عجييييييييييييييييييييييييييييييييييييييييبه القصه^^
نترياااا البااارت الياااي
يسلموو خيوو^^

مشكووور ياخويه على القصه الرووعه ..

ونتريا التكمله ..

تسلم ونتريـــــــــــازووووودمنـــــــــــــــــــــــك ـ

وين الباااااااااااااااااااااااااااااااااااااااااارت

البارت السادس


لما دققت فـ ملامحه اتأكدت انه سلطان انصدمت ماعرفت شو تسوي سلطان حدر وقفل الباب عقب انتبه على ساره الي مصطنه فـ مكانها وهو الثاني بعد انصدم وتم هب مصدق ان حياته فـ حجرته لا وبعد هب لابسه شيلتها وفاله شعرها يا ويل حالي كم بعيش انا ..
نزل سلطان راسه اونه عاد مايطالع بس الصراحه مارام يقاوم ورد يطالعها وجان ساره اتلم شعرها واتلحفه بالفوده

ساره بارتباك شديد : سلطان متى ييت ؟
سلطان وهو مستانس : قبل شوي .. شرايج بالمفاجأة ؟
ساره : حلوه
سلطان : شو اتسوين ف حجرتي
ساره : كنت اتسبح والله اني مادريت انك ياي
سلطان : يا ويل حالي .. حبيبتي وياي فـ الحجره ..
( وجان يتقرب منها )
ساره زاااغت اتحرت سلطان بيسوي شي .. وسلطان تم ناقع عليها من الظحك
سلطان وهو يتقرب منها زياده : ساروه والله احبج حسي فيه
ساره وهيه كل شوي خوفها يزداد اكثر وكل مايتقرب منها سلطان هيه تبتعد على ورى الي مالصقت باليدار وتمت تتسحب : سلطااان دخيلك خلني اسير بياكلون كيكتي
سلطان وهو رافع حياته : اي كيك ؟
ساره : انا مسويه كيك
سلطان : حلفي عيل اتريي ابا اكلها
ساره : عيل الحق عليها وجان اتبطل الباب وتشرد
وسارت حجره ميروه وتمت تتحرطم وخبرت ميروه كل الي صار وميره انصدمت لأنها ماكانت تدري ان سلطان بي اليوم وحرجت على حركة سلطان وقالت والله اني اادبه عقب ما اتعدلوا الهنتين نزلن تحت عسب يعدلن الكيك ويقطعونه ..
ميره : امييه سلطان متى يا ؟
ام احمد : فدييت روحه قبل شوي .. كان مسويلنا مفاجأه
ميره : اهاا .. انزين وين يدوو موزه وعمو شيخه ؟
سلطان : وصلهم بيت عمج محمد نحن بعد شوي بنسيرلهم بتون ؟
ساره : هيه .. ( جان تهمس فـ اذن ميره ) .. ميروه خلاص انا برد بيتنا
ميره : لاااااااااا .. حراااام تمي باقيلج يومين والله حرااااام
ساره : ميروه دخيلج خليني اسير انشالله المره اليايه برقد عندج
ميره تمت امحرجه : ساااروووه الله يخليييج تمي
ساره : اوكي بس اليوم ببات فـ بيتنا لأن باجر اليمعه والكل بي عندنا عييب مايصير ارقد فـ بيتكم
ميره : اوكي .. بس باجر بتباتين عنا
ساره : اوكي اوكي
عقب نزل سلطان
سلطان : انا يووعاااان ابا آكل .. ( وجان يتطالع ساره ) ماشي كيك ؟
هنيه ساره يتلها ظحكه بس نزلت راسها : لا الكيك خلص
ميره : وانت اشدرااك ان شي كيك ؟
سلطان توهق : هاااه .. لا بس لما ييت شميت ريحة الكيك
ميره : عفااان الله مب اخو جلب
سلطان : جلب الي ياخذج يالثوره
ميره : اوكي مابعطيك الكيك انزيين
سلطان : توه ساره تقول انه خلص
ميره : اتقص عليك
جان سلطان يصد صوب ساره : اتقصين عليه هااه
وساره تمت تظحك .. الن ماحرجت عليهم ام احمد : انتوا الهنتيين حراام عليكم لاتلعوزون ولدي عطوه كيك عسب ياكل
ساره + ميره : انشالله
استانس سلطان
جان ميره اتقدمله الكيك : هذا الي انا سويته وهذا الي ساروه سوته وصوت لأحلى كيك
جان سلطان ياخذ الي ساره امسوتنه كلاه عقب خذا الكيك الي ميره امسوتنه جان يقول : اممم بصراحه الي ساروه امسوتنه طررر
اهنييه ساره استانست وميره حرجت وحست انه بالعمد اختار كيكة ساروه عسب حبيبة القلب عقب حصه + احمد + حميد حدروا واتفاجؤا لما شافوا سلطان سلمو عليه ويلسوا يسولفون جان اتقدم لهم ميره الكيك وحصه واحمد صوتوا لميره وحميد صوت لساره وام احمد صوتت لساره .. يعني الحين 3 ضد 2 .. خخخخ
جان يحدر عبيد واول ماشاف سلطان على طول ركض صوبه وتم مستااانس وساره كانت اتطالع سلطان وعبيد اشقايل يحبون بعض عقب ميره عطت عبيد عسب يجرب جان يقلهم ولا واحد حلوو .. وتموا كلهم يظحكون يعني فـ النهايه الفايزه هيه ساره .. عقب حميد قالهم يتزهبون عسب يسيرون بيت محمد اخوه عند اليده موزه و شيخه


( موزه : هيه ام محمد وحميد ومريم وشيخه وهيه وايد حبوبه والكل يحبها ومشكلتها لسانها طويل ..

شيخه : هيه بنت موزه وهيه عمرها 27.. وهيه بيضه وعيونها سود وساع وهيه سافرت ويا امها موزه لأنه موزه كانت تعبانه فـ هي سارت مرافقه وياها وهيه استغلت الفرصه وكملت دراستها هناك وهيه هب معرسه )


فـ بيت بوراشد
كانت موزه يالسه ويا عوشه يسولفون وجان يحدر سيف انصدم لما شاف يدته
سيف : مرحبا مرحبا مرحبا .. وانا اقوول ليش بيتنا منور
اليده موزه : هههه .. مرحبتيين .. منور بوجودك .. شحالك سيفو ؟
سيف : يسرج حالي .. الا شحالج انتي وشو الصحه
موزه : الحمدالله ماشي الحال
سيف : الا وين عمو شيخه و سلطان ؟
موزه : شيخه سارت ترتاح فـ حجرة ساره وسلطان رد بيتهم فديته والله صدق انه ماقصر ولد حميد
سيف : لااازم لأنه طالع علييه
موزه : مااالت الحين اشخصه .. يلا تعال اقرب اقرب ايلس حذالي
جان يسير سيف ويلس حذالها
موزه : الا وين ساره وراشد ؟
عوشه : ساره كانت فـ بيت حميد راقده هناك 3 ايام
موزه : ويييديييه شو ماعندها بيت
سيف : هههههههه .. صدقج يدوه
موزه : وراشد وينه ؟
عوشه : ظاهر ويا عبيد ولد سالم و اختيه روضه
موزه : الله يحفظه
جان يحدر عليهم محمد
محمد : مرحبا بامييه موزه
موزه : مرحبتيين بولديه العود .. شحالك يالشيبه
محمد : ههههه .. الحمدالله يسرج حالي ومن صوبج ؟
موزه : الحمدالله

وتموا يسولفون الي ماسمعوا الجرس وجان ليني اتبطل الباب وكانوا الي ياين
( حميد وحرمته ، واحمد وحرمته وعبيد ، وساره وميره )

دخلوا وسلموا وتموا يتخبرون عن الحال عقب البنات يلسن عند اليده موزه وتمن يسولفن وياها
موزه : ها ساااروه اشوفج راقده فـ بيت عمج .. اشو ماعندج بيت
ساره : هههههه .. يدو ه هاي ميروه حاشرتني تعالي وتعالي
ميره : هههه .. شو اسوي يدوه والله احبها هيه بحسبه اختي
موزه : فديتكن يا احفادي
ميره وساره : فديت روحج
جان يسير عبيد صوب موزه وايتم يلعوزها
موزه : ايلس ياولد لاتخليني اظربك بـ عصاتي
ساره : ههههه .. يدوه اتعارفين منو هااه ؟
موزه : له منو هاه بعد ؟
ساره : هذا عبيد ولد حصه واحمد
موزه : حلفيي .. فديته ها الي كان بيبي ؟
ميره : ههههه .. هيه يدوه بس هو كبير الحين وعنده 3 سنوات
موزه : وفدييت روحه والله انه سار رياال
عبيد من سمع رمسه يدته موزه جان يعفد عليها : حلفيي يدوه انا سرت ريااال
موزه : ههههه .. ايلس يالشيطان كسرتني
عقب نزلت شيخه وسلمت عـ الكل وتمت يالسه اتسولف وياهم بعدين سارت صوب البنات وتمت اتسولف معاهم
عقب حدر عليهم راشد سلم ويلس وتموا كلهم متيمعين الا سلطان قال بيرقد عقب بيهم
محمد : اليوم الكل معزوم عندي عـ العشا .. محد يتحرك من مكانه
حميد : يارياال والله ماله داعي
محمد : يا حمييد خل امييه موزه تستانس هيه من زمان ماشافتنا
حميد : خلاص شورك وهداية الله
عقب اتصل فـ المطعم وسوا اوردير وقالهم ايبونه عـ الساعه 9 المسا

عقب عـ الساعه 6 حدر سلطان عليهم
سلطان :يا سلااام شو هالقعده الفنانه .. شحالكم عربنا ؟
موزه : اعوذ بالله من عينك قول مشالله ..
الكل : ههههههه .. الحمدالله تمام .. ومن صوبك ؟
سلطان : افاا يدوه الحين انا بحسدكم ؟ .. الحمدالله يسركم حالي .. ( وتم يدور بعيونه اليمن مالقى ساره كانت يالسه ويا ميره وشيخه جان يبتسملها وهيه ردتله الابتسامه )
عقب راشد سار صوب ساره
راشد : ساروه تعالي شوي ابا ارمسج
ساره : تامر امر يالغالي
ولحقته وساروا الصاله الي فوق