|
اقتباس:
ان شاء الله ما بطوول ^^ |
السلام عليكم ورحمة الله وبركاته شحالج حبوبه اربج الا بخير و سهاله يسلموووو ع الطرح الغاوي واااايد حلوة القصص و اندمجت مع ابطالها و ربي يوفقج و نحن نتريااااااااج شرات ما تتريينا فوق احر من الجمر فوق احر من الجمر |
اقتباس:
مرحبااااني براعيوة العيوون الذبوووحه ^^ والله يسرج حالي ومن صوووبج الغاليه؟ سلمتي ع المرووور الغاوي ربي لاهانج |
رووووعه القصه يعطيج الف 1000 الف عاافيه غلااايه ونتريااا الزوود |
¨°o.O (إسمـ ح ـلي لو تلقى سواي غ ــيري ترى ما ينفـ ع ـك) O.o°¨ ضاقت بي الدنيا وشقاني الحال ... وسهيت بفكري لأفعالن غبيه انا ما همني بهالدنيا العز والمال ... ودي بحبن على عيشته هنيه اشريبه عزة النفس وراحة البال ... واهون على قلب وعيونن شقيه همسه<< سلمت ايد هيبة ملك ع هالابداع COLOR="Red"]>> ~ ~[/COLOR] Part 3 فبيت بو عبد الله الساعه9:30 الصبح ام محمد (اليده)و ام عبدالله وام مبارك وام ذياب و سمية اليده ام محمد الصغيره(روضه) توالفن ع ريووقهن ام عبدالله: غلوووورياا .. سيري وعي البنات ام مبارك : البنات البارحه باتن عنديه فديتج ام عبدالله: يالقعتيه الطويله بناتيه يباتن خاري ولا دريتبهن ام مبارك : وين خاري علني افداج بيتيه وبيتج واحد روضه: عمووه خليهن ع راحتهن اكيد البارحه ما رقدن من وقت ام عبدالله : هيه بس ليش ما خبرني ناعمه: هذي اكيد سويره استحت تبات عندج قالت بتبات عند ام مبارك ام عبدالله: جانها خطيبة ولديه مستحيه برايهن عيل مايد.... وعيت ع الساعه 9 خذت لي showerع السريع تعدلت وتعطرت من خاطر خاطررررري بعد سوسووو عندنا لازم بوعى من وقت وبكشخ لها يمكن اشوووفها نزلت وخاب ظنيه محد غير العيايز سلمت عليهن وصبحت عليهن لازم بدهن سيرهن اذا اباااهن يوافقن ع الملجه ..... يلست اتريق والكل مدلعني يقربلي شي من صوبه اممممم كيف ابدا مع امنووه يدووه!! لا لا يدووه ما بتتفاهم ويايه تسمع راديوها وعصاتها عدالها بعددد امممم اميه مقدور عليها.. ماشي غير عموه ناعمه : ااا أقول عموتيه ام ذياب: عونك ولديه مايد :عانج الرحمن... شو رياج نملج قريب أم محمد : شوووه بتعرس مسوود الويه ولا تخبرنيه!! وينها عصاتيه مايد هذي ما كانت تسمع الرديوو خخخ: يدوه الله يهداج منوه يابه طاري العرس بعده قسميه ما جهز ام محمد : تجذبني ميوود سمعتك انا شو قلت لناعمه مايد : محشوومه ياميه منوه جذبج بس .... ياميه انا اقوول ابا املج بس ما بعرس ام محمد : شوووه شوووه شوووه وبكل قوة عين تقووولها بعد هيييييه هذا هو ولدج يا عوووشه هذي هي تربيتج ام عبدالله : وميود شو قال ياميه تراهو ما كفر روضه : اميه ترا زمنهم غير زمنكوو ام محمد : لا تيلسين تخربطين ع راسي زمنا وزمنكو بنت عمته وعارفنها وعارفتنه شو له هالمنكر بعد اسمعنيه يا مايد ملجه ماشي غيرقبل العرس بيوم ولا فيوم العرس بعد مايد : ياميه ... ام محمد: صوتك ما ابا اسمعه تشاور عمتك ولا حشمتنيه مسووود الويه مايد : محشوومه ياميه محشووووووومه بس هي امها ام محمد : وامها هذي بنتيه والشور شوريه انا ورمستيه وصلتك وغير هالرمسه ماشي مايد اووووووووف انا لازم القى لي حل ويا هالعيوووز: ياميه حرام عليج شو تبغيني احدر ع حرمتيه شرات الغريب ترضينه لبنتج انتي ما ترضينها شفتها اسكتت وما ردت حلوو يعني تفكر فالموضووع طالعتهن يعني حد منكن يفازعنيه روضه: ياميه ترا مايد ما طلب شي حرام ام مبارك: صدقهم ياميه اليده ظهرت الغيض فام مبارك وحليلها: انتي يوم انج ما بتوافقينيه لا ترمسين مره خلج ساكته ابرك فهالثانيه بالذات البنات دخلن الصاله ساره .... لا ياربيه مايد هنه كيف بشرد الحينه شافنيه خلاص ويل قلبيه ام عبدالله : حيبهن الغزلان قربن قربن بناتيه البنات : السلام عليكو ورحمة الله وبركاته الكل :وعليكو السلام والرحمه والاكرام صبحن البنات ع الموجودين ويلسن يتريقن مايد: ها شو قلتي العيوز ام محمد: عيز حيلك يالهرم ... حرمتك العيووووز ساره غصيت فلقمتيه و عورني ويهي انا شو يخصنيه الحينه مايد: فديت غزاليه انا قا... ما كملت رمستيه الا وحرارة عصاا يدوه ع يلديه: شووو ياج العيووووز... تدروون عاد الشووور هب عندكن انا مرمس بويه وخالص بس اتريا راي عميه بوذياب بس قلت بسويلكن سالفه وبشاوركن ام محمد ارتفع ضغطها: فارج فارج عنيه ما بشووف رقعة ويهك مايد وانا عند الباب : اقوول ضبابه اذا انتي ما تبغين تشوفينه ويهيه غيرج جحل عيونه علني افداهن عيونه وروووحت عنهن ام محمد : هين دواك عنديه انا لي بربيك دام هالعيوز ما ربتك ام عبدالله: الحينه انا عيوز وانتي بنت 16 هههههههههههه ساره... ياربيها لازم هالاحراج يا ليتني تميت فدبي ام ذياب: ساره بنتيه سمعتيه مايد يبا يملج شو رايج؟ ساره: ...... ام عبدالله ما هانت عليها حرمة ولدها: خلوها تتريق ع راحتها غيرولنا هالسالفه كملن البنت ريووقهن وعقب يلسن فالبلكونه لانه الجوو كان فناااان فطيم.. انتبهت لراكان كاشخ ومستعيل بيظهر : رااااكاانوووه وين وين وين ريم : اوب اوب شو هالكشخه مواااعد اخويه راكان... ابتسمت لهن : هيه مواعد ظبيانيه خخخخ ريم وفطيم مع بعض :ظبيانيه هااااا^^ راكان: جب جب انتي مره لا ترمسني فطيم:لا لابموت دخيلك رمسني راكان: ما عنديه وقت اضيعه ويااااج هع هع ريم: راكانوه بما اني اختك الكبيره اقووولك شلني وياك بوظبي ولا بفتن عليك خخخخخخ راكان ... سؤيت لهن طاف وسرت لرامي خليته يشغل الموتر مواعد محمد بنحوط فبوظبي اليوم << رامي دريولنا هب رامي عيااااش لوووولز هااا الدريول روحه قصه خخخخ بتعرفووونه مع الاحداث تحفه انما ايه ههههههه امممم انا اسوووق فربووع العين بس يوم بطلع لبوظبي الشيبه مانعني اشل الفتك اممم تراني ما خذت ليسن لاني بعدني ما كملت 18 بسما باقي شي هانك كم سبوع بس ^^ عاد اوامره مطااااااعه شيبتنا هالفتره ولا بنحرم منها الفتك يوم باخذ الليسن فهمتوو ^^ كنت اعد الثواني لي بوظبي ااااه يا ميحد ليتك غنيت حتى درب بوظبي حبيته يالله متى بوصل وصلت تطالعت عمريه فالمرايه وتعطرت اقصدت تسبحت بالعطر ونزلت قبل لا انزل التفت ع رامي : اشووووووفك بس ما يدك ع هالعطر هز راسه علني بلا هالراس دخلت االبيت محد فالميلس اتصلت لمحمد :السلام عليكو محمد: مرحبا ملاين حيبه بو سلطان راكان : مرحب لاهان ترانيه عند الباب محمد : افا والله بو سلطان بيتك حياااك حياااك انا فالصاله راكان.. مشيت لي الباب وقلبي يدق يالله انها اتكون فالصاله : هووود هوود سمعت صوت ام محمد ومحمد هداااا هدااا راكان دخلت وشفت انه محد فالصاله غيرهم : السلام عليكو ورحمة الله ام محمد : مرحبا ولديه مرحبا الساع راكان وايهتهم وخذيت اعلومهم وهي لين الحينه ما انزلت ياربيه شو هالحظ متعني من صبااااح الله وما اشووفها كملنا سوالف وعقب طلعنا انا ومحمد وتمينا نحوووووووووووووووووووووط ما خلينا بقعه فبوظبي الا وخطفنا عليها ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~ الساعه 5 العصر فصاله بوعبدالله شهاب كنت يالس مع اهليه شفت حمدان يتصل حمدان هذا ربيع عمري : مرحبا مليااااااااار ولا يسدن غلاه ولد العوامر فذمتيه حمدان: مرحب لاهاااااان شهاب : حيبه العامري تو ما نور الفووون والله حمدان:اقـــــــــــول شهاب: شكله العامري زعلان خير قـــــول يعلني فداك حمدان: انت تحيد عمرك ناسي شي شهاب : اممممممممممم لا والله ليش حمدان : عيل يوم ني ازقرك الشيبه لاتزعل شهاب : هههههههههههههههههه هههههههههههههههههههههه حمدان : تذكرت علني بلاهاا ذاااكرتك؟! شهاااب : خخخخخخخ هيه هيه اسمحليه والله اني نااااااااسينك حمدان : شي طبيعي بو احمد من متى ذكرت انت اصلا المهم اتريااك عشر دقايق ان ما شرفت حضرتك تراني بسير عنك شهاب : لا لا يالله الحينه بشغله الموتر هااا اسمع صوته حمدان:فداعه الله شهاب : فداعه الرحمن حركت من بيتنا صوب بيت حمدان لقيته يتريانيه فالموتر وكان مبركنه داخل بيتهم استغربت ماحيده يبركنه داخل كان يرمس فالفون واشرلي اونه تعال اركب نزلت وركبت دقيته خشم : هااا اعلومك حمدان : طيبه طاب حالك اقوولك بو احمد اترياني ثواني بس شهاب : اوكي يلست اتطالع فالسيديات لي عنده كلهن حمد العامري كان موتره ظهره صوب بيتهم حسيت بحد ياي صوبنا رفعت راسي الا وحده من هله اظني ما انتبهت لي مول افتحت الموتر من ورا ويلست تدور شي وانا ما اعرف شو ستوابي من ريتها تميت مبهت واطالعها هي ماخذه راحتها وايد وكل شؤي تعدل بكلتها لي مغطيه ويها وشعرها سايح ع رقبتها فجاه انتبهت ع نفسي نزلت عينيه الله يستر لو شافها حمدان اسميها ما بتعين خير وحليلها ربها تخلص قبل لا يظهر من الميالس ويشوووفها سمعتها اتقووول : اوووووف وين فارنه حمدان قالي انه فموتره سلامه.... سمعت اميه تزقرنيه شكلها فالمطبخ وانا اصلا اتلعوزت مع سامان حمدان مستحيل القاه اللاب برايه فالليل باخذ منه سمعت امايه تزقرني من يديد: عووونج اميه وسكرت الموتر وروووحت شهااااااب اااه قلبيه روحت الحمد لله قبل لا يشوفها حمدان اسميــــــــه موقف خايس لو شافها وحليلها اظني بيدفنها حاولت اشلها من فكريه بس اسمها يتكرر فاذني اسمعه مره ومرتين استغفر الله اخت حمدان هذي كيف انا افكر بها شفته طلع ويا ركب عدالي حمدان: نقعناك شرات ما نقعتنا هع هع شهاب : هههههههههههههه رديتها يعني حمدان : هيه نعم ....روحنا؟ شهاب : توكل على الله تمينا نحووووووووط ونحوووط واخرتها استقرينا بعزبه حد من الشباب وكانو كلهم هناك ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~ ساره وفطيم يالسات فالخيمه يترين الريم بس طولت وفونها عندهن ساره: هذي وينها اتاخرت فطيم : بقوم اشووفها ساره: انزين لا اتاخرين انتي بعد فطيم : ما بتاخر بس الباتشي امانه في عنقج ههههههه مايد.....كنت طالع من الفله وانا امشي التفت ع الخيمه ما صدقت عينيه ساره بروحها يالسه على طول حولت خط سيري صوبها من متى اترياها انا هالفرصه: السلام عليج كان تطالع فونها ارفعت راسها وبكلتها ع ويهاا ساره .... صوت مااايد شو هالوهقه رفعت راسيه شفت ابتسامته شاقه ويه ههههههه يالفضيحه شفته يااا ويلس : وعليك السلام والرحمه مرحبا مايد مايد .... فديته لي استحى ياربيه يود فنيان وناولتها .... فارض عمريه وبقووو بعد ادري بس ابا اكسر التوتر: يا مرحبا مليون امس وقبل امس والجابله واللي بعد منوراها ساره يا سلام قهوينيه يعني ولا شو قصده مديت يدي خذيت منه الفنيان وصبيتله وخذاه مني وهو ساكت وانا ساكته وعيوووونه تحرقني احسبها وانا منزله راسي حبيت اضيع السالفه قربت منه سلة باتشي كانت عدالي مالت فطيم لو تدري بتسويلنا سالفه كله ولا باتشيها خخخخ قال كانه يقرا افكاري : باتشي!! اكيد مال فطيم.؟ ساره : هيه ههههه مايد: شحالج الغلا ربج ما تشكين باس ساره ممممممم مفروض ارد يعني : الحمد لله بخير وسهاله مايد : ماشي وانته حبيبي اشحالك وحشتني شوووفتك شفتها ارفعت راسها منصدمه ههههههههه وعقب نزلته.... ساره حبيبي انا من زمان اتريا هالفرصه اسمحلي جاني غثيتج فديتج بس انا ما اشوووفج الا فالسنه حسنه شرات ما يقولون فاللي بخاطري كله بيظهر فهالحسنه هههههههههههه ................ اممممم شفتها منزله راسها وكانه يتهيالي ابتسمت اتشجعت ما بطول عليج غناتيه ادريبهن الثنائي المرح بيخرب علينا الجووو فبقول اللي بخاطري على طول سوسو انا ريال ابا املج هالفتره ما اباااا انعرس وانتي ما اتعرفين كل لي فخاطرج عني ما ابغي اكون شرات اي ريال غريب يا وخطب ووافقو عليه واتيسرت اموره لا انا ولد خالج لحمج ودمج بس ظروووفنا انج فدبي وانا فالعين الله يهداااه ابوووج بعد ما لقى الا دبي شفتها اضححكت هههههههه هااا شو قلتيه فديتج ابا اسمع رايج يهمني رايج ما ابا شي يستوي من اليوم ورايح الا بشووورج؟؟ ساره من يا مايد ويلس وانا فراشتيه تحووووس وتحوووووس وتحووووس بيوفيه جنها الا بتظهر وتدور لها طريج ومع كل كلمه اتلوووم فيه زود وزود يا ربيه شو اقووله والله ما اعرف ليش ساكت يترياني ارمس بس كيف ما اروم والله صعبه علي بشوووه برد عليه سمعته يزقرني بس ما رفعت راسيه حتى مايد حسيتها متلومه فيني ومستحيه : ساره...... سارونتي..... خلاص يعني ما تبيني !!!! شفتها ارفعت راسها بسرعه كانها انصدمت وهذا لي انا اباااه مايد : شفتي كيف انتي الحينه مستحيه مني هذا لي انا ما اباااااااه ابا يوم بنعرس تكونين ماخذ علي شويه ع الاقل فهمتيني سارووونه ساره هزيت راسي مايد : عيل شو رايج فديتج معاي حق ولا لا؟ ساره هزيت راسي بعد خخخخخ مايد : بعدين حبيبي انا ابااا اعيش معاج هالفتره بحلاوتها اباا اتكون عندنا ذكريات حلوه صح ولا لا؟ ساره بعدددد هزيت راسي سمعته يضحك ويقووول فديته انا هاللي تهزينه رفعت راسي ابا اشووفه وهو يضحك شفت ثنتين يربعــــــــــــــــــن صوبنا ريم وفطيم نازلات من الدري فطيم : ريمان تشوفين لي اشووفه ريم: هيه ميود عند سوسو فطيم : عليهم انقضااااااااااااااااااااااااااااااااااض وربعنا انا وياها صوبهم بس للاسف كشفتنا ساره قبل لا نوصل ريم: هاااااااااااااااا زخووووووووه شووو عندك فالخيمه ما تدري انها خلوووووووه ما تدري انه الخلووووه حرااااام هااا فطيم : وانتي مستانسه منزله الراس غراميات من ورانا مايد..... اوووف ها وقته الحينه انتي وياها : خير خير شعندكن وانتي فطيم اخر وحده ترمس عن الغراميات فطيم ... طاح ويهيه ادري الكل يعرف بسعووود وسوالفه بس والله فضيحه عند اخويه مايد: اوكي ساره اخليج انا واعتبرج موافقه فداعه الله فديتج ساره : فداعه الرحمن شفته طلع التفت ع البنات ليش سرتووو عني والله بصيح @@ ريم : ههههههههههههه سؤينا فيكو خير عن غير قصد فطيم :كل من الباتشي صح ريم : فكينا انتي وباتشيج المهم شوه شوه قالج خبرينا ساره: خلوني استوعب خلاف بخبركن اااه قلبيه والله انه يدق بالقوووووووووو فطيم : عاشت الحبيبه خخخخخخخخخ ريم : حتى انا يدق بالقوووو قلبيه شفتهن التفتن صوبيه ههههههههههه من كثر ما ربعت ثرنيه ما عنديه لياااااقه هههههههههههههه فطيم : انا قلت يمكن مطر نطق واخيرا ريم خذت منها سله الباتشي : صبيليه فنيان بس اونه نطق اخووج هذا ما ظنيه بينطق ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~ عند قوم سعود وشهاب .....كانو الشباب فعزبه حد من ربعهم وسوالف وضحك ولعب ومصخره الا شهاب يطالع الضوو وسرحان انتبه لعمره تعوذ من بليس ما حقها لربيعه ولا للبنت لي ما درتبه بعد لو كانت تدري اكيد ما بترضاها لعمرهاا حاول يتناااااسااا الموضووووع : شبااااااااااب هالشله اهداااااااااااااء لبوووو عسكووور بو عسكووور : ياخي ما بغي اهداءات منك انا شهاب : مسود الويه ادريبك تبغيها من منوه بس وحليلك محد مسويلك سالفه سعيد: فديت عيونها انا حمدان اقوول بوحمد والله انه ما يستاهله اهداائك اهديني انا ياخي شهاب : صدقك والله تم الساع عيل هالشله لغرشوب العوامر حمدان : ما فيني حيله والله ^^ الكل : هههههههههههههههههههههههه صدق عمره الريال مسكين قلبك يحسبني مولعبك....وانا نسيتك وهذا من كرم طيبي ....من يوم عني تغير فالهوى دربك ....مانيب بحب الشراكه وانته تدريبي..... هذاك وقت النعيم كان في قربك ...... واليوم وقت على فرقااك يسعيبي ..... وشلي فحب مع الاوهام متشربك.... لاني مكلف اشب النار فجيبي .... الذووق ذوووقي وذوقي صام عن شربك.... والحب عندي على منوة مطاليبي.... مسموووح عني دروب الصد ترحلبك..... وعن سابق الود لك هجري وتعذيبي...من قال يمكن باني يوم ارخصبك ..... ومن قال عيني بلا شوووفتك ترضيبي.....بس الليالي كما صافتك تغدربك ..... والقلب عيا يرد نداك ويجيبك.... مسكين قلبك يحسبني ممولعبك ..... وانا نسيتك وهذا من كرم طيبي وسواااااااااااالم حمدان: من كرم طيـــــــــــــــــبه بو احمد سعود:مافيك حيله ولد العم سعيد.: عاش عاش بو احمد ما يخرب ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~ فبوظبي السااعه 10:30 محمد.... ردينا للبيت انا وركان وخليته فالميلس ودخلت اشووفه اميه ولا الهنوووف المهم حد يسويلنا شي ناكله راكان دخلت الميلس ويلست وانا ضايق يالله معقوووله فابوظبي من الصبح ولا اشووفها شو هالحظ لي عليه ياربيه يالله يارب ابا اشوووفها قبل لا ارد العين لو ثواني بس ياربي.... ما كملت رمستيه الا وايد ناعمه شروا الحرير تقرص اذنيه معقوووله ما اكرمك ياربيه استجبت دعوتي هذي اكيد ايدها اكيد مش يد حمود الدب التفت وانا قلبيه رقيص شفتها زاغت واتغير لونها وتعدلت بسرعه وعدلت شيلتها الهنوووف.... طلعت من الفله صوب الميالس بشووف هالطفس رد ولا لا الساعه قربت من 11 مش معقووله برع لين الحينه كنت محرجه منه بالقوو من الساعه 6 وانا اتصل وهو يغلقه فويهه عنبووووه ما يقوول يبغون شي فيهم شي عليه برود اعصاااب يقهربيه... انا صح كنت ابا فلم يعني مش ضرؤري بس هو بعد غلطان.... دخلت الميلس هذااا هووو يالس ولا هامنه شي قربت منه وقرصت اذنه بالقووو من خااااااااااااااااااااااااطري ......!!!! حمووود يالدب يوم اتصلبك.........ما كملت رمستيه..... لا لا مستحيل شووو هالموقف الخايس الا راكان ياربيه وين بودي ويهيه منه الحينه بيقول متعمده اااااا السموحه منك راكان والله ع باليه حمود وطلعت وانا عند الباب شفت حمود : انتي هنه وواناادووورج وينها اميه الهنوف.. والله انه فايج..: اميه معزوومه حمود: وانتي ليش ما سرتي وياها الهنوف : وانا شو يخصنيه شو كل عزيمه برز بفيسيه وياها حمود: اها انزين يووواعااا نبا اكل الهنوف : شو ما تعشيتو.؟ حمود: تعشينا ونبا نتعشى الهنوف : انزين شو تبغون تتعشون حمود: اي شي هيه صح شو كنتي تبغين حارقتلي الفوون الهنوف: توو النااااس احلف انته بس حمود : والله صدق شو بغيتي الهنوووف... سويت له طاف وسرت المطابخ اشووف شي ياكلوونه اكره شي عنديه يوم حد يقولي اي شي ما اعرف شو اسوي راكان... بعد ما كحلت عينيه قمت بسير للعين: يالله بو خليفه فداعه الله حمود : شو وين وين تم يا ريااال بنسهر رباعه راكان: لا لا ما فيني انا اصلا الحينه متاخر الله يعيني عليهم بس حمود:لا والله بترقد عندنا تم .... تم..... تم << قلتها بسرعه اعرفه يضحك ع هالحركه راكان: خخخخخخخ عشان تمك تمك تمك هذي فالك طيب بنرقد عند الليله حمود: هههههههههههههههههههههههههه يالله وينها play station3 راكان: يالله يبها بنكسر لك راسك شؤي حمود: هين بنشووف منوه بيكسر راسيه الهنوووف... سؤيتلهم عشى وزقرتهم ويوم يو يت انا بسير فوق فضيحه اتم يالسه جي وهم ياكلون ومحد عنديه اسولف وياه قلت اسير لمهير ومهره اشووفهم شو يسون ابرك هييل دومهم لاصقين فالtv اتقووولوون حد ملصقنهم فيه راكان: وين بنت العم تعشي الهنوف: عليكو بالعافيه انا سابقتنكوو وتعشيت من وقت مع مهره ومهير محمد : ما عليك منها انزين كل بس كل هذي يوم اتيوووع تتوحش وما بتترياك لين تعزمها الهنووف @@ حسبي الله عليك يا الدب الحينه شو بيقوول عني راكان اوووف يقهررررررررر عطيتهم ظهريه وصعدت الدري راكان : حرام عليك حمود قفطتبها حمود :ما عليك منها هنوووو ويها لوووح ههههههههههه راكان: ويها لوووح فعينك ياخي انته اخوها اكيد ما بتستحي منك بس انا غير<< مصدق عمريه اوني غير ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~ عند البنات فالعين الساعه 11 فطيم : يووووووعااااااانه ريم: حتى انا وساره: me toooooo ريم : شنغل ومنغل وينهم ما شرفو لين الحينه!! فطيم : منغل فعينج كم مره قلتلج منغل ما عندنا اسمه الشيخ ســـعود^^ ريم: انا بفهم انتو منوه قص عليكو وقالكو انكو عيال شيووووووووخ هع هع المهم وينه شيخج ع قووولتج بنتصل به نبا عشى فطيم : والله ما ادريبه اتصلي وشووفيه وينه ساره : لا حرام يمكن بيسهرووون برع فطيم : اونه حرام اصلا شووفي الحينه اذا بيعطوونا فيس زين اذا ردووو عليها ريم قمت من الشبريه وانا متعايزه بس فووناتنا كلها ع الجرااجه يودت فون فطيم: اتصل من فووونج هع هع فطيم: بزووواااالج ريم: اعنبووه من زط عليج احيانا تحسسينيه انج بنت شحيفان القطوو فطيم : تهبين تدرين ليش ما باج تتصلين عن العبط ريم : عندي اللي بيوصلنا اسرع عن شنغل ومنغل ورفعت حياتي ^^ فطيم فهمت عليها بسرعه اكيد ميوود خخخ: صدقج ساره شو هالنظرات الشيطانيه قلت بكل برائه : منووه؟؟ ريم : ولوووووميوووودج يوم بيدري انج يوعانه بيب لنا MacDonald's بكبره ساره: لا لا لا والله فضيحه ريم يودت الفون واتصلت بالشيخ سعود ع قوولتها سمعت اغنية الوسمي اليديده العمر ما يسوى ههههههههههه من انزلت وهي موضه الكل يمدحه البومه اليديد حطيت سبيكر واشرتلهن اذا رد سكوووت وبدينا رقص هههههههههههه اخبال اخر الليل مادري اليوع المهم شفرررررنا يوم حسيت سعود بيرد عفدت ع الشبريه ابا ارمس والبنات عفدن ويايه سعود : الوو ريم: الووووووووووه مرحبا اخويه ازيك عامل ايه.؟ ربك الا بخير وسهاله وصحه وعافيه..<< اوني مصريه ترمس مواطن سعود ههههههه والله ريموه سوالف عطيت شهاب الفون من غير لا ارمسها شهاب: مرحبااا الساااااع ريم: مرحب لاهان فديتك وربيه ياخويه ابوواحمد انووه اخووك المفعوووص ده ما يختشيش ولا بيخيل على دمووه امررره تخيل من سمع صووتي عطاك الفووون على طووول والله مزيع المزهب شهاب ههههههههههههههههه مت من الضحك عليها وكيف بسرعه بسرعه ترمس عنبوووه اتقول امها مصريه: هههههههههههههههههههههه شو يااك يا ريال حايس لسااانك شراتهم لو اني ما اعرف امك جان قلت الشيبه مناسبنهم ريم :هههههههههههههههههههههه شهاب: اكيد توك ظاهر من السينما شايفنلك فلم مصري ريم : خخخخخخخخخخخ يا ريت دحنا غلابا محدش معبرنا مول كلووووه طاف طاااااف الا هو خبال تالي الليل فديتك شهاب: ياحيك الساع امرني الغالي حايه اماره ريم قلبت الموجه : والله انك عن جد شيخ الشيووخ كماانه هب هيدوول اللي خاقين بعمارهم ع الفاضي والمليان عرفتوون طبعاا شهاب: هيه هيه هههههههههههه ريم : على أولتكون ما فيك حيله شهاب: خلصني عاد اذا انته فاضي ترانيه ممزوووور خخخخخ ريم : اوكي اوكي فديت منخارك نحن تلات صبايا غراشيب بدنا عشى ازا مممكن شهاب: شو قالووك كفتريا هذا فوون الشيخ سعوود ريم: شووووبدك يانا نتصل براعي الكفتريا شهاب : وشو فيها الغالي ريم : ما يطيع زينا حبيب البي نحن بدنا من ماااك شهاب : هههههههههههههههههههههههههههه وافد بطران ثرك ريم: بو احمد عااااااد دخيلك والله خاطريه فجورميه شهاب: من العين اليمين قبل اليسار ريم: فديت العيون وراعيهن والله قلت شهاب ما بيردنيه شهاب: كلكو جورميه ريم: هيه شهاب : كم بوغيث عنديه انا حاضرين ... شي فخاطرك بعد تدلل انت بس ريم : سلامة ألبك ريم... بندت عنه وقلبت عمري ع ظهريه غمضت عنونيه وحظنت الفووون : اااااااااااااااه قلبيه يرمسني ع اساس اني بوغيث يا ليته قال ام غــــــــيث سعود: محد مبزيهن كثرك شهاب : وحليلهن الرضيعات من لهن غيرنا وبعدين منوه قالك بنتعنااالهن سعود : عيل شهاب : ههههههههههههه بتصل فبو غيث احيده بيرد البيت من وقت بقووله طلباتهن سعود: اها برايهن عيل ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~ مطر دخلت البيت محد تحت حطيت العشى فالمطبخ واتصلت بفطيم:السلام عليكو... فطيم : وعليكو السلام مطر : يوعانه؟! فطيم: هاااه مطر: يووووعانه عشااج فالمطبخ يتريااج فطيم تونيه استوعب : اها اي مطبخ مطر : يعني اي مطبخ مطبخنا طبعا فطيم: اوكيك يسلمو خيووو مطر... سرت ويلست فزاويه احبها وايد هاديه فالحوووي واتصلت فالقلب وتميت اسووولف شفت فطيم وساره دخلن المطبخ بس ريم تمت تحوط فالحوي وترمس فالفون صوتها كان يوصلني منوه ترمس هاي ولا تتفدااه بعد شيت شيت ميته ضحك : مواز غناتيه باي باي ريم ... كنت ارمس راكان بشوفه وين اتاخر واحوط فالحوي فجاه ظهر لي مطر ما اعرف من وين ونظراته تزيغ اول مره اشووفهن عدلت شيلتيه سمعته يقول بلهجه غريبه: منوه ترمسين ريم : خلاص تصبح على خير هالله هالله بعمرك فديتك ورد السلام عليهم مطر .... بكل قواة عين بعد..... تخبلت : اقووولج منووه ترمسين ريم: بوغيث شو فيك عين من الله خير منوه برمس يعني!!!! مطر رصيت على ضروووسي هذي لي بكفخها الحينه وبكل جراه بعد: اقووولج منوه ترمسين فهالوقت ريم معقووله هذا قصده شاك فيني؟ربعت يدينيه حطيت عينيه بعينه اباه يستحي من تفكيره الخايس وقلت بكل ثقه: راكــــــــان مطر قسم بالله حاس عمري بدفنها مع هالنظرات: ماشاء الله تحبين اخووج هالكثر تسولفين وياه توالي الليل ع الفون.... قلت هالجمله وانا اتصل براكان ما اعرف كيف وليش بس ابا اتاكد بعد سلام ع السريع:هاااه تسولف مع ريم توالي الليل بطرانين انتو فبيت واحد وتسولفون ع الفون شو هالعيازه راكان... استغربت من اتصاله غريبه: لا والله انا فبوظبي ببات هناك والرضيعه مسويتلي فيها ام حنووون مطر : اها واعلوهم هل بوظبي راكان :يسرك حالهم مطر: شي فخاطرك راكان: سلامتك ريم ... ما كنت مصدقه متصل براكان يتاكد اذا كنت صدق ارمسه ولا لا مجذبني يا مطر حسيت عظامي ترجف والدموع فعيني الظلم شين... كنت بربع لين غرفتيه واصيح ولا انه يشووفني بهالحاله بس قلت بسمعه رمسه فخاطريه لو ما قلتها بموت فغيضي ولحد درابي شفته يبند من راكان طالعته بنص عين : ما اتخيلتك تفكر فينا نحن بهالطريقه بس صدق من قال كل يرى الناس بعــــــين طبعه وربعت لين غرفتيه قفلت الباب وبندت الليت وعقيت بعمريه ع مخدتيه وصحــــــــــــــــــــــــــــــت من الخاطر مطر.... حسيت بصداع فضيع فجأه انا كيف فكرت بها بهالطريقه استغفر الله العظيم من كل ذنب عظيم تضايقت من نفسي وايد اول مره احس اني متسرع وصغير فنظر حد نظراتها محتقرتنيه شو قصدها تعرف بسالفه موزه؟؟ بس اناو موزه غير أأه انا ما العبها موزه اووووف ركبت موتريه وتميت احوط واحوووووط ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~ فطيم ... شوفيها ريم انا شفتهم من الدريشه واشكالهم ما تبشر بخير الله يستر بس ما حبيت ابين لساره اتصلت بها بندت فويهي وعقب اغلقته ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~ بوظبي الساعه 12 الهنوف كنت فاجه المسن والمنتدى ومع كل هذا ملل ملل ملل سمعت صوت حشره من تحت قلت اكيد اميه ردت البيت وحمود عندها نزلت تحت شفت راكان حسيت قلبي يدق ويدق خفت حد يحسبه من قوووو دقاته : السلام عليكو.. الكل : وعليكو السلام ام محمد: وين ابووج واخوانج؟ الهنوف: اميه ارقووود بس ابويه لو نزل محرج عليكو ما بلومه اصواتكو واصله لين غرفتيه ام محمد: خبلوبي يامج ولا انا امبوني بسير اوطي راسيه محمد : فديتج امايه الا هي سوالف ام محمد ... ما سوت له سالفه وسارت لريلها توطي راسها هي بعد تموا الهنوف وراكان ومحمد يسولفوون ومحمد ياه اتصال وظهر عنهم ربيعه برع يبا منه حايه راكان: اممم اقووول هنوفي هنوووف... يدلعني ولا يتهيألي @@: لبيه راكان : لبيتي فمنى ياربيه هنوف : اليميع راكان والله ما تظهر منيه والله غيرت الموضوع: أإأإ اخبار الدراسه الهنووف : ترتووب كلها كم اسبوووع وبنفتكك من الغثى ان شاء الله راكان : الله كريم الهنوف ابتسمت له راكان لا لا لا دخيلج لا تبتسمين تصعبين المهمه اكثررر: امممم عندج ايميل بنت العم الهنوف: هيه راكان: ما بتعطينه ولد عمج الهنوف ياهي قفطه: اذا فخاطره الايميل فاله طيب راكان : فالج ما يخيب الهنوف يودت فونه وكتبت ايميلي له وقمت بشرد عنه : تصبح على خير راكان.... ما كنت مصدق عمريه اخيرا نطقت وطلبت ايميلها وعطتني ياه بعد كيف برقد انا الليله: وانتي من هل الخير راكان... الهنوف ايدها كانت ترجف ومتوتره معقووله تحس بشي من جداي ولا اتخيل!! يالله دخيلك بتخبلبي هالهنووف ~~~~~~~~~~~~~~~~~~~ في غرفة ريم كنت اصيح واصيح بقهر كيف يشك فينيه كيف اهون عليه يفكربي هالتفكير معقوووله متساهل انيه ارمس انساااان غريب عنيه انا انا يا مطر ..... بس هو ما فكر بي هالاسلوب الا لانه عايش هالدووور هيه هووو اكيد يرمس بنات عسب جي شك فيني والله لو مبارك هو لي شافنيه عادي ما بيقولي شي ولا شهاب ولا سعوود ااااه يارسيه احسه بينفجر الاقيه من وين ولا وين يامطر حرام عليك والله انك عذاب وما خذيت منك غير العذااب عند مطر .... حاله كان اخس عن حال الريم لانه حاس انه ظلمها وكبيره وايد حركته وع كبرها حس عمره صغير فعين الريم وسخيف وهالشي ما حقه لعمره انا غلطت فحقها وهي زعلانه اكيد لازم اعتذر لها قمت ويلست ع الشبريه ويودت راسيه بين كفووفي .... بس انا ما اعتذر لحد اوووووف بس انته يامطر ظالمنها والريم ما تستاهل لي قلته لها بس هي شو كان قصدها رفعت راسي لسقف انا بتخبل لو تميت افكر فالموضوووع زود حاس اني مصدع عند ريم... تقلبت يمين ويسار احس ضو تحتي هب شبيرتيه سمعت الاذان ياذن ااااه لا إله إلا الله مرحبا بذكر الله قمت قلت بحوط شؤي فالحوي لين ما يقيم الصلاه وبصلي مع انه الجو بررررد موت بس محتااايه اشم هوواااا ااااه يامطر لو كنت جماد حسيتبي دومك تجرحنيه واقوول ما يقصد بس هالمره كيف اعديها لك استغفرك يا رب تذكرت انه هالوقت تستجاب فيه الدعوات دعيت ربيه انه لو كان حب مطر فيه عذااابي يصرفني عنه وينسيني حبه وان كان فيه الخير لي يوفقني معه وصلت للعريش وانا هب حاسه بعمريه بس طااف محد واعي هالوقت دخلت العريش وسرت صوب دوشق ابويه لي دوم ييلس عليه تحته دفتر يكتب فيه يديده خذيته ويلست ع مسند عالي شؤي نورت ع الدفتر بفونيه وقريت بيتين عيبونيه حاولت اشلهن بس سمعت المؤذن يقيم للصلاه رديت الدفتر مكانه شفت شي يتحرك فالظلام هذا واحد كان متمدد حسيت دميه كله فراسي وريوليه ثقلت وركبيه ما تشلني حسيت بخوف فضيــــع عمريه بحياتيه ما حسيتبه ما عرفت شو اسوي غير انيه اصـــــــــــــــــــــــــــــــــــــرخ باعلى صوتيه شفته يربع صوبــــي غبيه غبيه ليش صرخت اكيد الحرامي ما يبا ينفضح ثواني هذا كله كان فلمح البصر حط يده ع شفايفي يبا يجتلني عضيـــــــــته باقوى ما عنديه حسيت اني غرست ضروسي فيلده طعمت لحمه فحلجي..... cut ^^ كل شكر للعيوووووووون اللي تابعت القصه للبارت الثالث اممممم انا نسيت اخبركو شي ^^ اللي عيبته برتاتي وفخاطره يشلها ترا ما تغلى عليه بس ع الاقل يعطيني خبر ومره مرخووووص جانه بيشلها بس تقديرا للتعب اللي تعبته وانا االفهااااا ع فكره هالقصه من سنتين وهي فبالي واشتغل عليها وتعبت فيها وايد^^ بس ما انكتب لها النشر الا فهالصيف ~~~~~~~~~~~~~~~~~~~~~~~~~~~~~~~~ اهداء لاحلى اعضااااااااااااااااااااااااااااااااااااااء ^^ عطني الغلا واعطيك من خآفقي نور ..أبغي حنانك دآم تبغي حنآني عطني الوفى ميعآد واحساس شعور .. ودي أرجع فيك كل الآمآني خذني من الأيآم بآقآت وزهور .. تذكآر اكتب فيه مآضي زمآني اترك عيونك تشبك النور بالنور .. واغمض جفون النآس عن لآ ترآني بمشي دروب لخوف وبعبر لك بحور .. وبنسب وجودك كل دربن شقآني مبهور في حبك انا اليوم مبهور .. مفتون من رآسي إلى أول كيآني يآ وآحة العشآق يآ ملهم الحور .. حسنك تعدى كل وقت ومكآني مآلوم قلبي ان غدى فيك مجبور .. الذوق والاحساس واحلى معآني عطوني ارائكوووو وتعليقاتكووو ع البارت ووالقصه بشكل عام لا تبخلون علي فيهااااا^^ فديتكووووووو احبكووووووو هالكثــــــــــــــــــــــــــــــــــــــــــــــــــــــــــــــــــــــــــــــر |
| الساعة الآن 04:07 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir