منتدى استراحات زايد - ..{ ما هقيتے أכּ الهوى عذبے .[قلوبے الرجالے --« .. بقـلم [ فنون الغدر ]

:lol:×[......... البارت 11 ][

[أهتم بك وأول ما تطمن دقايق أهملك .. تبني أمل تشوفه تلقى اللي تبنيه مهدود .. والله مثل ما سويت فيني والله لأسويه فيكـ !!]

الهام ( وهي تمسح دموعها ) : يوم رديت من المستشفى اليوم علي خبرني ان ربيعه طلب ايدي .. وانا خلاص بسير بقول لعلي اني موافقه ..

مهره : تستهبليييين حصرتج ؟!! وحميد !!

الهام ( عصبت ونفس الوقت ما قدرت تيود عمرها فتمت تصيح ) : انتي اللي تستهبلين !! أي حميد واي خرابيط .. حميد ما يحبني .. ولا حتى افتكر فيني وانا فالمستشفى !! خلاص انا لازم انساه .. لازم اشيله من حياتي ..

مهره : الله يهداج يا الهام .. وانتي شو دراج ان هاي اللي اسمها عليا ما تكون جذابه ..

الهام : لا فديتج .. اصلا انا من قبل شاكه فيه .. الكل يقول انه لعاب وحاله .. الحين يت عليا وأكدتلي هالشي .. والحمدلله اني كشفته قبل لا يلعب عليه اكثر واكثر ..

مهره : لا حول .. خلاص يالهام .. سوي اللي يريحج ..

..
..

فبقعه ثانيه فدبي .. وفبيت ابو سعود كان اليد يالس ويا سعود

اليد : يا ابوك قوم اتصل فيهم خلنا نتطمن عليهم..

سعود : ان شاءالله يدي .. الحين بتصل فابووويه عشان تتطمن ..

اليد ( باعتراض شديد ) : لا .. اتصل فحميد .. انا ابغي اتطمن عليه هو بالذات ..

سعود : خخخخ وهذا نحن نتصل فحميد ..

بعد ما اتصل سعود فحميد ..

حميد ( ويخفي حزنه ) : مرحب

سعود : المرحب باجي .. اشحالك ؟

حميد : والله حالنا يتنشد عن احوالكم ؟! اشحالك ؟! واشحاله يدي ؟!!

سعود : والله طيبين طاب حالك .. هذا هو يديد يالس حذالي من متى يبا يرمسك خخخ

حميد : فديته والله الراس العود .. عطني برمسه ..

اليد : السلام عليك يا ولدي ..

حميد : وعليكم السلام والرحمه .. اشحالك يدي ؟! عساك مرتاح ؟!

اليد : والله الحمدلله .. اخك مب مقصر .. يا ابووك انا بغيت اتطمن عليك .. حميد يا ابوي .. استانس وفرج عن نفسك .. ولا تتكدر .. تراها الدنيا ما تسوى يا ولدي .. صدقني وانا يدك ..

حميد ( فهم قصد يده اللي كان حاس فيه ) بحاول يا يدي .. بحااول ..

اليد : لا يا ولدي .. انا ما اباك تحاول .. انا اباك تسوي اللي قلتلك عليه .. خلك ريال شامخ ولا يهزك شي ..

حميد : طول عمري ريال وشامخ يطولي بعمرك .. افا عليك انته بس ..

اليد : هذي الرمسه اللي كنت اترياها .. يالله عيل ما نطول عليكم ..

حميد : علنا ما نخلى منك يا يدي ..

اليد : الله يحفظكم .. وسلم ع اليميع ..

حميد : يوصل ..

اليد : يالله عيل .. مع السلامه ..

حميد : مع السلامه ..

اليد ( وهو يرمس سعود ) : تعال يا ولدي سكر هالتلفون مالك .. تراني ما اعرف لهالاشياء ..

سعود ( وبعد ما سكر عن حميد ) : خلاص يا يد .. اتطمنت الحين ..

اليد : الحمدلله ..

وتم سعود يسولف ويا اليد شوي وما وعى الا على صو مرته ميره .. اللي كانت تزااعج واهي نازله من الدري ..
: اااي .. الحق علي سعود .. الحق علي .. بموووت يا سعود .. اااااه ..

سعود ( اخترع ) : باسم الله عليج .. ( وعلى طول سار يودها ) بلاج ؟! شو فيج ؟!

ميره : بموت يا سعود .. بطني !! ااااااااااي .. بطني .. الحقني .. ودني المستشفى ..

..
..

صوب لندن .. كانو فاطمه وحصه فغرفتهم قاعدين يسولفون ..

حصه : يا ربي .. متى بنطلع ؟! انا ملانه الصراحه ..

فاطمه : حسيتي ؟!

حصه : هي والله .. كلي احساس ونبع طيبه خخخخ

فاطمه : اقولج شي .. شرايج نطلع بروحنا .. بدون محد يدري ..

حصه : تستهبلين !! لا لا ما فينا .. بننهزب عقب ..

وفهاللحظه حد يدق الباب ..

فاطمه : منووووووووووه ؟!

الريم : انا .. وجواهر .. يالله افتحوا الباب .. ( وبعد ما فتحوا الباب ودخلوا ) يالله

صبايا البسوا بنظهر عقب شوي ..

حصه ( شاقه الحلج ) : اووكااي .. ( وتوجه كلامها لفاطمه ) ياااي حلاته ..

فاطمه ( توجه كلامها لجواهر والريم ) ماشاءالله عليكم لابسين عيل !!

جواهر : هي افا عليج .. نعجبج ..

فاطمه : يالله عيل حصووص قومي نلبس نحن بعد لا نتأخر عليهم ..

حصه : اووكي .. انتي شو بتلبسين ؟

فاطمه : شو بلبس يعني ؟! جنز والفانيله السوده الل مخططه بالاحمر

الريم : لا فديتج .. فطييمووه .. خلاص انتي لازم تتغيريين .. مب ولد انتي !!

فاطمه : لا والله !! اظحكوا اظحكوا .. الريم تحاول تنكت .. هههههه

حصه : اووف ماشي فايده منج .. لو شو نسوي

فاطمه : انتي بروحج قلتيها .. ماشي فايده .. حطي تحتها خطين .. والحين يالله قومي ..

الريم ( انقهرت من فاطمه ) : جواهر فديتج .. قومي خلنا نسير نسبقهم ..

جواهر : اوكي ..

..
..

تحت كانو متيمعين بعضهم يتظرون الباجيين .. سعود وابو سعود وام حمدان وابو حمدان وام شوق كانو فصوب قاعدين يسولفوون وفصوب ثاني يوسف .. محمد .. حمدان .. يعقوب .. ام.. حميد ( بالقوه يا وياهم بس بعد مول ما سوالفهم سالفه .. طول الوقت وهو يعابل بالموبايل والا سرحان ) وبعد لحظات انظمو لهم جواهر والريم

حمدان : عيل محمد فشو خاطرك ؟ انت شو تبا تطلع ؟!

محمد : والله انا فخاطري انفنتي .. وايد تعيبني الصراحه ..

يوسف : وييه اسميك جديم انته .. ما قامو يمدحونها الانفنتي ..

محمد : افا .. احبطتني الصراحه خخخ

يوسف : خذلك لكزس ستيشن .. والله اسميها عجيبه ..

جواهر : اوووف .. انتو ما تملون من هالسوالف .. 24 ساعه سيايير وكره وبس !!

يوسف : عيل فشو تبينا نرمس فديييت(ش) >>(ش) قالها باستهزاء << عن المكياج مالكم .. والا عن العبي .. الا عباية الخفاش هاي مالكم .. والا هالخيمه اللي قامو يسوونها ..

الريم : بل بل بل بل ؟!! لهالدرجه نحن طايحين من عينكم شوو خخخ .. وبعدين أي خيمه هذي اللي ترمس عنها ؟!

يوسف : هاي اللي جنها مال عياييز ..

الريم : وي وي وي حسيبك الله عباة الشل خليتها خيمه خخخخخخخ

محمد : والا يوسفوه الحين اطوروا .. قامو ما يرمسون الا عن الاعراس .. ويخططون شو بيلبسون فعرس فلانه وشو بيسوون فعرس علانه ..

حمدان : ترا يحليلهم .. يوم ما اييهم نصيبهم .. يكشخون فاعراس غيرهم .. هم ودهم يسوون ها كله فاعراسهم .. بس يحليلهم طايحيين فجبدون اهاليهم خخخخخخخخخخخخخخ

جواهر : اقولج ريمو .. مب جنهم من الصبح يغلطون ..

يوسف : صباح الخير فديتج .. خخخخخ

الريم : يحليلنا نحن دومنا مظلوومات .. دوم الكل ضدنا ..
وهني ابو سعود يتدخل : افا وانا وين رحت ؟!! عيل الحين انا فصفكم يالبنات خخخ

يعقوب : اووه لا ... رحنا فيها عيل ..

جواهر : احم احم .. وافديت باباتي انا ..

ابو سعود ( اللي لاحظ سكوت الشباب ) : ها اشوفكم سكتوا شباب خخخخخخخخخخخ من اولها واحد/صفر

وهني ايوون فاطمه وحصه

فاطمه ( اللي لقطت اخر الرمسه ) : جي منو لاعب اليوم ؟! منو واحد ومنو صفر ؟!!

يوسف : انتي دومج فعالم ثاني !! خلج خلج ع الخط ..

فاطمه : لا لا فديتك .. ما عندي رصيد بيقطع

الكل : هههههههههههههههههههههههههههههههههههههههههههه

جواهر : صرنا 2/صفر

حصه : ايوا جي عيل .. الحين فمهت خخخخخ

وفهاللحظه يرن تلفون حميد .. اللي من رن الكل سكت ..

حميد : الووووه ..

سعود : هلااا حميد ...

حميد : هلا سعود ..// شو عندك ؟!! خخخخخ // ها !! صدق .. // مبرووووك .. مبروووك .. شو يابت !! // يتربى فعزك يا اخووي // يالله عيل // خلاص خلاص بخبرهم اتطمن .. يالله عيل مع السلامه .. اتحمدلها بالسلامه عنا كلنا .. يالله باي ..

ابو سعود ( اللي فهم كل شي من الحوار ) : متى ربت ميره ؟!

حميد : ما ادري والله .. شكلها من شوي بس ..

جواهر : شو يابت ؟! شو يابت ؟!

حميد ( اللي كان رايق من الوناسه ) : يابت ... أأ..أأ يابت ..

الريم : شو يابت خلصنا !!

حصه : بنت ؟!

حميد : لااااااااااااء ..

فاطمه : عيل اكيد ولد !!

حميد : بعد لاااااااااء ..

يوسف : بتخبل فينا انت !! عيل شو يابت !!

حميد : يابت انسان خخخخخخخخخ

يعقوب : حميدوه لاه .. شو يابت ..

حميد : يابت انسان يتنفس خخخخخخخخ

ابو سعود : هههههه الله يهداك يا ولدي .. قول وخلصنا ..

حميد : يابت ولد يا ابوي .. ولد .. هنيالك يا ابو سعووود

ابو سعود ( دمعت عينه من الفرحه ) : يالله .. يالله مكبرها هالفرحه !!

يوسف ( مشتط ) : شو بيسميييه ؟!!

حميد : والله ما ادري ما سألته خخخخخخ

جواهر : ااخ .. شت والله .. لو بنت جان خليتهم يسمونها جواهر ..

حمدان : عادي انزين .. جوهر .. يمدحونه اخوانا العراقيين بعد هالاسم خخخخخخ

جواهر : هي هي هي .. اظحكوا .. اظحكوا .. حمدان نكت ..

حميد : انتو ما تشبعوون .. بسكم مظارب .. وبعدين شوقووه وصقر وينهم ؟!!
وعلى هالطاري يدخلون صقر وشوق وبعد ما سلموا .. بلغوهم بخبر ولاده ميره .. ومن بعدها ساروا اتيمعوا ويا الباييج وخبروهم بعد اللي استانسوا واااايد بالخبر .. وانلطلقت العايله الكريمه للهايد بارك .. اما صقر وشوق فهم قرروا انهم يظهرون بروحهم فحبوا يتوجهون لنهر التايمز ..

..
..

فالهايد بارك تم حميد يتمشى ويا أخته الريم .. كان السكوت حاجز من بينهم .. حميد كان وده يسأل الريم عن الهام .. اما الريم فهي كانت تتمنى ان ما يفتح موضوع الهام .. ولكن بالاخير انتصر حميد على الريم

حميد : همممم .. اقول الريم !!

الريم ( خايفه يفتح موضوع الهام ) : قووول .. امر

حميد ما قدر يتكلم لا في وحده من بعيد كان تتطالعهم وجنها تعرفهم زين .. لكن ما انصدم الا يوم شافها يايه صوبهم !!

الريم ( تقرب من البنيه ) : يزووووووووووووووي !! هلا والله هلا فديتج ..  وتمو يتوايهون ..

اليازيه : هلااا والله .. اشحالج فديتج ؟!! والله ولهت عليج .

الريم : انا تمام الحمدلله .. انتي شحالج ؟!! وشو الجامعه وياج ؟

اليازيه : والله الحمدلله كل شي ترتوب .. ها شو عندج هني فلندن ؟

الريم : والله ماشي سياحه ويا الاهل .. نرفه عن عمارنا شوي ..

حميد ( اللي لاحظ ان السالفه مطوله ) : همم عن اذنكم .. ريمو انا بترياج هناك ( هو يأشر صوب شجره ) عقب ما تخلصين تعالي ..

الريم : اووكيه ..

وتمت الريم تسولف ويا اليازيه .. اما حميد فهو ابتعد بدوره وتم واقف متساند ع شيره .. لكن ما منع عمره من انه يتأمل اليازيه شوي !! ماشاءالله عليها محلاها !! الله يخس ابليسج سا ريمو ربيعاتج كل وحده فيهن احلى عن الثانيه .. يالله الله يخليها لاهلها ويوفقها بولد الحلال بس ^^ .. ااااه ويوفقني ببنت الحلال اللي ابيها .. بس وينها عني ؟!! وينها حب حياتي ؟!! ااخ منج يا الهام .. جاني بكره الحب باسبابج ...... ما على هالتفكير ما قطع حبل افكار حميد الا صوت ريمو المزعج ..

الريم : اييييييييييه !! حميدوووه .. وين وصلت ؟!!!

حميد : ويييع .. جي يزعقوون ؟!! وين الاتكيت وين الانوثه ؟!!

الريم : والله شسويلك ؟!! من الصبح ازقرك ولا مسولي سالفه !!

حميد : انقعي لاه .. المهم طوفي خلنا نتمشى ..

الريم فخاطرها ( الحمدلله .. الحمدلله يووم ييتي يا يزوووي .. فكيتيني من السالفه .. جنه الا اخوي الحبيب نسى السالفه خخخخخ )

حميد : انزين ما كملت السالفه !!

الريم ( بصوت واطي ) : واخيبتااه !! ما مداني افرح

حميد : شووو تقولين ؟!!

الريم : لا ما شي .. أي سالفه ؟!

حميد : اوووف .. خلاص .. خلاص انسي ..

من صوب حمدان ويوسف ومحمد فهم كانو طول الوقت يلاحقون جواهر وحصه وفاطمه ويلعوزوون فيهم .. بس اخر شي عاد فاطمه ما رامت تيود عمرها

فاطمه : طفح الكييييييل .. بتجلبون ويووهم والا بالجوتي ..

حمدان : اووه .. لا والله واتطورنا وقمنا نعرف نهدد ههههههههههه

يوسف : والا طفح الكيل اونه ؟!! امييه المسلسلات المكسيكيه خليها فالبيت
احسن

جواهر ( تسوي عمرها تظحك ) : هـ هـ هـ .. وايد تظحك .. ااي بطني .. مول موووول ما اروم ايود عمري ..

حمدان : تحملي ع نصج فديتج عن تطيحين ..

حصه : يا ربييييييييييييه .. انا مليت .. بسير عند قوم عمي احسن ..

يوسف : الله وياج .. سلمي سلمي خخخخخخخخخخخخ

بعد ما سارت حصه صوب الكبار بالاضافه ليعقوب .. تمت تسولف وتظحك وياه هناك .. اما الكبار فكانو بس منشغلين بسالفة ولادة ميرة .. لدرجه انهم فكروا يعجلوون بردتهم !

..
..

على ضفة نهر التايمز كانت واقفه شوق تتأمل النهر .. وما حست الا ايد صقر على جتفها

صقر : شفيييهم الحلوين ؟!

شوق : ما فيهم شي .. بس عايبنهم المنظر شوي ..

صقر : اها .. شوووقي !!

شوق : لبييه قلبي ..

صقر : لباج قلبي .. انا بس بغيت اعرف منج شي واحد ..

شوق : واللي هو ؟!

صقر : تحبيني ؟!

شوق : اكيد احبك يا صقر .. ليش تسأل هالسؤال ؟!!

صقر : هممم يعني ما تحسين ان استعيلنا ولا شي ؟!!

شوق ( اتضايجت من سؤال صقر ) : ليش انت تحس ان استعيلنا يعني ؟!

صقر : لا حبي .. مو قصدي جي .. بس اشوفج كله متضايجه وحالتج حاله ..

شوق ( خانتها دمعتها اللي سالت من عينها ) : صقر .. انت ما تدري شو اللي بدااخلي .. بس يمكن هالضيجه اللي تشوفها علي من القهر ..

صقر : وليش تخبين علي !! مو انا ريلج ؟!

شوق ( وهي عاطيه ظهرها لصقر وتمت تتأمل النهر وهي ترمس ) : حياتي انا منقهره من ابووي .. كيف هنت عليه جي ؟!! يعني عادي يبيعني !! اهم شي عنده الفلوس !! أي ابو هذا .. الصراحه قمت اشك بعمري .. والله يا صقر والله قمت حتى استحي من عمري ليش اني اشل اسمه

صقر ( يود شوق من جتفها ولفها صوبه ولمها باحضانه ) : شوقي احبج .. شوقي لا يضايجج هالشي .. بس الناس اجناس .. انتي الحين ادعي له بس ان الله يهديه ..

شوق : اامين ..

صقر ( يغير الموضووع ) : اقوولج حبااه .. شرايج نسير صوب ساعة البيق بين

شوق : فوووقه هههه

وبعد ما سار صقر ويا شوق صوب ساعه البيق بين تموا هناك يسولفون ويضحكون وقضوا احلى الاوقات ومن بعدها تموا يتمشون ويحوطون ولين الليل ساروا تعشوا فارقى المطاعم .. وبجذي مررر الوقت بسرعه ومثل ما يقولون الاوقات الحلووه دايم تمر بسرعه .. وصقر وشوق ردوا الفندق ولقوا الكل هناك متشتتين .. كلن فغرفته .. اللي راقد واللي يسولف .. فقرروا هم بعد يسيروون يرقدون من بعد الظهره الطويله ..

..
..

فغرفة فاطمه وحصه

فاطمه ( توعي حصه اللي توها غفلت ) : حصييييييص ويع قومي .. لا ترقدين ..

حصه : هاااه !! حرام عليج خليني ارقد ..

فاطمه : قومي .. قومي .. بنراويهم مسوديين الويووه

حصه : ع شوو ناويه بعد ؟!!

فاطمه( بخبث ) : ع بلاوي .. انتي قومي بس لين ما ازقر الجوهر ..

..
..

فغرفة حميد ومحمد كان محمد يسبح وهو يغني بصوت عالي .. فتم حميد يظحك عليه ..

حميد ( يزعق لمحمد ) : الاخ يتحرى عمره بنجوم الخليج هههههههههه

محمد ( سوا طاف وكمل الاغنيه ) : سلهم بعينه وماي القد والقلب اشر له وحيا ..

حميد [ هي والله سلهم بعينه .. ]

>> وفجأأأة <<

يرن تلفون حميد ..

حميد ( مستغرب من الرقم ) : الووووه ..

*** : مرحباااا ..

حميد ( منصدم ) : انا فحلم ولا بعلم ؟!!!!!!!!!!

كـــــــــــــــــــــــــــــــــــــــت

1. تتوقعون خطبه الهام بتم من ربيع علي ؟!!
2. فاطمه على شوو ناويه هي والبنات ؟
3. واخيرا منو هاي اللي متصله لحمـــــــــيد !!!