تسلمين اختي

يتبع


ام جاسم : شو قلتي يا بنتى على رحتج مابغصبج
ساروه: اميه سلطان ماينعاب وو انا موافقه !!


.

مريم: صدق الي سمعته
ساروه[ ياربي قلبي يعورني ] : شوه
مريم: وافقتى على سلطون
ساروه: اممم هيه
مريم: كيف وانتى تحبين منصور
ساروه: والله انى احب منصور
مريم: لو تحبينه ماكنتى بتسوين جيه صدق انانيه
ساروه: غصبن عني منصور مايستاهل وحده شراتي يستهل اكثر من جيه
مريم: ساروه انتى شو تقولين منصور يحبج
ساروه: ادري بس
مريم: حرام تصدقين انتى وحده ماتقدر الي يحبها
ساروه: والله مب بيدي
مريم: لو تحبينه جان سويتي الي يباه لانه هوه يحبج
ساروه: بس المستوى
مريم: وشووو يخص المستوى ساروه ها حب مايعرف جيه
ساروه: انتى سمعتي امه شو اقالت هاكي اليوم
مريم: شوه
ساروه: قالت بتخطب لمنصور من العايله
مريم: بش هوه يباج مايبا من العايله
ساروه: اعرف
مريم: تعرفين لو منصور عرف
ساروه[ دموعي نزلن ] : ادري ادري والله احبه والله
مريم: لو تحبينه ماسويتي جيه
ساروه: احس اني مب المراءه المناسبه له
مريم: شو تقولين هوه يحبج ليش تفكرين جيه
ساروه: ماعرف واللله
مريم: كيفج بس انتى غبيه لو خسرتيه

ساروه[ حسيت كلام مريم طعن قلبي انا احب منصور وايد احبه مب شوي اسوي اي شي عشانه بس المستوى اهله مابيتقبلوني اعرف هالشي مايريدوني اااااااااه شو اسوي الحين اقول حق اميه ارد سلطان ولا لا ]

.

.

مريم[ انا براويج يا ساروه لازم منصور يعرف عيل تخلينه جيه تتحرين الحب سهل اي شي عندج انا بادبج ]
عنود: هلا والله
مريم: اهلين شحالج
عنود: بخييييييييير وانتى شحالج
مريم: تمام والله
عنود: وين ساروه القاطعه
مريم[ الحين ] : ماسمعتي
عنود: شووه
مريم: ساروه انخطبت
عنود: واللللللله ولش ماتخبرني الحيوانه
مريم: تستحي اونها
عنود: منو خطبها هه
مريم: سطلووون ولد خالى
عنود:اها الله يهنيهم
مريم: هيه
عنود: ووافقت
مريم: هيه
عنود: الله يهنيهم
مريم: هيه والله الحين عيل بخليج بس حبيت اسلم عليجج
عنود: اوكي وقولي لساروه انا زعلانه منها
مريم: هه يوصل يالله باي
عنود: باي

عنود[ يحليلها ساروه انخطبت حليلها والله تستاهل كل خير والله اه خليني اسحي شعري وبنزل تحت ]

.

.
منصور: حيالله الوالده
ام منصور: الله يحيك
منصور: شحالج الغاليه
ام منصور: بخيير
منصور [ امم اقوللها الحين ولا لا خلني اقول ] : امايه
ام منصور : هلا فديتك
عنود: هاااي
منصور[ يت والله يابها بتساعدني ]: هلا عنود قعدي
عنود: ليش شو السالفه
منصور: اممم اميه انا بخطب
ام منصور: والله هاي الساعه المباركه
عنود: شفيهم كل حد انخطب وجيه
ام منصور: جيه منو انخطب
عنود: ساروه ربيعتي انخطبت
منصور[ شووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووه انخطبت !! كيف ومتى وليش ماتقولي وليش انخطبت هاي مينونه لا لا ماعتقد ساروه توافق انا واثق فيها مابتوافق عليه هيه تحبني اذا ماتحبني جان ماتمت وياي اكيد بترده كيف انخطبت حسيت كل جسمي يرتجف حسيت قلبي يتقطع]
ام منصور: والله ووافقت
عنود: هيه وافقت
منصور[ صدعت حسيت راسي بينفجر صدق الكلام الي اسمعه ولا لا ماظن صدق لا ماظن صدق ساروه ماتسوي جيه حبيبتي ماتسوي جيه انا اعرفها ماتسوي هيه غاليه تحبني اعرفها تحبني وايد مابتسوي جيه هيه تحبني مابتسوي جيه قمت من مكاني حسيت عمري مخنوق مخنوووووق حسيت روحي بتطلع قفلت باب الغرفه بطلت عقم كندورتي و طحت عالشبريه ساره مابتسوي جييه انا اعرفها مابتسوي يارب الي سمعته جذب بدقلها ]

.

ساروه[ ياربي منصور يتصل ااااااااااااااه ياربي ماريد اسمع صوته يعذبني ]
ساروه: الو
منصور [ صوت تعبان ]الو
ساروه:منصور بلاك
منصور: انتى الي بلاج صح الي سمعته ولا لا
ساروه[ ياربي لا يكون عرف ]: عن شوه
منصور: حد خطبج
ساروه[ لااا عرف ]: اممم هيه
منصور: ووافقتي
ساروه:..
منصور يصارخ: وافقتي ولا لا
ساروه: هيه
منصور صاررخ: شووووووووه وانا
ساروه: منصو ابا افهمك السالفه
منصور يصارخ : شووووووو تفهميني شو تفهميني يعني هالكثر تبيعني هالكثر
ساروه: منصور انزين اسمعني
منصور : شو تقوليلي ليش وافقتي عليه ساروه تعرفين انى احبج وين الي تقول تبا تعرس بعد الدراسه هه قولي انج تبينه ليش ماقلتيلي من قبل ليش ماقلتيلي من قبل انج تبيييييييييييييييييييييييينه خليتني احبج و اتوهم انج تحبيني والله توهمت انج تبيني وخاصه امس حسيت انى فرحان ليش تحبين تعذبيني ليش بعتيني بهالسهوله بعتي حبي بهالسواله انتى خاينه والله خاينه
سااروه: منصور انا مب خاينه
منصور: والى يسوي جييييه مب خاااااااااااااااين انتى ليش سويتي جيه صدق اني صدقتج وعبالي انج انسانه مالها وجود
ساروه: منصور انا جيه بس اسمع منصور انا اباك صدقني
منصور: ههههههههههههه خريط (يصارخ) انتى كلله تخرطييييييييييييين على انتى انسانه ماعندج قلب لو عندج جان ماسويتي جيه
ساروه: حرام عليك
منصور: انتى ليش ماتحسين ليش ماتعرفين انى اباااااااااااج ليش
ساروه: منصور تعرف انه نحن مايوز ناخذ بعض
منصور: لييييييييييييييييييييش ليش مايوز
ساروه: لانه اهلك و
منصور: انتى ليش جيه تفكيرج انا احبببببببببببببببببببببج تفهمين شو يعني تعرفين شو معناها تعرفين ولا لا
ساروه: منصو والله اعرف
منصور: صدقتج من كل قلبي انج تحبيني صدقت الانسانه الوحيده الي احبها تحبني بس غدرتي على تمثلين على اكييييييييد تحبينه هاكي و يمكن ترمسينه بعد وتلعبين على
ساروه: منصور انا مارمسه ها ولد خالتى وبعدين انا اح..
منصور: لا تنطقينها لا توهميني بجذبج يالخاينه
ساروه: انا خاينه منصور انا وافقت عليه لانه
منصور: لانج تحبينه ساره خلاص خليني خليني ولا توهميني انج تحبييني تعبت والله حرام عليج
ساروه: ..
منصور: فكري فيوم من الايام انه كان شي واحد منصور يحبج و خنتيه والله يوفقج معاه مع السلامه

ساروه [ يالله انا انسااااااااااانه ****ه انا ماحس انا انسانه مب زينه انا ليش جيه سويت مافكرت الا بعمري الحين منصور يكرهني انا ليش سويت جيه كانن دموعي ينزلن و صوتي طلع حسيت انفاسى بسرعه و ماقدر اتنفس من كثر ماصيح انا عذبت منصور انا ماستاهل كل هالحب انا شو سويت ضيعت اعز شخص من ايدي من شوه من سخافتي اااااااااااااااااه ماتخيل حياتي من دونه والله احبه بس مايعرف مايعرف اني احبه يتحراني اقص عليه ليش جيه انا سويت انا لازم اثبت لمنصور اني احبه رحت ركض لاميه الغرفه جفتها قاعده ]

ساروه: اميه
ام جاسم: هلا فديتج بلاه ويهج جيه محمر فديتج
ساروه: اميه اممم رديتي على قوم سلطان
ام جاسم: لا فديتج شو صاير
ساروه: صليت استخاره و
ام جاسم: و شوه
ساروه[ عشانك والله منصور ] : و مارتحت
ام جاسم: خلاص فديتج المهم ر احتج لا تصيحين
ساروه: اميه والله انا
ام جاسم: المهم راحتج فديتج
ساروه: تسلمين يا احلى ام فالدنيا

.

.
مريم: ساروه شو تسوين
ساروه: امم ماشي
مريم: انزين نسيت اقولج عنود قالتلج مبروك
ساروه: على شوه
مريم: على الخطبه
ساروه: بس ماوفقت
مريم: كيف
ساروه: رديت قلت لميه ماوفقت
مريم[ ياربي انا شو سويت ] : امم اها
ساروه:ا نتى خبرتي عنود صح
مريم: امم هيه
ساروه: ليش
مريم: عشان غهرتيني الريال يحبج
ساروه[ نزلت دمعه من عيني ] مريوم خلاص هوه مايباني
مريم: شوووه
ساروه [ انترست عيوني دموع وطحت عحضن مريوم] مايباني خلاص قال مايريدني تخيلي قالي خاينه انا احبه والله احبه والله]

.

.

منصور [ ااااااف شو هالحالهماتوقعت هالشي منها االانسانه الوحيده الي ماتوقعتها تسوي كل ها ليش تخوني ليييش بطرشلها مسج تتحراني مستانس يعني الحين اكيد ولا همها ]


مريم: خلاص حبيبتي كله منى
ساروه: لا كله منى انا انسانه ****ه
مريم: لا ساروه
ساروه: انا ماخنته انا احبه ماحب سلطان
مريم: اعرف فديتج
ساروه: ابا اموت
مريم: ساروه صدق انج غبيه شو تقولين بي يوم وبيفهم
ساروه: ابا اقوله انى ماخذته
مريم: دقيله
ساروه: اخافه مايرد
مريم: بيرد

.

,

ساروه [ قلبي كان يدق ودموعي تنزل كنت ابا اقوله ] الو
منصور : شو تبين
ساروه: منصور انا
منصور: لو سمحتي لا تقولين اسمي مابا وحده خاينه تقوله
ساروه: انا ماخنتك
منصور: امبين وايد بقولج شي
ساروه: شو
منصور: انسيني خلاص بس حطي فبالج مستحيل انساج وانسى غدرج
ساروه: منصور انا .
منصور: قتلج لا تنطقين اسمي انتى الانسانه الوحيده الي ماتوقعتها تسوي جيه انتى يا ساره انتى !! ليش انتى كنتى اعز شخص عندي انتى كنتى شي فحياتي انتى انسانه ماتوقعت هالشي منج
ساروه: منصور انا خلاص رديته ماباه
منصور: هههههه تقوليلي جيه اعرف انج تبينه تتحرين بعد الي سويتيه بردلج ساروه انا عندي كرامه الي مايباك لا تباه
ساروه: يعني انت ماتباني
منصور: انتى بعتيني والي يبيعني ابيعه بفلس
ساروه: منصور حرام عليك منصور انا احبك يا منصووور والله احبك
منصور: انتى ماتحبيني لو تحبيني جان سويتي المستحيل جان ماوفقتي عليه جان قلتيلي اخطبج بسرعه ماتريتي بس انتى تقصين على
ساروه: منصور وغلاتي ماقص عليك وغلاتي اني احبك منصور اموت فيك احبك
منصور: قصي على لو تحبيني جان ارخصتي بعمرج لي بس للاسف ماظن في يوم قدرتي حبي لج
ساروه:[ حسيت كلامه مثل السيوف تجرح قلبي حسيت انى خلاص ماريد الحياه حبيبي يظلمني والله يظلمني ] منصور انت ظالمنى والله ظالمنى انت خلني اقولك ليش انا وافقت عليه
منصور: يالله اسمعج قولي يالله قولي قصي على انزين بسمعج غنيه اهداء لج غنيه اخر قراري
ساروه: منصور حرام عليك والله انت
منصور: انتى فدرب وانا فدرب باي

ساروه[ انا فدرب وهوه فدرب ليش يا منصور ليش مابقولكم كيف حالتى دوخت وطحت عالشبريه وماحسيت فالدنيا ]

.

.

حمدان: منصوووور وينك انت
منصو{: خير شو تبا
حمدان: بسم الله بلاك
منصور: انجلع لاهفك فيويهك مب فايق الحين
حمدان : ههه مب لازم
منصور: حمدااااااااااااااااان اذلف من ويهي
حمدان: بسم الله انزين
حمدان[ اف الحين انا مضايج ابا اقوله وهوه روحه مضايج اااف شو هالعيشه بطلع وبفك عمري ]

.

الصبح اليوم الثاني

مريم: ساروه قومي
ساروه: همم
مريم: قومي بسج
ساروه: ها شو تبين
مريم: قومي بسج رقاد
ساروه: خليني ارقد اف اكره الحياه
مريم: بسج عن الاستهبال عليوه تباج تروحين وياها الجمعيه
ساروه: وليش بعد
مريم: مارعف بتعزم ربعها و خذيلها اغراض
ساروه: اااف انزين

.

ساروه[ لبست وانا مصدعه عالاخير خلاص مب متحمله شي تميت افكر بمنصور الي خلاني تميت اتذكر يوم يقولي مابخليج اه يا منصور لو تعرف جان ماسويت كل ها لو تعرف شو فخاطري انا صدق انسانه ****ه وبس ماحسيت فيك والله اسفه بس شو ينفع الحين ]

ساروه[ طلعت وماعرف شو لابسه اصلن من كثر التفكير راسي يعورني موت]
عليا: يالله بنسير
ساروه: يالله
عليا: خذتي فلوس
ساروه: هيه عندي
عليا: قومي عيل


ساروه[ تميت اسوق وراسي يعورني خلاص بمووت يعورني كنت اتخيل صورت منصور اخر مره شفته ويقولي احبج وولهان عليج خلاص كل شي راح كل شي راح امم لازم ارده لازم اثبتله انى احبه لازم اااه احبك يا منصوور اااه رااااسي ]

عليا : بلاج
ساروه: راسي يعورني
عليا : بسم الله بلاج
ساروه: اي عليوه بوقف السياره ماقدر استحمل اااااااااااااااااااااااااااااااااااي راسي
عليا : شو فيج
ساروه: يالله انزلي وهاتيلي بندول اوكي
عليا : اوكي

ساروه [ تميت فالسياره اااه والله احبك يا منصور ليش تعذبني هالكثر اااي راسي امم بطرشله مسج ااااااي راسي [ بيب بيب ] اف منو ها اوه صح نسيت السياره افمافي باكينك طلعن من المنطقه عسب ارد نفس المكان بس بدون ماحس طاح راسي عالسكان و ظلمت فعيوني الدنيا ]


منصور [ الي سويته صح ولا غلط اخاف انى ظلمتها يمكن ظلمتها بس هيه ليش تسوي جيه تعرف انى احبها اتذكرت يوم قالتى احبك حسيته من خاطرها بس هيه ليش وافقت هيه باعتني ] طيط طيط [ مسج واصل من ساره والمسج هوه [ احبكـ ..] اممم ادقلها ولا لا امم بدقلها بسمع شو بتقول اخاف ظلمنها ماعرف والله لا لا اكيد لا بدقلها ]

منصور : اف بلاها ماترد ااااااااف ياربي بلاها

صوب عليا

عليا : [ اف وينها هاي مايت خلني اترياها لين ماتي اااف يهالبلاوه ]

[صوب منصوور يالس يدق ويدق لين مارد التلفون]

منصور: الوو
.......: الووه
منصور: منو
.....: انت تعرف صاحبه هالتلفون
منصور: هيه منو انت
....: والله اخويه صاحبة هالتلفون سوت حادث والحين يايه الاسعاف تاخذها
منصور [ حااااااااااااااااااااااااااااااااااااااااااااااااا دث شووووووووووووووه ] شوووه حادث وين قولي
....: صوبب ...
منصور: الحين ياي

منصور[ مستحيل ساره حبيبتي سوت حادث لا لا انشالله تكون بخير ااه كله منى ياللعن اصلي والله لو صارلها شي لذبح عمري انا شو سويت انا شو سويت خبروني حسيت قلبي بينفجر وعيوني انترسن دموع اااه اخافها تروح منى كله منى انا كله منى والله ان كنت ظالمنها واستوابها شي مابسامح عمري عرقت بسرعه وقلبي بينفجر وصلت المكان بس الي صدمني وياليت ماشفت المنظر ياليت ياليت كنت اعمى ياليت مانولدت ياليت وياليت بس شو يفيد شفت سياره ساره رايحه فيها حسيت قلبي طاح من مكانه حسيت انى مخنوق ماقدر اتنفس ركضت بسرعه وشفت ناس متيمعه وسمعت صوت الاسعاف ونازلين منها ناس ربعت ]
منصور : قوموا قوموا
... : منو انت
منصور: انا ريلها قوموا
منصور[ ليتني ماشفتها ياناس تتخيلون الي تحبونه تشوفونه جيه تتخيلون ولا لا تشوفون الى تحبونه مغطاي بالدم كان ويها مب مبين ولا شي وجسمها كله دم كانت لابسه ابيض جلابيه و تحولت لونها احمر من الدم بسرعه رحت ومسكتها ]
منصور: ساره حبيبتي انا اسف والله اسف لا تروحين عني دخيلج لا تخليني بهالدنيا لا تخليني روحي والله احبج وغلات راسي لا تخليني بذبح عمري كيف الحياه من دونها تميت امشي و[الدنيا لافه من حولى ماقدرت افكر ماقدر استوعب ماقدرت اميز ماقدرت امشي احس قلبي انتهى شفتها]
منصور[ ركبت الاسعاف وياهم وشفتهم حاطين الاوكسجين عليها كانت حيه تميت اشوف دقات قلبها واقول ليته صار فيني ولا فيج حسيتها بتروح عني ماباه تروح عني ماباا والله ماباا افهموا حياتي كيف اخليها ساره اغلى شي امتلكته اغلى شي وهديته هيه اختى امي ابوي كل شي عطتني حنان امي الي ماعطتني اياه وتروح لا وصلنا المستشفى وانا اركض وراهم بجنون تلين مادخلوا الغرفه كنت ابا ادخل بس الدكتور قالي اقعد تميت اتريا وقلبي بينفجر اتخيل شكلها كنت منصدم ارتجف فكبري حسيت استلبسني يني من كثر مارتجف قلبي كان شويه وبيطلع منى من كثر مايدق عيوني اه يا عيوني انجرحت من كثر ماتبجي حسيت انى طفل بس ماريد افقد لعبتي تميت افكر وطحت بدون ماحس ورقدت ]

.

علينا: اميه ماعرف وينها
ام جاسم: واحسرتي على بنتى
ابو جاسم: ماعليج بترد انشالله يمكن صار شي
عليا: وتخليني روحي فالمشمس
جاسم: ابويه ماترد
ام جاسم: واي بنتى حاسه صاير فها شي
مريم[ عسى مايكون فيها شي يالله شو اسوي الحين ياربي امممم خليني ادق لبيت قوم عنود يمكن منصور يرد ويعرف وين هيه ولا شي لانها ماترد على ]
مريم: طوطوطوطوط
مريم[ يالله رد ]

..

حمدان[ ااه انا ليش افكر فيها هالكثر مريت حذال الصاله وسمعت التلفون يرن اممم خلني ارد يمكن حد استهبل عليه وابطل الضيجه من صدري ]
حمدان: الو
مريم[ اف مب فايجه] : الو
حمدان: مينوووو
مريم: حمدان وين منصور
حمدان: استحي على ويهج داقه بيتنا وتبين منصور والله بنات اخر زمن
مريم: اوووه مب متفيجه الحيت
حمدان[ سامعنه هالصوت فمكان لايكون هيه ] : مريييييييييوم
مريم: مريوم اصغر عيالك
حمدان[ حسيت قلبي ارتاح من سمعت صوتها حست قلبي يدق بسرعه ] : هههه هيه شحالج
مريم: بخير وين منصور
حمدان: وماتسالين عن حالى
مريم: شحالك
حمدان: اممممم تقدرين تقولين بخير امم شو تبين فمنصور
مريم: ساروه محد مانعرف وين راحت يمكن منصور يعرف وينها
حمدان:حتى منصور محد
مريمك ياربي لايكون صاير شي
حمدان: ليش
مريم: منصور وساروه مفترقين امس ومضاربين ضرابه عوده
حمدان: كيف يعني
مريم: ماعرف بس يارب ماصارلهم شي
حمدان: بدق لمنصور وبشوووف ها رقمج
مريم: هيه
حمدان: عنقاااش ههه
مريم: اوهوه
حمدان:اووكي خلاص سوري ويت اوكي عالخط بدق بالموبايل
مريم: اوكي


..

منصور[ فتحت عيوني شوي شوي واشوف وين انا اتذكرت كل شي صار قمت سمعت تلفوني يرن و شفت دم كله فايد كندوتي ها دم الغاليه دم روحي دم قلبي اااااااااااااه راسي شليت الموبايل شفت حمدان داق ]
حمدان: الو
منصور[ بتعب] الو
حمدان: وين انت
منصور: ااه حمدان
حمدان: شو فيك
منصور[ حسيت انى ضعيف ماقدرت اتحمل صوتي اختنق ودموعي نزلن] ساااا ررر هه سوووت حادث
حمدان:شوووه وين انت
منصور: فالمستشفى
حمدان: شو اخبارها الحين
منصور: امم ماعرف ماطلع الدكتوور يالس اتريا
حمدان: اها خلاص عيل مع السلامه
منصور[ قمت من الكرسي ورحت صوب الغرفه الي دخلوها ساره مب غرفه هيه بس مكان يدخلونه فيها للعمليات شفت حد ياني ]
.....: انت الي يت ويا ساره
منصور: هيه نعم
....: معاك دكتوور حسن
منصور: هلا شو صار طمنى
حسن: شو تقربلها
منصور: اممم انا خطيبها
حسن: عيل تفضل معاي
منصور: اوكيه
فالمكتب
منصور: دكتور طمنى شو صاير
حسن: انت ريال مؤمن بالقدر
منصور: يعني راحت
حسن: لا لا هيه كان فيها نزيف بس الحمدالله اوكيه ومافيها شي الا كسر خفيف فاليد
منصور: ها كله ومافيها شي
حسن: امم والله ماعرف شو اقولك
منصور :شوووه قولي طمنى دخيلك
حسن: اذا انت تحبها بتتقبل الوضع
منصور: ااااه احبها قوول
حسن: الاصابه يت صوب تحت خاصرتها فكانت قويه فا عندها 50 % اتيب عيال
منصور: شوووووووووووووووه
حسن: الي سمعته ماقدرنا نسوي شي لانه النزيف كان قوي
منصور: كيف يعني ماتقدر اتيب عيال ابدا
حسن: 50 % اتيب عيال في ناس ابدا مايبون عيال احمد ربك انها 50%
منصور[ ااه انا شو سويت ياربي عذبت البنت ] خلاص ممكن اشوفها
حسين: هيه فالغرفه

.
حمدان: خلاص بلاج اتصيحين
مريم: كيف ماتباني اصيح اختي بروحلها الحين
حمدان: انزين قولي لاهلج
مريم: الحين راييحه ومشكور
حمدان: لا داعي للشكر عند الواجب
حمدان[ يوم سمعت صوتها تقطع قلبي وايد وايد وهيه تصيح حسيت بشعور يديد واعترف انه هوه الحب هيه احبها !! ]


كااااااااااااااااااااااااااااات

شوتتوقعون يصير