|
:861::861::861: تسلمين اختي قطوة على ها الموضوع بصراحة ابدااااااااااااااااااااع وعيبتني القصة وتسلم يمناج ع ها الطرح الغااااااااوي ويعطيج الف عافية ونتريا يديدج تقبلي مروري اخوج قلب u.a.e :861::861::861: |
تسلم اخوي على المروور منور و مشكور على ها الرد الحلوو وان شاء الله مابطول عليكم و السموحه منكم قطوتكم قطوة دار الزين ... |
: الجزء الثامن : رد سيف من المسيد مخلص صلاة ومزنه كانت مخلصه ويالسه عند امها وام سيف اول ما شافت مزنه نازله تحت مسكتها ويلست تبزي فالبنتها ومزنه مبسوطه كل هالدلع عيل دوم بطيح عليهم سيف : هاا مزووون خلصتي ؟؟!!! مزنه : هييه من متى سيف : زيين عيل اميه نحن بنسير نتمشى عشان مزنه تشم هوى وتخف شوي من التعب ام سيف : يلا فديتكم بس لا تأخروا وسيف يأن خليت اختك يويلك مره حط عينك عليها لا يستويلها شي والله ان ستوالها شي بنتي يويلكم مني كلكم سيف : وانا مب ولدج اميه تراني غرت ألحين اسير اعق عمري من الكرفايه عشان الدلعيني كل هالدلع نغااار ام سيف : باسم لله عليك انا ولا انت روحي فداك مزنه : اميه ما سمعتي من وين بيعق عمره اونه من الكرفايه ام سيف : ادريبه سمعته ( اصلن ما سمعت ) مزنه : ههههههههههههههههههههه فديتج سيف : ههههههه يلا نسير وراحوا سيف ومزنه فالسياره مزنه ( فرحانه تبى تعرف وين مطلعنها ) : على وييين سيف : بعد وين يعني بنسير نحوط صوب الدكاكين مزنه : لا والله عيل قوم ردني البيت ما بالك سيف : هههههههههه لا لا امزح ويااج يالخبله عيل ألحين من صدقج بوديج الدكان انعدمن لماكن مزنه : عل بالي انا قلت ما يسويها اخوي سيف ( ناقع من الضحك ) : هيييه باين يوم نقزتي ذيج انقزه هههههه مزنه : هههههههه ( بدلع ) حراااام سيف : طولي عمرج بنسير صوب ال ..... ال مزنه : قول سيف : ا...... ا .... مزنه : سيييييف سيف : قل اعوذ برب الفلق مب حلج فيج سماعات تكبير صوووت ههههه مزنه : احلا عن صوتك فدييييت صوتي سيف : اووونه ما تقول ألا عبدالله بالخير مزنه : مالت وووع ....انزين اقووول سواااف حبيبي وين بتوديني ترى بيذبحني الفضول والله سيف : باسم عليج ... بنسيييير لمبزره مزنه : ومن متى آخر شي تقولي لمبزره سيف : بطراانه بنت عبدالله ألحين المبزره مب تارسه عينج مزنه : من حقي سيف : كح كح كحواااا مزنه : باسم الله عليك سواااف سيف : عييوووونه مزنه : تسلملي عيونك من هالمكيف جبله علي مخلنه ضارب فالويهك سيف : وبعدين انتي تزجمين لا مافيه على طفرة اميه يوم بتزجمين مزنه : هههههه فديتها انا .... ..... وصلوا لمبزره ..... مزنه : سيييف المكان زحمه وين باخذ نفس اصلن عشان اشم الهوى سيف : اوكيه عيل بنسير الحديقة اللي من وين النافوره مزنه : احسن وراحوا صوب الحديقة وكانت شوي زحمه بس اهون عن بره نزلت مزنه من السياره وطبعاً ما كانت متغشيه للأنها ما تحب الغشوه وسيف يعصب عالشان هالشي بس ما يروم للأن ابوها عادي عنده وما يطيع لأنه يموت فيها ومبزنها من يوم هيه صغيره حتى كان يقول لربعه يسموه ابومزنه بدل ميسمونه ابو سيف بس ألحين للأنها كبرت يسمونه ابوسيف المهم اول ما دشوا الحديقة مزنه فجت ثمها مزنه : حشى سيف : شوفيج مزنه : الله يقطع خشوم هالزلمات ماخلوا مكان ألا احتلوه والخيبتين سيف : بس بس فضحتينا مزنه : محد يسمعنا وبعد يمكن واحد من الزلمات منخش عند هالشيره غجرررر سيف : ايييه بتسكتي ولا ألحين انا اسكتج مزنه : شوه بنتم ساكتين طول الوقت عيل احسن انرد سيف : يوم بحصل مكان فاضي تكلمي يأم لسانين واحد يباله قص مزنه :ههههههه اوكييه بسكت خلاص سيف : لمصلحتج ومشوا يدورون مكان يلسون فيه وهم وخاطفين كان حمد ولدعم مزنه اللي يموت فيها خاطف هو وربعه طالعين بره حمد اكبر عن مزنه بسنتين ويمووووت عليها يوم يشوفها يدق قلبه بسرعه ولا يعرف شو يسوي بس هو ماشاء الله عليه مزيووون مزنه شافته مزنه : يحسره شوف من ياي صوبنا ياهي بلشة ابتلشنابها شو يايبنه سيف : سكتي سكتي لا يسمعج الريال مزنه : حشى ألا يسكتني هذا ثاني ويسمع انا شو علي سيف : بس مزنه : من عيوني ( يوم شافت اخوها مطنقر منها ) حمد اول ما شافها قال لربيعه : آاااااااااه القلب مطر اعز ربيع لحمد ومخبرنه عن مزنه ومطر يعرف ان حمد يموووت فيها مطر : شو فيك أي قلب حمد : اللي جدامي .... مطر : اهاااا حمد : حول ضاربنك ما تشوف سيفوه جدامنا مطر : شفت شفت حمد : انتي تسريبي في شراييني ودمي ... صورتج صارت حقيقة تنطق بعيني اشوفها لو فقدت التشوف ... بج معمى .. ابعادها في زوايا الروح تحويني .. مكتوب احيا جرح في غربتج .. بدمي غريب في غيبتج والكون ينفيني ... مطر : سلمت الشاعر حمد : الله يسلمك ... اييه انا بسير اسلم مطر : شوي شوي لا يطيح قلبك حمد : لا ماعليه يطيح بس يطيح فاليدينها مطر : يوييييلي حمد : يلا انا بسير وسار حمد صوب قوم سيف ومزنه ومطر يلس يتنقا فالزلمات حمد : مرحبااااااا ملااااييييين ولا يسدن سيف : مرحبا بك زوووود حمد : اخبارهم سيف : حمدلله حمد : اخبار شوابنا وعيايزنا سيف : حمدلله كلهم بخير حمد : اخبار المزاييين ( يقصد مزنه ) مزنه ( ومستحيه ) : بخير ربي يسلمك حمد : يويلي عالمستحا مزنه : لا لا ما ستحي استريح حمد : لا مشكوره مافيه ايلس بتخيس كندورتيه مزنه : ها ... ها .... ها تافه حمد : افاااا سيف : بسكم من حركات اليهال ... اقول بو شهاب حمد : لبييييه سيف : لبتك حايه منوه هذا الريال اللي عندك حمد : ماعرفته !! سيف : لا والله ماعرفته منوه ..؟! حمد : هذا بو غيث صمندوقي ( يعني ربيعي ) سيف : هييييه انزين ليش ما يي يسلم حمد : انا قايله يستريح مكانه وين يبا هنيه مزنه سيف : انزين مب حلوه انا بسير اسلم عليه اتريا هنيه انت ومزنووه حمد : من عيوني مزنه تأشر لسيف انها بتذبحه سيف: هههههههه استحملي حمد : تستحملي شوه مزنه : لا ماشي سلامتك حمد : علومج المزن مزنه : اسمي مزنه حمد : صدق والله بنت منوه انتي مزنه : تااافه حمد : افااا ماترضينها عاولد العم مزنه : ارضاها وزود يوم انه ما بيحترم عمره ولد العم حمد : آسفييين الشيخه حقج علي لا تزعلين كله ولا زعلج تزعل كل الدنيا ألا انتي مزنه : ليش انا عالراسي ريشه حمد : هييييه ..هاذيه اكيييييييد مصبحه بالدياي حليليهن مسوتلهن كابووس ما يرقدن الليل منج ومن عيونج مزنه : هههههه ( بدلع ) حليلي شفيهن عيوني حمد : فدييييته.... لا بس اقول بيتخبلن من حلاتهن ومابيرقدن مزنه : خااايس .. حمد : لابان برهان الغلا من يساويك .. نجمك طلع ونجوم غيرك تهاوت .. ولو شفت مثلي يعزك ويغليك ... اصرخ واقووول ان الأصابع تساوت .... مزنه مااااتت من المستحى وتخطف تربع صوب الحمام حمد : حووووو وين سايره مزنه : بروح الحمام حمد : يويل قلبي ... ايي عندج ؟؟ مزنه : لا مشكور ادريبك ماتقصر حمد : إذا بغيتي أي شي ترى اترياج عند الباب ويي سيف صوبهم حمد فالخاطره يااااويلييي رحت فيهااا جان سمعني .. سيف : شعندكم مب شنكم عدال خلق حمد : هاذيل خلق هاذيلا خَلَقَ اللي ينظفوبهن الحمامات سيف : بس بس تقوا يهال والله مايبالكم ألا خيزرانه حمد : افااا مايطيع زينك يولد عبدالله سيف : ألا يطيع حمد : ماهقيتها سيف : سير سير اجلب ويهك عند ربيعك يترياك حمد : اعتبرها طرده سيف : يابوي اعتبرها اللي تعتبرها اجلب ويهك حمد : احسلي احتفظ بالكرامه الباقيه وسار حمد عند مطر وسيف سار صوب حمامات السيدات وهو رايح صوبه شاف مزنه طالعه وعندها بنت يالسات يلعلعن مع بعض وسيف يطالع مزنه يباها تفهم انه يباها اتيي ومستحي من البنت عشان جيه نزل راسه فهمت مزنه عشان جيه سلمت عالبنت وراحت صوب سيف سيف : وييينج خاطفه تلعلعين عند البنيه من تشوفين بنت صدتيها ويلستي تلعلعين وياها جنكن ربايع من يوم صغار مزنه : لا حليلي هالمره هييي اللي صادتني ...يوم كنت يالسه ابى اشغل الماي وثره الولف خربان اللي عندي وانا ماعرف الخربان من الصاحي للأنهن يداد هالولوف اصلن ماعرف اشغلهن يلست اخاسي ليين ماشتغل الماي وانرش كله فالويهي .. سيف : ههههههههههه تستاهلي مزنه : اضحك توها هالبنت شابعه ضحك علي وألحين انته يوم شافت الماي يلست تضحك عقب يوم اتفيجت عطتني كلينكس وخزت الماي ويلسنا انسولف سيف ( ناقع ضحك ) : احسن مزنه : حرراااام سيف : فالدرام هههههههه حمد كان يالس يوايج على مزنه من بعيد ومطر مطفربه يبا يسير وحمد مب طايع قال: اليوم مابسير لين مامزنه تسير بطلع وراها انا ماصدقت على الله اشوفها آااااه قلبي يعورني إذا طرفي معا طرفه تقابل تصيب الجسم رعشاتاً قوية تهددني وانا بالموت قابل اموت فالتظرتك والروح حيااا مطر : عاااااشواا عالحب مانروم حمد : تجب تجب آااااه يامطر لو تعرف شكثر احب هالانسانه شخصيتها وايد ذابحتني وعيونها اكثر آآآه يوووويل قلبي عليج .... فالبيت قوم راشد .... كانت الساعه 9 الصبح الكل لاهي بشغله وراشد طبعاً كان برى البيت اصلن هو ماييلس فالبيت ايي يرقد ويروح ... .....صح راشد في امس يوم قاله ابوه رد البيت ولا رد رد متأخر ولقى ابوه راقدنها العافيه فالصبح يوم سأله ابوسهيل ليش ما ييت قال انا يوم ييت لقيتك راقد انت ماترييتني المهم الشي اللي كان يبى يقوله عنه هو عشان عزيمة سعيد ولد خالته موزه اللي بتكون اليوم الظهر ... سهيل كان فالحجرته ويفكر بقلبه ( نوره ) آااااااه يانوره ليش تعذبيني ليش ماتحسين فالقلبي اللي يحبج واللي فاللحظة مانساج ولا بينساج ليش انتي ماتوافقين وتسكتي رغبة قلبي ليضم قلبج لييييش ؟؟!! .... شوي واذن الآذان يوم سمعه سهيل قام يصلي وعقب اتكشخ ذيج الكشخه استوى شيخ الرياييل اصلن سهيل جسمه روعة واايد حلوو ... ام سهيل يلست ادقدق تلفونات عشان راشد وسعيد عشان تخبرهم يروحو يصلو عقب لبيت خالتهم سعيد مررره مارد البيت الفليل سهران وياربعه وكان وايد تعبان يبا ينام لكن امه ماخلته قالتله إذا ماسرت بخبر عليك ابوك فالطبعاً قال خلاص وراح عقب ماخلص صلاة راشد البيت عقب مادقتله امه وراح يتسبح ويتكشخ للأن البيت بيكون متروس بنات فالعشان يطيحهن وحده وحده لبس كندوره نيليه وسفره بيضه طالع عليه ينن اما سهيل فالكان لابس كندوره بنيه وسفره بني اغمج عن الكندوره وكان طالع احلا عن راشد للأن رايح يشوف حبيبة القلب ( نوره ) .. راشد : يويلي يويلي مانروووم اخاف البنات اللي هناك يكنسلن كرتي ويفترن صوبك سهيل : عيييب استحى على ويهك هاذيل بنات خالتك ترمس عنهن جيه مب وحده من اللي ترمسهن .. راشد : انزين اعرف مايحتاي وبعدين انا ماقلت شي غلط سهيل : الله يهديك راشد : يهدي الجميع من عقب هالرد اللي رده سهيل لراشد عصب راشد وراح عنه بيت خالته موزه يوم توه يبى يدخل يشوف النعلان متروس نعلان بنات يحظي ودخل يسلم راشد : السلام عليكم الجميع : وعليكم السلام طبعاُ بنات خالته مايستحن منه يتحجبن ويلسن يسولفن وياه اما يوم ايي سهيل كلهن يقومن يترابعن داخل من الخوف .. راشد لخالته : اخبارج العيوز خالته موزه : عيز حيلك انا عيوز انا شباب توني فالربعين الكل نقع ضحك راشد : جيه اللي فالربعين مب عيوز خالته موزه : بس بس عن الفضايح راشد : هههههههه فديتج خالوه سوالف ولا الصدق انتي اصغر عني خالته موزه : هذا الكلام اللي يفرح راشد : علومج ؟؟ خالته موزه : حمدلله بخير ربي يسلمك .. عيل سهيل وين ما شفته بونه هو اللي ايي وانت وسعيد ماتيون ألا آخر الناس راشد : الله يسامحج خالوه .. سهيل ألحين بيي احيده وراي ... راشد ويصد صوب البنات راشد : شحالكن بنات كل البنات : بخييير راشد : عواااش عائشه بنت خالته موزه تمووووت عليه تخبل يوم تشوفه عائشه : عونه راشد : وييين نوره عائشة كانت تحسبه بيقولها شي ( معصبه ) : ماااعرف راشد : انزين انتي اخبارج عائشة : حمدلله بخيير راشد : عيل انا بخير مدامج بخير ( محد سؤلك ) .. عائشه استحت .. اصلن راشد عادي عنده لا انه يحبها ولا شي بس سوالف اتضحكه يوم تستحي عائشه : انته علومك راشد : حمدلله لطوف خت عائشه واصغر عن عائشه بثلاث سنين لطيفة : بس عاد انتوا الاثنين افففف طفره عائشه : ما يخصج الدبه لطيفه : ألحين انا الدبه يالتنكر استحت عائشه يوم قالتلها التنكر جدام راشد وراشد ضحك عالشكل عائشة عقب سكت عنهن وراح صوب الميلس يوم توه طلع نزلت نوره ودخل سهيل فالنفس الوقت سهيل : هوووود واول مادخل طاحت عينه فالعين نوره اللي ماتت من المستحي يوم شافته وكانت يايه تربع يوم شافته تغشت وردت تربع ( رياضه من الصبح ) .. كان شكلها يضحك وسهيل من شافها وهو فالعالم ثاني دقات قلبه مارام انه يوقفهن وهي بعد كان وايد كشخه واللون البني مطلعنه احلا من راحت فوق وهي الثانيه فالعالم ثاني بعد ... خالته موزه : هدى هدى اتغشن البنات اول ماشافنه وربعن داخل ألا لطيفة للأنها صغيرة يعني عادي وبعدين هي اتحب سهيل للأنه وايد طيب عندها سهيل : خبارج خالوه خالته موزه : حمدلله بخير والله توني اسئل راشد عنك سهيل : سئلت عنج العافية خالته موزه : اخبار العزبه سهيل : نفس ماهي لطيفة كان وايد عايبتنها كندورة سهيل وطالعها من الصبح لطيفة : سهييل كندورتك وايد حلووووة سهيل : عيونج الحلوه .. واااصله لطيفه : لا والله يوم بتلبس فستان وكندورة بنات قول واصله لطيفة عيونها نفس اعيون نوره عشان جيه سهيل يلس وايد يطالع لطيفة اللي كانت ماتعرف ليش هالنظرات ؟ سهيل : عيل وين البنات وكانت عائشه يالسة عند الدري اتسمع شو يقول للأنها كانت تعرف انه يبى نوره خالته موزه : توهن من ييت خطفن يتراكظن فوق جنهن قطيع بوووش سهيل : لا خالوه مارضى عالخواتي عائشه فالخاطرها قول ماترضى على حبيبة القلب يالأدب وهي تعايب عليه ..خواتي سهيل : عيل برايهن سلمي عليهن خالوه انا بترخص بسير صوب الرياييل خالته موزه : الله يحفظك سهيل : يلا مع السلامه وراح سهيل عند الريال وهو من طلع وهو يتذكر شكل نوره يوم يايه تربع من فوق ومن شافته ردت مره ثانيه تربع فوق آااااه ياسهيل كيف مخبلتبك هالانسانه ..والله احبها ومستعد اني اترياها لييين آخر لحظة فالحياتي .. نروح لمزنه : كانت فالبيت عمها سالم اللي هو ابو عائشه بنت عم مزنه وطبعاً كانن ميتات من الفرحه للأن النت عند قوم مزنه مقطوع للأن مزنه تستحي تقول لبوها ومزنه من زمان مافتحت ايميلها عشان جيه من اول مايت على طول ربعت للاب مال عائشه .. عائشه : حشى وانا اتحسب هالفرحه لشوفتي مزنه : اهاااا صدق عائشه : هيه وانتي شو رايج مزنه وهي تشغل اللاب : خلاص عووشي بس بيلس ارمس ربايعي شوي وبييج اوكيه يلا ألحين فارجي عائشه : حزن مزنه : هههههه انزين تعالي ييبي كرسي ويلسي عدالي عائشه : جيه اللاب مالي مب مالج مزنه : ألا لاب لاتاكليني لا ألحين اسير اخبر حمد عليج ويشله ويكسره فالراسج عائشه : تخسي مزنه : ههههههههههههه سيري ييبي كرسي مزنه فتحت المسن كتبت ايميلها وطبعاً عائشه تعرف الرقم السري مال مزنه ومزنه تعرف الرقم السري لعائشه مزنه للأن ربايع عائشه هن ربايع مزنه وربايع مزنه نصهن ربايع عائشه .. دخلت مزنه الايميل وتحصل سبع رسايل وكانت نعيمه ربيعة عائشه متصله مزنه : حزن انتي من متى مادخلتي ايميلي عائشه : من اسبوع لا مالج ولا مالي مزنه : صبربشوف الرسايل يمكن شويخ مطرشتلي رساله عائشه : من شويخ مزنه : اللي من ابوطبي عائشه : هيييه انزين كلمي نعوووم مزنه : مابا طفره بعدين هي مارمستني يوم ترمسني برمسها ألا نعوم مطرشه لمزنه نعيمه : هلااااا والله مزنه : ياهي بلشه صبر اول بشوف الرسايل عقب برد عليها وطرش نعيمه : هلااا مزون شحالج مزنه : انا مب مزون اسمي مزنه ولا برد عليها ليش قالت مزون عائشه : بطرانه انزين قومي انا برمسها مزنه : لا والله عشان تيلسن ساعه تسولفن سوالف نعيمه مايخلصن عائشه : برااايها مزنه : جلبي ويهج ولا بترمسينها فالهوقت دخلت شيخه .. شيخه سالم مب اللي من ابوظبي عائشه : صح يايه اقولج منوه هاي مرره دخلت وتوني برمسها زقرتني اميه وسرت عنها ..؟؟!! مزنه( وهي مرتبكه ومتوتره ولا عارفه شو تقول تخاف شيخه تقول شي غلط ) : هااي وحده كنت مهازبتنها امس ونسيت لاقولج تسويلها دلييت .. وراحت مزنه وعلى طول سوتلها دليت عائشه : على شو متهازبات مزنه ( واايد مرتبكه وهالشي كان واضح عليها ولا عارفه شو تقول ولاتبا تجذب على عائشه للأنها ماكد جذبت عليها ) : ااااه لا ماشي بس هي سبت آمنه اربيعتيه وانا مارمت اسكت وانا اصلن كنت اباها من الله تغلط عشان افتك منها للأنها ماتعيبني عائشه : حليييل البنت وشو سويتلها مزنه : بس هزبناها ورحنا عنها عائشه : يحيكن والله مزنه من الخوف : انزين اقول قومي انسير نطرش قشرى على قولة اميه من الدكان عائشه : هيه والله صدقج بس انا مابا قشرى من الدكان ابى الزباله اللي من الكافتيريا على قولة اميه ههههههه مزنه : ههههههههه مالت عليج عائشه : على ويهج مزنه : تجب تجب يالسباله عائشه : محد غييرج يالقرده مزنه : ههههههه لاوالله خطفي خطفي جدامي السباله .. وراحن يتعشن وسولف وضحك عند الأهل وكانوا كلهم متولفين اللي فالعمره ماضحك بيضحك يوم ييلس عند عمومتة يذبحون الواحد من الضحك ... على فكره مزنه اغلى واحلى واعز شي عندها فالهدنيا هم اهلها اللي من دونهم مالدنيا طعم كل واحد اغلى عن ثاني عندها وتموووووت على يدتها هي تسميها اميه عويش هي اسمها عائشه بس للأنها عيوز يسمونها عويش ... المهم اتعشوا وضحكوا وعقب راحوا الرياييل الميلس يكملون الرمسه والحريم يلسن اروحهن فالصوب والبنات فالصوب ويلسن يسولفن ويحشن فالناس لازم هالشي عند الحريم بيموتن إذا ماتكلمن عن حد وسبنه سب الله يعين اللي يتكلمن عنه ... البنات اللي دوم مع بعض هن عائشه ومزنه واسوم(اسماء) خت عائشه العوده وعمتهن سوسو ( سلامه ) دووم هاذيل مع بعض عمتهن ماشاء الله عليها طالعه على خوانها تذبح الواحد من الضحك صح ان في شوي مساخه .... ممممم مب شوي بس تنقع من الضحك عقب ماخلصن سوالف راحن يصلن عقب ردن يسولفن .... %شو بيستوي بين مزنه وشيخه فالمدرسه ؟؟!! %ممكن ان نوره تغير رايها وتوافق على سهيل ؟؟!! الجزء التاسع : عند راشد : كان راشد فالحجرته يالس على اللاب وفاتح ايميله ويقردن البنات كل شوي يفتح عند وحده يقولها ماحب غيرج ويفتح عند الثانيه ويقولها بموت من دونج وهاذي حالته ... سهيل كان عند فالحجره يالس يعدل سفرته سهيل مايعرف للكمبيوتر عشان جيه يالس من الصبح يشوف راشد شو يالس يعابل وهو مب فاهم السالفه مثل الأطرش فالزفه يالس مبهت ويطالع وراشد مضيج للأنه ماياخذ راحته وسهيل لازق عالشاشه ويبا يفهم شو السالفه بس لو ييلس من الصبح لييين باجر مابيفهم سهيل : ألحين انت مابتخبرني شو تسوي فالهكلمبيوتر من الصبح راشد : لا مابخبرك سهيل : اصلن من يبالك انت روحك ماتعرف ألا تفلسف علي اونك تعرفله راشد : هيييييه ماعرفله ولا بخبر ك سهيل : انزين تراني ادريبك ماتعرفله خلاص فهمنا راشد : عيل انا من الصبح شو اسوي إذا ماعرفله سهيل : اونك جدامي يالس تفصفص فالهفصوص ولا انت ماتعرف شي راشد : تراااك طفره ياريال ماتخلي الواحد عالراحته قوووم اجلب ويهك سهيل : ماتستحي على ويهك يالخام طلعني قوم قوم بند هالشي وخلينا نسير العزبه راشد : انا مابسير انت برايك سير سهيل : لا والله عيل والله ماروح وانت مب رايح ويسير ويضغط فص التبنيد ويبند اللاب وراشد توه يبا يطرش لوحده انه يحبها وكان من الصبح يقردنها كانت جاهزة راشد : يالسبااااااااال سهيل : بتنش ولا شو راشد : يا ريال ايلس مكانك مافينا نروح ألحين الساعه عشر خلنا باجر بنروح سهيل : قوم قوم ماشي باجر ألحين ناقة مريم غزيله مريضه بوديلها دواها راشد : واقول ليش نم الصبح الكشخه وتعديل السفره هذا كله عشان لغزيل ههههههههههه سهيل : ههههههههههههه الله ياخذك ... راشد : اعترف سرعه من ورانا ... سهيل : بتروح ولا لاء راشد : توك تشاورني عيل انا من الصبح شو اقول سهيل : بترياك فالسياره راشد : مب احسن تسيرلها اروحك عشان ماكون رزه سهيل : الله ياخذ هالويه اترياك فالسياره وتكلم برويك راشد : يلا ورااك .... وراحوا هو وسهيل العزبه عشان الناقه تاخذ دواها وردوا عالساعه 11 ونص وزين انه ماستوت جريمه قتل راشد من اول ماطلعوا من العزبه وهو يتمسخرعلى سهيل وسهيل واصله حده لو ماوصلوا البيت سرعه كان وده يزخ راشد ويحطه تحت السياره ويمشي عليه لين مايموت للأن سهيل وااايد عصبي ومايحب هالسوالف وراشد واااايد بااارد ويشوف انه سهيل معصب ولا همه.... باااااااارد حمدالله يوم وصلوا البيت بالسلامه ..... نروح لمزنه : من عقب ماخلصن سوالف راحن عائشه ومزنه ايلسن على اللاب وكانن مطرشات الدكان بطاطس عمان وفلفل وعصير ميلكو بالبرتقال مااااال اول .... اول مافتحت مزنه كانت ريم معجبت مزنه داشه ومزنه طارت من الفرحه وقالت لعائشه تروح عشان تكلمها عالراحتها لاكن عائشه اكييييييييييد انها ماطاعت ... مزنه : انزين بقولها انج انتي عندي عائشه : والله ان قلتيلها اني عندج بسير اقول حق الدكان يرد اللي مطرشينه مزنه : لااا دخيلج .. خلااااااص بخليج بس والله وتضحكين بتقومي وبتجلبي ويهج اوكييييييييه عائشه : اوكيشناااات مزنه : شووو اكتبلها عائشه : لزي انا بكتب مزنه : لاااا تشوفني خبليت انا بكتب مزنه تكتب : هلااااا والله ملااييين ريم اول ماشافت مزنه تكلمها على طوول ردت عليها ريم : هلااا والله نور المسن مزنه : بووجودج ريم : تسلمين مزنه : شحالج شخبارج علومج عائشه : شوي شوي عالبنت شياج ولفتيهن كلهن مزنه : عشان اخلص سرعه من السلام عائشه : ألحين اكيييييييد البنت ميته من الضحك علييج وعلى خبالج مزنه : كيييييفي جان ترد ريم تكتب ريم : شوي شوي علي ... الحمدلله انا بخيييير دام بخيير انتي خبارج مزنه : الله يعافيج حمدلله بخيير دامني اكلمج ريم : مزنوووه مزنه : عيووون مزنوووه عائشه : يوييييلي ريم : ممكن طلب مزنه : طلبات مب طلب آاااامري ريم : بخليج ثوااااني وبرجع اوكييييييييه عائشه : قفطه مزنه : تجب انتي الثانيه ... مزنه تكتب لرييم : خذي راحتج بس لا تأخرين علي اوكيييييييه ريم : ثواااني وطلعت ريم من المسن ويلست مزنه اتريا بس ريم ماردت وذيج الساع مزنه خلااااص معصبه ليش ماردت وهي قالت ثواني ومزنه ماتحب هالرحكات يعني لو مابتردين ليش تقولي انج بتردين افففف عائشه : يحليلج بسج قومي نسير الحجره نسولف مابترد مزنه : مااابا بنيلس هنيييه نسولف عائشه : عالراحتج فالهوقت كان حمد طالع فوق ومزنه وعائشه مندمجات فالسوالف يوم ركب فوق كانت مزنه عاطنه ظهرها وعائشه شافته بس هو سوى حركه لعائشه معناها لا تقولي اني ييت ومزنه يحافظ عليها مندمجه فالسوالف ولاحست فييه حمد وقف ورى مزنه مباشرةً : احم احم مزنه وتصد صوبه : باسم الله الرحمن الرحيم حمد : شايفه يني مزنه : يمكن .. انت من وين ييت حمد : من الفضاء .. يعني من وين ييت من تحت مزنه : ها ها ها هو ينشك انك من الفضاء حمد : شوو قصدج مزنه : سلامتك حمد انزين شحالج مزنه(بروده) : بخيير حمد : انزين ليش جيه تقولينها مزنه : كيف يعني تراني قلت بخيير بعد الناس يقولنها غيير حمد : هييييه مزنه : اجلب ويهك حمد : فالبيتي وبعد اطرديني مزنه : والله بيت عمي انا بعد حمد : انتي هالبيت اروحه مايسواج هااي الشعبيه كامله ماتسواج بعد شو تبين مزنه : اعرف مايحتاي تخبرني حمد : فديييت اللي يبطروون علينا ويرفعون هالخشم الطويل عائشه : بس بس من لمغازل لا بعد جدامي انتوا ماتحشمون مزنه : ايييه انتي أي مغازل حمدلله لاغازلت ولاهم يحزنون هذا اخوج حمد : شو اسوي إذا انا احب هالمخلوقه مب انا الغلطان قلبي هو اللي اختارها وحبها عائشه : يووويلي على اخوي الرمنسي حمد : مشكوره عواش مزنه : لاوالله على شو مشكوره حمد : على الحب والتقدير من ختيه العزيزه فديت روحها مزنه : اوووونه انزين حمد سير شوي ابى اقول لعائشه شو تسويلي فالتقرير عائشه : ايييييييه انتي أي تقرير ومن قال اني بسويلج حمد : بتسوينه وانتي عائشه ولا والله ماتشوفين هلاب عائشه : اففففففف معليج انتي الثانيه مزنه : هههههههههه من قدي حمد : يلا فديتج انا بسير اتسبح وانتي تجهزي بنسير انا وانتي نحوط مزنه : ادله الحمام وسار حمد وهو ميييت يوم انه شاف مزنه وقلبه يناقز فوق تحت .. عائشه : والله ماسويلج التقرير مزنه : حشى ماواحى ألحين بزقره حقج عائشه : لا خلاص بسويلج شو اسوي مزنه : هههههههههه امزح وياااج اصلن انا مابا تقرير بس عشان يروح عائشه : حمدلله ... انزين خلينا نسير إذا صدق بيحوطنا مزنه : وانتي من صدقج بيشلنا انا وانتي هو يبا يشلني انا ولا بيطيع يشلج عندي يالغبيه عائشه : انزين يربيه مزنه : وانتي وين تبين ألحين تسيرين الساعه 12 وشي وبعدين انا ماصدقت على الله يروح عائشه : حراااام عليج انتي ليش ماتحبينه مزنه : انا مب اني مااحبه ولا اني احبه عادي بس هو واااايد رزه وملقوووف وفيه وايد حركات مشيناتبه بس هو ماشاء الله مزيون مااقدر اجذب واقول لاء بس مافيه هيبه نفس الرياييل وشوفي كيف انا اكلمه كأنه واحد من اللي يشتغلون عندي وهو عادي عنده مب كأنه ريال لازم انا اخاف منه مب العكس عائشه : انزين هذا كله ترى بس جدامج من كثر مايحبج ولا لو تشوفينه يوم انتي محد محد يرووم يرمسه ألا بياكله ولا يسولف ولا ييلس ويانا مررره غير مزنه : يعني فيه ويهين جدامي غير من وراي غير انا ألحين اكتشفت شي ثاني فيه عائشه : افففف منج اقولج من كثر مايحبج يتغير عنده الحمض النوووي فاليستوي شخص ثاني مزنه : ههههههههههه هههههههههه من هالضحكه طلع يربع حمد من حجرته حمد : سمعت هالضحكه ولا رمت اتحمل ايلس من دون مايي واشوفها بعيوني مزنه : ردييينا حمد : لاخلاااص برد بس لاتضحكيين شو اسوي مااقدراتحمل عائشه :ههههههههه حليلك .. حمد : هيه والله حليلي احب انا مسكين وابى حد يعطف علي بحبه ويحبني نفس مااحبه مزنه : بتبطي إذا انا بحبك حمد ( معصب ) : انا بسير مزنه ( بصوت واطي ) : فكه عائشه تضربها بأيدها : حرااام حمد سار يتسبح وهو معصب على مزنه هيه صدق ماتحبني .....ولا بطره نفس كاليوم ماتبى تعترف انها تحبني ..... ولا يمكن تستحي آاااااه يامزنه ليش تسوين فيني جيه انا شو سويتلج ماردلج طلب ودوم افكر فيج ولا افكر بغيرج وانتي ..... انتي احس ماتفكرين فيه ولا حتى لو ثواني بس ليش انا شو سويت ..... يالله يارب تكوني من نصيبي واتحبيني نفس مااحبج انشاءالله فالهلحظه مزنه ولا على البال ولا فكرت بأنها زعلته ولا ضايجتبه معنه كان باين على ويه يوم قالتله بتبطي بس هي مافكرت بالهشي للأنه دوم تقوله جيه ولا يزعل صح ان اول مرره تقوله كلمه بمعنى انها مابتحبه ولو بعد ميت سنه بس ترى كله واحد عند مزنه ويلسن يسولفن وريم مادخلت المسن ومزنه وااايد معصبه وقالت انا ارويها فالمدرسه إذا ماخليتها عائشه : الله يعينها بس للأنها قالت بترد ولاردت بتودرينها مزنه : هيييه انا ماحب هالحركات والله لخليها تندم عالحظه اللي قالتلي فيها ثواني وبرد انا برويها دواها عندي فالمدرسه ... عائشه : حشى ثرج عووووفه مزنه : هيييه ( بالدلع ) برااااااايني وفالهلحظه طلع حمد من حجرته ومزنه وعائشه صخن يترينه يقول شي نفس كاليوم لكنه سكت ولا طالع لا مزنه ولا عائشه خطف عنهن ولا كأنهن موجودات وهن من الصدمه سكتن ويلسن يطالعنه ويقولن فالخاطرهن ألحين بيتكلم لكنه ماتكلم ونزل تحت وهو فالخاطره يتذكر يوم قالت برااايني بكل دلع فديييييييته انا يعلني ماخلى منها ولا نحرم منها هالبنت اللي غيرتني ولين ألحين وهيه كاليوم تخبلبي اكثر ماقدر اكون عندها فالنفس المكان وانا اعرف انها هي ماتحبني احسن اسير وراح مبزره ويلس فالمكان محد فيه ويلس يفكر فالمزنه هي تحبني ولا لاء لازم اعرف بس كيف وإذا ماتحبني بتحبني وفهلحظه دق مطر لحمد شاف الرقم ورد عليه ... مطر : مرحبا الساع بالشيووخ حمد (بحزن ) : هلااا مطر : شوفيه الشيخ حمد : مافيه شي بس تعبان وضايج خلقه وعايف الدنيا واللي فيها ويبا يفتك منها مطر : خييييبه كل هذا ولا فيك شي !!! قول من اللي مسولك كل هذا حمد : من بيكون عني شاغل بالي فالهدنيا كثرها مطر : اهاااا عوارض الحب بدن يطلعن انزين انته وين انا طبيب وبعالجك حمد : ههههههههههههه الله ياخذك مطر : شفيك قولي وين انت بخفف عنك شوي حمد : وين يعني نفس كاليوم مطر فهم وين للأنه يعرف حمد كل مايضيق خلقه راح لمبزره مطر : عيل ثواني وياينك حمد : اوكيييه باي .. نروح لراشد : كان يتسبح للأنه راد منالعزبه وتلفونه احترق من كثر ميدق وهو يسمعه بس مب متفيج يرد عليه عايبنه الماي الحاااار فالحظه اللي رد تلفونه يدق مرره ثانيه كان سهيل داخل حجرت راشد عشان يتعطر من عطره راشد دوم يضيج للأنه كل مايشتري عطر فالسبوع يخلص ولا يعرف ان سهيل هو اللي دوم يتعطربه للأن سهيل يوم يشوف راشد داخل الحمام راح يتعطر المهم يوم سمع سهيل التلفون طنشه وقف التلفون يدق راح سهيل يشوف منوه اللي داق حصل 16 مكالمه لم يرد عليها قال فالخاطره خيييبه منوه هذا اللي هالكثر يبا يكلم راشد وهو يالس يطالع الرقم دق التلفون مره ثانيه سهيل يقول اشله ولا لاء بعدين قال يمكن الريال يباه ضروري برد عليه وبشوفه شو يبا وبخبر راشد رد سهيل عالتلفون ... سهيل : هلااااا والله ........ : اهليييين سهيل هاااي بنت ليش داقه عالتلفون راشد سهيل : هلاا ختيه منوه بغيتي ........ ( مستغربه ) : انته منوه سهيل : انا منوه انتي منوه انتي اللي داقه بس شكلج مغلطه .......... : لا انا مب مغلطه هذا مب تلفون راشد سهيل ( مستغرب ) : هيييه تلفون راشد وانا اخو راشد العود !!!!؟؟؟.. ......... : عيل انا مامغلطه يس وين راشد من متى ادق مايرد لايكون فيه شي سهيل ( خلاص ألحين بيغص من الضيجه راشد يكلم بنات انا ارويك يصايع ) : شوفي انتي الثانيه تراها واصله حدي والله إذا رديت ادقي مره ثانيه بييج شي ماياج فالحياتج اتفهمين بعدين انتي ماتستحين تكلمين واحد ماتعرفينه ماتخافين على اهلج لو دروبج لاكن والله إذا رديتي ادقي مره ثانيه اهلج اكييييييد انهم بيدرون تفهمين و يلا سكري .. شو بيستوي بين راشد وسهيل ؟؟!!!!!! حمد بيستمرحبه لمزنه ولااااا...... ؟؟!! |
تسلميييييييين خيتوو ع الباااااااااارت ونترقب الباارت الياي |
الله يسلمج غلاي وتسلمين على المرور ^^ منوره .... |
| الساعة الآن 03:04 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir