|
رد للاخت المحاميه 2008 هلا اقتباس:
حياج الله اختي وأنا أشوف المنتدى زايدن نوره شرفتينا بمرورج الطيب اقتباس:
ونعم فيج اختي اقتباس:
لي عتب عليج من أخ الى أخته لآنج تكلمتي بصيغة الجمع وأذا فيه مشاركه غلط أسفل الاسم فيه علامه روحي عليها هذي تبليغ أرعصيها ويطلعلج جدول وحطي ماضايقج من الكلام اللي بخانة العضو أو العضوه وثقي وأمني بالله لو منو ماكان الاداره راح توبخه وتنزل عليه العقوبه المناسبه بس هذا مايعغطيج حق تتكلمين بثواني معدوده من وقتج وتقولين المواضيع غير حضاريه <<<<< أنا قلتلج فوق هذا عتب مو زعل أن شاء الله وبالنسبه لآمج سواء من سوريا أو من لبنان أو أي دوله فحقها لنا هي وذكرها كل شيمه وحشينه وأحترام لآنها أم عضوه عندنه وأنسانه مسلمه الموضوع ما يتحلل مثل ماتفضلتي بارك الله فيج اقتباس:
قولي اله الا الله وذكري ربج كلنا أخوان وأهل مافيه شك اقتباس:
هذا موضوع ثاني بارك الله فيج انا اعرف اللي أمهم سوريه سواء من درعا ولا الشام ولا الاذقيه ولا حلب ولا حمص ولا حماه ولا قامشلي يكونون من ذوو الدماء البارده والنفس الطيبه :) ثقي وامني بالله الاصابع ما تتساوا خيتو وكلنا عيال تسعه ولا فيه فرق بينا واطلبك تشوفين ردي بالاسفل على الموضوع والقصد الطيب منه اذا تكرمتي اقتباس:
هذي مشكله وصدقيني قبل بالعصور الماضيه قبل احتقان الدماء والتنوع فيها كانت الانفس طيبه الى ابعد حد والناس تشتري الرجال بس الحينه مثل ماتفضلتي وانا معاج بهالنقطه ونزلي موضوع نتناقش فيه بهالامور والله لا يحرمج اجره ان شاء الله اقتباس:
اسم طيب وعائله كريمه الله ينعم عليج بصحة هالعقل والرزانه لونج يا بنت الخاله مو حمقانه وخلي الموضوع كل واحد يتحاسب على مايتلفض وربنا وربه الله فيه قرينين على كتفه يسجلون حسناته وسيئاته اما اذا خرج الغلط بشكل معلن وبالعامه فلتكن لنا وقفه معاه بس بالطرق الصحيحه 1/ نضغط تحت الاسم بالعلامه 2/ نضع التقرير اللي نبيه 3/ بيوصل للاداره العليا حتى صاحب المشاركه مايعرف عنها شيئي 4/ ستتدخل الاداره بشكل مباشر وبتأخذين حقج وانتي مرتاحه أما عن الموضوع للاخت وزيرة الحب أقولج بارك الله فيج وأصبتي كبد الحقيقه وهي زواج الشباب من الخارج بعضهم لهم أسبابهم ! وبعضهم البنت بالخارج مو مكلفه نفس بناتنا الحين ! وبعضهم يطلع دراسه ويرد بأجنبيات بدون ذكر الجناسي وهذا مع الاسف ما سبب بالتفكك الاسري لدى الغالبيه ومن مساوؤها واكــــــــــــــــــــــــــرر لــــــــيــس الــــــــــكــــــــــــــــــــــــــــل نقول الغالبيه هذول يجون من دول غير اسلاميه فيكثر الفساد بغالبيتهم بالحريه المزعومه والمتبعه عندهم وتأثيرها على نسل هالمواطن ونشوف يارب لا تبلانا هالقضايا منتشره بكثره من عقوق ومن استباحة اعراض المحارم اجلكم الله ومن الهروب من المنازل بشكل نهائي كونو واقعيين قبل كان فيه جيه ؟ تبون منو المسؤول !!! أبـــــــــــــــــــــو الــــــــــــــــــبـــــــــــنـــــــــــــــــ ــــــــــــت لو كل واحد يخاف الله في بنته وفيه أهله ويسعى بتزويج بناته بشكل طيب ما نشوف الزواج من الخارج الى بنسب بسيطه مثل الاخت المحاميه اختي المحاميه قبل وخاصه ماقبل سنة 2000 كانت الانفس والمحارم والجيران والبشريه كلها فيهم خير وحميه وغيره ونصرة لكل محتاج الحين الانفس تغيرت والمواخيذ تغيرت وكل هذا ؟ عشان زواج الشباب حاليا من الخارج اما قبل يا أختي محاميه ابهاتنا لمن يتزوجون يروحون ايران ولبنان وسوريا ويحسنون الاختيار من بنات العوائل وهذول مقامهم محفوظ ان شاء الله ولا صاحبة الموضوه تطرقت لهم شلون فهمتيه هالشكل انتي ؟ اما زواج الشباب واكثر النسب فيه مخيفه يتزوجونها من ديسكوات ومراقص وغيره اعزكم الله ولا رفيجته بالسكن ولا المعهد ؟ وهذي نسبه كبيره هالفئه هذي المعنيه واللي البعض حاولو يتطاولونهم بحديثهم المراد من الموضوع طيب وحلات الثوب رقعته منه وفيه وأنتي صفي النيه وثقي وأمني بالله لو فيه أي أساءه كل الاعضاء عيال ناس وغالبيتهم قلوبها ونواياها سليمه بس خانهم البعض بالتعبير دفش :) أختي صاحبة الموضوع أبدعتي وربي والغايه من الرساله طيبه ونوجه أهالي البنات يخافون الله فيهم لآن كل الخليج نسبة العنوسه فيه خربت من أبتعدو وغفلو عن ربهم تقبلي مروري |
اقتباس:
حيـــاج الله ختيه الكريمة ، والنعم فيج وفالوالدة والعايلة اللي انتي منها طال عمرج تم تعديل بعض الردود التي كتبت بواسطة بعض الأعضاء ولكن هذه الأراء تمثل فقط اصحابها وليس الجميع .. 0 ونحن يشرفنا تواجدج امبينا وكل واحد حر ، محد يغصب الثاني والزواج من المواطنات هب غصب طال عمرج كل واحد ياخذ ع نفسة وهواه والشرع محلل والحمد الله 0 النعيمي / مشرف استراحة الحوار والنقاش |
السلام عليكم ورحمة الله وبركاته اشكرج ختيه ع الطرح الطيب وانا اقولج شحفة 1- مهرهن رخيص 2- معاشاتهن عاليه عندنا في الدولة 3- شقر وبيض 4- يمشن ع الموضة 5-متطورات ومتعلمات ويوم بلاقي اسباب ثانية بحطلج وسوالم |
[overline] رد للاخت محامية 2008 [/overline]اولاً مشكوره على مرورج الطيب ربي يسلمج..... ثاني شيء.....لله الحمد انه منتدانا من أفضل وارقى المنتديات على الاطلاق......ولا اشوووف طرحنا للمواضيع او ردنا عليهن غير حضاري......الحمدالله نطرح الكلمة....ونتعامل ويا الغير بالكلمة الطيبه.....واذا انتي تشوفين انه طرحنا للمواضيع غير حضاري...فهذا رايج الشخصي ..... ولكن تهجمج علينا بهالشكل ..غير مقبول.....وارد واقول الحمدالله مواضيعنا ما يت من وراهن غير الكلمة الطيبه......وهالمنتدى ما طلعت منه الكلمة العوفه..... انا ما عرف كيف انتي بهالكلام قلتي وعممتي على كل شيء.... ربي يسلمج ثالث شيء: شوفي اختيه محد سب او تكلم بكلام هب زين عن الوافدين....نحن كنا نتكلم بشكل عاااام ربي يسلمج..... ولا حد ياااب طاريج او طاري حد غيرج.....اختيه...كل انسان بهالدنيا له وجهة نظر....وما يعممها على الغير.....الواحد يقول اللي عنده ورايه الشخصي ... والغير بيحترمة...... بس هااي مشكلة......وانطرحت للنقاااش...ما كان له داااعي هالكلام كله......عندج رايي شاركينا اياااه...ورايج على العين وراس......بالعكس بنفرح بمشاركتج..بس انج انتي تتهمين هالمنتدى ومواضيعه انها غير حضاريه...هنيه اختيه السموووحه.....هذا الشيء غير مقبول بتاتاً... محد قالج استعري من امج...يا اختيه لا تفهمين غلط....ولا حد طرى هالشيء ولا المواضيع الفرعيه اللي انتي اطرقتي لها.... أختيه وصدقيني لو حد اتهجم عليج بكلمة......صدقيني لا انا ولا الإدارة ولا المشرفين بيقصرون وياااج..... واصلاً نحن ما بنرضاها عليج.. انتي يا اختيه دخلتي بتفاصيل نحن مالنا فيها.....سالفه اصل وما اصل.....ولله الحمد نحن عيال عرب وناااس واصلنا محد يروم يرمس عليه....ومحد أصل عنا...وكل انسان باصلة وجذوره.....مالنا انه نحن نطرق لهالمواضيع....واذا تقولين انهم أصل عنا هاااتي لي دليل يثبت هالشيء........نحن ما قلنا شيء..كلنا عيال آدم وآدم من تراااب......اذا انتي تتكلمين من هالمنظور... شوفي اختيه محد قال كلام خارج عن حدود الادب في هالموضووع.....وكل واحد طرح رايه .....فهذا راية الشخصي.....نفس نحن ما بنحترم رايج..انتي يا اختيه المفروض تحترمين راي الغير..... وبغيت اعقب على كلامج لما تقولين والله المواطنات اغلبيتهن عيميات وهنديات............من اي باب ومن اي منظور انتي تكلمتي بهاي الرمسة... .((( وما ادري من وين بعد)))>>>> لا تعليق صرااحه......والله يا اختيه ماله داااعي هالرمسة..ربي يسلمج شوف اختيه خلود.........الصح صح والغلط غلط......بغينا وإلا ما بغينا......الصح انه عيال لبلاد الاولى لهم انهم يأخذون من اهلهم وعربهم وناسهم......وهالشيء هب إلا عندنا في بلادنا يطولي بعمرج......حتى في اي دولة ثااانيه..... كان بأمكانج تعقبين على هالموضووع باسلوب احسن من اللي انتي رمستيبه.....ليش رايج ولازم نحترمة...وأنتي عضوه على العين والراس.....لو تقرين الردود في أعضاء وافقوني الراي وفي أعضاء رفضوا بس محد اتهجم على اسلوب المواضيع ...واتهمها باسلوب غير حضاري.....واذا عندج شيء اختيه.....الإدارة موجوده ربي يسلمها ويبقيها لنا.........ما بتقصر ويااج!!! وفي الآخير .... تسلمين على مداخلتج الطيبه خويتج |
السلام عليكم ورحمة الله وبركاته إلى الأخت المحاميه 2008 في حالة وجود اختلاف فالرأي , فهذا لا يشمل رأي المنتدى بشكل عام , كل عضو يتحمل نتيجة رده أو طرحه على المواضيع , وتوجد رقابه على المشاركات بواسطة المشرفين والادارين , وفي حالة وجود مشاركات مخالفه ؟ على الاعضاء طرح موضوع في استراحة الشكاوي والابلاغ عن الموضوع المخالف او الرد المخالف دون تجريح الاعضاء أو الرد عليهم بشكل غير لائق . كلنا عيال آدم وحواء ومافي داعي للنقاش دام المواضيع بتصير فيها شوشره.. مغلق |
| الساعة الآن 05:07 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir