|
بوذياب :- من صدقك هذا الي ترمس عنه ابوك ؟؟ هزاع :- لا وانت الصادق هذا بو فهد لانه تبرا مني بوذياب :- وحد يتبرا من ولده !! اقول يا هزاع انا عندي احساس يقول انه هذا الي ترمس عنه مب ابوك ولازم انا اكتشف لك هالشي هزاع :- جييييف !!!!؟؟؟؟؟ بوذياب :- هزاع عطني فرصة افكر لك بحل وبخبرك بكل شي بس انا اول شي احب اقول شي بس ما ادريبك عاد انت ... هزاع :- تفضل عمي ... قول بوذياب :- هزاع انا خاطري انك تكون شريك لي فمل من المحلات شو قوولك ؟؟؟؟ هزاع :- هيه بس يا عمي انا ما اعرف حق المحلات والخرابيط ... بوذياب : -بتتعلم هزاع :- بس انا مب الين هناك احب هالشغلة بوذياب :- وانا بعد قلت جيه بس بعدين اقتنعت ابها وبعدين تعال بقول لك ان هالمحل الي بتكون شريكي فيه انت ما بتدفع ولا بيزة ... هزاع :- لاااا والله جيه قالولك حافي منتف يا عمي هههههه بوذياب :- مب قصدي وانا اعرف ان عندك بيزات بس انا ما اباهن وانا مب قصدي دعم مالي انا قصدي دعم افكاري ... تفهم علي يا هزاع ؟؟؟ هزاع :- قصدك افكاري انا !!!! بوذياب :- اكيد بتستغرب من اني طمعان بافكارك وبتقول فخاطرك هذا عنده شركات ومحلات ومال وما ادري شوه وكل هذا بعد يبا افكار عيل هذا كله منوه الي فكر فيه ؟؟ ... صح ياهزاع ؟؟؟ هزاع :- هيه يا عمي صح ... انا قلت جيه فخاطري ...بس يا عمري ممكن لو سمحت اتقول لي ليش تباني اعطيك افكار؟؟؟؟ بوذياب :- حركاتك وافكارك هي الي خلتني انجذب لك وانا ابا اطور مشاريعي بافكارك واحط اسمك وياي فكل مكان واقول هاذي افكار هزاع .... هزاع :- هي بس هذا وايد يا عمي... بوذياب :- هزاع وبعدين وياك ... هزاع تعرف ذياب انا خليته يصير شريكي غصبن عنه والحين اقتنع بفكرة الشراكة والحين يباني اخليه شريكي فالمحلات الباجية ... هزاع انا اباك تكون شريكي فمحل على الاقل ... هاه شو ردك ؟؟؟ هزاع :- خلاص يا عمي بس شرط تعلمني على كل شي بوذياب :- اكيد وخلاف بوذياب زجر سيف وسهيل وذياب وخلاهم يكملون سوالف مع انهم زعلانين .... والصبح سار وسجل هزاع شريك له ووقع وهزاع بعد وقع ... المهم ... عقب عقد الشراكة بوذياب عزم هزاع وخلاه هالمرة اييب حرمته لانه مسوي العزيمة حق الريايل وحق الحريم ( للعايلة يعني ) ومريم تعرفت على الحريم وعلى البنات وجيه يعني بس في وحدة عرفتها لانها كانت تدرس فجامعة الامارات وياها ... المهم ... يوم ردوا الفلة .... هزاع سأل مريم ... هزاع :- مريم شو رايج بجوم بو ذياب ؟؟ مريم :- والله عايلة والنعم .. بس هزاع بوذياب هذا هو نفسه بوذياب الي يحطونه بالجرايد يوم يفتح محل من محلاته ويوم فتح الشركة وووويم ويوم ويوم الخ .... مب هو ؟؟؟ هزاع := جيه هو منوه الي قالج انه مب هو .. مريم :- هيه بس هذا الناس كلها تعرفه ... وهذا عنده ملايين ... يعني بوذياب مليونير ... وهذا مب أي واحد يسير عنده ... هزاع :- هيه انزين مريم :- وانت جيف دشيت عنده ؟؟ هزاع :- سالفة طويله ... مريم :- ما يخصني ابا اعرف ... هزاع :- انزين تذكرين هاييج المرة يوم اخبرج عن ذياب ؟ مريم :- هيه هزاع :- تلاقيت وياه مره ثانية ووووووووووووو ( وكمل حقها السالفة ) مريم كانت مستغربة من السالفة وقالت انا بعد لازم اكتشف السر .... وهزاع بعد حط هدف انه لازم يكتشف السر ومريم وبوذياب وياه .... |
الحلقة ( 15 ) والاخيرة المهم ... هزاع وبوذياب وعياله وعيال اخوه واخوه كانوا واااااايد يتلاقون ويرمسون بعض ويسولفون ويا بعض ويضحكون ويلعبون ويتسابقون ويا بعض ... المهم ... بوذياب عقب هالسبوعين الي هزاع يا بوظبي فيها قام ودق له تيلفون وقال له اباك ضروري ... يوم وصل هزاع دش الفلة ودش الميلس وسلم على الكل بالخشوم ... و بوذياب :- وشخبارك يا هزاع وشحالك الا بخير هزاع :- بخير الحمدلله انت شخبارك ياعمي بوذياب :- تمام والله .... استريح ... استريح .... هزاع وهو ييلس و يطالع ان بوذياب فرحان ومب مبين عليه انه يبا يقول شي خطير :- عمي انت دقيت علي تباني ضروري ... خير يا عمي بوذياب :- الخير بويهك ... يا هزاع يالغالي انا عندي سالفة وياك بس مب الحين بقولها ... سهيل :- هيه هيه عرفنا يعني يوم احنا نطلع بتقول له ذياب :- سهيل قوم طلعنا هاذيلا ما ينعطون ويه بعد محصلين حد اييلس وياكم ... سهيل :- يالله قوم بوذياب :- هههههه لا يا يالغاليين ايلسوا ههههه اتمصخر وياكم الا هههههههههههه هزاع :- هههههههههه وانتوا اشحقه رازين ويهكم ذياب :- مب على كيفكم ... انا اصلاً بيلس يعني بيلس انا عود ومعرس وعندي ولد .... هزاع :- انزين يا بو محمد ( ذياب) لا تاكلنا ذياب :- ما كليتكم ..و بعدين لا تغيرون السالفة يالله قول يا بوذياب الي عندك ترا الفضول ذبحني بوذياب :- ههههههههههههههههههههههههههه ...اصلاً السالفة ماتخصك انت تخص هزاع ... المهم .... هزاع الي عرفته عنك انك ساكن في فلة بالايجار صح هالكلام ولا لا ؟؟؟ هزاع :- هيه ياعمي صح هالكلام ... ليش تسأل ؟؟ بوذياب :- ومن متى ؟؟؟ هزاع :- من اسبوعين ... ليش تسأل ؟؟؟ بوذياب وهو يطلع المفتاح ويعطيه هزاع :- دوك يا هزاع هالمفتاح ... هزاع وهو يطالع المفتاح :- مفتاح الشوه هاه ؟؟؟ بوذياب :- تذكر الفلة الي سرناها آخر مرة ؟؟؟ هزاع :- أي وحدة قصدك الذهبية ؟؟؟ بوذياب :- عليك نور هزاع :- بلاها ؟؟؟؟ بوذياب :- هذا المفتاح بيدك .. الحين تقوم وتسير الفلة مالتك وتيمع اغراضك كلهم .. وتغدا وخلاف العصر سير الفلة واسكنها انت وحرمتك .... هزاع وهو فاج عيونه :- جيف ياعمي ؟؟؟؟؟ تراني مب فاهم شي ؟؟؟ بوذياب :- يعني ياهزاع بلا استهبال .. قوم وسير البيت الحين وتغدى ويمع اغراضك كلهن وشل حرمتك واسكن الفلة مالتي وهاذي هدية مني ... هزاع :- هيه بس الفلة فلتك ... بوذياب :- منوه قال ؟؟؟ الفلة فلتك الحين وانا امس سجلتها لك ... هزاع :- والله !!!!!!!؟؟؟؟ بوذياب :- والله ليش مستغرب ؟؟ هزاع :- ولا شي بس يا عمي انت هالفلة مكلفه عليك وايد وانا ما اقدر اخذها عنك بوذياب :- مشكلتك ... بتاخذها غصبن عنك ... انا ما سجلتها حق المصخرة .... وبعدين ترا الفلة مأثثة بس انت تعال واسكن ... هزاع :- يا عمي انا ما اقدر اخذ شي غالي جيه .. بوذياب :- هاااه انت قلتها.. انا منوه ؟؟ هزاع :- عمي بوذياب .. بوذياب :- بعدك قلت عمي ... يا هزاع مادامني عمك وانت الي قلت اني عمك يعني خلاص مال عمك ما يهمك ... هزاع :- عمي بوذياب :- هزاع وبعدين وياك ؟؟؟ هزاع :- اوكيه خلاص .. بوذياب :- يالله عيل سير وبعيدن تعال هزاع نسيت اقول شي ... هزاع :- هلا بوذياب :- لا بس نسيت اقول لك ... لا تخبر حرمتك الا عقب الغدا علشان تنقز من الفرحة ... هزاع :- ههههههه عليك حركات ... بوذياب :- يالله سير بيتكم وامانه ما تقول حق حرمتك الا عقب الغدا ... يالله سير هزاع :- مع السلامة بوذياب :- مع السلامة .. وسار هزاع عن بوذياب ..... و يوم وصل البيت .. مريم حطت الغدا وتغدوا .. وعقب الغدا مريم يلست على اللاب توب وشوي ويفاجها هزاع بالمفتاح ... مريم :- مفتاح الشوه هاه ؟؟؟ هزاع :- مفتاح الفلة اليديدة . مريم :- الفلة اليديدة ... ليش هالفلة مب عايبتنك ؟؟؟ هزاع :- لا هاذي فلة حلوة عسل ... هاذي هدية من بوذياب .. مريم :- والله ؟؟؟ هزاع :- والله ... مريم :- انزين وهو بجم مسونها ؟؟ هزاع :- بـ3 مليون هذا غير الاثاث .. مريم :- وماثثة بعد !!! هزاع :- هيه يا حلوة وابشرج ترانا اليوم العصر بنكون فالفلة ... مريم :- الله بهالسرعة ... ما يواحليلنا نيمع اغراضنا ... هزاع :- ما عليج بسرعة بسرعة .. مريم :- عيل خوز .. قوم من جدامي .. اجوف خلني ارتب الاغراض ويالله انت رتب اغراضك ... هزاع :- انا رتبت نصهم .. ما اترياج مريم :- انزين ... وقامت ترتب بسرعة والساعة 5 العصر ساروا الفلة اليديدة ورتبوا اغراضهم وخلاف فالليل تعشوا ورقدوا ....... والصبح هزاع سار الدوام لان اليوم الاثنين وما يصير يغيب عن الدوام .... المهم يوم رد الفلة تغدا وخلاف حط راسه ورقد ... والعصر هزاع دق على ذياب وبو ذياب وسهيل وسيف والكل تقريباً من عايلة بوذياب وسوالهم العزيمة ... المهم .. .... فاليوم الي عقبه ( الثلاثاء ) العصر سار ربع هزاع بيت محمد ( بوهزاع – بوفهد ) ودقوا الجرس .. وطلع حقهم فهد وسلم عليهم بالخشوم ... فهد :- وشحالك عبود عبدالله :- ردينا على عبود اسمي عبدالله ياريال ... فهد :-هههههههه ليش احنا عنثرنا سرنا علشان انرد ههههههه ...المهم وشحالكم؟؟ الكل : - بخير الحمدلله بس يا فهد احنا ياين اليوم نتخبر عن هزاع ... فهد :- هزاع !!! محمد ( بو هزاع ) توه ايي ويوصل عند الدروازة وسلم عليهم .... مزاحم :- هلا بك يا بو هزاع .. كلااااام مزاحم :- يا بوهزاع احنا مب يايين نتقهوة يايين نتخبر عن هزاع ... هو وينه ؟؟؟؟ محمد :- اولاً انا هزاع تبريت منه ... سالم :- شووووووه ؟؟؟؟ محمد :- ثانياً انا مب مسؤول عن هزاع ليش جايفيني السكرتير ماله ولا موظف فالاستقبال ... سيف :- السموحة يا بو هزاع .. محمد :- لا تقول بو هزاع انا بو فهد ... سالم :- انزين السموحة منك يا بو فهد بس الحين خبرنا هزاع وين ؟؟ محمد :- وانا شدارني به .... مزاحم :- يا بو فهد هزاع ناقل اوراقه من الجيش الي هنية لبوظبي اظني ؟؟؟ محمد :- وانا شو اسويلكم الحين ؟؟؟؟؟ تراكم تقولوا تعرفون انه ساير بوظبي عيل اتبعوه وسيروا وراه ودوروه هناك .. |
عبدالله :- يا عمي احنا هزاع ما نندله وين .... ولا حتى رقمه لانه شكله غيره ... محمد :- عبود اذا تباه سير دوره ولا تاذاني ... عبدالله :- وليش هو مب فالبيت ؟؟؟ محمد :- قلت هو خلاص طلع من البيت ... وبصراحة ما ادري به اظني هاجر وانا اشعلي منه ... عبدالله وهو معصب :- عمي منوه الي طلع هزاع من البيت ؟؟؟ محمد :- عبود لا تزاعج .... وبعدين مب انا الي طلعته .. عبدالله :- صح هالكلام يا فهد ؟؟؟؟؟ وبشرط اباه يكون فرقبتك ... فهد :- ........... وانا شو يخصني عندك ابوي واسأله ... عبدالله :- بكيفك خلاص عيل احنا بنسير بس احنا ما بنسامح الي كان السبب في سيرت هزاع بوظبي اذا كان حد رايغنه من العين او حد مزعلنه سمعتوا .... وساروا من بيت محمد وكل واحد سار لبيته .... المهم ... احمد ربيع هزاع كان ساير ويا اهله دبي ...احمد وشوية من الاخوان فسيارته والسيارة الثانية كان يسوقها اخوه واخوه شال شوية من خواته والعيال المهم ... وانتوا تعرفون طريق دبي زحمه وما ييوز التجاوز .... المهم .... هذا احمد كان يتجاوز ( >> طاعوا هذا المينون ) المهم .... عقب شوي من التجاوز حس احمد انه براحه ما يدري ليش قام وخفض السرعة وشغل القرآن قال احسن اتسمع القران مدامني مرتاح نفسياً ... كان يسوق ويسمع القرآن واخوه فالسيارة الي قبل ... عقب شوي جان تيي سيارة طايره اقصد يعني راعيها يسوق بسرعه وكان يتجاوز وفجأة احمد ما انتبه للمينون الي وراه الي كان بيدعمه واحمد كان يسوق عادي وهو متابع حركت السير الي فالشارع .... جان يدعمه هذا الي اقول لكم عليه ... واستوت الحشرة اخو احمد انتبه حق الحادث وقلبه فز من محله وهو من قبل حس انه شي بيستوي ... المهم .. وقف ونزل وحصل اخوه شرات المغمى عليه ... وهذاك الريال ( المينون – الطاير بسيرته و الي يتجاوز والي دعم احمد ) نزل من سيارته وقام يبا يطالع اذا استوى شي واخو احمد بعد نفس الشي ... اخو احمد سار عند احمد لانه اطالع اخوانه وامه يدزون احمد ويحاولون يوعونه... ودق الدرشة مالت احمد بس احمد ما بطل الدريشة ولا شي قام ودق على الشرطة طبعاً .. المهم .. قام وبطل الباب الي عند اخوه وطلعه واحمد لا حياة لمن تنادي يلس اخو احمد يصفعه ويرش عليه ماي ويحاول وياه لاكنه حط راسه على صدر احمد وسمع نبضات قلب احمد بعدها بس كانت بقوة تدق .. قام صرخ صرخة قوبة واغمى عليه ( لانه يعرف ان اخوه فيه القلب يعني مريض بالقلب ) والشرطة يات فنفس الوقت الي اغمى على اخو احمد ورشوه بماي ونش ... واحمد شلته الاسعاف .... وكان بين الحيا والموت .... المهم ربع احمد اقصد الشلة مالت هزاع كلها درت الا هزاع .... وهزاع الحبيب كان ساير المول ويا ذياب ( ابوظبي مول ) وكانوا يتمشون بس هزاع حس ان شي صار بس هو مب عارف شو هو ... المهم ... عبدالله عقب ساعة من الانتظار في غرفة الانتظار للعناية المركزية .. قال لازم اخبر هزاع وباسرع وقت .... وسار يدور عليه فالمولات وفجاة حصله .... عبدالله وهو يطالع هزاع من بعيد :- هزاااااااااااااااااااااااع يا هزااااااااااااااااااااع .. هزاع وهو يلتفت :- هلااااااااااااااااا هلا الغالي عبدالله ركضة على هزاع ( مشهد مؤثر واااااايد ) :- هزاااااااااااع هزااااااااع او ما وصل هزاع والكل كان يطالعهم عبدالله اول ما وصل طاح على هزاع من الصياح ... هزاع :- عبوووود بلاك شو استوى ؟؟؟ عبدالله وعيونه حمر ويدمعن :- هزااااااااااع احمد استواله حادث وهو بين الحيا والموت ... هزاع اول ما سمع بالخبر اغمى عليه ... والوحيد الي ابتلش ابهم هو ذياب ... ذياب وهو ميود هزاع ويحاول يوعيه:- هزاع هزاع قوم .. عبدالله شو السالفة ومنوه هاه احمد ؟؟؟ عبدالله :- هاه واحد من الربع وصار له حادث وهو بين الحيا والموت ... ذياب : - عبدالله قوم وياي وانت هزاع يالله قوم وخلوني اوديكم ... عبدالله :- لا انا عندي سيارتي بسير بروحي وانتوا الحقوني ذياب :- لا ياريال ما يصير ... وانت بهالحالة ... قوم انت وهزاع يالله هزاعوه عن المصخرة الزايدة يالله قوم هزاع توه يحس بالدنيا ويقوم ويساعده ذياب وعبدالله ويسيرون بسيارة ذياب ... يوم وصلوا ... هزاع دش وجاف اربيعه متسدح على السرير مال المستشفى فالعناية المركزو بس هم ماخلوه يدش عنده لا خلوه يطالعه من الدريشة بس هو دز الباب ولا عليه ... ودش .. هزاع :- احمد احمممد قوم انا هزاع قوم انا هزاع انا المرعب قووووووووم .... احمد :- ........................................ هزاع وعيونه الحمر الي تدمع :- احمد ...يا بوشهاب ... قوم انا هزاع ... احمد انتبه حق هزاع ولف صوب هزاع ... وفتح شوية اعيونه ... هزاع فرح ان احمد نش .. هزاع :- الحمدلله على السلامة يااحمد احمد وهو يحاول ينطق :- ال .. الله ... يسلمك ... هزاع وهو فرحان ويزاعج على ربعه :- يا الربع تعالوا احمد نش ... احمد مسك ايد هزاع :- هزاع ... انا ...حبيتك وايد .. وحبيت الربع ... وحبيت كل شي حلو سويناه .. علشان جيه اقول ... يا هزاع لاتفرط باغلى شله اللي هي شلة المرعب هزاع ... ويشهد الله اني حبيت هالشلة ... هزاع وهو مستغرب من مسكت احمد وشكلها مسكت وداع وكان خااايف وااايد:- بس يا احمد لا تتكلم واااايد ترا هذا مب زين لصحتك ... احمد :- ليش انا شو بلاني ؟؟؟ هزاع :- يقول الدكتور ان قلبك ما يتحمل لانه ضعيف واايد والضربة اثرت فيك وبقلبك ولا تنسى ان انت عندك القلب... علشان جيه لا تتكلم واااايد ... احمد :- انا هاذي الي تعيبني فيك .. الصراحة .. وبعدين منوه هاه الي قال جيه عني ... هزاع :- الدكتور احمد وهو يحاول ينهض وبكل سهوله :- وينه هالدكتور وينه ؟؟؟ هزاع :- هذا بو نظارة .. احمد :- الحمدلله والشكر دكتور يلبس نظارة عيل وين النصايح هههههههههه اقول يا دكتور يااااا دكتورررر و ياااا دختور على قولت اخوي الصغير هههههههه هزاع :- هههههههههههههههههههههههههههههه الدكتور :- ايوه احمد :- انقلع يالله وسكر الباب هزاع :- شو علموك .. اقلع اونه ....هههههههههههههه احمد :- وشخبارك هزاع من زمان ما جفناك ؟؟؟؟ هزاع :- حد يسأل عن حال وشخبار غيره وهو فالعناية المركزة !! احمد :- تراني خلاص صحيت يوم جفتك ... الدكتور :- لا لا يا احمد مش كده انت ما صارت لك ساعتين فالعناية تأوم مرة وحدة بعد ساعتين ده مش ممكن ... احمد :- وايه هو ده الي مش ممكن ؟؟؟ كفك هزاع ( وهو يسوي كفك حق هزاع ) هزاع (عقب ما سوا كفك حق احمد ):- حلوة هااااااي هههههههههههههههههههههههههه اقول اقلب ويهك انت مب مال دكتور فالمستشفى احمد :- عيل اكيد دكتور فالجامعة هههههههههههههههه الدكتور :- انت من البك بتأول الكلام ده ؟؟؟؟ احمد :- لا من بوأيّ على قولتكم وعلى قولتنا من حجلي هزاع واحمد :- لا لا لا تعال وين تبا يا ريال ... تعال بس تعال نتمضخر ... الدكتور :- معأوله انت .... بتتمصخر وانت فالعناية !!... احمد :- خلاص خلاص انا برد البيت مالنا ..قوم هزاع عني بنزل ... مزاحم :- هلا احمدوه الحمدلله على السلامة احمد :- الله يسلمك سالم وعبدالله وسيف وحمد وفهد راشد :- الحمد لله على السلامة احمدوووووه ... احمد :- الله يسلمكم بس لو ما عليكم امراة .. الكل :- آآآآمر احمد :- خوزوا الدكاتره من دربي لاني ابا اطلع ... الكل :- هااااااااااااه احمد كان يحاول ينزل اريوله ولا جان يعوره قلبه ويطيح ... هزاع :- احمدووووووه قلت لك لا تتحرك ولا تتكلم بس انت ما تسمع الكلام احمد :- لا... تلمني.. يا هزاع ... انا ... من جفتكم ... قلبي صح ... وقلت ... ما فيني شي ... عيل خلني ارد البيت وياكم ... |
هزاع :- لا تتكلم يا احمد ... احمد :- منوه قال ؟...اصلاً رضيتوا ... ولا انرضيتوا ... بتكلم ... وابا استغفر ربي كل العادة ... لاني تعودت على الاستغفار وذكر الشهادة .... وما اوصيكم عليها .... تراها اغلى شي .... هزاع :- احمد احمد وهو يتشهد :- يا هزاع الشهادة مب عيب ولا حرام ننطقها علشان جيه بنطقها ... اشهد ان لا اله الا الله وان محمد رسول الله .... وعقب ما تشهد احمد على طول مات وانتوا تعرفون موتت الي يكون على السرير ... المهم ... والكل يحاولون مساعدته بس للاسف فقد الحياه والربع كلهم اغمى عليهم وعقب ما نشوا ..ما صدقوا ان ربيعهم مات ... ساروا يجوفونه للمرة الاخيرة ... وخلاف كل واحد ساروا لبيته وقلبه متقطع على احمد .... المهم .... استوى العزا وهزاع يا وعزا وحتى بوذياب وعياله يوا العزا .... وعقب شهر ....بوذياب حب انه يغير الجو الي عايشنه هزاع جو الإكتآبة والحزن ... وقال لازم اسوي شي يفرح هزاع ..... سار عنده البيت وياب وياه تصاميم وديكورات يباهن حق محلاته ... وعرضهن على هزاع و .... هزاع :- هيه بوذياب :- شو هيه انا يايب التصاميم والديكورات علشان تختار وياي هزاع :- عمي صدقني مالي خاطر للتصاميم الحين بوذياب :- افااااا تردني يا هزاع وانا ياينك لبيتك .... هزاع :- لا حشى يا عمي بس صدقني اني ما اعرف اختار شي وانا بهالحاله ... بوذياب :- علشان خاطري انزين هزاع ( وهو ماله نفس ):- انزين يالله بوذياب وهو يبتسم :- هاجذا انا ما اعرف هزاع وهو يبتسم :- انزين يالله جيه زين ؟؟ بوذياب :- هيه هاجذا ... يالله الحين اعرف اختار وياك ... هزاع :- يالله .... ( وهو يختار ) كلااااااااااااام بوذياب :- هزاع ما ابا هاللون ... هزاع :- صدقني انه حلو بوذياب ( وهو قصده يخلي هزاع يندمج ويا التصاميم ) :- انزين ليش ما يكون هذا احلى هزاع :- لان الذهبي راهي ويا العنابي .... يطلع عجييييييييب بوذياب :- وكيف بتكون الفكرة مالته هزاع وهو ماسك القلم والورقة واونه يرسم حق بوذياب ويفهمه الطريقة ويرسم التصميم وكيف بيكون شكله بس بدون الوان :- جوف عمي هذا العمود بيك اهنا ... وهذا البيب يبي اهنا والحبال اهنا مب ويا بعد محطوطات ..... بوذياب :- هيه احسب ... ازين ووووو كلاااااااام بوذياب :- خلاص عيل هزاع انا الحين بترخص عن اذنك هزاع :- لا حلفت عليك غير يتتعشى بوذياب :- ما عليه المرة الياية ... هزاع :- ما يصير احين الساعة 9 ونص .... لازم تتعشى وياي بوذياب وهو مب عليه من هزاع :- سير عني هناك ما عندك سالفة يالله هزاع :- ههههههههههههههههههههههه سار بوذياب عن هزاع ..... ...... وعقب يومين .. كان العصر ...... بوذياب يا فلة هزاع وحلف عليه غير ايي وياه .... وهزاع مب فاهم شو السالفة ..... واول ما وصل السوق ( جدام المحل بو ذياب ) .... هزاع :- يا عمي بوذياب ليش احنا يايين هنيه ؟؟؟ بوذياب :- بس هزاع :- ليش انت ناقصنك شي ؟؟... ياي تشتري ؟؟؟ بوذياب :- هيه ابا اشتري من عندك .... هزاع :- هااااااااااه !!!؟؟؟؟ من عندي ؟؟؟ عمي انت فيك شي ؟؟؟ انت صاحي ؟؟؟؟ لايكون ميهود ؟؟؟؟ بوذياب :- هيه ميهود .... وياي اباك تيودني وادخلني هالمحل هزاع :- عمي ..... شو بلاك ؟؟ ...تتمصخر ؟؟؟؟؟ بوذياب :- شدراني عنك ... هزاع ما يصير اوقف برع لازم ادش المحل عن حد يعرفني .... هزاع :- اوكيه خلنا اندش يالله .... بوذياب :- يالله طوف جدامي ... اخطف يالله ... يالله تحرك لا تيلس تتطالعني .. جانك بقرة اول مرة تجوف حريجة ... هزاع :- انا بقرة ... بوذياب :- لا انا بقرة وثور بس يالله امشى سيييييير .. هزاع :- لا حشاك ... يالله امشى وياي .... بوذياب وهزاع دشوا المحل .... هزاع كان مستغرب ... ويقول في نفسه * هذا المحل تصميمه مب غريب علي ولا الديكور بس انا هذا اول مرة اجوفه ... وبعدين هالأعمدة وهالبيبات والحبال مكانها يذكرني بشي ... شو هو ؟؟؟ والله ما ادري ... حتى اللون .... ذهبي ويا عنابي غامج .... .... هاللون بعد يذكرني بشي بس شو هو ؟؟؟؟* بوذياب :- هاااه هزاع شو رايك فالمحل ؟؟؟؟؟ هزاع وهو توه ينتبه :- هااااه عمي شو قلت ؟؟؟؟ بوذياب :- بلاك ؟؟؟... قلت شو رايك فالمحل ؟؟؟ هزاع :- والله المحل حلو صراحة بوذياب :- يعني عيبك ؟؟؟ هزاع :- هيه حلو عيبني بس ليش ؟؟؟؟ بوذياب :- يعني انت راضي عن محلك ؟؟ هزاع :- محل منوه ؟؟؟؟؟؟؟؟؟؟!!!!!!!!!!!!! بوذياب :- محلك هزاع :- محلي انا ؟؟؟؟!!!! بوذياب انت تتمصخر ولا من صدقك ؟؟؟؟ بوذياب :- هيه من صدقي .... ليش جايفني كـ(ج)ـذاب !!!!؟؟؟؟؟ هزاع :- لا السموحة منك يا عمي بس ليش تكلف على عمرك ؟؟؟ بوذياب :- هزاااااااااع ردينا ؟؟؟؟!!!! هزاع :- هههههه ليش عنثرنا احنا سرنا علشان انرد خخخخخخخخخخ بوذياب :- خخخخخخخخ والله انك حبوب صدق ... بس لا تتمصخر مرة ثانية ...ههههههههههه هزاع :- لاااا صدق عمي انت ليش دوم تحطني فالامر الواقع وما تخبرني قبل ؟؟؟؟؟ بوذياب :- انا ما سويت شي بروحي انت ساعدتني والي يتحدى اتحداه وبقول انك انت الي صممته وهندست عليه ههههه والتصميم عندي خخخخخخخخخ هزاع :- ههههههههههههههه انزين يالشاطر وهالمحل متى شريته ؟؟؟ بوذياب :- لاااااا هذا محلي اللّول والحين محلك ..ليش ما تذكر انه بنفس البنيان ؟؟؟ هزاع :- والله انا بعد كنت مستغرب واقول هذا المحل بشوه يذكرني .. عثاريه محلك اللّولي .... بوذياب :- عليك نوووووووووووور يا شطووووووووور هزاع :- يا بوذياب بغيت اتخبرك بشي بس انا مستغرب منه ... بوذياب :- اتخبر يا ولدي هزاع :- انا الي احيده اني انا صممت ديكور هالمحل قبل يومين وانت اسجايل خلصت بسرعة ... انا هالسؤال مب داش مخي ... بوذياب :- والله اني توقعتك تسأل ..ههههههههههه يا هزاع ياولدي انا من طلعت من عندك سرت واتفقت على كل شي وخليت واحد مشرف عليهم ويوم يالت الساعة 11 فالليل رديت البيت وتعشيت ورقدت والعصر سرت المحل وحصلتهم يشتغلون .... واليوم العصر مخلصين وييتهم النا عقب صلاة المغرب وجفت كل شي .... وطلع نفس تصميم الديكور مالك ... ولا تنسى ان هاذيلا عمالي وهم بسرعة يسون لي كل شي واتقان .... والحين اقتنعت كيف خلصت بسرعة ... هزاع :- اوكيه ... بعدين يا عمي انت ليش دوم تحطني فالامر الواقع ومنود لا تاخذ شوري ... بوذياب :- لا والله مب على كيفك .... انا عادنك واااااحد من العيال .... هزاع :- هيه بس انت عندك ولدين الله يخليهم لك ... بوذياب : - شو يعني .... انت الثالث .... هزاع :- انزين ...بس مرة ثانية خبرني قبل لاتحطني فالامر الواقع بليييييز اذا كنت عادني واحد من عيالك ... بوذياب :- خلاااااااص عيل انت بس ترقب المفاجآت على قولتهم .... هزاع :- بعد مفاجآت !.... بوذياب :- هيه ليش انت عندك مانع .... هزاع :- لا دواااااس ... ههههههه كفك ( وهو يسوي كفك حق بوذياب ) بوذياب كان بيسوي كفك بس نزل ايده :- خلها حق باجر هههههههههههههه هزاع :- ههههههه ما عليه قفطتني ... زعلت ... بوذياب :- والله تندل اليدار وين ... دق راسك فاليدار ... هزاع :- اهوووووون عليك .... بوذياب :- لا ما تهون ولا تمون علي ...... هزاع :- احسب ... .................. في بيت محمد ( بوهزاع – بوفهد ) نورة :- محمد محمد :- هلا شو بغيتي نورة :- ماشي بس بغيت اتخبر عن هزاع .... محمد وهو معصب ويزاعج :- انا جم مرة قايل لج اني ما احب حد يطريه جدامي .... نورة :- اشبلاك كل ما اطريه جدامك تحرّق عاااااااافاااااااان الله منك ومن هالابليس الي راكبنك .... محمد :- بكيييييييفي مكا ادانية ما اواطنه بعيشت الله ... نورة :- حرام عليك يا ريال .....والله حرااااام هذا ولدك يا ريال ولدك ... ما يصير الي تسواه ... محمد :- والله عاد هالشي راجع لي ...ز وانا ما اباه غصب ..... وبعدين يوم تبين تاخذين اخباره خذيها من بنتج عليوه .... عالية وهي متزيغة :- ولييييييييش انا بالذات .... محمد :- لانج ترمسين مريم 24 ساعة .... عالية :- انزين حتى ولو انا آخذ اخبارها هي ... ما آخذ اخبار هزاع ... محمد :- لا تحلفين ... نورة :- مشكلتك يا محمد ... عالية لا تعطيه وردي علي انا شخباره هزاع وشخبار مريم ؟؟؟ عالية وهي تتطالع ابوها :- اميه هزاع ومريم بخير والحمدلله ... نورة :- ايلسي ما عليج منه وقوليلي ...هم شو مسوين هناك ... عالية :- هم صايرين عسل ... شي حلو كله وناسة .... حتى انهم فالبداية كنتوا داخل فلة للاجار ... نورة :- فلة ؟؟؟ عالية :- هيه والحين هم ساكنين داخل فلة عجيييييبة تينن وهي مبناية بـ3 مليون.... وهذا غير الاثاث لانها مأثثة بعد محمد :- الله بـ3 مليون ومأثثة بعد ..... عالية :- هيه وهم ساكنينها من اسبوعين وشوي ..اظني .... نورة :- ما شاء الله محمد :- انزين هو من وين له هالبيزات كلها ؟؟؟؟ نورة :- هيه والله عالية :- ما ادري تقول مريم هو هدية من بوذياب حق هزاع ... محمد :- منوه بوذياب ؟؟؟؟ عالية :- هذا الي يطلع فالجرايد وما دري شوه وووو الخ تعرفونه ؟؟؟؟ محمد :- هيييييه هذا هيه هيه .... زين زين عالية :- ليش جيه ترمس جانك مب مصدق ... محمد :- عيل بوذياب يفتح بابه حق هالاشكال ... هذا بوذياب مب لعبة هذا راعي الملايين ... عالية :- عيل والله ان مريم قالت لي .... نورة :- يحليها مريم والله اشتقت الها ... عالية :- ويييييييه ذكرتيني ... تسلم عليج مريم نورة :- الله يسلمها من الشر ... عالية يوم ترمسين على مريم وانا مب موجودة سلمي عليها واذا كنت موجودة .. قولي لي علشان ارمسها ....سمعتي ؟؟؟ عالية :- ان شاء الله ... محمد :- انزين والحين غيروا السالفة .... عالية توها تبا ترمس الا جان مريم حرمة هزاع ادق على عالية وعالية ترد على التيلفون ... عالية :- هلاااااااااااا شحالج حبيبتي مريم :- بخير الحمد لله ... انتي شخبارج غناتي ... عالية :- والله انا بخير الله يسلمج .... نورة :- عاليوه منوه الي يرمسج ؟؟؟؟ عالية :- هاذي مريم حرمة هزاع ..... نورة :- والله عيل عطيني اياهااااااا ... هاتي التيلفون .. عالية :- انزين اميه اصبري اشوية اتريي اشوية بس ... الوووو مريوم وشحالج بعد ... مريم :- ههههههههه اقول منوه هاي الي تبا ترمسني ؟؟؟ عمتي ؟؟؟ عالية :- هيه هي تبا ترمسج .... مريم :- انزين عطيني اياها ابا ارمسها .... عالية :- اوكيه اتريي ... نورة وهي تاخذ التيلفون من ايد عالية وتحطه على اذنها ...:- الووو هلاااااا مريوم مريم :- هلا عمتي شخبارج ؟؟؟؟ نورة :- بخير الحمدلله ... انتي شخبارج وشو مسوية ؟؟؟ مريم :- تمام الحمدلله .. نورة :- وشخبار هزاع ؟؟ مريم :- والله الحمدلله هو بخير الحين ... |
نورة :- ليش استوى شي ؟؟؟ مريم :- لا بس ترا اربيع هزاع هذا الي اسمه احمد مات من اسبوعين ولويا عمتي جفتي شكله يقطع القلب ... جان صحتي من الخاطر .. نورة :- هيه الله يرحم احمد احليله كان ولد ماشاء الله عليه الكل يمدح فيه .... مريم :- الله يرحمه ويغمد روحه الجنة ... نورة وهي تطلع من الصالة والتيلفون فايدها :- وشخبارج بعد يا مريم ... مريم :- والله بخير الحمدلله ... نورة :- وتعالي مريم بتخبرج ... مريم :- هلا نورة :- ما سويتي شي ؟؟؟ مريم :- شو قصدج ؟؟؟!! نورة :- يعني ما سويتي شي مني مناك ...يعني انتي عاد افهمي قصدي ....قصدي ما حملتي يعني ترا وايد حريم يحملون من اول شهر .. مريم :- هههههههههه لا يا عمتي بعدني ... وبعدين تراني لاحقه على العيال .... ما واحيت اعرس ... نورة :- جان من شهر ونص وبعدج ما تهنيتي ... المهم ... ان شاء الله بتيبين العيال وبتترسين البيت من الصدعة .... ههههه مريم :- هههههههه وشخبارج بعد يا عمتي .... نورة :- والله مثل ما ودرتينا .. الحمدلله بخير الصدعة بعد بخير ... مريم :- هههه الله يخليلج اياهم .. نورة :- آآآآآآمييييييين ويخليكم لي .... .... الا اقول مريم .... مريم :- هلا عمتي نورة :- هزاع وين ؟؟؟ مريم :- سار عند ذياب .. نورة :- منوه هاه ذياب ؟؟؟ مريم :- ولد بوذياب .... ما تعرفينه !!؟؟ نورة :- قصدج الي يطلع فالجرايد وغيره ؟؟!! مريم :- هيه هو ....ليش تسألين ؟؟؟ نورة :- ولا شي بس كنت مب مصدقة يوم قالت لي عالية ان بوذياب نفسه هو الي عطالكم الفلة الي انتوا ساكنينها الحين ... مريم :- هيه صح نسيت اخبرج انا احنا الحين ساكنين في فلة بوذياب اليديدة بس هي الحين صارت حقنا ومسجله باسم هزاع ... نورة :- وهزاع من وين عرف بوذياب ؟؟؟ ... مريم :- عن طريق ذياب نورة :- وهو كيف اتعرف على ذياب ؟؟؟؟ مريم يلست تخبر نورة وتهذرب وياها ..... المهم ...عقب مرور هالشهرين يارمضان وعقب العيد ....اقترح بوذياب على هزاع انه يروح المستشفى ويجرب البصمه الوراثية وياخذ واحد من اخوانه وبوذياب اكيد بعد بيجرب ويا هزاع وهزاع سار وشل فهد بس بدون لا حد يدري ..يوم جربوا هزاع وفهد .... ما تطابقت البصمتين .. وجرب ذياب وهزاع ...... وهنيه كااااااااااانت المفاجأة .......ان البصمتين تطابقن .....وصار هزاع ولد بوذياب ..... هزاع وذياب كانوا فرحانين بس فهد مب فاهم السالفة ... لان هزاع ما قال له شي عن الي يسويه .... المهم هزاع رد فهد البيت وقال له لاتخبر احد عن الي صار .....وذياب ما خلا مكان ما نشر الخبر فيه .....الجرايد بروحها شي ....ولا واختار ان الخبر يكون في اول الجريدة علشان الكل يقراه ... الكل استغرب وحتى ام ذياب كانت مستغبه ويالسة تحاول تذكر يوم ولدت سهيل منوه كان وياها او شو الي صار .... وفجاة تذكرت ان هي يوم اول يوم كانوا ساكنين فالعين ... يوم اودت بالولد الثاني كانت حرمة ثانية بنفس الغارفة كانت تولد وياها وفجاة انقطعت الكهربة وما عرفوا ولد منوه هاه ولا هاه ولد منوه وتذكرت انها كانت حامل بتوأمين بس على حسب كلام الدكاتره ان واحد اثناء الولاده مات ...واذكرت ان ايام اول الدنيا مب وايد مطورة يعني يستوي الغلط او التخربط اذا كانوا فمكان واحد .... وعلى طول تطلع من الحجرة وقصدها تسير حجرة سهيل وهي في طريقها ... سهيل ولد بوذياب يوم قرا الخبر بالجرايد.... طول طلع الجرايد ...وسار عند ابوه ..واول ما دش الصالة ...عق الجرايد فالدعنه وخلا فايده جريدة وحدة ويابها صوب ابوه ... ورواه الخبر.... سهيل :- ابوي شو هاااه ؟؟؟؟؟ بوذياب :- شو هااه بعد .... يعني انت ما تجوف .....هذا خبر...... سهيل :- وهاذي صورة منوه ان شاء الله ..... بوذياب :- والله الصور واضحة ...صورة هزاع ... سهيل :- ادري بس مب هاذي المشكله المشكلة فيني انا .... يوذياب :- فيك انت مشكله !!! شو هالمشكلة .... لايكون تغار .... ترا ياولد الحين هو اخوك ... سهيل :- مب هنيه المشكلة المشكلة ان تاريخ ميلادي يطابق تاريخ ميلاده .... وعمري نفس عمره انا 20 وهو 20 ... يعني في غلط .... بوذياب وهو يشهق :- ااااااااااااااا ... لا تقول يا سهيل .... سهيل :- انا عندي اقتراح يا بوذياب .. بوذياب :- قول ياولدي .... اسمعك ... سهيل :- اني اروح واجرب البصمه الوراثية واذا تطابقت بصمتي ويا بصمت فهد الي هي موجودة الحين فالمستشفى فهذا معناته اني ولدهم مب ولدك ... بوذياب : - لا يا سهيل ما يصير انت ولد انا ... ام ذياب :- لا يا بوذياب .. خلا الولد يجرب ... بوذياب :- ليش يا ام ذياب ؟؟؟؟ ام ذياب :- لان في سالفة طويله صارت من 20 سنة ونص .... بوذياب وسهيل :- وشو هالسالفة ؟؟؟ فجأة يدش ذياب الصالة ويحصل ابوه ...وسار وحبه على راسه وحب راس امه بعد وسلم على اخوه بالايدين ويلس يبا يفهم السالفة ... ذياب :- وشو هيه السالفة ؟؟؟ ام ذياب حكت الهم كل الي صار .... وقالت :- يوم كنا ساكنين فالعين .......... الخ ... بوذياب :- وليش ما قلتيلي الي صار من ذاك اليوم ؟؟ ام ذياب :- انا قلت اني احس بشي بس شو هو ما اعرف .. وخليت السالفة على يمب ... سهيل والدموع فعيونه :- يعني انا مب ولدكم ..... وانا خلاص فهمت هالشي ... ذياب :- لا يا سهيل ....سير وجرب البصمة الوراثية وانا بسير وياك علشان نتأكد .... بوذياب :- يالله يا ولدي سهيل سير جرب ويا اخوك وانا بعد بسير وياكم .... سهيل سار وباس راس ابوه .... وساروا المستشفى وجربوا البصمة الوراثية وطلع سهيل ولد بوذياب .... وفاتحوا الدكتور بالسالفة وقال خلاص يعني الولد الي توفى يكون ولد الام الي لها لد واحد بما ان واحد من عيالها جرب البصمة الواثية ويا هزاع وانتوا جربتوا البصمات الوراثية وكلها دلت ان هزاع اخوكم .... وبهالحالة .... يكون هزاع ولدكم وسهيل بعد ولدكم ... بوذياب فرح انه ما بيفقد ولا واحد منهم ....... وحتى سهيل كاااان فرحان وااااايد وذياب يسكت من الفرحة .... وسيدة دقو على هزاع وطيروه من الفرحة ...... وركض سيدة على سيارته وسار المستشفى يتأكد من الكلام وطلع صدق وساروا وتعشوا مع بعض فالمطعم وخلوا امهم تتحرقص تبا تعرف شو السالفة ..... وكل شوية ادق عليهم وهم صاكين التيلفونات عن الازعاج ... وخلاف ردوا البيت وكل واحد فرحان بوذياب وسهيل يوم ردوا البيت ما طاعوا يرمسون وكله مبوزين ( مادين بوزهم شبرين ) ... اونه عاد .... ام ذياب :- بلاكم مبوزين ؟؟؟؟؟ شو استوى سهيل :- ............. وانتي يهمج شو استوى ؟؟؟؟ بوذياب :- سهيل لا تقول شي لو سمحت الي فيني مكفيني ... سهيل ماسك اعصابه عن يضحك الحين وهو في خاطره يضحك ويقول :- اوكيه ... ام ذياب :- سهيل قول .... سهيل ما قدر يمسك عمره ... ويلس يضحك ... بوذياب وهو يحاول يرص على حلج سهيل بايده .... :- لا يا ام ذياب لا تصدقين سهيل هذا من حرت ما فيه ... ام ذياب وهي تقولد بوذياب :- هذا من حرت ما فيه ..... اقول لو سمحتوا فهموني شو السالفة ..... سهيل وهو يخوز ايد ابوه عن حلجه :- امااااه مبرووووووووك .. بوذياب :- سهييييييييل ام ذياب :- كمل شو مبروك ؟؟؟؟ سهيل :- انا ولدج وهزاع ولدج وذياب تراج تعرفينه ولدج .... ام ذياب :- بوذياب خوز عن الولد خلني اعرف افهم السالفة ..... بوذياب : - لا تصدقينه الله يهديج .... ترا ينكت سهيل :- لا امييييييييه قسم بالله اني ما انكت بس هذا بوذياب يباني اخليج اتصيحين على لا شي ... ام ذياب وهي تخوز بوذياب عن سهيل :- محمد قول قوم الولد وخله يفهمني .... بوذياب :- انزين ما عليه يا سهيل ما عليه انا برويك ... سهيل :- لا لا لا تعال وين ساير يا ريال .... تعااااااال ... بوذياب : - لا تراك ما تسمع الكلام الحين هي خلاص كشفت السر .... ام ذياب :- هههههههههههههههههههههههه أي سر يا حضي الي انا عنثرني فهمت شي من الي قاله سهيل .... سهيل :- اماااااااه سمعي تراني سويت البصمة الواثية وطلعت ولد وهزاع بعد طلع ولدج وذياب بعد ولدج يعني احنا الثلاثة عيالج .... ام ذياب وهي تشهق :- اااااااااا يعني صدق هزاع ولدي ؟؟؟؟؟ بوذياب :- يا ام ذياب يالغالية انتي ما كنتي حامل بتوأمين مب صح الدكتور قال لج ان واحد منهم مات ؟؟؟.... ام ذياب :- هيه ... سهيل :- طلع خريييييط هالدكتور الي قال لج .... بوذياب :- انزين انت اسكت عاد .... سهيل :- ههههههه عاد ولا ثمود .ههههههههههه بوذياب :- سهيلوه اسكت لا اشوتك بهاليحلة ( الجرة – المزهرية ) على راسك ... سهيل :- ازين ازين كمل .... ام ذياب :- اولا ما تقدر تضرب ولدي باليحلة تباه يموت....وثانياً كمل ... بوذياب :- هيه والله صدق بس شكلي بسويها اذا ما سكت ... سهيل :- انزين عاد كمل بوذياب :- اسكت تراني الحين ياي بكمل .... |
| الساعة الآن 10:41 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir