|
رووووووووووووووووعة البارت وتسلم صبوووووووووووووووعك على البارت :10: بس بسرع نزل البارت اليديد |
تسلم الشيخ ونتريا البارت الياي |
تسلموا عالردووووووود وعسب جي بنزل الكم ............. فالعيييييييين الريم وحموده اتاخرن الين ثمان الفليل وكانن توهن يايات من الجامعه ووصلوا حموده بيتهم الريم سارت فووووووووووووووق تسبحت وصلت ولبست بجامتهااا ونزلت تحت استغربت محد فالصاله راحت غرفه الطعااام الريم : هلا هلا ام زايد: قربي قربي الريم تعشي الريم تربعت : اللـــــــــــــه ورق عنب والله فخاطريه من الصبح اقول حق حموده خاطريه فورق عنب عقب العشا ... راحت ويلست فالصاله وتموا كلهم يطلعون التلفزيون ام زايد: الريييييم تعالي شوي ابغيييييييييج الريم راحت ويا امهااا حجرتهااا ويلست ام زايد ع الشبريه والريم حذالهااا وحطت ام زايد ايدهااا على جتف الريم ام زايد: شوفي بنيتيه سالم ولد خالج تراا هون عن الخطبه ما بغييييييييييج تحطين بخاطرج من ولد خالج وخالج ولا تقاطعين حموده ولا بنات خالج الريم ساكته ام زايد: لا تزعلين فديتج الريم فخاطرها : خلاص ما قدر اقبض عمريه من الضحك اميه ما تدري انيه ادري قبلهاا وبسببيه سالم كنسل الخطبه وما تدري الحيييييين انيه هب زعلانه وانيه بطيييييييييييير من الوناسه الريم : لا عادي اميه هب زعلانه ام زايد: ترا العرس قسمه ونصيب والله ما كتبلج نصيب ويا ولد خالج لو انيه ما بغيت لج الا سالم الريم : ليش اميه شو السبب اللي خلا سالم يهون ؟ ام زايد : والله يا بنيتيه ما دري شحل فيه والله ان سالم ريال ينشرا ولا ينباع و .... الريم قطعت رمسه امهااا وهي تمثل : خلاص اميه اللي ما يبغيك لا تصيح تبغييييييييييه الريم وهي ظاهره ناقعه من الضحك وسارت فوق حجرتها ودقت تلفون حق شواخي الريم: مرحباااااااا السااااااااع شواخي: مرحب لا هاان الريم: شحااااااالج فديتج؟ شواخي: بخييييييير وسهاله ومن صووووبج؟ الريم: دوم ياربيه والله انا بخير ونعمه شواخي: والعلوم؟ سمعت شي مادري اباركلج والا الريم: ههههههههه هيه خلاص شوااااااخي سالم فج الخطبه شواخي: بس الي استغربته لييييييش وهو الي يباج؟ الريم: امممممممم شواخي سالم يدري انيه احب هزاع هو رمسه وخبره كل شي وسالم اتصلبيه وقال خلاص اناما بخرب من بينكم شواخي: والله انه ريااااااال سالم بس غريبه مااقال شي يعني والله لو يدرووبج انج تحبييييين ليذبحونج الريم: شفتي عاده بس الحمدالله سالم طلع متفهم وقال ادري ان القلب هب بيدج ولا تقدريين تتحكمين فيه وبمشاعرج شواخي: اهااااا والله يحظها الي بتاخذه اول مررررة اشوف ريال جي الريم: خليييج عنيه شو صااااااااار عندج ؟ عشان نهيان؟ شواخي: ممممممممم ماصار شي بس انا قررت بواااااااافق على نهيان الريم: يعني اقتنعتي بنهيان؟ شواخي: تبيييين الصدق ماعرف مافكرت بسسسسس الي اعرفه انيه بااااخذ نهيان غياااض بس حق سيف يعني شرات ماهو بياخذ غيريه انا بعد باخذ غيره وبعد بخلي عرسيه وعرسه فنفس اليووووووم والله ياخليه يندم انه ودرنيه الريم: شواااااااااااااااااااااااااااااااخي شهالتفكيييييييير السطحي لا غيااااااض ولا شي لو الريال يبغيج جان رمس وفكري شواخي انتي لو هب مقتنعه بنهيان وبتوافقييين عليه بس غياض انتي بتهدمييين حياتج وبس تغايضين عمرج والله انتي الي بتاكلينها وهو عادي هب مستهم منج اصلن لو مستهم منج جااان خذج فكري شواخي انتي تبغييييين تهدمييييين حياتج بس بقولج بعد شي والله والله يا شواخي نهيان ريال والله احسبه شرات سيف واخير ويكفي انه شال عايله بعد وفاة ابووه يا كثرهم الحين الي يودرون هلهم من ياخذون وحده بس انتي بترومين تخلينه يحترمهم ويحط امه هالعيوز ع راسه فكري يا شواخي زييييين والله انا اقولج ان نهيان ما يتخير شواخي : ماعرف يالرييييييييييم والله احس بضييييييق كل ماافكر ان سيف ما يبغينيه يعني شفينيه اناااااا الريم: شواخي انتي شفيج ليش تذلييييين عمرج حق واحد ارخصج والله لو سيف ولد عميه واحبه وايد بس هب ان ترخصيييين نفسج الي مايبااااااااااج جحال فعينه ما تبينه نعااااااااال فريلج شواخي: هيه والله صدقتي ياالريامي خلاص انا بفكر بنهيان الريم: ولا تفكريييين ان هذا غياض وغيره فكري بحياتج انتي بعيييد عن سيف وشوفي هل نهيان يناسبج وبقولج شي شواخي خذي واااااحد يحبج ولا انتي تحبييييينه والله يا يحطج فوووووووق راسه تاج ونهيان هزري يحبج والي فالسفر استواا يبين هالشي شواخي: بسسسس الريم هو يمكن يحبنيه لانه يذكر حرمته و.. الريم: بسسس قطعي شو هالرمسه بعد يمكن تشهينها فالشكل بس اسلوبج وتصرفاتج امرررررة غير وانتي سمعتي اخته موزة شقالت ونهيان اكيد لاحظ انج غيييير شواخي فكري زين والله لو انا اقولج نهيان ريال ونعم وما بتلقين واحد بطيبته وبحبه وبهدووءه فكري انزين واي شي تبغييييييينه دقي عليه بس ولا يردج الا تلفونج شواخي: اوك الريييييم بفكر وتسلمييييييين الغلا الريم: اقووولج مرة ثانيه اقولج لالا تفكريييين بسيف فكري بحياتج انتي وانسي سيف لو انه صعب بس فكري ان كرامتج فووق هام السحاب واهم عن اي شخص لو هالشخص الحياه شواخي: لا ان شااااااء الله الريم بفكر بعقليه هب بقلبيه وسيف خلاص بحاول انساااااه وبعد هو ما يخصه يمكن كله من الاهل هم الي حطوا هالافكار من قبل وخلونيه اتعلق فيه وفطيم تستاهل سيف لو انيه ماعرفها وايد بس يكفي انها بنت خالج يالريم الريم: اوكي فدييتج وبخبرج تعرفيييين ليش سيف يمكن حطها فباله هب لان انتي فيييج شي بالعكس والله يا شواخي شخصيتج تعيبنيه وايد واتمنا اكون انتي بس يمكن لان فطييم صدق صدق حرمه شرات قوم اميه يعني كل شي هي الي تعابله فالبيت وحتى امها ما يخصهاا وايد وهي تهتم بالغدا والعشا وحتى منصور الصغير هي الي تهتم له تقول امه واي شي يضيع فالبيت كله فطيم يعني صدق صدق فطييييييييم غير وسيف مرة شافها يوم فالبر وانتبه انهااا غير عن بنات الحين ويمكن عيبته بس لا تحطيين فبالج ان انتي ناقصنج شي اوكيك انتي الف واحد يتمنااااااااااااج شواخي: اهاااااااا عسب جذه هو يبا فطيم تعرفييييين الله يوفقهم وانا بفكر بنهيان وتسلميييين يالريم والله ماحد غيرج اشكيله الريم: افااااااا عليييييييييج نحن فالخدمه شواخي: بسسسسس اقوولج هزاع بيي وبيخطبج مررررررة ثانيه؟ الريم: مادري ماعرف شي حتى فطامي ماتعرف الا انا خبرتهااا بس سالم قال بيخطبج هالاسبووع فمادري شواخي: يالله ان شاااااء الله يخطبج وتكونون لبعض اخلييييييييييييج الحين الريامي تامرين بحايه؟ الريم: ابدن غير سلامتج وشوفتج وبقاج فالدنيا شواخي: يسلمج ربي مع السلامه ^^^ رف قلبيـــــــــ من عقب ذبحـــــــــة ^^^ ^^^ والجـــــــــسمـ ردت بهـــ الروووحــ ^^^ فبوظبي ف الصاله هزاع: اميه طلبتج الحيييييييييييين ام خالد: امر يا ولديه؟ هزاع: مايامر علييييييييج عدو يلا اميه ابغيج تتصليييين حق ام زايد وخطبيليه الريييم بنت حمد بن هناااد ام خالد: وجييييييه تراهم ردوووك هزاع: شو اميه انتي ما تدريييييين انها خلاص هب مخطووبه الحين قبل ردونيه لانه ولد خالهم خاطبنهااا ام خالد: هيه سمعت انهم خلاص فجوا الخطبه بس غير رايك بنخطب لك وحد غيرها هزاع: عييييييل والله ماخذ غيرها يلا الحييييين اتصلي والا بسير ارمس ابويه الحين وبنسير بيتهم انا ما صدقت انهم فجوا هالخطبه ام خالد: انزييييين هيد عليه شعنه جذه ماكل قرصك ني هزاع: شسوي اميه احبها يا خي يلا انا من زمااااان ابغيها ما قدر اصبر ام خالد: ايهاااااااااا ثرها هي الي حاط عيوناتك عليها اشوفك من تي البيت هظلت هزاع: ههههههههههههههه يلا اميه اتصلي جداميه ابا اسمع ام خالد: انزييييييييين هات التلفون من هناك هزاع: اميه ها يودييييييييييه ام خالد : مشغوووووول تلفون ام زايد هزاع : دقي دخيلج اميه بيتهم انزين ام خالد اتصلت: مرحباااااااااا الساااااااااااع ...........وشحاااالج بنيتيه الريم هزاع فز قلبه ولصق ع السماعه ام خالد: والله كلنا ما نشكي بااس انته ظك شوي خلنيه اسمع البنيه هيه بنيتيه لا فديتج فطامي فوق جاما عند هذا الانتووب وينها امج؟ ابغي ارمسهااا جيييييييه دقيتلهاا من تلفونها بس ما تشله مشغول انزين هاتيها فديت خشمج (( وتمت ام خالد ترمس ام زايد وخطبت الريم مرة ثانيه حق هزاع ام زايد قالت بترد عليها الين ما تشاروهااا)) ام خالد: ها شو ارتحت الحييييين هزاع: اااااااااااااااااااااخ الا ارتحت بطير من الفرحه ام خالد: انزين حشا حتى ماشاورت ابووك الا جذه خطبنا البنيه هزاع: لالا انا شاورته قبل هو قاليه سيرعند امك خلها دق حق ام زايد ام خالد: ايهااااااااااااا ثرك مخلص امووورك وانا خر من يعلم انزييييين وخالد شاورته بعد تراه خوك العود سير خبره هزاع ابتسم: لالا خلاص خلصت خبرته هو وابويه وحمدان نهيتلهم العزبه وريتهم كلهم هناك وخبرتهم وشاورتهم بعد ام خالد عصبت: ماعليييييه ثرنيه انا خر وحده لا خلاص هونت خلهم هم يسيرون يخطبون انا ما يخصنيه هزاع وباس راس امه: افا افا يالغاليه اهوووون عليييييييج ما تخطبيليه انتي وانا الي يحبج ويغلييييج وبعد يمووت فيج فديتج اميه انا ماليه غيرج فالدنيا ولو انتي ما خطبتيليه مني هي الي بتخطبليه خلاص انا يتيم يعني واميه حيه <<<<<<< يعررررررف يمثل هههههههههه ام خالد: لالا الغالي يتيم وانا بعدنيه حيه افا علييييك الغالي والله لقوم بعرسك قووم بس خلها توافق هزاع: فديتج ياميه عسى اني ما انحرم منج ومن شوفتج فطامي: شو مستوي هني مااااااسي اشوووف حشا ولا تقولون فلم هندي ام خالد: انتي جب عن الصدعه اسميييييج ما ستحيييين شعندج يايه بحشرتج هني خلصتي من الانتوب مالج ويايه هنا فطامي: ههههههههههههههه شسمه اميه عيدي؟ هزاع: انتي مالج خصصصص اصلن اميه اي جهاز كيفهاا تخترع له اسم فطامي: اوووه كل هذااااااااااا عشان خطبتلك الريامي هزاع ياشرلهاا بس صخي ام خالد: ونتي شدراااااااج انيه خطب الريم؟ فطامي: خبرنيه قبل ام خالد: بعد فطامي لالالا خلاص انا صدق زعلت منك ظك هنا خلنيه اسير المطبخ هزاع: افاا اميه والله هم اصلن الا رمسه بس الصدق عندج انتي يعني انا الا رمسه اقولهم بس انتي الكل فالكل طال عمرج ام خالد: هيه قص عليه عاده انته امرة لسانك غادي دبس هزاع: افا علييييييج اميه ما يكون عسل ودبس الا يوم يرمسج واااااااااايه فديييييييييييت اميه علنيه لا خلا منج ومن شوفتج ام خالد: يعني ماذوق حزنك الغالي هزاع: امييييييين ولا حزنج فطامي: عيل اميه ما تقوليليه هالرمسه وانا حليليه بسير عقب كم شهر بتقولييييييييين خلاف وينها فطامي وايه فديت شوفتها وانا امررررررة بقطعكم عسب تتولهون عليه ام خالد: فقتج شو تقطعيييييييين بعد حد يقطع هله مسودة الويه هزاع: انتي موصينيه علييييييج سعود مصدعنيه هب محتايه شي فطامي ماشي قاصرنها كل يوم يعيد نفس الرمسه فطامي استحت: لالا ماشي قصيره هزاع: وهيه يوم تبييين تسيرين السوق دبي والا اي بقعه وخصصصص العين امرررررررة رمسي ولا يردج الا لسانج عسب تتزهبيييييييين ويكون زهابج شي فطامي تغايضه: انزيييييين تسلم بس العين ماليه حايه فيها الي عندهم شرات الي عندنا هههههههههه هزاع: فقت هالشيفه لا تخلينيه اهوووووووووون وما وديييييج بقعه فطامي: فديييييييييييييك هزاع والله ادري ماهون علييييييك خلاص افا علييييك بخليك دوم تودينيه العين افاااا مسكن الغالين هناك ههههههههههه ام خالد: جييييييه بعدهم ما ردوا علينا وانتوا محتشريييييييين هزاع: تروم هي ما تواااااااااافق عليه بقنصهااااااااااااااا والله ام خالد: جيه هي حبارى تقنصهاا مسود الويه انا بسير اطالع الشير جان سقوهن ادريبها هذي سومينا تودر المئ وتنهي عنه هزاع: هيه هزبيهن اميه تهرج المئ فقتها علني بلا شيفتها هي ونجمووه فطامي: لعنبوها والله ما تستحي هذي نجمه والله تقول انا في هبي وايد هزاع في وايد هيلو غير تخيل شو تقول انا يريد صوره مال هو والله يان ذاك اليوم سررت حجرتك وشفتهاااحادره حجرتك اقفلها انته عنها هزاع: ححلفي والله ياذبحها هالخايسه تخيلي ذاك اليوم يوم سعيد ويايه تغنيليه بالهدواه وهذي شدراهاااااا فطامي: هههههههههههههه عادي تعرررررررف امرة فاجه محل اشرطة ميحد هزاع: فقتها ياربيه المهم انا بظهر بسييييييييير عند سعيد والربع ما تامرين بحايه فطامي ههههههه فطامي: اوووف منك لالالا اعرف شقصدك هزاع: خلاص انزيييين ولا شي بسيييييير تشاااااااااااو فالعين ثاني كان ياي العين ويمشي فسيارته فشوارع العين (((( ماعرف والله فخاطريه اشووفج يالرييييم تولهت عليج وع شوفتج ومنطوقج ماعررررف اسير بيتهم والا لا بسير .......... مادري ماحسييت بعمريه الا انا فبييتهم ااااااخ يالريم والله الشووووق يابنيه لج ما دريييييت بعمريه الا وانا ففلي هزااااااااع ويل حاليه اممممم بحاول ارجعج اليه يالرييييم عقب الي سويته يارب تسامحنيه والله انيه ندماااااااااان ))) دق الباب ونانسي الخدامه فجت الباب ثاني: ويييييييييين ماما بابا نانسي : مدام مافيه سير عند حرمه وسيرفي روح ما في يعرف دخل انته سير ثاني: اوكي الريييييييم مجوده ؟ نانسي: ريم فوق فالليفنج روم ثاني: انزييييييييين سيري فوق زقري الريم قولي في ريال مني تحت نانسي: اوكي وسارت فوق الريم : منو هذا ريال ؟ نانسي : ما يعرف انتي يعرف يريد انتي الريم: اووووووهوووو سلامه سيري طالعي منو ؟ سلامه : لا ما با الا جي بظهر وييييين زايد؟ نانسي: زايد في برع مايعرف الريم: منو هذا نانسي تذكري يعرررف انااا؟ نانسي: يس الريم: اممم سااااااالم والا خاليه؟ نانسي : نو نو بس انتي يعرف هذا في بوظبي نو العين الريم: اممممممممممم يمكن سيييييف سلامه منو تتوقعييين سيري طالعي فديييييييييتج مافيه احدر سلامه: اووف اوك بسير البس شيلتيه وسارت سلامه تحت ثاني: هاا سلامه شحاالج؟ سلامه: بخييييييرونعمه ثرك انته الي يااااااااي ومسوييييين صدعه فووق عنبوها نانسي ما تعرررفك يعني اونهااا ثاني: شدرانيه فيهااا لا وبعد اسمها نانسي وين الي ياب وياااب فرق السما والارض سلامه: ههههههههههههههههه شفت عاده عيل وييييينها روييييييض؟ شعنه مايت اسمينيه تولهت عليها ثاني: مافيه ع الصدعه الا جذي كنت ياي وقلت بسلم ويييين الريييييييييم؟ سلامه: فوووووووق الحييييييين بزقرهااااااا ثاني: اوكي اترياهاااااااااااا بس دخيييييييلج سلامه لا تقوليلها انيه انا لانها لو درت ما بتحدر تحت اوكي سلامه: اممممممممم اوكي تعرررررررف بقولها سيف والا اي شي ثاني: اوكي اخير بعد وروووحت سلامه زقرت الريم وقالتلها ان سيف تحت الريم غيرت ولبست كندورة لانها كانت لابسه بجامه ولبست سكارف ونزلت وثاني كان يالس وعاطنها مقفاه الريم: مرحباااااا السااااااااااع سيييييييييف هلا بالمعررررررررررس ثاني وقف وطالع الريم وابتسم : مرحب باااااااجي ولا هان بس انا ثااااااني الريم تمت مبهته فيه ( هذا شيايبنه هني وليش سلامي قالت سيييييف بالعاني اكيد لانها تدري انيه ما بحدر لو ادريت انه ثاني اوهووووووووو شو يبا هذا بعد انا فاضتله) ثاني: اممممم شحالج الريم؟ الريم: بخيييييير بس ابويه ماحد ثاني: ادري بس انا ياي عشانج الريييييم ابغيج تسامحينيه والله ادري انه كان الموقف بااااااااايخ والله كنت بلا ذهن طيرتيليه ذهنيه وماحسييييت بالي اسويه والله الريم اااااااااسف ونادم الشيمة تسامحينيه الريم: ثااااااني انته الي سويته وايد وايد ماقدر اسامحك عليه انته تعررررررف فكر شو الي كنت بتسويه تراضاها على حد من خواتك ولا تنسا بعد يا ثااااااني انا بنت عمك بنت عمك تعرف شو يعني من لحمك ودمك المفروض انته الي لازم دافع عن شرفيه هب تلوثه اليه ثاني انته ترضاهاعليه فكر؟ ثاني: ادري يالريم ان الغلط راكبنيه من ساسيه الييييين راسيه وادري انيه غلطان والحييييييين ياي استسمح منج الريييييييم انا تغيرت هب ثاني الاولي والله تغيرت احسسسسس انيه خلاص تهدمت يالرييييييييييم والحييييين ياي اطلب السماح من اغلى البشر ومن الي عزيتها وااغليتهاا والله يالريم يان غلاتج وقدرج ماحد يساويه الريم: ادري يا ثاني انك تغيرت سمعت واي شي يوصلنيه عنك وعلومك كلها عنديه بس يا ثاني ابغي يكون هالتغير دوم هب بس فتره وتعدي ثاني: ان شاااااااااااء الله يالرييييم بس قولي سامحتينيه.؟ الريم: خلاص مسموح تبقا ولد عميه ثاني: ماشي من خاطرج صوبيه امرررررة.؟؟ الريم: ابدن يا ولد العم ثاني: الريييييم اممممممم بقولج تدريييييين انيه استانست من دريت ان خطبتج بسالم انفجت الريم لا تعلييييييييق ثاني: امممممممم كنت بقوولج شي بسسسسس هب الحيييييين بعديييين يلا ياا بنت عميه تامرين بحايه الريم: بس سلم علييييييييهم كلهم ثاني: يبلغ ونتي بعد سلمي على عميه وامج وكلهم امره الريم : يوصل ثاني: مع السلامه وظهر ثاني وهو مستانس ان الريم سامحته الريم ( غرييييييييييييبه والله وتغيرت يا ثاني احسك الحين صدق صدق رياااااااااااال زين والله اطوررررت العزبه بسسسسسس شو كان يبغي يقول ثاني اممم مادري بعد اول مرة ماقال احبج ومن خرابيطه احسه عقل زين بعد لو يهون ويحب وحده غير والا انه خلاص شلنيه من باله فكه من الصدعه ) ام زايد رمست بو زايد عن هزاع بوزايد ما اتعرض وقال ونعم فيه بس شاوري البنيه ام زايد حدرت حجرة الريم ام زايد: ها الريامي شو تسويييين فديتج؟ الريم: والله ماشي يالسه الا ارمس ربيعاتيه ع المسن ام زايد: هيه انزيين الريم ابغييييييج فموضووع الريم جنها فهمت شو الموضوع : رمسي اميه بقول حقهم برب ام زايد: شهذا بعد الريم: اميه رمسي رمسي هذا شي مال المسن ام زايد: هيه انزين شوفي فديتج تعرفينه هزاع ولد عبدالله بن رماح خو فطامي يا مرة ثانيه وخطبج شرااايج هااا؟ الريم : ................( اااااااااااااه والله لو فخاطره اقول موافقه اميه انا ما صدقت اصلن ومن زمااااان اتريا ايي هاليوم ) ام زايد: عطينيه رايج والا اقول فكري اذا تبغيين بس ترا انا وبوج امرة ما عندنا اعتراض تراه ريال ويكفي ان نعرفهم وامه وايد طيبه وتحبج وايد وانا عنيه لو الود وديه عقب سالم هزاع ياخذج والله كل شي فيه والف بنت تتمناه جمال واخلاق ودين ولو فيه شي ترانا نحنا قبل لا نشاورج بنرده بس محشوم ولد عبدالله وانتي ردي عليه الريم: كيييييفج يا اميه الشور شورج انتي وابويه ادري انكم تعرفون مصلحتيه اكثر عنيه ويوم سالم انا ما قلت شي لو انيه اول شي عارضت بس خلاف عادي فكرت انكم اكيد بتعرفون شو الي يناسبنيه ام زايد: هذا العشم فيج يا بنت حمد يعني ارد عليهم ما بنبطي نتخبر عنهم لانهم منا وفينا ونعرفهم هب ناس غرب ما نعرف عنهم طشه الباب فالباب ويوم نسير بوظبي يشلونا شل امرة من ني بوظبي يطرشولنا الثريد والهريس والخبيص والساجوا فديتها ام خالد هزري ما بتلقيييييين شراتهاااا عمه والله ياتحطج فوق راسهاا الريم: كيفج ياميه وانا ماعنديه اي مانع ام زايد: خلاص فديتج بس بنتشاوروعقب يومين بنرد عليهم الريم: اوك ................... ظهرت ام زايد الريم: ااااااااااااااااه واخيرن بيستوي الي فباليه والله احبببببببك يا هزااااااااع احبببببببك احس بفرحه وفنفس الوقت بعبره تخقنيه والله يا سالم معرووفك هذا بحطه فووق راسيه الله يرزقك يا سالم بالي احسن عنيه وتحبك وتعطيييك الي انا عجزت اعطيك اياه لو انك تستاهله بس بعد فرحتيه بانيه بيكون ناظر عيونيه ونبض خفوقيه ملكي اناااااا وحبه الي يمكن عانيت منه واااااااااااااااايد وبسبه يمكن ما تخيلت ارد حق هزاع او انيه بكون له اااااااه والله النمسا احلى مكان سرتله فحياتيه كلهاا احلى مكان جمعنيه باغلى انساااااان عنديه فهاللحظه من حياتيه يعني والله لو لا هالمكان جااااااان عمريه ما سامحت هزاع ولا حتى يمكن لحظات جمعناااا ااااااااااااااه يالذكريااااااات امممممم بسير اطالع الصور والفيديو اعيد الذكريات الي ما فارقت خياليه وباليه وخصصصص ان فالصور والفيديو كم لقطه طالع فيهااا غناة الروح والفوااد الريم شغلت الفلم وتجدم فلم الين ما يطلع هزاع وتم تطالع وتعيد اللقطه وخصصص يوم كانوا يولون هني امرة الكيمرا مافارقت هزاع ولا صورت غيره الا جان ابوهاا وزايد وشوي هزاع خوها بس كانت اكثر شي مركزه ع هزاع هع هع وتمت الريم تذكر اول مرة طالعوا هالفلم سلامه استغربت وقالت شعنه مركزة على هزاع الريم تقفطت ماعرف شو ترد الريم: امممم لالا عادي بس لانه هو الي كان جداميه يمكن وو...و ياخي احسن واحد من عقب ابويه فديته يوووول كيفيه وبعد خو فطامي يعني عادي استحي اصور ربعه ( اخ الحمدالله عرفت اقوول شي هههه والله هذي الا تورط ) سلامه: ههههههههه جذااااااااابه وحمدان ومانع ما يعرفون يولون وغير بعد هم خوان فطامي الريم ( لا حوووووول شقولها هذي ليت اروم اقوول احبه كيفيه ياخي اتمنا هاللحظه يكون عندنا الحب مسمووح وهب ممنوع ولا منقود بس شنسوي بالعادات والتقاليد الي ما تخلي الانسان فذهنه) مادري بس جذه كيفيه ياخي مالج خص انتي سلامه( ااااااخ والله فخاطريه اعرف بس انا اشك ان في شي والله احسسس الريم معجبه فهزاع وان من بينهم شي بس ماعررررف ) وانفج الباب الي قطع ذكريات الريم سلامه: ها الريامي شو تسوييييييين؟ الريم: اطالع فلم النمسااااا سلامه بخبث: شعنه بالذاااااات هالفلم هااااا اشوووف هيه هذا يوم اليواله وينه الثاني وخصصص هالفلم وايد ظاهر فيه هزاع خو فطامي الريم ارتبكت : انزييييين ابغي اشوف اليواله والا اقوووووول هاتي الفلم الثاني حشاااااااا سلامه: لالالا كملي حلو والفلم الثاني مال النمسا هزاع هب ظاهر وايد الريم تقفطت ( هذي شدراهاااااااااا خيبه والله فضيييييحه) : اقولج بسكر الكيمره سلامه: احم احم شوووو قالوليه انخطبتي مسررررررررررررع توه الا ولد خاليه سالم فج الخطبه االريم: هبي هبي هباااااااااج الله لا تخافييييين يوم بتكبرييييين شوي بتشوفينهم امرة صافين طابور بس يتريون موافقتج سلامه: سبحااااااااااااان الله بس لي استغربته ان هزاع الي خطبج مبروووووك لا يكون بس ما وافقتي؟ الريم: ما رديييييت والشور شور اميه وابويه قبل كل شي سلامه سارت وانسدحت ع بطنها عدال الريم فالشبريه ومجابلتنها سلامه: اهااااااا انزييييييين الريامي انتي تحبيييييييييينه؟ الريم باستغراب: شوووو عادي شو احبه بعد سلامه : امممممممممم انزييييين بس احس ان شي من بينكم يلا ماعليييييه بس تدريييييين ماشااااااء الله عليه هزاع صدق غرشوووووووب من الخاطر تدرييييين هو احسه احلى خوانه الريم: هيه ادري سلامه: اممممممم بسسس وااااااااااااايد جريء يعني عادي عنده تخيلي قبل كم يوم يوم كنا فبوظبي ونتي ما سرتي وياناا كنت فبيتهم انا واميه وهزاع وهو حدر وتم يرحب وعادي عنده ويسوولف شوي ويا اميه انا استغربت شفييييييه هذاا وايد مطيح الكلفه من مبينهم وشل اخويه هزاع بعد وياه فوق حجرته وتعرفييييين شو سوا خطيبج الريم: شو ها بعد قولي اسمه ويا راسج شو سوا؟ سلامه : تخيلي حدرهزاع ويا خويه هزاع وبايده كيسه لونها وردي وبعدين ظهر هزاع ويوم ردينا البيت انا واميه الي فبوظبي طبعن زايد كان يلعب بالدرجات فالحوي وهزاع من شافه تخبل قال الا اركب وياه وقاليه سلامي شلي هالكيسه وانا شفت الي فيها كان كافي تخبرته حق منو حقيه قال لا هب حقج هذا حقيه انا والريم من هزاع الي عنده رنج انا استغربت الصرااااحه الريم فزت : شوو وينهااااااااا الكيسه؟ سلامه: هزاع خويه خلاف شلهاا عنيه الريم: صددددددددق الخايس ماعطانيه شي بس تعالي شو من الكافي فيها؟ سلامه: اممممم خلينيه اتذكر هيه اذكر جلكسي بو صلبين وكندر بوينو وتويكس m&m والباقي ماذكره الريم : شووو وفيه مارس بعد صححح؟ سلامه: هيه اظن مادري الريم: اهاااا هو عطانيه بس ماقال من عند حد عباليه يابه من الدكااااااااااان سلامه: احم احم من قدج ههههههههههههههههههه الريم: بس جب جب يمكن هزاع خويه مغلط يمكن هزاع قاله عط خوانك وعاده تعرفييييين هزاع خويه يحبنيه ودوم وياه عشان جذه عطانيه سلامه: لالالا اونه يالخريييييييط هو ما عطانيه انااا ولا زايد ولا حد هو قال حق الريييييييييم بس وحق هزاع هههههههههههههه انزين انا بسيييييييير الحيييين ما تبين تطالعين فلم اكشن توه زايد يايبنه عجيييييييييييب الريم: اممم اوكي الحين بحدر وظهرت سلامه |
الريم(( اااااااااخ ويهيه احتررررررق والله وهذا هزاااااع امرررررررة عادي عنده اتخيل لو هزاع خويه قال حق اميه والا ابويه والا زايد اووووف زين يوم سلامي بعد يحيه والله احبببببه يا ناس تلومونيه فديت جرأته وايه قلبيه بس بعض الاحيان جرأته بتودينيه فداهيه بس هالمرة الله سترررر شو هالريااااال وااااايد جريء وعادي عنده كل شي لو هو يستحي جان ما بيسوي سواياه فالسفر والله لو يدروووووون جان ذبحونيه بس بس الريم من هالافكار يلا بسير اطالع فلم )) !!! قلبي فتح لعيونك الســود بابي ..... من عقب مافي ويه غيرك غلقته !!! !!! لا تقول معلن بالغرام انسحابي ..... وانا لجل حبــــــــك فوادي فتحته !!! وعقب يومين ردوا بالموافقه وعاده اتخيلوا هزاع شل البييت شل وشغل المسجل عند سيارته وطول عليه الين اخر شي والصوت واصل اخر الشاااااارع وحاط ميحد ( من غلاك وكثر ماحبك حتى درب العين حبيته) مانع كان خاري يهوم بسيارة الدريول ويوم سمع الصدعه استغرب ويا وتم هزاع يووول وبو خالد استغرب شفيييه هزاع هزاع: تعال بو خالد يول ويايه وبوخالد ما قصر تم يوول وخلاف يا خالد ومانع وحمدان وتموا يولون حشااااااااا عرس هب موافقه هذي هههههههههههههه وفطامي وام خالد وعوشه حتى نجمه وسومينا يالسات يطالعن وفطامي سارت ويابت الكيمرا مالت الفيديو وتصور لانها حلفت الا تروي الريم خبال اخوها ههههههههههههههه انتشرت سالفه خطبة الريم من هزاع فبوظبي فحجرة ثاني ثاني: نهيان اقووولك وااااااافقت تعرف شو يعني يعني خلاص ماقدرررر اوقف بويهها والله يا نهيان ماتعرف احسسسس بضيجه وبركاااااان فقلبيه ويبغي ينفجر ويطلع كل الي فيه نهيان انته تعرف شعور واحد يفقد انساان يحبه صح والا لا؟ نهيان: هيه اعرررررررف بس يا ثاااااني ع الاقل الي تحبها جدااااام عيونك ولو انها سارت لحد غير وخلاص لا تطريليه هالسالفه لانيه الحيين خطبت وحده وايد غاليه وان شاااء الله توااااااافق ثاني: شوف نهيان والله صعب تشوف الانساانه الي تحبهاا جدامك بس ما تقدر توصللها لو كانت هب موجوده غييييير ع الاقل بعرف انها بتكون بعيده وهذا قدر الله بسسسس انها تكون عند غيريه وانا يا ما حلمت انها تكون اليه والله صعبه صعبه انا ما تخيلت ان بسرعه بيخطبونها وبيوافقون والله كنت بخطبها ونته تدري نهيان: فاهمنك يا ثاني بس شو بتسوي خلاص حااااااااااول تنساهاااااا ثاني: بس انا احبهاااا يا نهيان لو انها صح وايد ذلتنيه بهالحب بس يمكن كان اسلوبيه وياها هب زيييين وماصخ والحين انا تغيرت تغيرت يا نهيان نهيان: شوف ثاني انته ليش تهين كرامتك وتمرغ قلبك وفوادك فثراها ثاني لا تذل نفسك والله تراااااااها البنيه عمرها ما يعيبها الريال الي كذيه والله يوم تذل عمرك بتصغر فعينها اكثر وهي لو تحبك جان حبتك من قبل هب الحييييييين بس انته قلتليه انها تحب هذااا الي الحين خطبها يعني حتى ولد خالها ما تحبه ثاني خلاص خلها برايهاا وانته اكييييييد بتنساهااا لانه هذا الحب لو كان كبير فقلبك اكيد بيتلاشا لانه حب من يوم كنتوا صغار وانا احس هالحب نادر يتم ولو تم بيكون متبادل من الطرفيين هب من طرف واحد وخل نفسك عزييييييييزه وبسك ذل انا ما اقولك لانيه ابغضها بالعكس ماعرفها وايد انا ولو هب انته واي واحد غيرك بقوله هالرمسه ولو بعد واحد غيريه بيقولك هالرمسه ثااااااني فكرررر زيييييييين والله عزة نفسك وكرامتك اهم من الحب والله يا ثااااني لو انا مكانك هالحب ما بغيه جان بيهين كرامتيه وبيذلهاا والله لوطااااااااه هالحب بس ما ذل نفسيه لانهااا اغلى شي يمتلكه الانسان ولو ذل نفسه هو بيكون مذلوووول ثاني: الصراااااااااحه كلامك مية على عشره بسسسس شوف انا برمسها لاخر مرررررة وبقولها انيه ابغيها بس ترفض هذا الي خطبهااا وبرمسها بعقل اناا ثاني اليديد هب الاولي الي يعق اي رمسه بليا معنى ولا هدف والله يا نهياااااان مضاااايق وباليه يفكر بسالفه غييير بس شسوي والله احبهاا وع قولتك هذي اخر مرة ارمسها ونفسيه عزيزة نهيان: اوك رمسهااااا ولا ترد ترمسها مرة ثانيه كافي ذل والا انت شو السالفه الي مضايقتنك ما خبرتنيه عنهااااااااا؟ ثاني: والله سواد ويه ويمكن نهيان من عقبك هذي السالفه الي غيرتنيه وخلتنيه انسااااان يديد ويفكر قبل لا يسوي اي شي ويحط حدوووووود نهيااان: انزييين افاااااااااا انا اعتقد انيه استويييت بير لسرارك وربيعك وخويك والا شرايك؟ ثاني : امممممممم صح والله يا نهيااااان ما توقعت انك انته الي تعرفت عليييك فالسفر بتكون اغلى ربعيه الحين وخويي الي بيوقف ويايه باي شي احتايه والي بيكون اليه سند وراعي فزعه والله يا نهيااااان جنيه اعرفك من زماااااان صدق صدق ارتحتلك وايد وربيه الشاهد وحتى اكثرررررر عن ربيعيه حمووود لو انيه ماسير عنده الشقه بس اشوفه لكن تعلقت فيك انته اكثر عنه نهياااااان: والله حتى انا يا ثااني ارتحتلك وااااااايد بس شوووف انا هذا حموود ما يعيبنيه احسه انسان هب سوي بيضرك اكثر عن ما ينفعك ثاني: لالا بس هذا ربيعيه من زمان ويمكن هو هب اوكي بس انا ما يخصنيه بسوالفه اهم شي انا ودرت السوالف والخرابيط لكن اقاطعه صعبه هو الحييين بس يرمسنيه عادي شرات اي حد من ربعه ولا يطريليه هالسوالف الغبره نهيان: ع راااااااحتك بس يلا خبرنيه شو الي مضايقنك والله يا تخبرنيه؟ ثاني: ممممممم اقولك بخبرك بسسسسسس هب الحييييييين لانيه بسير العين صوبكم شرايك اتلاقا وياك نهيان: زييين تسوي ويين بشووفك ؟ ثاني: خلاص شرايك العين مووول نهيان: تم خلاص بشوفك هناكي فستار بكس اوكي ثاني: اوكي مع السلامه ثاني تسبح وعند المنظرة تم يلبس سفرته ( والله نهيااااان صدق خوي شمااااااا والله انه ريال وشواخي ما بتلقا اخير عنه صدق صدق هالانساااااااان ارتحتله من قلبيه وحسيته غير هو الوحيد الي فتح عقليه ونبهنيه حق اشياء واي شي يقوليه ايااااااه اسويه لانيه اعرف انه ما بيضرنيه اذا ما نفعنيه لو ان كل الي سويته الحين وهو قاليه عنه نفعنيه وغير اسلوبيه استووو كلهم يحتروومنيه حتى ابووويه غداااا غير وسيف من امبونه بس بعد زاد احترامه ويحشمنيه زود والا اميه نظر عيونيه شقايل انا رمت وخليتهاا والله نهيان هو الي قاليه ما بتلقا شرات حنان الام والا ارحم واعطف عن الام وصدق والله هي الوحييييييده اول ما ييت لوت عليه وحطتني فحضنها لو انيه ريال بلحيتيه بس بعدها تعتبرنيه ولدها الصغير الي تخااف عليه وانا اهملتها وايد بس الحييين دريت شو يعني حب هلك وشو يعني انك تفقد هالاحساس تحس انك ضايع وانك بلا ذهن ويوم سبحان الله هلك يبغضونك والا ما يحشمونك بتلقا كل الناس ما تحشمك حتى الريم يوم سرت عندها ما توقعت انها تقوليه جذي بس عرفت ان كل هذااا لانيه تغيرت وتغير اسلوبيه وياها يعني انا لو قبل ارمسها زييين واحترمهااا جان حبتنيه وحشمتنيه بسسسسسسس يارب انها ترضا عليه وتخلي هزاااااااع وترفضه لو انهم اعلنوا الموافقه بس لو انا خطبتها غصبن عنهم بيردونه بس انا ما بغيها غصب عنها ابا بشورهااا بسير بيتهم برمسها بحااااااااااااااول اخر مرة واي شي بيكتبه ربيه لا اعتراض واكيد بيكون خييييييييره ) روضه: ويييين بتسير ثنوووي؟ ثاني: بسير العيييييين روضه: شو تسوي هاااا ؟ ثاني: بسير اشوف ربيعيه هناك روضه: دخيييييييييلك ثاني شلنيه ويااااااااك والله تولهت ع سلامي ثاني: حشااااااا من كم يوم شايفتنها انزيييين يلا زقري الميث جان بتسير الروحج ما بتسيرين روضه: اوهوووو انزين بسير اشوفها شكلها تاكل من هالكتب هههههههههه ثاني ركب سيارته وتم يتريا روضه وميثه الين ما ركبن وخلاف ساروا صوب العين فالعين الريم يالسه في المطبخ تسوي كيكه وترمس حموده حموده: بسسسس والله يالرييم ما قدرت ادق لج لا تميييين جي الريم: يعني ليش ما تتصليييين شو لو هب حرمة خوج خلاص ما بترمسينيه هزري انا بنت عمتج حموده: لا تمييييين جي الريم والله كنت مستحيه منج ومن قرااااار سالم والله تقفطت ارمسج الريم: اها ليش تتقفطين سالم ما غلط وهذا قراره وتبيين الصدق اخير حموده: شووووو؟ الريم: تبين الصدق انا ما كنت اباااه لانيه احبه شرات خويه والله يا حموووده انيه اعتبر سالم اخويه ونتي تدرين شقايل علاقتيه وياااااه سالم كان حاس انيه ماابغيه ولا شي عسب جذي الغا هالخطوبه حموده: بسسسسس انتي ليش وافقتي؟ الريم: اممم والله اميه غصبتنيه وما عطتنيه كلمة وخلاف انا اقتنعت لانه ما بيديه شي اسويييه حموده: تدريييييين انا الروحيه استغربت من قرار سالم والله كل الي فبيتنا استغربوا وقالوله انته تحبها كييييف هو يقولهن مالكم خصصصص بس امايه كانت الوحيده تقول صدقه شكلها امايه تعرف انج ما تبغينه الريم: امممممم حموده بخبرج سالم رمسنيه وقال تبينيه نا اول شي ما طعت ارمس هو تم يحلف عليه وخلاف قلتله عادي هو فهم انيه ما بغييييه حموده: اهااا انا اقوووول ليش اشوفه دوم مضاااايق والله الريم استغربت قلت كيف هو يحبج وجي ودرج وكل ما اساله يعصب منيه ويتم يزاااااااااعق تدرين الريم بخبرج شي سالم والله حالته ما تسر تدريين مرة شفته وعيونه حمر وهو راد من البيت ويوم تخبرته قلتله شفييييييك قال ما فيه شي انا تميت اساله هو عصب وزاعق فويهيه وقال انتي ما تفهميييين ما شي يعني سالم هب جي من متى الريم: لا تمييييييين تلوميبيه حموده والله ما يهوووون عليه سالم وانا ما بغي اظلمه ويايه اذا خذته ادري ما بحبه يا حموده الحب الي يستاهله والله يا حموده سالم غيييير ويحظها الي بتاخذه حموده: انزييييييين انتي الحين موافقه على هزااع؟ الريم: هيه موافقه عليه حموده: اهاا هذا خو فطااااااامي صح؟ الي عدالكم فبوظبي؟ الريم: هيه هووو حموده: اممممممممم انتي شو تسويييييييين الحين اسمع صوت صحون وماعرف شو؟ الريم: هيه اسوي كيييكه شفتي عاده ........ حمووووووووووده تعالي بيتنا والله ولهت عليج حتى فالجامعه استويتي ما تين ويايه اونه بطرانه تسيرين الروحج ولا اشوفج الا شوي يلا تعالي والله يان ما ييتي لزعل عليييييج حموده: منو الي بييبني الحين عندكم؟ الريم: امممممممم خلاص تعالي ويا الدريول والا ماحد ظاهر؟ حموده: ماعرف والله بشوفه اذا حد بيي وياه واذا محد ما بيي الريم: عكيييييفج هووو بتييين غصب شوفي اذا ماحد خبرينيه طرشيليه مسج وبطرش دريولنااا حموده: اوكي الريم سوت الكيكه وعدلتها وقصتها وحطتهاا فصحن وحطتهاا في الصاله ودق الجرس الريم: اوووووووف منو ياي الحيين بسير اتسبح حشاا ريحتيه امرة مطبخ ولا بعد لابسه بجامه بسرعه بسير فوق نانسي ناااااااااااااانسي تعالي نانسي: وت ريييم؟ الريم: شوفي بطلي الباب اذا يريد ماما قولي سير بيت جيران وانا بسير اتسبح وبيي انزين نانسي: اوكي وسارت الريم تسبحت وتلبست كندورة بو تيله عيناويه والدواير بيض وعدلت شعرهااا وتعطرت الريم: اوووووووف وييييين شيلتيه الي فيهاا عينااوي اكييييييد سلاموووه شلتهااا سلامي سلامي؟ سلامه: شو تبيييييييين؟ الريم: وين شيلتيه الي فيها عيناوي؟ سلامه: مادري دوريها زيين ويلا حدري قوم رويض عندنا هي وميثووه الريم: صدددددددق انزين ومنو يايبنهم؟ سلامه: ثاااااني يلا انقفضي الريم: اوكي حموده ما يت؟ سلامه: لا ما ظن اوكي الحييين بنزل بس اميه بعدها ما يت؟ سلامه: لا بعدهااا ف الصاله حموده توها داخله حموده: السلام علييييييييكم ووايهت البنات كلهم : وعليييييييكم السلام حموده استغربت يوم شافت ثاني( اووووووف هذا شيايبنه هني وليييييييييش الريم ما خبرتنيه انه هني اااااه والله انا ما صدقت انسااااااااه بعد هذا الي ناقصني اشوووفه شسوي اظهر والا اتم لالا شو اظهر فضيحه بس اااااه يا ثااااااني ليش تعذب قلبي في هواااااك على شو احبك انا اووووف منك شفييييك زوود اصلن انا شو الي جذبنيه فيك بسسسسس وااااااااايد تغير تغير احسه وايد اشيااااء تغيرت فيه يمكن لاني ما شفته من زمان اخر مرة يوم البر من عقبها ما شفته حموده فضيحه سلمي تخبري عن احوالهم شو ها واقفه من الصبح ) شحااالكم؟ كلهم: بخييييير ونعمه حموده: سلامي ويييييييييينها الرييييييم؟ سلامه: ف حجرتها الحين بتنزل حموده: اهاااا ثاني بابتسامه : انزيييين يلسي ليش واقفه ترا والله ماعض حموده: انزييين اكيد بيلس ( اونه ما عض شو يتحسب عمره هذاااااااا خقااااااااق ياوييييل حاليه ع ابتسامته تبون الصدق احلى شي فثاني والي دوم يجذبنيه فيه ابتسامته احسها احلى بتسامه شفتها فحياتي اصلن هو كله على بعضه حلو يمكن لاني احبه فعيوني حلووو بقولكم ادري بتستغربون مني ليش ما تغشااااااااا منه ولا من سيف لاني انا كنت واااااااااايد وياهم دوم معاهم يعني كنت دوم اسير ويا الريم بيت عمهااا من يوم انا صغيره وتعودت على ثاني وخوه سيف حتى يوم كبرت خلاص تميت سوالف وياهم بس هب شرات قبل بس سالم ما يعرررررف اني بعدني اسولف وياهم اصلن اي سوالف دووم يوم ايلس مع ثاني اضارب ويااااااه مستحييييل ما يستوي شي من بينااااا وسيف عادي ما بينا شي نادر ارمسه بس اناا يوم كبرت احس اني احب ثاني ويوم اشوفه احس بحساس غييييير بس هو عدييييييم احساس كله يتغزل بالريم عدالي ما عرف هو يقهرنيه والا بس هو جي ويوم يشوفني لازم يضاااارب ويايه لكن الحين صدق صدق تغير فكل شي الين الحين ماقل شي اوووووووف ليش جي يطالع شكله يبا يبدا بس هب لاقي شي اوووف بتذبحنيه نظراته حموده شفييييج تتنافضين هدي اعصابج الا ثاني شو الا ثاني هذا نبض قلبج وعرووقج والشرايييييين الي فجسمج اااااااااااااه يا ثاني ليت تبادلني الشعور من دون صد ولا غرووور) ثاني: شفيييييييييج انتي شعنه صاخه غريبه؟ حموده: كيفي ما يخصك انته لازم تضاااارب ما بترتااااااح يعني ثاني ( صدقها والله ليييييييش انا وايد احب اتحرش فيها واضارب وياها هي ما قالت شي ليش احسج تغيرتي يا حموده والله وحلويتي الجامعه هالكثر تغير امممممم ما دري بس ماقدر امسك عمريه لازم اضاربهااااا احب انرفها وعصببها احب اشوفها معصبه بسس ما دري ههههههه يوم قبل كنت ارمس الريم يعني اغازلهاا لو انها كلمة صعبه اقولهاا لانه هالشي الحين ما يعيبنيه بس كنت احس حمووده تحترررررق ما يعيبنها هالحركااااات وشوي بتصفعنيه وهالشي كان يعيبنيه انا واحب اشوفهاا محرقه والا يوم اتواقع وياها احلى شي بس شفيهاا غريبه ما قالت شي من الصبح صاخه والا ترمس سلامه ) ثاني: اممممم سلامه سلامه: هلا ثاني: اممج والا عميه ويييييين ؟ سلامه: ابويه ماعرف وين سار شكه المزرعه والا العزبه وزايد وياااه واميه بيت قوم ييرانااا الريم توهاا حادره من فوووق : السلام عليييييييكم مرحبااااااااااا الساااااااع كلهم : وعلييييييكم السلام مرحب باااااجي الريم وهي توايه حموده: شحاااااالج يا بنت خاليه القاطعه؟ حموده: بخييييير وسهاله ماشكي غير فرقاااااااااااااج ونتي وشحالج؟ الريم: والله انعش وانقز ع كراع يلسي استريحي ......... وصدت صوب ثاني: شحالك ثاني وشحال عميه وخالتيه؟ ثاني: بخير وسهاله كلهم يسلمون عليكم الريم: الله يسلمهم ها رويض والميث شحالكن؟ ميثه وروضه: تسرج الحال ثاني: اوووه مستويه عيناويه يا بنت العم الريم: هههههههه هيه من امبونيه ثاني: اويييييييييييه خسرتوااا مسكين حالكم خلاص الحين غيروااا ناديكم الريم:لا والله ما بنغيره عادي السنه اليايه بتشوفهم ثاني: والله ما عندكم سالفه تابعون هالمباريات حموده: انا احيد الشباب كله يتابعون المباريات ثاني ابتسم: عاده انا غييييير عن الشباب ما تابع هالاشياء انا شاااااااب غير عادي حموده: امحق شااااااااااب والله الريم وهي تحط الكلك ف الصحون تبا تعدل الجو : يلا ذوقو كيكتيه واذا هب حلوة جاملونيه ههههههه ثاني: لالا اكيييييد بتطلع حلوووووة حموده: انا عني ما بجااااااااامل لو هب حلوة بقووووول هب حلوة بس شكلها حلوة ثاني: حشاااااااااا فالويه الناس ما يسمونها مجامله ذووق بس شكلج ما تعرفين الذوق ( ماعرف ليش قلت هالشي بس الي اعرفه ابا اضاربها اباهاتعصب ابا اشووف ويهها معصب ادري بتقولون تكرهها بس انا ما كرهها عادي ماعرف شوشعوريه صوبهااا) حموده: الريامي سكتي ولد عمج ترا والله محشمتنه الريم: حشا انته وياها لازم ناقر ونقيره ما بترتاحون حموده: شفتينيه انا ما قلت شي هو بدااا ثاني: الله عجييييييييييييبه الكيكه بصراحه تسلم ايييييييدج الريم: الله يسلمك ها حموده شاالراي؟ حموده: لالا صدق هالمرة وياه حلوة وايد الريم: احم احم تسلمون وجاااان استحي حد يبا شي من المطبخ بسير اييب عصير ؟ كلهم: لا الريم سارت المطبخ وحطت الصينيه والاكواب ودخل ثاني الريم: ها ثاني شي تباااا؟ ثاني: هيه ابغي ماااي الريم: بسس ماي شي هناك فالصاله ثاني: صدق ما انتبهت انزيين الريم تبين الصدق ابغي ارمسج فموضووع وما لقيت احسن عن هالفرصه الي اكون فيها ويااااج الريم وهي تصب العصير ف الاكواب : امرنيه ثاني؟ ثاني: مايامر عليج عدو بس الريم وتبين الصدق الي ابغيه منج ترفضين هذا الي خطبج؟ الريم: شوووو؟( انا من متى اتريا هاليوم ايي وارفضه بعد ها الي قاصر) ثاني: شوفي الريم والله انا بعدنيه احبج وشارنج وابغييييج تكونين حرمتيه وحلاليه الريم انا تغييرت وايد والحين صدق جاد ومابغي العب والا شي انا من زمان احبج واباج دخيييييلج الريم وهذا اخر رجااا رفضيه وانا باخذج وبحطج فعيونيه لا كيف احطج ونتي اصلن عيونيه شو رايج الريم عطينيه رايج والله عقب هالمرة ما قولج شي لانيه حسيت وايد انذليت عشانج وعشان حبج ونتي كله تصدين عنيه وتجفيييين الريم: اممممم ثاني والله صدق كنت ما اقنااك بس الحين احسك صدق تغيرت بس يا ثاني ماقدر احبك ولا بحبك يعني مستحيل ارفض هزاع ثاني : امممممم انتي تحبيييييينه بعدج؟ الريم : شوو لا عادي ثاني : الريم انتي عبالج انيه ماعرف انه يحبج لالا فديت خشمج اعرف بس تدرييييين خلاص ما بترجاج مره ثانيه ولا بقول اي كلمه تضايقج والله يوفقج وياه لو انه هالشي هب من خاطريه بس ما اقدر اقول شي ثاني وبقولج شي ترا نفسي عزيزة وما بذلها مرررررة ثانيه مل يتمرغ فواديه في ثرررررراج يالريم مل خلاص............ وظهر عنهاااااااااا روضه: ثاااااني تعال شووووف.... وظهر ثاني معصب من البيت ميثه: شفيييييييه ثااااااني؟ حموده: ماعرف ( شفييييييييييه !!!!!!!!!!!!!!!!! والله توه عادي وسوالف حتى حسيته تغير ما قال حق الريم اي شي انا يوم شفته حدر المطبخ ورا الريييم قلت شي بيستوي شسااااااااالفه اول مرة اشوفه جذي معصب لا يكون شي قالتله الريم خله يستاااااااااهل ماحد قاله يتحرش بهاااا) الريم( والله وتغيرت يا ثاااااااااني اول مرة احسك غير وحتى وكلامك واسلوبك تغير من متى ثاني يقول نفسي عزيزة بس والله استانست هذا الي ابغيه والله يا ثاني الحين انته احسن والبنيه عمرها ما يعيبها الريال الضعيف ياما البنات يمووتن ع الريال الي ما يعطيها ويه وحتى لو عطاها ما يذل عمره ) وسارت الريم الصاله وحطت العصير ع الطاوله: وييين ثاني ؟ روضه: ظهر معصب ميثه: شقلتيله بعد؟ الريم: والله عادي ما قلتله شي بس مادري شفيه لالا تلقينه الحين معصب خلاف عادي شربن عصير ثاني فالسياره : والله يا نهيان اضايقت ماعررررف كنت ماسك عمريه بس يوم قالت هالرمسه عصبت وظهرت نهيان: شفيك انته خلاص المفروض تبينلها عادي وهب معصب لانك انته الي سالتهااا وهي قالتلك والله يوفقهاا ثاني الي ما يباك لا تصيح تبغيه ثاني: هيه والله صدقك المفرووض اكون وياها عادي وهب معصب عشان تعررررف انيه هب مضايق لانها بدت غيريه عليه نهيان: ولا تنسا الي خلقهاا خلق غيرهااا ثاني: صحح صح نهيان شو خلصن البنات و حتى لو احبها مستحييل اذل عمريه انزين يلا انا الحين فالعين مووول وين انته فستتار بكس نهيان: هيه عند الربع تعال بعرفك عليهم ثاني: يلا اوك ياي صوبك ### نفسي طابت منك يالجرح الكبير *** عافك قليبي حبيبي ما يباك ### ### البقا براسي وموت الحب خيـــر *** مل يتمرغ فوادي في ثرااك ### |
مشكوووووووور اخوييه ماقصرت ع هالبارت الروعه تسلم ايدك =) يعطيك الف عافيه ونتريا البارت اللي عقبه :66: |
| الساعة الآن 01:11 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir