|
Fe ant'6ar albaart |
الجزء الرابع بارت -2- عبود ياي صوبهم : يلا بنروح .. عواش : توه الناس .. ! عبوود : ابووي اتصل قال ردو ولا باجر بعد ماشي طلعة ههههه عواش : ههه اوكي .. و هم في الدرب وصلو حمده و يوم ردو البيت كل واحد سار رقد .. الا راشد كان منسدح عالسرير و يفكر : يمكن يعني عواش تحبني .. ان شاءلله تكوون مشاعرها اتجاهي مثل مشاعري اتجاهها .. يااارب ، افف احس اني مب رايم ارقد خله آخذ شاور .. دخل راشد عسب يسبح عالسرييع و يوم ظهر سار خذا له بيبسي و هو خاطف شاف ليت الصالة مفتوح و يسمع صوت خفيف .. جرب منه عسب يعرف شو السالفة .. راشد : عواش ! عواش و هي تمسح دموعها : هاا .. راشد ارتبك يوم شافها جيه .. : ممم شفيج ؟ عواش : مااشي .. راشد : قولي لا تخافين .. عواش : كنت افكر و ما قدرت ارقد .. راشد : في شو تفكرين .. عواش : ما باقي شي .. راشد : ادري .. عواش : الاسبوع الياي بترد امريكا .. راشد : هييه شون سوي بعد .. عواش ما قدرت تزخ عمرها و طاحت في حظنه و هي تصييح .. راشد متوتر ما يدري شوي سوي : اا انزين ماعلي ان شاءلله نحن ممم ما بنطول هناك هيه ما بنطول .. عواش رفعت راسها : راشد .. راشد قبض قلبه من قالت اسمه : آآمري .. عواش : احببكــ .. راشد : فدييت قلبج و الله و انا امووت فييج عواش : صدق .. راشد : هييه حيااتي والله انا من اول يوم شفتج حبييتج عواش : لا تذكرني اول يوم هههههه راشد : هيه هااي الضحكة الحلوة .. يلا قومي غسلي ويهج و تعالي .. عواش : ليش ؟ راشد : انتي سيري الحين .. ! عواش : مم اوكي ! سارت غسلت ويهها و ردت .. راشد : ليش واقفة تعالي يلسي حذالي .. عواش : اوكي يلست حذاله و كان قلبها يدق .. رشوود شغل التلفزيوون و قالها : يلاا بنشووف فلم .. عوااش : هههههه يالسخييف والله زيغتني راشد : هههه شوا سوي لج هبلة عواش : طالعة علييك ههههههه راشد : فديتج و الله عسى الله ما يحرمني منج .. عواش : آآآمييين .. ما صارت 10 دقايق الا عواش نامت و هو مستااانس طبعن !! هههههه .. شلها و وداها غرفتها كانت اول مرة يدش غرفتها .. ( ماشاءلله كله احمر كشششخة .. هــع .. ) سار صوب المنظرة و شاف دفتر مكتووب مذكرااات ( اشله ولا لا .. ممم بشله و عقب بقوول انني لقيته .. لا لا ما بشله ) آآخر شي شلاااه .. و سار الغرفة على اساس انه بيرقد خش الدفتر في شنطته و حاول انه يرقد بس مارام تم يفكر فيهاا لين الفير .. ي تام عبدالله عسب توعيهم و عبدالله نش و شاف رشوود واعي .. : ماشاءلله شعندك انته رشوود : ها ماشي .. مممم سمعت صوت امك و نشيييت .. عبود : بلا خرط مبين انك مب راقد .. راشد :ههه جب عبود : اقووول نش صلاه انا فيني رقاد مب متفيج حق غبائك اكييد كنت تغازل .. راشد : ههه الله يهديييك عبود : آآمييييييييين .. ام عبدالله : شفييكم ؟! عبود : ماشي ياامي سلامتج .. يلا نش صلاه .. كلهم صلوو عقب كل واحد رد رقد .. و رشوود تم يفكر و يفكر لين ما رقد آخر شي العاشق ههه اليوم الثاني عواش و حمود سارو السكول .. و يوم ردوو .. عالغداا .. ام عبدالله : اليوم بنسير راس الخيمة بنبات هناك عند خالكم .. حموود : يعني ما بنسير السكول باجر ام عبدالله : هيه باجر غيبو .. عواش : ما نبا نسير .. ام عبدالله : ليش بنستانس هناك .. عواش : .. بو عبدالله : في شي ؟ عواش : لا ما شي ابويه سلامتك .. بو عبدالله : انزين عيل العصر بنطلع .. عواش نشت سارت صوب التلفزيون .. رشود لحقها .. : مم شفيج ؟ عواش : ماشي .. رشود : قولي لا تخافين .. عواش : ما حب اسير هناك .. رشوود : ليش ؟ عواش : منصور ولد خالي وايد يلعوزني .. رشود : لا تخافين دام انه انا وياج ما بيصير شي .. عواش : انزين .. رشوود : يلا انا بسير ببدل و برتب لي ثياب و انتي بعد سيري بدلي شوي و بيأذن العصر .. عواش : ان شاءلله حبيبي .. >> طلعت بالغلط هــع رشوود يستهبل : شو ؟ عواش من القفطة : ماشي ماشي و ربعت صوب غرفتها .. عاد رشود انتهز الفرصة انه الكل يتغدون و محد صوبهم .. لحقها.. يايه بتقفل الباب جان يدش هو .. و بند الباب بس ما قفله .. عواش : اييه يالمينووون !! رشوود : انا مينوون ؟ عوااش : هيييه اطلع براااااااا رشوود : بس اسكتي فضحتينا .. عواش : انزين سير برع دخيلك والله ما فياا عالمشااكل .. ! رشوود : انزين شو بيصير مافي حد هني .. عواش : انزين ماعلي اطلع دخييييييلك .. رشوود قرب منها .. : اول شي تحبيني ؟ عواش : اموووووت فييك بس اطلع .. رشووود : انزين انزين تبين الفكة انتي و سار صوب الباب .. عواش ضربته ع جتفه بالخفيف : هههههه انزين يلا بشووفك عقب .. رشوود : ههه اوكي و سار يبدل لبس كندورة جي لونها بيج على البني و تعصم و طبع ما خلا عطر و ما حطااه و خذا له كمن جينز و قمصان بولو و ظهر .. عواش تسبحت و لبس مخورة و طبعن كشخت عالآخر و رسمت عينها و حطتلها قلوز خفيف ممم شعرها طول شوي بس بعد قصير فخلته جي بس نشفته و تعطرت ، خذتلها كمن بنطلوون و قمصاان و ما خلت عطر ما حطته بالشنطة و الميك اب و كل شي ما نست شي .. اول ما ظهرت شافت رشود واقف عند الباب .. : شوو تبا ؟ّ! رشوود : دخنييني .. عواش : لا اخااف يحسدووونك ماشاءلله قمر .. رشود : يلا عااد ههه عواش : هههه انزين سارت و دخنته عقب سارو يلسو بالصالة شوي و عبود و خلود يلسو عندهم و تمو يسولفون لين ما الكل جهز و جي صلو العصر .. بو عبدالله : يلا انسير سيارتين ولا سيارة ؟ عبود : سيارتين ابويه احسن .. بو عبدالله : اوكي انا وامك و البشاكير في الجمس .. عبود : اوكي و انا و خلود و رشود و عواش في البورش بس حمود شلووه ويااكم .. حمود : ليش يعني .. رشود : بس ما نبااك ههههه حموود : اففف عادي اصلن .. بو عبدالله : ههه اوكي .. و ركبو السيايير و هم في الدرب .. عواش : ملل .. شغلو شي خله نسمع .. عبوود : شو تبين ؟؟ عواش : مممم اي شي .. عبوود اوكي .. تم يلعب بالراديو بس ما حصل شي حلو .. : رشوود شووف بالسدة شي سيدييات هاتهم .. رشوود ظهرهم و شغلهم .. تم يعبث آخر شي حط غنية الطير مالت حسين الجسمي .. عواش : مالقييت شي احلى عنها .. عبوود : ليش ها مب حلو !! عواااش : جديييييييمه و بعدين انا ابا عرااااقي .. رشووود : لا والله ههههههههههههههههه عواش : هههههه شووووو رشووود : ماشي بس خله تخلص و انا بحطلج عراقي .. عواش : اوكي رشووود من كثر ما يحب الغنية تم يغني وياااه .. قربك لقيت الدفا لأنك يا حبي غير كل ماحلمت بوفا القاك له تفسير هذا الغلا والحب من الله سبحانه عمرك سمعت بطير ويحب سجانه عواش : فديييت هالصوووت .. عبود : نعععم آنسة عائشة .. ! |
اتريااا ردوووودكم الجمييييييلهــ .. :ans_flw: |
طرررررررررر طررررررررر صج انج مبدعه اتريا البارت الياااي فديتج |
البارت رووعه كملي دوم تقطعين اللحظات الجميله هههههههههههه |
| الساعة الآن 05:08 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir