|
نداء عاجل للمجنونه وين التكمله من متى ونحن نتريا تكفين |
ويييييين البااااااااااارت ؟؟؟؟؟ نتريااااااااااااااج >< |
http://www.up.5alid.com/up/uploads/594a79a21a.gif ثااااااااااااااااانكس عالقصه http://www.up.5alid.com/up/uploads/594a79a21a.gif |
ثاااااااااااااااانكس عالقصه الرووووووووووعه ننتظر التكمله .................. لا تبطين علينا |
بســــــــــــــــــــــــــــــم الله الرحــــــــــــــــــــــــمن الرحـــــــــــــــــــــــــــــــــــــيم * . . . .....................((.... الجزء السابع عشر....)).................... ========================================= للكاتبه : روح الامارات.........#*#......... للكاتبه : روح الامارات ========================================= المتصل : نواف ========================================= اهي قرت الاسم وجتها رعشه مو طبيعيه ضاعت فخرايطها من الخوف هيونه تقولها بنبره حزن : يربي انا كل ما انسى تتصل علشان تذكرني بكل الي صار يربي ساعدني على مابليتني فيه وبعد 3 دقات متواصله تشجعت وردت هيونه بصوت حده متوتر : الو.و نواف : هلا ولله ومرحبا ليش كذا يا هيونه شهرين شهرين ونا انطر اتصالك ليش على الأقل قولي بشوف اخبار .. ( وسكت شوي وبعدها قال كلمه وهو ماوده يقولها بس داس على عمره وقالها نواف : اخوك.. انا من الحين ورايح اخوك بس تاكدي اني اقولها مو من قلبي لخاطر عيونك كل شي يهون هيونه قالت الو ولا عاد تكلمت سمعت كل الي قاله وبعدها قالت هيونه : وينك نواف : موجود بس انطرك تسالين عني هيونه خذتها على انها مزحه بس كانه نبره صوتها شوي حزينه هيونه : اذا انت مو على اللسان ياخوي تراك بالقلب ولا يهون علي انك تزعل نواف : انا ببريطانيا يعني ماتدرين هيونه انصدمت هيونه : ليش رحت هناك وشتسوي نواف تنهد وقال : علشان ابتعد ونسا وادرس بعد وحاول اشغل عمري باي شي ينسيني الي صار ونتي عارفه ان الي صار مو شويه وزين اني استحملت ودست على نفسي ورضيت . الكل مكان متوقع مني هشي بس خفت عليك ومسكت عمري واكيد انتي مقْدره وحاسه فيني صح ولا انا غلطان ردي علي يهيا انا غلطان هيونه وهي دمعتها على خدها : لا مو غلطان انا حاسه ومن ذاك اليوم ونا كل ماتذكر اتعذب اكثر وكثر نواف : تتذكرين ليش انتي سمحتي لعمرك تنسين سمحتي لعمرك تنسين الي صار ونا الي قلت ان هشي ماراح من بالها ونا علطول قدامها مانستني ولا نست الي صار ولا نست اليام الحلوه الي جمعتنا هيونه بكت زياده وقالت : ليش دايم تحسسني اني غلطانه ليش ونت شايف الي يصير مانجتمع الا نتهاوش ووين الايام الحلوه احاول اتذكرها بس مو لاقيتها علشان اتذكرها ولا نتكلم الا يصير شي ينواف لازم ترضي بالي كتبه ربي نواف ولله انا كنت عايشه بوهم بس الحين تاكدت ان الي صار اهو المفروض يصير ولازم تقتنع بهشي نواف حس ان كلامها كله صح ولسانه انربط ماقدر يرد عليها : ........... هيونه : نواف اتمنا اذا كنت صدق معتبرني اختك تحضر العرس وتثبتلي انك راح تفتح صفحه جديده. نواف وهو العبره خانقته : باي ولا راح اجي لاتستـنيني لان هاذا الشي الوحيد الي مستحيل اسويه ( ولاول مره يسكر السماعه فوجه هيونه وهشي سببلها صدمه كبيره مره مره وتاكدت ان الي فيه مو شويه وهي حاسه ومقدره ) هيونه رمت الجوال على الجدار وتفكك قطعه قطعه وبعدها حطت راسها على المخده وبكت لين نامت ( مثل الاطفال ) ( بس كانت متاكده ان كلامه مرح يغير شي ولا راح يهز الي بينها وبين سيف لان الحب اكبر من كل اعصار او ريح اوسيل يمر عليه الحب الكبير الصادق ماتهزه اكبر قوه على وجه الارض الحب كلمه اكبر من ان اي احد يحاول يشرحها ). =========================================== سكر نواف وهو حاس بنار تشتعل داخل صدره بس حاول يمسك عمره ويجبر نفسه ويتفهم ان المكتوب مامنه مهروب وهشي برضاها وهي الي تبغا كذا. ============================================ مر الوقت وصلت الساعه 3 العصر < ( الرياض ---------------------------------------------------- صحو البنات وحده ورا الثانيه والكل كان تعبان وفقدو هيونه لان الكل صحا الا اهي ------------------------------------------------------ ( بالصاله الي فوق بعد ماتغدو وهم قاعدين عند التلفزيون ويتابعون فلمهم ( الام خفيه ) . بدور : هيونه شكلها مرح تصحا بروح اصحيها بسها نوم مي : اوك صحيها علشان نشوف شنو الي ناقص لان مابقا غير اسبوع ومايمديها تخلص اذا في شي ناقصها بدور : اوك ثواني . راحت بدور ودخلت عرفتها وتوه بتوصل لسرير داست على شي كنه قزاز بدور بصوت عالي : اووووووووج شنو هاذا هيونه صحت على صوتها هيونه بتعب : شفيك تصارخين فوق راسي بدور نطت على رجل وحده لين وصلت على السرير وقعدت بدور : شنو هاذا هيونه قامت وتربعت على السرير وهي منزله راسها بدور : شفيك هيونه رفعت راسها ولما شافتها بدور تخرعت من شكلها بدور : يما شفعيونك كذا ليش متنفخين باكيه صح هيونه : لالا ما عليك مني لا تحاتين انا عيوني متنفحه من النوم لاني نايمه طول ماكنا فالطياره وبعدها وصلنا ورجعت نمت ماعليك شي طبيعي سبقيني ونا لاحقتك بخذ شور وجايه اوك بدور : اوك واول ما قامت بتروح شافت بزاويه الغرفه الجوال طايح ومتكسر بدور بنضره استغراب لهيونه ولا تكلمت اول ما شافت هيونه عرفت مندون لاتتكلم انها تقول شنو هاذا وشصار علشان يتكسر الجوال هيونه : ولله بقولك كل شي بس مش وقته لان اعصابي تعبانه بدور بستغراب: اوك انا ناطرتك بصاله هيونه قامت وراحت لموزع الملابس وجهزت ملابسها لانها كانت ناويه تطلع شوي لان حاسه انها تبي تغير جو. ======================================== (( فابو ضبي الساعه 4 العصر )) (( فبيت ام حسين )) ============================ سيف توه راد من الدوام وكان حده تعبان دخل ونادا خالته ام حسين سيف : يماااا يما وينج ام حسين توها طالعه من المطبخ ام حسين : هلا فديتك رديت من الدوام سيف وهو توه بيحبها على راسها ام حسيين : لالا فديتك لاتلمسني انا ريحتي كلها حمسه وطباخ لخلصت وتسبحت ذاك الحين سلم علي ههه سيف : شو طابختلنا مع انا الي مثلج مايباله يطبخ قعدي والخدم يخدمونج نحن مانبا لا راحتج انتي يالغاليه ام حسين : هيه قص علي الحين ماشي غاليه غير ست الحسن هيونه خلاص ماتبانا سيف انحرج من خالته وقال : ولله كلكم عندي غالين ( وحب يغيض خالته ) سيف وهو ياشر بصبعه : بس اهيا اغلا بشويه ههههههه ام حسين هوزتله بالملاس علشان تضربه وراح يركض وهو ميت من الضحك سيف وهو يركض على الدرج : ههههههههه ولله امزح امزح ودخل غرفته وهو ميت من الضحك على خالته لانها نفجعت يوم قالها ودخل ورما شماغه وفصخ الكندوره ونسدح على فراشه وهو حاس ان ضهره بينفك من كثر الوقفه من الصبح الا الحين. وبعد ربع ساعه حس ان ضهره هدا شوي وتعدل وسحب الجوال اول شخص طرا عليه هيونه سيف : فديت الي مايروح من بالي بعدها سكت شوي وهو يفكر وسرحان بعالم ثاني وبعدها قال ((((( متى متى يهيونه متى )))))) ======================================= هيونه طلعت من الحمام وبدلت ملابسها وشالت عباتها وشنطتها وطلعت وهي توها طالعه الكل التفت عليها مي : وين رايحه هيونه : حاسه اني مخنوقه ابي اطلع لطيفه : طيب قلتي لخاله او لعمي انك طالعه هيونه : مو لازم لاني راح اطلع ويا خالد مي : وين هيونه : اي مكان البحر لحديقه شي يشرح الصدر وتوها بتنزل نادت بدور بدور قامت وراحت لهيونه وهي مستغربه هيونه : بدور فديتك تروحين وياي بدور : هيونه يقلبي شفيك اليوم مو طبيعيه ويت ثواني اخذ عباتي ولاحقتك اوك هيونه : اوك بس مرح نروح ويا خالد بقول لمامي اننا راح نروح ويا السايق اوك بدور : على راحتك ( راحت هيونه و ستاذنت من امها وتصلت على كومار يجهز السياره وطلعو ------------------------------------------------------------------------- فالسياره .......... بدور : يلا الحين مافي احد تكلمي هيونه بكأبه : طيب اليوم الفجر الساعه 5 دق التلفـــ.........الخ بدور : علشان كذا كسرتي الجوال هيونه : اي انا الحين طلعت الجهاز الثاني الي ماستعمله دوم لين اشتري جهاز جديد بدور احنا رايحين رايحين شرايك نمر و نشتري جهاز ونقعد بكفي هيونه : بس انا قلتلهم اننا راح نروح لنادي او الحديقه بدور : يربي هاذي بعد المصيبه هيونه : انا ابي استانس باي طريقا شكلي ببيعها اليوم بدور يوم حست ان هيونه فرفشت شوي بدور : اي ولله كومار شغل مسجل كومار : اوك مدام كومار شغل الراديو وطلعت بصدفه غنيه ( خاربه) بدور طالعت هيونه وهي منصدمه وهم هيونه طالعتها منصدمه هيونه : جت بوقتها وهامو يغنون وياها بدور وهيونه : هي خاربه خاربه خلينا نعميها ..وووااااااوووو ونسو كل شي ونطربو عالاخر وصلو لواحد من افخم الاماكن برياض ( *******) هيونه وبدور وهم داخلين راحو على طول لمحل اجهزه وشرت هيونه نفس الجهاز الي انكسر ( N93 ) وبعدها راحو للكفي وكانو حدهم عايشين جو واول ماقعدو هيونه : تصدقين ولله انزاح كل الهم الي فيني حاسه اني فرحانه بدور : دوووم فديتك هيونه : تسلميلي يقلبي بدور وهي تنادي: سكيوزمي القرسون : يس مدام بدور : سكيوزمي قفمي تو ايسكريم جاكليت بلييز القرسون : اوك بدور اول ماراح بدور : ههههه شفتيني فالنقلش صاروخ ههههه هيونه : عاد انا الي متخرجه من امركا علشان تقولين كذا كلمتين على بعض اقدر اصفهم بدور علشان ماتفشل عمرها : عادي شفيها لهجتنا احنا تسوا النقلش والي جاب النقلش صح هيونه : تقولين درر درر صراحه هيونه وبدور : هههه هههههههههه (( وضحكو وستانسو ونبصطو على الاخر وبعد ساعتين قررو يروحون لنادي وبعدها يردون للبيت وبعد تقريبا 3 ساعات فنادي وبعدها ردو للبيت وكانو فرحانين على الاخر وصلو وفتحلهم السايق الباب ودخلو وسيده على طول كل وحده راحت غرفتها بدلت وراحو عالتلفزيون وكانت الساعه 8 بليل جت ام شهد وقعدت وياهم هيونه لفت على امها واباستها وحطت راسها على حضنها ام شهد ضمتها وقالت : الله يخليك لي يربي هيونه : ويخليك لي ياحلى ام فهدنيا ام شهد : بدور حبيتي تعالي حطي راسك على حضني ابي اقولكم قصه مرح اقولها الا لكم قامت بدور وهي متحمسه للقصه وحطت راسها بالجهه الثانيه لهيونه وكل وحده مسكت ايد من ايدين ام شهد وبدت ام شهد القصه ام شهد : كان يمكان في قديم الزمان فيوم من اليام وفوحده من المدارس كانت وحده من المعلمات تشرح وكانت حصتها بعد الفرصه حقت لاطفال ( الفسحه) وكانت منسجمه بشرح فقاطعتها وحده من البنات الصغار الي تدرسهم وقالت تسمحين استاذه اروح الحمام بس المدرسه مابغت ترد البنت لانها صغيره وتوقعت انها مرح تستحمل لاخر الحصه فوافقتلها وطلعت البنيه ( وبد شوي المعلمه فقدت الطالبه بس ماتوقعت ان صايرلها شي وكملت الشرح لين انتهت الحصه وطلعت من الفصل بس البنت مارجعت ونتهت الحصه الي وراها والي وراها لين اربع ساعات وبعدها بالحصه الخيره دخلت البنت وكانت عندهم معلمه ثانيه فسالتها وين كنتي وردت البنت وهي منزله راسها ولا رفعته وقالت كنت بالحمام ( ونتو الكرامه ) وستمرت هالبنت كل يوم بعد الفسحه تطلع الحمام وكان بصدفه كل حصه بعد الفسحه تكون معلمه الدين عندهم وستغربت حدها الي يصير ويا هالبنت وقررت انها تعلم المديره بهشي وفعلا علمتها وشارت عليها المديره ان اذا طلبت البنت نفس الطلب ان تروح وراها وتشوف شو تسوي وبعد مانزلت البنت نزلت المعلمه وراها ونفجعت بالمنضر منضر يقطع القلب البنت ماسكه كيس وتدور بكل زاويه من زوايا المدرسه الواسعه الي يبيلها وقت على ماتدوينها كلها وراقبه البنت وهي دمعتها على خدها من الي تشوفه وبعدها راحت للبنت وحبتها على راسها وخذتها عند المديره وعلمت المديره بكل شي وبعدها سالتها المديره شكنتي تسوين حبيبتي ردت عليها البنت والبرائه بعيونها وقالت امي قالتلي بعد الفسحه اطلعي وجمعي بقايا فطاير البنات بالساحه المديره وهي حدها منصدمه وقالتلها ليش ردت الينت وقالت انا اجيبها لمي وهي تاكل خواني منها لانا ماعندنا اكل بلبيــت وخواني جوعانين وبعدها بكت البنت . ضمتها المديره ومن ذاك اليوم كل وحده من المدرسات حطت الي تقدر ليه وجمعوه وارسلوه مع البنت لمها وقررو انهم مايوقفون هالشي طول مامعاشهم يمشي . ام شهد : وخلصت القصه ولتفتت على بدور وهيونه ولقت كل وحده دمعتها فخدها ام شهد : شفتو حبايبي في ناس مايلقون اللقمه فحاول كل يوم تاخذون شوي من مصروفكم وتخشونه لاخر الشهر علشان نجمعهم ونرسلهم للمحتاجين واليتام وربي بجازيكم على كل ريال دفعتوه هيونه : يما انا ماحتاج الي بحسابي خذيه وبعدين انا اخذ من ابوي ام شهد : يما هيونه انا ماقولكم هشي علشان الفلوس ناقصه الخير كثير بس انا ابغاكم تتعلمون تقتصدون وتتعلمون ان في ناس محتاجه وتحاسبين على كل فلس تدفعينه عالماشي لان بدال ماتلعبين فيه تصدقي فيه اجر يـبــناتي ولله ربي بجازيكم كل خير يلا شرايكم نبدا من بكره هـيونه +بـدور : اوكي من بكر ام شهد : يلا حبايبي انا لازم اروح علشان اسوي العشا خليت ام بدر فديت عيونها بروحها مع الخدم بالمطبخ بدور : الي يهديها كم مره اقولها رتاحي الخدم بسووونه بس اهي ماترضا ام شهد : يعني ماتعرفين امك ماتحب تاكل من ايدين الخدم وطول ماهي فهلبيت البركه بتضل فيه صح ولا انا غلطانه هيونه : درر ولله خالتي اهي بركه ذا البيت ام شهد : يلا انا رايحه لاتطولون بسهر نامو طيب الثنائي المرح : طيب ونزلت ام شهد وتمو البنات على التلفزيون لساعه 4 الفجر وبعدها نامو من التعب . ========================================== فاليوم الثاني بدا العد التنازلي مابقا الا 5 ايام وهيونه بدت تحاتي وتتوتر وسيف نفس الشي بدا يعد الساعات والدقايق وكل واحد الله يعلم بحاله وصل فستان هيونه وقاسته وكان جنان والكل ابدا رايه وقال (( ابــــــــــــــــــــــــــــــــــــــــــــــــ ــــداع )) وهشي فرح هيونه وخلاها متفائله وطبعا خلصو كل شي الكوافيرا وكان في اتصالات بين ناصر وسيف وام حسين وام شهد علشان يكون كل شي جاهز للعرس وسيف كان يعد الدقايق والثواني وطبعا هيونه نفس الشي وكانت فقمه التوتر وقمه الخوف لانه شي صعب وخصوصا على البنت اكثر من الولد . ومرت هاليومين مو على خير كلش وصل المعرس لرياض يوم الثلاثاء لان العرس بيكون الخميس وتممو كل شي لصاله والفندق وكل شي وطبعا الشباب مزهبين زفه شكل ثاني راح يزفون سيف زفه تتكلم عنها الرياض سنه وطبعاً سيف كان اكثر واحد متحمس للي بسوونه الشباب علشان يثبت لهيونه ان كل هاذا علشانها وكل القرايب فابو ضبي والعين جو علشان العرس وطبعا صديقات هيونه الي انصدمو يوم عزموهم البنات لانهم توهم يتاكدون ان الي سمعوه صدق . ========================================== ( يوم الثلثاء . فالرياض . الساعه 6 المفرب) فالكفي ..... الشباب كلهم ( ناصر . وخالد. وحمد . وسعيد . وعلي . وحمد . وحسين واحمد . ومنصور ................الخ كلهم كلهم يحتفلون بسيف لانه بيودع العزوبيه وبيتزوج كلهم مستانسين ويضحكون ويتطنزون على الرايح والجاي خالد شاف الشباب يسولفون ومندمجين ارسل رساله لهيونه وقال فيها (( هيونه انا بتصل فيك وبحط الجوال على الطاوله بس مابيك تتكلمين اسمعي ولخلصت انا بسكر ابي اسمعك شي روووعه ) ----------------------------------------------------------------------- هيونه جتها الرساله وهي قاعده ويا البنات هيونه رن جوالها رنه رساله ورفعته تبغا تشوف من منو الرساله فتحتها وقرتها واول ما خلصت لتفتت على بدور وهي حاطه يدها على فمها بدور طبعاً تخرعت بدور : شفيك صار شي من منو الرساله هيونه : من خالد بدور : شفيه هيونه عطتهم الجوال وغمضت عيونها ثواني وصرخو البنات البنات : ووووو واناسه يلا يلا دق ثواني ودق الجوال وطبعا بسرعه خذته هيونه هيونه : شششش بنات تكفون لاتطلعون صوت يلا 1 2 3 ( وردت وحطت سبكر طبعاً خالد يوم شافهم ردو ترك الجوال على الطاوله كنه ماسوا شي وشوي شوي وضح الصوت عند البنات لانه اول شي كان ازعاج وبعدها ركزو وسمعو كل سوالفهم واول واحد تكلم حمد : ها سيفوه امصع راس القطو من تدخل هههههههههه سيف : امصع راسه مر وحده هيونه وهي تهمس : وااااي فديت الصوت بدور : شش ابي اسمع من عدال صوته هيونه وهي تضربها على راسها وتوها بتكلم قاطعتها بدور : ولله امزح وسكتو علشان يسمعون وكانت كل سوالفهم عن العرس ----------- سيف : عاد ها بيضو وجهي قدام العروس مو تفشلوني هيونه من الفشله غطت وجها والبنات يضحكون عليها رد علي سيف وقال : ولا يهمك نحن قدها وقدود بس انتا انطر وتشوف بنسوي مسيره لا صارت ولا ستوت هني هههههههه. الكل ايد كلام علي وشجعوه والدعم الاول والاخير لعلي الشباب وكملو سوالفهم وهيونه طايره طايره وماودها تنزل من الفرحه. =============================================== ومر هاليوم على خير والكل اعصابه مشدوده ومتوتر وطبعا هاذي هيونه مو شي عادي والكل يعد الساعات والثواني وخصوصا هيونه كانت اكثر وحده متوتره بقا يوم على عرسها وجا اليوم الي وراه والكل اشتط وراح وجا وكان الجو حده مكهرب وبدت الحضه الحاسمه .............. =============================================== ( الاربعاء 9 بليل والكل يتجهز للبكرا ............................. =============================================== تبون تعرفون شراح يصير تابعوني بالجزء الجاي ومع الحضه الحاسمه زواج هيونه من حلمها الكبير سيف انتضروني وللله الله بردود الي تحمس اوكي........................ . . . * اختكـــــــــــــــــــــــــــــــــــــــم : @ مجنـــــــــــــــــــــــــــــــــــــــــــــــ ـــــــــــونه :) |
| الساعة الآن 08:31 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir