منتدى استراحات زايد - قصة خيالية أحبّـِـڪ ڪثِر مآ هلّـت ‘ عينيـے منْ غلآڪ دمـۈعْ . { آلڪآتبـﮧ: ظَۈۈآمَـے }

وام حمدآن حبت التفآئل والصبر والشاجعه الي متحليه فيها نورهعبدالله انطوي علي نفسه عكسس الي المفروض يصير !! نآدر مايرمسس نآدرر مايقابل حد دومه يالس روحه .. لا كلام حمدآن فاد فيه ولا كلام راشد فاد فيه !!وحآولو كم مره يطلعونه من هاي الحاله راشد وحمدآن بس ماشي فايده .. ورفض حتي المبيت عدهم ورجع بيت ابووه وامه الي عاشه من سنين والي كبر فيييه ورقد فحجره امه وابوه عقب مافجرررر انهااار من الدمووع .. وفهاي الفتره نور كآنت عايششه طفوله ولا ارووع بسس بعض الاحيان تراودهآ بعض عن الاساله اميه وين بابا متي بيرررد! ليش سافرو وماخبروني !! واساله الي ماتخلصص بس نوره كآنت تتحاششا الطاريي هذا بكبره , بسس بعض الاحيان تخونهآ دموعها وتبدا تنزل امام هاي الطفله بس سلامه كانت تمشي الوضع مرات وشهد مرات وام حمدآن مرات وحمدآن مرات والكل يتناوب الدوور ..

في صباح اليوم الثاني , .. اخر يوم من العزآ
سلامه : نوووره
نوره : هلا حبيبتي
سلامه بحزن : نوره
نوره : شوفيج سلامه
سلامه : مآعرف نوره بس احسج مب حزينه علي موت امج وابوج
*نوره حست بغصه هني ونشت عنها من دون حتي ماترد عليها وكتفت ببتسامه ونزلت تحت عند الحريم ويا مرت عمهآ { أم حمدآن }
نوره : السلام عليكم < ويلست تسلم علي الحريم
ام حمدآن : تعالي اميه يلسي حذالي
نوره : ان شاء الله
ام حمدان بدت تصيح من يلست نوره حذالها
نوره بحزن : ليش الصياح الحينه ..
ام حمدآن : لان الي راحت غاليه
نوره : والي راحت اميه والي راح ابويه بس الله ماياخذ شي اله وعطآك شي احسن عنه .. < كآن من كلام احمد اتذكرته وابتسمت ابتسامه صفرآ بس مجرد هاي الابتسامه خلت الي حولهآ يلتفت عليهآآ ويذكر ربه { لان نوره فوق كل هآ كوبي بست من ابوهآ ويوم كآنت صغيره كانت نسخه مصغره من امهآآ , هاذي كانت نوره مختلط فيهاا كل من صفات امها ومن صفات ابوهآ كانت بمعني الكلمه نوره , ..
نوره : لا تضايقين عمرج وتصيحين عمو ترا الي راحو صدق غالين بس راحو فمكآن احسن عن ها المكان بس .. صح مابنقدر انشوفهم ولا نسمع صوتهم وبنتوله عليهم بس فوق كل ها سارو عند ربهم ها المكان الي كلنا بنسيرله عقب بعد عمرا طويل انتي لاتتضايقين ماما الله يرحمها دوم اتقوليي نوره لاتزعليين علي الي راح ازعلي علي الي بيستوي عقب تعرفين ليش عمو عشان الي راح عمره مابيعود فيوم من الايام بس الي ياييي بنكون نحن صانعينه .. فعمو ادعيلهم برحمه والمغفره ..
ام حمدآن ودموعها اطييح نهرر من عيونها : ونعم التربيييه ربتج عليها مريم الله يرحمها
نوره تبتسم ..
فميلس الريايل , ..
بوحمدآن بحزم : حمدآآن
حمدآن قام : عونك ابويه
بوحمدآن "يآشر بيده حق حمدآن عشان يقرب صوبه , وسار له
بوحمدآن يدور بعيونه : ماشوف عبدالله وينه !
حمدآن : مآعرف اظن راقد
بوحمدآن : وكيف الحينه هو ؟
حمدآن : ماعرف ابويه امس فليل ماكان حاله يسر سرت وياه جدآ البحر تم هنآك ومابغا يروح تميت وياه لين الفجر وعقب سرنا انصلي ورديته البيت قلت له بات عندي قالي لا بس دير بالك علي نوره ونور !
بوحمدآن : سير له البيت وقوله عمك يباك وماترد اهنيي اله هو وياك ..
حمدآن : ان شاء الله ابويييه ..
*ظهر حمدان من ميلس الريايل وتوجه لبيت عمه معضد . < بيت بوعبدالله .. وحدر علي عبدالله ولقاه يالسس فالصاله ومنزل راسه وحآط ايده علي راسه
حمدآن دخل ويلس عداله علي طول ..
عبدالله بضيج : لاتبدآ
حمدآن بصرار : لين متي !! يعني !
عبدالله : خلاص عآد
حمدآن : لا بس عن يكون تتحراني بخليك جي ! علي راحتك
عبدالله : حمدآن بسس
حمدآن : شو الي بس !! اختك اختك اليييي اصغر عنك !! تتحمل المسؤوليه احسن عنك ! وقآيمه فيهم كلهم وانته اهني تصيح وتنوح شرا الحريم
عبدالله رفع راسه : ..
حمدآن : هيه لاتم تطالعني جي !! قلنا فالبدايه مابنزيدك الي فيك يكفيك بس لين متي بنتم انشوفك وانته حضرتك حتي صلاه فالمسيد تتعذر وتصلي صلاتك فالبيت شو صابك شو الي استوالك عبدالله نحن خوان قبل مانكون عيال عم انا هني وياك وراشد وكل حد وياك انته مب روحك !
عبدآلله ماعنده رد ...
حمدآن : ارمسس لا اكفففخك الحيين !!! , جنيي ارمسس روحي شرا الخبله عبود قسم بالله بسدحك
عبدالله : ابتسم
حمدآن : بآآآآسسسسسسس !!!! ها الي قدرت عليه مالت عليك وانا صارلي ساعه ارمس
عبدالله حط ايده فيد ولد عمه ..
حمدآن يبتسم : يعني افهم من هاي الحركه انك بتتغير !
عبدالله : بذن الله
حمدآن وقف وتم عبدالله يطآلعه ! < مسكين مب مستوعب !!
حمدآن : مطول يعني !
عبدالله بستغراب : ! ليش ؟
حمدآن : مابتتغير !!!!! شو !!
عبدالله : هههه كيف انزين
حمدآن : اول شي خلنا انسير عند ابويه لانه يباكك وتأخرنا عليه وايد ترا
عبدالله : وعقب !
حمدآن : من نخلص من هاييي الخطوه بنبدآآ بالخطوه الثانيه بس انته خلك قوي
عبدالله : ان شاء الله
*وظهر عبدالله ! من البيت ويا حمدآن وتوجهو لبيت بوحمدآن , ..
وفمكآن ثانيييي , ..
سلآمه بحزن : نورو
نوره : عيوني
سلامه : تسلم عيونج نوآري متي بدآومين
نوره : علي الاقل مب هاي الفتره !
سلامه : اممم انزيين
نوره : شو بعد اسالي
سلامه : لا ماشي بس سالم كآن يحاتيج
نوره بستغرآب : ليش يحاتي !!
سلامه : اممم ماشي بس كآن يسال وجي
نوره تبتسم : وفيه الخير والله ,
سلامه : اممم
نوره تيود الموسسده : قولي شي ثاني وبجتلج بالمووسده
سلامه زاغت : انزين خلاص بسكت بسكت
نوره : يكون احسن لاني صدعت منج
سلامه : ول انزين بنزل تحت عند اميييه
نوره : برايج
سلامه !! : وانتي مابتين َ شو
نوره : لا مابا ابا ايلس شوي روحي
سلامه : لا مب نازله روحي تعالي دخيلج
نوره مابغت تكسر بخآطرها : اوكي
*نزلوو ثنيناتهن تحت
نوره وسلامه : السلام عليكم
الكل : وعليكم السلام والرحمه < وبدوو يسلمون علي الحرييييم
وكآنت حرمه يالسه عدال حرمه يرانهم وكآنت فعمر 29 تقريبا وكآنت صغيره وايه من الجمآآل ويبين عليها ملامح من الحزن اول مانزلت نوره وسلامه حست الحرمه شبه بين المرحوم والبنيه فسالتها ..
.... : أنتي بنت معضد
نوره : هي نعم انا بنته آمريني
.... : بغيتج بسالفه ع افنرآد
*شهد و ام حمدآن من اول ماوصلت وهم مب مرتاحين لها نشت نوره و الحرمه وسارو الغرفه الثانيه
نوره : تفضليي كيف بغيتيني اخدمج
.... : مآشي والله بس بغيت اسال عنج
نوره : ليش بغيتي مني حايه
..... : لا مب يايه طآلبه حايه يايه ابلغج بشي
نوره بحزم : تفضليي
.... : عرفتيني منو انا !
نوره بستخفاف : اول مره اشوفج كيف بعرفج !
........ : اممممم انزين
نوره بخوف : لو عندج شي قولييه !!!
.............. : انزين بقولج بقولج بس مابا حد يعرف بها الشي ممكن !!
نوره وقلبها يدق بسرعه : ان شاء الله !!
........ : انا فآطمه
نوره : عاشت الاسامي
فاطمه : عاشت ايامج , امممم
نوره شوي وبتنش بتزغدهآ لانها ملت من كثر ماتتريآ : ..
فاطمه : استوي مرت ابوج ..
نوره فصصصصدمه !!!!! تآآآآمه !!!
فاطمه بستهزآء : بلاج جي تطآلعيني !
نوره : ....... !!! |> ونشت من مكآنها وسارت تيلس فالصاله ماكلمت حد ولا حتي ردت علي حد وفآطمه قبضت الباب من عقب حديقها ويا نوره
والكل عيونه علي نوره خاصا ام حمدآن وشهد يتريونها ترمس !! متحرقصين يبون يعرفون شسالفه
سلامه تصد علي نوره : غناتي شوفيج
نوره تحرك ايدها " بانهآآ ماتروم ترمس..
سلامه فهمت عليهااا وسسكتت عنهآ ..
فبقعه ثانييييه :
حمدآن ؛ عبدالله : السلام عليكم
الكل : عليكم السلام
بوحمدآن : عبدالله تعال ..
عبدالله سار ويلس علي الارض وجآبل ويهه بوحمدآن : آمرني عمي
بوحمدآن مايامر عليك لا عدو ولا ظآلم
عبدالله : ولا عليك عمي
بوحمدآن بحنآن : اعرف ان هآ كله مب وقته بس خل كل شي يرد شرا مآككان
عبدالله : مافهمت عليك عمي
بوحمدآن : ابوييه ابا البنات يتمن عندييي وانته اباك ع الاسبوع الياي ترد لندن
عبدالله منصدم : بهاي السرعه !!
بوحمدآن : هييه ماباك تقصر فدراستك سير تخرج ورد
عبدالله : كيف اخلي خواتي واسير عنهم !!!
بوحمدآن : ونحن وين سرنا
عبدالله : اعرف عمي بس خواتي محتاجيليي انا
بوحمدآن : ليكون بس تتحرا انك بتودر دراستك وبتيلس هني !!
عبدالله : وها الي افكر فيه
بوحمدآن : راجع افكارك لاني مستحيل اخليك تهدم شي انته وابوك بانينه وها حلمك وحلم ابوك وفكر بغيرك قبل ماتفكر بس بنفسك
عبدالله بحزم : وانا يوم فكرت اني اتم هني كنت افكر فخوآتي مب بنفسي
بوحمدآن بحنآن : وانا يوم قلت لك سير كمل كنت افكر فيك كولدي الي ما ارضي مستقبله يضيع لو تحت ضرف من الضروف
عبدالله هني نزلت دمعه من عينه : ...
بوحمدآن : انته وحمدآن و سالم خوآن ونور و نوره وسلامه كلكم عيآلييي انته بتسير بتكمل دراسه وبترفع الراس بنسبه و الشهاده الي تفرح صح عبدالله
عبدالله يصيح ودموعه تحرقق عيوونه من كثرر ماهو متأثر بكلام عمه
بوحمدآن : يعني اعتبر السالفه خلاص صح
عبدالله : صح ..
بوحمدآن : يالله عيل قوم تعال ايلس حذالي ., &قام عبدالله و يلس حذال عمه وتمو شوي يسولفون عن طيب وافعال بو عبدالله وتمو يتمدحون فيه .. والكل يذكر طيب اخلاقه وطيب معدنه
, بتوقف هنييي , فهآ البارت القصير هههههه ربع بارت بسميه , ..
لان الصراحه تعبت بس اوعدكم بارت اطول عن هآ ..
السموحه منكم ..
توقعآتكم !!
فاطمه ! شو موقعها من الاعراب ! هل هي فعلا حرمه معضد الثانيه !! وله ؟
نوره هل بتتعدا هاي الصدمه
عبدالله بيتم عند قراره
شو بيصير فسالم واحمد ؟
هل في شخصيات يديده فالقصصه بتكون فالبارت الياي ؟