منتدى استراحات زايد - احــبك من صغر سني ** ما بالغ من يوم ميلادي

الريم : سلم علي شمامي
عبدالله : يوصل000 وراح عنها
ريم وهي تفكر ليش ياربي قال خطيبته انزين يمكن مايعني هل الكلمه اصلن انا غبيه اني قاعده افكرهودافع عني بس عسب انه يعرفنا ومن غير ربيع حمدان اخويه اف احسلي ارد عند حمدان اخاف يصير يشي ثاني بعد
وراحت عند حمدان وجافته قاعد يفكر وتمت هي ساكته وعقب فتره
حمدان : ريموه
الريم وهي ماده بوز: هممم
حمدان : شو فيج
الريم : ماشي
حمدان : انزين متي بيوصلون قوم عمي
الريم : ماعرف ليش
حمدان : اول مايوصلون لوكلمتي ودوه اريد اكلمها
الريم: لا والله اصلن ودوه زعلانه منك
حمدان : انتي طالعيها
*******
هزاع ويتصل حق اخته : مرحبا الساع
فطامي : المرحب باااجي شحاااااااالك الغالي
هزاع : بخير وسهاله اعلومكم واعلوم امايه والاهل
فطامي : كلهم بخير ومايشكون باس مفتقدينك
هزاع : انا بعد شراتكم والله
فطامي: متي بتى ولهت علييييك واااايد
هزاع: وانا بعد فديتج انشاء الله بالخميس
فطامي بفرحه : ياااااااي يعلني هب بلاك واخيرن بتنور الامارات
هزاع: ها عاد ماريدج تقولين حق حد
فطامي : من عيوني تامر امر
هزاع : فطااامي
فطامي : اعيونها
هزاع : تسلم لي عيونج اتخبرج تعرفين الود ربيعتج
فطامي منصدمه : ها شو
هزاع : شو فيج
فطامي : من وين تعرفها
هزاع : ثرهم هم يرانا اهنيه في المانيا وجفتها وقالتلي اسلم عليج
فطامي : اكيد
هزاع : افا تشكين فيه انا اخوج
فطامي : لاغناتي بس هاي ربيعتيه وما ارضي انك تكلمها اصلن هيه هب من هل السوالف يكون فعلمك
هزاع : اعرف انزين شو علي بالج انا مابضر وحده تصيرنا
فطامي : زين عيل عرفت انها تصيرلنا
هزاع : تعالي انتي شو دراج
فطامي : انا اعرف واسال امايه بعد كل العايله تعرف حتي مره ودوه يت بيتنا
هزاع : واللله زين زين
فطامي : اوكي الغالي انا احين بخليك مافيه تقول خسرناك
هزاع : والله يفداج
فطامي : انزين عيل هزاعوو ياغرشوب بوظبي
هزاع : احم احم فديتني والله
فطامي : نترياك يوم الخميس وسلم علي محمد قوله عمتك فطامي الحلوه تسلم عليك
هزاع : وايد مغتره في عمرج
فطامي : يحقلي دامني فاطمه بنت ال000 واخت غرشوب بوظبي
هزاع : في هاي صدقتي انزين يلا فداعت الله الغاليه وسلمي علي الكل
فطامي : انشاء الله
هزاع : يلا فداعت الله
فطامي فداعت الله
سكرت فطامي عن هزاع وهيه قاعده تفكر في محمد ولد عمها ويقطع تفكيرها صوت بنت عمها
دانه : فطامي
فطامي وهي توها تنتبه همم
دانه :شو فيه هزاع
فطامي : مافيه الاالعافيه ليش
دانه : من سكرتي عنه وانتي ساكته
فطامي : لا مافيه شي بس افكر
دانه : هااااااا تفكيرررررن في حمود
فطامي وهي تفرها في الموسده : دبه جب جب
دانه : علينا
فطامي وتبغم : جاااااااااااااب ياعنز
دانه : ههههههه ويو ماعليه بخبره
فطامي : سباله انزين
دانه : شكرن علي المدحه
فطامي : يلا دانوه تعلي بنروح تحت
دانه : اوكي يلا
وراحن البنات تحت

***
الود وهي تحول من الطياره : واااااايه يعلني فدا الامارات
مها : هيه والله
وحولو الكل من الطياره وكان خالد وسلطان يتريونهم
خالد وهو يروح يوايه ابوه : الحمدالله علي السلامه يابوخالد
بوخالد : الله سلمك الغالي من كل شر
والكل خذا سلام الثاني وراحوبيت بومايد
ميره كانت تترياهم هناك مع قمر ومنصور ونوره
وصلو البيت
وتحدر اليده : وايه اخيرن وصلنا مابغينا
ميرا وتروح توايهم : مرحبا مرحبا الساااع ياهلا والله توه مانور البيت يدوه
اليده : وايه يعلني فداج ميره منور باهله الغاليه وسلمو علي ميره
ام خالد : ميره يبلي عيالي اجوفهم
وعطها ميره منصور
والود واقفه عند ميره ومحطيه ايدها علي خصرها : انسه ميره هب انا قايله بسمي بنتي قمر ليش تسرقين اسمي
ميره : خخخخ كيفي عيبني الاسم
ام الود : ياربي انا ماعرف هاي من وين يابه طولت السان
الود : اماااااااااايه
اليده : ويهد صخي بتوعين اليهال من صوتج
الود : يدوووووه حرام عليج
مها : ميروه ليش مايت غلوه
ميره : اسكتي اونها تعبانه يوم كنت في المستشفي نوره كانت عندها واحين ماخذه اجازه
الود : ههههه حليلها والله
ميره : ماعيله باجر بتيكن
شوق : ياحيها فديتها والله
ام حمد : يلا تعلو نتعشي
وراحو يتعشون وعقب الكل راح ينام يوم بوحمد راحوبيتهم واليده تمت عند قوم بومايد

في اليوم الثاني الود صحت من النوم وراحت تحت
الود : صباااااااح الخير
ام حمد وبوحمد : صباااح النور وراحت توايهم
وشوق توها تنزل من الدري : احم احم شوق الحلوه اتقولكم صباااااح الخير
الكل : صبااح النور وراحت توايه امها وابوها
الود : شوق لوسمحتي انا اريد بوسه علي راسي شراتهم
شوق : افا عليج ماطلبتي غناتي
الود متشققه : احم احم
راحت شوق عدالها والود تنزل راسها عسب تبوسها شوي وحصلت كفخه علي راسها
الود: اييييييييييييييييي ياحيوانه ارتجاج في المخ احين ياني
شوق: هههههههه يعلج تستاهلين
ام حمد : لا االه الا الله اناماعرف متى بيعقلون هذيل
شوق : افا امايه احين احنا ميانين
بوحمد : لا فديتكم بس اشوي
الود وشوق مادين بوز
ام حمد : يلا روحوتريقو عسب بنروح عند يدوتكم
وراحن البنات يتريقن وعقب الريوم راحت الود غرفتها تغير ملابسها وشوق بعد
خلاف راحو بيت عمهم
اليده : مرحبا مرحبا في الغالين
الود وشوق : المرحب باجي يدوه وراحويسلمن عليها وتمن البنات ياسات
مها : باروح ادق حق غلوه
الود : زين تسوين ولهت عليها خل اتي
مها : اوكي
امل وشوق قاعدات يتصاصرن شوق: اوكي ثره باجر عيد ميلادها
امل : ادري انزين بنخليها تروح مع غلوه اي مكان او بدق حق ربيعتها فطامي واحنا بنتعدل المكان من دون ماتعرف
شوق: اوكي فكره حلوه وانا بروح الفندق ايب الكيك وهديتها موجوده
امل : اوكي
الود : انتن شبلاكن قاعدات تصاصرن
شوق وامل : لا ماشي
الود وهي شاكه شي خااشات : الخبر اليوم بفلوس باجر ببلاش
شوق : ثرج قلتيا باجر
الود : يعني في شي
امل : مابنقولج
الود : عادي يعلكن ماقلتن
مها وهي يايه : غلوه احين بتي
الود : بروح اطالع بنتي الي سرقو اسمها
الكل : هههه
راحت الود قسم ميره وهي تدق الباب :طخ طخ طخ >>> احم احم دق حلو اونه عاد
ميره : ادخل
الود وتفتح الباب : مرحبا الساع بام بنتي
ميرا : مرحبتين كبار شحالج
الود : بخير ربي يعافيج من صوبج
ميرا : عالي العال
الود : دوم هب يوم
وراحت الود اتشل قمر : وااااااي ياويلي انا علي الجمل فدتها تشبهني
ميرا وهي تبتسم : ثره قال خالد قبلج
الود : عيل خلاص يفداها الاسم
ميرا : قصبن عنج
وتمت الود تلعب مع قمر شوي ومع منصور شوي
وبعدين تذكرت ريم ماكلمتها وظهرت تيلفونها عسب تكلمها

يرن التيلفون
الريم وهي توها تحدر غرفت حمدان وهو حاليا ظهر من المستشفي وقاعد في البيت ويروح المستشفي يوم عنده تمرين بس: الوووووو فدييييييييت هل الحس
حمدان يلتفت صوبها ويطالعها وهي تكمل كلامها : ودووووووه فديت روحج ولهت عليج
الود : مي تو ريمو اي مس يو
ريم : ماباجي غير يومين واحنا عدكم
الود : يلا اتمني يطوفن هل اليومين بسرعه
ريم : انا بعد >> وحمدان ياشر حق ريم انه يبا يكلم الود وريم اتقوله لا
الود : ريموووو وينج
ريم : ها معاج
الود : بااااااااين
حمدان وهويحمس حق ريم : حطيه سبـيكر ابا اسمع صوتها بليز
ريم وهي تحط تيلفونها سبيكر
الود : ريموووو اتعرفين عيال خالد يجنون فديتهم والله خاصه قمر بنتي تشبهني
ريم : سموها قمر ؟؟
الود : هيه يا هبله توج تعرفين
ريم : هيه والله ماحد خبرني
الود : صح انا عصبت لاني انا قايله بسمي بنتي قمر لانه هل الاسم ماشي في العايله وتكون بنتي مميزه من بين اليهال
ريم وحمدان يضكون علي تفكيرها : اونه عاد تشبهج
الود : هيه فديتها والله اسعمي صوتها قموري حبيتي قولي ماما الود الحلوه
حمدان وهويدخل معاهم علي الخط : فديييييييييييييييت هل الحس يارب
الود وهي منصدمه : ريموووووو حاطه سبيكر
ويسحب حمدان التيلفون من الريم ويشل السبيكر : لا هب حاطه سبيكر انا سحبت الفون منها عندج مانع
الود : واباي حق تسحبه
حمدان : بحق اني ولد عمج وريلج
الود : ههه ماريدك اصلن انا زعلانه منك
حمدان : افا زعلانه من حمدااااااان
الود : هيه يلا بااااااي
حمدان : فديييييييت الزعالين انا
الود : لاتتفداني بااااااي
حمدان : باي يا حبيبت حمدان
الود ماسوت واحد ثنين سيده سكرت وحمدان يظحك عليها
ريم معصبه : اف حمدان بلا حركات
حمدان : جب انتي ماباقي غير اليهال ريمسون
فرته ريم في المشط :يعلك انزين
حمدان: خخخخخخ والله انج ياهله
وظهرت برع وجافت حمد ومايد قاعدين يطالعون فلم وبوحمدان وام حمدان رايحين ياخذون اقراض
مايد : شت شت كيف الويه
ريم : انت اسكت لو سمحت هب فايقه حق حد
حمد: افا ليش الحلو زعلان
ريم : والله اتخبر ولد عمك التيس
مايد : شو سوابج قوليلي وانا ادبلج اياه
ريم: قالي يا الياهل احين انا خلصت الثنويه وبدخل الجامعه وعلي وسن زواج واني ياهله
حمدان وهو يسمعها :خخخخخخخخخخ منو احين الي داعتله امه بيزوج
ريم : ما اكلمك جب
حمد ومايد يضحكون علي ريم الياهل
ريم : اف القعده معاكم ترفع الضقط وتيب الجلطه وكل الامراض بعد احسلي اروح خاري عندكم
وراحت خاري وحمد ومايد وحمدان يضحكون عليها

شو بيصير في الاحداث اليايه