منتدى استراحات زايد - قآﻟۆ : ﻣﺳگين ن مَـآ عِندگ ْشخص "يحبگ ۆتحبہ.. ړديٺْ بِڳلْ بَــړۆد: ۆشَو يعني! يگفيـﮯ عَنْدِيـّے أصحاب يبيعۆن آﻟدنّيـآ عشآني

البارت الثاني عشر

.
.
.

ونزلت من الدري حبه حبه ويالسه تعابل عباتهآ (تسكر معاقم الإيد) ..
أم ميثة طالعتها : وين سايره أنتي ؟؟
ميثة أستغربت : تراه قتلج بسير المدرسه في مراجعه
أم ميثة تذكرت : هييييه
ميثة بتأكيد : والله أبوي قالي برايج سيري
أم ميثة: أنزين خلاص خلاص ما قلت شي أنا
ميثة : هههه سوري سوري .. ووو (وهيه تبطل باب الصالة) بعد بخطف على شميم بنت عمي
أم ميثة : شوووووه ؟؟
ميثة : بخطف على شميييم بنت عمي على !!
أم ميثة بإندفاع : بتسيرين بيت قوم عمج علي ؟؟
ميثة بهدوء : هيه ؟!
أم ميثة : جان بتسيرين بيتهم تمي هنيه ماشي سيره
ميثة ومستغربه : أمايه بلاج أنا مب سايره بيت حد غريب قتلج بسير بيت عمي علي !!
أم ميثة تبا تنش تصفع ميثة : أقووولج ماتسيرين عندهم .. ماتشبرين شبر واحد صوب بيتهم
ميثة بخوف : أنزين ليش ؟؟
أم ميثة طفرت وقامت : أنتي تسمعين الرمسه ولا لاء ؟؟ تفهمين شو أقول ولا ؟؟ أقولج ماشي سيره عندهم وخلاص
بو ميثة نازل ومستغرب : شو مستوي ؟؟ بلاج أتصارخين ؟؟ (ولف على ميثة) شو سويتي ؟؟
ميثة بخوف : والله ماسويت شي والله
بو ميثة : عيل بلاها أمج تصارخ عليج ؟؟ .. رمسي ؟؟ (لف على أم ميثة) أنا قلتلها برايها تسير المدرسه تراه !!
أم ميثة : مب جييه السالفه !!
بو ميثة مبطل عيونه : عييل ؟؟
أم ميثة: بنتك حضرتها تبا تسير صوب بيت قوم أخوك علي !!
لف بو ميثة صوب ميثة اللي منزله راسها و واقفه صوب الباب وقعد عـ الكرسي ..
بو ميثة يحاول يهدي الوضع : ياا أم سلطان أستهدي بالله .. سايره ألا بيت عمها وين بتسير يعني ؟!
أم ميثة : شوووه ؟؟ تبا بنتي تسير عند هاييج موزه ؟؟
بو ميثة : ما بتنزل من السياره .. (ولف على ميثه يرمسها) ميثة سيري ولا تنزلين من السياره يلا توكلي ..
أم ميثة يلست عـ الكرسي وهيه تنافخ .. وركبت ميثوة السياره ويا الدريول والبشكاره وسارت صوب بيت قوم شمووه .. بيتهم شوي قرييب كم لفه ووصلوا لكن قوم لطوف لا ساكنين في **** .. ووصلوا ودشوا حوش البيت .. شافت فارس طالع من البيت ودق الدريول هرن ولف فارس صوب سيارتهم .. و عقب سار صوب كراجات السيارات (الباركنات اللي في الحوش) وركب سيارته النيسان اليديده وحركها وخلاها يعني سكر على اللي يبا يظهر يعني وقف جدام الباركنات ونزل و سار ورا البيت صوب المطبخ اللي برا ويا .. وكله هذا ميثة تراقبه من داخل السياره وعقب قعد يتسفر على جامة سيارته .. وطلعت شمووه من البيت وركبت السياره وسلمت على ميثوة وراحوا صوب السكول
. . .
صوب أميره .. اللي ماخذه رااحت راحتها الأخت وسارت تسبحت ع الساعه 9 ألا شوي عقب ما خلتهم وروح حميد عنهم .. وظهرت عقب ماخلصت سبوح وسارت (يعني الأشياء اللي يسوونها البنات يوم يظهرون من الحمام .. من تعديل ويسحن شعورهن ويتعطرن ويتكشخن ويلبسن .. ونقت لبس بدي أحمر ثقيل ساده طويل مع ليقنز أبيض ولبست عباة مسكره ساده) عقب سارت صوب المكتب وشلت لابها ودفترين مال الفيزيكس ومال الماث وكتاب الماث ومقلمتها .. ونزلت تحت زقرت الدريول يشغل السياره وردت داخل وحطت كتبها في الصالة .. وسارت المطبخ شوي ويابتلها عصير فرش ويوم يايه بتقعد ماحصلت كتبها .. على طووول : " ماشي غيرها " >>> نجود
سارت صوبها وهيه قاعدة في الصالة التلفزيون ومنسدحه وتبدل في القنوات ..
نجود وبدون ما تطالع أميره وهيه تبدل في القنوات : نعم ؟؟
أميرة وهيه فوق راس نجود : وين كتبي ؟؟
نجود: أي كتب ؟؟
أميره : لاتستهبلين طلعي كتبي اللي كانن في الصالة توهن
نجود ببرود : أقولج ذلفي وطلعي برا يلا
أميرة بعصبية : إيييه طلعي كتبي يلاااا
نجود عدلت قعدتها : أنتي شو مشكلتج ؟؟ قتلج ما شفتهن .. ماعرف وينييييهن
أميره : أففف طلعي كتبي أحسسسللللجج
نجود : شوفي بتذلفين عن ويهي ولا أسدحج هنيه ؟؟
أميره منقهره من وقاحتها : أقولج هالغباء مب علي حبيبتي .. طلعي كتبي يلااااااا لا أعطيج بو خماس ع شيفتج ألحين يلااااااا(معلمتنها لطوف كل الألفاظ يوم تبون تصفعون حد)
نجود تصارخ : أقوولج مااعرف .. ماااعررررفف
أميره تنهدت : أففففف (شافت ساعتها 9 وربع ) الله يلعـ .. أستغفر الله .. نجود .. طلعي كتبي خلصيني بروح المدرسه (وتصارخ) مب فاضيتلج ترااااااه !!
نجود قامت وطلعت الكتب من تحت الطاولة وعطتها أياهن
نجود : أندووج وذلفي عن ويهي يلاا
أميره مسكت كتاب الماث وضربتها فيه بالقوو ع راسها وشردت ونجود لحقتها بس أميره بسرعه ركبت السياره وقفلت الباب
أميره : بسرعه تااج حررك حررركك
نجود برا ماتبا تقرب من السياره زايغه وهيه تصارخ وردت دخلت داخل وقعدت أميره تضحك عليها .. يوم وصلت المدرسه ونزلت .. شموه وميثوة كانن يترينها عند الباب داخل وأول مادشت صفعنها تمن يترينها واايد ..
. . .
ع الساعة 11 جيه لطوف قاعدة في حجرتها وبالأخص على مكتبها .. رتبت أغراضها وحطت على الجدول وشافت شو عليها واجبات باجر وقعدت تدرس لين أذن الظهر ..
. . .
عند الشلة الفاسدة في السكول روحن الساعة 11 تقريباً
ميثوة بإحباط : إييه الدريول مايا ؟؟ ويعد أنا ماقتله متى أيي !!
شموه : بوديج أنزين
أميره : يا الدريول يلا (وسلمت عليهم) باااي
شموه وميثوة : باااي
تمن شموه وميثوة يترين .. مرت ربع ساعة وهن يترين .. ويتهن السيكيورتي تسألهم
السيكيورتي : what ‪??‬ your car did not come‪?‬
شموه : no
السيكيورتي تسأل ميثوة : and you too ??‬
ميثوة: no they شسمه ههههههه .. no
وصلت سيارة نيسان ..
شموه : فارس يا
ميثوة : أنزين صبري لين أيي دريولنا !!
شموه : بخلي فارس يدق على دريولكم .. وإذا مارد ! بمطج من كشتج وبنوصلج
ميثوة بتهرب : ههه لا لا لا .. بتريا الدريول شو وراي ؟؟
شموه سارت ركبت السياره بس بعدهم ماتحركوا ..
شموه : أقوولك دق على عبد السلام دريول قوم عمي خميس ..
فارس يعابل في المرايا اللي فوق : ليش ؟؟
شموه : ميثوة خاست هنيه ؟؟
فارس : ميثة هنيه ؟؟
شموه : هيه
فارس : أقول .. (ولف عليها) زقريها وفكينا .. يلا
نزلت شموه
شموه : يلا قوميي مافيني عليه بيقعد ينازع
ميثوة : أويييييه .. لالا .. مستحيييييل
شموه تمط ميثوة وميثوة تغشت وركبت ورا وشموه وياها
ميثوة : السلام عليكم
فارس لف عليها : وعليكم السلام .. (تم يطالعها فتره طويييله) شحالج بنت عمي ؟؟
ميثوة وهيه ميييته من المستحى أول مره تركب سيارة فارس وأول مره تسمع صوته قريب ويرمسها بعد : تمام الحمدالله
شموه : أقوول .. مطوليين ؟؟
فارس قفط ولف وحرك .. لين وصل عند باب بيت قوم ميثوة
ميثوة بإندفااع : وقف وقف هنييييييه
شموه : شو يوقف هنيه ؟؟
فارس : خبله أنتي تمشين في الشارع ؟؟
ميثووة ميييته خووف : لالا مافيني وقف وقف هنيه برايه بمشي عادي .. هكووه الباب (وتغشت ويايه بتبطل الباب .. و نقز فارس عشان يمسك إيدها قبل ماتنزل)
فارس : والله ماتنزلين هنيه
ميثوة : أفف (وردت مكانها .. ودخل الحوش دااخل .. ونزلت سررعه ودخلت البيت ماحصلت حد رربععت فوق لحد يشوفها .. وزين أنه محد شافها)
‪.‬
‪.‬
‪.‬
زقرو لطوف ع الغدا وعاد الكل كان موجود (الريم وعيالها الحشره .. وخليفه وحرمته وعياله .. و أم خليفه وشويخ و عبود وأحمدوه .. والعيال تغدوا أول شي عقب ظهروا .. ماشاء الله هذا جزء بسيط من العايله .. أخوهم حمد وحرمته وأخوهم وعزوز مسافرين أمريكا يدرسون بس عزوز بمنطقة غير عن قوم حمد بمنطقة .. وبروك ماينشاف أبداً دوم مسوي عمره مشغول وبزنس الأخ يدرس ويلعب في النادي ويشتغل هآع .. مريوم ثالث سنه طب ماتنشاف دومها تدرس مسمينها مصطفى في البيت هآع .. عقب ما تغدوا دقت سلامه على أم خليفة)
أم خليفة : لطوف شلي التلفون من مخباي إيدي وسخه
ردت لطوف : ألو
سلامة : هلا .. أقولج لطوف قولي حق أماه .. العرب واصلين عند الخزنه
لطوف : شوووه ؟؟
أم خليفه لفت عليها : شوو ؟؟
خليفه : ظهروا العرب ؟؟
لطوف : العرب واصلين عند الخزنه يقولكم
أحمد قام عنهم وروح .. والكل ينش ويترابعون واليهال مب عارفين شو السالفه بس يترابعون وياهم ههه
شيخوه : يلا يلااااا (وتغني) ياا معيريييس (وبدن لطوف و روضه (بنت الريم) يغنون وياها .. والعيال يصارخون)
لطوف وشيخوة وروضة : عين الله ترااك .. والقمر والنجووم تمشي وراك
يت الريم من وراهم وإدزهم وخليفه يمططهن من شعورهن يبا يسير يغسل أيديه .. أم خليفه مرتبشه أدقدق على البشاكير راقدات ولطوف وراها طفرتها
لطوف تلحق أمها : أقولج أمااه أنا مابظهر تراني
أم خليفه : وشعنه ؟؟
لطوف : ع راسي ريشه واااككك ..
أم خليفة : بس جااب
لطوف : أن شاء الله .. بس تعرفين يعني إذا ظهرت بيخطبوني أعرف أكيد ولا شك في ذلك
روضة يتهم : ي الواثقة أنتي
أحمدوه دخل وكان برا وسار صوبهم
أم خليفه : من وين ياي أنته ؟؟
أحمد: شو تعابلين أنتي ؟؟
أم خليفه تشمشم كندورته : دايخ زقاره هااه ؟؟ أنته متى بتسمع الرمسه ؟؟!! يا بوي هاي الزقاره مابتفيدك بتضرك .. عييت من كثر ما أرمس طلع على لساني شعر وأنا أقولكم
أحمد : والله العظيم ..أفف ياخي والله (وتقاطعه وهو يرمس)
أم خليفه : أحين شو الفايده منها ؟؟ قولي (قعدت تهزبه وهو يبا يرمس ومب عاطتنه فرصه .. لين لفت علي لطوف وروضة)
أم خليفة : سيرن تلبسن أنتن يلا
روضة : شو نتلبس ؟؟
لطوف : جلابيتي حلوة شو بلاها ؟؟
روضه : هههه أما الخوار والفصوص الطايحه حالة خاصة
لطوف : جااب
(سارن لبسن شي محترم وتعدلن شوي .. لين يو العرب ع الساعة 4 وشوي)
لطوف وروضة يوايجن من الدريشة
لطوف : أونه عندهم أستيشن ليكززس بعد !!
روضة : أونه أونه
لطوف : هآع شوفي دريولهم .. كاشخ بعد
روضة : حتى الدريول ؟؟
لين يتهم الريم وهزبتهم
الريم : إيييه شو تسون ؟؟ ظهرن برا يلا
(وراغتهم من الحجرة وبندت الليت وسكرت الباب وعلى طول أول ماظهروا دشن 4 حريم وحده عيوز والثانيه كانت أم الخطيب والثالثة أخته والرابعه عمته )
لطوف" العايلة كلها يايه ماشاءالله !"
ويربعن وحده تقص خضره وحده تقهوي وحده تسولف هآع أهم شي السوالف .. و وحده تغرف .. يعني آداب الضيافه كلها خخخ .. ولطوف قعدت عدال العيوز تخورط عليها ..
. . .
عند حنون القميله .. كانت الساعة 4 ونص تقريباً
ياسه في حجرتها .. و كانت يالسه ع اللاب وفجأة سمعت قريب من دريشتها
… : آأإإإإإإإإإإإإإإإإآأإآآآآإإهه
حنون نقزت من الزيغه و طااح قلبها قامت من ع الشبريه شوي شوي بطلت الدريشه وأول مابطلت الدريشة

.
.
.

توقعاتكم ..
شو اللي صار مع حنون ؟؟
شو بيستوي في نهاية يوم السبت ؟؟