|
مشكورة غلايه بانتظارج البارت واايد حلو بس اتضايقت من انه حمد يشك بمريوم بليز لا تخلينه يتركها بلييز |
يسلمو ع هييك بآآرت غلايه ونتريآآ الي بعدووه فوودييتج~ أأتوقع مطوور بيآآخذ نوره ههه |
مطر : اربيعت اختك مريوم راشد : اربيعت اختيه اي وحده مطر : اللي كانت ويانا راشد : اي وحده فييهن انزييين مطر [ اقوله اني اباا هاذيج ولا ] راشد [ ليكون حاط عينه على علياء ويبااهااا >< ] راشد : بلاك صخييت ..؟ مطر : هاا لا ماشي راشد : عيل ما قلت لي منو هااي ..؟ مطر : قلت لك اربيعت اختك ممم ما اعرف اسمهاا موزه اظن تعرفه ومريوم اختك راشد : زييين بزقر لك مريوم مطر : لا خلاص براايه بعدييين احين بنزل صوب الربع راشد : براايك عيل مطر : فمان الله راشد : فمان الكريم ،، اي وحده يبغي مطر فييهن ليكون علياء لا مستحييل ما لقى غيرهاا غير اللي ابااهاا اناا شوه الدنيا انا وولد عمتيه نتضارب لا ان شااء الله واللي تكون في باله وحده ثانيه مب علياء .. مطر : ليش ما قلت له عن اللي ابااهاا يالله عقب برمسه وبقوله يسأل مريوم عنهاا وان شاء الله خييير ونزل عند ربعهـ وساره اتصلت باهلها وقالت لهم انها بتباات بعد في بيت عمهاا وما عندهم ماانع ونزلت تحت عند مريوم وحرمت عمهاا وعنود يالسيين اماا عمهاا محد وراشد في حجرتهـ وناصر يالس على البحر ويفكر [ شفيني من اشوف شيخه اصير جييه ولا متعااطف معهاا بسبب اللي هي فييهـ بس ما شاء الله عليها حلوه يالله تقوم بالسلامه والايام بتكشف اللي اناا فييه شو اسميهـ ] وقاام وركب موتره وتوكل صوب بيت عمهـ حمد رد البيت وعلياء بعدهاا تتريااه في الصاله ونوره روحت بييتهم وقالت حق علياء خبريني بكل شي يصيير اول بأول حمد : انتي بعدج وااعيه علياء : حمد حمد : لا اليني عيل شو تسوين غريبه واعيه احييدج دياايه علياء : نعم منو الدياايه حرمتك حمد: عاد عندج كله ولا حرمتيه علياء : هاااا بعدهاا ما شرفت ولا عرفنهاا واداافع عنهاا لو هضلت شو بتسوي بتحطها على روسناا حمد : اكيد علياء: تخسي حطها ع راسك بروحك حمد : هههههههههههههههههههههههههههه حشى كلتيني علياء : ضحكت بلا ضروس حمد : قويه من منو متعلمتنهاا هاي بعد علياء : من العيوز مريوم هههه حمد [ ااااخ طريتي العوق ] : انزين علة طاري اربيعتج هاي مريوم علياء : هاااا حمد : بسم الله بلاج كأنج بقره شاايفه حريجه هاا وفتحتي ثمج ههههه علياء : هاا لا ماشي بس انت امس واليوم الصبح هاازبني ومسوي لي حرب العالميه الثالثه وو حمد : ههههههههههههه بس بس كنت معصب علياء : معصب تحط حرتك بهاااي الفقيره مريوم وتقولي لا ترمسينهاا ماا لقيت الا هااي فدييتهااا حمد : ههههههههههههههه بس بس لا تقولين شعر فيهااا علياء : هههه تستااهل انزين خبرني بلاهاا مريوم ..؟ حمد : شفتها ف المستشفى علياء : شوووووووووووووووووو شفييهااا ليش ف المستشفى حموود قولي حمد : ماا فيهاا شي بلاج علياء :وشوي بتنزل ادموعهاا ، عيل شفييهاا وليش ف المستشفى ..؟ حمد : مادري شفتها هنااك انتي اتصلي فيهاا وتخبري عنهاا علياء بسرعه تشل فونها وتتصل بـ مريوم حمد : هااا .؟ علياء : ماا ترد ليكون شي صااير فيها ولا اختها ولا حد حمد : لا ان شاء الله وما فييهم الا الخير والصحهـ علياء : كييف وانت تقول شفتها ف المستشفى ..؟ حمد : عسى خيير دقي لها مره ثانيهـ ناصر رد بيت عمهـ ودخل الصالهـ ساره : ليش تأخرت وين كنت ناصر : اصغر اعيالج وين كنت ساره : بلاك معصب كنت احاتيك ناصر يلس على الغنفهـ وعقب غتره وانسدح ساره : نصور شفييك تعبان ..؟ ناصر : لا ساره : عيل شفيييك ناصر : ماا فيني شي كلتيني من دخلت ساره صخت ومستغربهـ من اخوها شفييهـ اول مره جيه يرمسهاا مريوم دخلت الصالهـ : ناصر شفيك تصارخ ناصر : كملت يت الثاانيهـ مريوم تشوف ساره وساره تشوفهاا وكل وحده مستغربهـ شفيه نااصر راشد ظاهر من حجرتهـ ويسمع فون مريوم يرن كمن مره راشد : ما تسمع فونها هاي ،، دخل الحجره وما لقى حد وشاف الفون يرن ومكتوب " عليوتي " عرف انها علياء اختك حمد ارد ولا لا اشل الفون لها احسن وهي ترد شل الفون ونزل تحت حمد : هاااا ما ترد علياء : هييه كمن مره اتصلت ولا ترد بديييت احاتي حموود >< حمد : لا تحاتين احين بتشوف كمن مس كول وبترد تتصل فيج يمكن تاكل ولا تشوف تلفزون ولا شي ،، انا اللي احاتي اكثر عنج يا عليووه وقلبي شاب ضو بس مابا اظلمهاا مريوم : نصووور ناصر : هاا شتبين ..؟ مريوم : خيبهـ مره وحده شتبييين >< ناصر : بلاج تتحرطمين قولي شعندج ..؟ مريوم : مممممم شفيك ليش جيه متضاايق ومعصب ليش كل هاا ؟؟ ناصر : اربيعتج ..؟ مريوم : اي اربييعهـ نصور ..؟ ناصر : شيخه .. مريوم : شووو شفييهااا ليكوون صاابهاا شي بعد ولا هذا ولد عمهاا نصووور ارمس شيخه شفييهااا ساره : مريوم هدي احين نصور بقولناا كل شي راشد : حووو شفيج انتي هدي امايه وابويه ارقوود وخذي فونج احترق شوفي كم مس كول .. وفر لها الفون ومريوم من شلت الفون شافت 14 مس كول ولا شافت الاسم وعلى طول دقت وهي حسبالهاا شيخهـ الان كانت تحاتي شيخه من ناصر قالها اربيعتج شيخه علياء : الووو اخييير ماا بغيتي طمنيني بلاج وليش في المستشفى وحمد واقف حذالهاا وقلبه يدق مريوم : هاااا منو انتي وتصيح علياء : مريوم بلا جانا عليوووه وليش اتصيحين مريوم : عليوووووووووووووووووه شيخه في المستشفى علياء : شوووووووووو اي مستشفى وليش شفيهاا عسى ما شر .؟ مريوم : عليوه بسكر احين وبدق لج اخلاف وبقول لج يلا باي >> وسكرت ع طول حمد : هاااا شو قالت لج علياء : سكرت ف ويهي حمد : ما عرفتي شي ..؟ علياء : شيخه اربيعتها في المستشفى هاللي عرفته كانت تصيح وقالت بدق لي خلاف وبتخبرني .. حمد : زيين عيل انا بروح حجرتي ومن تخبرج خبريني وصعد فوق حجرتهـ علياء : عسى خير ياارب وحمد امره غرييييب شفيييه الصبح حال واحين حال اشوف تلفزون لين ادق مريوم .. راشد : بلاج اتصيحين وعلياء شفيهاا ..؟ مريوم : مادري مادري نصووووور ارمس شيخه شفييهااا راشد : شفيها بعد شيخه ساره : ماندري ناصر معصب ومتضاايق يوم سألته مريوم ليش قال اربيعتج شيخه راشد : نصوووور بلاهاا البنت ارمس ولي شانت جييه ..؟ ناصر : اليوم بعد ما ظهرتو انا يييت المستشفى حسبالي بعدكم سمعت صوت ف حجرة شيخه ويوم دخلت لقيت ولد عمهاا مريوم : شوووووووووووووووووووووووووووو شو سواا بها بعد وليش هنااااك نصووور شووو صااار ساره : هدي بلاج خليناا نفهم راشد : كمل وبعدين ؟ ناصر : دخلت لقيتها تصيح وهوو يهددهاا واذا ما ضربهاا مريوم : شووووووووو شو من البشر هاا حتى وهي في المستشفى ماا رحمها اشو يبا بعد منهاا راشد : هذاا يباله ضرب وانت ليش ما زقرت الامن ولا اي حد ناصر : ما عرفت شوا سوي وشيخه شكلها يكسر الخاطر ويت امهاا وظهرت مريوم : من صغرهاا وهي تحس انها وحيده مالها غير امهاا من بعد ابوهاا الله يرحمهـ ربتهاا احسن تربيهـ ولا خلتها تحتااج حد لا عمومها ولا اهل امها وفقو معاهاا واحين اي عمهاا ويتأمر عليها ويغصبها وولده ابدا ما يحن على بنت عمهـ ناوي يذبحهاا هذاا شووو وتروح حجرتهاا ساره : الله يعينهااا علييهم راشد : ساره روحي لها شيخه اكثر من اختها وانا ادري ساره : ادري حسيت بها الشي بروح لها اكيد تصيح احين راحت لها فوووق ولقتها تصيح لوت عليهاا ساره : مريوم لا تصيحيين وادعي ربي يقومها بالسلامه مريوم : سااره هاي مب بس اربيعتيه هاي اختي واكثر من صغري ويااهاا نفرح ونلعب ونحزن معا بعض ماا كنت احب اشوفهاا حزيينه ولا محتااجه شي عشان ما احسسهاا اني احسن عنها وابويه ربي يطول عمره وابويه كان يعاملهاا شرا ما يعاملني وتصيح ف حضن ساره لين رقدت راشد : نصووور هذاا كله مب عليه تراا ناصر : شوو اللي مب علييك بعد شو قصدك راشد : من متى تتأثر ولا تهمك وحده من ربعهن ناصر : تكسر الخاطر يا راشد لو شفت شكلها وعيونهاا كييييف كلها دموع وويهاا راشد : وبعد شوو كمل ناصر : تطنز ولا شوو حضرتك مب منك من اللي يقولك والبنت تبا مسااعده راشد : ما قلت شي والبنت نحن في خدمتهاا وهي شرا مريوم بس انت يا نااصر شوف ويهك وكيف اسلوبك وكيف ترمس عنهاا ناصر : شو تبغي تقول راشد : تحبها ..؟ ناصر : هااا راشد : من قال هاا سمع تحبها يا ناصر ناصر : تبغي الصدق ما اعرف شو اسميه حب ولا عطف ولا شو وربي محتار راشد : اذا تحبها يا ناصر بتدخل في مشااكل وانت تعرف شو اقصد ناصر : ادري شو تقصد وبدخل في مشاكل لو ولد عمها ما خلاهاا في حالهاا بس القلب يا راشد يوم يحب شو يسوي راشد : اووووووووووووووب نصور غرقان في الحب شكلك هاا ناصر : فر علييه الكخده غرقاان هااا ويا ويهك اذلف عن ويهي احييين راشد : ماا علييييه شو منوو بيتوسط لك عقب بتقول رشووود دخييلك ناصر : بتبطي اسمييييك راشد : هههههههههههههههههههه يلا انا بروح ارقد وانت متى ناوي ترقد يا روميو ناصر : هههههههههههههههه احين برقد ولا تباني اسهر اعد النجوم راشد : لا وانت الصادق اتعد التيوس هههههههههه وكل حد رقد وفي سابع نومه واحلامه الا شخصين ما غمضت عينهم ولا عرفت النوم حمد يفكر ويفكر بمريوم واللي بصير وشيخه اللي خاايفه من الاياام شو ورااهاا واللي بصير الصبح ساعه 6 حمد يدق الباب على اخته علياء علياء : هااااااا شفييك من صبااح الله خيير شتبغي ..؟ حمد : اتصلت مريوم تقولج ولا ..؟ علياء : لا حمد : اتصلي عيل احي نيلا علياء : شووو تخبل تشوف الساعه كم احييين حمد : شو يعني اقولج اتصلي يلا بسرعه احييييين وخليها تقولج علياء , مستغربه مليووووون مره وشااكه ف السالفه راحت وشلت فونها واتصلت بمريوم مريوم : الوو علياء : سوووري راقده .؟ مريوم : لا صباح الخير علياء : صباح النور سوري داقه هالوقت بس كنت احاتي مريوم : لا عادي اصلا نااشه عشان اسبح واكل واروح حق شيخه مابا اتأخر عليها علياء : هيييه ما خبرتيني شفيهاا وليش ف المستشفى .. مريوم خبرتهاا بكل شي...........................الخ علياء : حسبي الله عليييه مريوم : انزي عليوه بخليج احين علياء : اوك سلمي عليها وان شااء الله انزورها قريب مريوم : يوصل فمان الله علياء : فمان الكريم وسكرت عنها وحمد يلس حذال اختهـ حمد : هووو بلاج تصيحيين وحسبي الله عليييه منوو ها اشو السالفه ..؟ علياء خبرت السالفه حمد ومريوم قالت لها ان ولد عم شيخه هددهاا وخبرت حمد حمد : ويهدد مريوم ليش شو يخصهاا علياء : الان اخوانهاا ضربوه ف شاف مريوم تمشي ف المستشفى وهددهاا حمد : زيين خلاهاا وراح علياء : بلاه هذا اكمل ارقادي وعقب اخبر اماايه حمد : انسدح على السرير , يعني هذا اللي كان ويااها ولد عم شيخه ويهددها وانا اللي شكيت فييهاا وعصبت على خواتي وقلت اني ففففففففففف المهم الحمد الله اني عرفت اتصل اخبر علوووه .. شو رايكم ف البارت ...؟ ان شاء الله ينال على اعجابكم .. احمد شي بسوي بعد ولا انتهى دوره ..؟ وناصر يحب شيخه وبياخذها ولا احمد واهله ما بخلونهـ ..؟ وراشد بياخذ علياء ولا مطر بياخذهاا وهي اللي يبااها ولا ..؟ وحمد عقب ما عرف الحقيقهـ شو بسوي ..؟ وشيخهـ شو بصير لهاا ومريوم ونوره ..؟ انتظر توقعاتكم ورايكم ,, السموحهـ |
شو رايكم ف البارت ...؟ ان شاء الله ينال على اعجابكم .. فنتك البارت احلى ششي حمد عرف الحقيقة احمد شي بسوي بعد ولا انتهى دوره ..؟ ما ادري وناصر يحب شيخه وبياخذها ولا احمد واهله ما بخلونهـ ..؟ بتصير مشاكل بس فالنهايه مرد شيخة لناصر وراشد بياخذ علياء ولا مطر بياخذهاا وهي اللي يبااها ولا ..؟ مطر اصلا يبي نورة مب عليا وعليا لراشد مب لمطر .. كيفي اقرر ههع وحمد عقب ما عرف الحقيقهـ شو بسوي ..؟ بيعترف بحبه لمريوم وشيخهـ شو بصير لهاا ومريوم ونوره ..؟ ما ادري الله اعلم هههههههههع |
حمد اتصل بـ اربيعهـ علي علي : حد يتصل بهالوقت هااا حمد : هههههههههههههههههههههههههههههههههههههههه علي : ويضحك اجلب ويهك بكمل ارقادي حمد : لحظه لحظه عنبوه شفيك علي : واحد في سابع نومه وحد يتصل به ويوعييه ويزعجه شو تبغي يسوي هاا حمد : يسولف ويهااا علي : احلف انت بس حمد : والله انزين نسيتي ليش متصل علي : باجر حمد : وحق شو متصل بك احين عيل علي : لا حول انزين قول غرد شو تبغي تقول حمد : خذت ع شورك وسألت اختهـ وعرفت عنها كل شي علي : انزين وبعدييين شووو حمد : ولا قبلين علي : باي باي حمد : هههههههههه ويت ويت بخبرك السالفه كلها بس صحصح وياايه علي : من كثر ما اني مصحصح ودي اكفخ وااحد بس المشكله مب حذالي حمد : هههههههههههههه حليلهـ المهم اسمع السالفه >> حمد قال لـ علي السالفهـ كلهااا علي : وانت حالتك حاله وشو مسوي وزيين انك ما ظلمت البنت ويا الراااس حمد : هههههههههههههه تعرف الحب وشوي سوي علي : الله يبعده عنااا دام جييه يسوي لا يا بووك هذا مب حب حمد : هههههههههههههههههههههههه عيل شو يسمونه علي : التسرع في الحكم من غير تأكييد او حمد : بس بس في المحكمهـ نحن علي : هههههههههههههههههههههههههههه انزين يا روميو شو بتسوي حمد : هههه شوا سوي في شو بعد علي : شرايك ارو حانا اخطبهااا حمد : منووووووووووو علي : ههههههههههه منو غيريها اللي شكيت فيها حمد : قصووورك ولا في حلمك تسمع علي : هههههههههههههههههههههههههههههههههههههههههههههههههه ههههههههههههههههههههههههههههه حمد : ضحكة بلا ضروووس علي : هههههههههههههههههههههههههه اقول حمد : لا تقول علي : ههه مب بكيفك اسمع روح اخطبهاا لا اي حد قبلك لا تي تصيح عندي عقب حمد : هههههههههههههههه اللي كاتبه الله بصير ولو نصيب فيهاا علي : ان شاء الله يلا اجلب ويهك طيرت الرقااد من عيني حمد : يالادب عادي اييلس عد الهووش علي : هههههههههههه انت واحد كيف اعدك حمد : اقول ارقد اقدر وباجر خييير علي : هههههه اوك حمد : نوم العوافي تصبح ع خير علي : الله يعافيك وانت من اهله يوم يديد وصباح بشورق الشمس ام شيخه : صباح الخير فدييتج شيخه : صبااح النور اماايه ام شيخه : ها اشو صحتج احيين شيخه : بخير دامج وياايه ام شيخه : الحمد الله >> وحبتهاا فوق رااسهاا شيخه : منوو يتصل بهالوقت !! ام شيخه ردت : الوو مريوم : الوو السلام عليكم خالو ام شيخه : وعليك السلام والرحمهـ شحالج امييه مريوم : بخير وسهالهـ خالتيه وانتي شحالج وشحال شييخه ام شيخه : بخير الحمد الله شيخه : اماايه منو هااي ام شيخه : مريوم هااي شيخه : سلمي عليهاا وقوليلها تي ام شيخه : يوصل وين تي امس طول اليوم ويااناا خلي البنيه ترتااح شوي وبت عندج خلاف مريوم : لا عادي خالتيه وشويييخ اختيه وتعبهاا رااحهـ ام شيخه : من طييبج غاانتي مريوم : يلا عيل خالتيه بسكر بس حبييت اطمن وان شاء الله بنخطف علييكم الضحى ام شيخه : حيااكم مريوم : فمان الله ام شيخه : فمان الرحمن ساره : منووو ترمسيين هالوقت ؟ مريوم : خالتيه ام شيخه ساره : لييش شي فيهااا شويييخ ؟؟؟ مريوم : لا بلاج بس حبيت اتصل فييها اطمن من سالفة اامس اللي خبرناا عنهاا نصوور ساره : هيييييييه حليييلهاا وبعدين نصووور اصغر عياالج هووو مريوم : اقول كملي كملي رقاادج ابرك ساره : وييين اكمل ارقاادي وانتي بصوتج طيرتييييه مريوم : يالله عااد من زيين صووتج عااد ساره : عن الغلط مريوم : منو اللي بدأأ ساره : مشكله يوم نحط عقلناا ف عقل يااهل مريوم : يالله خليناا العقل والرزاانه لج يااا العووده ساره : هييه عيل لج يالنونو مريوم : وافديتني نونو مب عيوووز ساره : اناا لو اتم اتلاسن ويااج ما بخلص اقوم اتوضى واصلي ابرك مريوم : تقبل الله ساره : مناا ومن مريوم : صالح الاعماال ساره : اميييييين مريوم : هههههه انا بزل تحت ادور شي اكله ساره : ههههههههه بالعافيه وسوي لي شي بعد لا تنسيين مريوم : اقول محناايه اييدج ولا فييهاا الختوم ساره : خلاص خلاص مابا منج شي مريوم : انتي الخسرانه ما تبين من ايدي ساره : مريوووووووووووووووووم لا تخليني اعصب مريوم : حد يوودج عصبي ساره : مريوووووووووووووووووووووووووووووووووووووووم مريوم تظهر من الحجره بسرعه ام راشد : بسم الله بلاج مريوم : هاا لا ماشي بس هاي سااروهه >> وتحب امهاا ع رااسهاا ام راشد : ههههه تحبين الكعبه يلا عيل نزلي وياايه مريوم : تامرين امر يا ام راشد ام راشد تضحك ع خبال بنتهاا اللي ما تدري متى بتخلي هالخباال نزلت مريوم مع امهاا وساره تصلي وشيخه صااخه وتفكر باللي يصيير فيهاا وحمد من الفرحه كل دقيقه ينش ولا عرف يرقد ومطر اللي ماا يدري شو بصير له وبيااخذ اللي يبااهاا ولا لا وناصر يفكر ف شيخه >> وطاح الريال ومحد سمى علييه ههههه وراشد افكاار فييه رااسه وحالته حااله ام راشد : مريوم مريوم : امري اميييه ام راشد : امييه شلي هالقهوه وحطيهاا ف الخييمه ابوج بي عقب شوي مريوم : ان شااء الله مريوم حط دلة القهوه ف الخيمه وهي رااده صوب المطبخ شافت باب المييلس مفتوح استغربت وراحت صووبه ودخلت مريوم : منوو هاا اللي راقد هني تقربت رشووووووود شحقه راقد هني رشووود رشوووود راشد : هاااا بلاج نااش نااش مب رااقده مريوم : شحقه انت هني هاا راشد : مااشي منسدح شي فييهاا مريوم : لا ابدا بس غريبه راشد : مب غريييبه وذلفي عن ويهي احيين مب نااقصنج مريوم مليوون علامة تعجب واستفااهم ع ويهاا رشود جييه يرمسهااا اول مره مريوم : رشوود فييييك راشد : ماا فيني شي غصب تخليين فيه شي قلت لج ذلفي عن ويهي ما تفهميييين ولا شووو مريوم ادموعهاا ع طرف عينهااا راشد مب بس اخوهاا تعتبره ابوهاا بعد واقرب وااحد لهاا نشت من محلهاا وقامت طلعت من المييلس وتمشي ودخلت البيت من غير محد يحس وصعدت فوق ودخلت حجرتهاا ساره : بسم الله الرحمن مريوم شفيييج مريوم صااخه ويلست ع طرف السرير ساره : مريووووم شفيييييييج بسم الله توج ماا فييج شي شوو اللي صااار مريوم ادموعهاا بدت تنزل ساره تروعة ويلست احذاالهاا ساره : مريوم اتصييحييييييييييييييييين مريوم صااحت بحضن ساره ساره : شفييييييييييييييج مريوم لييش اتصيييحيييييين شوو اللي صااير وخلاج اتصييحيييين مريوم اتصييييح ساره : مريوووووووم بلاج لا تخليني احااتي بديييت اتروع رمسي مريوم : راااشد ساره : بلاه رااشد ردت اتصيييح وساره تدري ان مريوم مب من اللي تصييح وقويه ولو صاحت ما اتصيح جداام حد وتكتم وتم قويه شرا ماا الكل يعرفهاا بس اتصيح وجييييييه وتقول رااشد لازم اروح صوبه واعرف السالفه نزلت ساره ورايحه صوب الميلس عدلت شيلتها وتحجبت ودقت الباب راشد : لا حوووول مريوم ذلفي ساره : انا ساره مب مريوم راشد : خيير شتبين انتي بعد ساره : بسم الله اصبحناا واصبح الملك لله شفييك انت معصب راشد : مافيني شي وخليني شتبين ياايه ساره : ياايه اعرف شو قلت لمريوم يالسه تصيح فوق ومب رااضيه ترمس راشد قام من مكاانه وبظهر من المييلس ساره : اول مره جييه ترمس واكيد جييه رمست مريوم وانت اللي عمرك ما رمستهاا بهاا الاسلوووب راشد خلهاا ودخل البيت ساره : الله يستر شفيه راشد اكيد شي صاااير ولا ما برمسني اناا جيه ولا مريوم بعد اروح عند عمتي احسن راشد يدق البااب ع مريوم بس هي لاويه ع عمرهاا وتصييح دخل الحجره ورااح صوبهاا راشد : مريوووووم ااسف وحبها فوق رااسهاا رفعت رااسهاا مريوم وعيينهاا كلهاا دموع راشد غمضته اخته مريوم : لييش جييه رمستني شو سويت اناا واول مره جييه ترمسني مضاايقتنك في شي اناا راشد : لا ياا مريوم فديييتج والله لو شو تسوين ماا تضاايقيني وانتي اختي ودلوعتي اااسف مب قصدي اهزبج وارمسج جيييه بس ساالفه معكره مزااجي وخلتتني جييه مريوم : وشوووو هالساالفه اللي تخلييك جييييه خبرني مب اناا صندوق اسراارك راشد : فديييتج اناا يااي ارااضيج وانتي عادي وتبيين تعرفيين اللي فييني مريوم : عاادي مب مهم اناا المهم انت قولي شفيييك شو السالفه خبرني نوره : سيفووووه متى بتعرس [ سيف اخو نوره من الام واكبر عنها بـ 6 سنين ونوره ما عندهاا اخوو غيره ] سيف : سيفوووه متى بتعرس يالس ع جبدج اناا ولا وبعدين شو سيفوه اكبر عنج اناا نوره : حشى حشى انزين سوري مستر سيف سيف : اقول كرميناا بسكووتج ااحسن نوره : ما بكست وبعدين متى نااوي تعرس هااا سيف : لا حووول بلاج اليوم اناا شو موعني من الصبح اليوم بس عشاان اجاابلج نوره : لا تتحرطم سيف : لا تخليني اقوم اضربج احين عادي ترا الصبح والانسان ينش مصدع ويباا رااحه مب ازعااج نوره : انزيييين شو قلت اناا عشاان ها كله بس ابااك تعرس سيف : عرسي انتي اول نوره : اللي يقول الريل عند البااب وبعدين مالك حاايه فيني احيين انت ابااك اتعرس سيف : هههههههههههه انزين ومنو هاي دام ترمسين عن العرس وعرس اكيد لاقيه لي وحده نوره : اكييييييييييييييييد ولا ماا برمس سيف : انزين قولي منو هاي نوره : مممم اخت راشد تعرفه اللي كبري سيف : قصدج مريوم اخت رااشد نوره : هييييييييييه سيف : يصيرر خيير ان شاء الله مريوم : يلا رشووود ارمس قولي شفيييك راشد : مريوم مريوم : هاا قول شفيك بسرعه والله احااتي رن فون مريوم مريوم : وقته اووه موزه دااقه غرييبه راشد نغزه قلبه اكييد متلصه تخبر مريوم مريوم : السلام عليكم صبااح الخيير موزه : وعليكم السلام صبااح النوور والسرووور شحالج مريوم : بخير وسهاله وانتي شحالج اعلومج موزه : بخير داامج بخييير مريوم : مديييم ياارب وشحال عمتيه وابوج وخوانج موزه : كلهم بخير وسهاله مريوم : دوم ياارب موزه : سووري متصله لج هالوقت بس مريوم : شو هالرمسه عادي فدييتج اتصلي بأي وقت وبس شووو موزه : مريوم بغييت اتخبرج عن عليااء مريوم : اي علياااء راشد اكييد عن عليااء اخت حمد موزه : علياء بنت عم نوره مريوم : هيييه بلاهاا موزه : نباا نسأل عنهاا وعن اهلهاا مريوم : ونعم فيييهم وعليااء ما شااء الله علييهاا موزه : زيين وادري ماا شااء الله علييهاا مريوم : بس ليييش !!؟ موزه : نبهاا حق مطر مريوم : هاااا ،، وتشووف رشاد اخوهاا وعرفت ليش وشوو سالفته متغير موزه : بلاج تقولين هاا مريوم : لا مااشي ان شاء الله لو شي نصييب موزه : ان شااء الله ويلا بخليييج احين وسلمي ع الاهل مريوم : يبلغ مع السلامه انفتح الباب ع شيخه وامهاا بالقووو ام شيخه : بسم الله الرحمن شفيييك جييه دااخل احمد : سمعي انتي وبنتج هاااي من تظهر الملجه فهمتي ولا وهذاا اللي امس شفته هني مادري شو سالفته ليكون حاط عيينه عليييج قوليله يذلف ولا ناوي على عمره وظهر وخلاهم ام شيخه : حسبي الله عليييك ربي يااخذ حقناا منك شيخه تصيييح وتفكر |
| الساعة الآن 02:04 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir