|
:uae: هذا هو البارت اليديد |
د.عبيد وبصوت حنون: لا تخافين يا وضحى أنا و ياج ما راح أفارقج حتى وقت العمليه بكون معاج و أنا ألي بسويها لج و أن شاالله ما تتألمين غير أذا ما كنتي تثقين فيني. وضحى ولأول مره تتكلم ة هي فحضنه مع أنه مر على هالوضعيه أكثر من خمس دقايق و هي ما تكلمت. وضحى وبصوت خفيف و هادئ:أكيد أثق فيك د.عبيد:ما دام تثقين فيني توعديني أنج تحاولين ما تخافين. وضحى وهي تبتسم له وبدت تهدى:أوعدك. ابتسم لها عبيد أبتسامة خلتها تخجل و تنزل عيونها بالارض. فجأ دخلت عليهم ناديه و هم و هم با هالوضع ناديه و هي تشوف وضحى بحضن عبيد : أوه سوري و طلعت بسرعه. وضحى و هي تعدل في يلستها و تبتعد من حضن عبيد و عبيد يطالعها منحرج من ناديه أنها شافتهم هو كان قصدة يهدي وضحى ما قصده شي ثاني. شو تتوقعون كيف بتكون ردت فعل ناديه وعبيد كيف بيتصرف كيف راح يبرر أللي صار لناديه ؟ وضحى وهي تبتسم له : وش فيك جي وكأنه أحد راشك بماي بارد. د.عبيد : الصراحه أنحرجة من نادية . وضحى وهي تضحك : ههههههه نادية عادي عندهاا لا تنحرج منهاا . د.عبيد : كيف عادي عندها أكيد الحين بتضن فينا السوء . وضحى : أنته بعدك ماعرفت ناديه من هي نادية ومن تكون ناديه بنت أمها وأبوهاا مختلفين الجنسية أبوها إماراتي وأمها أمريكية وهي عاشت طفولتها بأمريكا ودرست الإعدادية في أمريكا وفي الثانوية يات تكمل أهني بس من أربع أسنين يات للأمارات وبعدهاا ما تعودت على عاداتنا وتقاليدنا يعني مثل هذا الشي مايخليها تضن السوء أو تفكر بشي ثاني فهمت الحين . د.عبيد: اهااا هاذي عيل هي قصتها.... وانا اللي من شفتها دخلت انقبض قلبي انتظرت ردت فعلها وضحى: ههههههههههههه د.عبيد: ههههههههههههههههه بعد 10 دقايق نامت وضحى من تأثير المخدر و خذوها لغرفه العمليات واجرت العمليه والحمدلله نجحت ...... .................................................. ....................................... في المدرسه الساعه 1 توهم البنات طالعين ينتظرون سياراتهم عند البوابة شوق: ها بنات منو بييكم؟؟؟ اليازيه وميثاء يطالعون بعض: ما ندري....... ننتظر أي احد ايي ونروح وياه شوق وهي تبتسم: شو رايكم اليوم تروحون وياي.....؟؟ ميثاء : ومنو بيوصلج؟؟؟!! شوق بدلع: طبعا حبيبي هزاع اليازيه: لا فشيله وين نروح وياكم.؟ شوق: لاعادي مافيها شي اليازيه : بس........... شوق تقاطعها : لابس ولا شي......( تصد ع السياره اللي مقابلتهم) كاهو ياا لحظه بروح اقوله ........... وراحت شوق لهزاع السياره شوق وهي تفتح الباب: السلام عليك حبيبي هزاع ببتسامه : هلا وغلا والله بشواقي حياتي شوق مستحيه ممزوج بدلع:تسلم فديتك ...... هزاع ربيعاتي محد ياهم للحين عادي نوصلهم بطريجنا ......؟؟ هزاع :حياهن الله بوصلهن خليهم اييون شوق : اوك شوق وهي تنادي ع اليازيه وميثاء: بنات تعالوا والبنات يطالعن بعض ................ ميثاء: بنروح وياهم ......؟؟ اليازيه : شو نسوي امرنا لله بس خل اوصل البيت واراويك يا فهوووود شوف شو بسوي فيك عيل انا تتأخر عني ميثاء: ههههههه ومنو انتي ...؟ اليازيه بغرور: انا شيختكم كلكم ميثاء وهي تضحك ع هبال اليازيه : هههههههههههه مبين اليازيه :شو تقصدين؟؟ ميثاء: ولا شي ... يلا خلينا نمشي اخرنا شوق وريلها وراحوا البنات وركبوا وياهم واول ماركبوا سلموا وبعدها سكتوا ولا احد تكلم استووا هاديات ههههه شوق: اقول حبيبي هزاع: قولي فديتج شوق: اليوم الابله هاوشتني في المدرسه هزاع التفت صوبها بسرعه: افا وليش تهاوشج ؟ شوق: تقول ليش اليومين اللي طافن غبت فيهم هزاع: ماعليج منها سويلها طاف شوق : تدري شو قلت لها؟ هزاع : شو ..... فجأه ومن دون مقدمات انفجرت اليازيه وميثاء من الضحك وكل وحده تحاول تكتم ضحكتها بس مب قادرين هزاع مستغرب مايدري شو اللي مستوي شوق بعصبيه: ليش حضرتكن تضحكن ما اظن قلت شي يضحك اليازيه : لاحبيبتي ماقلتي شي يضحك الا ضحكتي الصف كله هههههههههههه هزاع:ليش شواقي شو قلتي؟؟؟ شوق احمرن خدودها وقالت بدلع:قلت قــــ لت اني غبت عشان ايلس ويا حبيبي هزاع والابتسامه شاقه ويهه: آآآآآآه آه ياويل حالي انا من اللي صابني وعيا يرحمني ....... ومسك ايد شوق وباسها قدام اليازيه وميثاء اليازيه وهي معصبة عليهم: ايــــــــــــه انتوا شو تسوون عيب اللي تسوونه قدامنا شوق وبصوت خفيف وهي تلتفت لليازيه:جب انتي مالج دخل خليني انا جي مستانسه هزاع يضحك عليها:هههههههه سمعتج شوق استحت من اللي قالته واعتدله في يلستها وصدت بويهها للجهه الثانيه والبنات يضحكون عليها وبعدين كملوا دربهم ووصلوا اليازيه وميثاء لك وحده بيتها وهم راحوا بيتهم . .................................................. ....................................... في المستشفى الساعه 2:30 بالليل وتحديدا في غرفه وضحى .......... كانت وضحى نايمه وناديه ماكانت موجوده وياها وكانت الغرفه مظلمه وتنورها اضائه خافته بسيطه جنب شبريه (سرير) وضحى وكان المكان هادي وفجأه احد فتح الباب ودخل وتقرب من سريرها بهدوء وخطوات بطيئة وصل لين راسها ووضحى حست بوجود شخص قرييب منها وفتحت عيونها تبي تشوف منو ومن فتحت عيونها ماحست الا بإيد تنحط ع ثمها وهي تصرخ وتحاول جاهده انها تبعد يده عنها بس للأسف اهو كان اقوى منها وكان بيده منديل فيه منوم ونامت وضحى وماتدري شاللي ينتضرها من ورى هالشخص الغريب ...بعد ما تأكد انها خلاص نامت مسك ايدها وفك ابره المغذي من ايدها وفك كل شي كان موجود من وايرات وشالها بين ايديه وطلع بها من الغرفه وهو في الممر كان الممر فاضي الكل كان نايم ولا احد يدري عن وضحى . وفي الطرف الثاني من المستشفى كان الدكتور عبيد توه طالع من مكتبه رايح للبيت اليوم تأخر فالشغل لأن ابوه موصنه يخلص بعض الاوراق قبل لا يطلع ومثل ماتعرفون ان ابو عبيد مدير المستشفى وهذا المستشفى خاص مب حكومي المهم كان عبيد طالع بس قبل لايطلع بيمر يشوف وضحى وراح لغرفتها بس تفاجئ بانها مش موجوده استغرب وين راحت وهي ماتقدر تمشي فخاف لا يكون استوى فيها شي وراح للممرضات المناوبات يسألهم عن وضحى فقالن له انهن ماشافن احد ولا احد طلع وضحى من غرفتها وراح عبيد يدورها والممرضات انتشروا في ممرات المستشفى يدورون عليها واتصل بالحرس عند البوابه وسألهم اذا احد طلع وضحى من البوابه وقالوا له ماشافوا احد ....وحرص عليهم يقفلون كل البوابات ولا يسمحون لاي احد انه يظهر او يدخل . ومن حسن حظ وضحى ان عبيد اكتشف اختفائها قبل مايظهر بها برع المستشفى . وهذا الشخص اللي اختطف وضحى ارتبك وماعرف شو يسوي وكيف يظهر قبل لا حد يشوفه واهو كان متخبي في وحده من الغرف وبعدها طلع من الغرفه ويحاول يظهر وضحى وياه بس فجأه شافته وحده من الممرضات المناوبات وتمت اتصارخ : وآف وآف وأف عندك لك وأف شو عم تعمل ....؟ وهو من الخوف اللي فيه ماعرف يتصرف وحاول يهرب والممرضه ماقدرت تلحقه لانه كان اسرع منها وع طول اتصلت بالدكتور عبيد وعبيد طيران صوب الطابق الثالث بأسرع ماعنده وراح للطابق الثالث وركب اللفت واول ما وصل اللفت وقف عند الطابق الثالث وانفتح الباب الا ويحصل الممرضه في ويهه عبيد: ها نسرين وينها وضحى؟؟؟ الممرضه بخوف: هونيك بآخر الممر وراح عبيد يركض لآخر الممر وهو ينادي بأعلى صوته : وضحـــــــــــــــــــــى وضحـــــــــــى الشخص لما سمع صوت الدكتور عبيد خاف وماعرف شو يسوي فـ رمى وضحى ع الارض وهرب واختفى بين الغرف ولا احد عرف منو يكون ..... وصل عبيد عند وضحى وشافها ممدده ع الارض وماتتحرك وخاف عليها لا يكون صار عليها شي د. عبيد وهو يهز وضحى: وضحـــــــــــــى وضحـى قومي وضحى ردي علي ........ وضحى وهي تفتح عيونها بصعوبه: عبــ يـ ــد انـا خايـ فــ ـه ......... د. عبيد : لا ياعمري لاتخافين انا وياج وصارت وضحى تكح بقوه : كح كح كـــــح د. عبيد: لا وضحـــى لاتتكلمين خلج ساكته وشالها من ع الارض ومشى بها لين اللفت ونزلها معاه لغرفتها وهاذي الليله من خوفه عليها ماراح لبيته تم يالس وياها لين الصبح ....................................... وفي الصبح جمع عبيد كل الدكاتره والموضفين في المستشفى وهزبهم ع قلت اهتمامهم وانتباههم ... كيف يدخل شخص غريب للمستشفى ولا بعد يدخل غرفت وضحى ويختطفها ومن دون ما احد يدري ونبه عليهم كل يوم أحد يناوب بالليل عسب مايتكرر اللي صار البارحه. ................................... خلونا نروح عند سوسن وشلتها...... سوسن وهي متوتره :اف يا بنات خاطري اعرف شو اللي صار مريم وحده من البنات اللي فالمجموعه: وانتي شو حارنج تراج بتعرفين الحين او بعدين ...اصبري شوي سوسن : المشكله مافيني صبر مريم : ههههه مشكلتج قاطعهم صوت التيلفون سوسن مرتبكه : هذا هو اتصل واهي ترد : الوو ها شو سويت..........؟؟ المتصل : اسف يا انسه سوسن بس المشكله ماقدرت ( وقال لها اللي صار ) لو ماطلع دكتورها كان انا الحين طلعتها من المستشفى ويبتها لين عندج سوسن وهي معصبه:انت غبي ماتفهم انا اقولك ابيها بأي طريقه وانت تقول لي دكتورها ظهر لي وانا ليش اصرف عليك وادفع لك هذا كله ع الفاضي ماتقول لي انت شاللي تعرف تسويه على ما اظن حتى تغسيل ملابسك ماتعرف اففففففففففف منك. المتصل سكت ولا قال شي مع انها سبته بس سكت عشان رزقه اللي ياخذه منها . سوسن: المهم خل الاوضاع تهدى في المستشفى وبعدين ابيك تيبها حتى لو على قص رقبتك ابيك تييبها فاهم المتصل وهو خايف منها: ان شاء الله طال عمرج ....فاهم سوسن:يالله الحين اذلف عن ويهي .................................................. ............ في بيت اليازيه كانوا كلهم محضرين عشان يروحون البر كم يوم يستانسون فيها وبتروح معاهم عايله ميثاء فهد وهو مستعيل : يالله استعيلوا تأخرنا اليازيه: اف منك اصبر بعدها الساعه 7 فهد: انا لو ساير بروحي كان احسن لي عن حشرتج كان وصلت من زمان ام فهد:بس عن الحشره انت وياها كله مناقر الناس تصبح ع خير وانا اصبح بحشرتكم ويا ويوهكم اليازيه بدلع: ليش امايه شو فيها ويوهنا ما شاء الله عليها شرات القمر قاطعهم ابو فهد : قمر وبس آآه منكم ومن ويوهكم اللي مايي منها الا التعب اليازيه: افا افا باباتي احنا تقول عنا تعب ابو فهد وهو يضحك عل بنته:ههههههههههه زعلت فهد: خلها تزعل ماحد اهتم منها اليازيه : جب اسكت فهد: انا اشك انج بنت والا في بنت تقول هالألفاض انا حسب علمي البنت لازم تكون هاديه ورقيقه مب مثلج دفشه ولسانها اطول منها . ابو فهد:بسكم من الهواشه يالله خلونا نروح تأخرنا على الناس شو بيقولون عنا اليازيه: لحظه باباتي بروح فوق ايييب شنطتي ويايه فهد: اف منج الله يعينه اللي بياخذج اليازيه وبغرور :اصلن اللي بياخذني يابخته وياحسن حظه فهد: انا خاطري اعرف انتي من وين يايبه هالغرور اليازيه : هههااي هههاي منك ياابو الغرور فهد: بسم الله عليه من هالغرور اللي فيج انا انسان متواضع ابو فهد وام فهد ويا بعض بدون سابق انذار : امــبــيــن فهد: افــــــــــــــــا شيبتي وعيوزي واقفين ضدي ام فهد وهي تتصنع العصبيه : عيز حيلك يامسود الويه عيل انا تقول عني عيوز فهد وهو يضحك :هههههههههههه وطلع بسرعه ....... يعرف امه اذا عصبت شو بيفكه منها وبعد ربع ساعه راحوا كلهم للبر والتقو في دربهم مع عايله ميثاء وراحوا مع بعض . .................................................. خلوني اكلمكم عن عايله ميثاء :. ابو صقر (سعيد) ام صقر( مريم ) صقر عمره 24 سنه ميثاء عمرها 18سنه ......... وصلوا العايلتين للعزبه وبنو خيامهم والرياييل راحو يشوفون حلالهم لانه عزبهم متقاربة فبنو الخيام بين عزبهم والحريم راحو يسون الغداء :183::162: أنتظر ردودكم عطوني رايكم اذا عجبكم البارت أو لا :uae: |
مشكوووووووره سلااامي ع الباارت .. ابصرااحهــ الباارت رووعهــ بس اقصييييير .. السمووحهــ .. |
اقتباس:
وان شالله المره اليايه بنزل أطول منه :uae: |
ننطر البارات اليايه متحمسه هع |
| الساعة الآن 04:34 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir