منتدى استراحات زايد - ما اعرف اعـود ولا اهدّي ولا امسك بريك ،، لاجيت اجي كلي .. وكلي عسانـي فـداك ~!

منتدى استراحات زايد (http://vb.ma7room.com/index.php)

- قصص و روايات (http://vb.ma7room.com/forumdisplay.php?f=26)

[ البارت الثلاثــون ]

((الصبح ف المستشفى))

محمد راقد ع جتف مبارك ومبارك كل شوي يغمض عيونه ويرد يفتحهن ويدعي ربه..<مارقد من امس..
بعد ساعتييين
الحريم والشواب والبنات كلهم ف المستشفى..
ام مبارك:فديتك محمد شل مبارك ويااك وروحوا البيت ارتاحوو..
محمد:ان شاءالله خالتيه..
مبارك:اصبر محمد بروح المسيد شوي وبيي..
محمد:ارقبك عند الباركنات..
الكل يلس قدام العناية يتريوون حد يبشرهم عن عفاري..

(عند مبارك)
دخل المسيد وصلى ركعتين وظهر..وهو ظاهر لبس نعاله وتوه بيمشي بس وقفه صوت بنيه..
......:مبـ ـ ـارك !
لف مبارك صوب الصوت وابتسم بتعب..
ميروه:تعال شوي برمسك..
يلسوا ع الكراسي الي ف الممر..
ميروه:ادري انك متلوم وادري انك هوب قاصد تسوي جيه ابها ..صح انا ماعرف ليش انته غصبتها ع الريال بس انا اعرف انك هوب قاصد تسوي جيه ..وخاصةً لانك تحب عفاري..
مبارك ف خاطره(فديت قلبج..والله كنت ابا حد يرمسنيه )
ميروه[مسكت ايده وهي ترتجف]:رد البيت واتسبح وارقد وان شاءالله عفاري مابيصيبها شي..
مبارك:ان شاءالله ..
ميروه:عيل يالله انا برد ع الحريم وانته رووح..
نشت ميروه تبا تمشي بس مبارك دااس ع عباتها من ورا وخلها تطييح ف صدره..
ميروه[تششششششششطبت من المستحى]
مبارك[يهمس ف ذنها]:عادي محد ف الممر..
نشت ميروه ولفت الصوب الثاني تعدل عباتها..
خطف دكتور من عدالهم..
مبارك:حووه انتي ماتعرفين تمشي كله تطيحن ع العالم..
ميروه من الغيييض داااست ع صبببببع مبارك الصغيروني ..
شبك مبارك ايده ف ايدها بقووووو وقال بصوت خفيف:اخخخ..=s
ضحكت ميروه ومشت عنه..
مبارك(الحمدالله انج من نصيبيه ..ااخ يالله يارب بس عفاري الي بقت ..يالله ياربيه ليين قلبها وخلها تسامحنيه يالله يارب)<غمضني حليله..
ردوا مبارك ومحمد البيت ..
مر اليوم نفس امس محد يا يبشرهم عن عفاري والكل ع اعصابه..

بعد مرور يومين (48 ساعه)
الكل كان ف البيت يترييون وصووول احمد وسعود من السفر..محد كان ف المستشفى غير حمدوه وراشد..
ظهر الدكتورر وهو مبتسم..نشت حمدوه وربعت صوبه..
حمدوه:ها دكتور بشر!
الدكتور:الحمدالله نجحت العملية والحين بننقلها لغرفة خاصه ..
حمدوه[فرحانه]:الحمدالله يارب الحمدالله..
الدكتور:انتي تقربيلها؟
حمدوه:هيه نعم انا اختها..
الدكتور:امم في مجال اكلمج ف غرفتيه؟
حمدوه:ان شاءالله..
راحت مع الدكتور وراشد كان ف الكفتيريا..
الدكتوور:تفضلي..
حمدوه:دام فضلك..
الدكتور:مثل ماتعرفين عفرا ياها انهيار عصبي حااااد..وانا قبل شرحتلكم حالتها..
حمدوه:هيه ..
الدكتور:الي ابا اقولج اياه..(توتر)اختج ممكن ف اي لحظه تتعرض لهالانهيار وهالامر لازم كلكم تتحذرون منه..يعني السبب الي خلها توصل لهالمرحله وانها تتعرض لشق ف ويهها لو سمحتوا ابتعدوا عنه..يمكن مافهمتيني شو ابا اقولج ..انا اقصد الشخص الي كان السبب ف دخلولها المستشفى ,اتمنى منكم ماتخلونه ايي ف هالفتره بالذات لان اذا تعرضت للانهيار لا سمح الله نحن ماابنقدر نسوي شي..
حمدوه:أن شاءالله دكتور..
الدكتور:بنخليها عندنا لمدة 3 ايام ..عشان نطمن عليها وعشان ترتاح نفسياً..
حمدوه:انزين دكتور عشان الشق الي ف ويهها!
الدكتور:انا عشان جيه يبتج عندي عشان اكلمج..الشق مش واايد وااضح وهذا كله بفضل العملية ..انتي لو جفتي شكلها قبل العمليه وبالدم انتي بروحج بتتروعين..بس من بعد ماخيطناه رد شكلها عادي بس في بعض كدمات والشق مش ف نص ويهها لا الشق قريب من اذنها وقريب من حواجبها..ونحمدالله بعد ان اذنها مااصابها شي..
حمدوه:الحمدالله..انا اترخص عيل..
ظهرت حمدووه ولقت راشد ف ويهها..
راشد[معقد حوايبه]:نعم!! شو تسوين داخل..
حمدوه[بستهبال]:اغازل الدكتور..
راشد[عصب]:شوووو!
حمدوه:ههههه حبيبي والله كان يرمسنيه عن عفاري..
راشد:لآلا هوب راضي اانا..وعطاها ظهره..
حمدوه[بصوت خفيف]:فديت المعصب..
راشد[شاق الحلج]:يفداااج..
حمدوه:اووه قم قم بنروووح صوب عفاري..

(ف حجرة عفاري)
دخلت حمدوه وخلت راشد برا لان عفاري مبهدل شكلها..سكرت الباب بشوي شوي وهي مستانسه لان ختها واعيه..
قربت منها..
حمدوه[بصوت خفيف]:الحمدالله ع السلامه..
لفت عفاري وويها شاحب:الله....وسكتت
يلست حمدوه عندها وهي تجوف ويهها ..
عفاري:ادري انيه اروع..
حمدوه:لالالا والله شكلج عادي..ويت بيبلج المنظره..
شلت عفاري المنظره ويلست تجوف الخياطه..
دمعت عفاري يوم تذكرت الي صار..
حمدوه:عفاري حبيبتي خلاص دخيلج بس..
عفاري[متروعه]:وينه !!!!
حمدوه:منو؟؟؟
عفاري[تمط الواااير]:ماابا اخذه مابا الللله يااااخذك يا مبارك الله ياخذك..
حمدوه نشت ويلست تهديها لين ماسكتت..
عفاري:شوهه ويهي ="(
يلست حمدوه ترمسها لييييين مارقدت..
ظهرت حمدوه عنها وطالعت تلفونها ،جافت امها متصله 5 مرات..
اتصلتلها وماردت..ردت تتصل وردت..
حمدوه:ها اميه؟
ام مبارك:شحال عفاري؟
حمدوه:ظهروها من العمليات والحين حطوها ف حجرة خاصه..
ام مبارك وهي ميته من الوناسه:الله يبششششرج بالجنه يا اميه..
حمدوه:اميه قوم سعود وصلوا؟
ام مبارك:لا يا اميه يقول احمد بييون بعد 4 ساعات...
حمدوه:هيه زين ..اميه لا تقولين لاحمدوه عن عفاري ولا سعود..
ام مبارك:أن شاءالله..
حمدوه:يالله اميه اخليج الحين..
ام مبارك:الحين انا بييج..فداعة الله..
حمدوه:ربيه يحفظج..

توقعاتكم !!!

[البــارت الواحد والثلاثون ]

(ف دبي عند سعود واحمد)

سعود[يدق باب الحمام-عزكم الله]:ياعمممممي بسسسك خلص يالله ابا اجوووف هليه بمووووت من الوله..
احمد:اوهوه فارقت ويهك يالحمار رووح خلني اتسبح ع راحتيه..
سعود:انا فارقت ويهيه؟ماعليه..وراح يشغل التلفزيون..
بعد دقايق ظهر احمد وهو لاف الفوده ع يمبه..دخل الحجرة لبس كندورته وتعطر ويلس يعدل شعره تم يجوف عمره ف المنظره ويقصد وهو ماسك المشط وحاطنه عند ثمه اونه مكرفون..
"هلابش ومرحبا يا عشقي وطيشه..يشدني الشوق قبل يجيش ويشدش.. والقلب يفداش ياغالي مطاريشه ..سمي علي الحرام انه على ودش.."
جاف شكله ف المنظره وابتسم ..
احمد:والله انيه حلوو..
(انا قبل قلتلكم ان احمدووه غرااااام وكل بنات سويحان ميتات عليه هع)
ظهر ولقا سعود مندمج يجوف التلفزيون..مشى صوبه ويلس عداله ولوى عليه..
احمد:فديييييييييييييييييييييييييت الزعلانين انا..
سعود:لالا شو تبانيه ضك عنيه ..ونش عنه..
احمد:عاد حبيبتي شو اسوي كنت اتسبح وانتي قذيتينيه كله تدقين الباب..
سعود:مابا ردنيه بيت هليه بسسسرعه ماابااا..ودخل الحجرة ورقع بالباب ..
احمد وسعود مع بعض بصوت عالي:ههههههههههههههههههههههههههههههههههههه..
ظهر سعود من الحجرة وتم يجوف احمدوه ويضحك..
احمد:احبك ياخي..
سعود:فديتك ياربيه قم قم يالله ورنا خط سويحان ..
احمد:يالله..

*بيت بو محمد*
بو محمد:يا ام محمد وينج ؟؟؟؟
ام محمد:هنيه هنيه ف المطبخ..تعال شبلاك تناغق!
بو محمد:مستااااانس بردت عياليه شبلاج انتي ..
ام محمد:هههه الا وينه بو مبارك؟؟
بو محمد[يتنهد]:شو اقولج..مسكييين حاله..رمسته قالليه رايح المستشفى هيه صح ماقلتلج عفرا حطوها ف حجرة خاصه..
ام محمد مستانسه:صدق!!
بو محمد:هيه صدق..يالله بروح عنج..
ام محمد:وين بتروح..!
بو محمد:الميلس بتريا بو مبارك وبتريا الشباب..
ام محمد:هيه زين برايك..
بو محمد:هيه صح لا تخرين العلوم ع الشباب ..
ام محمد:اي علوم؟
بو محمد:لا تقوليلهم عن عفرا..
ام محمد:هيه ان شاءالله..
(ف حجرة ميثوه)
ميروه:مسكينه عفاري..
ميثوه:سكتي انا افكر ف سعود ..
ميروه:هيه والله مادري شبيسوي يوم بيعرف..
ميثوه:ابويه قال لا تخبروون الشاب عنها..
ميروه:انا مابخبر بس انتي سعود بيخليج غصب تقولين..
ميثوه:لآلا مابقوله..
مييروه:بنروحلها بعد صلاة العشا شرايج؟
ميثوه:هيه اوكيه..
ونشن يبدلن ثيابهن ولبسن كنادير ..

((ف المستشفى))
بو مبارك وام مبارك يالسين عند عفاري وعفاري راقده من ظهرت عنها حمدوه..
ام مبارك:رمسك احمد؟؟
بو مبارك:لا بس رمسنيه بو محمد وقالليه بيون ع صلاة المغرب..
ام مبارك:هيه الله يردهم بالسلامه..
عفاري:ابا مـ ـ ـ ـ ـاي..
نشت ام مبارك وهي مستانسه وعطتها ماي..
ام مبارك:الحمدالله ع السلامه غناتيه..
بو مبارك:فديتج يا عفاري ماتستاهلين الي يااج ..
ابتسمت عفاري وردت غمضت عيونها..
بو مبارك[يرمس بصوت خفيف]:اضنيه فيها رقاد..
ام مبارك:بنخليها ترتاح وبنرد البيت..
عفاري:لا تروحون..
بو مبارك:مرحبا والله فديت هالويه انا ويقرب صوبها..
ابتسمت عفاري
ام مبارك:شتحسين الحين ؟ اخير عن قبل؟
عفاري:هيه الحمدالله..
وشوي تدخل حمدوه وهي مبتسمه ومعاها مريامي..
عفاري:فديت هالويه انا..وتحبها ..
حمدوه:ها يالدلوعه شحالج اليوم؟
عفاري:ههه بخير..
بو مبارك:لالا هب دلوعة الا انج تغارين لاننا نحب اكثر عنج..
حمدوه:عادي عنديه ميمي تحبنيه اكثر صح ميمي؟
وتضحك ميمي..
ام مبارك:وااايه فدييت قلبج تعالي تعالي عند يدوه..
تمت عفاري تجوفهم وهي تبتسم..
بعد نص ساعه ترخصوا بو مبارك وام مبارك وتمت حمدوه..
راشد:هووود هووود..
حمدوه:حياااك راشد..
تعدلت عفاري ف يلستها وتغشت ..
راشد:تستاهلين السلامه عفرا..
عفاري:ربيه يسلمك النسيب..
راشد:ههههه..
حمدوه:وين ميمي؟
راشد:شدرانيه عندج كانت انا رحت صوب ربيعيه..
حمدوه:ايييه شوووو شدرااك انا طرشتا صوووبك..
راشد:والله مادري وينها يوم انتي فااجه ثمج..
نشت حمدوه وهي متروووعه وتووها بتظهر من الباب الا وتجوف عفاري وراشد يضحكووون..
راشد يأشر حق عفاري ان حمدوه مينونه..
حمدوه[معصبه]:قوووول عااد وينها؟؟؟
راشد:ههههههههههههههه جوفي هناك عند الكرسي..
لفت حمدوه ولقتها مندسه ورا الكرسي وتلعب بالاوراق..
عفاري وراشد:ههههههههههههه..
((المغرب ف بيت بو محمد))
الكل يرقبوون الشباب يردون والكل موجود الا حمدوه وعفاري..
وبعد دقايق وصلوا احمد وسعود..
فج سعود الباب ورررببببع صووووب امه ولووووى عليها..
ام محمد وهي تصيييح:فديييتك والله تولهت عليييك..
كلهم يجوفونهم وساكتين..
بو محمد:بسك من امك حتى انا تولهت عليك..
لف سعود صوب ابوه و هو يضحك وعيونه يدمعن..
حب راس ابوه ولوى عليه ورد سلم ع عمه وحرمة عمه وع ميثوه وميروه..ويوم خلص نزل احمد..
احمد:وانا نسيتونيه!!!
الكل:هههههههههههههه..
وترووح له ام مبارك وتلوووي عليه وهي تصيييييح..سلم عليهم كلهم ودخلوا داخل..
تموا يسولفون ويتضاحكووون..وسؤال احمد خل الكل يصخ..

[البــارت الثاني والثلاثون ]

تموا يسولفون ويتضاحكووون..وسؤال احمد خل الكل يصخ..
احمد:عفرونتيه وين ؟؟
الكل صخ..
ام مبارك:عفاري فـ...
بو مبارك:عفاري ف ليوا عند حمدوه..
احمد[مستغرب]:شتسوي هناك ؟
بو مبارك:ختها تبااها وبترد بعد كمن يوم..
سعود:وكيف راشد هنيه!
ام مبارك:هو ياي عشانكو وبيرد اليوم..
احمد وسعود تموا شاكين ف الموضوع وخصوصا لان الكل سكت..
اذن العشا وراحوا الشواب والشباب يصلون،بعد الصلاه احمد رد بيتهم وسعود راح بيتهم(البيوت قدام بعض هع)
سعود وهو رايح عند ميثوه..

(ف حجرة ميثوه كانت ميروه عندها)
ميروه:أنزين رمستي الدريول؟
ميثوه[تلبس عباتها]:لآ ..
ميروه:عيل منو بيودينا؟
ميثوه:ابويه لانه يبا يجوفها..
سعود[يفج الباب]:يجوف منو يا مسودات الويه..
ميثوه وميروه تروعن..
ميثوه:ههه وحده من عيايز ليوا ..
ميروه:هههههه هيه..
سعود[مستغرب]:لا صدق وين رايحات؟
ميثوه:ربيعتيه مريضه ف المستششفى بنروحلها..
سعود:أها ومن وبيوديكن !الدريول؟
ميروه:لآ ابويه..
سعود[مستغرب]:ابويه!! غريبه..ماحيده فيه حيل يوديكن..
ميثوه:هب هب يالحمار بتعيين ابويه..
سعود:هههههه..
ميروه:بروح البس نعاليه واترياج تحت لا تبطين..
ميثوه:أوكيه ..
ظهرت ميروه ولفت ميثوه تظهر نعالها..
سعود:ميثوه شحال عربيه ! =$
ميثوه[ياربيه شقولك ..والله لو تم يسألنيه بقوله كل شي]:هههه يسرك حالهم..
سعود:شو مودنها ليوا وهي تدري انيه ياي...
ميثوه:حمدوه تباها مادري شعندهن..
سعود:اها..مردها بتردليه..
ابتسمت ميثوه..
سعود:البقره الضاحكه..
ميثوه[معصبه]:يالحممممممممممار@@
سعود وهو نازل من الدري:هههههه تولهت ع الضرابه شسوي..
ميثوه:اففف ليتك مارديت ..
سعود:حرام عليج..
ميروه:فكوووووووووووووووووووووووونا يالله ميثوه بنتأخر..
ميثوه:ييت ييييت ...وتلف صوب سعود:جبش<كبش ههه..
سعود:هههههه كلبه..
راحن البنات وتم سعود عند امه الا يلوي عليها والا يحبها..

((ف المستشفى))
عفاري يالسه وتاكل ومحد عندنا غير الدكتور..
الدكتور:ماشاءالله الحين احسن عفرا!
عفاري[تبتسم]:وبخير بعد ^^
الدكتور:عيل بنخليج بعد 12 ساعه عندنا واذا جفنا انج بخير بنرخصج..
عفاري[مستانسه]:صصصصدق؟؟؟
الدكتور:ههه هيه صدق..بس ابا اطلب منج طلب..
عفاري:شو ؟
الدكتور:ماباج تعصبين لان اذا عصبتي بنظطر اننا نردج المستشفى ونخليج يومين عندنا..
عفاري[وهي تاكل خبز]:والله والله مابعصب بس انته ظهرنيه من المستشفى..
الدكتور :ان شاءالله ..وتوه بيظهر..
عفاري:اقول دكتور..
الدكتور:هلا ..
عفاري[بحزن]:دكتور تم واقف عند الباب..
الدكتور[مستغرب]:وقفت..
عفاري:يبيين هذا ؟؟ [وتأشر ع الشق الي ف ويهها]
الدكتور:لا من بعيد مايبييين..
عفاري:انزين قرب شوي..
قرب الدكتور..
عفاري:والحين؟؟؟؟
الدكتور:عفرا تراه مايبييين والله ..واصلن مع الايام انتي بتنزلين شعرج(وهو منحرج)ههه يعني انا ع كيفي حللت بس صدق يعني مايبين الا اذا قربت وايد من ويهج ..
عفاري:الحمدالله..
الدكتور:يالله انا بروح تبين شي؟
عفاري:لآ مشكور..
ظهر الدكتور يلست عفاري تجوف الاكل..
عفاري ف خاطرها(ااه كله منك يا مبارك كله منك الله يااخذك الله ياخذك..استغفر الله >< افففف وينهم محد يانيه ..)وسكتت شوي وتذكرت..(اليوووممم بيييييرد سسسعوووود ..وشقت الحلج..فديت رووووحه ..ليش ماايانيه وها احمدوه بعد ليش ماااايونيه =( اكيد محد قالهم عشان مايتروعون...)
وشوي يدخلووون قوم بوم محمد..
استانست عفاري ويلست تسولف مع عمها ..وبعد نص ساعه راح بو محمد وتمن ميثوه وميروه..
عفاري:ميثوه سعود واحمد ردوا صح؟
ميثوه[مرتبكه]:هيه..
عفاري:انتوا خبرتوا احمد؟
ميروه:لآ امج قالتلهم انج ف ليوا عند حمدوه ..
ميثوه:وين حمدوه؟
عفاري:قالت بتروح عند ربيعتها هنيه ف نفس المستشفى..
ميثوه:عفاري سعود يتخبر عنج..
عفاري:شو قلتيله؟
ميثوه:ماشي قلتله يسرك حالها وبترد من ليوا بعد كمن يوم..
عفاري:فديته والله تولهت عليه ..
ميروه:أحم نحن هنيه..
عفاري:ههههه جب انتي..
بعد ساعه(الساعه 10)
ميثوه:يالله نحن بنروح..
عفاري:لآ حرام تموا عنديه..
حمدوه:انا هنيه ترانيه ببات عندج..
ميروه:ادري ماتصبر عننا =$
عفاري:هههه فارجووو بس باجر تعالوا..
ميثوه:متى بيرخصونج ؟
عفاري:قال الدكتور باجر الصبح ..وشقت الحلج..
ميثوه:تستاهلين السلامه العفر
عفاري:ربيه يسلمج اصلن مافيه شي..
ميروه:هيه فديتج والله مافيج شي الحمدالله..
عفاري:اقولك ..يبيين هذا !![وتشل شعرها عن ويهها]
ميثوه وميروه حززنن ..
ميثوه:شو اصلن هذا؟مايبين شي..
عفاري:ميثوه لا تتحرينيه ياهل ..
سكتت ميثوه..
ميروه:والله عفاري ماانتبهنا لان شعرج عليه..
حمدوه:يالله تعبتن عميه يترياكن من اصبح خاري..
ميروه وميثوه:يالله مع السلامه..
عفاري +حمدوه:ربيه يحفظكم..

((ف حجرة سعود))
سعود ف خاطره(معقوله عفاري ف ليوا..وهي الي قالت بترياك لين ماترد..ااه ياربيه والله تولهت عليها..بس خلينيه يا عفاري بعد اسبوع اروح واقدم اوراقيه وان اشتغلت والله لخطبج ومابخلي حد ياخذج غيريه))حط راسه وهو يفكر وغفت عينه من كثر مايفكر..

((الصبح –ف بيت بو محمد))
ميثوه:ابووووويه ياللله ابا اسسسسسسسسير..
بو محمد:انزين خليينيه اتقهوى ..
سعود:وين تبين؟؟
ميثوه[ارتبكت]:المستشفى..
سعود[مستغرب]:شتسوين؟؟؟
ميثوه:بروح عند ربيعتيه..
سعود:يا هالربيعه..
ميثوه:كيفيه..
بو محمد:فديتك ودها انا مافيه حيل..
ميثوه[برتباك]:لا أأ...لآ ...أأأ..ابويه انته ودنيه..
سعود:ابويه مايروم يالله قومي بنزلج وبروح لاحمد..
ميثوه[متوتره]:اوكيه..
نشت وركبت السياره..

توقعاتكم؟؟؟؟
سعوود بيعرف؟؟؟؟ميثوه بتخبره؟؟؟

العفووو حبيبتي
تقبلي مروري

[البااارت الثالث والثلاثون]

(ف السيارة)
يرن تلفون سعود
سعود:ها بو شهاب؟
احمد:وين انته؟
سعود:بودي ميثوه المستشفى عند ربيعتها..
احمد:اخطف اخطف عليه بروح معاك ..
سعود:بنزلها وبردلك..
احمد:لآلا اخطف عليه ..
سعود:انزين اظهر خاري لا تبطي..
احمد:أوكيه باي..
سعود:باي..
ميثوه:احمد بيروح معانا؟
سعود:هيه..
ويلف من اللفه وهو راد صوب بيتهم..
وقف قدام بيت عمه ويلس يتريا احمد..وشوي يا يربع..
ركب السياره وهو ينافخ..
احمد:السلام عليكو^^
ميثوه+سعود:وعليكم السلام..
(ميثوه ركبت ورا)
سعود:ِشوي شوي عن تسرطنيه من كثر ماتنافخ..
احمد:جب جب ..
وبعد 10 دقايق وصلوا المستشفى..
نزلت ميثوه وهي مستانسه لان عفاري بيظهررونها اليوم..
وقبل لا تنزل رمسها سعود..
سعود:منو بيردج؟
ميثوه:بكلم الدريول..
سعود:اوكيه ..
وسكرت الباب..
وصلت حجرة عفاري ودخلت ومالقتها..استغربت ..خشت ايدها ف الشنطة تدور التلفون بس مالقته..
ميثوه[متروعه]:لا ليكووووون ف سيارة سعود..وتضرب راسها ..اففف اسميني غبيه..
ربعت صوب الرسبشن واتصلت حق سعود..
سعود:الووه!
ميثوه:وين انته ؟
سعود:حووه شو وين انته مريضه ؟
ميثوه:لآ نسيييت تلفونيه عندك ..واباه..
سعود:اففففففففففففففف انزين انزين الحين بيبه لج ..وين انتي؟؟
ميثوه:ف الرسبشن الي فوق..
سعود:أوك باي..
يلست ميثوه ف الممر وتذكرت شي وتمت متروعه..
(صدق صدق انا غبيه الحين لو ايي سعود وعفاري تظهر ف ويهه شبسوي؟؟وهالعفاري مادري وين ذلفت اففففففف><)
وقطعت تفكيرها عفاري وهي تضربها بالخفيف ع راسها..
ميثوه:هاه!
عفاري:هههههه شبلاج يالبقره!
ميثوه[متروعه،وماسكه ايد عفاري وتباها اتي الحجرة]:تعالي تعالي بسسسسرعه دخيلج..
عفاري:شفيييييييييييييييييييييييييييييييج؟
ميثوه:سعود سعوووووود...
عفاري[تمط ايدها وتوقف]:ايييه شو فيييج !! ووين سعود!!!
ميثوه:دخيييييييييييلج عفاري رووحي هالحجره لين مايروووح والله والله بتخربين علينا مانباهم يعرفـ......وسكتتتتتت وهي ماتروم تتكلم من كثر ماترتجف..
سعود من كثر ماهو منصدم من وجود عفاري الي مب منتبهه حقه مارام يتحرك من مكانه..
عفاري:حوه شفيج؟؟؟يوم لفت وجافت سعود اتصنمت مكانها..
سعود[مسسسسستغرب]:عفاااااااااااااااااري!!!!!
تجدم صوبهم ويوم قرب صوووب عفاري جااف ويهها وهو شوي متشمخ بس مانتبه لشق..
تموا سااكتيييين حول دقيقتين..
ميثوه تمت متوتر وسعود وعفاري يجوفون بعض وساكتين..
ميثوه:اا..هات التلفون..
شلت التلفون وبعدين سحبت عفاري وسعود ويلستهم ع الكرسي..
سعود:انتي شو تسوين هنيه ؟؟وشو ها الي ف ويهج؟؟؟
ميثوه:عفاري كانت ف المستشفى ..
سعود[معصب]:شوووووووووووووووووووه!!!!
يلست ميثوه وقالتله كل السالفه وسعوود منصدم من مبارك ومن هله ليش ماقالوله..ظهر من المستشفى ومعاه ميثوه وعفاري..
ركبن السياره واحمد مب منتبه..
لوت عفاري من ورا ع احمد..
تيبس احمد مكانه..
احمد:منو!
يوم لف لقا عفاري وفج الباب ونزل ولوااا عليهااااااا...
وردوا ركبوا السياره وقال سعود كل شي حق احمد واحمد عصصصصصصصصصب ع مبارك بس قاللوله لا تقولوله شي..

[ الرابـــع والثلاثون ]

بيت بو محمد(الكل متييمع ف الصاله )
عفاري:خلاص اميه اروم اكل والله..
ام مبارك:لآ لا بعدج تعبانه..
ميروه:حمدي ربج حد يدلعج..
ميثوه:هيه والله صدقها ميروه..
احمد:برايها انتن ليش حرقات عمركن؟؟
ميثوه[تجوفه بنص عين وهي مغتاضه]
احمد:ههههههه بسم الله تروعت..
عفاري وميروه:هههههههههههه..
سعود يالس من بينهم وهو يجوف عفاري ويجوفهم يوم يسولفون..
سكتوا كلهم وتموا يجوفون تلفزيون..لف احمد صوب سعود جافه يجوف ريوله وسرحااان..مد ايده صوب الدبه وصب شوي ف ايده ورشششه..
سعود:فااااااااااااااارقت ويييييهك><
البنات:ههههههههههههه..
[ العيايز يلسات ع طرف]
احمد:قم بنرووح نتحوط..
سعود:يالله..
ميروه:ودوووووووونا واللله واللله ملالالانيييين..
ميثوه:هيه هيه والله ملل وضيق وهم ولوعة جبد ومرض و....قاطعها احمد..
احمد[يفلعها بالمخده]:بسسس بسسس بس..
سعود:كيف بتروحن وبتخلن عفاري؟؟وتوها اصلن عفاري ظاهره من المستشفى لالا ماشي سيره..
ميثوه:لآلالالالا حرام دخيييييلك ..وتلف صوب عفاري..وانتي ترومين تمشين صح اصلن ماافيج الا العافيه..
عفاري:هههه هيه اروم اسير ..وانا بخير.. ظهرونا لانيه صدق ابا اظهر..
احمد:خلاص قومن لبسن عبيكن يمكن نروح بوظبي وانرد..
تمن البنات يصارخن من الوناسه وراحن فوق..
ام محمد:يالله بالستر شعندهن يناغقن(يصارخن)؟؟
سعود:هههههههه بنوديهن بوظبي..
ام مبارك:رمست ابوك؟؟؟
احمد:لا برمسه ونحن ظاهرين ..عادي مابنتأخر ع المغرب نحن بنكون هنيه..
ام محمد:ماوصيكم ع البنات تراهن عدهن صغار..
سعود:كل وحده كبر يدتيه عدج تقولين انهن صغار..
احمد:هيه والله كل وحده ف جامعه الحين..
ام مبارك:لآلا عاد سمعوا الرمسه..
احمد:ان شاءالله ..يالله قم بشغل السياره لين مايين..
سعود:اميه قوليلهن اين السياره ...
وظهروووا..

(عند البنات)
ميثوه:صدق عفاري ترومين تروحين ؟؟؟
عفاري:هيه عيل والله ف خاطريه اظهر من متى انا ف المستشفى..
ميروه:يعني مابتدوخين علينا؟؟
عفاري:لآ مااابدووووخ..
ميثوه:هيه شعليج سعيدان اربع وعشرين ساعه حاط عينه عليج..
عفاري=$":هههههه فديته ياربيه..
ميروه:قومن قومن عن نتأخر عليهم..
ونزلن تحت..
ام مبارك:عن الشطانه عاد..
ميروه:انا عندهن مابيسون شطانه..
عفاري:حسستينه انج خلاص ام راعية 7 عيال..
ميثوه(تصففق):هههههههههههههههههههه حلوووه..
ام محمد:يالله بستررررك...روحن عن تتأخرن يالله ونرقبكن ترانا..
ظهرن البنات وركبن السياره..
احمد الي يسوق وعداله سعود ..وورا ف النص ميثوه وعفاري ورا كرسي احمد وميروه ورا كرسي سعود..
لف سعود صوبهم وهو شاق الحلج..
سعود:شحالكم؟؟؟
احمد:لف جدام يالخبل لف..
لف سعود صوبه:تغار!
احمد(معصب):واايد بعد @@
سعود يمسك ايده:ماتهون عليه والله بس اجوف البقر الثلاث اذا كلهن موجودات..
احمد:ماابرضى ..
سعود[يتساند ع الكرسي]:يا عمي انقلع..
احمد:هههههه..
وحرك السياره..
ف الطريق البنات يسولفن رواحهن واحمد مركز ف السواقه وسعود يجوف المكيف ويفكر..
احمد:سعود..
سعود(يلف صوبه):ها !
احمد:ف شو تفكر يا ريال من ظهرنا وانته تفكر شفيك؟
سعود[يعدل يلسته]:ااخ لا ماشي..
احمد:اكييد والا عشان البنات هنيه؟
ميثوه:ترا مانسمعكم..
سعود:جب انتي..
ميثوه:أنزين اف..
عفاري:هههههههه..
سعود[يتنهد]:العرب ياخويه العرب..
احمد:هههههههههههههههههه جب اقول والا ترا صدق بحرمك منهم..
سعود:لالالا خلاص ورفجه بسكت..
احمد:هههههههه شاطر ..
((بعد ساعه وصلوا بوظبي))
نزلوا المارينا كلهم ويسلوا الشباب ف ستار بوكس والبنات دخلن يتشرن..
سعود:اووووه نااااصصصر..
ناصر:هلالالالالالا والله مرحبا مليون..
وتخاشمون..
احمد:شحالك ياريال؟؟
ناصر:بخير يسرك حاليه انتوا شحالكم؟؟
سعود:يسرررك والله تولهت عليييييييك..
احمد:هيه والله تولهنا علييييك..
ناصر:هههه حتى انا والله..
ويلسوووا يسولفون..
-بعد ربع ساعه-
احمد:سعود بروح اجوف هليه..
سعود:زين برايك بس لا تتأخر تلفونيه مفظي..
احمد:انزين..
تم احمد يمشي ويمشي لين مااالمح عفاري..
دخل المحل وراح صوبها..
احمد:يالله عفاري وين الباقين عشان بنروح بعد نتعشى ف مطعم هندي ..
ماردت عليه..
مسسك احمد عفاري من ايدها وسحبها..
البنت:لو سمحت اخويه ...
لف احمد يوم استنكر صوت الي ترمس..
تيييييبسسسسسسسسم احمد محله..
شل ايده ولا ايرادي لف عنها ومشى بسرعه
ثواني واستدرك الوضع وراح صوبها..
احمد:أأأأ....اسسسموحه ختيه والله انيه متلوم..
البنت :لآ مسموح اخويه..
عفاري:يالله فطامي نحن بنروح عنـ.....وسكتت يوم جافت احمد يجوفها ومستغرب..
عفاري:باي فطيم..وسحبت احمد من ايده..
ظهروا من المحل وعفاري مفوله..
عفاري:وانته اي حد بتربع صوبه ؟
احمد:فقتج لا تباغمين والله انا شدرانيه انها ربيعتج..
عفاري:انزين ليش ماتدقلييه ؟؟؟؟
احمد:كنت بدقلج بس لمحتها وتحريتج انتي والله شرات مقفاج ..
عفاري:والله بعد شرات مقفايه ..
احمد:جب ترا بكفخج وايد مسويه عمرج كبيره..
عفاري:ههههههه اييه قدر ظروفي من كمن ساعه ظاهره من المستشفى..
احمد:يالله يالله وينهن هالدبش الي معاج؟؟
عفاري:ويت بزقرهم..
احمد:انتوا خلصتوا؟
عفاري:هيه ..وراحت تزقر ميروه وميثوه..
بعد ساعه راحوا يتغدووون وبعدين ردوا سوييحان..
(ف الطرييق)
سعود:ياخي ماعرف شو فيه راسيه يعورنيه ..
احمد:مافيك الا العافيه..
ميثوه:شبلالاك اخي العزيز؟
سعود:والله راسيه بينفجر..
احمد:نزل نزل الكرسي وارقد طشونه..
نزل سعود الكرسي ع ورا وحط السفره ع ويهه وغمض..
ميروه:احمد شرايك تخطف الدكان دخيلك ف خاطرنا فتمن سي..
احمد:اذا يت شيشة ع الطريق بخطف..
ميثوه[ترمس بصوت خفيف]:هيه هيه وبيخطف عنها وبيقول اووه نسيت سالفتكن..
احمد[ميود الضحكه]:لالا مابخطف عنها..
يت شيشة ادنوك ع الطريق وماكاان فيها حد فاااضيه الا كمن سياره...
ميثوه:احمد ممكن طلب ..
احمد[يدور بوكه]:مابتنزلين..
ميثوه[تساند ع ورا ومعصبه]:حيوان..
احمد[يجوفها من المنظره ]:عيل خلي يدي يننزلج انزين..
ميثوه[تنقز قدام]:دخيييلك دخييلك والله بتغشى والله..
عفاري:انا بعد ابا انزل..
احمد:اوهوووه عيل مابتنزلن مافيه اسحبكن ورايه..
ميروه:احمد رووح صوب الحمامات عزك الله وانته وميثوه روحوا ادنوك..
احمد:ان شاءالله..
حرك السياره وراح صوب المسيد ..نزلت ميروه تبا الحمام عزكم الله ..ونزلت ميثوه مع احمد ..
اول مانزلت ميثوه فجت ايدهاا تمت تتمغط [يعني تفتح ايدها هههه ماعرف اشرح]
مسك احمد دبة ماااي فاضيه وفلعها..
ميثوه:اخخخخخخخخخخخخخخخخخخخ..
احمد:حماره تتمغطين قددام العالم ..
ميثوه:الي ييقول حد هنيه...
احمد:امشي امشي يالله..
مشى احمد وميثوه وراه..
ميثوه[بصوت خفيف]:معقد يعلني ماحلمك..
احمد[ميوود عمره عن ينطر من الضحك]:اسسسمعج @@..
ميثوه:سكتت..
دخلوا ادنووك وشلة ميثوه سلة ويلست تحط كروسون وفتمن سي وحلاويااات وراحت صوب السيديات ولقت سي دي ميييحد جديييم ..
ميثوه:احمد..
احمد:ها؟
ميثوه:عادي اشتري هذا؟
احمد:خذيه خذيه فكينا يالله..
ميثوه:زييين خلصت..
(ف نفس هالوقت بس ف السياره)
سعود منزل الكرسي ومغمض عيونه بتعب..وعفاري تجوف برا وهي ساكته..
تم سعود يكح ويكح ويكح...
فزت عفاري وشلت الدبه ..
عفاري:دوووك اششششرب...
لف سعود وسكت مره وحده..
عفاري=$:شبلالالاك اشرب..
سعود:هاه ! شو ؟
عفاري:ههه اششرب الماااي دوووك..
سعود:انزين...شرب الماي وتم يلف يدور احمد والبنات..
سعود:وينهم؟؟؟
عفاري:ميروه راحت الحمام وميثوه راحت مع احمد الشيشه..
سعود:وانتي؟
عفاري:شو فيه؟
سعود:شو تسوين هنيه..؟
عفاري:احرسك <جذابه هههه..
سعود:قولي والله ..
عفاري:ههههه شو والله، اقول ارقد ارقد شكلك صدق تعبان..
سعود:لالا بنزل بروح ايبلج شي تاكلينه..
عفاري:حوووه رد رد تراهم راحوا اييبون اكل..
سعود:لآلا من عنديه غير...والا انا غلطان ؟(وتم يجوفها من المنظره الي فوق(الي تتبطل الي فيها ليت هههه المهم)
عفاري=$:لا مب غلطان..
سعود[يتنهد]:يالله ياربيه انك تحقق الي ف خاطريه..
عفاري:امييين
سعود:حماره ثرج تعرفين..
عفاري:هيه=$
سعود:يالله بسير وانتي قفلي البيبان لين مايي..
عفاري:أوكيه..
سعود:عيدي عيدي..
عفاري=$:اوكييه شو بعد..
سعود:هههه (ويقلدها)اوكيه ..دلوعه وحده..
عفاري:كيييفي ..
سعود:ههههه يالله قفلي الباب..
نزل سعود وتلاقى مع احمد وميثوه وجافهم يتضاربون ع الكيسه واحمد ميت من الضحك وميثوه غاديه حمره ومغييضه..
سعود:ميثوه عن تنفجرين..
ميثوه:جبببببب والله تقهرون ..ومشت بسرعه صوب السياره..
احمد وسعود:هههههههههههههههههههه..
احمد:وين رايح؟
سعود:باخذليه اكل وحق حرمتيه..
احمد[معقد حوايبه]:اي حرمه؟
سعود:ٌقصدي اختك..لازم تحرجنيه ياخي..
احمد:رح رح قبل لا افلعك رح..
سعود:ههههه برب..
احمد:تيت ..ههههههه يرحم يدك مال اول..
سعود:ههههههه..
بعد 5 دقايق كلهم ف السياره..
كملوا طريقهم ووصلوا سويحان ع المغرب..