منتدى استراحات زايد - غلاتك من غلا روحي

مرحبا الساااع

شعلوووهم عربناا

السموووحة منكم يمكن طولت علييكم شوووي

بس اعذروووني مشغووووووووووووولة حدي

المهم >>>>>>>> بلا رمسة واايد

هذا البااارت وابا راايكم فيييه

البارت التاسع

في بيت بوحمدان وبالتحديد فوق
صاح تلفون امون
امون : الريم فديتج عطيني تلفوني
عطت الريم امون تلفونها
امون : مرحبا ببنت المنصوري
عواش : مرحبابج زود الغلا
امون : تولهت عليج يا حمارة
عواش : وانا بعد ،، مرة ثانية ما تسيرين دبي فاهمة
امون : تم ،، جم عواش عندي انا
عواش : احم احم وحدة
امون : شحالج
عواش : بخير ربي يعافيج ،، انتي شحالج
امون : مو بخير
عواش : افا افا ليش
امون : تعرفين سيف ولد عمي
عواش : اييه هذاك الحلو الي توه ياي من السفر
حسن امون بغيرة في قلبها
امون : اييييييييييييه
عواش : بسم الله بلاج
امون : ولا شي ،، انزين من شوي طيحت صينية العصير وجرحت صبعه
عواش : خخخخخخخخخخخخخخ صج مو ويه مطبخ فشلتينا
امون : عواشووووو بفرج من فوق بيتكم بخلي حسن الي ميت عليج اليوم ما يرقد من كثر ما يصيح عليج
عواش في قلبها يعلني افدا دموعه
امون : يا ويل حالي على الي ذابت من يبنا طاري راعي الفتك
عواش: اموووون يوزي عني انتي تدرين اني ما احبه
امون : ايه صح صح
عواش : اموووووووووووون
امون : وويعه بطيتي اذوني ،، انزين ما تحبينه بس تتفدين التراب الي يمشي عليه
عواش : امون عاد والله ما احبه
امون : انزين بس ما تحبينه ولا تزعلين هههههههههههههه
عواش : هيييييييييييييييي والله ما برمسج
امون : اوك بس سكتنا ،، اممممممم باجر بتيين بيتنا
عواش : اوك بس ان شاء الله العيوز ترضى
امون : فديت العيوز انا شحالها
عواش : اربع وعشرين ساعة تحن وتسب شرات عيوزكم
امون وعواش : هههههههههههههههههه
في بيت عواش يت يدتها
اليده : عوااااااااش وويعة بندي التلفون صار لج ساعة ترمسين ،، ترمسين مع منووو ها
عواش ترمس امون : ها سمعتي الي من شوي تتفدينها
عواش : يدوو شوي شوي انا معاج في نفس البيت شعنه تصارخين وبعدين انا مع حبيبتج بنت محمد الخيلي
اليده : واايه يعلني افداها بنت الخيلي عطيني التفلون
عواش : افف امون يدو تبا ترمسج
امون : ما يحتاي تخبريني لان سمعتها ومو بس انا سمعت الفريج كله سمع
عواش وامون : هههههههههههههههه
اليده : الله ياخذج اقولج عطيني برمس بنت محمد تضحكين ،، وين العصا وينها
عواش : لاه بس خلاص تفضلي يدوو
اليده : هيه جيه اباج ما تيين الا بالعين الحمرا
خذت يدوو التلفون من عند عواش ويلست ترمس امون وتتخبر عن العايلة واحد واحد
( عواش عمرها 18 سنة وربيعة امون من زمان وهي من قوم المنصوي عندها اخت وحده اسمها حنين عمرها 20 وابوها وامها متوفين في حادث قبل 8 سنوات وهم عايشين مع يدتهم في العين وبيتهم جريب من بيت بوحمدان ،، والحمد لله عايشيين في احسن حال )
تحت في الصالة
موزة مو عارفة شقايل تسير لهزاع اتخاف ازفها وكانت تسير وترد يم باب الميلس ،، ثواني وطلع راشد من الميلس يبا يشرب ماي وسمعت موزة باب الميلس ينفتح وركضت بسرعة داخل الصالة بس راشد جافها ولحقها
راشد : مرحبا ببنت خالتي
موزة : الله يرحب بك على فضله
راشد : شحال المزيون
استحت موزة : يسرك حاله
راشد : موزتي ابا كاس ماي من ايدينج الحلوة
موزة : اوك
سارت موزة المطبخ وتاخر شوي فسار راشد يبا يشوفها ولكنها كانت تبا تطلع من المطبخ فحط يده على الباب وما خلاها تتطلع
نزلت موزة راسها : شوي راشد
بس راشد حط يده الثانية ورا موزة فصارت موزة محصورة بين ايدينه ونزل راسه يم اذونها وهمس لها : صايرة قمر اليوم
استحت موزة وركضت من تحت ايدينه
راشد : ههههههه فديت روحج والله
سارت موزة فوق بدون الافلام
سلامة : موزو وين الافلام
موزة : ها أي لا ويه
الريم : ويييييييييي شفيها البنت مو طبيعية
سارت الريم وحطت يدها على يبهت موزة
الريم : موزو يبهتج حارة ( يودت يدها )
ويييي حتى يدج ،، موزو انتي مريضة
موزة : لا شفيج انتي
امنه : انزين ليش ما يبتي الافلام
موزة : لان قلت ناكل بدون الفلم احسن
الريم : ويييييييييييه لا مو طبيعية
موزة : اووووه شفيكم
سارت موزة ويلست وشغلت التلفزيون وودته على mbc 2 وكان توه بيبتدي الفلم
موزة : بس اكا حاطين فلم فما له داعي نييب فلم من عنده
استسلموا البنات للامر الواقع وطالعوا الفلم معاها
تحت عند الشباب
سعيد : بسسسسسسسسسسسس ويبس في عظامكم تقولون حريم ما تسكتون تلفوني يصيح
مايد : الله والي يتصل يعني بنت من البنات الخراب
هزاع : هيه والله ،، اول مرة تقول شي صح ميود
مايد : والله انا طول عمري صح في صح
سعيد : الله يخسكم بس
الكل : ههههههههههههههههههه
سعيد : مرحبا بالمزايين
حسن : مرحبابك يالغالي
سعيد : شحالك
حسن : بخير ربي يعافيك ،، وينك يا ريال اجوف غراشيب دبي طيحوك
سعيد : ما عاش الي يطيحني قول انا الي طيحتهم
حسن : ههههههههههاي : بوعسكور في ذمتك جم بنت رقمت
سعيد : اممممممممم مو فايج اعدهم بس اتاكد ان فوق 7 وحدات
حسن : ههههههههههههههههه حشا ،، انزين شمعنى 7
سيعد : لان من وصلت الي اتصلوا 7
حسن : ثرك مو هين ،، انزين باجر الصبح بسير كارفور بتريق بتيي انت والشباب
سعيد : والله ما ادري بسألهم احين ،، شباب بتسيرون الصبح كارفور تتريقون
مايد : انا عن نفسي لا لاني تعبان وابا اريح
هزاع : انا بعد ما سير
راشد : انا بعد

سعيد : محد بسير الا انا
حسن : ما منهم فايد ،، انزين باجر بمرك الساعة 9 انت زااااااااهب فهمت مو توك ناش
سعيد : اوك
حسن: يالله باي
سعيد : باي
في بيت المنصوري
عواش يالسة مع اختها حنين
عواش : حنون ابا اسير باجر كارفور
حنين : شعنه ؟؟؟؟؟
عواش : بنتريق ،، والله خاطري اغير جو من يوم خلصت الامتحانات ما طلعت مكان
حنين : اوك بسأل يدوو وان شاء الله ترضى
عواش : يالله قومي بنسألها
حنين : يالله
في غرفة يدو
عواش : يدوو انتي راقدة
اليده في سابع نومه : .............
عواش قربت من اذون يدوو وبصوت اعلى عواش: يدووو انتي راقدة
قامت يدو مرة وحدة
يدو : الله يخسج على هالصوت قعدتني من رقادي يالبغمة ،، شووو تبين
عواش وحنين شوي وبموتون من الضحك
عواش : السموحة يدوو بس ييت اهمز لج ريولج
يدوو : صج ،، الله يعطيج العافية تعالي يا بنيتي فيج الخير
سارت عواش تهمز ريول يدوو
عواش : يدووو ممكن باجر انسير انا وحنين كارفور نتريق
يدو : هيه فديتج سيروا بس لا تتأخرون
حنين بصوت خفيف : كل هذا عشان همزت ريلها آآآه يالمصلحة
عواش ضحكت على خفيف لانها سمعت حنين شو قالت
عواش : ثااااااانكس يدوووو
يدو : لاتعوين لي السانج يا بنت خليفة عسب ما اقوم اكسر العصا فوق ظهرج
حنين : هههههههههههههههههه
سارت عواش غرفتها وتمت حنين مع يدتها
في غرفة عواش
عواش يالسة على السرير وفاتحة شعرها القصير الي يوصل لنص ظهرها وتفكر بحسن الي وين ما تروح تجوفه جدامها ،، عواش : معقولة يحبني لالالا الشباب اصلا ما يحبون بس يبون يتسلون ،، وبعدين انا ليش شاغلة بالي فيه .. معقولة احبه ،، لا انا اصلا ما احبه ،، افف وشفيها اذا حبيته،، بس ليش اذا اجوفه ارتبك واستانس واستحي وبطني يعورني ،، فديته وحشني من يوم امتحاناتي ما جفته ،، هييييي شقاعدة اقول جني تفديته اوهوووووو احسن لي اقوم افتح الستارة واجوف من ذي الي مطول على الاغاني

قامت عواش وفتحت الستارة والدريشة
ونست اتحط الشيلة فوق راسها ((تتوقعون من جافت))

جافت راعي الفتك مايل على السيارة ويطالع غرفتها وبس فتحت الدريشة يات عينه في عينها
حسن : آآآآآآآآآآآآه ((ذاب الريال))
استانست عووش وما حست بروحها انها واقفة بدون شيلة ،، قام حسن ودخل السيارة وشغل اغنية ياويل حالي لعيضة المنهالي وطول عليه ،، وخذ السلاح وطلع من السيارة وتم يوول جدام البيت

يا ويل حالي ،، عيضة

اشر عليها بصبعه

يا ويل حالي من جفاك و من بعادك و من فرقاك
و انا الذي من زوود ما يهواك قلبي على روحي يبديك

وحرك صبعه يمين ويسار

لا ما قدرت انساك ذكراك عندي دوم ذكراك
و يحز في نفسي قساك و رغم كل القسا اغليك

اشر على عينها

والله لو لا رمش عينك و عهد مضى وياك
و انك تساوي الروح يا بعد روحي و قلبي يداريك
ارخصت لك عمري و عيني اتمنى شوفك و لقياك
عندي امل بالحب يا قلب لا خابت رجاويك

هني طاحت سفرته وشعره تناثر على ويهه وعووش تخبلت عليه

جذاب متميز بحسنك و زينك و في معناك
تسلب قلوب (ن) تعشقك تهواك تهواك يا مسهرة ترميك
دقات قلبي عالملا و بالصدق كم خصك و فداك
قلب (ن) تولع فيك يبغيك ما يقدر يخليك

بس مرة وحده انفتح باب غرفتها وبسرعة صكت الدريشة
حنين : ليش فاتحة الدريشة
عواش : ااااا كنت ااا
حنين : كنتي شووو
عواش : كنت بجوف شو هالصوت الي اسمعه
حنين : وشو الصوت
عواش : عصفور صغير عند الدريشة
حنين : اهاااا ،، انزين باجر 9 ونص انتي زاهبة
عواش : اوكي
حنين : يالله تصبحين على خير
عواش : وانتي من اهله

يوم ثاني وبالتحديد في بيت المنصوري الساعة 9 ونص عواش وحنين في السيارة
حنين : سير كارفور
الدريول : ان شاء الله ماما حنين
في بيت بو احمد وبالتحديد في قسم احمد
احمد يالس هو ومرته علياء وسالم
وفطوم
فطوم : بابا متى بنسافر
علياء : هيه احمد متى ؟؟
احمد : السفر يوم اليمعة بنسير اول النمسا وبنيلس اسبوعين وعقب بنسير بريطانيا
فطوم : ياااااااي يعني باجي سبعة ايام بالضبط
علياء : ليش اليوم أي يوم
احمد : اليوم السبت
فطوم : عيل بابا نبا نسير المول نشتري لنا اغراض
سالم : ما عندنا بنات اسيرون المول
فطوم : شوووووووووووووو
رفع سالم يده وضرب اخته
فطوم : اااايييي ،، اهىء اهىء
احمد : سلووم تعال يا حمار
بس سالم من زمان طلع
علياء : بس فديتج خلاص ،، اذا يا انا بضربه
فطوم : اهىء اهىء
بطل سالم الباب شوي
سالم : تستاهلين عسب مرة ثانية لا تصرخين علي انا ريال
احمد : بس فديتج سيري ليدج وخبريه
فاطمة : انزين
سارت فطوم ،، واحمد قرب من علياء وباسها على خدها وبسرعة ركض برى الغرفة
استحت علياء ونزلت راسها
علياء : الله يخليه له يارب وما يحرمني منه
في كارفور وبالتحديد في الكوفي شوب حسن وسعيد يتريقون
سعيد : ماشي بنات حلوين حشى وين ساروا
حسن : كل هالي موجودين ولا وحدة يازت لك
سعيد : اشششششش جوف جوف هالمزايين ،، واااااااابويه على الخصر ،، احترت انا من بينهم ((حنين وعواش دخلوا))
رفع راسه حسن
حسن : وينهم ؟؟
سعيد : يالغبي تراهم مقابلينا وانت تدور وراك
بس جافهم حسن غص : كح كح كح
سعيد : الله يخسك فشلتنا

رفعت راسها عواش وجافته
عواش بصوت خفيف : صحة صحة
بس سعيد وحسن عرفوا شقالت من حركة شفايفها وخاصة انهم واايد جريبين من بعض

سعيد بصوت عالي : على قلبج

حنين : عوووش الله يخسج سمعوج
عوووش : بيي فشلة
حنين : احين فشلة ويوم غص الريال صحة صحة (تقلدها)
عووش : انزين شفيج احين معصبة
حنين : لان انتي ما تحشمين
عووش : حنين شفيج ،، هذا حسن بن محمد العوضي ولد ييرانا الي دايما تتكلم عليه يدوووو والثاني سعيد بن حامد الخيلي ،، وبعدين انا ما توقعت يسمعوني
حنين : ايييه عرفتهم بس ما ادري ليش حسيت ان سعيد من قوم الخيلي
عووش : ليش يعني
حنين : لان مزيون
عووش : حلفي بس اصلا حسن وايد احلى
حنين : روحي مناك اصلا ما فيه على جمال قوم الخيلي
عووش : صج قوم الخيلي مزاايين بس ما ايون يم حسن
حنين : وييييييييييي ما ادري شعاجبج فيه ،، بقوم اييب الاكل احسن لي

قامت حنين تييب الاكل

سعيد : القمر وين ساير
عطته حنين نظرة وسارت
حسن : سعيد اسكن عن هالبنتين ترى يبين انهم محتشمين
سعيد : والله محتشمين ولا مو محتشمين انا دشوا بالي واباهم ثنتيناتهم
حسن : سعيد لا
سعيد : بلاك ياريال معصب كأنهم من اهلك
قام سعيد بس حسن يوده
حسن : وين بتسير
سعيد : حوووووووووووو وين يعني برقم القمر الي قاعده وبيي
حسن عصب : قلت لك ما بتسير
سعيد : انزين ليش
ارتبك حسن : لان لان لان
سعيد : لان شووووووو
حسن : لانها بنت ييرانا
سعيد : اوو شو هالفشيلة ،، من قوم منوو هالغراشيب
حسن : بوعسكوور وبعدين
سعيد : انزيييييين ذبحتنا ،، من قوم منووو اقولك
حسن : من قوم المنصوري ،، وبعدين قوم بنتمشى
سعيد : يالله
ساروا سعيد وحسن يتمشون وحنين يابت الاكل
حنين : صج ما يستحون هذا احنا بنات ييرانهم ويسوون جي
عووش : لا حرام يمكن ما يدرون ،، وبعدين حسن ما سوى شي بس سعيد
حنين : انتي بلاج اتدافعين عنه
عووش : ما فيني شي

بعد نص ساعة تقريبا طلعوا عواش وحنين من الكوفي شوب بس فيه اثنينه يوا حذالهم وتموا يلاحقونهم
الاول : فديت هالعود
الثاني : عطيني نظرة بس
الاول: يعلني افدا راعي العيون العسلية
وبالصدفة جافهم حسن وعصب وبدون تفكير سار وضرب الاثنينه ولحقه سعيد ،، وصارت ضرابة هناك بس شوي والناس باعدوا حسن وسعيد
في بيت بوحمدان وبالتحديد في غرفة امون
امون : شو البس اليوم
سلامة : لبسي التنورة البيضة والبدي العنابي
امون : اممممممم اوك
الريم : شرايكم نقوم انسوي فطاير وكيك ونريح البشكارة
موزة : فكرة حلوة يالله
ساروا البنات تحت والكل كان يالس في الصالة ( بوحمدان ومرته وحمدان ومرته ومايد وهزاع وسيف وراشد)
البنات : مرحبا
الكل : مرحبتين
بوحمدان : تعالو بناتي يلسوا عندي لكم خبر حلو
البنات : شوووووووو
بوحمدان : السفر يوم الخميس هذي
البنات : واااااااااااو
الكل فرح لهالخبر
امون : يالله انسير المطبخ
مايد : شعندكم في المطبخ
هزاع : بسوون لنا كيكة
موزة : ويهك ،، بتي اليوم ربيعة امون وبنسوي اكل لنا وبس
هزاع : حلفوا بس انا بعد ابا اكل
سلامة : اكلك الدود
امون : وعقارب السود
الكل : هههههههههههههههههه
هزاع : عمي جوف هذلين من احين جي اذا سافروا معانا شبسوون
مايد : بس يبه خلهم اسيرون معاكم
البنات : لاااااااااااااااااااااااااااا
اليده دخلت وسمعت صراخهم
اليده : بس ويبس في عظامكم ،، حد يزاعج جي
الكل ما عدا البنات : ههههههههههههههههههههااااي
بوحمدان : ما عليج منهم يمه حياج اقربي
يدو : قريبة ابويه ( رفعت يدو العصا وضربت امون على خفيف )
امون : آآآآآآآآآآآآآآآآآي يدو مو بس انا الي صارخت
راشد : حرام عليج يدوو
يدوو : حرمت عليك عيشتك
هزاع : هههااااااااي سكتوا محامي الدفاع
سيف : واعليه يدوو صج ليش ضربتيها
يدو : لانها غادية شرات عود الضروس
ما تأكلها يا محمد ( بوحمدان )
بوحمدان : والله الاكل موجود بس الدلع يا امييه
يدوو : ييبوها عندي براويكم فيها اسبوع وما بطووف من الباب
الكل : هههههههههههههههه
امون : يدوووو مو بس انا الضعيفة حتى سلامة والريم وموزو
يدوو : هم ضعاف ما قلت لج متان بس هب مثلج
مايد : امون فديتج سيري يبي تلفوني من الميلس
هزاع بصوت خفيف : انقذتها
مايد وهزاع : ههههههه
يدوو : بلاكم تضحكون
سيف : سلامة قلبج يدوو ما شي
يدوو : يعلني افدا منطوقه
يت اموون ويابت تلفون مايد ومرت من جدام سيف وقالها بصوت خفيف : فديت ريحة عطرج
استحت امون ونزلت راسها

توقعاتكم ؟؟؟؟؟؟؟؟