|
ثآنكس آلغلآ ع آلبآرتآت آلطررر ونحن فـ آنتظظآرج (= |
ننتظر عودتج ختييه بفارق الصبر |
اقتباس:
فديييتج شكله محد ف المووجه ألا اناا وانتي خخخخخخخخخخخ :191: |
يسلمووووو ع البارتاااات ونترييياااااج .... |
خريش فنتك, 3ks.Qanwoni, 7900h, ملاكي العنيد, aljrh, العنيـدة, بنت الهباب, بنت ناس وكلي حساس, fato0om, حكومة قلبي, LGIO, MarYoma.Q, memo22, miss emaratya, mjnoonh, صرصوره ضايعه ^^, prncesa, Roo7ii-Fdak, Rooo7 a.d, غلا نواري, عايشهـ حياتها, غرآم, غرشوبة بــ وظبي, إماراتية كيوت, { AŊG£ЄS ..*, ~F6oOm, قآل آلودآع بـــــانتظآآآررج |
تسلميــــــــــــــــــن الغلأأأأأ ع البارت الحلوو ونترياا البارتات بااجر والله يديم المحبه بين مهووور و سيفوو حليله محمد وااايد فرحاان بولده |
اممم .. اظن انهاا ما باتنزل باارتاات اليووم ^^ امممم +ياارب اتنزل لاني صرااحه صرااحه وااايد متحمسسسسسه ^^ امممم اممممم >>علقت خخخ |
اووووه اااااسفه اتحريت انها مااانزلت بارتاتتت ^^^ ومشكووووووره وووااااايد واااااااايد وااااايدد ع البارتات وااااسفه مره الثانيه لاني قلت انها ماراح اتنزل !!! |
ثانڪس حوبي ع اڷبارٺ طر اڷصراحــِہۧ ,~ نٺرياج اڷيوم انشاءڷڷـِہۧ ^ـ^ |
جأإأإأإأإأرري الانتظأإأإأرر ..~ |
وآخيييرا اليوم السبت , ههه نتريا الباارت ضحيووه , |
نتريا الباارت ضحيووه |
*آحييييييييييييييييييم سڵآڵآڵآڵآڵآڵآڵآڵآڵآڵآڵآڵآڵآڵآڵآڵآڵآڵآڵآڵآڵآڵآڵ آڵآڵ آڵآڵآڵآم ...................... شحآآڵڪڪم عربنآ .. عسآآڪم بخيير .. شۈ هبآآتڪم .. شۈ آڵحآڵ ... ؟؟؟؟؟ ۈجآآآن جيرآآڵ تبررڪڪن هۈۈۈۈۈۈۈۈۈۈۈۈۈۈۈۈۈۈن ۈڵڪم بآڪ ضحيۈۈۈه ،، ۈتسڵميييييييييييييييييييييييييييييييين يآبعد قڵبي ع هآڵرۈآآيه ۈ آڵتڪمڵڵه آڵغآڵيه مآقصررتتي آحيييييييييييم :: سييف & مهرۈۈه ........ آآآآآآآخخخخخ آنشآڵڵه خطييبي آڵمستقبڵڵي يسۈي ڵي هييڪ آمززرح ..ِشششششششي جمييييييييييييييييييڵ ۈ تحممسست آعرف آڵبآآقي محمد آڵه يعييننڪ آخخي سڵطآآن & عذۈۈۈر ... شي طيب ۈ جمييڵ آڵڵه يۈفقققهم ۈ يتتم عڵييههم ع خيير ۈمم بس ههي نآآصر ۈ حيييص آڵڵه يۈفققههم آنشآڵڵه ۈآنشآڵڵه يصيير آڵي يبآآه نآآصصر منصۈۈۈر يآبعد قڵبي آخخخ قڵبيه يعۈۈۈرنيه عڵييه آهئ آهئ آهئ حرآآم ........... http://fazza.ae/vb/images/smilies/13.gifhttp://fazza.ae/vb/images/smilies/13.gifhttp://fazza.ae/vb/images/smilies/13.gif *ۈآخيٍّيٍّيٍّيٍّيٍّيٍّيٍّيٍّيٍّررن آڵيٍّۈۈم آڵسسسسسسسسبت نتريٍّآآج آڵغآڵيٍّه ڵآ آطۈڵيٍّيٍّن هع |
يتصفح الموضوع حالياً: 48 (43 من الأعضاء و 5 من الزوار) GENERAL.B5OOT, ʍѕ.мṧнӻяα™, ما تم اسم, مخاوي الهموم, ليتني قلب زايد, مريمكو, مرييوم الحلوه, aNna, b6rana.vip, Bnt buharoon, المها خالد, المهرة, الجوكر2050, الروح ولهانه, cat2009, colouR, اورنمين, بيشو123, F 6 A M Y, F Y O O N K A, دلوعة _-_-, دلوعه حبتين2, حلوه الاحساس, دومي شيوخية, حكومة قلبي, memoch, Miss 3needa, Miss war6a, mjnoonh, صرخت نظرة, صرصوره ضايعه ^^, patchinoo, R-Y-B, THBIANIH, عيناوية بالوراثه, عرش القلب, فلفولة, ~AL3thab~, ~حروف العلا~, «••يخفـ♡̷̴̬̩̃̊اٌّلعقول••», »ρяєňšįšŧ-Яằқ●●, قلبي حلآؤهـ, قايدة القلوب |
اليوم السبت و اخيرااا اي ساعة بتنزلين البارت فديتج اتريا بفارغ الصبر متحمسة وااااايد |
ما شاء الله عليج .... ابدعتي وربي في البارتاااااااات كل بارت احلى عن الثاني .... ربي يحفظج ^_^ ونحن بانتظار البارتات اليايه على احر من الجمر الصراحه :) |
نترياج ع احر من الجمره |
بأنتظاارج حبوبة ^-^ |
خلو البنت تحدر بالأول ضحوووي .. يوم بتحجزين بآركنآت آقصد ردود :191: حجزي وآحد حقي ويآج :tooth: |
يتصفح الموضوع حالياً: 61 (56 من الأعضاء و 5 من الزوار) Miss 3needa, '3roor, 3ale-mstwaha, 3ks.Qanwoni, 3washii, مرييوم الحلوه, aNna, مرسآل الهوى, مرسى الغرور, مس موني, المعجزه, الحياه ككاو, الجوكر2050, الصدى, السروحي, العنيـدة, اسوم 2014, اّڵـ۾ـزاچۚېےـــہۧ, بيشو123, GENERAL.B5OOT, حلم طيف ♥, حلا يحتويني, حمام الغرام, دلوعه حبتين2, حياتي وبكيفي..., حكومة قلبي, lamsooh al5bla, LGIO, memeAd, memoch, miss_NoNa, Ms.MOwni, رآحت الذكرى, سمارتيه, سلب قلبي, شمعة الجلاس ~, صرخت نظرة, صرصوره ضايعه ^^, شرطه الحب, سنفر, Qalpy u7bk, SnOw White, عبادي لولو, عيـ الإمارات ـوني, غرآم, عرش القلب, ـآعقل مينونه, فرفوشة, z3foora, وحيدة زماني ..~, {مجنونك ما يخونك}, ~AL3thab~, طيبتي عذبتني, قلب رااك, قلبي حلآؤهـ, قوت الحياه .. بانتضارج حبيبتي .. |
مرحبا ضحوي شحالج شخبارج وعلووم الكتابه انا من قرائج الي وار الكواليس بس من كثر ما القصه روعه طلعت ع الساحه الفنيه ههه القصصصصصه واااااااااااااااااااااااااااااااااااااااو أهنيج ع ترابط أفكراج وسياقج لهن الصراحه جد جد حلووه وبعد طريقة تشويقج ونذالتج حبتييييييييييييين اقعد طول الاسبوع اتحرقص متى السبت عسب اقرا القصه مابتصدقين اني ارد اقرا البارتات مرتين وثلاث اممممم ان شاءالله دوووم تستمرين بهالابداع وتكتبين لنا قصص حبتين مثل هذي (وطت رجلي على دربة ولا ادري وش نوى فيني ) من القصص الي مستحيل يمتسحن من الذاكره وانا بعطيج لقب " كاتبة الامارات الاولى " تحياتي لج حياتي ضحوي .. |
فدييييتج ضححوي لا تتأخرين نحن في انتظارج |
ضحووووي و الله قصتج عذاااااااااااااااااااااااااااااااااااااااااااااااا اااااااااااااااب عذااااااااااااب انا كنت اكره يوم السبت الحييييين احب يووم السبت حب فضييييييييييع فضييييييييييييع .... احب اتريااج كل يووم اشيك ع المنتدى حتى لو مب يووم السبت ..... (( نسيتك )) >>> و انا ويااج والله تستااهل لقب كااتبة الامارات الاولى .. |
مساء الخير و سرور .. فديتج حياتي والله آنتي روايتج تهبل تهبل تهبل بالحيل بنتظار بارت الياي آنشالله عسآإج تكوني بخير " من معجبين رواياتج " :$ |
هـــلا ضحيةَ بانتظارج وبانتظار بارتاتجُ لا تطوؤلينُ علينا |
بنتظارج ضحوووي لا اطولين علينااا |
نتريَآإجِ ـآختيـَهْ .,~ وتسلمينَ .!؛ |
روايتج روعه نترياج |
نتريااااااج ^ ^ |
ويييييييييييييييتنج ضحوووووووي !! |
. . . لي عووؤؤده مع 4 بآرتآإت بررب |
. . . البارت الـ 180 جك جك جك جك ! 50 صوره مختلفه بحركآت حلووه من المصورة . . صورت فيهم العروسين مهره وسيف . . الفرحه كانت ماتنوصف للطرفين . . ختموها بصوره شل فيها سيف مهره . . عقب الاستيديو رجعو اثننيهم مره ثانية البرج .. سيف حاط ايده ع بطنه : يوووعان . . مهره : وانا بعد يوعااانه . . سيف : يخسي اليوع ويهبي . . مهره تبتسم . . سيف مسك ايدها ودخلها الغرفه وهي بعدها بالفستان . . سيف : صكي عينج . . مهره سكرت عيونها ومشت وراه لين دشت الغرفه . . مهره : ها افتح ؟؟؟ سيف : لا صبررري . . . 1 . .2 . . 3 . . . يالله بطلي . . شهقت مهره من روعه الغرفه . . ورود منثوره ع السرير بشكل حرفين sm . . ووعلى الارض بالونات الوان واشكال . . وحتى بالونات الطايره ع السقف . . كان المنظر خيااالي . . وكل شي فيه مترتب ومتعناي . . . اتقربت منه وهي دموعها في عينها وحظنته بكل حب . . مهره : وايد ثانكس حبيبي ع كل شي . . سيف يبتسم ويحظنها قو : ابا اعوضج بـ ليله حلوه تذكريني فيها وماتنسيني . . ابا اعوضج ب ليله حرمتج منها في اول يوم زواج . . حرمتج من كل شي حلو بيكون ب ذيج اللحظه . . " تنزل دمعته ويجابلها " سامحيني ع كل شي صاار . . انا يمكن حرمتج من واااااااايد اشياء تتمنينها . . لكن قاعد احاول الحين اعوضج بكل شي حرمتج منه . . مهره تنزل دمعتها ويمسح دمعتها بسرعه . . وهيه بالمثل مسحت دمعته وقلبها منقرص . . سيف بابتسامه ودمعه نازله : تحبيني ؟ مهره تمسح الدمعه في عيونه الثانية : احبك . . سيف : توعديني تذكرين مني كل شي حلو . . مهره : كل شي منك حلو حتى عذابك . . ابتسم سيف ومسك ايدها ووو . . .! Cut . . . بصباح اليوم الثاني . . الساعه 8 الصبح . . سيف نش على صوت مهره فالحمام وهي ترجع . . قام بسرعه وراح صوبها . . سيف : شفيييج مهره : راااسي يدور . . سيف : بسم الله عليج " بخوف " تعالي معاي .." يمشيها " مهره توقف : ماقدر امشي . . " وتمت مغمضه عينها " سحبها سيف وحطها ع السرير . . مهره : ابا ماي فيه ثلج . . سيف عقد حياته : شو مهره :الحين ابا ماي فيه ثلج . . سيف : شو تبينه مهره تطالعه : شو ابا فيه يعني . . ااااابا الماي وابا ثلج فييه سيف : ان شاء الله ان شاءا لله طلع وسار صوب المطبخ التحظيري وياب كوب ومزره ثلج وحطا فيه ماي وربع صوبها وعطاها . . مهره شلته عنها بسرعه وتمت تشرب الماي وتاكل الثلج . . سيف مستغرب وبس يطالع بدون تعليق . . مهره عقب ما كلت 5 ثلجات : اااه ارتحت . . سيف : شو ياج شو تبينه الثلج مهره تطالعه : مادري . . يمكن اتوحمت عليه سيف : تتوحمين على ثلج !! مهره تبتسم : احمد ربك ثلج . . امي يوم حملت فيني توحمت ب رمل . . سيف متلوع : اعوذ بالله مهره تبتسم : اسف واعيتك . . سيف : لا حبيبي شو هالكلام . . " يبوس راسها " صباح الخيير . . مهره : صباح النوور . . سيف يبتسم ويطالع بطنها ويبوسه : صباح الخير باااباه مهره ابتسمت . . سيف : هاا باباه ارتحتي ؟ تبين تاكلين ثلج من الصبح ؟ مش صاحيه انتي على امج طالعه مهره تمسك بطنها : ما يخصك كيفها . . سيف : كيفها كيفها شو بنقول . . تامر وتدلل دامها بنت الغاليه . . مهره تبتسم : يمكن ولد انزين سيف : لا بنت انا اعرف .. دلوعه تبا ثلج . . لو ولد جان خلاج تتوحمين ع ريحه تواير مهره : هههههههههه سيف ابتسم : فديت الضحكه . . شو ابا اكثر انا ؟ اصبح ع هالويوه الحلوه ؟ لا ويضحكون بعد مهره تبتسم . . سيف : يالله قومي زهبي حالج عشان نرد . . مهره : وين نرد ؟ سيف : بنروح اول الشقه ماعندي ثياب مهره : هيه وانا بعد ماعندي سيف : بنروح نلبس اهناك وبنرد راك عندي لج سبرايس حلو اهناك مهره تبتسم : شو شو قول سيف ماسوالها سالفه وقام لانه يعرف انها بتتبدا تحن . . تغسل ولبس كندوره امس وهي بالمثل لبست لبس امس وتوكلو الشقه . . . . . ناصر : ألوو ؟ حصيص بصوت تعبان : هلا . . ناصر : بلاج ؟ حصيص: ماشي ناصر : ناشه من الرقاد ؟ حصيص : لا مارقدت اصلا . . ناصر : ليش مارقدتي .. صوتج متغير حصيص : لاني مسطله وفيني نوم . . ناصر : ليش مارقدتي انزين ؟ حصيص : .. ناصر : اتكلمممي حصيص : نسيت روحك امس شو مسوي ناصر يتذكر : شسويت انا امس حصيص : . . ناصر : دواج تستاهلين . .عيل انا موجود وتقولين لي دريول . . ماحب هالخرابيط انا حصيص : . . ناصر : عشان جي مارقدتي حصيص : . . ناصر : قوووووولي حصيص : هيه ناصر يبتسم : قلبج يعورج حصيص : . . ناصر : يلا عاد ردي علي حصيص : اكيد قلبي يعورني . . ناصر : والي يقولج انج بترضين عني اليوم وبنفسج بدقين لي وانتي طايره من الوناسه من دون ما اراضيج حصيص : لا والله ؟ ناصر : تراهنين . . حصيص : مابا اراهن على شي ناصر : انزين ماعليه بتحداج وبنشوف حصيص : بنشوف .. ناصر : هههههههههه ترمسيني بدون نفس بعد " يبتسم " خوش خوش حصيص : جب ناصر: اوكي مثل ما قلتلج مابراضيج لانج بدقيلي وانتي راضيه روحج . . حصيص عاقده حياتها : لا والله ؟ بنشوووف ناصر : بتشوفين . . حصيص : يالله انا ببند .. ناصر : انزين حصوه اشردي مني . . بنشوف منو بيلاحق الثاني عقب حصيص : انت شو ورا راسك وايد تنغز ؟ ناصر : يالله بندي بندي ما بقول شي حصيص : افف منك . . باي . . ناصر يبتسم : باي . . . . . |
. . . البارت الـ 181 سلطان يفتح عيونه على مسج من عذاري " صباح الخير . . من اليوم ماشي اتصالات ولا مسجات لين العرس سمعت ؟ نتلاقى عقب كم اسبوع لوؤل " سلطان : نعممممممممممم؟ ياي يتصل فيها وبيموت غصه لكن كبريائه منعه . .تم مقهور ومقهوووور وكل الي سواه طرشلها مسج " افضل قرار . . " عذاري فجت المسج : افضل قرار سلطان ؟ انزين فديتك . . خله يكون احسن قرار . . ام عبدالله ادق عليها الباب : عذاري واعيه ؟ عذاري تطلع لامها واتحبها ع راسها : صباح الخير الغاليه . . هيه امايا انا واعيه . . ام عبدالله : تعالي انزلي تحت عابلي عيال عبدالله . . . عذاري عاقده حياتها : عيال عبدالله عندنا ؟ ام عبدالله : هيه امس فليل عبدالله يابهم يرقدون اهني . . قومي ريقييهم يالله لا تخلين البشكاره تعابلهم عذاري : امايا بعدني مريضضضه . " تكح وتعطس " شفتي ام عبدالله: مافيج الا العافيه . . قومي صحصحي بدال الطيحه عشان اطيبين اكثر . . يالله اشووف . .باجر بتعرسين وبتيبين عيال مادري كيف بدارينهم . . تلفون عذاري يرن وربعت صوبه ام عبدالله : ودرررررررررري التلفون " بعصبيه " بسرعه يلا . . انا بسير عند عنود عذاري اتحرت سلطان انحبطت يوم شافت روضة : الووو . . " ترمس امها "ان شاء الله امايا انتي روحي خلاص !! بنزللهم الحين روضة : صباح الخيير عذاري : هااا العروووس خفي علينا . . مااشاء الله شاده حيلج مطرشه اليهال عندنا عشان تلعبين لعوبج ها روضة : خسسسج الله يا عذاري شو هاللسان الخايس من ع الصبح عذاري : ههههههههههه . . مقهوووووووووووووره روضة : من شو بسم الله من ع الصبح بعد عذاري : مطرشه حق ريلي مسج تخييلي كاتبتله من اليوم ما برمسك ورد علي افضل قرار !! متخيله انتي روضة : ههههههههههههه زين يسوي فيج تدرين عذاري : انا الي بموت من الشوق والا سلطانو حجر حجر يختي . . طحت على حجر انا روضة : لا ماعليج بيذوب بغرامج عقب العرس عذاري تبتسم : قولي والله روضة : ان شاء الله . . عذاري : واااي ربي يسمع منج ياوخيتي . . روضة : المهم . . انا يايه الحين عند اليهال وفهد بيتريق عندنا . . عذاري : اوكي حبيبتي بترياكم . . روضة : متى بنروح ؟ عذاري : مادري للحين . . ما اتصل فيني سيف . . روضة : ولا انا . . اذا عرفتي خبريني عشان ازهب عذاري : اوكي . . روضة : يالله بيباي . عذاري : باي فديتج . . . . . محمد : بلاااه مااا يسكت عنود : انزين انته هاته عندي بسكته محمد : انا اروم اسكته حسبالج ماقدر يعني ؟؟ عنود : يا محمد ماسكنه من نص ساعه ولا قدرت تسكته هااته انزين بشوف يمكن فيه شي محمد طلع من الغرفه ومعاه ولده ويحاول بكل الطرق يسكته لكن ماشي فايده . . محمد : اكيد تبا تلعب بالايفون صح ؟ اتريا طلع تلفونه وشاف 5 مس كول . . تناهيد متصلتله . . ومطرشه مسجين . . المسج الاول تعجب والمسج الثاني " وينك ؟ " اتصل بها . . محمد : الووو . . تناهيد : توا الناس . . محمد : بس اسكت اسكت . . شفيك يابوووي تناهيد تسمع صراخ الياهل وتسمع محمد وهو يسكته وتمت تضحك . . لبست عنود شيلتها ويايه توايج من الباب تشوف محمد وينه لان قلبه مقبوض ع صياح ولدها .. انتبهت له يرمس فون . . وصوته مسموع . . تناهيد : ههههههههههههههههههههههههههههههههههههههههههه محمد : لا تضحكييييييييييييين يالخايسسسسسسسه تناهيد : ماقدر بطنننننننني محمد : بس حبييبي بس ياحمممممد بس . . ليش ما طلعت ع خالك هاااادي تناهيد : ههههههههههههههههههههههههه محمد : لو ضحكتي بعد ضحكه زياده بي بنقع شلق ف سيارتج عنود مسكت قلبها بقوه وصكت باب الغرفه . . فجت عينها ع وسعهن ونزلت دموعها سيلاااان . . محمد سمع صوت باب يتسكر . . وارتبك . . محمد : بدقلج عقب باي . . وبند فويهها وحط التلفون ف جيبه وتم يمشي بيدش الغرفه . . سمعت خطواته ودشت الحمام على طول وقفلت الباب وشغلت الماي وتمت تصييح بحرقه وهي ماسكه قلبها .. محمد دش وتم قاعد يحاول يهدي حمد ماقدر وبنفس الوقت قلبه عنود بيموت خوف . . محمد : اكيد ما سمعتني . .اكيد ما سمعت . . ليششششش طولت هالكككككثر سار الحمام ودق الباب : عنوود . . تعالي شلي حمد ما يسكت عنود تبلع ريجها ومسحت دموعها وتمت تغسسل ويهها بماي بااارد وطلعت . . محمد لاحظ عينها حمرا . . عنود تبتسم : قلتلك ماتروم عليه !! هاته . . محمد : بلاج . . ليش تصيحين . . عنود : اصيح ؟ ما اصيح بس كنت اغسل ويهي عشان اتنشط . . شلت الكلينكس وتمت تنشف ويهها . . عنود تبتسم : هاته . . اول ما شلته سكت . . محمد : الهرررررررم . . تبا امك هااا . . ولد امي طلعت عيل انتته عنود تطالعه بابتسامه مصنطعه . . محمد : عنود شفيج تغيرتي فجاه عنود : ماتغيرت حمود بس كنت خايفه ع حمد لانه ما سكت يندق الباب وتدش ام عبدالله ومعاها اكل . . محمد الف وسواس و ووسواس براسه . . تم وايد متوتر مايعرف شو يسوي .. عنود مش طبيعيه ابدا . . ما كانت جي . . معقوله سمعت ؟؟؟؟؟؟ . . . حمد اول ما طلع من حجرته شاف سلامه بويهه : صباح الخير . . سلامه : صباح النور .. حمد : ليش واقفه عند باب حجرتي ؟ سلامه : كنت بي اواعيك بس ترددت حمد : ليش شو بغيتي ؟ سلامه : بغيت اروح اشوف عنود حمد : جان رحتي ويا الدريول . . سلامه تنزل راسها : .. حمد يربت ع جتفها ويبتسم : روحي معاه سلامه تطالعه : انا ما استاهل ثقتكم ولا استاهل انكم تسامحوني حمد : الي فات مات يا اختي . . اهم شي تتعلمين . . يوم ربنا يسامح كيف ما نسامحج احنا سلامه تنزل دموعها . . تقرب منها حمد وحظنها . . وتم يربت ع ظهرها : افا عليج ياختي . . لاتنزل دموعج واناا اخوج . . سلامه : الله لا يحرمني منكم حمد يتبسم : ولا منج يارب .. . . |
البارت الـ 183 . . . مهره اول ما دشت شقتها ابتسمت . . مهره : والله اشتقت ل كل زاويه فيه سيف ابتسم وراح بدل ملابسه . . ومهره بالمثل بعد . . بعد دقاااايق . . مهره : انا بروح بشوف شوق وبرجع . . سيف يطالعها : لا تتاخرين . سيف يطيح ع السرير : وانا بنسسدح عيل شويه . . لا اطولين سمعتي ؟؟ مهره : ان شاء الله . . > < > وطلعت . . اول ما طلعت انصدمت . . ميثا : اكيد ماتوقعتي تشوفيني . ." تبتسم " ع العموم انا ما يايه اشوفج . . دقت الجرس . . سيف بطل الباب بسرعه : انا قلتلج لا اطولين لكن مشش بهالسرعه ترديييين " وسكت " مهره تطالع سيف الي تغيرت ملامحه مره وحده . . ميثا تبتسم : مافيك خير . . ما سالت عني . . سيف تم منصدم ما يتحرك . . ميثا : ماتبغي تسلم علي حتى ؟ سيف : ليش رجعتي اهني ميثا : في حساب لازم نصفيه سيف : حسابي معاج اتصفا من زمان مهره يايه ترروح بس سيف مسك ايدها : تمي اهني . . سيف : فارجي مالج كلام معاي ميثا : سيف انت تعرف انا منو ؟ سيف : الي يهمني انج ولا شي اهني . . ولو سمحتي فارجي بالزين ميثا : سيف لاتخلينا نتحدا بعض . . سيف : ههههه . . والله ويهج لوح . . ميثا تطالع مهره وتبتسم : مستانسه ؟ مرتاحه ؟ " انقلب ويهها جد " بطلعهم من عيونج هالوناسه . . سيف يجابل ميثا : حددددددددددددددددددددددج . . " يصارخ " لا تقربين صووووبها ابد ميثا فاجه عينها : نعممم ؟؟؟ هههههه . . من زينها ؟؟؟؟ نسيت شو كنت تقول عنها ؟ نسيت ؟ نسيت انك كنت تتستحقرها واطلعها جدامي انها ولا شششي . . نسيت الكلام الزززفت الي كنت تقوله ؟ غبيه ومغفله وماحبها ومجبور عليها وملوعه جبدي وكريهة وانا متحمل عشانج . . نسيييييييت . . مهره تغمض عيونها . . سيف : تفووووو . . تففففففففففو ع الساعه الي عرفتج فيها تفوووووو ميثا : سييييييييييييييييييييييييييييف . . " تصارخ " انا اتفل علي ؟؟؟ انااا ؟ انا الي خليتك ريااااااااال سيف يعطيها طراق : مابا اشوف ويهج فارججججججججججي ميثا : انت حتى اهلك بعتهم عشااااني نسييييييت سيف : كنت غغغغغغغغغغغغبي وحممممممممار . . رووووووووحي من اهني مابا اشووووفج . . > < شهق سيف من عقب هالقيلوله وهو يرجف . . . يصد يمين ويسار . . عرف انه كان يحلم . . سيف : اعوذ بالله . . ليش يت ف حلمي . . اعوووذ بالله من الشيطان . . وقام راح يشرب له ماي بارد . . . . . شوق : ااااه ياويلي انا . . يالس يعوضج مهوووووور . . مهره تبتسم : هيه والله . . يعوض بشكل كبيييير يا شوق . .. " تشوف الوقت " اوب تاخرت عليه شوق : تمي عاااد مهره : بنرجع راك . . مزهب لي سبرايس " تبتسم " ابا اعرف شو هالسبرايس شوق : الله يجعل ايامج كلها سبرايس . . " تبتسم " مهره : بس سبرايس حلووو . . مابا شي يفجع يختي شوق : اميين ان شاء الله مهره : حمد ما يدقلج ؟ شوق : انا ادقله . . مهره : انزيين؟ شوق : لاتخافين مافي شي يديد . . مهره : ممم " تطالع شوق " شوق : لا تطالعيني بهالنظرات . . خلاص انا اعرف حمد عدل صرت . . حمد ما يفكر فيني كـ بنت ابدا . . يعتبرني صديق . . مهره : ادري . . توقعت شي امل . . شوق : ولا امل بسيط حتى مهره : الله كريم يختي . . شوق : الله كرييم مهره تقوم : خلاص تاخرت ع سواف حرام . . شوق تبتسم : اوكي حبيبتي . . تحملي ع روحج . . يسلمون ع بعض .. وطلعت مهره . . عقبها بشششوي سيف يدقلها . . مهره : الووو . . سيف : وينج ؟ مهره : احين راده . . سيف : .. مهره : شفيك . ؟ سيف : خليني معاج ع الخط .. مهره : شصاير ؟ سيف : ماشي بس خليني اتم معاج ع الخط !! مهره : انا وصلت بطل لي الباب . . طلع سيف وبطل لها الباب وحظنها بقوة . . مهره خافت وايد : شوه فيك . . سيف : ماشي بس خلج اهني شوي . . وتم حاظننها وساااكت . . مهره : خوفتني والله سيف يبوس راسها : مافي شي . . مهره : كيف مافي شي سيف : بس خفت عليج شوي مهره تبتسم :لا والله سيف : ما بخليج تروحين مكان مره ثانية روحج . . لو وين ما كان . . مهره : . . . سيف : لا تطالعيني جيه لاني جد ما بخليج ابد روحج ..خلاص قلبي بيتم خايف عليج طول الوقت الي تكونين فيه بعيده عني . . مهره تبتسم : ماقدر ع هالرمسه . . سيف باس يبهتها : الله يحفظج لي . . مهره : متاكد مافي شي ؟ سيف مبتسم : مافي شي حبيبي . . يالله خلينا نرد . . مابا اتم اهني . . . . . عنود : كلمتهم عشان اطلع ؟ ام عبدالله : تمي امايا ارتاحي بعد زياده عنود : لا امايا خلاص انا مرتاحه والله . . وبعدين سيف موصي حرام وانا بخير الحين محمد : شعليج من سيف ! اهم شي راحتج . . عنود : انا بخير ومرتاحه . . " تطالع محمد عين بـ عين " دشت سلامه . . : السلام عليكم . . الكل : عليكم السلام . . راحت سلامه صوب ام عبدالله وسلمت عليها وام عبدالله حظنتها . . سلامه ماتوقعت ام عبدالله تسامحها وتحظنها . . وايد اذتها واتبلت عليهااا . . ام عبدالله تمسح ع راسها . . طلع محمد . . سلامه تصيح : سامحيني . . سامحينيييييي . . ام عبدالله : ممسموحه امايا خلاص لا تصيحين . . ابتسمت عنود وصدت صوب اليمين تدور محمد . . وابتسمت عنود " اكيد يرمسها " > < محمد : الحقيني . تناهيد : شوه بلاك ؟ شو مستوي بعد محمد : احس انها سمعتني وانا ارمسج تناهيد : عنود ؟ محمد : اكيد عنود عيل امج . . تناهيد : شو يخص امك مالت ع امك . . محمد : انا ما سبيت امممممج يا حيوانه ليش تسبين امي .. تناهيد : المهم من شو خايف ترى هي قبل عرفت انك ترمسني . . محمد : بس مش حلوه الحين تشوفني اكلمج .. تناهيد : لا تكلمني عيل ليش تكلمني ؟ محمد . : . . تناهيد : صدق بعد شو ؟ لا تتصل فيني خلاص محمد : عن الاستهبال . . تناهيد : ما استهبل ليش تبي تكلمني اصلا . . ما بيني وبينك شي . خلاص لا تتصل وقولها انك ودرتني وبس انتهى الموضوع . . محمد : بهالسهوله اقولها هالكلام ؟ واصلا كيف افاتحها فييييييه تناهيد : من تحس الوضع مناسب ارمس محمد : انتي وايد تشوفينه سهل تناهيد : لانه سهل . . محمد : نفترق بهالسهوله عندج سهل ؟ تناهيد : محمد انا مابيني وبينك اي شي . ليش بتعب ع فراقك وليش بتتعب ع فراقي محمد : . . تناهيد : سو الي قلتلك عليه محمد : تمام . . تناهيد : يالله عيل تحمل ع روحك . .فمان الله للابد . . ببااااااااااااااااااي وبندت . . محمد يشوف التلفون : والله بندت .. شو هالهبله . هذا وداع الحين ؟ فر التلفون ف جيبه . . . . . بعد صلاه الظهر . . مهره تدخل : السلام عليكم . . جسوم يربع صوبها : عمووووو .. مهره تنزل له : حبيب عموه سيف يهزبها : لا توخين مش زييييييين مهره : بعدني بلاك . . توني ف اول شهري ماعلي خووف . . سيف : حتى ولو . . مهره تبتسم : والله عادي خل يكبر بطني اول عقب اهزبني . . سيف انصدم يوم شاف سلامه قاعد ويا الموجودين .. سار صوبها بكل غيض وبصوت واطي سيف : شو تسوين اهني يالحقيره سلامه بلعت ريجها بخوف . . ام عبدالله حست وشافت سيف : سيف .. سيف صد صوبها وسلم عليها . . ام عبدالله : خلاص . . المسامح كريم ياولدي . .لاتخلي الشيطان يجحد قلبك على اختك سيف يبلع غيضه ويسكت . . سار صوب مهره : يالله امشي معاي مهره : وين ؟؟. تونا يااااييين . . ناصر : ايه سسسيفو اتريا اتريا سيف يطالع ناصر ويتكلم بدون صوت وييحرك شفايفه " ياويلك لو قلت شي " ناصر يضحك : اوكي بس بشرط . . انك تخليها الحيييييييين تروح ويا امي يخطبولي . . سيف : نصور ماشي وقتتتتت " يفتح عينه " ناصر : مالي شغل . . والله حالف ما يأجلون يوم زياده . . سيف : افف لا تستهبل نصور .. ناصر : هكو البيت جريب . . بيخطبوووولي وبيرجعون . . انا بوديها البيت عقب . . سيف يطالع مهره . . مهره تبتسم وتسير صوب ناصر وتسلم عليه وتحظنه وطولت فالحظنه . . مهره : شو مخبين علي قول الله يخليك . . ناصر :هههههههههههههه " يطالع سيف "اقوول ؟ سيف يسير صوب مهره ويسحبها : تعالي تعالي معاي ناصر يمسك ايد مهره الثانية : خلاص والله ما بقولها شي سيف : متى بيروحون . . ناصر : امي وروضوه جاهزات يتريونها هي تي بس . . الحين بوصلهم انا . . سيف : ما أأمن فيك انا بوصلهم ناصر : لا والله ما بقول شي خلاص حلفت يا ريال سيف : انزيين نصور بنشوف .. " يتقرب من مهره ويبوس خدها " سيف : دقيلي عقب مهره تبتسم بحيا : انزين ابتسم وطلع . . مهره تتقرب من ناصر : قوووووووول لي الله يخليك . . ناصر : اقولج امشي اركبي السياره خل اوديكم يالله . . ام عبدالله تصارخ : يالله رووضضضه روضة تصارخ : يالله ياااايه .. ويطلعون كلهم . . " في بيت حصيص " ام حصيص : والله ماعرف شقولج يا ام عبدالله . . يييتج عزيزه وغاليه علي بس البنت تعرفين توها مطلقه والناس بيرمسون . . ام عبدالله يايه ترمس بس مهره قاطعتها . . مهره : والله خالوه حتى لو عقب سنه اجلتو العرس بعد الناس بيرمسون . . ف ليش التاخير . .وبعدين هذا امر الله . . والله محلل ومشرع . . ليش نخاف من الناس ؟ ام حصيص تبتسم : بنشاور البنيه وبنرد عليكم خبر . . روضة تبتسم : والله اخوي شارنها يا خالوه . . لو تشوفين كيف يأذيني كل يوم فيها . . شارنها شارنها بالحييل . . مهره : وانتي تعرفين خالوه . . ما يباها حرمته الا وهو شايف فيها كل شي زين . . اخلاق وادب واحترام . . دشت فخاطره . . حرام نطولها هههه . . روضة : وحصيص منا وفينا . . وعشره عمره مع عذاري . . وما شفنا عليها اي شي شين والله شاهد . . مطيحه في بيتنا ليل نهار وكانت خفيفه وراعيه فزعه ما تقصر ف عذاري ولا تقصر فينا حتى ام عبدالله مفتشله من بناتها الي يبين عليهم يحنون ويزنون . . ام عبدالله : سامحيني ياوخيتي البنات مشتطات على اخوهم يبونه يعرس بسرعه ام حصيص : هههههههه ما ينلامن فديتهن . . وكلامهم ع العين والراس وهالشي يفرحني والله . . تقوم . .انا بسير بشاورها وبرد عليكم خبر .. ام حصيص ادق الباب . . حصيص : ها امايا . . راحو الحريم ؟ ام حصيص تبتسم : تعرفين منو الحريم انتي ؟ حصيص : منو ام حصيص : خوات عذاري وامها حصيص بلعت ريجها : ها . . ام حصيص : ياييين يخطبونج . . حصيص اختفت ملامحها . . ام حصيص : حق ناصر . . حصيص : ك . . كككي . . ككك . . . كييف كييف . . كككيف؟ ام حصيص : ههههههههههه هااا موافقه ولا اقولهم بتفكرين حصيص : موافقه امايا موااااااافقه . . ام حصيص تبتسم وتزغررط . . مهره وروضه من سمعوها زغرطت زغرطوووو . . ام عبدالله تبتسم : فديتك يا ناصر . . الله يوفقك ويسهل لك ياارب . . . . . |
. . . البارت الـ 184 عنود : يالله . . ابا اروح . . محمد : يالله الحين بتصير 4 وبنظهر . . قالتلي لازم لين 4 ع الاقل . . عنود تشوف الوقت . . باقي 10 دقايق وبتصير 4 . . تمت منزله راسها وتفكر وتفكر محمد : عنود . . عنود رفعت راسها تطالعه . . محمد : آآ .. عنود حست انه يبا يتكلم عن الموضوع : يالله خلاص صارت 4 . . شل حمد . . محمد : ها . . هيه . . اوكي . . وشل حمد وشل كم شنطه صغيره وسارو صوب السياره . . ركبت عنود فالبدايه وركب محمد عقبها . . شلت حمد عن محمد . . محمد شغل قران وقصر ع الصوت وحرك السياره . . عنود : في شي مضايييقني . . محمد ارتبك : شو . . عنود : مادري في شي قاعده عليه . . " تمت حاطه ايدها وتدور " هكو حصلته رفعته عشان تشوفه وانصدمت . . محمد شاف روج في ايد عنود . . وعلى طول تذكر .!! > < تناهيد : انا معاك ما قلت شي . . انت انحرمت وانت وانت وانت لكن حط في بالك شغله وحده محمد :الي هي تناهيد : لا تعاتبها على شي . . محمد يطالع تناهيد بتمعن . . تناهيد : لان الي فيها ابد مش بإيدها . . وحرام تعاقبها عليه . . كفايا الضنا الي بتيب لك اياه " تبتسم " محمد ابتسم . . تناهيد تبطل باب السياره بتنزل بس طاحت شطنتها وطاحن الاغراض الي فالشنطه .. تناهيد : انا متى يبت ششششششنطه اصلا . . والله من كثر ما كنت مستعيله ما حسيت . تمت تشل الاغراض . . ويوم يايه بتنزل محمد : تناهيد . . تناهيد تصد : هاه محمد يصد عنها و يشوف جدام : لا تروحين . . تناهيد بلعت ريجها .. محمد : تمي اكثر شوي . . تناهيد : ما فهمت يعني اكثر ولا شوي ؟ محمد يبتسم : انزلي من السياره احسن تناهيد : ههههههههههههههه " صكت باب السياره " > < محمد بلع ريجه وتم منبببببببببهت ميت . . عنود حطت الروج ع ينب وسكتت . . محمد بيموت من برود اعصابها ومن سكوتها . . . محمد يطالعها .. : عنود عنود تبتسم : ها حمود شفيك . . انا مافيني شي . . محمد : طلعي الي فيج . . عنود : مافيني شي اصلا عشان اطلعه . . محمد : لا تكبتين . عنود : هههه اكبت شوو ؟ انا اعرف انك اتكلم وحده . .من انا حامل اعرف وقلتلي تراك انك تكلمها وانا سمحت لك تكلمها ف ليش اتكلم اكثر محمد : عنود كيف تسمحين لي اكلم غيرج .. شو هالكلام الي مش منطقي عنود تبتسم : انت عانيت مني وانا اخليك ترتاح مني الحين لين تحس انك اكتفيت محمد يتنهد : واذا ما اكتفيت عنود : بكون . . . . بكون ... بكون معاك بعد . . ماقدر اودرك وبينا ولد يجمعنا محمد يطالعها : انتي مينونه !!!!!!!!!!!!!!!!!!!!!!!!!!!!!!!! عنود تبلع ريجها : . . محمد : شو هالكلام الي تقولينه عنود تبتسم وتبلع نارها : شقول غير هالكلام محمد . . " تنزل دمعتها " انت وايد عانيت مني والله محمد وقف السياره ع طرف ونزل راسه ع السكان وتم مغمض تنزل دموعه . . >> انا شفيني . .ليش تغيرت على اغلى انسانه في حياتي . . انا كنت اموت فيها وماحب اجرحها وازعلها . . كنت اتلذذ يوم اعصب فيها والعوزها . .لكن ماتهون علي انزل دموعها . . كيف انزل دموعها الحين كييييييييييييييييف . .شصااارلي انا شصااااااارلي . . عنود تحط ايدها ع جتفه : انا اعرف انك ماتحس بمشاعر تجاهي الحين . . اعرف ان كل شي تبلد .. محمد يصد يطالعها بجمود . . عنود : والله اعرف وحاسه . . كل شي قام يبين فيك . . محمد : عنود انا عنود : انا اعرف والله وفاهمه لا تشرحلي اي شي . . محمد يغمض عينه بقوه . . عنود : وانا مابا شي غير راحتك حمود . . محمد : حتى لو مع غيرج عنود : اذا كنت ماقدر اسعدك لازم بخليك سعيد وياغيري . .يهمني انك تكون سعيد محمد حرك السياره وتم ساااااااكت . . لين وصل بيت ام عبدالله . . عنود تطالعه : مابتنزل ؟ محمد نزل ونزللها اغراضها . . محمد : لا . . بروح شوي وعقب بي عنود : لا تبطي لان سيف موصي . . حرام محمد : ما ببطي . . عنود : تحمل ع روحك محمد : ان شاء الله . . وتجدمها نزل الاغراض لين باب البيت وراح . . . . . منصور توه ناش من الرقاد ونزل بكشته الصاله . . منصور : السلام عليكم " يت عينه ع سلامه " الكل : عليكم السلام ام عبدالله: تعال باااااااارك حق اخوك خطططب ناصر مبتسم : يالله تعاااااااااال باركلي . . عذاري لاحظت عيون منصور وين . . روضة : شسوييييييينا اهناك انا ومهور عشان نلين راس امها . . منصور يبلع ريجه ويتجدم يروح صوب ناصر : مبرووك اخوي تستاهل .. ناصر متعمد : الله يبارك فيك عقبااالك . . سلامه نزلت راسها . . مهره لاحظت الجو تكهرب . . مهره : ناصر يالله متى بتوديني البيت ؟ ناصر : الحين . . يالله قومي لان سيفو لو عرف اني مارديتج البيت لين الحين بينحرني . . مهره تبتسم . . : يالله امايا بروووح . . ام عبدالله : زين فديتج . . ها السيف لعوزج . . سايره راده من مكان ليين مكان . . روضة : بل امايا بل هههههههههه خليهم . . ام عبدالله : ما قلننننا شي . . يالله ناصر ودها ولا تسسسرع سمعت . . ناصر : ان شاء الله امايا . . "طلعو" ام عبدالله : عنود راحت ترقد ؟ عذاري : هيه امايا . . سلامه تقوم : بروح اشوفها . . ومشت بسرعه رايحه صوب غرفه عنود . . منصور : امايا شو تسوي هاي اهني سلامه سمعت . . ام عبدالله : قصصصصصصر صوتك . منصور : امايا انتي ما تحسين ؟ " يحط ايده ع قلبه "والله بعده مجروح ما برى . . والله سلامه ابتسمت بعذاب واستعيلت بخطواتها . . ام عبدالله : سلامت قلبك يامنصور . .بس لازم تباري اختها . . عنود بتحس بالوحشه بروحها منصور : انا ما بتم اهني عيل . . ام عبدالله : شوو هالكلام . . عذاري : منصور تعال برمسك . . منصور :مااااابا ارمممممممس حد . . انا ما بتم دقيقه فالبيت اذا تمت هي موجوده ورد صعد فوق وراح حجرته . . تم يرجف من الغيض الي فيه . . يذكر كل شي سوته له وقلبه ينكسر اكثر واكثر . . يغمض عينه يحاول يكتم الي فيه .. يندق الباب مره ومرتين وثلاث . . منصور يصارخ : عذااااااري ما بغي اتككككلم عذاري : انزين بطل لي البااااااااااب شوي بسسسسسسس منصور : قلتلج مابا فكيييييييييني عذاري ادق الباب بقوه : بتم اسوي حشششششششششره منصور بعصبيه راح وفتح الباب : شتبييين عذاري تبتسم وتصك الباب وتقفل الباب : ابا منك خدمه منصور عاقد حياته : شو تبين .. عذاري : اتصل في سلطان . . منصور : نعم ؟ عذاري : الله يخلييييييييييك " تمسك ايده" ابوس ايدك . . منصور : بوسي انزين عذاري باست ايده منصور ابتسم غصب : شتبين خلصيني . . عذاري : اتصل في سسسسسسسسسسلطان الحين وحطه سبيكر سولف معاه شوي ابا اسمع صوته منصور :ليش ما ادقين له وتسمعين صوته ان شا ءالله عذاري : تخيل الخايس قلتله مابرمسك لين العرس جان يقولي اوكي افضل قرار اونه . . سخيف حيوان يسوي عمره قوي . . منصور : وانتي سويتي عمرج قووو بعد . . عذاري : والحين اول يوم وانا بمووووووووووووووووووووووووووووووت ابااااا اعرف اخباره . . الله يخليك دققققققققققققله وسمعني صوته . . منصور : افففففف منج . . شل تلفونه واتصل .. سلطان : الوو . . منصور حطاه سبيكر : الوو . . سلطان : هااا الـ ***** منصور شل السبيكر : عذاري انصدمت . . سلطان يقول هاللالفاظ الوصخه . . وابتسمت بالقو وهي قابضه ضحكتها . . عذاري بصوت واطي : حط سبييييييييييييكر . . منصور يطالعها بعصبيه وحطا سبيكر : شحالك النسيب سلطان : بخير . . شحالك انته . . منصور : تماااااام . . هااه وييين ماشاء الله سلطان : والله اهني اتشرا بدل للعرس اوني . . منصور|: حركاااات بعد سلطان : شفت عاد . . منصور : اتصلبك سيف ؟ سلطان : هيه اتعذرتله قلتله ماقدر مشغول منصور : تعااااال يا ريال بنغير جو . . سلطان : مافيني ياخي عذاري تتطالع منصور وبصوت واطي : اترجاه خل يي الله يخليك . . منصور : انا اترجاك تعال سلطان : ههههههههههههههههههههههه اخ عليك شو تبا فيني منصور : يا ريال تعال . .طبجتي ما ستغني عنك سلطان : ماعليه بشوف منصور: خلاص عيل نتشاوف . . سلطان |: انا قلت بشوف ما قلت بي . . منصور : ادريبك ما تردني سلطان : هيه مادري منو عاد منصور : عمك وتاجك راسك سلطان :اقووولك كل تبنن عذاري منصدمه بشخصيه سلطان ويا منصور وميته ضحك . . وياها وايد غييير . . منصور : باكلها معاك . . احب اتقاسم التبن معاك سلطان : اقولك اجلب ويهك منصور : ههههههه يالله تمام . . سلطان مبتسم : فمان الله منصور : فمان الكريم . . عذاري : الحيووووان ما سال عني بعد . . منصور : شفتي كيف ربيعي قوي مش شراتج عذاري مبوزه : احبه اكثر من ما يحبني .. منصور : خلصت حايتج يالله روحي . . عذاري تبتسم : فديتك اخي العزيز . . " تبوس راسه وتبوس يبهته وتبوس خده " منصور :بسسسسسسسس ذبحتيني . . عذاري : اخدمك فالافراااااااح ان شاء الله " تعطس فويهه " منصور : ووووووووع . . وهففففففففف عذاري : هههههههههههه مريضه انزين سامحني . . منصور : وييين حالج امس ووين حالج اليوم عذاري : عشان تعرف مناعتي قويه بسرعه استويت زينه منصور : يالله اطلعي برع عذاري : ما بطلع الا معاك منصور : اطلعي خلصيني بروح اسبح . . عذاري : انزييييين . . وطلعت عنه وهي مستانسه لانها قدرت تغير مزاجه وبنفس الوقت قدرت تسمع صوت حبيب القلب . . . |
. . . السلام عليكم ورحمه الله وبركآإته اتمنى البآرتآإت تنآإل آعجآإبكم . . :191: لآإ تحرموني رآإيكم . . ولنآ لقآء الاسسّبوع القادم . . . تصبحون على خيرّ . . > ماعندي شي زياده اقوله لاني منهـــّده بالقو وايدي تعورني من الكتآبه كتبت بدون توقفّ . . . . :cold::mornincoffee: |
الصراحة البارتات روعة يعطيج العافية نترياج السبت الياي تقبلي مروري |
رووووووووووووووووووووعه تسلم ايدج ضحوي حبيبتي :w00t: و الله لا يحرمنا منج يارب وسلامت ايدج نترياج الاسبوع الياي ... .3> :mornincoffee: |
رووووووووعة وااااايد ما شاء الله عليييج ابدااااع تعليقاتي عالبارتات .. مهرة و سيف روووعة احبهم حييل الله لا يغير علييهم .. بس و الله حسييت حراام لما حلم ميثووو اكرها و الله واايد .. حمووود و عنووود .. حرااااام اللي قاعد يصيير بينهم و الله احس اني بصيييح على حااالهم .. كييييف كااانو و كييييف صااااروواا .. :( حسيييت اني انا اللي ارتبكت و خفت لما سمعته عنوود خخخ اندمجت .. و هاي تناهييد بعد قاهرتني .. يعني الرياال متزوج انتي شتبي فييه .. و لو كانت بعد تسااعده .. بس بعد يعني حراام علييها تخلييه يتعلق فييها .. يحلييله حمووود اما هيي لاااء اكرهها حييييل .. و الله حيااتي عنوود تكسر الخاطر احس بصييح و يااهااا .. " خخخخ فقرة كاملة علييهم .. علشان يبين شكثر احبهم خخخ" سلطاان و عذوور وناااسة صج خخخ .. اكثر شي ضحكني لما منصور اتصل و حط سبيكر و رد علييه بكلمة قوية ههههههه استغربت يحلييلها معقوولة سلطاان اللي كييف ويااها جي مع منصوور خخخخ .. الله لا يفرقهم نصووور الجريييء خخخخ و اخيييرا خطبها ^^ وووو .... بس :a040: ان شاء الله ما نسييت حد ..:unsure: :70: اوووه نسيييت .. حموود الثاني خخخ ( حمد ) ان شاء الله مع الايام يحس انه يحب شوووق و الله حيااتي تحبه ان شاء الله تباادله الشعووور .. والرواااية طررر ننتظر التكملة بأحر من الجمر يقوولكم انا قرييتها كلها بس ما ادري انها كلها علشان خلووني ارقد و بالمدرسة متحمسة حييييل ابي اعرف شو الليي بيصير ولما رجعت على طووول عالرواية و آخر شي اشووفني مخلصتنها خخخخخخ :38: و خـــلــــصــــت ... تحيااتي ..^^ |
نااااااايس الباارتااات شي بارت بعد ولا لوول !! |
| الساعة الآن 02:45 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir