وَ أنآآ بـھا ... خَآلدٍ

البارت " 8 "

.
.
.
.
.

اليوم : الاربعاء ..
الساعه : 11 الفليل ..
المكان : المستشفى ..
.
( شيخه ) ..



حضنت نوره و اناا اصييييييح و ميييته من الصياااااااااح .. ما صدقققت اللي قالوووه .. ما صدققققتهم ..
اصريت ع ابويه انه يوديني المستشفى الحيييين .. طبعا ناصر اعترض في البدايه ..بس تميت معانده و معانده ..
و تميت احن واحن فوق راسهم ابا اسير اشوف عزه ..
عزه شي ثمين ف حياتي .. كيف ما اسير اطمن عليها .. حتى لو الفير بسيرلها يعني بسيرلها ..
ناصر : شيخه بسس بسسج صيااح ..
شيخه : ناااصر انته ما شففت كيف استواا جسمها متشوهه .. ما شففففت .. لو شفت بتصييح اكثر مني ..
مسك ايدي و خوزني عن نوره .. ويلسني ع الكرسي ..
ناصر : تعالي انزين ابغييج ..
غمضت عيوني و خشيت ويههي ف ايدي ..
شيخه : شووه بعد ؟ ..
ناصر : كيف .. كيف متشوهه ؟؟ ..
طالعته بحسره ..
شيخه : كل ايدها محرووقه .. ها اللي شفته ..
ناصر : آآآهاا ..
ظهرت من الغرفه بعد ما شفتها تصارخ وهي تراويني ايدها .. كسرت خاطري ..
خليتها داخل ويا عمي ( ابو راشد ) و ابويه واخوها راشد وامايه و موزه .. حمد ما شفته ..
وخالد سار يودي امه و مهره البيت .. لانه عموه انهارت عليهم ..
وانا الحين يالسه هنيه و يا ناصر و سيف اخواني اللي مارامو يدخلون داخل و نوره اللي حسيتها متضايجه شوي ..
اكيد بسبه حالت عزه .. ولا في شي بيضايج ها العايله غير ها السالفه ..
سمعت ناصر يرمس ف التلفون ..
ناصر : والله ما شفتها لين الحين ... هممم اللي عرفته انه حالتها حاله يا عيسى منهاره ومب مصدقه .... لا لا شو تي الحين الفليل ... يابوي لا تي الحين الكل مروح ... موزه بتم وياها ... خلاص نحن الحين ظاهرين اصلا ... ماعليه ان شالله ... خلاص باجر تعال مب الحين ... يلا فداعه الله ..
شيخه : هاه عيسى ؟ ..
كان يرمسني وهو يحط تلفونه داخل مخباه ..
ناصر : هيه .. كان يطمن على عزه .. ( التفت ع سيف ) سيف دق عليهم شوفهم شو سالفتهم ..
دق سيف الباب .. وقالو انه عادي ندخل و عزه لبست شيلتها ..
كان الكل منتشر ف مكان .. و هاديييين .. ما يرمسوون .. يلسنا انا و ناصر الكرسي بهدوء .. اما نوره وسيف فكتفو بأنهم يتمون واقفين .. و مجتفين ايدهم .. يتريون متى بيخلص ها الهدوء ..
لين ما قطع عمي ( ابو راشد ) .. الهدوء و هو يقوم من سرير عزه اللي كان قاعد عليه و حاط ايده ع ريلها كـ نوع من المواساه ..
ابو راشد : يلا يا عياال يلاااا نرجع البيت ..
وقفت امايه يوم شافت ابويه بعد وقف ..
ابو ناصر : يا محمد انت متأكد ما تبا ام ناصر تبات ويا عزه ..
موزه : ابويه شو ها الكلام ؟؟ .. امايه حرمه عوده و خلها ترجع البيت .. انا بقعد ويا عزه ..
وقفت ع طول ..
شيخه : انا بعد بتم ..
ابو راشد : لا لا لا انتي بذات اول وحده بترجعين ..
حست بوزي بقهر ..
شيخه : ليش عمي ؟ ..
ابو ناصر : ما عليه باباتي .. رجعي انتي البيت .. اختج موزه بتم وياها ..
سرت صوب عزه و يلست ع سريرها و حاوطت ايدي ع جتفها .. وقربتها مني ..
شيخه : عمي عشااني .. ابوويه دخيلك ابا اتم ويااهاا ..
ام ناصر : شوييخ قلنا موزه بتم خلاص لا تزودينها و هي قصيره ..
تنهد ناصر و لاول مره قال بهدوء ..
ناصر : شيخه ماعليه .. باجر الصبح علي انا اييبج هنيه ..
رصصت عيوني و انا شاكه بكلامه .. و بينتله اني مب مصدقه ..
ناصر : والله العظيم باجر الصبح بييبج .. ادريبج شاكه بكلامي .. بس هااه حلفتلج ..
ابو ناصر : وابووي شيخه .. اخوج حلفلج انه بييبج يلا عاد قومي نظهر و نخليها ترتاح ..
تنهدت و قرب راسي من اذن عزه وانا اهمسلها ..
شيخه : عزه فديتج انا بروح ..
هزت راسها و هي تمسح بقايا دموعها اللي ع خدها ..
عزه : انزين .. ربي يحفظج ..
شيخه : تامريني بشي قبل لا اسير ؟؟ .. قوليلهم ابا اتم وياج ..
حسيت عمي عشان يغطي ع ها الهدوء كنوع من المزح يعني ..
ابو راشد : هييه هييه شوييخ قاعده تقوليلها خبريهم .. عشان تكسرين خاطرنا و نخليج ..
موزه : هههههههه كاشفنها عمي انته ..
ابتسمت لعمي ..
شيخه : فديييييييتك يا عممم.......
ابو ناصر : شيخه بلى دلع زايد يلا يلا ..
حطت عزه ايدها فوق ايدي ..
عزه : سلامتج .. تعاليلي باجر ابااج ..
شيخه : طبعااا بيي .. ما بخليج ..
سلمت عليها .. وقمت ظهرت ويا امايه و ابويه و اخواني ناصر و سيف و نوره ..
استوقفني صوت راشد ولد عمي وهو يزقرني ..
شيخه : هلا راشد ؟ ..
قال راشد بتوتر ..
راشد : شيخه ابغيج بخدمه ..
استتغربت منه .. وخصوصن انه ياييني و يطلب مني انا ..
شيخه : اذا قدرت ان شالله .. خير راشد ؟؟ ..
راشد : كل خير .. بس ابغييج ها الايام تفضين لعزه وما تخلينها برووحها .. انتي اقرب وحده لها و ييت اطلب منج ها الطلب .. عزه حالتها ما تسر عدوو ومابغيج تهدينها ..
ابتسم ناصر اللي كان ويايه لاني برجع ويااه .. اما الباقيين سارو ويا ابويه ..
ناصر : افا يا راشد تطلب من شيخه انته .. ( شق الحلج ) شويييخ مخخطططه من ها الشي قبل لا تقول ..
ضحك راشد .. وكانت صوت ضحكته اشببهه بضحكهه خالد .. ابتسامته مثل خالد .. بالمختصر المفيد في ببينهم شبهه كبييييييييييييررر .. اما حمد فهو مايخصهه فيهم هو و مهره رايحيين صوب اهل امهم ..
راشدد : عيل جذاا الساللفففه .. تخططيين من ورانا ..
شقيت الحلج ..
شيخه : عيل بخلي عزوه بروحها ؟؟ .. ها اللي ناقص ..
راشد : ههههه والله انج سوالف يا شويييخ .. يلا ماباا اطول عليكم ..
ناصر : نشوفك ع خير ..
و طلعنا من المستشفى متوجهيين للبيت ..
.
.
.
اليوم : الخميس ..
الساعه : 9 الصبح ..
المكان : المستشفى ..
.
( عزه ) ..


نشيت وانا اسمع قرقعه ف الغرفه .. فتحت عيني تدريجيا و شفت من طرف عيني اماييه و حرمه عمي ( ام ناصر ) و عمتيه حصه .. فارشين ع الارض و حاطين ريوق ..
سمعت صوت شيخه معني ماعرف وين يالسه بالضبط ..
شيخه : نشت نشششتتت ..
من خلال صوتها عرفت انها يالسه عدالي بس انا شكلي ما شفتها ..
قامن الحريم الثلاث و هن يركضن و يايات صوبي ..
ام راشد : عزه اميييه كيف الالم خف عنج ؟؟ ..
مسكت اييد امايه و قللت بنبره تحمل كل معاني الحزن ..
عزه : اماايه وييينج امسس ؟؟ .. ما شفتج وين كنتي ؟؟ ..
لاحظت انه طالعت عمتيه حصصه بمعنى شو اقوللها ؟؟ ..
عزه : امااايه ويين كنتتي ؟؟ ..
ام عيسى ( عمتيه حصه ) : عزه ماماتي امج تعبت شويه يوم عرفت شو استوا فيج عشان جيه ما شفتيها ..
عقدت حواجبيه ..
عزه : ليش انا شو استوا فيني ؟؟ ..
حرمه عمي تمسح ع راسي ..
ام ناصر : كل خير غناتي كل خييير ..
نزلت دموعي بحرقققههه بمجرد ما مررت ف بالي راشد واقف جدام ابويه و يطلب فصخ الخطبه ..
تمو يهدوونني.. ويحاولون قد ما يقدرون ينسوني الموضوع .. لين ما دخل حمد وابويه وهم مبتسمين ..
ابو راشد : كيف الحلوه اليوم ؟؟ ..
تنهدت ..
عزه : الحمدالله ابويه ..
حمد : شحالج فديتج .. شو تحسين الالم خف ولا ؟؟ ..
وباسني فوق راسي .. حسيت باحراج شويه وف نفس الوقت بفرحه وخصوصن انه في مثل حالتي هاي محد خلاني بروحي والكل وقف يساندني ..
عزه : هيه خفف .. بس شوي يحرقني ..
رفع اكمام ايدي لانه امس ما قدر يشوف كيف الحرق بالضبط ..
حمد : الحمدالله انه مب عميييق و الزيت ما كان واايد حار .. واذا بخصوص ها الحروقاات التزمي بالمرهم و الادويه اللي يعطونج اياها واذا وايد وايد مستعيله يعني عشان يخفف ع الاقل نسويلج عمليه ..
ارتجفت يوم طروووا العملييه .. لاا ماباااا ماروووم والله بموووت ..
عزه : مابااا عملييييه مابااااا ..
ابو راشد : ليش بابا ؟؟ .. مب انتي امس كنتي تصيحين عشان راشد ها الحين اقترحننالج ها الفكره عشان يخفف ..
حمد : خلاص ابويه ع راحتها مثل ما تبا .. ما بنضغط علييهاا ..
ابو راشد : المهم يلاا يا حريماات ظهرن براا راشد بيحدر يطمن ع عزه ..
تنفسست بعممق .. لاني حسيت الاكسجين تقريبا خللص واحتاااج اني اتنفسس ..
حمد : ويبغي يتم ويا عزه يرمسها ف موضوع بعد ..
قلت بخوف ..
عزه : بروحنا ؟؟ ..
حمد : لا بنيمع العايله كلها هنيه ف الغرفه و بنخليكم ترمسون ف خصوصياتكم .. عزوه تستهبلين عليه انتي ؟؟ اكيد بروحكم ..
مسكت ايد شيخه اللي عدالي ..
عزه : لا ماااببااا اخااف ..
حمد : عزه لا تستويين ياهل .. خطيبج يبغي يرمسج ف موضوع ..
همست شيخه ..
شيخه : يلاا عزووه .. الا هو راشد بيرمسج ف موضوع و بيظهر ..
همستلها ..
عزه : اخااف شويخ والله اخاااف ..
شيخه : من شوووو ؟؟ ..
عزه : ماعرف ..
شيخه : مب عكيفج لازم ترمسينه .. عيب عليج قاعد يترياج برااا ..
وقفت و ما تريت رد مني وظهرت ويا امايه و حرمه عمي و عمتيه حصه .. بعد ما فرولي شيله عشان البسها ..
حمد : شوفي نحن بنتريا براا عشر دقايق و بنحدر ..
عزه : خمممسسس دقايق ..
حمد : يلا عاد شو خمس ..
عزه : ما يخصني خممسس ..
حمد : انزين انزين خممس ..
وظهر هو و ابويه .. اماا انااااا حالتي حاااله ارتجففف من الخووف واحس بخربط ماعرف شو اقوول والله ..
رنت ع مسامعي صوته اللي حتى لو يصرخ يعتبر همممسسس .. لانه وااايد وااطيي ..
راشد : السلام عليكم ..
رديت ع نفس مستوى صوته ..
عزه : وعليكم السلام ..
كنت منزله راسي ومستحيه ع الاخر .. قرب كرسي مني و سمعت تنهيدته ..
راشد : شحالج عزه ؟؟ ..
عزه : الحمــ .. دالله و من صوبك ؟؟ ..
راشد : آآآآآآه مادري شو اقولج ..
رفعت راسي و لاحظت كل ملامح الحزن في ويهه ..
راشد : ماتعرفين شكثثر زعلت يوم بلغونني شوفيج ..
رديت نزلت راسي و دموعي تعلن النزول .. ماقدرت امسكها اببددد ..
راشد : وشكثر زعلت يوم خبروني تفكيرج فيني ..
غمضت عيوني وحطيت ايدي ع شفايفي امنع شهقاتي من انها تظهر ..
راشد : عزه رفعي راسج ..
عزه : ..
كنت ساكته و كل اللي ينسمع شهقاتي ..
راشد : مسحي دموعج و رفعي راسج اشوووف ..
عزه : ..
راشد : عزه لا تعاندين يلا اشوف مسحي دموعج .. لا تخليني انا اتقرب و امسحهن ..
صدمتني جرأته بس بلحظه وحده فكرت انه ممكن يسويها صدق وما يتراجع .. مسحت دموعي بايدي ع طول و تميت منزله راسي ..
راشد : حلووو سمعتي الكلام يعني .. الحين رفعي رااسج لاازم كل ها الخطواات عشان ارمسج وانا اطالع بعيونج ..
ضحكت بخفه .. وحسيت ضحكتلي الدنيا خصوصن انه راشد ابد ما بيفكر يتركني ..
راشد : هههه انزين رفعي راسج شوفيج منزللتنه ..
رفعت راسي وتلاقت عيوني بعيونه .. حسيت باحراج خفيف فـ نزلت عيوني و راسي مرفووع ..
تنهد بضييج ..
راشد : الحروق وين بالضبط ؟؟ ..
استحيت اقوله انه ف المنطقه فوق البطن و ايدي اليسار كامله .. فقلت بهدوء ..
عزه : ايدي اليسار كامله ..
راشد : يعورج واايد ؟؟ ..
عزه : الحين مب وااايد ..
راشد : يلا ماعليه الحمدالله ع سلامتج و ما تشوفين شر ..
عزه : الله يسلمك و الشر ماييك ..
قال بتررددد ..
راشد : انا ياي هنيه عشان ارمسج بموضوع ضايقني يوم سمعته من اخوج ..
عزه : ..
اكتفيت بالسكوت اترياه يكمل ..
راشد : ما كنت اتوقع اببد انج ممكن تفكريين مجرد تفكير اني بتركج عشاان .. ( سكت ثواني ) عشاان جسمج مشوهه .. ها الشي كاتبه ربي ونحن ما نقدر نغير القدر ..
تنفس بعمق ..
راشد : سمعي عززه .. انا خطبتج لانج عجبتيني اول ما شفتج هذاك اليوم في الميلس ..
تذكرت اول مره اشوفه وهي يوم كان العيد و كنت ادخن الميلس قبل وصصول ربع اخويه حمد .. وبصدفه دخل راشد وهو يرمس تلفون ويضحك تلاشى صوت ضحكاته اللي تفتح النفس وهو فاج عيونه ع وسعها و يطالعني بصدمه .. اول ما استوعبت الموقف ع طول حطيت المدخن ع الطاوله وانا اركض بكشتيه لداخل البيت و احاول امسك قلبي اللي تم يدق اول ما شفته ..
راشد : وبالصدفه طلعتي وحده من ربيعات اختي وها الشي اللي ساعدني اني مافقد الامل وانج ما بتضيعين من ايدي .. خطبتج برغبتي الكبييره القرب منج و اني امتلكج بالحلاال .. كل اللي ابا اقوله واثبته لج اني مابا اخلييج مووووووول و بتكونين زوجتي قريب ان شالله ..
ابتسمت باحرااج و نزلت راسي بمستحى ..
راشد : بس حاب اقولج شي ..
سكتت اكثر من دقيقه .. جنه يحاول يلملم الكلمات ويرتبهن قبل لا ينطق بشي ..
راشد : عزه .. بعد ما فكرت اتخذت قرار عجبني و ياليت بعد لو يعجبج ..
قلت بصوت يادوب ينسمع ..
عزه : شو هو ؟؟ ..
راشد : اباج تسوين عمليه تجميل لمكان الحروقات ..
غمضت عيوني وانا احاول استرجع انفاسي اللي ضاعت من كلامه و من صدمتيه ف نفس الوقت ..
راشد : انا ماقاعد اغصبج بس عشان ما تفكرين بأفكار سوده وانه راشد مايباني ومادري شووه .. اقترح عليج تسوين العمليه و برضاج طبعا ما بغصبج و لا حد من اخوانج بيغصبج .. ها شرايج ؟؟ ..
تميت ساكته و محافظه على سكوتي التام ..
راشد : ماباج تسكتين ابا اسمع رااايج يا عزه ..
عزه : اللي تشوفه ..
راشد : يعننني مواافقه ؟؟ ..
هزيت راسي بأيجاب وانا ابد مب مقتنعه من هاي الفكره .. بس عشان خاطره هوو لازم اوافق ..
راشد : انزين سمعي .....
قاطعنا دخول خالد وحمد وهو يصفق ..
حمد : يلا ي شباااب مرت خمس دقايق ..
راشد : ههههه يابوك ما كملت رمستيه ..
حمد : انا واااعد عزه خمس دقايق بس .. وبيني وبينك خايف عليها منك..
راشد : ههههه حسبي الله ونعم الوكيل ..
وقف راشد وهو مبتسملي ..
راشد : ببلغ ابوج بالكلام اللي كنت ابا اكمله بس هذيلا قاطعوني ..
هزيت راسي بهدوء ..
راشد : يلا انا اترخص ..
ظهر هو و حمد و تم خالد ويايه ..
تقرب مني خالد وهو يبوسني فوق راسي ..
خالد : كيف صحتجج الحين ؟؟ .. احسن ؟؟ ..
عزه : الحمدالله ما نشكي باس ..
خالد : الحمدالله .. قرب مني باقه وررد عوووووده ..
عزه : مشكور ما تقصر ..
همسلي بحنان ..
خالد : نبااج تقومين بالسلامه يا الغاليه ..
ابتسمت له ..
شوي و دخلو العايله .. وملوو علي الدنيا وزادت علي اليوم يدوه و سوالفها حليلها ..
.
.
.
بعد اسبوع ..
.
.
.
اليوم : اليمعه ..
المكان : في الكورنيش ..
الساعه : خمس العصر ..
.
( ناصر )


يلست مع حمد ف الكافيه المعتاااد .. واللي دوم نحن و الشباب نتولف هنييه تحديدا بس اليوم كل واحد اعتذر بحجه انه مع الاهل .. ف اليوم انا و حمد يلسنا بروحنا وبما انه كنا اثنين ..
يلسنا عدال الدريشه اللي يطل عليه الكافييه ..
تنهدت بضييج و انا اشوف حمد قابض تلفونه و مندممج اخر اندماج .. بعد ثواني حط تلفونه ع الطاوله و ساند ايده ع ريوله و هو يقرب جسمه مني ..
حمد : ناصر .. بلاك ها الفتره متغيير ؟؟ .. مستولك شي وانا اخوك ؟؟ ..
التفتت ع المنظر اللي برا ..
ناصر : ياريال مادري شوفيني ..
ضحك حمد ..
حمد : بتقنعني انه مافيك شي يعني .. تيود عني ناصر ؟؟ ..
طالعته وانا اصغر عيوني ..
ناصر : مب سالفه ايود عننك بس مادري احس عايف روحي يا بو شهااب ..
ابتسم حمد ..
حمد : شكلها السالفه الا فيها حررممه .. معني ماحيدك مال ها السوالف ..
رفعت حواجبي ..
ناصر : احلف انته بس ؟؟ .. شو حرمه وما حرمه شو قصدك ؟؟ ..
حمد : يابووي مب قصدي شي .. بس متغير واااايد ها الفتره مب فايج لشي و طلعاتك قللت .. انته لايكون زعلان مني من ذاك اليوم ؟؟ .. اذا زعلان وانا ولد عمك سامحنني وماكان قصدي اني اضربك .. ( قال بمرح ) معنك تستاهل وربي ..
قلت وانا عايف روحي و الدنيا بما فيها ..
ناصر : لا يا حمد لا تقول جيه هذيك السالفه انتهت و اعتبره ماضي .. تصير خلافات بين الاخوان وتنحل والمشكله ما كانت الا لحظه غضب مني وو منك ..
ابتسمت وانا اتذكر هذاكك اليوم .. مر علي البيت و اعتذرلي وهو يحضني ولين الحين اتذكر كلماته ..
" يا ناصر انته اخوي اللي ما يابتك اميه .. ورفيج العمر وولد العم ماباك تزعل عشاان لحظظهه كنت فيها غبببيي .. سامحني ياخووي سااممحننني " ..
طالبت بوعد منه انه ما يسير هذااك المكان المشمئز .. و وهو حسيته رافض اللي اقوله بس ما كملت ثواني والا وهو مقتنع و وعدني ما يروح .. ومن هذاك اليوم وانا اشوفه مصطلب ههههه ..
حمد : ناااصر ..
رفعت عيوني ..
ناصر : عونك ..
حمد : لا لا فييك شي .. ماشي ملعوزنك الا اللي يطرونه ..
ضحكت بطنازه ..
ناصر : وشو اللي يطرونه ؟؟ ..
حمد : من تغنى به عيضه و راشد .. ماشي غيره ( وقال بحالميييه ) الحــــــــــــب ..
تنفسست بعمق من حالميه حمد و ف نفس الوقت مرتاح جزئيه انه ما يعرف باللي ف قلبي .. وما يقدر يقرا افكاري اللي انشلت و بسبب اخته ( عـــزه ) ..
ومضايق ف نفس الوقت انه قريييببب عزه بتصير حرم راشد .. وبيسافرون لعلاج عزه وبعد ما يرجعون بيسوون العرس ..
حمد : ناصر تلفونك يرن ..
خذت تلفوني و شفت اسم ( الهبله ) .. ضحكت ع تسميتي لها بها الاسم منو غيرها شويخ الهبله ..
ناصر : نعـــم ؟؟ ..
شيخه : ناااااااااااااااااصر فديت روحك ..
ناصر : ياي ياي مب متأخخر ..
شيخه : دخييلك لا تتأخخر لازم اجهز ويا عززه قبل لا يوصلون البنات ..
ناصر : صمخه انتي ؟؟ اقولج يااي الحين ..
شيخه : يلا اتريااك .. انته قريب من البيت ؟ ..
ناصر : ربع ساعه و واصل جهزو عماركم ..
شيخه : انزين يلاا ..
وسكرت منها ..
حمد : شيخه ؟ ..
ناصر : حد غيرها حشره ..
رفع ساعته وهو يشوف الساعه ..
حمد : خييبه من الحين بترووح ..
ناصر : تعرف بشيخه لازم ترز ويهها ف كل مكان ..
حمد : هههههه قم قم انزين عن تتأخر ..
ناصر : بتروح ؟؟ ..
حمد : لا اتريا جمال بييني ..
ناصر : خلاص انا راجعلك .. بوصلها وبرجع ..
حمد : اترياك ..
قمت و توجههت للسياره .. وشغلتها وتحركت وانا اسمع مقطع من اغاني ( ميحد حمد ) ..

كنت احسب انه مع الوقت توفى .. واثر حبه حي لو هو في رفاته ..
يحرق عيوني سحدها واتدفى .. ذكريات ببرد ليلي وانخفاته ..

ومع مرور الوقت وصلت البيت .. بس اللي ضحكني اكثر و اكثر يلسه شويخ و نوره ع الدريات اللي عند الباب .. بس كاانت اشكااالللهم تحففه ..
وقفت شيخه وهي تركض وركبت جدام .. ههههه قبل لا تركب الاخت نوره جدام ..
لحقتها نوره و ركبت ورا وهي تتذمر ..
نوره : حيوااانه . . والله انج حيواااانه المره اللي طافت انتي راكبه جدام . .
التفتت شيخه صوب نوره وهي تضحك . .
شيخه : راحت عليج اختي العزيزه . . انا اختج العوده و انا المفروض اللي اركب جدام . .
قلدتها نوره بطنازه ..
نوره : انا اختج العوده و انا المفروض اللي اركب جدام . . طل بعينج انزيــــــــــن . .
شيخه : انزين . .
والتفتت جدام وهي تضحك ع نوره المعصبه . .
ناصر : ههههه والله حااله تضاربن عشان اليلسه جدام . . ( قلت بخقه ) لهدرجه اليلسه عدالي حلوه . .
فتحت شيخه السده اللي جدامها . .
شيخه : لا طويل العمر عشاان هذااا . .
و طلعت السيديات و هي تدور السي دي اللي تبااه . . وبعد ما حصلته من بين كومه سيديات . .
شيخه : هـــــــي لقييييتتته ..
حطت السي دي و هي تجلب من بين ميه اغنيه استقرت ع اغنيه .. لو اعد كم مره عادتها ف حياتها مب اقل عن ميه مره . . ع طول حولت ع الاف ام اسمع اغاني من هناك ولا هذي الاغنيه الممله . .
شيخه : ليـــــــــــــــــش . .
قلت ببرود : جذااا . .
سمعت ضحكه نوره العاليه . . وهي تتشمت ف شيخه . .
شيخه : حيوااااااااان . .
وصلنا بيت عمي بو راشد بسلاام . . بعد ما تناقرت وياا شيخه . .
شيخه : ما بتنزل تسلم ؟؟ . .
ناصر : لا مالي بارض . . سلمي ع الموجودين وتحمدي لعزه بالسلامه . .
شيخه : يوصل ان شالله . . معني ادري عموه بتعصب اذا عرفت انك وصلتنا وما نزلت تسلم و تتقهوى . .
ناصر : قوليلها الدريول وصلنا . .
فتحت باب السياره وهي تضحك . .
شيخه : ماعرف اجذب للاسف . .
نزلو نوره و شيخه وقبل لا اطلع شفت نوره و شيخه يتكافخن . . هههههههه ضحكت عليهن الخبلاات . .

.
.
.

يتبع ، !

.
اليوم : اليمعه ..
المكان : بيت بو راشد ..
الساعه : 6 المغرب ..
.
( شيخه ) ..


دخلت الصاله و شفت عزه يالسه بهدوء ع الكرسي و بكشختها و تتأمل الباب ..
شيخه : السلام عليكم . .
وقفت و سلمت علينا انا ونوره . .
عزه : حي الله . . تفضللن تفضللن . .
نوره : زاد فضلج . .
عزه : مهره فوق جان تبينها . .
نوره : هيه بسيرلها الطريج مفتوح ؟؟ . .
عزه : ههههه هيه مفتوح بس يمكن جذا تلقين خالد ف طريجج ..
نرفززني رد نوره وهي تقول بمرح . .
نوره : ياللللله الا هو خاالدد . .
و اتجهت لدري .. وانا منرفزززني ردها من الخاااطر و مقهووره انه احتماال خمسين بالميه تصادف خالد وهو طالع . .
دام انه يدري في جمعه بنات بتصير بعد اقل من ساعه . . و لازم يلحق ع عمره و يظهر من البيت . . قبل لا ينحبس . .
عزه : ياهوووو ارمسج . .
شيخه : هلا عيوني . .
عزه : هلا عيووني هاااه ؟؟ . . تفكيرج ويين راح ابوي ؟ . .
شيخه : فييج ههههه . .
عزه : يعني صدقني يعني . . اقوول امشي اشوف البشكاره خلصت الفواله قبل لا يوصلن البنات . .
شيخه : عموه . . وينها بسلم عليها ؟ . .
عزه : امايه بعدها تجهز عمرها . . مطوله شكلها . . وموااز قاعده ادخن الميلس . .
رحنا المطبخ و وصت عزه البشكاره ع كم شي وانها تخفف عمرها . . قبل لا يوصلن البنات . .
اليوم ام عزه مسويه عزيمه بمناسبه سلامت عزه و طلعتها من المستشفى قبل يومين . . وعازمين اغلبيه المعارف و ربيعاتنا ايام المدرسه . . وبخصوص الرياييل فـ سووها العزيمه اليوم الظهر . .
رحت الميلس و شفت مواز وهي ادخن كل الميلس . .
شيخه : بعدج ادخنين انتي ؟؟ . .
موزه : اوووه هلا شواخ ييتي انتي ؟ . .
شيخه : هيه من عششر دقايق جيه . .
مواز : هيه زين . . اقولج شو الميلس مرتب ولا ؟؟ . .
التفت ع الميلس و شفته مرتب اكثر من الازم بعد . .
شيخه : هيه مرتب . . وايد حريم بيوون ؟؟ . .
مواز : مادريبها عموه اظني عازمه وايد . . بس ماعليج اخر شي اقص ايدي اذا امتلى . .
ضحكت على تعليقها ..
شيخه : سكتي عن تسمعج . .
سمعت حد يهوود . . وجنه صوت رياال . .
مواز : اووه هذا عيسى . . اكيد ياب سلل الفواكهه . .
شيخه : شعنه مكلفين عليه ؟ . .
مواز : هو اعلن خدماته ونحن وافقنا . .
وراحت صوب الصاله عشان تشوف عيسى . . وانا تبعتها . .
شوي وانا داخله سمعته ينازع . .
عيسى : دشي انتي و اختج داخل الدريول بيدخل السلل . .
مواز : خله يدخله من باب الميلس . .
عيسى : مقفول . . يلا دشن . .
ما كان في مكان نروحله الا اقرب شي . . وهو المطبخ . .
مواز : هاه عزه كل شي جاهز ؟ . .
عزه : هيه كل شي بس باقي يوزعنه من بين الصاله و الميلس . .
عرفت انه الميلس بيكون مخصوص للحريم و ربيعات ام عزه و الصاله للبنات وهم ربيعاتنا . .
بعد تجهيزات الصحون و الـخ . . .
دخل عيسى المطبخ وهو رافع اكمام ايده . . و يطالب بكوب ماي . .
بعد ما شرب و خلص الكوب . .
مواز : عافيه ولد العمه . .
عيسى : يعافيج ربي . .
مواز : ازيدلك ؟؟ . .
عيسى : لا لا بسني . . ( طالعني بنظرات و حسيت باحراج ) طالعه بكشجج و تبين تظهرين عند الدريول بعد . .
تذكرت اني كنت مب لافه الشيله عدل . . ف قصتيه اللي تغطي يبهتيه كانت ظاهره . . و امشي بكل غنج ف البيت . . جنه البيت مافيه رياييل يعني . .
شيخه : وانا شدراني انك بدش . .
قلد صوتي و جنه . . حريمه ههههه . . وهو يتمايل بجسمه . .
عيسى : وانا شدراني انك بدش . . ( عدل صوته ) فرضنا اني ما دشيت . . خالد مب موجود ف البيت يعني ؟ . . ما بيدش ف اي وقت من الاوقات . . صدق هبلللللهههه . .
ضحكت مواز . .
مواز : بسك عيسى . . الا شواخ ما ارضى عليها تراني . .
عيسى : لا ترضين عليها ابوي . . خلها تصطلب . .
صدمني رده الاخير وحسيت بنرفزه بكلامه . .
عيسى : يلا انا اترخص . .
التفتت ع عزه . . اللي مركزه ع الصحون و هي توزع معني اعرف انها سمعت كل كلمه قالها عيسى . . بس سااكته . .
مواز : يلا بوصلك . .
ظهرت مواز مع عيسى عشان توصله عند الباب . . اما انا ف كنت ابا اراجع كلامه شوي واعرف شو القصد منه . .
ف كنت بتجهه للميلس دام انه فاضي . . بس انصدمت يوم سمعت الحوار اللي بين عيسى و مواز . .
مواز : عيسى لا تستهبل . . شواخ ترا بسرعه تشل بخاطرها . .
عيسى : ماباها تشل بخاطرها . . بس اباا المحلهاا غيرتيه عليها . . موزه . .
مواز : مب انته رمست امك ؟؟ . . خلاص عيل لين الحين كل شي يمشي مثل ما انته تباه . . وشيخه ان شالله ما بتكون الا من نصيبك . .
مشيت بهدوء للميلس . . وانا معصببه من مووزه وهي تخطط . . من وراايه . .
.
.
.
.
اليوم : الخميس . .
المكان : المول . .
الساعه : 7 المغغرب . .
.
( خالد ) . .


ضحك عيسى بصوت عالي . .
عيسى : ههههههههههههههههههه بذمتتتك ؟ . .
ضحكت بخفه وهو يحطها فذمتي ها السالفه . .
خالد : لا تحط شي فذمتي خس الله بلييسسك . . ههههه قم بس قم نظهر من ها المكاان . .
عيسى : ههههههههههههه لين الحين مب داخل عقلي اللي قلته . . ههههههههههه . .
ابتسمت له . . هههه ندمان لأني قلتله السالفه . . قلتله عن بنت ف الشغل حركاتها مول ما تعيبني و تتمايع ف الرمسه و تتمايل ف المشيه . . والدلع غصب اطلعه وما تسوي ها الحركات . . الا جدامي . .
عيسى : ماشي تفسير باللي تسويه الا شي واحد . .
خالد : يا ريـــــال !!! . . احلف انته بس ؟؟ . . والله انك متفيج . .
ضحك عيسى . . وبصوت عالي بعد . .
خالد : اقوولك بتقوم ويايه ولا شو ؟ . .
عيسى : وين انروح ؟ . .
خالد : مادري مليت من الكافيه . . شوفلنا مكان . .
عيسى : يهببي الملل . . قم انروح الكورنيش نتحوط هناك شوي . .
خالد : حلوو . . يلا قوم . .
مشينا نحن الاثنين متجهيين لسياره عيسى . . بما اني خليت سيارتي ف البيت و ركبت وياه . .
شغلنا الاف ام و مندمجين ف الاغنيه . . واثنينا ساكتين . .
لين ما رمس عيسى و كسر حاجز الصمت . .
عيسى : اقولك تراني قررت اطلع من قفص العزوبيه . .
ابتسمت . . لانه هاي مب اول مره يطري ها الشي . . دوم يقول ها الكلام و بالاخير . . ولاا شي . .
خالد : والله زيـــــن . .
تكلم بنبره تحمل كل معاني الجديه . .
عيسى : ترا صـــدق ما استعبط . .
لاحظت النبره اللي تغيرت . . ع طول قصرت ع المسجل وانا التفت صوبه وهو مركز ف الشارع . .
خالد : الحين ما عرفتك تتكلم صدق ولا ؟ . .
عيسى : صدق صدق . . باركلي . .
خالد : ههههه بعدك ما ظهرت من القفص . . توك مقرر عنبو . .
عيسى : رمست امايه و باجر بتروح تخطبها . .
لفيت كل جسمي صوب عيسى . .
خالد : لحظه . . لحظه . . ( واشرت بصبعي ) بتخطبها ؟ . .
استغرب عيسى من سؤالي وهز براسه . .
عيسى : عيل بتخطب ريال حقي ؟ . . هيه ابويه بتخطبها . .
غمضت عيوني وجني احاول ارتب الكلمات . . وبعد ثواني فتحتها وانا أأشر بأيدي بـ ( لــا ) . .
خالد : اقصد يا اهبل . . يعني انته مخطط من زمان . . وفوق كل هذا . . مب مخبرني يا الهرم ؟! . .
ضحك عيسى . .
خالد : اضحك . . اضحك . . شو وراك غير الفرح انته . . مختار البنت من زمان و ما بلغني . . ( بعد ثواني من الهدوء ) بس بذمتك منو سعيده الحظ هاي . . اللي ما يحصلها عيسى ولد سعيد خاطبنها و ترفض . .
عيسى : ههههههههه . . ضنك ؟ . .
خالد : ههههههههه . . من معارفنا ؟ . .
عيسى : هيه بووي تعرفها انته . . ومثل ما هي تقربلي تقربلك انته بعد . .
خالد : والله ؟ . . منو هي ؟ . .
عيسى : شيخه الحسن و الدلال من غيرها ؟ . . شويخ بنت عمك وبنت خالي . .
.
.
.