ازرق فطـوم : آآآآآند اوووووووونو ... وييييييييييييييييييييو كلييييتهم هم هم هم ,, وييييييو ,, تمت تترقص وحالتها حاله المهم وعقب حمـدان فاز قطع سلطان و عبود كان متفق ويا محمد و ساره ,, وطبعا هم اللي خسرو ساره فازت عليهم فطـوم انسدحت ع الارض من شافت اشكالهم : ههههههههه بطنيه خخخخخخخخخ حرام عليك عييييييب عييب انففففففف عليكم .. سلطون استح ع ويهك غلبتك فـ الدراجات و اللعبه خخخ يحتاي انته تفوز هع فاشل ويييييييييييو سلطان : ههههه جب ويا هالـراااس فطـوم : انا بسير العب دراجات تعالي ساروه ويايه بركبج ورايه سـاره : اوكيه سيري دوري كمن دوره ووعقب تعالي صوبيه فطـوم : اوكيه ,, شافت حمـدان جان يشوفها << بالغلط لوول .. قفطت فطوم ركضت برع بسرعه طلعت فـطوم و شغلت دراجتها وتريت عليها شويه وعقب تمت ادور فالعزبه و هيه مستـانسه .. فطـوم : هممم اشرد ولا ,, بطلع برع العـزبه .. بس اخاف جسوم يشوفنيه .. جان تسير صوب البوابه ماشافت حد و شرده وبس حمـدان شافها وسـار ركب دراجته و لحقـها ,, وكان متلثم .. حتى فطوم .. المهم تمت تصعب ع العراقيب و ماكانت تدري انه في النزله .. نزله طويله ,, فطـوم فخاطرها : رحت فيها ,, ماقدرت تسيطر ع عمرها وكان حمـدان وراها .. و عقب انجلبت و انجبت الدراجه حمـدان تخبل سيده ترك الدراجه و سار صوبها .. خوز عنها الدراجه وهيه تكح من الخـاطر وصـاحت من الزيغه حمـدان بخوف جان ينزل صوبها : فطوم فيج شي .. شي يعورج ؟ فطـوم اتصيح لوت عليه .. حمـدان : دخيلج غناتيه قوليلي شو يعورج ؟ فطـوم خازت عنه هيه تصيـح : لو ما كنت موجود جان مت ومحد درابي .. حمـدان حط راسها ع صدره بدون مايحس : كنت خايف عليج من جي لحقتج فديتج والله ,, عسا عمرج طويل ..جان يقومها فطـوم مسحت دموعها وعدلت الغتره .. حمـدان : وايد عيبتنج غترتيه ؟ فطـوم : ههههه هيه وايد .. حمـدان فخاطره : اقولها ولا ,, اقولها ولا ,, لا لا بتعصب ,, لا بقولها ماروم : فطـامي ؟ فـطوم : لبيــه حمـدان : لبيتي حايه فطـوم بدون ماتحس : آمر عنيـه افدااااك كــــــــــــــــــــــــت شو تتوقـعون يصيـر فـ البـارت اليـاي ؟؟ و حمـدان شو بيـقول حق فطيــم ؟ ومريوم و عليـا ,, بيسيـرون بوظبي ولا بيصيـر شي ,, وبيـأجلـون السيـره ؟ |
" البـااات 19 " حمـدان فخاطره : اقولها ولا ,, اقولها ولا ,, لا لا بتعصب ,, لا بقولها ماروم : فطـامي ؟ فـطوم : لبيــه حمـدان : لبيتي حايه فطـوم بدون ماتحس : آمر عنيـه افدااااك حمـدان يود قلبه و اونه سوا عمره بيطيح ع ويهه نزل ع ركبته : آآآخ يا قلبيه فطـوم نزلت : شوفيه قلبك ؟ حمـدان : متعذب فطـوم : منو ها اللي معذبنه ,, مايخيل ! حمـدان : لاتسبين ما ارضا !! فطـوم : انزين منو قوليه عشان اضربه حمـدان : ام عيون ذبـاااااحه فطـوم احمرت حمـدان : فطـامي فطـوم : لبيـه حمـدان : فـ ذمتيه اني امس يوم قلت حق حمـده احبج هيه كانت تعرف شو اقصد ,, انا قصدي احبها شرات اختيه لاتفهميني غلط غناتيه ,, انا احبـج ,, اغليـج اغليـج .. فذمتيه احبـج غنـاتيه احبـج موت فطـامي بدلع وهيه مستحيـه : حمـداني اثتحـي عااااد حمـدان : وااااايه فديت دلعج ,, شخبـار اللي فبـطنج ؟ فطـوم قفطت جان تشغل الدراجه وسـارت حمـدان بصوت عالي : تحملي ع عمرج فطـوم عاااد حالها رقيـــص و حمـداان بيطير خلاص .. ياويل حاليه عليهم ,, احلى اثنين الصراحه لوول .. حمـدان لحقها اما عند العزبه كانو الكـل موجود فـ اليلسه برع و هم يحـاتون فطوم و نسو حمـدان و فجـأه ام حمـدان : واغميه ع ولديه وينووه !! عبود : هيه صح حمـدان وين ؟؟ حمـده : اكيـد ويا فطـوم خالد : انتي مالج خص .. و صلو العزبه و حصلت هاايج الهزبه المحترمه من بو حمـدان .. بو حمـدان : انتي وين كنتي ؟ فطـوم : اتحـوووط بو حمـدان : وليش ماتقوليلنا ! فطـوم بدلع وشاقه حلجها : بابااااتيه آثــفه سكتت ,, آثـفه حبيبي بو حمـدان : ياويل حاليه تعالي عداليه فطـوم لوت عليه من الخـاطر جان يقولها : شو سوالج حمـدان ؟ فطـوم : واعليه ماسوالي شي تحوطنا و ينا بو حمـدان صاصرها : ما غازلج ؟ فطـوم : احم ثوالف جان تصاصره ثوالف حبايب ,, اوو قصدي ثوالف همممم اصدقاء بو حمـدان : ههههههههه حركـااااااات ,, يلا فديتج سيري زهبي اغراضج انتي و سارونه ,, انتو !! لاتعذبونا سيرو زهبو الحين محمد : هيهيهي يعرفنا الشيييييبه ,, انزين بنسير لاتهزب !! بو حمـدان : عنتلاتك بعدنيه شباااااب !! ام حمـدان : حمود حرام عليك لاتغلط عليه بو حمـد : ياويل حاليه انا ,, بتخبرج هنوده غازلينيه شويه ام حمـد : هههههههه ,, شبعت يوم كنا شباب بسك عاد نحنا كبرنا ع هالسوالف بو حمـد : لا لا ماكبرنا جان يسير الشيبه و يحبها جدام الكل ام حمـد استحت وفطوم نقعت من الضحك : وي وي وي شوفو ويها هههههههه ياويل حاليه عليكم سلطـان : حليييييييييله الشيبه توله ع ايام قبل عبود : ياربيه مااروم امااااااايه ابا اعرس ام خـالد : خذ فطـوم تفداكـ فطـوم : نعــم ,, ماشي شغـل ترا .. مابيـه جان تسحب ساره و تسير .. بو حمـد : لاا فطوم حق بعض النـاس عبود فخاطره : فطوم تحب حمـدان !! بو حمـدان : هههههههه ترا النـاس هيل وايد مستعيلين سلطـان : حلييييييييييله ههههههه محمد : قووم قوم حمـدان خخخخ خلنا نسير وعقب سارو محمد و حمـدان يزهبون اغراضهم حتى البنـات و بو حمـدان و ام حمـدان ,, وعقب اذن و سـارو كلهم يصلوون .. وعقب الصـلااه سلمـو ع الكـل و فطـوم استوت احسن من حمـده و سلمت عليها و الكـل فرح لانه هيه اللي بدت بالسلام و يوم فطوم سلمت ع عبود و سلطان فطـوم : يلا عيـال عموتي ,, تـامروني بشي ؟ عبود : سلامتج بصوت خفيف فديتج فطـوم استغربت سلطـان : سلامتج فطوم عبود بصوت خفيف : بتحرميني من شوفتج فطـامي ! فطـوم : عبدالله عن هالرمسه !! عبود : صدق والله ,, فطـامي ابا رقمج بس مسجـات فطـوم : منـااك ,, يلا فداعة الله ,, ركبت سيـارة حمـدان .. و جان يتحركون كلهم و الـ AL Body Guard وراهم ,, فـ سيـاره حمـدان فطوم كانت ورا حمـدان و ساره لاصقه فـ فطوم يالسين يحـشون و محطيين اغاني ومحد يسمع شو يقولون فطـوم بصوت واطي : طافج شو استوا يوم طلعت برع العزبه سـاره : شو استوا ؟ فطـوم : لحقنيه حمـدان وانا فوق العرقوب يوم نزلت انجلبت عليه الدراجه سـاره : واعليه و شعنه ماتقولين !! محمد يدري فطـوم : انجبي محد يدري غيري انا و حمـدان وانتي الحين سـاره : شو صار بعدين ؟ فطـوم : ماشي يا سوبر مان و ساعدنيه وانا كنت اصييييح هههه خفت اموت قلتله لو انته هب موجود جان مت سـاره : هههههه ياويل حالج انا فطـوم : وعقب قالي فطـامي قلتله لبيه قالي لبيت حايه بدون ما احس قلتله آمر عنيه افداك سـاره : ياويل حاااااااااالي >> صوت عالي محمد : هااااا شو مستوي بعد ؟ سـاره : هههههه لا لا ماشي ,, كملي فطـوم : هههه انا قفطت جان يود قلبه و طاح قال آآخ يا قلبي قلتله شوفيه قلبك قالي متعذب سـاره : تنفعون فلم رومانسي ههه انزين كملي فطـوم : ههه فديته والله انزين جان اقوله منو ها اللي معذبنه مايخيل قالي لاتسبين ما ارضا جان اقوله انزين قوليه عشان اضربه قالي ام عيـون ذبـاااااحه سـاره وهيه تصفق : وييييييييييييييو ,, شو هالموقف الحلو فطـوم ضربتها ع ريلها : انجبي فضحتينيه ! حمـدان : جنهم يحشون فيني فطـوم : افا يا ولد العم !! ماعاش من حش فيك ,, صوت واطي غربلاتج سـاره : انزين هههههه كملي فطـوم : هههه انزين حمريت جان يقوليه فطـامي قلتله لبيه قالي فـ ذمتيه اني امس يوم قلت حق حمـده احبج هيه كانت تعرف شو اقصد ,, انا قصدي احبها شرات اختيه لاتفهميني غلطغناتيه ,, انا احبـج ,, اغليـج اغليـج .. فذمتيه احبـج غنـاتيه احبـج موت حمـدان سمعها : بـــــل !! كوبي و بيست وايد متأثره يعني فطـوم قفففففففطت : لا لا حمـدااانوه ها فلم خبرتنيه عنه اليوم مريوم محمد : هاااا بو النبـات شو مستوي وراي ؟ سـاره : لا فديت اخويه انا هب بو البنـات مالك خص فيه انزين كملي حمـدان : ياويلي استوا اللي مايستوي ههههههههه فطـوم : ههههه غربلاتك بتخرب اللي بيني و بين اخويه ,, انزين اقولج ازقريت جان اقوله بدلع : حمـداني اثتحـي عااااد سـاره : ياويل حاليييييييه فطـوم : هههه و بس وعقب شردت |
صوب دار الحـي يوم تغدو و خلصـو .. سار بو مريم و الخدم يحطون الاغراض فالسيـاره ,, و يوم خلص بو مريم : يلا يا بنات تأخرنا رشود : بابا وين بنثيير ؟ بو مريم : حبيبي بنسير عند خالو فطـامي رشود : اللللللللله ام مريم : ههه فديت روحك ,, بتلعب ويا عبدالرحمن وعقب نزلو عليا و مريوم و الخدم يشلون شنطتهم و كانوه مطقمين لابسين بنطلون وردي هادي و قميص ابيض وجاكيت لين الصدر قصير هاللبس عند فطـوم .. وجان يركبون السيـاره و مريوم حطت غنيه ( صوب دار الخـل .. ميحـد حمـد ) وكلهم مرتبشين من الخـااااااطر و يبسـون .. وكانت السيـاره هب مخفي وايد ,, مريوم : هلا ياااابس يااابس بو مريم : عاشو البنـات ام مريم : ههههه تخبلن عليـا : ياويل حاليه انا بشووووف فطوووووم وتصـارخ مريوم يودت عليوه و تصـارخ وياها : هيييييييه كشخه وعقب نص ساعه حصلو محـطه وكان بو مريم بيصب بترول مريوم : ماما بنزل صوب المحطه رشود : هييه هييه انا ابا بو مريم: انزين بس لاتتأخرون .. عليـا : ان شاء الله بغيتو شي ؟ ام مريم : بغينا عصير برتقال بارد عليـا : من عنونا ,, يلا مريوم تعالي .. وسـارت مريوم نزلت رشود .. عليوه يودت رشود و يوم دخلو المحـطه محد كان فيها .. و عقب ثـواااني دشو 4 اولاد .. و البنات مخترشـات فـ مانتبهو .. وكانو هب مطلعات شعورهم ,, اصلا هم مايطلـعون .. و ماخلو شي ماخذوووه من كل شي 6 لول .. حقهم وحق ساره و فطوم و حمـدااااان و محمد .. و خذو حق عبدالرحمن و رشود حلاوات وهالسوالف اللي يحبونها اليـهال .. وكـان المكـان هادي ولا مره وحـــده عليوه صوت عـالي : رشوووووووووود اقولك رده ها هب حلـووو !!!! رشود معصب : ماااااااااااااابااااا .. وجان يروح عنهم وصوب الشبـاب ,, ناقعين من الضحك ,, و عليوه قافطه و مريوم تضحك عليها .. (****)1 : ههههه تعال نلعوز الصـغير (****)2 : ههههههه اوكيه يلا ,, و الولدين البـاجين سـارو صـوب مريوم و عليـا ,, و شـافو سلتين اللي عند مريوم فيها جلكسي و حلاواات واااااايد و اللي عند عليـا عصير و كولا و فريزز وايد وايد لوول و سله تشل بايدين و شكلها يضحك .. و البنات كانو ملتهين يالسين ياخذون و الولدين ماشافو ويوهم عدل .. (****)3 : بـــل !! (****)4 : جيه اميه ماتشترون المحـطه بكبرها !! مريوم بصوت واطي : هيهيهي فشله ,, عليـا بصوت واطي : هههه كله منج مريوم و بصوت واطي و شويه معصب : هيه كله منيه انا عليـا : جب جب انزين لاتتحرطمين الحين ,, مريوم و عليـا صدو صوبهم (****)3 ,, (****)4 ,, من شافوهم بغـو يموتون من جمـالهم مريوم : آآه والله كيفـا انته مالك خـص !! عليـا : والله يوم بنـاخذ المحـطه هب من جيبـك من جيب باباتنـا مريوم : هههههه ,, الله يقـطعج .. ومره وحده هدت السله : واااااايه ,, آآآآآآخخخ يعووور ,, ونزلت تحت يودت ريلها : عليوه سيري شوفيه الكلب ها وين عليـا : رشوووووود >> صوت عالي (****)3 : سلامتج الغـلا ,, صوب رشود و الاولاد .. (****)1 : ويا منو ياي ؟ رشود : هممم ماما و بابا و عليوه و مليوم (****)2 : منو هيل ؟ عليـا : رشود غربلاتك تعال هنيه اللاولاد كانو شبـه يالسين جان يرفعون راسهم و شافتها (****)2 :اففففف محلاها عليوه احمرت و عصبت : رشود تعـااال !! جان يصير صوبها وبعدين لحقوها (****)1 .. (****)2 (****)2 : ها بو الشباب خلصت ؟ (****)4 وهوه يشوف مريوم وهيه تتويع : هيه خذ سير حـاسب .. مريوم وهيه تقوم : عليوه خلصتي اكوه ابويه كمن مره متصل ,, عليـا : هيه هيه خصلت ,, جان يسيرون يحـاسبـون ,, عليـا : اويه نسيت آخذ مصااااااص مريوم : بتذبحج فطوم يلا طوفي سيري ييبي .. عليـا سـارت صوب المصـاص وكانو (****)1 و (****)2 هنـاكي نزلت عليـا عشان تاخذ مصاص ,, وخذت 10 لوول (****)2 : ياويل حـاليه ع الدلع انا عليـا : هههه ويا هالـراس ,, وعقب سـارت حطتا المصاص عند مريوم .. وجان مريوم تركض و تيب 4 Pink و 2 BLUE (****)1 : ههههههه اشكلاكن اضحك ,, بتخبركم كل ها فـ حقكم عليـا : ياربيه انته شلك فينا ,, كيفنا !!! يوم حسبو و خلصو طلع الحسـاب كله 95 (****)2 : ماشالله !! ادفعلكم مريوم : لا مايحتـاي ,, طلعت بوكها و عطت الحرمه ال100 و عطتها الباجي و شلت الاجيـاس و سيارت السيـاره (****)4 تم سرحـااااااااااان طول الوكت و يفكـر فـ مريوم و عقب استعيلو بسرعه عشـان يلحقون سيـارة بو مريم بدون محد يحس ,, بو مريم : بل شو ها ,, كم طلع الحسـاب مريوم : آآآه 95 هيهيهيه عادي فرحانين ابووويه لاتخرب علينا بو مريم : اشهد انا لا اله الا الله !! 95 بتمتنوون خافو ربكم عليا : ابويه حق الجيش بعد اللي بـ AD هب بس نحنا ام مريم : ههه خلهم فرحانين ,, مريوم : عليـوووه ميحد بسرعه فيني ربشه غير طبيعيه .. عليـا تمت ادور بين السيديات و حطت غنيه ميحد حمـد وين يا الغايب وكانو منزلين الدرايش و معلين ع الصوت و مريوم ورا امها و عليا و را ابوها و رشود فالنص عليـا : ياويل حاليه ,, هلا هلا عاشت اختيه ,, مريوم : ابويه دخيلـــك اسرع نبا نوصل بسرعــه بو مريم : هههه ان شاء الله .. اما صوب الاولاد الـ كانو بعد سايرين بوظبي بس ظيـعو سيـارة بو مريم صوب راعي الرنــج ... طريج بوظبي ,, حمـدان : اييه مالكم خص فـ حرمتييه >> فطـوم كانت تتعدل .. لانه تبا تسير المحطه بس قالت يوم بخلص من التعديل بسير اقوله ,, كانت راسمه عيونها و حاطه شدو وردي خفيف بس هب وايد ,, وحط قلوز وردي شفاف .. كانت عذاب من الخـااطر .. سـاره : وع عليك وعليها محمد : انا باخذها بدالك حمـدان : هههه اصلا مايستوي فطـوم : اييييييييه بسكم حش فينيه ,, جان تسير صوب السيت اللي ع الدريشه عند حمـدان : حمـدااني ودنا المحطه اكييه بلييز سـاره : هيه هاي المحطه الكبيـره ,, لا لا لللللللف حمـداااااانوه حمـدان لف لفه قويه فطـوم : هههههه غربلاتك ,, بتصب بترول ؟ حمـدان : هيه ,, انزلي انتي وسـاره ,, و خلي جسوم يسير وياكم ,, فطـوم : عنييه افدا هالخشـم ,, تسلم ,, لبست نظارتها Dior ياي تدرجات الوردي وصدق كانت خبـااااااال طالعه وطبعاًً هب مطلعه شعرها و سـاره نفس الشي ,, هب من عوايدهم .. نزلت هيه وسـاره و جسـوم وراهم ,, سـاره : ياويليه احس اهنيه اميره خخخخ AL Body Guard ورانا بعد من قدنا فطـوم : اسمعي كوني خقاقه و الغرور كله فعيونج دام انج هب لابسه نظاره .. ولاتردين ع حد لانه المحطه متروسه شباب سـاره : دااهيه وانتي شو بتسوين ؟ فطـوم : بتعرفين شو بسوي =pP جـان يدشـون المحـطه و من دشـو الاولاد اللي داخل المحطه سيده عيونهم عند فطوم و سـاره حبيت اوضحلكم شي : هيل الاولاد هب الاولاد اللي كانو ويا مريوم و عليـا ,, هييل ثانيين = ) (****)1 : ياويل حاليه انا ,, اندوكم AL Body Guard بعد (****)2 : قوم فوق فوق ,, تعال صوبهم (****)1 : بس شوف هاي اللي هب لابسه نظاره شكلها خقاقه (****)2 : هيه وايد ,, فخاطريه اشوف عيون اللي لابسه نظـاره ,, (****)1 : شوف شوف شلت النظـاره ,, يلا بسرعه صوبها صوب فطـوم و سـاره فطـوم : بتخبرج بسير الصوب الثاني ,, جسوم خلك وياها ,, سـارت صوب المشروبات البـارده و,, جان تعق النظاره ,, الولدين لحقوها .. عاد فطوم ماانتبهت وكانت تغني فـ خاطرها : آآه من قلب غدا حبه جنوني ,, و آآه من خلن على بـالي طرا ,, لي سطا فالروح و اتملك شجوني ,, من صدوده يا ملا دمعي جرا و بدون ماتحس بعمرها غنت صوت ينسمع : فـ المحبه يا عرب لاتعذلوني ,, لانه حبه في فوادي كد سرا ,, وأأه من قلبن غدا حبه جنوني ,, وآآه من خلن على بالي طرا بالي طرا (****)2 : ياويليه انا ع الصوت فطـوم خافت و قفطت سوتتله طاف ,, تمت تاخذ فريز و كولا و من هالسوالف ريد بول حق حمـدان ومحمد ,, (****)2 : عطينا ويه فديتج فطـوم طـاف ,, جان تسير صوب عليـا ,, وتشوفها وهيه تشتري جبس و حلاوه فطـوم : يلا فديتج خلصتي ؟ سـاره : لا عنونيه بعدنا ,, جسوم يود السله تكسرت ايديه خلها هناكي نحنا الحين ياين ,, سار جاسم و حط السله وين اللي يحاسبون (****)1 : فديت عيونج والله سـاره : يلا منـاك مانرمس نحنا لوث ,, وجان تروح عنهم ,, و سـارتحاسب هيه و مريوم ,, طبعا ماخلو شي ماخذوه كل شي دبل ما كانو يدرون انه حد بيي بس جي خدو وايد و عقب يوم ظهـرو |
| الساعة الآن 08:04 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir